GABE JORO NI DEBATA
Ev. : 1 Korint 3 : 1 – 11 Ep. : 1 Musa 33 : 1 – 11
Ev. : 1 Korint 3 : 1 – 11 Ep. : 1 Musa 33 : 1 – 11
I. Patujolo
Hirahira taon 54 dung Kristus ditongos apostel Paulus ma surat on tu huria Korint. Jala mangihuthon pamaritahonon ni buku ulaon ni angka apostel na sinurat ni si Lukas (bindu 18), leleng ni 18 bulan apostel Paulus manaburhon boni ni
barita nauli di luat on. On ma pardalana na paduahon di ibana mamaritahon hata ni Debata. Udut tusi tarbarita do luat on kota na ribur, pelabuhan internasional jala parpunguan ni sandok halak na ro sian ganup luat, isarani : Spanyol, Italia, Perancis dohot angka bangso na ro tu luat on sada luat tontu godang do angka namasa di luat i, israni angka hagaoron, parsiguluton dohot angka na asing. Angka na uli na denggan pe tong ma jumpang disi. Ala ni i tung marsitutu do Apostel Paulus pasahathon hata ni Debata asa unang madabu angka jolma i tu ulaon na so hinalomohon ni Debata. II. Hatorangan Diturpuk on ditulak si Paulus do angka halak Kristen ujui naolo dipabolabola, nang suang songon i na pabadiahon angka apostel (bnd. 1 Kor. 1 : 12-13). Apostel Paulus ndang mamereng sasahalak sian horong manang aha pe nasida, alai holoan Kristus do na ingkon pamusatan ni sude angka na porsea. Di 1 Korint 3 : 23 Paulus mandok “Ai di Kristus do hamu”, ndada holan hatahata alai hasintongan do, huhut paboahon panghatindanghonon ni jolma, na loyal tu angka apostel, na mambahen nasida gabe marhoronghorong na asing hombar tu horong nasasing, alai ndada na ringkot i dibagasan pamatang n i Kristus. Ai ia angka apostel ima angka sisean ni Debata na mangalehon barita nauli asa lam tang marhaporseaon na umbegesa. Ia huria ima porlak ni Debata, napinatuduhon ay.6 on ima Apostel Paulus na manuan boni ni Hata ni Debata (lapatanna Apostel Paulus marjamita taringot tu Hata ni Debata tu huria i), jala si Apolos mangula laho marmahani jala pangajari ro laho pabornokhon boni ni Hata ni Debata na martumbur dibagasan parngoluon ni Huria di Korint. Tangkas do ditulak si Paulus molo dipatama hadirionna songon apostel. Alai sabalikna laho patuduhon donganna saulaon siApolos pasidohot do di ulaon pararathon Barita Nauli tu Huria Korint dibagasan huaso ni Debata. Paulus dohot Apolos rap apostel, jala rap manjalo ulaon sian Debata rup laho marmahani huria di Korint. Di Joh. 5 : 17 Jesus mandok : Na mangula do Damang rasirasa nuaeng; Ahu pe mangula do. Marhite i angka apostel mangihuthon na nidok ni Jesus laho mangula mambaritahon Barita Nauli i. Molo dongan sapangulaon ni Debata ima pangula na tama dibagasan HarajaonNa, Marsitutu do Apostel Paulus dohot Apolos di ulaonna. Ia Paulus dohot Apolos i ma ulaula ni Debata asa disi naeng patumpolhon di angka haputusan ndada sian malomalona, alai ala ni huaso ni Debata di ibana marhite parulaonna, na patauhon ibana laho pararathon hasintongan na palashon roha ni Debata. Ringgas do nasida di ulaon na pinasahat ni Debata tu nasida laho marbarita nauli tu angka na olo manjanghonsa. Marsada do angka apostel i dohot Kristus di angka ulaonna; marhite indada mambuat hasangapon Apostel Paulus, alai dipatutoru do dirina diadopan ni Debata. Ndada boi Apostel Paulus dohot Apolos laho marbarita nauli marhite gogona sambing, nang pe manuan manang manambornambori dos do i ringkotna, alai impolana sian sudena i ima Debata do na patubuhon. Sian i tangkas ma antong ia Debata do mual ni hangoluan i na mangula dibagasan panghobasion ni Apostel Paulus dohot Apolos marhitehite TondiNa. III. Sipahusorhusoron 1. Hasadaon dohot Kristus. Manang didiape hasadaon i mansai ringkot do. Marhite hasadaon do tau angka jolma patulushon sangkap nasida asa saut mardalan dohot denggan; nang di ruma tangga, masyarakat, bangso dohot negara nang diangka organisasi dohot punguan pe. Molo ndang adong hasadon marisuang do ulaonna. Laos suang songon i do tarlumobi di ulaon na pinasahat ni Jesus tu angka siseanna, ingkon rup do nasida marbarita nauli dibagasan hasadaon Luk 10 : 1; (Mat.18:20 Ai anggo pungu dua manang tolu pe marhitehite Goarhu, sai dongananku do nasida). Tapatuduhon ma hasdaon i nang di huria. Ia huria i ima pamatang ni Kristus (1 Korint 12 : 27 “Alai daging ni Kristus do hamu, jala ruas hamu sama hamu”). Jala hita do nanidokna daging ni Kristus i. 2. Pasidinghon Ginjang Ni Roha. Dibagasan hasadaon ni pamatang ni Kristus, ndang marlapatan jolma na manengahon dirina, ai doshon na mardosa do ia jolma i di adopan ni Debata, ndang adong na singkop holan Jesus i do na sintong jala na bonar.Sude do jolma pardosa dos diadopan ni Debata ndnag mardia imbar, na mora,na pogos nang na marpangkat nang na lea pe nang na sangap di portibi on dos do na mardosa, siala ni dibagasan huria i pe dos do diadopan ni Debata. NA rup do huria i marsomba tu Debata dibagasan panobusion ni Kristus Jesus. Ndada marlapatan na marginjang ni roha apalagi diulaon ni huria. Ndada na pasangaphon diri hita diulaon ni huria i alai laho pasangaphon Debata do. Ingkon martoruk ni roha do dibagasan haserepon laho marbarita nauli. 3. Mangasahon Gogo ni Debata dinasa ulaon. Holan Debata do na tuk marbasabasahon hagogoon laho manghatahon hasintongan tarlumobi laho pararathon Barita Nauli i. 1 Ptr. 4:11 Ia adong na marjamita, naeng ma songon angka pandohan ni Debata; ia adong na marhobas, naeng ma sian hagogoon na nilehon ni Debata, asa di saluhutna i marsangap Debata, marhitehite Jesus Kristus. Di Ibana ma hasangapon ro di salelenglelengna i! Amen 4. Gabe Joro ni Debata. Asa gabe joro ni Debata do hita saluhut dijou turpuk on, na tau gabe parmianan ni Debata rohanta nang tondinta. Ala ni i ndada holan hita namarnampunahon dirinta, alai Debata do na mamangke hita gabe ulaulana nang parhiteanna, (2 Korint 5 : 20), gabe singkat ni Kristus do hita di tongani portibi on. Molo gabe singkat ni Kristus dijou do laho pasadahon dibagasan dame nabinoan ni Kristus i di hita. Gabe joroni Debata ma hita na gok dame dohot las ni roha. Amen.
Hirahira taon 54 dung Kristus ditongos apostel Paulus ma surat on tu huria Korint. Jala mangihuthon pamaritahonon ni buku ulaon ni angka apostel na sinurat ni si Lukas (bindu 18), leleng ni 18 bulan apostel Paulus manaburhon boni ni
barita nauli di luat on. On ma pardalana na paduahon di ibana mamaritahon hata ni Debata. Udut tusi tarbarita do luat on kota na ribur, pelabuhan internasional jala parpunguan ni sandok halak na ro sian ganup luat, isarani : Spanyol, Italia, Perancis dohot angka bangso na ro tu luat on sada luat tontu godang do angka namasa di luat i, israni angka hagaoron, parsiguluton dohot angka na asing. Angka na uli na denggan pe tong ma jumpang disi. Ala ni i tung marsitutu do Apostel Paulus pasahathon hata ni Debata asa unang madabu angka jolma i tu ulaon na so hinalomohon ni Debata. II. Hatorangan Diturpuk on ditulak si Paulus do angka halak Kristen ujui naolo dipabolabola, nang suang songon i na pabadiahon angka apostel (bnd. 1 Kor. 1 : 12-13). Apostel Paulus ndang mamereng sasahalak sian horong manang aha pe nasida, alai holoan Kristus do na ingkon pamusatan ni sude angka na porsea. Di 1 Korint 3 : 23 Paulus mandok “Ai di Kristus do hamu”, ndada holan hatahata alai hasintongan do, huhut paboahon panghatindanghonon ni jolma, na loyal tu angka apostel, na mambahen nasida gabe marhoronghorong na asing hombar tu horong nasasing, alai ndada na ringkot i dibagasan pamatang n i Kristus. Ai ia angka apostel ima angka sisean ni Debata na mangalehon barita nauli asa lam tang marhaporseaon na umbegesa. Ia huria ima porlak ni Debata, napinatuduhon ay.6 on ima Apostel Paulus na manuan boni ni Hata ni Debata (lapatanna Apostel Paulus marjamita taringot tu Hata ni Debata tu huria i), jala si Apolos mangula laho marmahani jala pangajari ro laho pabornokhon boni ni Hata ni Debata na martumbur dibagasan parngoluon ni Huria di Korint. Tangkas do ditulak si Paulus molo dipatama hadirionna songon apostel. Alai sabalikna laho patuduhon donganna saulaon siApolos pasidohot do di ulaon pararathon Barita Nauli tu Huria Korint dibagasan huaso ni Debata. Paulus dohot Apolos rap apostel, jala rap manjalo ulaon sian Debata rup laho marmahani huria di Korint. Di Joh. 5 : 17 Jesus mandok : Na mangula do Damang rasirasa nuaeng; Ahu pe mangula do. Marhite i angka apostel mangihuthon na nidok ni Jesus laho mangula mambaritahon Barita Nauli i. Molo dongan sapangulaon ni Debata ima pangula na tama dibagasan HarajaonNa, Marsitutu do Apostel Paulus dohot Apolos di ulaonna. Ia Paulus dohot Apolos i ma ulaula ni Debata asa disi naeng patumpolhon di angka haputusan ndada sian malomalona, alai ala ni huaso ni Debata di ibana marhite parulaonna, na patauhon ibana laho pararathon hasintongan na palashon roha ni Debata. Ringgas do nasida di ulaon na pinasahat ni Debata tu nasida laho marbarita nauli tu angka na olo manjanghonsa. Marsada do angka apostel i dohot Kristus di angka ulaonna; marhite indada mambuat hasangapon Apostel Paulus, alai dipatutoru do dirina diadopan ni Debata. Ndada boi Apostel Paulus dohot Apolos laho marbarita nauli marhite gogona sambing, nang pe manuan manang manambornambori dos do i ringkotna, alai impolana sian sudena i ima Debata do na patubuhon. Sian i tangkas ma antong ia Debata do mual ni hangoluan i na mangula dibagasan panghobasion ni Apostel Paulus dohot Apolos marhitehite TondiNa. III. Sipahusorhusoron 1. Hasadaon dohot Kristus. Manang didiape hasadaon i mansai ringkot do. Marhite hasadaon do tau angka jolma patulushon sangkap nasida asa saut mardalan dohot denggan; nang di ruma tangga, masyarakat, bangso dohot negara nang diangka organisasi dohot punguan pe. Molo ndang adong hasadon marisuang do ulaonna. Laos suang songon i do tarlumobi di ulaon na pinasahat ni Jesus tu angka siseanna, ingkon rup do nasida marbarita nauli dibagasan hasadaon Luk 10 : 1; (Mat.18:20 Ai anggo pungu dua manang tolu pe marhitehite Goarhu, sai dongananku do nasida). Tapatuduhon ma hasdaon i nang di huria. Ia huria i ima pamatang ni Kristus (1 Korint 12 : 27 “Alai daging ni Kristus do hamu, jala ruas hamu sama hamu”). Jala hita do nanidokna daging ni Kristus i. 2. Pasidinghon Ginjang Ni Roha. Dibagasan hasadaon ni pamatang ni Kristus, ndang marlapatan jolma na manengahon dirina, ai doshon na mardosa do ia jolma i di adopan ni Debata, ndang adong na singkop holan Jesus i do na sintong jala na bonar.Sude do jolma pardosa dos diadopan ni Debata ndnag mardia imbar, na mora,na pogos nang na marpangkat nang na lea pe nang na sangap di portibi on dos do na mardosa, siala ni dibagasan huria i pe dos do diadopan ni Debata. NA rup do huria i marsomba tu Debata dibagasan panobusion ni Kristus Jesus. Ndada marlapatan na marginjang ni roha apalagi diulaon ni huria. Ndada na pasangaphon diri hita diulaon ni huria i alai laho pasangaphon Debata do. Ingkon martoruk ni roha do dibagasan haserepon laho marbarita nauli. 3. Mangasahon Gogo ni Debata dinasa ulaon. Holan Debata do na tuk marbasabasahon hagogoon laho manghatahon hasintongan tarlumobi laho pararathon Barita Nauli i. 1 Ptr. 4:11 Ia adong na marjamita, naeng ma songon angka pandohan ni Debata; ia adong na marhobas, naeng ma sian hagogoon na nilehon ni Debata, asa di saluhutna i marsangap Debata, marhitehite Jesus Kristus. Di Ibana ma hasangapon ro di salelenglelengna i! Amen 4. Gabe Joro ni Debata. Asa gabe joro ni Debata do hita saluhut dijou turpuk on, na tau gabe parmianan ni Debata rohanta nang tondinta. Ala ni i ndada holan hita namarnampunahon dirinta, alai Debata do na mamangke hita gabe ulaulana nang parhiteanna, (2 Korint 5 : 20), gabe singkat ni Kristus do hita di tongani portibi on. Molo gabe singkat ni Kristus dijou do laho pasadahon dibagasan dame nabinoan ni Kristus i di hita. Gabe joroni Debata ma hita na gok dame dohot las ni roha. Amen.
