POLIN MANGARADOTI PATIK NI DEBATA
Ev. : 1 Johannes 2 : 1-6 Ep. : Psalm 8: 2-7
I. Patujolo
Surat 1 Johannes digurithon marpardomuan ma i tu tujuan laho pahothon hatorangan, panandaion dohot panindangion na tontu paboa Jesus, Anak ni Debata. Sipalua jolma manisia. Ibana do pangondian ni angka jolma tu Debata (2:1). Tumangkas
didok panurat do sangkap dohot tujuan nu suratna i ma: “Naeng botoonmuna, naung di hamu do hangoluan na salelengnilelengna” (5:13). Asa angka tonatona na tinonahon ni angka parpoda gnostik taringot hangoluan (bhs.Gorik, bios) i ndang jadi sipeopon. Ndang ngolu na di portibi on na gabe pamusatan unjung ni hadirionta, alai ngolu/hangoluan (bhs. Gorik: Zoe) na sian Tuhan i do. Disi do tutu jumpang hita hangoluan na manongtong, saleleng ni lelengna (Zoe aionos). Dibahen i, ingkon do tangkas siranghonon ni angka na porsea di Tuhan i sian ngoluna hisaphisap ni ngolu ni portibi on. Di bagian na asing, naeng do muse pamanaton ni angka na porsea taringot pamodaion dohot pangajaran na hinatahon ni angka golongan Doketisme. Ai dipodahon nasida do na so tutu ia Jesus, Anak ni Debata. Holan khayalan (halinu) sambing do i, hira na paotootohon do. Angka poda sisongon on nunga jelas i maralo tu hasintongan ni Parsintong i. I do umbahen na tangkas dilumbahon panurat buku 1 Johannes (ndang baru pola dipabotohon ise goarna di buku on) asa unang gabe mimbar manang munggilmunggil haporseaonnasida hinorhon ni i. Didok ibana do: Ia Jesus Kristus, Sipalua i, na adong sian mulana, na hubege hami, na niida ni matanami, na hupanotnoti hami, jala na jinama ni tangannami.....lapatanna, situtu do adong Jesus i, ndang songon na nidok ni siparlilu i (doketisme). Asa na mansoadahon Kristus i do Jesus, angka i ma Antikristus, na mansoadahon Ama i dohot Anak i (2:22). Jala ganup tondi na so marhatopothon Jesus i, i ma na so sian Debata. Ima pangalaho ni anti Kristus (4:3). Antong, on do na niigil ni panurat on asa naeng hatindanghonon ni angka halak Kristen na di sekitar Epesus paboa Jesus so parsintong i, Tuhanta i (5:20).
II. Hatorangan
1. Ay. 1-2. Kristus Advokat ni pardosa. Molo tung adong na mardosa (Jika seseorang kedapatan berbuat dosa) dipaingot si Johannes na boi mulak nasida tu Debata Ama siala ni Kristus. Jala unang be nasida mardosa laho pataridahon hadirion nasida anak ni Debata na unduk jala na mangoloi Hata ni Debata. Kata “pengantara” (Yunani: parakletos) yang digunakan di sini mengandung arti seperti seorang pengacara (advokat) dalam pengadilan. Dipatangkas si Johannes do hadirion ni Kristus na hehe i gabe pardengganan ni jolma pardosa tu Debata. Na mandok ndang tarpatupa jolma i sandiri mardame dohot Debata molo holan sian gogona sambing, alai adong do parhitean na mangondingi hita. Songon sahalak pengacara na membela hak-hak ni na terdakwa, laos lobi songon i do Peranan ni Kristus laho mangondingi hita diadopan ni Debata. Ai nunga terdakwa hita siala ni hadosaonta dohot pangalaosionta tu Debata, alai tuani ma ro Kristus laho membela hita, marhite panobusionna tu hita jolma pardosa. Ala ni holong ni Kristus i na umbalga na mambahen hita gabe partohap di harajaonNa. Hata pardengganan (Bhs.Indonesia “pendamaian” ; Bhs.Yunani: hilasmos) na marlapatan manesa dosa. Ia rimas ni Debata tu halak pardosa, alai nunga diporsan Kristus i rimas ni Debata di hau pinarsilang i. Rimas ni Debata ala ni dosa i nunga diusehon tu Kristus, marhite i ma pardengganan na mamboan dame tu hita dohot Debata, jala nunga taruli hita di hagogoon dohot dihabaranion laho pasolhothon diri tu Debata. Ndada holan hita na hinonghopNa alai dohot do dosa ni sandok portibi on. Joh. 4: 42 : “......Ai nunga hubege jala hutanda hami sandiri, Ibana do tutu Sipalua portibi on”.
2. Ay. 3-5. Na Mananda Kristus ima mangulahon patikNa. Dipatangkas si Johannes ma muse boha do pangalaho ni angka jolma na mananda Kristus. Di angka na mananda Kristus diulahon do patik dohot parsuruonNa, ndang holan dijaha, ndang holan diida, ndang holan dibege, alai dohot do diipatuduhon jala dipataridahon dibagasan ngoluna na tanda ibana siihuthon Kristus. Johannes 9: 31 “Taboto do, na so ditangihon Debata angka pardosa, alai halak na mangkabiari Debata jala mangulahon pinangido ni rohana, i do ditangihon.” Pargabus do halak na manangihon patik ni Kristus alai ndang diulahon, laos dos do i di na holan tumangihon patik alai ndang diulahon ndang adong panghorhonna tu dongan jolma. Mateus 7:21 Ndada saluhut halak, na mandok Ahu Tuhanna, bongot sogot tu harajaon banua ginjang i, holan angka na mangulahon lomo ni roha ni Damang na di banua ginjang i do! Alai molo diulahon do i gabe manghorhon na denggan doi laos patuduhonon ma haporseaonna di Kristus i. Songon i do nang haporseaon di Jesus, ndang sae holan na marimangrimangi alai dohot do nang diulahon dibagasan ngoluna. Didok di Yakobus 2: 17 “ Haporseaon i pe songon i do: “Anggo so adong pangulaonna, naung mate do hadirionna.”
3. Ay. 6. Na gok Holongna i do na mangulahon patik. Angka na mangulahon patik sai nanionjar holong na do tu Debata marhite Kristus. ( Mateus 12:50 Ai na mangulahon lomo ni roha ni Damang na di banua ginjang, i do anggingku, i do ibotongku, i do dainang) . Alai molo so balga holongna, gabe ndang hibul rohana mangulahon patik i. Ingkon na nionjar holong ni roha do asa boi niulahon dohot denggan patik i. Jala ingkon benget do roha laho mangulahon i saluhutna, siala na boi do godang angka na mangambati ulaon na denggan, sae ro do sangkapsangkap na roa sian si bolis manang angka parjehe songon sisean ni Jesus na manjehehon Ibana. Sai pangkeon ni si bolis do angka na jumonok sian tongatonganta laho mambahen humasusa hita. Tarlumobi di na laho mangulahon patik i, sai godang do na paliluhon haporseaonta laho manghaporseai. Heber 13:21 “Ibana ma patauhon hamu di nasa ulaon na denggan, mangulahon lomo ni rohana, ai dipatupa do di bagasan hamu na tau lomo ni rohana marhitehite Jesus Kristus! Di Ibana ma hasangapon i ro di salelenglelengna! Amen”
III. Aplikasi
Sahat tu ombas na parpudi on, sai godang do ro mangelaela haporseaon ni ruas ni huria i. Ndada holan tu angka na baru porsea, alai dohot do tu angka naung leleng gabe Kristen. Mansai godang nuaeng poda (ajaran) na maralo tu Hata ni Debata na boi begeon ima marhitehite mass media isarana majalah, surat kabar, radio, televisi nang pe marhitehite buku cetakan na mura dapot di toko buku. Molo ndang bagas pangantusionta di hata ni Debata olo do gabe ganggu rohanta jala adong do deba sian ruas ni huria i naung manadingkon Tuhan i (beralih ke agama lain). Ndada gabe ukuran lelengna gabe Kristen sasahalak alai bagas ni pangantusion dohot panghaporseaon di Hata ni Tuhan i do. Godang do nang halak naung leleng ibana gabe Kristen alai ndang bagas dope parbinotoanna di Hata ni Tuhan i ai so hea diguruhon, tu parpunguan ni halak Kristen na mangguruhon Hata ni Tuhan i pe so ringgas ro suang songon i nang manjahai buku na badia i.
Godang nuaeng ajaran na marbagabagahon haluaon di ngolu ni jolma i. Di ugamo Jahudi, disosohon do na holan na marhite Patik do dapotan haluaon jolma manisia. Haluaon na ringkot di ngolu ni hajolmaon, jumpang do i holan di Kristus Jesus. Pangajarion, panogunoguon naeng gabe sada ulaon na prioritas di tongatonga ni huria. Ndang mansohot dope sibolis mangelaela huria i. Mansai ringkot kerjasama na denggan antar parhalado marhitehite na masiurupurupan laho mamodai ruas ni huria i, pabotohon angka na masa di huria i asa boi dipatupa langkah-langkah na hombar tu pergumulan i ruas ni huria i. Di ombas na parpudi on, sasaran na empuk di pangelaelaon ni parpoda haliluon ima angka generasi muda (naposo bulung), angka parsikola, angka na pogos, masyarakat na tertindas. Dipertentangkon ma tu nasida ma Hata ni Tuhan i hombar tu angka pergumulan ni ngolu nasida. Situasi ni ngolu nasida, ima dibahen mamparsoada Hata ni Tuhan. Dison ma naeng hatop hurianta manogunogu ruas ni huria i jala porlu mambahen langkah-langkah mangurupi dohot langkah-langkah antisipasi unang sanga masuk parpoda haliluon tu ruas ni huria i, asa dohot nang nasida mamparsaulihon haluaon na sian Tuhan i, ima haluaon ni tondi dohot daging.
Goar ni Minggunta I ma Mingu QUASIMODOGENITI na marlapatan “ Songon Posoposo na imbaru tubu” (1 Petrus 2:2). Asa di na laho mangaradoti patik ni Debata ingkon ma songon posoposo na imbaru tubu na porsea i manjalosa dohot mangauhon dibagasan haporseaonna. Unang ma tapangasahon utokutok alai haporseaon do. Siala na mangasahon utokutok do godangan jolma gabe lilu jala marpoda haliluon (taingot ma na masa parpudi di hurianta: na paimahon bangke ni jolma mulak mangolu di ari patoluhon). Asa tarida ma di na taulahon patik i gabe hatiuron dibagasan ngolunta nang di humaliangta. Amin. (EM)
Ev. : 1 Johannes 2 : 1-6 Ep. : Psalm 8: 2-7
I. Patujolo
Surat 1 Johannes digurithon marpardomuan ma i tu tujuan laho pahothon hatorangan, panandaion dohot panindangion na tontu paboa Jesus, Anak ni Debata. Sipalua jolma manisia. Ibana do pangondian ni angka jolma tu Debata (2:1). Tumangkas
didok panurat do sangkap dohot tujuan nu suratna i ma: “Naeng botoonmuna, naung di hamu do hangoluan na salelengnilelengna” (5:13). Asa angka tonatona na tinonahon ni angka parpoda gnostik taringot hangoluan (bhs.Gorik, bios) i ndang jadi sipeopon. Ndang ngolu na di portibi on na gabe pamusatan unjung ni hadirionta, alai ngolu/hangoluan (bhs. Gorik: Zoe) na sian Tuhan i do. Disi do tutu jumpang hita hangoluan na manongtong, saleleng ni lelengna (Zoe aionos). Dibahen i, ingkon do tangkas siranghonon ni angka na porsea di Tuhan i sian ngoluna hisaphisap ni ngolu ni portibi on. Di bagian na asing, naeng do muse pamanaton ni angka na porsea taringot pamodaion dohot pangajaran na hinatahon ni angka golongan Doketisme. Ai dipodahon nasida do na so tutu ia Jesus, Anak ni Debata. Holan khayalan (halinu) sambing do i, hira na paotootohon do. Angka poda sisongon on nunga jelas i maralo tu hasintongan ni Parsintong i. I do umbahen na tangkas dilumbahon panurat buku 1 Johannes (ndang baru pola dipabotohon ise goarna di buku on) asa unang gabe mimbar manang munggilmunggil haporseaonnasida hinorhon ni i. Didok ibana do: Ia Jesus Kristus, Sipalua i, na adong sian mulana, na hubege hami, na niida ni matanami, na hupanotnoti hami, jala na jinama ni tangannami.....lapatanna, situtu do adong Jesus i, ndang songon na nidok ni siparlilu i (doketisme). Asa na mansoadahon Kristus i do Jesus, angka i ma Antikristus, na mansoadahon Ama i dohot Anak i (2:22). Jala ganup tondi na so marhatopothon Jesus i, i ma na so sian Debata. Ima pangalaho ni anti Kristus (4:3). Antong, on do na niigil ni panurat on asa naeng hatindanghonon ni angka halak Kristen na di sekitar Epesus paboa Jesus so parsintong i, Tuhanta i (5:20).II. Hatorangan
1. Ay. 1-2. Kristus Advokat ni pardosa. Molo tung adong na mardosa (Jika seseorang kedapatan berbuat dosa) dipaingot si Johannes na boi mulak nasida tu Debata Ama siala ni Kristus. Jala unang be nasida mardosa laho pataridahon hadirion nasida anak ni Debata na unduk jala na mangoloi Hata ni Debata. Kata “pengantara” (Yunani: parakletos) yang digunakan di sini mengandung arti seperti seorang pengacara (advokat) dalam pengadilan. Dipatangkas si Johannes do hadirion ni Kristus na hehe i gabe pardengganan ni jolma pardosa tu Debata. Na mandok ndang tarpatupa jolma i sandiri mardame dohot Debata molo holan sian gogona sambing, alai adong do parhitean na mangondingi hita. Songon sahalak pengacara na membela hak-hak ni na terdakwa, laos lobi songon i do Peranan ni Kristus laho mangondingi hita diadopan ni Debata. Ai nunga terdakwa hita siala ni hadosaonta dohot pangalaosionta tu Debata, alai tuani ma ro Kristus laho membela hita, marhite panobusionna tu hita jolma pardosa. Ala ni holong ni Kristus i na umbalga na mambahen hita gabe partohap di harajaonNa. Hata pardengganan (Bhs.Indonesia “pendamaian” ; Bhs.Yunani: hilasmos) na marlapatan manesa dosa. Ia rimas ni Debata tu halak pardosa, alai nunga diporsan Kristus i rimas ni Debata di hau pinarsilang i. Rimas ni Debata ala ni dosa i nunga diusehon tu Kristus, marhite i ma pardengganan na mamboan dame tu hita dohot Debata, jala nunga taruli hita di hagogoon dohot dihabaranion laho pasolhothon diri tu Debata. Ndada holan hita na hinonghopNa alai dohot do dosa ni sandok portibi on. Joh. 4: 42 : “......Ai nunga hubege jala hutanda hami sandiri, Ibana do tutu Sipalua portibi on”.
2. Ay. 3-5. Na Mananda Kristus ima mangulahon patikNa. Dipatangkas si Johannes ma muse boha do pangalaho ni angka jolma na mananda Kristus. Di angka na mananda Kristus diulahon do patik dohot parsuruonNa, ndang holan dijaha, ndang holan diida, ndang holan dibege, alai dohot do diipatuduhon jala dipataridahon dibagasan ngoluna na tanda ibana siihuthon Kristus. Johannes 9: 31 “Taboto do, na so ditangihon Debata angka pardosa, alai halak na mangkabiari Debata jala mangulahon pinangido ni rohana, i do ditangihon.” Pargabus do halak na manangihon patik ni Kristus alai ndang diulahon, laos dos do i di na holan tumangihon patik alai ndang diulahon ndang adong panghorhonna tu dongan jolma. Mateus 7:21 Ndada saluhut halak, na mandok Ahu Tuhanna, bongot sogot tu harajaon banua ginjang i, holan angka na mangulahon lomo ni roha ni Damang na di banua ginjang i do! Alai molo diulahon do i gabe manghorhon na denggan doi laos patuduhonon ma haporseaonna di Kristus i. Songon i do nang haporseaon di Jesus, ndang sae holan na marimangrimangi alai dohot do nang diulahon dibagasan ngoluna. Didok di Yakobus 2: 17 “ Haporseaon i pe songon i do: “Anggo so adong pangulaonna, naung mate do hadirionna.”
3. Ay. 6. Na gok Holongna i do na mangulahon patik. Angka na mangulahon patik sai nanionjar holong na do tu Debata marhite Kristus. ( Mateus 12:50 Ai na mangulahon lomo ni roha ni Damang na di banua ginjang, i do anggingku, i do ibotongku, i do dainang) . Alai molo so balga holongna, gabe ndang hibul rohana mangulahon patik i. Ingkon na nionjar holong ni roha do asa boi niulahon dohot denggan patik i. Jala ingkon benget do roha laho mangulahon i saluhutna, siala na boi do godang angka na mangambati ulaon na denggan, sae ro do sangkapsangkap na roa sian si bolis manang angka parjehe songon sisean ni Jesus na manjehehon Ibana. Sai pangkeon ni si bolis do angka na jumonok sian tongatonganta laho mambahen humasusa hita. Tarlumobi di na laho mangulahon patik i, sai godang do na paliluhon haporseaonta laho manghaporseai. Heber 13:21 “Ibana ma patauhon hamu di nasa ulaon na denggan, mangulahon lomo ni rohana, ai dipatupa do di bagasan hamu na tau lomo ni rohana marhitehite Jesus Kristus! Di Ibana ma hasangapon i ro di salelenglelengna! Amen”
III. Aplikasi
Sahat tu ombas na parpudi on, sai godang do ro mangelaela haporseaon ni ruas ni huria i. Ndada holan tu angka na baru porsea, alai dohot do tu angka naung leleng gabe Kristen. Mansai godang nuaeng poda (ajaran) na maralo tu Hata ni Debata na boi begeon ima marhitehite mass media isarana majalah, surat kabar, radio, televisi nang pe marhitehite buku cetakan na mura dapot di toko buku. Molo ndang bagas pangantusionta di hata ni Debata olo do gabe ganggu rohanta jala adong do deba sian ruas ni huria i naung manadingkon Tuhan i (beralih ke agama lain). Ndada gabe ukuran lelengna gabe Kristen sasahalak alai bagas ni pangantusion dohot panghaporseaon di Hata ni Tuhan i do. Godang do nang halak naung leleng ibana gabe Kristen alai ndang bagas dope parbinotoanna di Hata ni Tuhan i ai so hea diguruhon, tu parpunguan ni halak Kristen na mangguruhon Hata ni Tuhan i pe so ringgas ro suang songon i nang manjahai buku na badia i.
Godang nuaeng ajaran na marbagabagahon haluaon di ngolu ni jolma i. Di ugamo Jahudi, disosohon do na holan na marhite Patik do dapotan haluaon jolma manisia. Haluaon na ringkot di ngolu ni hajolmaon, jumpang do i holan di Kristus Jesus. Pangajarion, panogunoguon naeng gabe sada ulaon na prioritas di tongatonga ni huria. Ndang mansohot dope sibolis mangelaela huria i. Mansai ringkot kerjasama na denggan antar parhalado marhitehite na masiurupurupan laho mamodai ruas ni huria i, pabotohon angka na masa di huria i asa boi dipatupa langkah-langkah na hombar tu pergumulan i ruas ni huria i. Di ombas na parpudi on, sasaran na empuk di pangelaelaon ni parpoda haliluon ima angka generasi muda (naposo bulung), angka parsikola, angka na pogos, masyarakat na tertindas. Dipertentangkon ma tu nasida ma Hata ni Tuhan i hombar tu angka pergumulan ni ngolu nasida. Situasi ni ngolu nasida, ima dibahen mamparsoada Hata ni Tuhan. Dison ma naeng hatop hurianta manogunogu ruas ni huria i jala porlu mambahen langkah-langkah mangurupi dohot langkah-langkah antisipasi unang sanga masuk parpoda haliluon tu ruas ni huria i, asa dohot nang nasida mamparsaulihon haluaon na sian Tuhan i, ima haluaon ni tondi dohot daging.
Goar ni Minggunta I ma Mingu QUASIMODOGENITI na marlapatan “ Songon Posoposo na imbaru tubu” (1 Petrus 2:2). Asa di na laho mangaradoti patik ni Debata ingkon ma songon posoposo na imbaru tubu na porsea i manjalosa dohot mangauhon dibagasan haporseaonna. Unang ma tapangasahon utokutok alai haporseaon do. Siala na mangasahon utokutok do godangan jolma gabe lilu jala marpoda haliluon (taingot ma na masa parpudi di hurianta: na paimahon bangke ni jolma mulak mangolu di ari patoluhon). Asa tarida ma di na taulahon patik i gabe hatiuron dibagasan ngolunta nang di humaliangta. Amin. (EM)
