Renungan Evangelium Minggu Okuli (Sai tong do mangaranapi matangku dompak Jahowa, Psl..25: 15a) 12 Maret 2023

Marsomba Sian Nasa Roha Tu Debata

Menyembah Allah Dengan Sepenuh Hati

 Psalmen 95: 1 – 11

 

A. Patujolo

Marhite parpsalmen on, ruas manjalo singotsingot na sian Debata, ima taringot tu roha ni bangso na jogal rungkung tu Tuhan Debata na niulahon naparjolo sian nasida uju di Meriba dohot di Masa (2 Musa 17:1-7; 4 Musa 20: 1 – 13). Jugul do roha ni Bangso Israel i tu soara ni Tuhan i. Ai tangkas do soara ni Tuhan i: na dongananNa do bangsoNa i di pardalanan tu tano na diuarihon Debata. Alai umposan do roha ni bangso i laho manangihon soarana sandiri. Uju manarita nasida siala hahurangan sipanganon dohot siinumon, mimbar do rohana di pangaramtion ni Debata.

Asa bangso ni di masa parpsalmen on diarahon asa lam polin rohana manangihon soara ni Tuhan i dipanggulmiton ni ngoluna. Soara ni Debata na papatarhon sangkapNa dohot hatigoranNa, na marhuaso manghuphupi hatahuton, habonosan ni roha, biar ni roha na sai mangarajai roha ni bangso ni Debata asa manunutun dalan nang lomona sandiri. Uju bangso ni Debata di partingkian ni si Parpsalmen dibagasan biar ni roha ala ni mauas jala male diarahon do nasida mangalehon pikiran na marasing taringot ompunasdia najolo uju maringan di Masa dohot Meriba.

Na gabe sungkunsungkun; aha do na mambahen hita marjugul ni roha tu soara ni Tuhan i ? Olo do i ala ni sala manangkup informasi, na boi manghorhon biar ni roha, jala godang do faktor na mambahen hita gabe maol manjanghon soara ni Tuhan i.

 

B. Hatorangan

1. Ia Buku Psalmen songon sada mual na uli na manggombarhon roha ni jolma na sai marasingasing, jala maruba uba. Sada sunge pangapuli roha, nang pe maraburan ilu, laos so hea sumurut laho manghehei angka jolma na gale. Songon sada porlak bunga na so mago boti uap na hushus i nang pe na deba bunga i marsuga. Songon angka uninguningan na mamalu angka ende pujian dohot tangiang, hamonangan nang hasusaan, las ni roha nang arsak ni roha, pangkirimon dohot habiaran jala pasadahon saluhut soara dibagasan sada ende ni pengalaman ni jolma na gabe halongangan. Calvin berkata tentang kitab ini, “Tiap orang akan menemukan atau merasakan dalamnya gambaran dirinya sendiri, seakan-akan dalam cermin. Segala-galanya tercermin dalamnya: dukacita, kesedihan, ketakutan, kebimbangan, pengharapan, kesusahan, kekuatiran.
2. Ia arga buku Psalmen mansai balga situtu siala mangalehon panuturion tu hita. Ido alana uju digurithon, mansai balga do panghorhon ni psalmen on tu tongatonga bangso  ni Debata. Ia najolo dipangke do Pslamen on di halak Heber di parpunguan nasida di Bagasjoro ni Debata, jala angka halak Jahudi di partingkian sinuaeng on tong dope hot mamangkesa di angka bagas partangiangan nasida, laos angka huria ni Kristus pe. Ibadah  (Ibrani: hisytakhawa) atau  (Yunani: Proskuneo) yang berarti menyembah, mengungkapkan rasa takut penuh hormat, kekaguman dan ketakjuban penuh puja.  Berdoa dan bernyanyi merupakan bagian dari ibadah di Bait Allah (I Taw.16:4-6) dan umat banyak menggunakan Mazmur dalam setiap ibadah mereka.  Selain itu para nabi juga memerintahkan agar umat membawa korban persembahan kepada Allah sebagai persembahan berharga dan yang tidak bercacat.   Dalam Mazmur  95 ini dijelaskan beberapa petunjuk penting harus diamalkan oleh setiap umat yang beribadah.

 

II. Hatorangan

 

1. Ayat 1-2, “Betahamu....., dipaingot parpsalmen on ganup ruas asa manomba Debata marsoraksorak tu Tuhan. Dibetabetai do hita paingothon ia Debata na holan bagian ni parngoluonta, alai diarahon do asa sian nasa roha, pikiran, gogo. Ndang lomo roha ni Debata na holan satonga roha. Dibagasan ayat on diarahon parpsalmen do ruas i asa marsihohot dibagasan ngolu na marsomba tu Debata jala marlas ni roha diadopanNa, sada arahan na mansai sederhana do, alai ndang mura di na laho mangulahonsa. Ala mansai torop do jolma di portibi on na mansai maol laho marlas ni roha. Di na laho marsomba i, diparrohahon Tuhan i do angka hatanta jala mamereng sikapta, molo jolma marnida na diadopanna, alai Tuhan i marnida rohanta (ptds.1 Sam.16:6-7; 1 Ptr.3:12). Siala parsombaon i mardongan las ni roha do dibagasan Tuhan i, mardongan emosinta na marbualbbual. Asa dilehon Tuhan i pe perasaan emosi di hita asa boi do hita manomba Ibana dibagasan parsaoran na rosu jala polin rohana manomba Tuhan i. Ndang lomo roha ni Tuhan i sikap na marpangalensem. Alai parsombaon na gok las ni roha nang bulus ni roha. Boasa marsomba dibagasan na marsuraksurak tu Debata ? Ima: Naparjolo; siala Ibana do Dolok batu Partanobatoanta. Dolok batu inganan pangondingan na togu jala inganan parlinggoman asa malua sian angka musu. Napaduahon; Ibana do mual ni haluaonta. Haluaon ni ngolu na nidok parpsalmen on mangarahon tu tolu tahapan, parngoluonta najolo i, ngolu partingkian sinuaeng on dohot ngolu partingkian sogot (eskatologi), Haluaon naung dibasabasahhononNa manungguli rohanta asa marsuraksurak jala marlas ni roha dibagasan ngolunta nang uju marsomba tu Ibana.
2. Ayat 3-6; dibagasan turpuk on tangkas do parpsalmen on patoranghon sada panindangion (credo) ia Debata na tasomba i ima Debata na songkal, na mangatasi saluhut debata, na manompa langit dohot tano on nang ro di pangisina pe (ay.4). Ido alana diarahon parpsalmen on saluhut ruas laho manomba Debata (ay.6-7). Asa marhite ayat on paingothon hita di ngolu na unduk laho marpungu dohot manomba Debata. Mansai godang do ruas naung malas marminggu, partangiangan na gabe maol rohana laho martangiang dohot mamuji Debata. Baliksa di jaman ni parpsalmen gabe laho do na deba manomba debata Molokh (parhuaso ni dibagasan portibi on), adong do na manomba debata Baal (parhuaso di dolok na timbo), adong na manomba debata Tiamat (parhuaso na sai disomba). Asa marhite ayat on gogo do paingothon manolak ganup pangalaho parsombaon tu angka debata sileban i manang mangolu di sikap sinkritisme. Sahat tu partingkian sinuaeng pe, sai adong dope jumpang pangalaho sisongon i, na so pola bulus, polin manomba Tuhan Debata, alai gabe manomba debata ni jaman on; na mardatu, manomba sibolis, nang portibi on. Ala ni tapamanat ma sikap nang rohanta unang gabe di palilu hagogoon nang bisukbisuk ni portibi on.
3. Ayat 7-11, Adong do pigapiga sipasingot tu ruas ni Debata. “Unang ma tangkangi hamu rohamuna songon uju di Meriba, songon ari uju di masa pangunjunan di halongonan.” Situasi parngoluon bangso ni Debata uju di Meriba dohot di halongonan ima sada situasi ni bangso i na jotjot mangalaosi patik ni Debata, hape naung diida matanasida do boha pambahenan ni Debata na bolon i laho paluahon nasida sian parhatobanon Misir jala manguluhon nasida di halongonan. Sikap nasida na so satia i tu Tuhan i mambahen nasida ndang sahat tu tano Kanaan ima tano naung niuarihon ni Tuhan tu nasida. Ido alana dipasingot parpsalmen asa unang mangulahi sikap si songon i dohot angka parange ni ngolu na so dihalomohon Tuhan i.

 

C. Refleksi

 

Topik di minggunta mandok: “Marsomba sian nasa roha tu Debata”. Na gabe sungkunsungkun tu hita; parsombaon na songon dia do na pasonanghon Tuhanta i?;

1)      parjolo. Las do roha ni Tuhanta i molo botulbotul hita jala serius manomba Ibana dibagasan tondinta jala mangalusi Tondi ni Tuhan i, ndang mangalusi uninguningan manang musik. Adong do halak Kristen na marparange si songon i, laho tu gareja na asing ala tabo begeonna jala mantab musikna.

2)      Napaduahon; mansai las do roha ni Tuhanta i molo marsomba hita jala taulahon sian nasa roha, pikiran dohot gogo. Ndang asal marsomba boti, ndang holan mangkuling  marende, markoor, martangiang sambing. Ido alana diajari parpsalmen dohot paingothon hita asa ro be ma hita marusaksurak tu Tuhan i diganup partingkian. Siala Tuhanta i na songkal na tumimbul na marhuaso diginjang ni saluhut angka sihirimon na naeng sipatupaonNa, nang marhite halongangan di parngoluon ni angka na porsea.Manomba sian na sa roha dohot ateate jala marlas ni roha siala pangaramotion ni Debata di bagasan ngolunta, keluraganta, hurianta, bangso dohot negaranta.

3)      Napatoluhon: Mansai las do roha ni Tuhanta asa marsomba hita marhite parulaonta. Didok Hata ni Tuhanta di Rom 12:1 "Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha." Boasa ingkon pelehononhon pamatangta on ? ai ido hasintongan jala ido haporseaon i, na niulahon do haporseaon i asa mangolu. Ndang sipelehonhon na mate alai na mangolu. Pamatang  na mangolu ima na mardongan haporseaon patupahon angka na ummuli jala na dumenggan gabe pelan na hushus diadopan ni Debata jala pasupasu tu dongan jolma.

4)      Goar ni minggunta ima minggu Okuli: sai tong do mangaranap  matangku dompak Jahowa. Asa holan tu ginjang ima tu Jahowa tapaidaida asa manat dalan sidalananta, langka silangkahononta jala marhatiuron ima sondang sian Tuhanta i. Sai jotjot do jolma holan marnida na di toru ima na di portibi on asa gabe lilu ima dipalilu haulion ni portibi on marhite elaela ni sibolis. Tapamanat ma roha nang tondinta sai mamereng tu Jahowa, sai marsomba tu Ibana na paluahon tondinta. Amen.