Ev. : Rom 12: 1-3 Ep. : Josua 24 : 14-24
MARROHA SONGON KRISTUS
MARROHA SONGON KRISTUS
1. Patujolo
Andorang tahun 49 sM nunga adong halak Kristen di Rom na marharoroan sian Jahudi, dohot halak Kristen na sian Rom sandiri, alai gumodangan do halak Kristen na so sian Jahudi (sian Roma). I
a huria na di Rom i ma na pinajongjong marhite angka halak Jahudi na diaspora (tersebar) dohot marhite angka na pinalua na halak Jahudi na tarhurung (Hata Gorik; libertini: pembebasan) Ul.Ap.2:10; 6:9. Ia surat on na sinurathon ni Ap.Paulus di Korint (15:32) dipardalananna na parpudi patoluhon (15:25) andorang so sahat ibana tu Spanyol. Sangkap Ap.Paulus laho patangkashon, hasadaon ni halak Jahudi dohot halak na so Jahudi dibagasan hasintongan ni haporseaon marhitehite Jesus Kristus. Andorang so haroro ni Kristus, na dua horong onding do. Ia bangso Yahudi i ma bangso na pinillit ni Debata marhite patik dohot sunat. Alai dibagasan hagogok ni Kristus dipasada ma, jala ndang adong be parbolatbolatan. Nuaeng halak Jahudi dohot na so Jahudi rup dibagasan bangso ni Debata marhite pandidion. Marhite Ap.Paulus , hasadaon i boi masa do dibagasan hasasaor ni Barita Na Uli i ditongatonga halak jahudi nang halak sileban. Tarjou do Ap. Paulus laho pasauthon ulaon marbarita nauli, tarlumobi ma ditongatonga ni halak bangso sileban. Angka halak Kristen ditingki i nunga manjalo Barita Nauli, alai pigapiga halak sian tongatonga nasida (kaum Yudais) ndang olo manjalo barita na pinasahat Ap.Paulus , i ma Barita Na Uli na mansoadahon eksklusifitas Israel songon bangso ni Debata. Taringot tusi, di dok haporseaon nasida; ia haroro ni Kristus dohot parulaonna ndang na laho paubahon hajongjongan ni bangso Israel songon bangso na pinillit ni Debata na eksklusif dohot na mandok ia haroroni Kristus ndada laho mansoadahon hasomalan ni halak na porsea laho maniop dohot na mangulahon sude patik ni Debata. Siala ni i ingkon do tongtong angka halak sileban na gabe siihuthon Kristus dohot masuk gabe halak Jahudi hot laho padalanhon parsunaton dohot patik ni Debata. Alai naeng patangkason ni Ap. Paulus do marhite suratna pangajarion taringot tu (Hata Gorik; dikaios: sintong/adil) dohot (ht.Gorik dikaiosyne : Hasintongan/keadilan. Siala dibagasan panatapan ni Ap.Paulus tu huria i, nunga godang na marlaok haporseaonna (3:9-20), ai ndang adong be na tingkos dohot sintong parulaon nang pangalaho halak Kristen uju i. Hasintongan manang keadilan ndang na boi dapotonta marhite hasomalan dohot parulaon alai ingkon marhite (ht.Goril; Pistis: iman=setia) haporseaon do. Ianggo angka patik ndang na boi paluahon jolma sian hadosaon. Gal. 3:24 “Asa gabe songon siparorot do patik i, mamboan hita tu Kristus, asa sian haporseaon do hita dipintori”. Holan dibagasan Kristus do hita boi malua sian dosa. Siala maol do siat hata ni Debata tu bangso Israel, bangso na tangkang i, i do umbahen jumotjotan holan na tarbuang dohot na tartaban bangso i, alai ndang na mansohot asi ni roha ni Debata disi, alai naeng ma marhite na tartaban bangsoNa i, asa taripar haluaon nang tu angka bangso na asing. On ma tanda haluaon na pinatupa Debata i ndada haluaon na eksklusif, alai tu saluhut bangso do na ingkon dohot taruli. I do umbahen na hinatindanghon Ap.Paulus “Bagasna i, antong, hamoraon, hapistaran dohot parbinotoan ni Debata! Na so hasigatan do angka uhumNa jala na so habogasan do angka dalanNa!” (11: 33).
2. Hatorangan
a) Ay.1. I do umbahen di apoi (parakalein) Ap.Paulus huria i songon sada tanggungjawabna pasahathon hasintongan marhitehite Hata ni Debata. Asa naeng ma sintong asi ni roha ni Debata dibagasan parngoluan nasida ganup, jala didok ma tu nasida: “Pasahat hamu ma dagingmuna bahen pelean na mangolu....”(12:1). Asa ndang holan pelean hasomalan na pinasahat tu bagas joro ni Debata, alai dohot ma daging nasida. Ndada na marlapatan asa diusehon mudar ni halak na porsea sahat tu na mate laos dipelehon tu Debata (songon na somal diulahon angka sipelebegu). Jala ndang na mandok laho pasiaksiak dagingna asa lam badia (10:6-8). Alai na aneng dohonon ni Ap.Paulus, i ma asa saluhut pingkiran, panghataion dohot parulaonna, jala sude di angka haboionna ingkon dipelehon tu Debata. Mansai bagas do nahinangham ni pandohan on, asa ndada holan peleanta i na ringkot di Tuhan alai ingkon ma dohot tarlumobi ngolunta sandiri. I do umbahen di dok “....pelean na mangolu...”. Mangolu dibagasan ngolu na imbaru, na pinahehe ni Tondi Parbadia(6:4; 8:11). Angka na porsea mangolu di Debata, jala mate di dosa (6:11). Ala ni i pelean na mangolu, i ma pasahathon diri laho mandalani ngolu na imbaru, na magigi mida dosa dohot na padaohon diri sian tahitahi ni sibolis. Pelean i ingkon do badia (hata Gorik: hagios/hagiasmos; kekudusan). Siala Debata na badia jala na songkal, ingkon ma badia dagingta on tapasahat. Jala ndang na holan dirinta sandiri na marnampunahon dagingta on alai Debata do, ala ni na tama ma pangalahonta dibagasan Ibana. Jesus Kristus dipelehon do diriNa tu adopan ni Debata laos songon i ma nahinirim sian angka na porsea asa hajolmaon na buruk i pinarsilangkon do i rap dohot Kristus (6:6). Saleleng ngoluNa ndang olo Jesus marlaok tu hadosaon, naeng ma angka siihuthon Jesus mangulahon sisongon i. Alai ndada na boi hita doshon Kristus, ai holan marhite pandonganion ni Kristus do asa boi hita badia. Angka jolma na pinintoran ni Debata, i ma angka na pinaimbaru dibagasan panghohopon ni Jesus Kristus. Asa halomoan ni Debata hita (1 Ptr.2:5). Hadaulaton (ibadah) na marroha (sejati), na marhahonaan tu hasomalan ni bangso ni Debata laho marsomba dibagas joro ni Debata asa dipangido sian na porsea: ingkon do marhite haunduhon dohot pangoloionna tu Debata. Songon haunduhon dohot pangoloion ni Kristus tu Ama i.
b) Ay. 2. Molo nunga dipelehon angka na porsea dagingna tu Debata, ndang oloanna be angka hisaphisap ni portibi dohot habisuhonna, ingkon padaohonnonna do dirina sian angka dosa, ndang olo sarombang dohot portibi. Dijouhon Ap.Paulus do ruas ni huria di Rom asa muba rohana. Siala adong do sian tongatonga ni ruas i na manghalomohon hagiotna sambing jala na so olo unduk tu Hata nang patik ni Debata. Ndang na marlapatan na boi ma jolma i ias sian dosa. Ianggo dosa i tongtong do gabe realitas ni ngolu on. Siala portibi on gok huaso hagolapon dohot sibolis. Ndada mandok asa beraskese (bertapa/mengasingkan diri secara jasmani) angka na porsea i, alai asa gabe imbaru dung muba pingkiranna. Ia pingkiran do na gabe pusat ni angka sangkap nang pangalaho ni jolma huhut laho manontuhon angka nanaeng siulahononna (Poda 4:23). Naeng ma ringkot pinaimbaru pingkiranta marhite pangurupion ni Tondi Parbadia (7:6; 8:4). Asa marhite pangurupion ni Tondi i do hita tau dia do nahinalomohon ni roha ni Debata dibagasan ngolunta (8:26-27; Kol.1:9-10; ). Unang ma tasamahon/tasesuaihon (atas usahanta sendiri) ngolunta dohot portibi on. Alai dipangido sian hita ‘gabe imbaru’ (hata Gorik ‘metamorphouste’= perubahan bentuk). Berubah ma bentuk ni ngolunta mangihuthon hamumuba ni pingkiranta, asa boi tapahombar tu lomo ni roha ni Debata. Marningot di hasiangan on lam tamba do angka hamajuon tehknologi, parbinotoan. Molo so manat hita mamutihi na denggan dibagasan ngolunta sai olo ma madabu tubagasan hadosaon. Ingkon malo ma hita mamillit na denggan tu masa depan ni ngolunta na marguna laho pasauthon na denggan ditonga ni portibi on, i ma na sinangkap ni roha ni Debata. Unang ma dipangasahon hagogoon, hamaloonna sambing, alai dipangido ma habisuhon na sian Debata. Asa molo tau hita dia do lomo ni roha ni Debata; disi ma hita boi patuduhon pangoloionta diadopanNa laos dapotan hangoluan na salelenglelengna ma hita (Mark.3:35; 1Tes.2:12; 1 Joh.2:17).
c) Ay.3. Dipaingot Ap.Paulus asa ganup sian ruas ni huria Rom unang mangarajumi dirina lobi sian na patut. Joujou on marsangkap asa dapot keharmonisan di ngolu ni huria Rom; i ma sada huria na ruasna marharoroan sian halak Rom sandiri dohot sian halak Kristen Jahudi. Ganup angka ruas ni huria manjalo silehonlehon marguru tu ragam ni asi ni roha na tinurpukonNa tu hita (12:6), haapostelonna i ima silehonlehon na sian Debata do i. Asa saluhut ruas ni huria patuduhon serep ni rohana maradophon dongan jolma nang maradophon Debata. Padaohon dirina sian pangalaho ginjang ni roha na boi patubu spekulasi, na mansai maol niantusan, gabe ndang tarjalo utokutok ni jolma. Alai na naeng dohonon Ap.Paulus dison, paboa suhatsuhat haporseaon do sitioponta na gabe suhatsuhat ni pangalahonta. Ai marasingasing be do suhatsuhat ni haporseaon marsasahalak di tonga ni huria i. Asa marhite haporseaon ma dipangke suhatsuhatna laho: marpingkir, manghatai, dohot mananda dongan jolma. Siala molo dipangke halak Kristen do hamaloon dohot habisuhonna laho mananda angka donganna tontu masa ma na so ni halomohon ni roha (2 Kor.10:12), tubu ma ginjang ni roha dohot na manengahon dirina, laos gabe so tarida holong i. Ihutni i molo suhatsuhat moral do pangkeonta, olo ma adong na tumimbo moralna, gabe patubu ginjang ni roha di na bersangkutan (patudos tu umpama taringot tu Parise dohot sijalo beo). Marpangalaho mangihuthon suhatsuhat haporseaon marlapatan do i, mangolu jala marurat dibagasan asi dohot holong ni roha ni Debata na paluahon hita pardosa. Asa marhite Holong ni Debata dibagasan Jesus Kristus i ma suhatsuhat na patauhon angka na porsea marunduk dohot marserep ni roha, laos tarjou marhite suhatsuhat haporseaon i laho manghaholongi dongan jolma marhite pangalahona. Saurdot do panjouon on dohot patik raya na paduahon i, i ma: “Haholongi ma donganmu doshon dirim” (Mat.22:39). Ala ni i halak na porsea tu haluaon: Patut marpangalaho hombar tu lomo ni roha ni Debata silehon haluaon i. Gabe ndang dapot be ginjang ni roha, alai ngolu na imbaru na ma.
3. Sipahusorhusoron
i. Di hita saluhut angka na porsea, ringkot do ganup nuaeng on merenunghon lapatan ni na mamelehon daging dohot na paimbaruhon roha, ala marhahonaan tu hajolmaon na singkop do i. Asa sandok hadirion dohot panggulmiton ni ngolunta tau pujipujian tu Tuhanta. Asa gabe lomo ni roha ni Debata na gabe sipatujoloonta, jala na gabe suhatsuhat ni pardalanan ni ngolunta.
ii. Tu ganup hita ruas nang angka na porsea, ris be do sahat sileholehon na marragam sian Debata, asa marhite i ma tapangke laho manghobasi angka na pinalumehonNa tu hita. Asa na boi pangkeonta i holan marhite na mangasahon gogo dohot bisuk na sian Tondi Porbadia do. Ala ni i unang ma adong manang ise na mangasahon habisuhonna. “Songon parrohaon ni Kristus Jesus ma parrohaonmuna” (Plp.2:5) Asa dipatau hita laho mamparrohahon angka dongan jolma sian pangalahonta na tama dibagasan holong ni Debata. (1 Ptr.3:8). Amen .
Andorang tahun 49 sM nunga adong halak Kristen di Rom na marharoroan sian Jahudi, dohot halak Kristen na sian Rom sandiri, alai gumodangan do halak Kristen na so sian Jahudi (sian Roma). I
a huria na di Rom i ma na pinajongjong marhite angka halak Jahudi na diaspora (tersebar) dohot marhite angka na pinalua na halak Jahudi na tarhurung (Hata Gorik; libertini: pembebasan) Ul.Ap.2:10; 6:9. Ia surat on na sinurathon ni Ap.Paulus di Korint (15:32) dipardalananna na parpudi patoluhon (15:25) andorang so sahat ibana tu Spanyol. Sangkap Ap.Paulus laho patangkashon, hasadaon ni halak Jahudi dohot halak na so Jahudi dibagasan hasintongan ni haporseaon marhitehite Jesus Kristus. Andorang so haroro ni Kristus, na dua horong onding do. Ia bangso Yahudi i ma bangso na pinillit ni Debata marhite patik dohot sunat. Alai dibagasan hagogok ni Kristus dipasada ma, jala ndang adong be parbolatbolatan. Nuaeng halak Jahudi dohot na so Jahudi rup dibagasan bangso ni Debata marhite pandidion. Marhite Ap.Paulus , hasadaon i boi masa do dibagasan hasasaor ni Barita Na Uli i ditongatonga halak jahudi nang halak sileban. Tarjou do Ap. Paulus laho pasauthon ulaon marbarita nauli, tarlumobi ma ditongatonga ni halak bangso sileban. Angka halak Kristen ditingki i nunga manjalo Barita Nauli, alai pigapiga halak sian tongatonga nasida (kaum Yudais) ndang olo manjalo barita na pinasahat Ap.Paulus , i ma Barita Na Uli na mansoadahon eksklusifitas Israel songon bangso ni Debata. Taringot tusi, di dok haporseaon nasida; ia haroro ni Kristus dohot parulaonna ndang na laho paubahon hajongjongan ni bangso Israel songon bangso na pinillit ni Debata na eksklusif dohot na mandok ia haroroni Kristus ndada laho mansoadahon hasomalan ni halak na porsea laho maniop dohot na mangulahon sude patik ni Debata. Siala ni i ingkon do tongtong angka halak sileban na gabe siihuthon Kristus dohot masuk gabe halak Jahudi hot laho padalanhon parsunaton dohot patik ni Debata. Alai naeng patangkason ni Ap. Paulus do marhite suratna pangajarion taringot tu (Hata Gorik; dikaios: sintong/adil) dohot (ht.Gorik dikaiosyne : Hasintongan/keadilan. Siala dibagasan panatapan ni Ap.Paulus tu huria i, nunga godang na marlaok haporseaonna (3:9-20), ai ndang adong be na tingkos dohot sintong parulaon nang pangalaho halak Kristen uju i. Hasintongan manang keadilan ndang na boi dapotonta marhite hasomalan dohot parulaon alai ingkon marhite (ht.Goril; Pistis: iman=setia) haporseaon do. Ianggo angka patik ndang na boi paluahon jolma sian hadosaon. Gal. 3:24 “Asa gabe songon siparorot do patik i, mamboan hita tu Kristus, asa sian haporseaon do hita dipintori”. Holan dibagasan Kristus do hita boi malua sian dosa. Siala maol do siat hata ni Debata tu bangso Israel, bangso na tangkang i, i do umbahen jumotjotan holan na tarbuang dohot na tartaban bangso i, alai ndang na mansohot asi ni roha ni Debata disi, alai naeng ma marhite na tartaban bangsoNa i, asa taripar haluaon nang tu angka bangso na asing. On ma tanda haluaon na pinatupa Debata i ndada haluaon na eksklusif, alai tu saluhut bangso do na ingkon dohot taruli. I do umbahen na hinatindanghon Ap.Paulus “Bagasna i, antong, hamoraon, hapistaran dohot parbinotoan ni Debata! Na so hasigatan do angka uhumNa jala na so habogasan do angka dalanNa!” (11: 33).2. Hatorangan
a) Ay.1. I do umbahen di apoi (parakalein) Ap.Paulus huria i songon sada tanggungjawabna pasahathon hasintongan marhitehite Hata ni Debata. Asa naeng ma sintong asi ni roha ni Debata dibagasan parngoluan nasida ganup, jala didok ma tu nasida: “Pasahat hamu ma dagingmuna bahen pelean na mangolu....”(12:1). Asa ndang holan pelean hasomalan na pinasahat tu bagas joro ni Debata, alai dohot ma daging nasida. Ndada na marlapatan asa diusehon mudar ni halak na porsea sahat tu na mate laos dipelehon tu Debata (songon na somal diulahon angka sipelebegu). Jala ndang na mandok laho pasiaksiak dagingna asa lam badia (10:6-8). Alai na aneng dohonon ni Ap.Paulus, i ma asa saluhut pingkiran, panghataion dohot parulaonna, jala sude di angka haboionna ingkon dipelehon tu Debata. Mansai bagas do nahinangham ni pandohan on, asa ndada holan peleanta i na ringkot di Tuhan alai ingkon ma dohot tarlumobi ngolunta sandiri. I do umbahen di dok “....pelean na mangolu...”. Mangolu dibagasan ngolu na imbaru, na pinahehe ni Tondi Parbadia(6:4; 8:11). Angka na porsea mangolu di Debata, jala mate di dosa (6:11). Ala ni i pelean na mangolu, i ma pasahathon diri laho mandalani ngolu na imbaru, na magigi mida dosa dohot na padaohon diri sian tahitahi ni sibolis. Pelean i ingkon do badia (hata Gorik: hagios/hagiasmos; kekudusan). Siala Debata na badia jala na songkal, ingkon ma badia dagingta on tapasahat. Jala ndang na holan dirinta sandiri na marnampunahon dagingta on alai Debata do, ala ni na tama ma pangalahonta dibagasan Ibana. Jesus Kristus dipelehon do diriNa tu adopan ni Debata laos songon i ma nahinirim sian angka na porsea asa hajolmaon na buruk i pinarsilangkon do i rap dohot Kristus (6:6). Saleleng ngoluNa ndang olo Jesus marlaok tu hadosaon, naeng ma angka siihuthon Jesus mangulahon sisongon i. Alai ndada na boi hita doshon Kristus, ai holan marhite pandonganion ni Kristus do asa boi hita badia. Angka jolma na pinintoran ni Debata, i ma angka na pinaimbaru dibagasan panghohopon ni Jesus Kristus. Asa halomoan ni Debata hita (1 Ptr.2:5). Hadaulaton (ibadah) na marroha (sejati), na marhahonaan tu hasomalan ni bangso ni Debata laho marsomba dibagas joro ni Debata asa dipangido sian na porsea: ingkon do marhite haunduhon dohot pangoloionna tu Debata. Songon haunduhon dohot pangoloion ni Kristus tu Ama i.
b) Ay. 2. Molo nunga dipelehon angka na porsea dagingna tu Debata, ndang oloanna be angka hisaphisap ni portibi dohot habisuhonna, ingkon padaohonnonna do dirina sian angka dosa, ndang olo sarombang dohot portibi. Dijouhon Ap.Paulus do ruas ni huria di Rom asa muba rohana. Siala adong do sian tongatonga ni ruas i na manghalomohon hagiotna sambing jala na so olo unduk tu Hata nang patik ni Debata. Ndang na marlapatan na boi ma jolma i ias sian dosa. Ianggo dosa i tongtong do gabe realitas ni ngolu on. Siala portibi on gok huaso hagolapon dohot sibolis. Ndada mandok asa beraskese (bertapa/mengasingkan diri secara jasmani) angka na porsea i, alai asa gabe imbaru dung muba pingkiranna. Ia pingkiran do na gabe pusat ni angka sangkap nang pangalaho ni jolma huhut laho manontuhon angka nanaeng siulahononna (Poda 4:23). Naeng ma ringkot pinaimbaru pingkiranta marhite pangurupion ni Tondi Parbadia (7:6; 8:4). Asa marhite pangurupion ni Tondi i do hita tau dia do nahinalomohon ni roha ni Debata dibagasan ngolunta (8:26-27; Kol.1:9-10; ). Unang ma tasamahon/tasesuaihon (atas usahanta sendiri) ngolunta dohot portibi on. Alai dipangido sian hita ‘gabe imbaru’ (hata Gorik ‘metamorphouste’= perubahan bentuk). Berubah ma bentuk ni ngolunta mangihuthon hamumuba ni pingkiranta, asa boi tapahombar tu lomo ni roha ni Debata. Marningot di hasiangan on lam tamba do angka hamajuon tehknologi, parbinotoan. Molo so manat hita mamutihi na denggan dibagasan ngolunta sai olo ma madabu tubagasan hadosaon. Ingkon malo ma hita mamillit na denggan tu masa depan ni ngolunta na marguna laho pasauthon na denggan ditonga ni portibi on, i ma na sinangkap ni roha ni Debata. Unang ma dipangasahon hagogoon, hamaloonna sambing, alai dipangido ma habisuhon na sian Debata. Asa molo tau hita dia do lomo ni roha ni Debata; disi ma hita boi patuduhon pangoloionta diadopanNa laos dapotan hangoluan na salelenglelengna ma hita (Mark.3:35; 1Tes.2:12; 1 Joh.2:17).
c) Ay.3. Dipaingot Ap.Paulus asa ganup sian ruas ni huria Rom unang mangarajumi dirina lobi sian na patut. Joujou on marsangkap asa dapot keharmonisan di ngolu ni huria Rom; i ma sada huria na ruasna marharoroan sian halak Rom sandiri dohot sian halak Kristen Jahudi. Ganup angka ruas ni huria manjalo silehonlehon marguru tu ragam ni asi ni roha na tinurpukonNa tu hita (12:6), haapostelonna i ima silehonlehon na sian Debata do i. Asa saluhut ruas ni huria patuduhon serep ni rohana maradophon dongan jolma nang maradophon Debata. Padaohon dirina sian pangalaho ginjang ni roha na boi patubu spekulasi, na mansai maol niantusan, gabe ndang tarjalo utokutok ni jolma. Alai na naeng dohonon Ap.Paulus dison, paboa suhatsuhat haporseaon do sitioponta na gabe suhatsuhat ni pangalahonta. Ai marasingasing be do suhatsuhat ni haporseaon marsasahalak di tonga ni huria i. Asa marhite haporseaon ma dipangke suhatsuhatna laho: marpingkir, manghatai, dohot mananda dongan jolma. Siala molo dipangke halak Kristen do hamaloon dohot habisuhonna laho mananda angka donganna tontu masa ma na so ni halomohon ni roha (2 Kor.10:12), tubu ma ginjang ni roha dohot na manengahon dirina, laos gabe so tarida holong i. Ihutni i molo suhatsuhat moral do pangkeonta, olo ma adong na tumimbo moralna, gabe patubu ginjang ni roha di na bersangkutan (patudos tu umpama taringot tu Parise dohot sijalo beo). Marpangalaho mangihuthon suhatsuhat haporseaon marlapatan do i, mangolu jala marurat dibagasan asi dohot holong ni roha ni Debata na paluahon hita pardosa. Asa marhite Holong ni Debata dibagasan Jesus Kristus i ma suhatsuhat na patauhon angka na porsea marunduk dohot marserep ni roha, laos tarjou marhite suhatsuhat haporseaon i laho manghaholongi dongan jolma marhite pangalahona. Saurdot do panjouon on dohot patik raya na paduahon i, i ma: “Haholongi ma donganmu doshon dirim” (Mat.22:39). Ala ni i halak na porsea tu haluaon: Patut marpangalaho hombar tu lomo ni roha ni Debata silehon haluaon i. Gabe ndang dapot be ginjang ni roha, alai ngolu na imbaru na ma.
3. Sipahusorhusoron
i. Di hita saluhut angka na porsea, ringkot do ganup nuaeng on merenunghon lapatan ni na mamelehon daging dohot na paimbaruhon roha, ala marhahonaan tu hajolmaon na singkop do i. Asa sandok hadirion dohot panggulmiton ni ngolunta tau pujipujian tu Tuhanta. Asa gabe lomo ni roha ni Debata na gabe sipatujoloonta, jala na gabe suhatsuhat ni pardalanan ni ngolunta.
ii. Tu ganup hita ruas nang angka na porsea, ris be do sahat sileholehon na marragam sian Debata, asa marhite i ma tapangke laho manghobasi angka na pinalumehonNa tu hita. Asa na boi pangkeonta i holan marhite na mangasahon gogo dohot bisuk na sian Tondi Porbadia do. Ala ni i unang ma adong manang ise na mangasahon habisuhonna. “Songon parrohaon ni Kristus Jesus ma parrohaonmuna” (Plp.2:5) Asa dipatau hita laho mamparrohahon angka dongan jolma sian pangalahonta na tama dibagasan holong ni Debata. (1 Ptr.3:8). Amen .
Tidak ada komentar:
Posting Komentar