Topik
: Manongtong Nang pe di Pangunjunan
Matius
4 : 1 – 11
a.
Patujolo
Barita nauli na sinurat si Mateus mangondolhon paboa haroro ni Tuhan Jesus tu
portibi on ima manggohi bagabaga ni Debata na di Padan Narobi. Mangihuthon
parjojor ni buku ni si Mateus taringot tu ulaon ni Jesus (Mat.3:1-17), tangkas
do ampe jala dibagasan diri ni Tuhan Jesus do tohonan ha-Mesiason i marhite na
pinatandahon ni si Johannes Pandidi (Mat. 3: 11-12). Jala marhite pandidion na
masa di aek Jordan, mungkap do langit patariparhon/paijurhon Tondi ni Debata
(pneuma thou Theou) sumonggopi Jesus, jala mangihuthon pangantusion ni angka na
porsea di Tuhan Jesus, disi do ampe natolu tohoonan i tu Tuhan Jesus ima
Tohonan Raja, Malim dohot Panurirang (Mat.3:16-17, pat. Jes.42:1), Alai ndada
antusan i sai hira na bertahap ro tu
Tuhan Jesus huaso i, ai sian mulana do ha-MesiasonNa. Holan patandahon tu
portibi on do peristiwa pandidion na di aek
Jordan i.
Ala ni i nunga tasak diri ni Jesus andorang so diunjuni
sibolis Ibana. Tangkas Ibana dibohali (diperlengkapi) hagogoon na sian Debata
asa monang maradophon sibolis pangunjuni i. Pangunjunan na niadopan ni Jesus
tong do paratahon pangunjunanna niadopan ni bangso Israel saleleng di
parhorsihan i nasida najolo jala marhahonaan do i nang tu pangunjunan na
niadopan ni si Adam dohot si Hawa ( 1 Musa 3). Ianggo urat ni pangunjunan i
ndang tarsirang sian angka haporluan/ kebutuhan ni ngolu na di portibi on,
(Pat. 1 Joh.2:16). Ido dipangke, diperalat sibolis i laho
mangunjuni/mempengaruhi jolma i.
Bona ni sude pangunjunan i di suasana male do Jesus, ai
nunga 40 ari 40 borngin Ibana so mangan. Ima puasa na sintong. Ndada songon
dongan na asing, holan 40 ari (arianna) do n asida so mangan, ndada dohot
borngin.
Sabolus idaon, ia bilangbilang 40 marlapatan do i di bangso
Israel, patuduhon hasingkopon do i (kesempurnaan), 40 taon do bangso i mardalan
di parhorsihan i, 40 ari do si Musa di dolok i, 40 ari do si Elias di dolok
Horeb, 40 taon do si Daud dohot si Salomo manggomgomi harajaon Israel. Nuaeng
pe, 40 ari do Jesus di halongonan i asa diunjuni sibolis. Jala 40 ari do Jesus
patandahon diriNa tu portibi on dung hehe sian na mate, ipe asa manaek Ibana tu
banua ginjang.
Sibolis do mangunjuni Tuhan Jesus. Sibolis di hata Gorik
digoari diabolos; ulaon ni (induk) ni setan. Bellzebul syaitan di hata Heber na
marlapatan musu, namngambati sude ulaon na denggan. Digoari na deba do sibolis,
si lucifer, ima surusuruan parende di surgo (dihabangsa ni Debata), alai alani
ginjang ni rohana didabu ibana tu portibi on. Digoari do sibolis raja nio
portibi on. Pangago na sumalin do sibolis i jala hajahaton do dingoluna ( 1
Joh.5:19). Na marhuaso diawangawang do sibolis i (Ep.2:2). Tondi hajahaton do
sibolis i, angka parhuaso sigomgomi hasiangan on (Ep.6:12). Sibunu jolma do
sibolis i, ndang tindang di hasintongan, pargabus do sibolis i (Joh.8:44). Alai
atik pe gogo sibolis i, andul gumogo do huaso ni Kristus (1 Joh.3:8). Jala
tarihot do huaso nisibolis di haroro ni Kristus (Pang.20:1-2)
b.
Tolu Bagian bolon do cara ni sibolis mangunjuni
Tuhan Jesus:
1) Ditingki
male, mauas. Pada saat membutuhkan sesuap nasi, seteguk air. Situasi dohoot
suasana yang riskan jala sensitif do
dipangke sibolis i tingki naumbuk mangunjuni Tuhan J esus. Dohot bahasa na
marhatutuhon dohot mengakui keberadaan ni Tuhan Jesus: “Molo tutu do Ho Anak ni
Debata, dokhon ma batu on gabe sipanganon.” Anggo adong do huasoM, boasa loasanMu diriM korban, so mangan Ho, so
minum Ho. Hape di Ho do huaso. Boasa so pangkeonMu kesempatan on. Dison nama
kesempatan na tepat. Andigan be, loakna i Ho. Ima hanisuhon ni sibolis i, ulok
na robi i. Didok angka natuattua, “Lamotlamot hata ni begu, risiris hata ni
jolma.” Paet unang pintor nibursikkon, tonggi unang pintor nibondut. Asa jamot,
analistis umbege angka pandohan, nda songon i do lambok ni hata ni sibolis i tu
si Hawa, “Bereng ma uli ni parbue ni hau on, molo dipangan ho i, ndang tutu
hamu mate.”
Godang do
hajahaton diulahon jolma ala ni na mangadu sipanganon. Dipangke be do
kesempatan (tingki), jabatan, huaso holan papungu hepeng tu dirina. So
dipingkiri beha panghorhon dohot panginona ro di sapata ni i. Sian toru ni rere
pe taho, sian toru ni bulu pe taho asal ma sipanganon so pola mamereng asal
usulna. Kerakusan, hamongkuson, keserakahan diula torop halak naeng mangalului
sipanganon. Asa jamot hita dipangelaela ni sibolis pangago. Jempek do pat ni
gabus, sai muap do na bau, tardapot do i muse. Hasabamhon ma na adong di ho i,
unang mangapiani.
Dialusi
Jesus do hata nisibolis marhite gok huaso, “Apala holan sipanganon hangoluanni
jolma, tung nasa hata ni Debata do”. Ianggo di angka na porsea i, ndada lomos i
di panarihon ni Debata. Jaminan ni ngolu on secara sempurna di tangan Tuhanta i
do. Naeng haporseaonta hasintongan hata ni Debata na manarihon sipanganon,
parabiton ro di na ringkot di hita.
2) Ditogihon
tu atas bagas joro. Porlu parrohahononta on, sibolis i manogihon Tuhan Jesus tu
huta na badia, jala dipajongjong tu atas ni bagas joro i. Tupa do sibolis
jumolo umboto na masa di huta na badia, sibolis parjolo borhat tu joro i ro di
na jongjong di atas bagas joro i (dipalaspalas ni gareja i ). Soal kehebatan
naeng dipaadophon tu Tuhan Jesus, “timbungkon diriMu, ai surusuruanNa
managannangan Ho.” Perkataan ini membakar dan memancing emosi. Tupa do ditagam
sibolis i dohonon ni Tuhan Jesus ma nian, “Mura ma i, ndang pola dia, ringan do
i, ndang pola sulit, semuanya mudah kita atur.”
Nania do halak na terpancing, terlena, terjebak di
angka rayuan na menawan gabe terperangkap tui angka emosi na mambahen fatal
angka masa depan hape nga tipak dijolona “biuh” na menghancurkan masa depanna, di karierna dohot di
anakhonna/keluargana. Ingkon lam manat, jamot hhita jala penuh perhitungan di
angka pingkiran, hata nang angka langka pe. Analisi secara ko prehensif
(menyeluruh) sangat dibutuhkan suasana kini untuk membangun masa depan na so
mengecewakan.
Alus ni Tuhan
Jesus tu sibolis, sipangunjuni (ulok na robi i), “ndang jadi unjunanmu Tuhan
Debatam. “Sotung annon terperangkap hita secara langsung atau tidak langsung
laho mangunjuni Debata alani angka persolan na taadopi tahe.
3) Punsu
ni dolok na timbo situtu. Penguasa na nidok ni i. Dipatuduhon sibolis tu Jesus,
harajaon dohot hasangapon jala didok pasahathonna ma i saluhutna tu Jesus ia
molo olo marsomba tu sibolis.
4) Tarbege
do nuaeng angka pandohan: hasu kuasa, ingin pemimpin, mau merajai, pertambahan
pangkat, peningkatan karier, dna. Manang dia ma goar ni i, alai na dikedepankan
ima rasa ambisius na torbang. Ragam do dibolus, dilalui, dilampaui dohot
diulahon torop halak laho mangeahi dohot pasauthon rasa ambisius na torbang i.
Pasahathon upeti secara tersembunyi dohot secara terbuka tu angka halak
tertentu (decision maker). Adong do deba kembali tu bona pasogit, didok ziarah,
hape minta restu sian sumangot ni ompu. Tarbege do pandohan na sinis nuaeng on,
ai anggo penguasa nuaeng on, torop do i naung marguru tu angka na pande ni
portibi on (tu angka datu, dukun).
Na denggan do molo adong hagiot laho omaju, asa lam
mangerbang ulaon dohot panghobasion tu
masyarakat. Alai dipajamot hata ni Debata hita, unang dihalalhon segala cara
laho mencapai tujuan. Ingkon tangkas do sintasisnta ni na porsea i marbona sian
haporseaon jala marujung dibagasan
haporseaon tu Kristus, asa marpanumpak tu dirinta, tu keluarga dohot ianakhonta dohot tu na humaliangta
(masyarakat) jala pujipujian tu Debata.
Dung i didok Jesus ma, “Laho ma neho, bolis!” beha do
bahenonta palaohon sibolis i sian hita, unang sanga hita dipengaruhi jala
dirajai hita ? Modal na parjolo na ummarga, ndada adong na asing, ia so holan
haporseaon tu Kristus dohot tu Hata ni Debata. Tartaluhon hamu do nasa huaso ni
sibolis dohot portibi on marhite haporseaon tu Kristus i. Didok Tuhan Jesus,
“Nunga Hupasahat tu hamu huaso m,andegei angka ulok dohot hala dohot mangalo
nasa hagogoon ni musu i, na so tupa hahuanna hamu” (Luk.10:19).
Dung i ditadingkon sibolis Ibana. Anggo di b uku ni si
Lukas, didok do, jadi dung dipaujung sibolis i sude pangunjunan i, ditadingkon
ma Ibana, paima ro tingkina muse. Singotsingot na arga do i di hita sude, paboa
na so mansadi dope ulaon ni sibolis i mangunjuni dohot mangelaela jolma, asa tu
hamagoan.
Ala ni i, ngot ma ho , o tondingki, dungo martangiang, asa
unang musu i, tole so tinagam. Bisuk ni setan i, do manait tu dosa, lan na
bonar roha (BE: 249:1)
c.
Sipahusorhusoron :
i.
Masalah sipanganon, siinumon, parabiton
(sandang, pangan dan papan) manang sembako, sada kebutuhan na sangat urgent.
Jala torop do halak terperangkap tu berbagai masalah alani na mangalului
kebutuhan i. Dibahen i, porlu adong hajamoton di h ita sude, sotung terpengaruh
tu elaela doohot husiphusip ni sibolis. Unang halak na mongkus, serakah halak
na porsea tu Tuhan Jesus. Ai ndang holan alani nanieak, tung silehonlehon dohot
panumpak ni Tuhan i do.
ii.
Denggan do molo ingin maju, peningkatan karier,
pahembangkon pandaraman dohot na iingin naek pangkat dohot jabatan, alai unang
ambisius semata, ingkon tongtong do marguru tu Tuhanta i. Ai lan pe ditahi
jolma, rohaNa do na saut.
iii.
Mansai uli do molo naeng mengatur masyarakat asa
lam sejahtera. Ai diparbaga do jolma na bistok gabe ulaula ni tangan ni Debata
managarajai portibi on. Alai dipajamot do hita, unang jumpang menghalalkan
segala cara holan laho mangeahi na tinongke ni roha. Ingkon si Salomo do na
komitmen, mampu manirang na denggan sian na roa, alani i porlu ma hapantasan
dohot habisuhon, ndang ambisius semata.
d.
Skopus
ü Haporseai
ma Ibana na tubu manarihon ngolum
ü Unang
unjuni Tuhan i
ü Palao
sibolis sian lambungmu.
ü Amen
