Marguru Tu Lomo Ni Roha Ni Debata
Berserah Kepada Rencana Tuhan
Ev. Pilippi 3: 17 - 21
Ep. 1 Musa 15 : 1 – 6
a.
Marhite
turpuk dipasahat Ap.Paulus do pangajarion, poda nang sipaingot tu ruas ni huria
ima angka n aporsea di huta Pilippi di dua ribu taon na salpu nang dohot tu
hita sinuaeng on. Marragam angka pangajarion, poda nang sipaingot naung di
gurithon di Pilippi 3: 17-21. Sada sian isina ima taringot tu tiruan; mangadopi
angka na maralohon Kristus, na mangadopi angka hamaolon ni portibi on, na
managam haroro ni Tuhan dohot habadiaon ni pamatangNa. Turpuk on na naeng
mangajari hita ringkot ni tiruan na denggan tu angka halak na topet. Andorang i
nunga dipatorang AP.paulus tu huria na di Pilippi taringot ringkot ni pola
pikir na sintong asa boi nasida mangodang sahat tu hasisingkopna (3: 12-16).
Naeng nasida saluhut mamereng dirina na so singkop ganup marsadasada jala asa
torus nasida marsiadu dohot marsitutu sahat ro di ujungna. Alai nang pe naung
adong pola pikir na sintong taringot tusi dohot naung mangantusi carana, hape
ipe ndang sae holan i. Ganup halak manghaporluhon tiruan manang role model.
Isarana na tauhal di bindu 3: 17 – 19.
b.
Poda
asa gabe tiruan nang laho mangguruhon (ay.17), molo taparrohahon, pandohan “sitiru ahu ma hamu”, ndada na naeng mandok
lubi humebat ibana sian halak na asing. Alai nanaeng manggohi parsaoranna na
marsintuhu jala na denggan dohot ruas ni huria di Pilippi. Tung soadong do
sangkap nang tujuan ni AP.Paulus laho marginjang ni roha, alai naung tangkas do
disadari ibana dirina na so sempurna (3:12-14). Jala hita pe tung so
halupahononta molo mangihuthon Ap.Paulus lapatanna mangihuthon serep ni rohana
na manghantindanghon na so sempurna ngoluna. Molo na naeng marginjang ni roha
do Ap.Paulus, boasa pola padohot mandok halak na asing asa tiruan ?. Holan i do
sihol ni rohana asa pagomoshon solhot ni dirina dohot ruas ni huria di Pilippi.
c.
Ayat
17b. jala pamanat hamu ma angka na marparange songon hami, sitiruonmuna;
mangalehon panorangion na marguna laho mangantusi na gabe sitiruon. Na ringkot
tiruonna ndada holan hasolhotonna manang na ni argahon pulik sian ruas ni huria
Pilippi, alai dohot do halak na asing. Di roha Ap.Paulus boi do i mandok tu si
Timotius (2: 19-24), dohot si Epafroditus (2: 25-30). Jala sian ayat on dohot
do mangajarhon ia tiruan i martudutudu do sahat tu parngoluon ni sasahalak,
ndada pribadi ni sasahalak (mangolu hombar tu tiruan na adong dihamu ang di
hami). Tiruan na dibahi marhite na mamparrohahon ( 2 Kor.4:18; Pil.2:4), ndang
boi holan binolus sambing, maniru sasahalak diparangehon doi jotjot.
Mamparrohahon boi do na marlapatan asa manat ( Rom.16: 17; Gal.6:1). Molo i do
na jinamothon ni Ap.Paulus, boi doi mungkin asa poda on di honahon tu hata “pamanat” (3:2), lapatanna ndang boi
holan na mamparrohahon halak na sala pangalahona, alai dohot do na denggan
pangalahona. Doshon dohot hita na ingkon botul botul mamparrohahon angka guru
sipaotooto (asa unang mangihuthon haliluon nasida). Hita pe naeng ma
botul-botul mamparohahon halak na badia (asa tung boi mangihuthon haserepon
nasida).
d.
Siala
ni poda i (ay.18-19). Sian ayat on ndada na gabe biar roha ni Ap.Paulus di
pangalaho ni ruas ni huria Pilippi gabe muba rohana manadinghon silang ni Kristus
i. Ndang adong hata na koras paingothon
huria i (ptds.Gal.1:6-10, 2:12-14). Na mangihut muse AP.Paulus patotahon ia
haruason ni huria Pillipi na bersifat haruason pardisurgo i (19-20). Di mula ni
Buku Pillipi, naung pos do rohana ia Debata na mamuhai na uli jala na denggan
di tonga nihuria Pillippi jala sai mangihut ma i sahat di haroroNa i (1:6). Na
naeng sijamothonon ni Ap.Paulus di ayat 18-19 on ima mara ni na kompromistis.
Lapatanna, parange ni ngolu ni halak na marasing dohot na pinangido ni Hata ni
Debata na lam mangontak di portibi on. Mansai torop jolma gabe sialo Hata ni
Debata, parngoluonna na maralo tu Hata ni Debata. Di turpuk on di dok: “Torop marpangalaho” (sian hata Polloi),
na paingotho ruas ni huria Pillipi nang pe torop jolma na mangulahon na so
hombar tu Hata ni Debata, alai ruas ni huria Pillippi unang ma mamereng na masa
i songon naung somal masa, hasomalan i ndang na gabe ukuran hasintongan.
(isarana budaya-adat istiadat, ima hasomalan ni manisia, alai ndang gabe ukuran
na sintong i). Molo so diboto be manang ditanda be dosa na, na gabe dianggap do
biasa manangko, mangalangkup, margabus, mamunu ima na lilu rohana. Mangadopi i
marhite sian nasa roha, mansai marasing situtu. Dilehon Ap.Paulus do tiruan
sian pangalaho i. Ai godang do na mangalo silang ni Tuhan i na diarsanghon
ap.Paulus. Jotjot do ibana manungguli taringot tusi, ala mansai ringkot do i (3:18
Ai songon naung jotjot hudok tu hamu), ala mansai ringkot doi di parrohahon.
Nang pe sai marulakulak dipaingot ibana, alai tong dope arsakhononna i, pola
sahat na mardongan ilu ibana paboahon i. Jadi ndang holan hata ni hatahon alai
dohot do serius jala dipardangolhon rohana situasi na di humaliang huria i, na
pola sahat magopu rohana nang ateatena. Boasa pola mariluilu Ap.Paulus ? siala
tung so lomo do rohana di hasusuda nasida tu hamagoan i (19a). Ndang na
mangarsakhon panghobasionna na tarela ala ni pangalaho ni hajahaton nasida.
Ndang na marsak ibana siala ni halangguson roha nang pardosaon nasida na so
sahat dope diuhum Debata. Alai, sabalikna na mambahen ibana marsak siala
hasusuda nasida ima disiaphon di ari sogot i. Angka guru bolon na manulingkiti
Bibel i marusaha do mangalapati horong dia di na nidok ni Ap.Paulus na nidokna “musu
ni silang i”. Na deba pahombarhon tu kelompok antinomianisme; Antinomianisme
adalah kata yang berasal dari bahasa Yunani anti dan nomos. Anti berarti melawan.
Nomos berarti hukum. Antinomianisme berarti anti terhadap hukum. Ajaran ini
mengajarkan bahwa orang-orang Kristen telah dibebaskan dari hukum Taurat dan
tidak perlu melakukan hukum Taurat lagi karena orang-orang Kristen telah mendapat
kasih karunia Allah.Selain itu, di dalam Teologi, Antinomianisme diartikan
sebagai seseorang yang yakin bahwa hanya iman, bukan hukum moral yang
diperlukan untuk mendapatkan keselamatan.Dalam suatu arti teologis, seseorang
juga cenderung memandang rendah, dan memandang dirinya sendiri di atas semua
hukum dan aturan-aturan sosial yang disebabkan iman, rahmat atau suatu
pengetahuan khusus yang memungkinkan keselamatan. Jadi horong on songon na
condong do tu pangalaho: hamongkuson, harorangon dohot materialisme). Alai,
penafsiran i hurang do hadomuanna tu konteks. Sian mula ni Bindu 3 pe nunga diparrohahon
Ap.Paulus angka guru sipaotooto sian tongatonga ni halak Jahudi. Jala dibahen
nasida do marhite mangulahon patik i gabe dalan tu haluaon. Pandapot na masuk
akal na pahombarhon musu ni silang i
dohot angka guru sipaotooto na sian halak Jahudi. Jala konteks ni saluhutna i
memang na mengarah tu nasida do. Dung i pandohan di ay.19a Hamagoan do
ujungnasida, butuhanasida do dipardebata, mansai tudos tu sipaingot ni
AP.Paulus tu angka halak Jahudi di huria Rom na sai mangharingkothon aturan
taringot tu sipanganon (Rom16:18 Ai ndada Tuhanta Kristus dioloi nasida,
butuhanasida do; ptds Rom 14: 15). Dungi angka pangalaho hailahon (3:2
parsunaton na torbang), jala penilaian ni Ap.Paulus on ndang na berlebihan ala
hea do nasida paingothon hailaon na buni di 2 Korint 4: 2. Jala pandohan Ay.19
c angka na di tano on diparrohahon paingothon hita di sipaingotna di huria
Kolose (Kol.3:1-2). Taringot tu angka guru haliluon sian halak Jahudi na
pabongakhon dirinaa marhite angka aturan na binahen ni jolma (Kol.2:16-23). Molo
nunga di padomu hatorangan i saluhutna, ima gabe alasan na togu laho
mangalapati “musu silang ni Kristus” songon tudutudu tu angka guru sipaoto oto
na manghagogohon parsunaton dohot patik songon dalan tu haluaon. Molo tingkos
do pangalapaton i, boi ma berengonta ia angka musu ni silang ni Kristus i nada sai
holan na pangalaho na so maradat. Alai sabalikna angka adat i pe boi do gabe
musu ni silang i. Gabe musun i silang i ndada holan pangalaho na so maruhum. Alai
angka na bersifat legalisme boi do gabe marpanghorhon musu ni silang ni
Kristus. Lapatanna molo marpangalaho na denggan do molo so ihut dohot na hombar
tu Hata ni Debata, manang mangulahon na denggan gabe sada dalan tu haluaon ima
hamusuon tu silang niKristus. Jadi musu ni silang Kristus i ndada sai holan
angka halak na so marroha, alai na songon sipata marroha. Ndada na so mangulahon
na denggan, alai na sai mangasahon parulaon na denggan. Boha do hita nuaeng,
musu ni silang Kristus i do hita manang ndang ? Aha ma na sai tapangasahon di
parngoluonta on ?
e.
Paimaimahon
haroroNa (ay.20), marhite ayat on AP.Paulus naeng paboahon haruasonta ima di
surgo i. Lapatanna, na boi do hita mandok haruasonta dibagasan harajaon ni
Debata. Nunga past i i, pandohan ni Ap.Paulus mansai bersifat teologis do i,
ala di kenyataan, pengalaman na mian dope hita di tonga ni portibi on. Alai
dibagasan haporseaonta tu Jesus Kristus, hita do na gabe ruas ni Harajaon ni
Debata, ruas ni Jerusalem na imbaru raphon Jesus Kristus songon Raja sian
saluhut raja di nasa partingkian.
f.
DagingNa
na sangap i (ay.21); Nuaeng paimaonta ma haroro ni Tuhanta Jesus Kristus i na
padua halihon. Paimaonta ma Sipalua hita na paubahon pamatangta na lea on gabe
pamatang na gok hamuliaon dibagasan
Ibana. Paimaonta ma haroroNa na paduahon i laho mamboan hita tu habadiaon ni
pamatangta di hangoluan na imbaru na gok las ni roha dohot dame di Harajaon
banua ginjang i.
g.
Sipahusorhusorohon:Ia
ngolunta on tung saguru tu lomo ni roha ni Tuhan i do, tung so boi do tapangasahon
gogo, pingkiran, nang na adong di hita on. Ala ni i hita angka na porsea
dibagasan Jesus Kristus asa:Marlas ni roha ma hita na so olo tartait rohana tu
poda poda ni portibi on, angka guru guru sipa oto oto, parmabuk, hagadombuson,
pardosa, parjahat, panipu, pargabus, ala naung diparade Tuhan Debata do di hita
inganan hasonanganta na di surgo i. Ala ni i marlas ni roha ma hita paimahon haroro na na padua halihon i,
huhut paimahon pamatangta on di parbadia i. Marlas ni roha ma hita na satia
marminggu, martangiang, mamuji pasangap Debata, mandok mauliate, pasahathon
peleanna dohot na manghobasi Hata ni Debata.
