Hasangapon ni Tuhan Napaluahon
2 Korintus 3 : 12 – 4 : 2
Hita saluhutna
nahinaholongan dibagasan Jesus Kristus; Jotjot do hita jolma sai na giot
dinilai berpenampilan menarik, terutama kaum hawa, ingin dinilai cantik. Ala
nunga godang angka klinik kecantikan na boi mangurupi angka parompuan asa lam
bagak. Ndang hea sepi klinik i ala godang do na naeng lam bagak hira artis.
Rela do nasida manggarar tung pe mansai arga asa na holan penampilan menarik
dan cantik. Adong ma na manguba alis ni matana, bentuk bibir, lam mancung
igungna, lam bontar ma bohina dohot angka na asing, jala marhasil do nasida
mandapotsa. Alai mungkin sian nasida nunga adong na bagak hian jala cantik,
ndang pola porlu be operasi. Na umporlu sasintongna mangoperasi rohana;
paubahon roha, sifat nang karakterna, na somal hian gabe sisogo tu halak gabe
sibahen las ni roha. Nda ingkon sadalan ma nian na paubahon bohi na lam bagak
nang roha pe lam bagak ?
Hita
sandiri do na umboto rohanta, pangalahonta, nang angka hasomalanta be. Dos doi
songon pahean dalam na tapangke. Nang boha pe i bentukna dibagasan hita do na
umbotosa, betak adong ribak otik, hita sandiri do naumbotosa, laos ta huphupi
do marhite pahean blus nang celana panjang.
Suang
songon i do taringot tu turpuk on; naeng do dipaingot Apostel Paulus dongan
sabangsona i taringot parrohaonon ni bangso Israel, na sai pabadiahon si Musa;
siala hea do dibereng nasida marsinondang sisik bohi ni si Musa ala naung
mangkatai ibana dohot Debata. Sipata aha naung masa di si Musa ima gabe
hasintongan: songon dihalak silom didok ma hadits; ima gabe aturan dohot
ketetapan jala ndang boi diganggu. Siala ni ima Apostel Paulus patigorhon
pangantusion nasida; ai ia sondang na dibohi ni si Musa holan parsatongkinon do
i, ndada manongtong i. Siala ni ima sai dihuphupi si Musa do bohina asa unang
dibereng dongan sabangsona parmago ni sondang na parsatongkinan i (ayat. 13). Nunga maol be mangantusi bangso
Israel; siala pangantusion nasida nunga dihuphupi jogal ni roha nasida, siala
ni ima molo ganup tingki jinaha nasida Padan na Robi; sai holan Buku ni si Musa
i do; holan pabadiahon goar ni si Musa do hape nasida, jala ndang olo pajumpang
dohot Jesus na naung mananggali
panghuphupi nasida. Pangantusion hadirion taringot tu si Musa pamaolhon roha
nasida manjalo Jesus songon sahalak tokoh na dumao sangapnNa sian sangap ni si
Musa, jala na papatarhon hamuliaon ni Debata.
Holan
tu si Musa do bangso Israel marhaporseaon di jaman ni Jesus, ndada tu Debata
dibagasan Jesus, jala nunga dao pangantusion nasida tung jempek jala gok haportibion do hape. Molo patondion holan
di parduru do hape ndada dohot dibagas roha nasida. Burju do nasida marpungu
martangiang, alai ndada tarida i dibagasan parngoluanna siganup ari.
Alai
dihita saluhtna nahinaholongan ; angka jolma na porsea dibagasan Jesus, sai
mangolu do dibagasan Tondi Parbadia na
paluahon hita sian na manghuphupi ngolunta laho marsomba tu adopan ni
Debata.(ay.17). Mangulahon na denggn ndada asa.....gabe tu sangkap, alai ulaon
na denggan dipatupa siala nunga dipamonang hita. Dipamonang dibagasan Jesus
Kristus Raja sian dosa, uhuman nang sian hamatean (Rom.6:6,14), dihamonangkon
sian huaso ni sibolis (Ul.Ap.26:18). Sian poda ni Ap.Paulus mangarahon angka
dongan sabangsona bangso Israel, unang gabe so di angka na hurang ringkot, alai
ingkon gogohononta do manggulut na rumingkot; nadad haunduhon na kaku, alai
haunduhon na dibagasan haluaon. Patupahon na denggan ndada asa dibereng halak
alai siala ido dihangoluhon, namangolu do Kristus dibagasan tondina.
Molo
Tondi do Tuhan i, omni present do Ibana = ndada terbatas hajongjonganNa manang
dida pe; molo diantusi jolmai, sai na mangolu ma ibana dibagasan hasintongan.
Patupahon na denggan ndada siala terpaksa alai ala adong namangihoti rohanta
ima parsaoranta dohot Tuhan dibagasan TondiNa
Dihamu
saluhutna nahinaholongan dibagasan Jesus Kristus; didok Apostel Paulus; angka
jolmana naung dihamonangkon mangolu ma dibagasan hamuliaon ni Tuhan na so
nihuphupan. Hamuliaon na boi idaon manang ise pe, ndada adong be disi
marpangalessem. Ala ni i tabayangkon majolo molo pajumpang hita dohot Tuhan i,
songon dia do pangantusionta disi ? Boha do rupa ni bohi ni Debata nataida ?
Jala hirahira songon dia ma bohi ni Debata molo mamereng angka jolma na
dibagasan hasusaan ? nang na dibagasan dosa ? Ndada siida bohi ianggo Debata;
tu sude jolma do asi ni rohaNa, dilehon ibana hamuliaonNa.
Didok
Apostel Paulus, dibagasan Tuhan dipauba do hita gabe dos tu rupaNa dibagasan
hasangapoNa na lam balga (ay.18). Tu ganup halak na porsea, rupa ni Debata na
gok holong dohot hamuliaon i nunga diuloshon Ibana. Ima na mambahen angka na
porsea gabe marmulia, mangolu di bagasan hasintongan dohot holong ni roha, dao
sian pangalaosion dohot dosa. Ala ni i tu angka na porsea ndang adong na so
tarpatupa, molo jongjong do ibana marhite hamuliaon ni Debata diganup tingki
laho mandopang dosa, mangorom diri jala patupahon dame. Ala ni i tapareso be ma
jolo bohinta, rupanta, ai nunga dos tahe dohot rupa ni Debata ?, taingot ma
jolo boha do rupanta molo muruk hamu, molo marsak hamu; dos do tahe songon rupa
ni Debata ? ai tarida do tahe hamuliaon ni Debata disi ? Betak holan ditingki
mangurupi dongan hita songon na marhamuliaon rupanta?
Ala
ni i di hita saluhutna nahinaholongan dibagasan Jesus Kristus; diarahon Apostel
Paulus do hita mamareso rohanta sandiri, ingkon polin ma sude na tajalo sian
Tuhani tapatuduhon tu angka dongan jolma. 4:2 Sandok hutulakkon hami do angka
na buni, angka sihailahononhon; ai ndang marangkal hami, jala ndang marlaok
hubahen hami hata ni Debata; hasintongan i do hupapatar hami, gabe jongjong
hami, tandaon ni roha ni saluhutna jolma di adopan ni Debata.
Hatigoran
ni angka na porsea ingkon tarida doi dibagasan ngoluna. Asa marhasonangan
ngoluna, ndada mangkilala holan panaritaan be. Ngolu ni jolma na sai dibagasan
gabus Hamuliaon ni Tuhan, sai dihuphup hatahuton doi dohot panaritaan.
Haluaon
na tajalo, holan sian asi dohot holong ni roha ni Debata sambing doi dibagasan
Jesus Kristus; ndada ala ni luluan ni jolma i. Ala ni i angka na tinobus Jesus
Kristus; dapotna ma hamuliaon ni Debata. Asa molo jumpang haluaon i, ingkon
adong ma tarida hamubaon ni roha. Ai dibagasan hamubaon ni roha i do Tondi
Parbadia mangula; jala disi ma jumpang hita haluaonta. Tarlumobi ma molo di
minggunta on digoari do Minggu Estomihi
: Sai Ho ma gabe partanobatoanku
(Pslm.31:3b). Asa ganup na porsea manghatindanghon Debata na gabe
partanobatoanna, asa tarida sahala ni sahalak na porsea na tongtong solhot
ngoluna tu Debata. Amen!
