|
& Ev: Pilippi 3:17-21 & Ep: 1 Musa 15:1-6 Topik: Marguru Tu Lomo Ni Roha Ni
Debata |
=====Tingki
Nahohom===
1. Marende BE No..2: 1
-2 NAENG PUJIONKU HO JAHOWA BL.113
♫
Naeng pujionku Ho Jahowa Ai Ho do Debata na tutu i
Sai suru Tondi Parbadia Tu au asa hupuji goarMi
Marhitehite Jesus AnakMi Asa lomo rohaM di endengki
----Jongjong
ruas----
♫
Togihon ma au tu AnakMu Asa tu Ho ditogu au muse
TondiM pasaorhon tu tondingku Manogu au di dalan na
ture
Asa tongtong gok dame rohangki Huhut girgir mamuji
goarMi.
2. VOTUM – introitus : (U: Uluan; R:Ruas)
U : Marhitehite Goar
ni Debata Ama dohot Goar ni AnakNa Tuhan Jesus Kristus dohot Goar ni Tondi
Parbadia na tumompa langit dohot tano on. Amen! Sai ingot ma ale Jahowa, angka
denggan ni basaM dohot asi ni rohaM, ai sian narobi do angka i. Asa unang
marsuraksurak angka musungku mida ahu. Ale Debatangku, marhaposan tu Ho do ahu,
sai unang paila ahu. Haleluya!
U : Martangiang ma hita! Ale Tuhan Debata, Amanami na di banua
ginjang, Parasi roha na sumurung! Na mandok mauliate ma hami tu Ho sian nasa
rohanami, ala dilehon Ho AnakMu na sasada i tu hamatean humophop hami, asa
unang mago na porsea di Ibana, alai asa hangoluan na saleleng ni lelengna di
nasida. Tatap ma hami ale Amanami di bagasan AnakMu Jesus Kristus, na gabe
habadiaon dohot hatigoran di hami. Sai sesa ma dosanami saluhut ala ni pelean
na sun denggan, na pinelehonNa i humophop hami. Sai paeleng ma pinggolMu tu
tangiangnami jala asi ma rohaM di hami marhitehite AnakMu, Tuhan Jesus Kristus
Tuhannami. Amen. ----Hundul ruas----
3. Marende BE No.288
: 1 – 2 NA MARGURU DO LUHUTNA BL. 96
♫
Na
marguru do luhutna Di Jahowa Debatanta
Dohot panumpakNa i Nasa na marposni roha
Na mangkirim di Jahowa I do na martua. I
♫
Na
marmudu nasailaon Au umbaen marhatuaon
Debatangku i tongtong Na ture manogu ahu.
Mian do tongtong di ahu Dohot tu joloan on
4. Manjaha Epistel : 1 Musa 15: 1 – 6
Tajaha ma turpuk
epistel di partangianganta di bodari on, ima na tarsurat sian Buku 1 Musa 15: 1 – 6 , tajaha ma marsingkat sorin:
U : Dung
salpu angka jamita ondeng ro ma hata ni Jahowa tu si Abram marhitehite alatan,
ninna ma: Unang ho mabiar ale Abram. Ahu do lombulombum, upam mansai balga.
R : Alai
ninna si Abram ma: Oe ale Tuhan Jahowa, aha ma lehononmu di ahu? Sai na punu do
ahu, si Elieser na sian Damaskus na ma sitean bagashu.
U : Angkup
ni ninna si Abram: Ndi, ndang adong pinomparhu dilehon ho, jala ida, anak na
tubu di bagasan jabungku na ma sitean ahu.
R : Dung
i ro ma hata ni Jahowa mandok tu ibana: Ndang ibana tumean ho, na ruar sian
butuham, ibana tumean ho.
U : Dung
i ditogihon Tuhan i ibana ruar tu balian, jala ninna: Ua tailihon ma dompak
langit i jala bilangi angka bintang, molo habilangan ho angka i. Dung i didok
muse tu ibana: Songon i ma pinomparmu sogot.
R : Jadi
porsea ma si Abram di Jahowa, gabe hatigoranna do i dietong Jahowa.
U : Ima
sahatna, martua ma na tumangihon Hata ni Debata jala na umpeopsa.
U+R: Amen.
5. Marende BE No.27 :
4 DEBATA DO MANGGOMGOMI BL.86
♫
Lomo ni rohaM o Tuhan
Naeng patupaonku do
Parangengku
hupadenggan Asa hupasangap ho
Ulos hatigoran i
Lehon ma di tondingki
6. Tangiang
Pangondianon
7. Marende BE No.682:
2 Ale Tuhan asi rohaM
♫
Ale Tuhan sai
pargogoi ma hami,
Mangaradoti lomo ni rohaM dingolunami,
ale Tuhan sai pargogoi ma hami,
Mangaradoti lomo ni rohaM dingolunami,
ale Tuhan sai pargogoi ma hami,
Mangaradoti lomo ni rohaM dingolunami,
ale Tuhan sai pargogoi ma hami,
Mangaradoti lomo ni rohaM dingolunami.
8. Jamita : Pilippi
3: 17 – 21
9. Marende BE No.476: 1 – 2 Ndada au guru di au. Logu.322
(Pelean)
♫
Ndada au guru di au
be, Jesus do nampuna au.
Las rohangku dung hubege, Jesus sipangol au.
Ndang be au guru di au. Jesus na humophop au,
Nampuna au. Tung saleleng au mangolu, Jesus do nampuan
au.
♫
Ndang di au, Tuhan
Jesus, daging dohot rohangki;
Saluhutna hupasahat tu Ho, Jesus Tuhanki.
Ndang be au.......
10. Tangiang Pelean +
Ale Amanami + Pasupasu + Amen.
