ACARA PARTANGIANGAN SEKTOR

MINGGU OKULI

(Sai tongtong do mangaranapi matangku dompak jahowa; Psl.25:15a)

20 Maret 2022

 

& Ev. Jesaya 55:6-9                                      & Ep. Lukas 13:1-9   Topik: “MARHAMUBAON NI ROHA ASA UNANG MAGO”

 

 

=====Tingki Nahohom===

 

1. Marende BE No.588:1 + 4 “Tasomba Tongtong”              

v Tasomba tongtong na sun gogo i, Tadok ma antong songkal Tuhan i,
Partanobatoan haporusan i ;  Gok hamuliaon habangsaNa i

                              (jongjong ruas)

v Na tinompa i disarihon do, Na marhosa i diparmudu do.
Alogo nang udan las ni ari i, Luhut papatarhon panarihonMi.

 

2. VOTUM – introitus  :  (U: Uluan; R:Ruas)

U           :  Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. Amen.

                 Sai tong do mamerengi matangku tu Jahowa, ai Ibana do mangenet pathu sian jorgong. Sai dompakhon ma ahu, jala asi rohaM di ahu, ai punjung jala na dangol do ahu. Ho do ale Jahowa, dihalungunhon rohangku. Ale Debatangku, marhaposan tu Ho do ahu, sai unang paila ahu. Haleluya!

U           :  Martangiang ma hita! Ale Amanami na di banua ginjang, Parasiroha na sumurung di sude jolma! Ndang diolani Ho AnakMu na sasada i, dilehon Ho do Ibana humophop hami mamorsan dosanami sahat tu hau na pinarsilang i. Sai patogu ma rohanami, asa unang ganggu rohanami manghaporseai hasesaan ni dosanami, asa unang mandele hami ala ni dosanami, alai asa pos situtu rohanami di asi ni rohaM na godang i marhitehite Tuhan Jesus Kristus Tuhannami, Anak haholongan ni rohaM i. Amen.          (Hundul)

 

 

 

 

3. Marende BE No. 126:1 “O Hamuna Ale Dongan”               BL. 96

v  hamuna ale dongan ringgas be masijalangan
Lao marningot Tuhan i. Na mandok tu siseanNa
On do patik di hamuna: masihaholongan i.

 

4. Manjaha Epistel :  

Tajaha ma turpuk epistel di partangianganta di bodari on, ima na tarsurat sian Buku  Lukas 13: 1 – 9 , tajaha ma marsingkat sorin:

U      :     Adong ma na ro uju i paboahon tu Ibana taringot tu angka halak Galilea, na didurushon si Latus do mudarnasida, gabe saor tu na pinelehonnasida.

R      :     Jadi ninna Jesus ma mangalusi nasida: Na diagam rohamuna do pardosaan halak Galilea i martimbangkon saluhut halak Galilea, ala songon i diahap nasida?

U      :     Hudok ma di hamu: Ndang; anggo so muba rohamuna, laos songon i do hamu mago muse!

R      :     Manang na dirimpu hamu, anggo na sampuluualu halak, na mate ditinggang palaspalas na di Siloam, parsalaan sian sude pangisi ni huta Jerusalem?

U      :     Hudok ma di hamu: Nda tung; anggo so muba rohamuna, laos songon i do hamu mago muse!

R      :     Dung i dihatahon ma umpama on: Adong ma di sada halak hau ara na sinuanna tu porlak anggurna; jadi ro ma ibana mangalului parbuena, hape ndang adong jumpangsa.

U      :     Gabe ninna ma mandok siula porlak anggurna: Nunga pola patolutaonhon ahu ro mangalului parbue di hau ara on, laos so jumpang. Taba ma i; aha pola magopo tano i bahenonna!

R      :     Alai didok i ma mangalusi: Tuannami, loas ma i disi sataon on, asa sanga hupangkur humaliang bonana, mambahen napa tusi, anggiat olo marparbue tu jolo on; alai anggo soada, tabaon ma!

U      :     Ima sahatna, martua ma na tumangihon Hata ni Debata jala na umpeopsa.

U+R:     Amen.

 

5. Marende BE No. 403:1  “Pos rohangku di Tuhanku”      BL. 402

v  Pos rohangku di Tuhanku, ndang tarbaen tarhirim au.
On do tongtong tangiangku: Tu lambungMu au patau.
Lobi pos do rohangki, sai patulusonna i, BoanonNa au tu si.

 

6. Tangiang Pangondianon

 

7. Marende BE No. 678:1--- “Pauba roham”  (Pelean Ia-Ib)

v  Pauba roham tu Jahowa, Pauba roham tu Debata.
Pauba roham tu Jahowa, Pauba roham tu Debatam.

 

v  Marhaposan ho tu Jahowa, Marhaposan ho tu Debatam,
Marhaposan ho tu Jahowa, Marhaposan ho tu Debatam.

…Musik….

v  Sai radoti ma hatigoran, Sai radoti haholongan i,
Sai radoti ma hatigoran, Sai radoti haholongon i.

 

 

8. Jamita : Yesaya 55: 6 – 9

                           

9. Marende  BE No. 792:1--- “Pasupasu Hami O Tuhan”     (Pelean II)

Reff; Pasupasu hami O Tuhan sai usehon dameMi

          Sai ampehon tanganMi Tuhan lehon tu au gogoMi.  (fine)

v Di portibi on baen ma au Tuhan habaoran ni las ni roha.
Tu na marsak i tu na dangol i gabe pangapuli i.
Pasupasu hami O Tuhan sai usehon dameMi.
Sai ampehon tanganMi Tuhan lehon tu au gogoMi.

 

v Di portibi on baen ma au Tuhan monang maralohon dosa. 
Dibaen gogoMi talu musu i sibolis pangago i.
Pasu-pasu Hami O Tuhan sai usehon dameMi.
Sai ampehon tanganMi Tuhan lehon tu au gogoMi.

 

10. Tangiang Pelean + Ale Amanami + Pasupasu + Amen.