Hasadaon ni Angka Na Porsea
1 Korint 12 : 14 – 17
I. Patujolo
Hasahatan Apostel Paulus tu Huta Korint siala barita najinalona sian Stephanus dohot dua donganna hatiha di Efesus nasida (Ef. 16:8). Tarbarita do ia halak Korint na so boi siat hata, ndang boi niatur, masa parmabuhon, suang songon i angka ulaon harorangon. Dung sahat Apostel Paulus tu huta Korint marbarita nauli, mansai lam tamba ma angka na porsea. Alai nang pe songon i tamba na porsea di Kristus, ndang mangihut pangalaho na denggan, alai hasomalan na robi i do lam nalnal. Gabe adong na manghaginjanghon ragam ni basabasa na jinalona, adong na mangarajumi dirina lobi sian na asing. Dungi adong sian nasida mangarajumi dirina horong na naung badia, jala sumurung sian angka donganna, gabe tubu parbolatbolatan. Tarlumobi dung sada satonga taon mangula Apostel Paulus borhat manadinghon huta i. Apostel Paulus mangumpamahon halak na porsea i songon ruas ni pamatang na ingkon sada di panghilalaan. Songon tudosan ni pamatang i ndang gabe sumurung nasada sian nasadaan, alai ibana mamereng, marbinege, maniop, manjaga, mangalangka, alai rap marguna do luhutna, suang songoni jolma di tonga huria i.
II. Hatorangan
a) Hasadaon ni Huria (ay. 14 – 16). Dibagasan turpuk on taida do, tung dihasiholi si Paukus do asa tongtong sada ruas ni huria Korint, jala digombarhon ibana do asa songon daging i (pamatang ni jolma) hasadaon i. Na marragam do ruas ni daging i, ala sada do ibana. Suang songon i halak Kristen, na marragam angka ulaonna (fungsi dohot tanggung jawab), alai sada do dibagasan Kristus. Lam umbagas pinangido sian hasadaon i ma: tarjou do ruas laho tu parsaoran/paralealeon ni ruas sama ruas. Hombar tu hasadaon i, diigil Tuhanta do muse sian hita ruas, ima parmahamaranggion i pe ingkon do nirahutan ni holong. Molo dung jumpang holong i d bhita ruas (huria), mago ma parsalisian dohot parbolatbolatan. Alani i nang pe marasingasing ruas i, tong do i hasadaon dibagasan haragamon, ndang gabe masialoan parasingan i. Ala ni i do umbahen na dipatudos huria i tu daging, ai nang pe torop ruas ni daging i jala marhobas nasida di daging i.
b) Pardalanan ni angka ruas ( ay. 17 – 19) Atur be do ruas ni daging i dibagasan daging. Mansai tangkas do diaturhon Debata parture ni sude ruas ni daging i. Asing do inganan dohot ulaon ni pat tu tangan, mata tu jarijari, pinggol tu parnianggoan dohot na asing. Nang pe marasingasingan inganan dohot ulaon ni ruas i, alai sude do i rap arga. Sude do diatur i jala lengkap, ido asa didok: saguru tu lomo ni rohaNa. Aut sugari sarupa sude (rumang, ulaon dohot inganan) ni ruas i, ba so binoto be sidohonon. Suang songon i do huria i diharuasonna di ngolu ni Barita Na Uli. Marragam do silehonlehon ni Debata tu ganup jolma (ndang sarupa). Sude rap arga do diadopan ni Debata masiargai jala masisurungi ingkon songon i do asa singkop panghobasion i.
c) Rap Masitumpahan do Pamatang i ( ay. 20-27). Ingkon pangkeon do parasingan i laho padimundimun dohot rap margogoihon . Ndada laho patubuhon angka parbolatbolatan, parasingan i mansai arga molo adong roha na masihormatan. Dina marasingasing silehonlehon ni Debata tu hita ingkon pangkeonta laho masipatureturean, masiurupan songon pamatang ni Kristus i. Na masitumpahan do ianggo ruas ni pamatang i nang tarlumobi ruas ni huria ni Kristus i, ndada na mambahen angka parasingasingan alai gabe hasadaon ni rahut holong ni Kristus i.
III. Sipahusorhusoron
1. Asa tau hita taringot tu hasadaon; ido na niigil ni Debata dibagasan ngolunta. Ndada boi jolmai mangolu holan di dirina, alai tung ingkon marsaor do tu angka dongan jolma. Nang di huria i pe naeng do patuduhon hasadaon, na saroha sapangkilalaan, sahaporseaon (ptds. Rom. 12 : 15-16; Efesus 4 : 1-6). Asa taparangehon na tama hombar tu panjouon na songgop tu hita ditonga ni huria. Dipatuduhon angka na porsea do hasadaon i marhite na olo martoruk ni roha, marlambok ni roha, masihaehean dibagasan roha na holong.
2. Dina laho patuduhon hasadaon i ndang sae holan na manghatahon alai dohot do dina mangulahon sian nasa rohanta. Asa jumpang hasadaon ingkon maringan do dame i dibagasan rohanta. Di dok di Kolose 3: 15 Jala dame ni Kristus i ma mangarajai di bagasan rohamuna, ai tusi do hamu dijou dibagasan sada daging. Gabe parroha mauliate ma hamu!. Molo soadong dame ni Kristus i, tontu ndang olo pasadahon diri dohot donganna jolma. Alai oloanna ma hisaphisap ni sibolis na mangelaela rohana asa tubu ginjang ni roha, late, dohot hosom. Alai angka na mangoloi ajar ni Barita Nauli i sai hasiholanna do laho pasadahon diri tu donganna sahaporseaon (Rom. 12:5; 1 Kor. 1 : 10; 12:4,13; Gal. 3 : 28)
3. Ragam do angka houm, nang bangso, di portibi on, tarlumobi di negaranta, motto ni negaranta Bineka Tunggal Ika (berbeda-beda tapi tetap satu), alai nunga lam dao hasadaon ni bangso i, siala holong i nunga lam marpengpeng. Sahat nang tu hurianta pe ditongatonga halak Kristen i masa parbolatbolatan siala sai manambornambori Hosom, Teal, elat dohot late ni roha (HOTEL). Alai hita na porsea dibagasan Jesus Kristus sipasidingon do pangalaho sisongon i, ai nunga dipasada dibagasan holongNa i hita. Joh. 17 : 20-21 “Alai ndang holan nasida hutangianghon, dohot do angka na naeng porsea dope di Ahu, tinogu ni hatanasida: Asa sada nasida saluhutna; songon Ho, ale Amang di bagasan Ahu jala Ahu di bagasan Ho, songon i ma nang nasida di bagasan Hita, asa porsea portibi on Ho marsuru Ahu.” Ai disuru Debata do Anakna Tuhan Jesus Kristus laho manghophop hita jolma pardosa; dipadame dohot Debata asa sada. Nang angka na porsea gabe sada dung manjalo basabasa ni Tondi i (Ul.Ap. 2 :44 Alai sai domu do saluhut angka na porsea i, jala songon hatopan dirajumi nasida saluhut artanasida”) Sense of belonging to Christ; roha na marnampunahon di Kristus i do napinangido dibagasan ngolunta na manghorhon dame nang las ni roha. Amen !
b) Pardalanan ni angka ruas ( ay. 17 – 19) Atur be do ruas ni daging i dibagasan daging. Mansai tangkas do diaturhon Debata parture ni sude ruas ni daging i. Asing do inganan dohot ulaon ni pat tu tangan, mata tu jarijari, pinggol tu parnianggoan dohot na asing. Nang pe marasingasingan inganan dohot ulaon ni ruas i, alai sude do i rap arga. Sude do diatur i jala lengkap, ido asa didok: saguru tu lomo ni rohaNa. Aut sugari sarupa sude (rumang, ulaon dohot inganan) ni ruas i, ba so binoto be sidohonon. Suang songon i do huria i diharuasonna di ngolu ni Barita Na Uli. Marragam do silehonlehon ni Debata tu ganup jolma (ndang sarupa). Sude rap arga do diadopan ni Debata masiargai jala masisurungi ingkon songon i do asa singkop panghobasion i.
c) Rap Masitumpahan do Pamatang i ( ay. 20-27). Ingkon pangkeon do parasingan i laho padimundimun dohot rap margogoihon . Ndada laho patubuhon angka parbolatbolatan, parasingan i mansai arga molo adong roha na masihormatan. Dina marasingasing silehonlehon ni Debata tu hita ingkon pangkeonta laho masipatureturean, masiurupan songon pamatang ni Kristus i. Na masitumpahan do ianggo ruas ni pamatang i nang tarlumobi ruas ni huria ni Kristus i, ndada na mambahen angka parasingasingan alai gabe hasadaon ni rahut holong ni Kristus i.
III. Sipahusorhusoron
1. Asa tau hita taringot tu hasadaon; ido na niigil ni Debata dibagasan ngolunta. Ndada boi jolmai mangolu holan di dirina, alai tung ingkon marsaor do tu angka dongan jolma. Nang di huria i pe naeng do patuduhon hasadaon, na saroha sapangkilalaan, sahaporseaon (ptds. Rom. 12 : 15-16; Efesus 4 : 1-6). Asa taparangehon na tama hombar tu panjouon na songgop tu hita ditonga ni huria. Dipatuduhon angka na porsea do hasadaon i marhite na olo martoruk ni roha, marlambok ni roha, masihaehean dibagasan roha na holong.
2. Dina laho patuduhon hasadaon i ndang sae holan na manghatahon alai dohot do dina mangulahon sian nasa rohanta. Asa jumpang hasadaon ingkon maringan do dame i dibagasan rohanta. Di dok di Kolose 3: 15 Jala dame ni Kristus i ma mangarajai di bagasan rohamuna, ai tusi do hamu dijou dibagasan sada daging. Gabe parroha mauliate ma hamu!. Molo soadong dame ni Kristus i, tontu ndang olo pasadahon diri dohot donganna jolma. Alai oloanna ma hisaphisap ni sibolis na mangelaela rohana asa tubu ginjang ni roha, late, dohot hosom. Alai angka na mangoloi ajar ni Barita Nauli i sai hasiholanna do laho pasadahon diri tu donganna sahaporseaon (Rom. 12:5; 1 Kor. 1 : 10; 12:4,13; Gal. 3 : 28)
3. Ragam do angka houm, nang bangso, di portibi on, tarlumobi di negaranta, motto ni negaranta Bineka Tunggal Ika (berbeda-beda tapi tetap satu), alai nunga lam dao hasadaon ni bangso i, siala holong i nunga lam marpengpeng. Sahat nang tu hurianta pe ditongatonga halak Kristen i masa parbolatbolatan siala sai manambornambori Hosom, Teal, elat dohot late ni roha (HOTEL). Alai hita na porsea dibagasan Jesus Kristus sipasidingon do pangalaho sisongon i, ai nunga dipasada dibagasan holongNa i hita. Joh. 17 : 20-21 “Alai ndang holan nasida hutangianghon, dohot do angka na naeng porsea dope di Ahu, tinogu ni hatanasida: Asa sada nasida saluhutna; songon Ho, ale Amang di bagasan Ahu jala Ahu di bagasan Ho, songon i ma nang nasida di bagasan Hita, asa porsea portibi on Ho marsuru Ahu.” Ai disuru Debata do Anakna Tuhan Jesus Kristus laho manghophop hita jolma pardosa; dipadame dohot Debata asa sada. Nang angka na porsea gabe sada dung manjalo basabasa ni Tondi i (Ul.Ap. 2 :44 Alai sai domu do saluhut angka na porsea i, jala songon hatopan dirajumi nasida saluhut artanasida”) Sense of belonging to Christ; roha na marnampunahon di Kristus i do napinangido dibagasan ngolunta na manghorhon dame nang las ni roha. Amen !
