Debata Na Patuduhon Dalan
2 MUSA 4 : 10-17
2 MUSA 4 : 10-17
1. Patujolo
Di na masa sitaonon bangso Israel di tongatonga parhatobanon bangso Misir, tung parir do pangkilalaan ni bangso i. Dung leleng marujung ngolu raja ni halak Misir, alai sai tongtong do marsingkor bangso i siala parhatobanon na nialaman nasida, ala ni i sai joujou do nasida tu Debata mangido pangurupion (2:24). Ditangihon Debata do
anggukangguk ni bangsoNai, ndung i diingot Debata Jahowa ma padanNa i tu si Abraham, Ishak dohot si Jakob (2:25). Diboto Debata do na masa huasona gedung sian bangso Misir tu bangso Israel. Marhite panandaon ni Debata tu si Musa gabe sada dalan na pinungka tu haluaon ni bangsoNa i. Ai parmahan do si Musa alai gabe parmahan bangso Israel do ibana muse dibahen Debata. Taingot ma haposan dina otik laos gabe haposan di na godang. Tanggung jawab na pinalumehon ni Debata tu si Musa i ma sada tanggung jawab na balga do. Panandaon ni Debata tu si Musa, i ma di tingki si Musa marmahan birubiru ni si Jetro simatuana, jonok ni halongonan, sahat tu Dolok ni Debata i ma dolok Horeb ( 3:1). Laos disi ma dipatuduhon Debata Jahowa angka nanaeng siulahonon ni si Musa dohot na naeng sihatahononna tu Raja Paraoh. Disuru Debata do asa si Musa manguluhon bangso Israel haruar sian tano Misir laos pasahathon tona ni Debata tu Raja Paraoh. Alai nang pe nunga ditodo Debata ibana, sai manjua do si Musa di parsuruon i. Boi ma sahat tu lima hali si Musa manjua di parsuruon ni Debata i:
1) Panjuaon na parjolo (3:11) “Ise ma ahu pola, tung dapothononku raja Firaun i, tung paruaronku halak Israel sian Misir ?” Alai ndang adong na so tarpatupa Debata. Na mungkin boi gabe mungkin. Sian na so mosok ramba i na di jolona gabe sada tudutudu na paboahon ingkon mosok hian do sude pinompar ni Israel dibagasan parhatobanon Misir, alai ndang mosok bangso Israel siala halongangan na pinamasa ni Debata. I do na aneng dohonon jala paboahon ni Debata marhitehite naposoNa si Musa. Molo tanda ni api na pinatuduhon ni Debata i ma paboahon rimas dohot uhuman ni Debata, laho paiashon dohot paluahon. Didok Debata do : “Hudongani pe ho....” (ay.12)
2) Panjuaon na paduahon (3:13), “Ida ma, ia dung sahat ahu di halak Israel, jala hudok tu nasida: Debata ni ompumuna marsuru ahu tu hamu, gabe didok nasida maon tu ahu: Ise do goarna? Beha ma dohononku tu nasida?” dialusi Debata do : “Jahowa marsuru ahu tu hamu”
3) Panjuaon na patoluhon (4:1-9) “Ida ma, ra tung dang porsea nasida di ahu, jala ndang tangihononna soarangki, dohonon nasida ma tagamon: Ndang tutu diida ho Jahowa”. Ala ni i songon sahalak suruan ni Debata, ringkot do di si Musa sada tanda na haposan ni Debata do ibana. Ala ni i ma dipatupa Debata ma halongangan diibana marhite na mareongkon tungkotni si musa gabe ulok. Laos godang ma angka na pinama ni Debata marhite tungkot ni si Musa.
4) Panjuaon n paopathon (4:10-12); alai ndang holan sahat disi, tongtong dope manjua si Musa di parsuruon ni Debata; ala ndang jolma parhata ibana (berat mulut dan berat lidah) laus ni Debata (ay.12) “.....laho ma ho, hudongani pe pamanganmi, hupodahon pe tu ho sidohononmu”
5) Panjuaon na palimahon (4: 13-17), di na humordit ibana naeng manulak parsuruon ni Debata, sai dialusi Debata do angka hasusaanna i. (ay.13-17) “Iale Tuhan, ua suru ma manang ise lomo ni roham” pandohan on patuduhon na so mampu be dirohana laho manuhuk angka tugas dohot tanggungjawabna tu bangso i. Nang pe dibagasan rimas Debata tong do dilehon Debata dalan haruar. Dipatuduhon Debata do hahana si Aron gabe singkat ni si Musa laho pasahathon tona ni Debata tu Raja Firaun. Nang pe dibagasan rimasNa i Debata alai tung umbalga do asi ni rohaNa. Ala ni i ndang holan pamangan ni si Musa di dongani alai tong do dohot pamangan ni si Aron di dongani Debata.
2. Unang ma manjua di panjouon ni Debata
Boasa manjua si Musa di panjouonNai? Siala memang ala nunga pola dilele biar na ibana di na hea ibana mabunuh sahalak Misir. Dibunuh ibana halak Misir i siala laho mangurupi donganna na hona pusaan halak Misir i. Hape di naso pamotoanna nang pe hira so adong di panghilalaanna marnida na masa i, hape tong do tarboto tu donganna sa bangso na masa i. Pola sahat na so dihaposi be ibana laho manogihon angka dongan sabangsona siala tarbortik do na masa i tu nasa bangso, laos dilele Raja Firaun do ibana jala si Musa pe gabe lintun ma.
a) Martorukni roha. Boi do antusanta boasa pola sahat lima hali si Musa manjua. Siala memang ndang apal malo manghatai, jala laos adong dope hahana na ingkon pinarsangapanna. Pinarsangapan na tu mua sada tanda pangalaho sitiruan do on asa hita pe halak Kristen marsipasangapan tarlumobi maradophon na tumua. Apalagi di zaman nuaeng gabe lam moru do sangap ni sundut na tumua di jolo na umposo. Nunga gumodangan sundut na umposo mangasahon hapistaranna marsingkola sian na beretika, ndang tarida be pangalaho na toman, porman jala hormat na marnatuatua. Ingkon boi do angka na porsea martoruk ni roha patuduhon dirina ndang singkop, songon pangalaho dohot sikap nabinuathon si Musa. Ala adong dope na tama manjalo dohot maniop tampuk pimpinan. Unang ma adong sian tongatonga halak Kristen na mamereng hasangapon tu dirina, alai molo lam malo jala pistar lam toruk ma rohana. Tatanda be ma dirinta diadopan ni Debata.
b) Ngolu ni jolma na gabe marhasil didok portibi on i ma jolma na marjabatan na timbo dohot godang artana. Alai Hata ni Debat tangkas do mandok, ia ngolu ni hajolmaon holan satongkin do “Ai aha ma antong gunana di jolma, nang liat portibi on diomo, anggo mago do tondina? Aha ma tarlehon jolma bahen tobus ni tondina ? (Mateus 16:26). Sasintongna ngolu na marhasil i ma ngolu na mangoloi panjouon ni Debata, siala ngolu di portibi on i ma sada dalan haposan na nilehon asa tahaposi jala molo ro tingkina, ingkon boi do tapertanggung-jawabhon di adopanNa. Siala ni i ingkon pasidohot do hita mangula dibagasan panjuonNa i. Dijou marhite parkarejoan,keahlian dohot talenta na adong di hita. Jolma na marhasil i ma na olo niuluhon ni Tondi Porbadia.
c) Mananda Diri. Napinatudu si Musa di panjuaonna ima ala mananda diri na hurang mampu. Boi ma taboto hata mananda Ginosko (mengenal dengan intim), alai ala ditanda Debata do si Musa lumambok sian saluhut jolma (4 Musa 12:3) dijouma ibana. “Jala angka naung tinodona, i do dijou; jala na jinouna, i do dipintori; jala angka naung pinitoranna, i do dipasangap.” (Roma 8:30) Sada silehonlehon do molo adong tingkinta laho manghobasi ulaon parsuuron ni Tuhan dibagasan parngoluanta. Dipatorang di Bibel i taringot tu silehonlehon, na ditontuhon Debata do sian mulana i panjouonNa tu hita laho manopot haluaon, laos dipasahat ma nang tu angka ulaon laho manghobasi Ibana.
Nang pe dibagasan ngolu hajolmaon gok angka hahurangan dohot keterbatasan,alai marhite na so mampu hita gabe dipangke Debata hahuranganta i laho patauhon habalgaonNa dohot hamuliaonNa. Asi ni rohaNa laho mangajari hita asa marunduk dohot marserep ni roha, siala holan marhite serep marroha gabe inganan na denggan laho patubuhon asi ni rohaNa i. Di tingki ro panjouonNa tu hita, taalusi ma dibagasan las ni roha marhite saluhut gulmit ni ngolunta asa sahat ma ngolunta ngolu na tongtong martimburak dibagasan haporseaon na tang. Siala ni i molo adong do kelemahan manang hahurangan na taida dibagasan ngolunta,ndang ingkon siholsohonon i alai ta pangke ma hahurangan ni pamatang i laho paangaphon Debata. Di son ma hita marsiajar mandok mauliate disaluhut na tajalo sian Tuhan i. ( 1 Tess.5:18).
d) Bekerja sama. Molo naeng marhasil hita paiashon pakarangannta, tontu ndang mungkin pangkeon holan marhite sada lidi, alai ingkon marsiajarhita pasadahon pigapiga lidi asa margogo boi paiashon alaman pakaranganta. Laos songon i do di na laho mangulahon marbarita nauli ndang tolap holan sahalak si Musa ingkon do mardongan ibana dohot Debata laos hapataran di ngoluna ingkon tarida ma dohot kerjasama na denggan tu hahana si Aron. Sian pangalaho si Musa ndang ditengahon hasangapon tu dirina sandiri naeng ma nian dohot sangap di Tuhan i taruli di hahana si Aron dibagasan ulaon i. Asa holan mardongan Debata hita barani mangulahon ulaonta dohot nang diulaon siganup ari hitehiteNa ma si Aron mandongani si Musa. Alai ingotonta ma na ingkon si Musa do marsuru si Aron. Nang pe hahana i, alai laos songon Debatana do si Musa diulaon i. Hasangapon ni Debata saor do tu angka na manghaposi ibana.
e) Kecacatan, ketidakmampuan, kekurangan fisik kita bukanlah suatu kecelakaan. Semuanya itu merupakan rancangan Allah. Dia menggunakan setiap ketidak-sempurnaan kita untuk kemuliaan-Nya. Cara Allah mengatasi sesuatu yang kita sebut “keterbatasan” adalah tidak dengan menghilangkannya, namun memberkatinya dengan kekuatan serta menggunakannya untuk kebaikan. Di dalam kitab Perjanjian Baru, Rasul Paulus menyebutkan “duri di dalam daging” yang tak terdefinisikan. Ia telah berulangkali meminta kepada Tuhan untuk mengambilnya (2 Korintus 12:7,8). Akan tetapi Allah justru berkata, “Cukuplah kasih karunia-Ku bagimu, sebab justru dalam kelemahanlah kuasa-Ku menjadi sempurna” (ayat 9). Rasul Paulus bahkan telah belajar untuk “menikmati” kesulitan-kesulitan yang ia hadapi. “Sebab itu terlebih suka aku bermegah atas kelemahanku, supaya kuasa Kristus turun menaungi aku,” demikian katanya (ayat 9). “Sebab jika aku lemah, maka aku kuat” (ayat 10) Kuasa Allah paling jelas terlihat didalam kelemahan kita. Amin
Di na masa sitaonon bangso Israel di tongatonga parhatobanon bangso Misir, tung parir do pangkilalaan ni bangso i. Dung leleng marujung ngolu raja ni halak Misir, alai sai tongtong do marsingkor bangso i siala parhatobanon na nialaman nasida, ala ni i sai joujou do nasida tu Debata mangido pangurupion (2:24). Ditangihon Debata do
anggukangguk ni bangsoNai, ndung i diingot Debata Jahowa ma padanNa i tu si Abraham, Ishak dohot si Jakob (2:25). Diboto Debata do na masa huasona gedung sian bangso Misir tu bangso Israel. Marhite panandaon ni Debata tu si Musa gabe sada dalan na pinungka tu haluaon ni bangsoNa i. Ai parmahan do si Musa alai gabe parmahan bangso Israel do ibana muse dibahen Debata. Taingot ma haposan dina otik laos gabe haposan di na godang. Tanggung jawab na pinalumehon ni Debata tu si Musa i ma sada tanggung jawab na balga do. Panandaon ni Debata tu si Musa, i ma di tingki si Musa marmahan birubiru ni si Jetro simatuana, jonok ni halongonan, sahat tu Dolok ni Debata i ma dolok Horeb ( 3:1). Laos disi ma dipatuduhon Debata Jahowa angka nanaeng siulahonon ni si Musa dohot na naeng sihatahononna tu Raja Paraoh. Disuru Debata do asa si Musa manguluhon bangso Israel haruar sian tano Misir laos pasahathon tona ni Debata tu Raja Paraoh. Alai nang pe nunga ditodo Debata ibana, sai manjua do si Musa di parsuruon i. Boi ma sahat tu lima hali si Musa manjua di parsuruon ni Debata i:1) Panjuaon na parjolo (3:11) “Ise ma ahu pola, tung dapothononku raja Firaun i, tung paruaronku halak Israel sian Misir ?” Alai ndang adong na so tarpatupa Debata. Na mungkin boi gabe mungkin. Sian na so mosok ramba i na di jolona gabe sada tudutudu na paboahon ingkon mosok hian do sude pinompar ni Israel dibagasan parhatobanon Misir, alai ndang mosok bangso Israel siala halongangan na pinamasa ni Debata. I do na aneng dohonon jala paboahon ni Debata marhitehite naposoNa si Musa. Molo tanda ni api na pinatuduhon ni Debata i ma paboahon rimas dohot uhuman ni Debata, laho paiashon dohot paluahon. Didok Debata do : “Hudongani pe ho....” (ay.12)
2) Panjuaon na paduahon (3:13), “Ida ma, ia dung sahat ahu di halak Israel, jala hudok tu nasida: Debata ni ompumuna marsuru ahu tu hamu, gabe didok nasida maon tu ahu: Ise do goarna? Beha ma dohononku tu nasida?” dialusi Debata do : “Jahowa marsuru ahu tu hamu”
3) Panjuaon na patoluhon (4:1-9) “Ida ma, ra tung dang porsea nasida di ahu, jala ndang tangihononna soarangki, dohonon nasida ma tagamon: Ndang tutu diida ho Jahowa”. Ala ni i songon sahalak suruan ni Debata, ringkot do di si Musa sada tanda na haposan ni Debata do ibana. Ala ni i ma dipatupa Debata ma halongangan diibana marhite na mareongkon tungkotni si musa gabe ulok. Laos godang ma angka na pinama ni Debata marhite tungkot ni si Musa.
4) Panjuaon n paopathon (4:10-12); alai ndang holan sahat disi, tongtong dope manjua si Musa di parsuruon ni Debata; ala ndang jolma parhata ibana (berat mulut dan berat lidah) laus ni Debata (ay.12) “.....laho ma ho, hudongani pe pamanganmi, hupodahon pe tu ho sidohononmu”
5) Panjuaon na palimahon (4: 13-17), di na humordit ibana naeng manulak parsuruon ni Debata, sai dialusi Debata do angka hasusaanna i. (ay.13-17) “Iale Tuhan, ua suru ma manang ise lomo ni roham” pandohan on patuduhon na so mampu be dirohana laho manuhuk angka tugas dohot tanggungjawabna tu bangso i. Nang pe dibagasan rimas Debata tong do dilehon Debata dalan haruar. Dipatuduhon Debata do hahana si Aron gabe singkat ni si Musa laho pasahathon tona ni Debata tu Raja Firaun. Nang pe dibagasan rimasNa i Debata alai tung umbalga do asi ni rohaNa. Ala ni i ndang holan pamangan ni si Musa di dongani alai tong do dohot pamangan ni si Aron di dongani Debata.
2. Unang ma manjua di panjouon ni Debata
Boasa manjua si Musa di panjouonNai? Siala memang ala nunga pola dilele biar na ibana di na hea ibana mabunuh sahalak Misir. Dibunuh ibana halak Misir i siala laho mangurupi donganna na hona pusaan halak Misir i. Hape di naso pamotoanna nang pe hira so adong di panghilalaanna marnida na masa i, hape tong do tarboto tu donganna sa bangso na masa i. Pola sahat na so dihaposi be ibana laho manogihon angka dongan sabangsona siala tarbortik do na masa i tu nasa bangso, laos dilele Raja Firaun do ibana jala si Musa pe gabe lintun ma.
a) Martorukni roha. Boi do antusanta boasa pola sahat lima hali si Musa manjua. Siala memang ndang apal malo manghatai, jala laos adong dope hahana na ingkon pinarsangapanna. Pinarsangapan na tu mua sada tanda pangalaho sitiruan do on asa hita pe halak Kristen marsipasangapan tarlumobi maradophon na tumua. Apalagi di zaman nuaeng gabe lam moru do sangap ni sundut na tumua di jolo na umposo. Nunga gumodangan sundut na umposo mangasahon hapistaranna marsingkola sian na beretika, ndang tarida be pangalaho na toman, porman jala hormat na marnatuatua. Ingkon boi do angka na porsea martoruk ni roha patuduhon dirina ndang singkop, songon pangalaho dohot sikap nabinuathon si Musa. Ala adong dope na tama manjalo dohot maniop tampuk pimpinan. Unang ma adong sian tongatonga halak Kristen na mamereng hasangapon tu dirina, alai molo lam malo jala pistar lam toruk ma rohana. Tatanda be ma dirinta diadopan ni Debata.
b) Ngolu ni jolma na gabe marhasil didok portibi on i ma jolma na marjabatan na timbo dohot godang artana. Alai Hata ni Debat tangkas do mandok, ia ngolu ni hajolmaon holan satongkin do “Ai aha ma antong gunana di jolma, nang liat portibi on diomo, anggo mago do tondina? Aha ma tarlehon jolma bahen tobus ni tondina ? (Mateus 16:26). Sasintongna ngolu na marhasil i ma ngolu na mangoloi panjouon ni Debata, siala ngolu di portibi on i ma sada dalan haposan na nilehon asa tahaposi jala molo ro tingkina, ingkon boi do tapertanggung-jawabhon di adopanNa. Siala ni i ingkon pasidohot do hita mangula dibagasan panjuonNa i. Dijou marhite parkarejoan,keahlian dohot talenta na adong di hita. Jolma na marhasil i ma na olo niuluhon ni Tondi Porbadia.
c) Mananda Diri. Napinatudu si Musa di panjuaonna ima ala mananda diri na hurang mampu. Boi ma taboto hata mananda Ginosko (mengenal dengan intim), alai ala ditanda Debata do si Musa lumambok sian saluhut jolma (4 Musa 12:3) dijouma ibana. “Jala angka naung tinodona, i do dijou; jala na jinouna, i do dipintori; jala angka naung pinitoranna, i do dipasangap.” (Roma 8:30) Sada silehonlehon do molo adong tingkinta laho manghobasi ulaon parsuuron ni Tuhan dibagasan parngoluanta. Dipatorang di Bibel i taringot tu silehonlehon, na ditontuhon Debata do sian mulana i panjouonNa tu hita laho manopot haluaon, laos dipasahat ma nang tu angka ulaon laho manghobasi Ibana.
Nang pe dibagasan ngolu hajolmaon gok angka hahurangan dohot keterbatasan,alai marhite na so mampu hita gabe dipangke Debata hahuranganta i laho patauhon habalgaonNa dohot hamuliaonNa. Asi ni rohaNa laho mangajari hita asa marunduk dohot marserep ni roha, siala holan marhite serep marroha gabe inganan na denggan laho patubuhon asi ni rohaNa i. Di tingki ro panjouonNa tu hita, taalusi ma dibagasan las ni roha marhite saluhut gulmit ni ngolunta asa sahat ma ngolunta ngolu na tongtong martimburak dibagasan haporseaon na tang. Siala ni i molo adong do kelemahan manang hahurangan na taida dibagasan ngolunta,ndang ingkon siholsohonon i alai ta pangke ma hahurangan ni pamatang i laho paangaphon Debata. Di son ma hita marsiajar mandok mauliate disaluhut na tajalo sian Tuhan i. ( 1 Tess.5:18).
d) Bekerja sama. Molo naeng marhasil hita paiashon pakarangannta, tontu ndang mungkin pangkeon holan marhite sada lidi, alai ingkon marsiajarhita pasadahon pigapiga lidi asa margogo boi paiashon alaman pakaranganta. Laos songon i do di na laho mangulahon marbarita nauli ndang tolap holan sahalak si Musa ingkon do mardongan ibana dohot Debata laos hapataran di ngoluna ingkon tarida ma dohot kerjasama na denggan tu hahana si Aron. Sian pangalaho si Musa ndang ditengahon hasangapon tu dirina sandiri naeng ma nian dohot sangap di Tuhan i taruli di hahana si Aron dibagasan ulaon i. Asa holan mardongan Debata hita barani mangulahon ulaonta dohot nang diulaon siganup ari hitehiteNa ma si Aron mandongani si Musa. Alai ingotonta ma na ingkon si Musa do marsuru si Aron. Nang pe hahana i, alai laos songon Debatana do si Musa diulaon i. Hasangapon ni Debata saor do tu angka na manghaposi ibana.
e) Kecacatan, ketidakmampuan, kekurangan fisik kita bukanlah suatu kecelakaan. Semuanya itu merupakan rancangan Allah. Dia menggunakan setiap ketidak-sempurnaan kita untuk kemuliaan-Nya. Cara Allah mengatasi sesuatu yang kita sebut “keterbatasan” adalah tidak dengan menghilangkannya, namun memberkatinya dengan kekuatan serta menggunakannya untuk kebaikan. Di dalam kitab Perjanjian Baru, Rasul Paulus menyebutkan “duri di dalam daging” yang tak terdefinisikan. Ia telah berulangkali meminta kepada Tuhan untuk mengambilnya (2 Korintus 12:7,8). Akan tetapi Allah justru berkata, “Cukuplah kasih karunia-Ku bagimu, sebab justru dalam kelemahanlah kuasa-Ku menjadi sempurna” (ayat 9). Rasul Paulus bahkan telah belajar untuk “menikmati” kesulitan-kesulitan yang ia hadapi. “Sebab itu terlebih suka aku bermegah atas kelemahanku, supaya kuasa Kristus turun menaungi aku,” demikian katanya (ayat 9). “Sebab jika aku lemah, maka aku kuat” (ayat 10) Kuasa Allah paling jelas terlihat didalam kelemahan kita. Amin
Tidak ada komentar:
Posting Komentar