Manghamauliatehon Pasupasu ni Debata
Parjamita 5 : 9 – 11
By. Pdt.Eben ezer Munthe, S.Th
Amerika Serikat (AS) ima sada negera na marnampunahon kekuatan ekonomi terbesar di dunia. Angka perusahaan-perusahaan finansial AS na beroperasi hampir di seluruh dunia. Ala ni i ndang heran be hita molo krisis keuangan AS na dipicu angka kredit macet di sektor perumahan, pintor sahat panghorhonna mangerbang tu sandok portibi on- na pasudahon arga ni saham di angka negara, termasuk ma di Indonesia. Isarana sahalak namarnampuna saham, gabe togang jala gabe maol modom siala holan dibagasan dua minggu, arga ni saham na marmilyar rupiah gabe turun mangisut 75 persen.
Nagabe sungkunsungkun tu hita: Aha do nanaeng siparsiajaranta sian na masa i ?
Krisis keuangan na masa i patuduhon ia aset keuangan mansai rapu. Kondisi finansial di negaranta na mansai mura muba di angka perubahan. Ia turpuk sian Parjamita on mangondolhon na masa sisongon i molo halak na mora boi do mengalami hal buruk ala ni artana (ayat 12,13). Godang do angka jolma na marusaha mangalului hasonangan ni ngolu marhite na papunguhon arta. Hape arta na di portibi on ndang olo bertahan lama. Krisis, kecelakaan, kecerobohan, kebakaran, pencurian, dapat menggerus kekayaan secara tidak terduga. Na unjorbut dope, godang do jolma na mengorbankan ngolu na so manontong i dina holan mangharinghothon hamoraon na holan parsatongkinan. Mangihuthon angka na malo, panghorhon ni krisis dunia adong dope i sahat na dua tu opat taon na ro. Molo taondolhon do hamoraon sai na susa do binahen ni i. Alai holan na mangasahon Tuhan i do boi hita mamasuhi ari, minggu, bulan dohot taon na imbaru na sonang jala gok pangkirimon. Siala nang pe masa krisis, sai na dilehon Tuhan i do hagogoon laho mandapothon pangomoan na manggohi angka haporluan dibagasan ngolunta, ala ni i angka na masa di portibi on ndang boi taprediksihon angka na naeng masa pe.
Hea do adong sahalak na mora jong nanaeng mangalehon tanona tu alealena. Jala marjanji do ibana tu alealena i, Molo tolap ni alealena i manghaliangi tanonai, manang sadia bidang pe i gabe tanona aleale na i ma i, jala holan sadari do marlangku aturanna i. Mambege i pintor semangat do alealena i. Di manogot ni ari borhat ma aleale na i laho mamuhai dina manghaliangi tano i so pola di pingkiri ibana mangan dohot minum. Marlojong ma ibana manghaliangi tano i sabidangbidang na. Dung di tonga borngin pe asa sae dihaliangi ibana jala sahat ma ibana tu donganna i jala mandok: Nunga sahat huhaliangi tano mi 500 ribu meter persegi. Alai diboto hamu do angka dongan, tompu ma tos hosana jala mate ala ni lojana. Hamu angka donga na hinaholongan dibagasan Jesus Kristus. Dibagasan parngoluon ongodang do songon i angka jolma na manghalumbahon angka arta na sasintongna diluar kesanggupanna. Adong do jolmana dung mamora jong, alai na sai mongkus. Adong na mansai malo alai na sai terobsesi mengalumba angka na so ringkot. Jala adong na dung marhasil alai sai tong dope hurangan. Godang jolma na so boi dope mangargahon angka pasupasu na dung dilehon Debata. Ngolunta di portibi on holan sahali do, ala ni i ringkot do hita marsiajar laho menikmati dan mensyukuri. Angka na diluar kemampuanta ingkon tarjalo hita do i dohot las ni roha.
Ndang na mandok asa gabe malas laho mula ulaon. Mangula dohot kerja keras mansai ringkot do i alai na rumingkot i ma laho manghamauliatehon jala manghilalahon pasupasu dohot asiasi na nilehon Debata tu bagasan ngolunta. Jotjot do hita sai marungutungut jala lupa laho anghamauliatehon pasupasu ni Tuhan i na dung sahat tu hita. Hape molo tarimangi muse tu pudi godang do pasupasuNa na tahilala. Ala ni i unang ma holan na marungutungut hita di na so adong di hita alai ta hasabamhon ma na adong; i ma denggan basa ni Debata dohot manghamauliatehonsa ganup tingki na sahat dihita. Pasupasu i boi do tahilalahon molo adong na tapingkiri dibagasan holongNa na manontong i. Sude na i tajalo molo olo hita dohot denggan pasuthon lomo ni rohaNa sintongsintong. Marhite prinsip Berdoa, Bercermin, dan Berusaha sehingga anak-anak Tuhan bisa menyelami apa kehendak Allah dalam hidupnya, serta kuat kuasa Allah mengurapi kehidupan mereka.
Ganup jolma sai mangalului hapuasanna sandiri, alai sasintongna godangna do jolma na manghilala arsak ni roha sian hapuasanna. Na gabe sungkunsungkun maol do mangalului hapuasan i? Godang do namambahen tata roha, laos so tarhatahon jolma i: ndang sinok mata marnida, ndang tabo sipareon mambege.
Sian mulana Raja Salomo marhatopothon, ia hapuasan i boi do niluluan sian na binereng dohot naniida. Hape sude na i ndang memuaskan. Pamerengan na uli di na marribu boruboru na bagak na gabe sinondukna ndang na boi mangalehon hatuaon di Raja Salomo. Laos songon i do angka pujian na binege ni raja na marbisuk on tong do ndang boi papuashon dirina alai gabe tata rohana. Boasa masa sisongon i ? Siala Raja Salomo sala manotophon standar kepuasan. Hita pe angka nahinaholongan boi do masa sisongon i molo sai mangarop angka pujian sian angka jolma. Isarana: Molo di Ruma Tangga angka ama sai mangarop pujian sian sinondukna, laos songon i sabalikna angka ina sai mangarop do pujian ro sian amantana. Duansa rup paimahon ise na jumolo mandok. Alai ndang adong sian nadua na jumolo, ala ni i merasa kecewa.
Jolma memang ndang hea puas, isarana: Ina manungkun tu amantana: manang nunga langsing. Molo nialusan dohot jujur, pasti muruk do inanta i. Alai autsugari amantai mamuji inanta i : bak gitar Spanyol, tong do ndang puas perasaan ni inanta i, alai gabe ditudu do amanta i na margabus. Manontuhon standar kepuasan sian na binereng dohot nabinege songon na manginum aek laut do i. Halak na mangalami kecelakaan di laut disaranhon asa unang manginum aek laut, sa uasuasna pe taho, siala boha ? siala aek laut mengandung kadar garam pitu hali gumodang sian na boi diserap tubuh. Artina, manginum sagalas aek laut ingkon manghaporluhon pitu galas cairan tubuh laho melarutkan ansimna. Ala ni i ma sai na mauas do jolma na manginum aek laut. Poda 19 : 23 “Biar mida Jahowa parohon hangoluan, jala halak na sabam roha marsonang-sonang do, ndang manginona jea tu ibana.( Takut akan ALLAH mendatangkan hidup, maka orang bermalam dengan puas, tanpa ditimpa malapetaka.)
Jolma na biar mida Jahowa i ma na marnampunahon Kristus dibagaan ateatena, ibana ma na mian dibagasan hasonangan “abide in satisfaction”. Halak na songon on ndnag diganggu angka na jat not visited by evil. Hasonangan na jinalona andul do sian hasonangan na sian ambisi. Halak na ambisius ndang hea ibana puas. Isarana; jolma na ambisius naeng manjehehon angka sainganna nang pe nunga marnampunahon bisnis na maju. Na marlapatan na ro do na jahat diibana, siala ndang puas ibana marnida donganna marhasil. Ndang na marlapatan halak na dipasonang Debata holan manghohom sambing ditingki donganna manjehehon ibana. Alai halak na manjalo hasonangan sian Debata ingkon marusaha sadenggandengganna, alai hasonaganna i ndang ala ni na dapotna materi i. ( Jesaya 58 : 11)
Asa marhasonangan hita holan marhite Jesus Kristus do na mangalehon haluaon dibagasan ngolunta, ndang adong be biar, manang bobonosan marnida na masa manang na naeng masa dibagasan parngoluanta. Jolma na porsea ndang olo ganggu rohana nang pe haporseaonna marnida haulion ni portibi on. Sai dihasabamhon ibana do angka na sahat dibagasan parngoluanna. (Poda 30: 8; 1 Tess. 5: 18) Nang pe pogos di arta alai mamora di partondion. Ali ndang diorai hita asa mamora, alai boha do angka na porsea patujolohon Tuhan i dibagasan ngoluna songon na nidok ni Mateus 6: 33 “Sai jumolo mai lului hami harajaon ni Debata dohot hatigoranna, dung i tambahononna do sude angka ondeng tu hamuna”. Angka na porsea sai lehononna do tingki asa marsaor dohot Debata, asa rumingkotma Debata dohot hataNa dingolunta asa gabe arta na ummarga i sian nasa na adong arta di portibi on, siala arta portibi on na laho salpu do sude. Amen
Tidak ada komentar:
Posting Komentar