MARGURU TU LOMO NI ROHA NI DEBATA
Berserah Kepada Rencana Tuhan
Ev. 1 Musa 15 : 1 – 6 Ep. Pilippi 3: 17-21
A.
DI
na masa apala otik parasingan pandapot
di huria na di sada kota, marpungu ma manang na piga halak parhalado dohot ruas
masipapuas na di rohana be. “Tabuka huria na imbaru di hita,” ninna sada halak
ma mamungka panghataion.
“Boha molo so dijalo
hita di ressort, “ ninna na sada, songon na ganggu.
“Mura do i, tabahen
ressotta sandiri, “ ninna na asing.
“Olo, molo tabahen
resortta sandiri, atik na so dijalo pusat do hita, “ Ninna na sada nari muse.
“Ah, i pe na mura do
i, ba molo so dijalo pusat hita, tabahen pusatta sandiri. Adong do panditanta,
tabahen i eporusta,” ninna imansai langgus rohana.
Jadi adong ma sahalak
na sai sip dope sian na dipungka panghataion i. Didok ibana ma, “Boti do da
angka dongan, molo mambahen huria,m ressort, dohot pusat ra mura do i. Alai,
sipingkiranta ima: hombar do i tu lomo ni roha ni Tuhanta?”
“Ai Manang boha pe, na
rumingkot asa parjambar do hita di surgo i. Boha ma molo boi tabahen huria,
hape ndang dijalo hita sogot di surgo i?” Ninna ibana paingothon na pungu i.
Alai adong ma sijogal
baut disi sada mandok, “I pe mura do i, molo so dijalo hita di surgo i, tabahen
di hita, “ ninna so jolo tangkas dipingkiri hatana.
Hamuna angka dongan
ruas ni huria na honaholongan dibagasan Jesus Kristus, ima illustrasi na
patuduhon lomolomo ni roha di nalaho marhuria, pola sahat na naeng pature
surgo. Dijaman naueng on pe mansai bahat do jolma na malo, na pistar di dok
rohana, sude na naeng guru, nang na mangajari, bahkan na nanaeng mangatur, hape
ibanda ndang boi siaturon, manang ndang terpimpin manang sijogal
rungkung,songon bangso Israel pinompar ni si Abraham.
B.
Hape
dibagasan turpuk on dipatorang do taringot tu ompunasida si Abraham, na unduk
roha, jala sipangoloi di Hata ni Debata. Halak na tarpasupasu do si Abraham, na
sai nunut mangulahon siulaonna as umbahe marhasil jala godang artana. Dung
godang umurna jala naung matua, sai pingkiri ibana ma masa depanna ala so adong
gellengna, tung tu ise ma na niomo na saleleng on, nda tung tu halak
sipasahathononna, manang tu si Elieser anak gajianna. Biar do rohana gaeb mago
arta na i gabe tu halak. Najolo biar do rohana ndang adong artana alai dungkon
godang artana tong do gabe mabiar ibana hagoan artana i. Ai sadar do si Abraham
dang leleng be ibana di portibi on, sihol ni rohana asa ndang mago boti artana
i, sangkap ni rohana asa adong niang anakhonna na manean artana i, alai tung
soadong do anak di keluargana dohot si Sara parsonduk bolonna.
- Diantusi Debata
do na di rohana i, angka pergumulanna na sai maol sipingkiran ni si
Abraham. Marhite pandohan “Unang ho mabiar”, nunga marpadan Debata na
mambahen si Abram gabe sada bangso na bolon, dipasupasu marhite hamoraon,
goar na pe gabe tarbarita jala gabe pasupasu (1 Musa 12:2). Digohi Debata
do padanna i sada tamba sada, sahat na marlompit ganda, gabe mamora do si
Abram, gabe halak na mora jong do ibana, jala tarbarita. Sasintongna si
Abram ndada halak na hinalomohon ni Debata, ala na egois do ibana. Holan laho
paluahon dirina dohot artana, pola do ibana mandok pardijabuna songon
ibotona. Uju laho si Abram tu Misir asa maringan disi songon halak dagang.
Didok ma hatana tu si Sara, pardijabuna; 1 Musa 12:13 Ua dok ma,
ibotongku ho, asa sonang ahu ala ho, jala mangolu hosangku ala ho. Mansai
lomo do roha ni si Firaun mamereng si Sarai jala sangkap na laho mambahen
nasida gabe pardihutana manambai naung adong. Sian i boi do berengonta na
hurang bertanggung jawab do si Abram, ndang burju rohana. Alai Debata na
satia di padanNa na so adong na boi mangambatisa manang ise pe. Abram na
so satia alai Debata na sai satia tu ibana, dipasaut Debata do padanNa i
tu si Abram. Di naung godang umur ni si Abram gabe ro ma biar ni rohana.
Naung loja ibana saleleng on mangalului sinamot nang arta, di na otik nari
nama ariari ni ngoluna ro ma biar nang hatahuton di ibana. Ise ma haduan
na uarihon artanasida na naung niomona saleleng on ala so adong do pe
pinomparna, anak buhabaju na gabe sitean artana. Satia do Debata di
padanNa i, na lehononNa do pasupasuNa i nang dohot pinomparna. Ndada holan
padan taringot tu anak na sorang di bagasna alau dohot do sahat tu
pinompar na songon torop ni bintang di langit. Boha do haporseaon ni si
Abram tu Debata na naeng mangalehon anak tu ibana sian pardihutana na
naung godang umurna ? Mansai maol do tarjalo roha nang pingkiran. Alai
haporseaon dona manghuling ndada pikiran. Porsea lapatanna pasahathon
saluhutna hangoluan tu na hinaposan ima haporseaon (Heber 11: 1 11:1 Iman adalah
dasar dari segala sesuatu yang kita harapkan dan bukti dari segala sesuatu
yang tidak kita lihat.) Dialusi si Abram do na didok Debata marhite
haporseaon. Sikap ni haporseaon ni si Abram i do muse na gabe tarbarita,
jala ditanda ma ibana ibana gabe ama ni saluhut na porsea. Jala dipasaut
Debata do padanNa i ima na mangalehon anak di si Abram, sorang ma anakna
na ginoaran si Ishak na sian si Sara. Si Ishak pe gabe halak na porsea.
Angka pinompar ni si Abraham, Ishak, dohot si Jakob gabe halak na porsea.
Hita pe gabe halak na porsea ndada ala ni parmudaron nang pinompar di
pardagingon sian Si Abraham alai sian haporseaontta dibagasan Jesus
Kristus. Jala torop do halak na porsea dibagasan Jesus Kristus sahat tu
nuaeng on, ima hasasaut ni padan ni Debata tu si Abraham pinompar na sogot
songon torop ni angka bintang di langit. Ndang taretong godangna mansai
torop bilanganna. Ndada holan arta portibi na niuarihon si Abraham tu
angka pinomparna, alai lobi sian i diuarihon ibana do haporseaon tu torop
halak, nang tu hita saluhutna. Hita gabe halak na porsea na naung dipalua
Jesus Kristus marhitehite mudarNa i.
- Di hita saluhutna
nahinaholongan dibagasan Jesus Kristus. Mansai jotjot do jolmai
sinonggopan hatahuton nang biar ni roha mandalani ari ari ni ngoluna siala
ni angka aksesoris ni portibi on na ginoaran arta. Sai dipagogo jolma i do
manghalojahon angka ulaon asa dapot arta na di portibi on. Hal na biasa
jala wajar do masa i diparngoluon on. Alai na gabe siparungkilhononon di
naung hir hodokna laho mandapo sinamot nang arta i, gabe maol do di rohana
mangatur sudena i. Tung so boi do ibana mampargunahon i dohot denggan
hombar tu lomo ni roha ni Debata. Na dipardangolhon, dipingkiri ibana ma
muse artana i boha molo monding ibana haduan. Songon si Abraham na gabe
susa rohana mamingkiri artana tu ise ma teanonna sudena i. Hasosorang ni
anak di tonga ni bagas mansai ringkot di sude bangso di portibi on. Sada
sian lapatan ni ianakhon tarlumobi di si Abraham ima gabe sitean artana.
Holan sahat disi do pangantusion taringot
tu pinompar manang iananghon? Hape ndada i na rumingkot siuarihon
tarlumobi tu halakna porsea, asa tumagon do arta na di surgo i
siuraihononhon tu iananghon ima HAPORSEAON TU JESUS KRISTUS. Marhite
haporseaon i, ndada holan na dipasupasu pinomparta marhote arta ni portibi
on. Alai lobi sian arta ni portibi on, sai pinargogoan ni Debata do hita
nang pinomparta mangadopi hamaolon na masa dijolonta nang diparngoluonta.
Taarsakhon ma molo hurang malo hita mewarisi iman percaya tu iananghon
nang pinompar marhite parbue ni haporseaonta. Alai tahalashon ma sian
mulana nunga tapasomal laho ma memehon HAPORSEAON DI JESUS KRISTUS tu
angka iananghon nang pinomparta asa sitean hangoluan na so ra suda ma
ibana di ari sogot.
- Mengapa kita
harus menempatkan Tuhan dan kehendak-Nya sebagai yang terutama dalam hidup
ini? Supaya langkah hidup kita
senantiasa dipimpin dan dituntun oleh Tuhan, sebab kalau kita melakukan
segala sesuatu menurut kehendak sendiri tanpa melibatkan Tuhan dan tanpa
mengikuti kehendak-Nya, cepat atau lambat kita pasti akan jatuh dan
tersesat. Oleh karena itu apa saja
yang hendak kita kerjakan dan rencanakan biarlah kita serahkan sepenuhnya
kepada kehendak Tuhan terlebih dahulu.
"Sebenarnya kamu harus berkata: 'Jika Tuhan menghendakinya,
kami akan hidup dan berbuat ini dan itu.'" (Yakobus 4:15), sebab tak seorang pun
yang tahu apa yang ada di depannya, atau apa yang akan terjadi di kemudian
hari. Sebagai pengikut Kristus
sudah selayaknya kita meneladani Tuhan Yesus yang menempatkan kehendak
Bapa sebagai yang terutama.
"...Aku tidak menuruti kehendak-Ku sendiri, melainkan kehendak
Dia yang mengutus Aku."
(Yohanes 5:30). Renungan ini mengingatkan kita bahwa hidup
kita sebagai orang percaya untuk hidup sesuai dengan kehendak Tuhan di
tengah kehidupan dunia yang penuh dengan hal-hal yang bertentangan dengan
kehendak Tuhan. Jika kita sudah menjadi milik Tuhan Yesus, maka kita harus selalu berjalan
sesuai dengan kehendak Bapa di Sorga dalam hidup kita. Yohanes
4 : 34 Kata Tuhan Yesus kepada mereka: “Makanan-Ku ialah melakukan
kehendak Dia yang mengutus Aku dan menyelesaikan pekerjaan-Nya”. Sama
seperti Tuhan Yesus diutus ke bumi, untuk melakukan dan menggenapi semua
kehendak Bapa di surga. Demikianpun kita sebagai milik kepunyaan-Nya juga
harus hidup sesuai dengan kehendak Bapa, dan bukan untuk melakukan
keinginan kita sendiri. Pada waktu kita dilahirkan ke dalam dunia ini, Tuhan
sudah memiliki rencana yang indah bagi hidup kita. Amen.
