Malua do Ganup Na Manjou Goar Ni Tuhan i
Orang Yang Berseru Kepada Tuhan Akan
Diselamatkan
Ev. 5 Musa 26: 6 – 10a
Ep. Rom 10; 8 - 13
a.
Halak na sai ingot mandok mauliate ima na
mangarajumi saluhut na jinalo na sian pangurupion nang asi ni roha ni donganna.
Naung gabe hasomalan do di jolma mandok mauliate, sian na metmet pe naung
diajari do dakdanak i mandok mauliate. Mandok mauliate ala las roha, adong ni
dapot, adong na jinalo sian dongan nang aleale. Sandok molo tadok mauliate ala
naung tajalo angka basabasa nang pasupasu dohot si las ni roha, tarlumobi na
sian Tuhanta i. Saluhutna bingkas ni na mandok mauliate ala angka na uli na
denggan sijaloonta, alai boha ma molo na taadopi angka na so hinirim ni roha,
ro parsahiton, ro harugian, angka mara, hasusaan, boi dope tardok mauliate ?
Dipaingot Ap.Paulus do hita asa “tongtong mandok mauliate”, laos songon i do
nang dibagasan turpuk on asa ingot bangso Isarel mandok mauliate.
b.
Turpukta
on ma sada susunan liturgi na mangondolhon liturgi pelean sian pangomoan na parjolo ima credo nasida na
ingkon sipasahaton dua hali. Panindangion, deklarasi iman ingkon sipasahaton
nasida tu angka malim, uju siboan ampang pelean na parjolo, ia Tuhan Debata do
na mangalehon tano i tu angka ompu nasida najolo. Dunghon dihatindnghon i
dijolo ni malim, niulahi ma muse manghatindanghon haporseaonna diadopan ni
Tuhan Debata marhite na pajojorhon pardalanan ni bangso Israel jala dipaujung
ma dohot panindnagion ia pelean na parjolo i pelehononna ma tu adopan ni Tuhan
Debata, ia tano i na nilehon ni Tuhan Debata do i. Adong ma onom hali pengulangan ni panindangion i ma
Debata mangalehon tano i ( ayat 1,2,3,9,10 dohot ayat 11). Namarlapatan sian
Buku 5 Musa on (Kitab Ulangan), tujuan ni partangingan nasida i ima laho
paingothon bangso Israel sian sundut tu sundut pinomparna ia Tuhan Debata do na
mangalehon dohot na paradehon hangoluan di nasida.
c.
Saluhut
do hita jolma mangharinghothon na ginoaran hepeng. Porlu do pangkeonta i di
haporluonta siganupa ari. Nang huria pe ringkot do mampargunahon hepeng i tu
angka biaya operasional di huria. Molo songon i, sian dia ma haroro ni hepeng i
? molo tadok do sian usahanta sanidir sian gogonta sandiri, nunga tung tardok
hita na so mananda Tuhan i. Alai sabalikn amolo taokui do haroro ni hepeng i
sian Tuhan Debata, disi ma tardok hita na marhaporseaon. Ala sian Tuhan i do haroro ni
hepeng nang pangomoanta i, disosoi do hita asa tapelehon muse manang tapasahat
tuu Tuhan Debata, hape sian Tuhanta i do i sude. Aha do lapatan ni i molo
tapelehon tu Tuhan Debata ? tapasahat di parmingguon pelean, pelean
hamauliateon, pelean bulanan, pelean taon dna.1 Kronika 29: 14 mandok: “Ai ise
nian ahu pola, jala ise pola ia bangsongki, tung pola tuk gogonami mangaringgas
margugu songon on? Ai marharoroan sian Ho do saluhutna i, jala sian tanganmi do
i na hulehon hami tu Ho” Lapatanna, tung soadong do na sian dirinta sadniri na
taomo i saluhutna, baliksa sian Debata do haroro ni angka nasa na adong, patut
ma hita antong si dok mauliate.
d.
Ala
ni imolo tapelehon pe peleanta tu Debata, tapasahat ma i songon pengakuanta ia
holan Tuhan Debata do na mangalehon hangoluan tu hita jolma. Tapasahat pe
peleanta i songon tangkas ni panandaonta dibagasan haporseaon ia saluhtutna i
pambahenan ni Debata. Pelean ni halak na porsea ima ala naung tajalo do asiasi
ni Debata. Ndada songon halak sipelebegu na pasahathon peleanna tu ajiajian asa
dilehon mulak tu nasida godang muse, ipe molo dilehon, boha ma molo so ro
silehon lehonna i? Ala ni i hita na porsea dibagasan Jesus Kristus nuaeng sian
turpuk na marsiajar do hita sian bangso Israel uju i, ia Debata sandiri do na
pasahathon aturan nang hatontuan tu bangsoNa Israel asa laho pasahathon pelean
sian patumonaan ni parbue ni ladang di tano na dipasahat Tuhan Debata tu nasida.
Marhite na sai marningot asi ni roha ni Debata di pardalanan nang parjuangan ni
bangso i. Laos suang songon i do hita songon huria ni Tuhanta, bangso ni Debata
si nuaeng on. Dipardalanan nang di parjuanganta, mansai godang do asi ni roha
ni Debata tu hita. Ala ni gabe manjou hita laho mamelehon na ummuli jala na
dumenggan tu adopan ni Debata. Marhite angka peleanta na tapasahat, manang pelean
hamauliateon, pelean bulanan, pelean taon, nang angka pelean na asing. Unang ma
baliksa angka pelean na so tama, na so denggan. Adong ma illustrasi sada
keluarga na mandapot barita ia horbo nasida naung maranak dua. Mansai las roha
ni na saripe i, dungi di dok amanta i ma tu ianantai; “Tapelehon ma tu Debata
sada sian anak ni horbo i”. “Mansai uli” alus ni iannta i. Dung salpu dua ari
dibereng amantai ma muse tu bara ni horbo i, hape nunga mate sada anak ni horbo
i. Dijou ma inanta na jala didok : “bereng jo anak ni horbonta on sada nunga
mate, didok rohangku laos i ma tapelehon tu Debata”. ninna. Gabe dialusi iannta
i ima: “Sian dia do botoonmu na gabe sipelehonon na mate tu Debata, ai so
tapillit dope na naeng sipasahathononta ?” Hita na hinaholongan jotjot do hita
pasahathon peleanta na so denggan jala bahkan na so marguna be tu adopan ni
Debata. Hape Ap.Paulus mandok di Rom 12: 1 12:1 Na huapoi ma hamu, ale angka
dongan, marhitehite asi ni roha ni Debata: Pasahat hamu ma dagingmuna bahen
pelean na mangolu, na badia, na hinalomohon ni Debata; i ma hadaulaton ni na
marroha. Lapatanna nunga diapoi hita laho pasahathon na mangolu ndada na mate.
Tuang ahama guna ni naung mate pelean i, tung soada do marguna. Alai namangolu
na marlapatan, jala na manghorhon las ni roha nang hangoluan. Jotjot do hita
jolma on mamahe paretongan laho marpelean, marlaba do manang rugi andorang
dipasahat peleanna. Mansai ila do roha molo dipasahat pelean na so marguna.
Jala molo adong dope ruas ni huria sai marungut ungut tu huria na sai holan
manaringoti hepeng, ima jolma na so mandok mauliate tu Tuhan i. Tung aha
halobianna na molo dipasahat tu huria sian na jinalona sian Debata. Taingot ma
na nidok ni ende KJ.No.439:
Bila topan k'ras melanda hidupmu, bila putus asa
dan letih lesu,
berkat Tuhan satu-satu hitunglah, kau niscaya kagum
oleh kasihNya.
Berkat Tuhan, mari hitunglah, kau 'kan
kagum oleh kasihNya.
Berkat
Tuhan mari hitunglah, kau niscaya kagum oleh kasihNya.
e.
Aha
do dasor ni halak na porsea laho pasahathon peleanna, ima ala marningot
pambahenan ni Tuhan Debata, Karya nyata Tuhan dalam kehidupan kita umat
percaya. Karya keselamatan yang Tuhan beri melalui AnakNya Yesus Kristus adalah
suatu karya yang tiada taranya, yang tak terkatakan. (Yoh.3:16), tung so
tarbalos hita do balga ni holong ni roha ni Debata tu hita. Ala ni i molo tung
pe tapasahat peleanta di huria tu adopan ni Debata, atapasahat ma i marhite las
ni roha, unang ma mardongan ungutungut. Tapasahat ma tu Debata uanang ma taetong
tu jolma, tu pribadi manang tu pangula ni huria, alai na tu Debata do i. Molo dipangke
pe di operasional huria laho tu ulaon ni Debata do i. Ala ni i taingot ma ende
nipeleanta i BE 204 :
Nasa na nilehonMi, tondi ro di pamatangku
Hosa dohot gogongki, ro di saluhut artangku
Hupasahat i tu Ho, na so unsatonku do.
Tung so unsatonta do
naung tapasahat tu Debata marhite huriana i. Molo adong pe na naeng sipasahathononta
tu huria, pasahat ma, alai unang muse unsaton i gabe mangatur huria, gabe
marlomolomo tu Tuhan i, gabe partuktuhan manghorhon hasusaan. Ala ni mangolu ma
haporseaon na sai marsigantung tu Tuhan Jesus i, Tuhanta Jesus Kristus naung
paluahon hita sian dosa, hamateannang sibolis i, asa bongot hita tu hangoluan
na saleleng ni lelengna i ima na di surgo i. Surgo i sambulonta doi ndang adong
be siaeon disi, angka las ni roha nang pujipujian tu Debata ma na disi. Ala sai
na joujou do hita tu Debata jala dipalua hita; Rom 10:13 Ai "malua do ganup na manjou Goar ni Tuhan
i!", laos ima topik di partangiangan nang Minggunta Minggu Invocavit.
Amin.
