Jamita Partangiangan Minggu V Dung Trinitatis: Psalmen 148: 3-14

Mamuji Debata

a. Dihamu nahinaholongan dibagasan Jesus Kristus, ia jamita ni partangiangan di minggu V Dung Trinitatis on i ma taringot tu Topik: Melestarikan Lingkungan Hidup. Di Padan Na Robi ndang hal na luar biasa be laho manaringoti lingkungan nang angka na tinompa ni Debata. Tangkas do tarida marhite turpukta on, sude do na tinompa ni Debata ingkon mamuji Ibana. andorang so i tahantusi, gumodangan do angka Kristen manghalupahon nadihumaliangna, ai holan hira jolma i do na mamuji didok rohana.
hape sude do diarahon turpuk on laho mamuji pasangaphon Debata. Namarlapatan ndang holan jolma i natinompa ni Debata alai dipaingot do hita dipanompaon na parjolo i. ai ndang jolma i parjolo di tompa, alai langit dohot tano on ro muse mangihut angka suansuanan dohot angka binatang. On do nanaeng siondolhonon asa sude natinompai tujuanna laho mamuji Debata do.

b.Nagabe tantangan nunga gumodangan jolma manghalupahon Debata. Ai nunga dipuji Angka jolma (manang idola); isarana angka artis na dipuji-puji malah berlebihan. Dungi angka binatang pe dipuji dipigapiga ugamo manang kepercayaan. Dungi adong muse do na mamuji angka benda-benda mati manang angka suan-suanan na di keramathon. Hape ndang tama i mandapot pujian. Ai holan Debata na manompa langit dohot tano on ro diisina. Molo adong dapot sasahalak pansamotan, dohot pangomoan lobi sian na didonganna, dapot pujian do ibana. Alai molo gabe dihilala rohana do ala ni gogona i gabe tubu ma dirohana na papujipuji dirina manang manengahon diri. Alai sabalikna molo dihilala rohana do sian Tuhan i saluhutna tontu ingkon marpanindangion na tutu ma ibana taringot tu Debata; ai Debata do na patupahon dohot na mangalehon i saluhtna.
c. Ndang adong na diportibi on mandapot ringkot pujipujian siala nunga madabu tubagasan hadosaon: i ma dosa warisan sian si Adam na parjolo alai nunga dipalua hita sian dosa i marhite hasesaaan ni Debata dibagasan Anakna Jesus Kristus. Na mangihut siala dosanta ganup hita marsada-sada. GAnup jolma sai dirajai hisap-hisapni dagingna dope. Ima na gabe pemicu di angka jolma laho manuntun tu lomo na sandiri; tarmasuk ma i di na laho mangahut di dirina sandiri nang arlumobi hisap di arta nang sinamot.BOi do tabandinghon marhite gumodang an do nuaeng jolma on hisap dihepeng manang mata hepengon manang na melanggar patik na pasapuluhon i na mandok: Ndang jadi haliangan ni roham bagas ni donganmu, ndang jadi haliangan ni roham dongan saripe ni donganmu, manang naposona baoa manang naposona boruboru,manang lombuna manang hodana manang dia pe ugasan ni donganmu.
Tanglas ma taida i godang jolma ndang mersa cukup, ndang merasa puas, sai holan na hurang do dirohana. Nunga adong sada jabuna, sai ingkon ringkot dope di rohana manambai manang piga-piga jabu pola sahat marmengomengo. Suang songon i na marmobil, ndang sae holan sada mobilna alai ingkon adong ma sahat tu 4 manang 10 mobilna. Suang songon i na mar Handphone, ndang sae holan sada handphone alai ringkot dirohana sahat tu opat masaam handphone. HApe holan di fungsina tontu ndang pola godang massamna alai sae ma holan sada. Boha ma panghorhonna ? ala godang nuaeng on mobil dohot motor di kota jala nunga mansai mura muse mangurus ndang pola maol be asa marmobil dohot marmotor diihthon muse dihisap daging ni jolma sinuaeng on, terjadi ma kemacetan di jalanan kota. ALa ni i dong kota baru ditingki parpudi on pe baru masa kemacetan di jalan. Ihutni i muse siala asap kendaraan dohot pembangunan angka pabrik mambahen penipisan ozon gabe manghorhon lam mohop ma portibi on. I ma na nigoaran Pemanasan Global (Global Warming). GAbe godang ma marpempeng (susut) angka suansuanan dohot angka binatang, jala nunga godang i diteliti angka ahli lingkungan. Namangihut muse, siala hisap ni jolmanuaeng ditabai angka hau laho tu perkebunan, jala laos diilegalhon pamarenta daerah dohot pusat do jala ndang seimbang be ekosistem ni hutan na ringkot tu angka binatang, sialanunga godang dibakar angka hutan laho mamungka partanian. ALa ni i ndang heran be hita ala nunga gumodang nuaeng angka binatang laho tu perkebunan rakyat siala ndang adong be sialangonna di hutan. GAbe adong ajah mengamuk di Riau sahat tu na pamatehon jolma. angka bodat turun sian gunung ala dang adong be sialangonna, gabe dipingir dalan ma laho dohot tu perumahan penduduk. GAbe mardosai ma angka jolma jala mengeluh ala ni i.
d.HAmu nahinaholongan dibagasan Jesus Kristus.Sude na masa i ala hisap ni jolma jala nunga manghalupahon Debata na mansuru hita jolma laho menjaga keseimbangan alam. Ala ni i dihita sian turpukon boi do hita mamutihi angka siboananonta laho bohal partondionta:
1. Haporseaonmi do na paluahon Ho,i do na nidok Jesus tu na marsahit i, alai ndang holan pangantusion asa malua sian na marsahit pamatang; alai bidang do na hinamhamna i, i ma malua sian haotoon na so mananda Asi dohot holong ni roha ni Debata. Molo porsea do hita tu Debata dohot HataNa i dang ulahononta na so patut nang tarlumobi dina laho manegai lingkungan. ANgka na porsea di Debata jagaonna do angka na tinompa ni Debata termasuk tumbuh-tumbuhan dohot angka binatang asa denggan mangolu jala serasi keseimbanganna.
2. Mamuji Debata ndang holan di hata alai dohot do nang marhite pambahenanta i ma mangarahon angka na tinompai mamuji Debata.Marhite na denggan tapelihara angka na tinompai gabe dohot ma denggan partubuna baik udara, air, hujan, bintang, bulan, matahari, dan tumbuh-tumbuhan dan binatang semua lestari dan seimbang menjaga keberlangsungan hidup dan menjaga ciptaan Tuhan jangan musnah sehingga semua dapat memuji Tuhan.