Gabe Panean Dibagabaga Ni Tuhan
Galatia
3 : 6 – 14
I.
Patujolo
Tujuan ni surat on patingkoshon poda haporseaon na dipapeol
hasintonganna, na mandok holan dibagasan Jesus Kristus do jumpang haluaon dohot
hangoluan na tutu situtu, ndada sian na mangulahon patik. “Molo dipalua Anak i hamu, na malua situtu ma hamu” (Joh.8:36; Rom
6:18,22). Dohot mangalo parpoda haliluon na
mangajarhon angka podapoda na lipe, na mangondolhon hajahudion
(Judaisme). Dipodahon do ingkon ulahononhon parsunaton jala diradoti patik
Hajahudion asa tutu ibana Kristen sejati. Mura do halak Kristen na di Galatia
na so leleng dope manjalo Barita Nauli i (1:6), dililuhon angka guruguru Jahudi
na pagasiphon si Paulus: Tohonan dohot hamuliaon ni haapostelon ni si Paulus na
so sejati, taringot ajaran pamintorion na sian haporseaon, Ingkon tongtong do
ditoru ni patik nang pe naung dipalua Kristus. Holan haporseaon di bagasan
Jesus Kristus do halak pardosa talup dapotan haluaon marhite asi ni roha ni
Debata, I ma na naeng sipatorangon ni turpuk on.
Dalan manjalo haluaon i ndada marhite hatigoran na
mangulahon patik. Ai siparorot do patik i dohot mamboan jolma i tu panandaon ni
dosa (Rom.3:20; 7:7). Hatigoran ni Debata ima asi ni rohaNa tu halak pardosa,
asa gabe malua ala ni i do umbahen na dipintori Debata jolma i. Jala haporseaon
ndada holan sian diri ni jolma i sandiri, alai Debata sandiri do na patubuhon
haporseaon i tu sadasada halak marhite hatigoran ni Debata. Asa ndada sian
gogo, hatauon manang sian pangantusion ni jolma haporseaon na adong di ibana,
alai sian asi ni roha ni Debata do umbahen na tubu haporseaon ni jolma i tu
Debata. Jala angka halak naung porsea di Debata ido anakNa. Tondi Parbadia i do
manogu jala mangarahon tondinta manghatindanghon paboa na tutu hita anak ni
Debata, alana ndang tarbahen tondi ni jolma naung gok dosa i mangokui Debata,
holan marhite hasasaor ni Tondi Parbadia
do ( 1 Kor. 12 :13)
II. Hatorangan
a) Hasintongan marhite haporseaon (ay. 6-9). Dipatorang Apostel Paulus do
secara positif hasintongan marhite haporseaon naung hombar doi tu Padan na
Robi. Alai secara negatif di ayat 10-12 dipatorang
Ap.paulus do ndang boi dapot hatigoran jolma i molo marhite patik, tongtong do
hombar tu Padan na Robi. Sandok turpukta on manaringoti haporseaon si Abraham
jala bura ni patik. Angka halak Galatia, na mandok dirina songon angka anak ni
si Abraham mangondolhon haporseaon ni si Abraham. Alai molo diihuthon nasida
angka halak Judaisme gabe tarihot ma nasida tu ruhutruhut ni patik i. Ap.Paulus
mandok holan haporseaon do na manonotuhon, jala si Abraham gabe ompu ni saluhut
angka na porsea, jala haporseaon i dirajumi gabe hapintoran. Haporseaon ndada
dinilai sian prestasi, alai sada ALUS (respon) do i sian padan ni Debata tu si
Abraham. Ala ni ima Debata mangetong haporseaonna
i gabe hasintongan; ndada sian hak ni jolma i, alai holan sian ASI NI ROHA NI
DEBATA sambing (Rm.4:4,5). Sian pangantusion i; dijalo Debata do angka na tigor
marroha. Jala boi ma dohononta angka halak Kristen boni ni haporseaon do. Halak
Kristen mangolu dibagasan haporseaon tu Debata songon si Abraham.
b) Haporseaon Dohot Patik (Ay.10 – 12). Tung gabe marasing do
pardalanan ni patik i sian haporseaon ni si Abraham (ay.8). Tu angka nasida na
mangharingkothon ngolu na dibagasan patik ni dokma tunasida : hona toru ma.
Didok di 5 Musa 27 :26 Hona toru ma manang ise na so mangkajongjongkon angka hata
ni patikon laho mangulahon angka i! Dung i dohonon ni sandok bangso i ma: Amin.
Mulanai holan gabe sada singotsingot doi tu bangso Israel asa unduk nasida tu
patik i laos mangulahonsa sintongsintong. Adong do kemungkinan Ap.Paulus mandok
di ay.10 na hona bura do na so mangulahon patik, disi adong ancaman. Ala ni i
dituntut do kesetiaan na terus-menerus sian patik i, siapa melakukannya akan
hidup (3 Musa 18:5, bdg.Rm10:5). Jadi
hukum Taurat itu bukan dari iman, artinya titik tolak dari Taurat tidaklah terletak
dalam kepercayaan. Angka na mangolu sian patik, sai na marusaha do nasida
pajongjong hatigoranna sandiri (Rm.10:3).
c) Pasupasu Dohot Bura (Ay.13-14). Ia bura
i marlangku doi tu saluhut jolma (ay.10), pasupasu ima tu angka na mangolu
dibagasan haporseaon (ay.7). Jala tangkas do didok Ap.Paulus ia haporseaon i
ima haporseaon tu Jesus Kristus. Alai gabe Jesus do dibahen tinoruan ni
patik (4 : 4 “Alai dung dapot gok ni
tingkina, disuru Debata ma Anakna, tubu sian boruboru, ginomgoman ni patik i”),
bura ni patik ampe tu Ibana, marhite ima gabe bura Ibana di hau pinorsilang i,
ala ni hita jolma pardosa on. Jala marhite silang i do dalan paluahon hita sian
bura. Dipatorang Ap.paulus do marhite gombaran panobusion angka hatoban.
Naniula Ama i ido naniulahon ni AnakNa Jesus Kristus (2 Kor.5:18-21), ala ni
dalan haporseaon ima kebalikan sian dalan ni na mangulahon patik. Jesus na
manobus hita sian parhatobanon ni sibolis dohot dosa (Rm.7:14, bdg 1 Kor.6:20).
Kristus manobus hita gabe bura ala ni hita jolma. Ditingki digantungkon Jesus
di hau pinorsilang i, nunga termasuk Ibana tu angka na hona bura. Jala marhite
Ibana pasupasu haluaon i sahat tu saluhut bangso. Dibagasan diri ni Jesus
martomu pasupasu dohot bura i. Alai ala bura i do asa taruli pasupasu; melalui
pengorbanan Yesus di kayu salib semua orang mendapat berkat penebusan dosa
yaitu keselamatan. Molo jolma (Adam) i ndang olo mengoku dosana; sai na naeng
mandao do ibana (1 Musa 3:8-18). Alai Kristus ndada mandao, sabalikna sai
dipausungusung ibana do dosa dohot bura i (Yoh.1:29). Marhite na pinarsilangkon
Jesus ; disi ma digohi angka tuntutan ni patik i, mago ma tuntutan ni patiki
Rm.8:4., asa unang sai mangolu dibagasan daging be hita alai dibagasan Tondi
Parbadia. Ayat 14b patorangkon tu hita ia pasupasu i ima manjalo Tondi naung
dibagabagahon i, ima Tondi ni Kristus (2 Kor.3:17), jala na mambahen hita gabe
anak ni Debata (Gal.4:6)
III. Sipahusorhusoron
ü
Minggu
Reminiscere (Sai ingot ma denggan ni
basaM), ido goar ni minggunta di minggu on, laos tapahombar ma muse tu Tema
ni turpukta na mandok : “Manongtong do
Tuhan i di PadanNa”. Asa ringkot ni manjaha Hata ni Debata.
Mansai ringkot dihita lam marsitutu manjaha hata ni Debata, asa unang muramura
hita pinalilu angka parpoda haliluon na lam mangibugbug di jaman on. Jala
pasidohot do hita sude paingothon dongan molo nunga manimbil sian hasintongan
ni hata ni Debata. Tasolukkon ma ngolu
na imbaru. Ngolu na buruk na di toru ni bura ni patik i, ai saluhutna jolma
i nunga marroha sada ai ndang adong na tigor nanggo sada. Alai ala ni
haporseaon di panobusion ni Kristus i, tasolukkon do ngolu na imbaru.
ü
Matius 5:17
Unang ma dirimpu rohamuna: Ahu ro mangarumpakkon patik i, manang hata ni angka
panurirang i pe. Ndang ro Ahu mangarumpakkon; na pajongjongkon do Ahu! 5:18 Ai
hata na sintong do na hudok on tu hamu: Rasirasa sega langit dohot tano on, na
so tupa sega sian patik i nanggo sada sisiasia manang sanggurit pe, paima saut
saluhutna i. 5:19 Asa manang ise na mangarumpakkon sada sian angka patik na
ummetmet i jala dipodahon i tu jolma, i ma goaron na ummetmet di harajaon banua
ginjang i; alai na mangulahon jala mangajarhonsa, i do goaron na balga di
harajaon banua ginjang i
ü
Gabe
panean dibagabaga ni Tuhan i. Di Habatahon, angka anak kandung do gabe
panean manang pewaris di arta ni natorasna. Di nuaeng on adong do na mangadopsi
anak gabe sipanean di arta ni natorasna. Pangadopsian anak marhite pengadilan
manang marhite adat. Alai anggo hita naung pinaias/diselamatkan Kristus i do
hita sian bura ni dosa i gabe diain hita gabe inankhonna. Digombarhon turpuk on
do tu hita, molo Kristus nampuna hita sekaligus do gabe pinompar ni si Abraham
ima sipanean pasupasu, asi ni roha na sian Debata Ama i, ala Kristus do
hapapatar ni bagabaga i. Dibagasan Kristus do digohi saluhut na nidok ni patik
i, dohot angka bagabaga na nidok ni angka panurirang tu bangsoNa di Padan na
Robi. Taingot ma Padan ni Debata tu hita ganup dibagasan Kristus nunga ditobus
hita. Asa satia hita mangihuthon dohot mangulahon parsuruonNa dibagasan
ngolunta, songon anak na unduk tu hata ni amana. Amen!
