Disi Artam Disi Do Roham
Mateus 6: 19 – 21
1. Patujolo
Ia panurat Mateus pasahathon angka jamita nang pambahenan ni Jesus. Sian Buku Mateus on boi do idaonta tolu point situjuonna, i ma: Sada maksud apologetis, sada maksud kateketis dohot sada maksud parenetis (teguran).
Laos di turpuk epistel on maksud parenetis do on tu angka halak parisi na marpingkiran ai ia hamoraon ima sada tanda sasahalak na tama di adopan ni Debata jala upa na mangulahon patik . Alai adong dope pangantusion na umbagas nanaeng sipasahaton ni Jesus martimbanghon pangantusion ni halak Parisi.
Diantusi Jesus do na adong sada bahaya dihaporseaon laho mangantusi papungu arta; i ma na hurang diantusi halak Parisi . Molo upa ni haporseaon ndang na holan tu kepentingan niba sandiri. Sada tona ni Jesus na sintong tu angka jolma na porsea di Ibana, asa unang terjebak na sida na sai holan papungu arta di portibi on, alai asa mangalehon rohana laho mangantusi “papungu arta di Ari Sogot”. Molo arta di portibi on ndang “aman”, na sai godang do angka ngitngit , nang tasik dohot panangko na mengancam dohot na manegai.
Sian hata napinillitNa dison, Tuhan Jesus mansai jonok do tu angka na mambege jamitaNa; ndang na manghatai Ibana taringot tu arta na pinapungu ni angka halak na maringanan di huta manang di kota na adong di Galilea. Ai “arta” na adong di nasida somalna tingki i ima angka pahean dohot sprei ni podoman na mansai bagak, alai godang do hape ngitngit na manegai umbahen na godang angka lubang dibagasanna. Dungi panangko nanaeng mambuat angka arta nasida. Ala ni ima ndang inganan na aman molo portibi on. Alai arta na di surgo i ndang na mambuat i jala ndang olo sego. Ai art na di surgo dos doi songon na nidok ni Jesus upa na di banua ginjang (Mat.5 : 12).
Dung i ditambai Jesus ma muse mandok: “Ai ia disi artam, disi do roham” lapatanna :molo taanggap do hamoraon di portibi on na rumingkot, gabe mangihot tu rohanta, alai molo tabahen do na rumingkot arta na sian Tuhan, gabe mengihut ma rohanta disi.
II. Hatorangan
Ia jolma na nidok Jesus di Mateus 6 i ma na nasida na mangolu na so adong alasan na tingkos, ia nasida gumodangan do na mamingkirhon ngolu na so manontong manang sementara, yang tidak akan membawakan mereka sesuatu yang kekal. Karena segalanya yang ada di sekeliling kita akan menghilang suatu hari nanti, sangatlah bodoh jika kita hidup hanya untuk saat ini.
Hita angka na porsea dibagasan Jesus Kristus, ingkon mambahen haputusan ganup arina. Olo do hita mamangke angka ari dohot tingki na nilehon ni Debata tu hita laho mamparbuehon na tama ? manang na sai holan mangalului hasonangan portibi on do hita jala mardalan ndang pasti tujuan ni ngolu ? Asi ni roha ni Debata rade do tu saluhut manisia na ro tu Ibana, angka na porsea sai diparade do dirina dohot ngoluna sian nasa roha dohot ateate dohot sian nasa pingkiranna gabe pelean na mangolu tu Debata. Angka na sisongon on ma na gabe prioritas utama angka na porsea i.
Dibagasan ateate, marhite Bibel i diantusi songon sada pusat ni hadirion ni jolma. Pusat ni angka na rup maringanan : hapistaran, hagiot, haboionta laho mamutushon sasadasa persoalan dohot hisap-hisap dibagasan ateate na umbagas. Jala ndang dao i molo tadok mura lohot rohanta di arta na niomona. Ala ni i ma tung mansai ringkot do di hita laho manontuhon pilihan sintonsintong jala pahothon diri sintong di na rumingkot dihita.
III. Aplikasi
Na laho salpu do sude portibi on, ai haotoon do molo mangolu hita holan di partingkian on.
“Ai boha do pandapotmu sasahalak boi mamangke angka barang on ? “ huhut ma ibana pasidinghon angka barang i na leleng i dibagasan sada garasi. “Dison ma inganan ni ibana leleng pasudahon tingkina“ I ma tangis ni sahalak pahompu na tongon marhabot ni roha di hamamate ni ompungna. “Tung dangol do ndang jumolo ibana mamuhai sada program parsiajaran, mansai godang do parbinotoan dapotan ni halak sian ibana, sahalak tungkang mekanik terbaik na sian kota on, alai nunga tarlambat be.“
Molo di Jesus, arta nanidokna ima: Harajaon ni Debata. Manaringoti Harajaon Ni Debata na marlapatan ma i manghatai taringot tu Debata. Pajonokkon diri tu Debata ima sada cara laho manghatindanghon ia Debata na tuk mangalehon pangaramotion na manontong jala na marimpola dibagasan parngoluonta.
Sahalak sisean ima na olo manghangoluhon ngolu secara radikal dan melalui cara yang baru; percaya bahwa Allah tahu apa yang kita butuhkan. Ndung taantusi i ndang rumingkot be dihita ngolungolu portibi on sian na nilehon ni Debata na manontong i atau kunci dari kebahagiaan kita. Angka ganup bangso na so mananda Debata songon nanidok ni Jesus sai palohothon diri tu posisi na sala marhite na sai holsoan dibagasan ngoluna.
Haporseaon na boi do i mamuhai dohot paubahon ngolu ni sahalak sisean. Gadishon ma sude artami jala lehon ma tu na hurangan. Angka haporluan nasida ndang gabe sada na rumingkot be alai tu na manarihon angka donganna be nama. Na sian mulana marpusat tu diri sandiri gabe mangerbang ma tu ngolu na marpanarihon dongan. Jala on ma dipatuduhon huria na parjolo (Kristen mula-mula; Kis. 2:45; 4:34-37). Siala nunga godang jolma manghaporseai Barita Nauli ndang holan hata manang isapan jempol semata, alai na marpanghorhon doi tu hamubaon ni roha nang pangalaho ni angka na umbegesa.
Na gabe sidiskusihononta:
Aha arta na ummarga di ngolum ? Boha do Hata ni Jesus i gabe manghorhon di ngolum ?
Molo naeng denggan parngoluonta secara sederhana nang di materi manang di partondion, aha do sipasidingonta ? Jala aha do si pertahananta?
Tidak ada komentar:
Posting Komentar