Rimpas Jala Hobas Tu Nasa Ulaon Na Denggan
(Diperlengkapi Untuk Setiap Perbuatan Baik)
Psalmen 84: 1 – 7
1)
Huria
ni Tuhanta, Ulina i turpuk jamita minggu on mangarahon rohanta asa songon
parpsalmen on. On ma patuduhon sihol n iroha laho pajumpang dohot Debata, naeng
ro tub agas joro ni Debata. Ndada holan ro boti songon rutinitas rot u parmingguon.
Ndang! Alai naeng solhot situtu, ingin bergaul karib dengan Tuhan do. On ma
ende ni pinompar ni si Korah naung dipabangkit gabe sijaga pintu nib agas joro
i. Tangkas do diboto parpsalmen on, paboa kebahagiaan ndada di ruhut parduru,
alai di ruhut partondion do. Ai ganup ari do nian nasida manghobasi ulaon ni
Debata di bagasjoro i. Alai ndang cukup holan i. Ianggo apala na membahagiakan
ima hasolhoton tu Debata do. Sada sosososo do i nang tu hita angka na somal m
arhalado manang beraktivitas di gareja. Mansai uli do i, alai andul ummuli dope
molo tatiru parpsalmen on, na sai masihol solhot tu Debata. Unang ma adong
manghiala, molo dung jotjot tu gareja naung solhot tu Debata. Molo jotjot hita
di gareja, naeng ma i lam pasiholhon rohanta sai solhot tu Debata. Mansai uli
molo tasorohon hohom di jol oni langgatan i manghatahatai dohot Debata
2)
Boasa
songon sihol ni psalmen i solhot tu Debata ? Ima ala tangkas do diboto ibana,
na mansai masihol do nang Debatanta laho pajumpang dohot hita. Taida do i sian
ayat 4, na mandok: Gariada amporik dohot leangleang pe dipaloas do maringanan
bahkan marjabu di bagasjoroNa i, nang pe mamboan kotoran do i jala rebut mengganggu
ibadah diri. Asal ma ro hita dengan motivasi na sintong, songon nanidokna di
ayat 3 i. Songon i ma di roha ni Jahowa, sai songon si Maria i hita nian, na
sai olo hundulhundul manghatahatai dohot Tuhan Jesus. Nang pe gok dosa hita,
mansai lomo do roha ni Debata molo ro hita tu lambungNa. I do ala dilehon
Debata AnakNa i gabe jolma, asa boi mansai solhot hita. Gariada tahe olo Debata
mangula marhite Tondi Parbadia asa boi solhot situtu hita dohot Debata jala Debata
solhot dohot hita. Hita dibagasan Debata jala Debata dibagasan hita.
3)
Molo
songon i antong, songon na nidok ni parpsalmen 42: 2-3, ima: Songon
pangkalungunhon ni ursa di angka guluan, songon i do pangkalungunhon ni
tondingku tu Ho, ale Debata. Mauas do tondingku di Debata, ni Debata na mangolu
i, andigan pe tolhas ahu, asa huida bohi ni Debata ? Ndang apala hamoraon
manang arta, manang na asing dihasiholi ibana sian Debata. Alai, tung holan
naeng pajumpang dohot Debata do. Hira na so sonang do panghilalanna molo so
pajumpang dohot Debata. Bayangkon hamu
ma songon halak na di padang pasir, na masihol mandai aek. Boi do i songon
sihol ni halak na masihaholongan, tung satongkin pe ndang olo sirang. Songo
ende si Maia do i tahe: waktu makan, aku ingat kamu, waktu tidur aku ingat
kamu….Songon i do parpsalmen on. Dia mendambakan selalu hadir Bersama-sama
dengan Allah. Tung satongkin nian unang sirang ibana sian Debata. Sai naeng di
joro ni Debata nian ibana torus manorus. Pola di Psalm 27: 4 didok : Sada do naung
hupangidohon sian Jahowa, sai i do hulului! Naeng mian ahu di bagasan joro ni
Jahowa saleleng mangolu ahu, paidaida hinadenggan ni Jahowa dohot mamingkiri
ganup sogot di bagasan jorona i. Jala di Psalm 63: 2 didok : Ale Debata, Ho
do Debatangku, sogot do manogotna i dilului rohangku Ho, mauas do rohangku di
Ho, dihalungunhon nang dagingku Ho di tano na dangaron dohot na uasan, soada
aek. Di Psalm 143: 6 didok ibana muse: “Songon tano na so maraek do
panghalungunhon ni tondingku tu Ho”. Boasa ? Tajaha ma di Psalen 84: 11-12 didok : Ai
dumenggan do sadari di angka alamanmu
sian saribu ari na asing; tagonan do dipangido rohangku sijaga pintu ahu di
bagas ni Debatangku, asa maringan di angka undungundung ni parjahat. Ai Debata
Jahowa do mata ni ari dohot lombulombu, dilehon Jahowa do asi ni roha dohot
hamuliaon, ndang diholit na denggan i di angka na burju marpangalaho.
4)
Huria
ni Tuhanta, aha ma huroha na dapot hita molo solhot hita tu Debata jala masihol
rot u joroNa I ? Parjolo, tajaha ma di ay.6a: “martua ma halak ia di
bagasan Ho hagogoonna. Hasolhoton tu Debata mangalehon hagogoon di hita
mardalan tu jolo. Nang pe taboto do, gok do rintangan, hamaolon, sitaonon
adopanta di jolo, alai ndang mabiar hita
mangalangka molo solhot hita tu Debata. Ai Pasti, urupanNa jala pargogoanNa do
hita. I do ala didok endenta i: Debata baen donganmi….. . Paduahon,
di ayat 6b: ia rohanasisda di bagasan manuju dalan na tigor. Molo solhot hita
tu Debata, ndang dalananta be dalan na sala. Alai togutoguon ni TondiNa i nama
hita mardalan di dalan na tigor. I do ala didok endenta i : “Debata baen
donganmi, molo Debata donganmu, ndang tarbahen ho be lilu…” Jala napatoluhon,
di ay.7: Angka na umbolus rura partangisan, Ibana do dibahen mualna; gabe
maruli pasupasu nasida. Di pardalanan ni ngolunta, pasti adopanta do na hansit,
na mambahen hita tangis. I do ala didok endenta i: “Partangisan do hape,
anggo hasiangan on.” Alai, molo solhot hita tu Debata, sai apulanNa do
hita, jala patoguonNa asa torus mardalan tu jolo.
5)
Huria
ni Tuhanta, suraon dope sai masigorgor sihol ni rohanta laho pajumpang jala
solhot tu Debata ? Naeng ma nian songon parpsalmen on hita, na tangkas umboto,
paboa ndang adong na asing nab oi mangalehon kebahagiaan di hita so holan
hasolhoton tu Debata. Naeng ma mampu hita mandok songon nidok ni parpsalmen di
Psalm 73: 28 “Alai anggo ahu untungku do hasolhoton tu Debata; haposanku do
hubahen Tuhan Jahowa, asa hubaritahon angka pambahenanmu sudena.” Mansaib
alga las n iroha, pasupasu, sonang n iroha na dapot hita molo solhot tu Debata.
Ai molo dao hita sian Debata, gabe gersang ma ngolum, songon tano na mahiang ma
ngolum, gok arsak, gok boban na dokdok na mandondoni. Alai molo dihasiholi
Ibana, ianggo i dapotmu ma godang paruntungan, ai Ibana ma gabe pangondinganmu,
pangurupim, na mangalehon semangat hidup, mangalehon las n iroha, manghandit
angka na dokdok na di roham. Ingot ma angka dongan! Tung masihol do Debata
paimaimahon harorom, songon sihol ni natoras ni anak na mago i. Sai dipaima do
hita ganup tingki, andigan ma hit aro. Ise na masihol, tusi do Ibana ro
mangusehon pasupasuNa. Amen.
