Benget
Mangulahon Lomo NI Roha ni Debata
Jakobus 5: 7-11
1)
Diapoi jala
disosoi apostel Jakobus do huria na parjolo i asa marbenget ni roha nasida
mangadopi kondisi ni ngolu nasida dihatiha i. Pandohan “marbenget ni roha” marpardomuan
do i tu situasi ni ngolu na memperihatinkan. Dijolo ni turpuk on dikecam jala
dipaingot apostel i do ngolu ni angka na mora na ingkon mangadopi mara dohot
kehancuran, hamoraon nasida i ma songon hasil ni pemerasan, kekerasan,
penindasan jala dipangke do hamoraonna i tu pargadombuson. Namangolu do angka
na mora uju i di bagasan krisis moral na sangat berbahaya situtu. Alani i
ingkon uhumon ni Debata do nasida.
2)
Kondisi
sosial na berbahaya sisongon i diida apostel Jakobus do songon tanda naung jumonok
ari haroro ni Tuhan Jesus paduahalihon i, ima ari paruhuman (parusia). Alani i
tung mansai diharingkothon rohana do mamodai dohot paingothon huria i asa unang
gabe korban jala lipe haporseaon nasida.
3)
Digombarhon do
borat ni sitaonon ni ngolu ni angka na porsea tarlobi di haroro ni Tuhan Jesus
paduahalihon i. Holan sada sambing do sikap laho mangadopi sitaonon i, i ma
marbenget ni roha (bersabarlah dan bertekunlah) di bagasan panghhirimon
namangolu
4)
Dipatudos apostel
i do ngolu na porsea suang songon parhauma. Ia parhauma ingkon targantung do tu
proses ni iklik. Ndang boi dipaksa eme i pintor hatop marparbue jala matoras.
Alai ingkon ngernger do proses pertumbuhan hombar tu cuaca (ari udan), dung pe
i asa marparbue jala matoras. Songon i do nang ngolu na porsea. Ndang boi di
karbit haporseaon i asa pintor boi matoras jala tang, alai ingkon diparhadaphon
do ngolu ni na porsea i tu ragam ni kondisi lumobi angka ancaman dohot sitaonon.
Disi do jumpang proses pertumbuhan dohot na lam matoras. Marhitehite angka
sitaonon i do asa tau (tahan uji) na porsea i (Rom.5:3-5)
5)
Habengeton ni
roha i do songon tudutudu ni na lam magodang jala tang haporseaon, ai di
bagasan habengeton i do jumpang ketahanan keuletan dohot panghirimon di Tuhan
i. Tudos tu situasi ni masyarakat uju ni apostel i do nang hhita di tingki on.
Dihaliangi angka parange na hurang denggan do hita: KKN, kekerasan, pembunuhan
dohot ragam ni angka penindasan dohot ancaman. Tagamon hita humordit jala
tahuton marnida ? Lam torop do di tingki on jumlah ni angka na pogos
perekonomian, torop angka parsikola na mansohot siala na so adong sibahenon.
Krisis ekonomi, politik dohot hukum na masa di bangsonta tagamon mamboan ngolu
ni masyarakat na humaliang hita lam tu songon na terancam do ngolunta.
6)
Marhite
turpuk epistel on disosoi hita marhite topik: Benget mangulahon lomo ni roha ni
Debata. Ditongatonga ni angka sitaonon i do hita dipargogoi Tuhan i gabe lam
matoras haporseaonta. Ndang tama di ngolu ni na porsea i masa parungutunguton
dohot hoihoi, ai doshon na manguhumi do ngolu na sisongon i jala na so marpos
ni roha tu Debata. Songon ngolu ni si Job, naposo ni Debata, marbenget ni roha
do ibana manaon sahat di ujungna gabe dapotan pasupasu ibana marlipat ganda.
Songon i nang angka parbarita na uli dohot panurirang. Alai marujung tu nauli
do saluhutna di patupa Tuhan i. Antong marbengte ni roha ma hita jala manghirim
di Tuhan i, ai martua do hita disi. Amen.
