Las Ni roha di angka naung jumpangan Jesus
Bersukacita Karena Percaya
Johannes 9: 35 –
41
A. Patujolo
Angka halongangan hamalumon ni angka sahit napinatupa ni
Tuhanta Jesus jotjot do diantusi songon hapataran ni huasoNa, alai impolana ima
laho patuduhon ia angka na disabilitas pe ringkot do dapotan asi ni roha na
paubahon nasida songon angka na deba jolma, asa tarjalo ditonga ni keluarga,
masyarakat, nang dilambung ni Jesus i sandiri. Tuhanta Jesus ma sahalak tokoh
transformis na patupa angka perubahan pangantusion ni angka sisean taringot tu
sada dakdanak na mapitung di partubuna. Lapatanna na mapitung sian partubuna
ima sada bagian ni dalan ni Debata laho papatarhon huasoNa. Hajongjongan ni
Jesus ditonga ni portibi on digombarhon do songon panondang ni portibi on laho paluahon jolma sian dosa.
Sikap ni Jesus ndang holan na ungkap tu angka halak na digosagosa ditonga ni
masyarakat alai dohot do na mangalehon inganan di angka jolma na patut dipalua
jala marlangku tu saluhut halak.
B. Hatorangan
1) Aya.35-38: Boi do na masa
hamamalum nang pabalion ni mapitung i sian tongatonga ni halak Jahudi naung
diboto torop halak, tarmasuk ma Jesus. Dungkon di palao jolma nasida, mulak ma
Tuhanta manjumpangi halak na mapitung i. Naung dibege jala diboto Jesus do na
masa di ibana. Dilehon Jesus do rohaNa jala manjumpangi ibana muse.
Parjumpangan i mansai marasing dian parjumpangan na parjolo. Dungkon dipamalum
Jesus na mapitung i, dohot do muse partondionna na mapitung i dipamalum. Na so
niantusan torop jolma gabe patar ma siala partomuanna dohot Jesus. Ndada holan ‘marnida’
Ibana alai dohot do “manghatai”, martukkar pikiran, margora di rohana. Jala
parjumpangan i disungkun Jesus do “porsea do ho di Anak ni Jolma i?. Anak ni
Jolma ima sada gelar na sian Mesias i (ptds.Dan.7:13). Ndang sae di Jesus holan
hamamalum pardagingon ni na mapitung i. Ido alana, ndang pola disungkun Jesus
aha na niulahon ni halak na mapitung i dungkon na so boi marsaor dohot halak
Jahudi i, alai baliksa disungkun Jesus do: “Porsea do ho di Anak ni Jolma i?”
ndang apala adong keraguan di halak na mapitung i ia Anak ni Jolma ima na
martudutudu tu Mesias i, asa dohononna ma: “Ai ise do i, Tuhan, asa huhaporseai
Ibana?”(36). Jala alus ni Jesus mambahen ibana tungkap manomba Ibana: “Ahu
porsea Tuhan!”. Molo diparjumpangan na parjolo, dilehon Jesus do hatiuron di
haholomon na manghuphupi ibana di na mapitung i ibana, asa di parjumpangan na
paduahon, Jesus mangalehon hatiuron partondion, asa halak na mapitung i boi
manjanghon sondang ni haluaon i. Dibagasan holong ni Jesus mangalehon diriNa tu
halak na mapitung i; “Na niidam, na mangkatai dohot ho, I ma Ibana.” (37).
Umbege pandohan ni Jesus i, asa pola gabe tungkap marsomba na mapitung i huhut
mandok; “Na porsea do ahu ale Tuhan”. (38). Dison ma na mapitung marnida
sondang ni Surgo i, sondang na mamboan ibana tu haluaon na manongtong i.Ise do
goaron na porsea ? Ima angka halak na torus manorus dipauba parnidaanna tu
Kristus, ndang mardosdos panandaonna, alai torus do maruba lam mananda Jesus
lam bagas. Ndada Jesus i na maruba, alai panandaonta na lam leleng lam tangkas
marnida Jesus. Boi do sian roharohanta marnida Jesus sian pandanganta sandiri;
unang gabe Jesus na mambahen kecewa hita, molo mangido dibagasan tangiang ingkon maralus, ndang manguhom Jesus i, on ma
na mambahen marpengpeng pangantusionta jala kaliru. Alai sabalikna lam mananda
Jesus, lam leleng haporseaonta lam tang di na laho mananda Ibana. Lam tangkas
ma hita marnida Ibana jala lam tajom ma hita tumangihon Hata ni Tuhan i.
2) Ay.39-41: Mansai maol do masuk tu roha nang pangantusion di halak Parise umbege pandohan ni Jesus i; “Mamboan uhum do, umbahen na ro Ahu tu portibi on, asa marnida angka na so marnida hian, jala asa gabe mapitung angka na marnida.” Ai dietong halak Parise do mamereng sian pardagingon. Alai sasintongna na dua pangantusion do na hinanghamnna; asa marnida di pardagingon nang di partondion do. Ai adong do halak na merasa naung diidana alai na mapitung do ibana, alai adong do na merasa mapitung ibana alai naung niidana do. Tudos ma i molo digombarhon tu sada parngoluon ni huria, asa molo adong huria na merasa sehat ai na marsahit do i. Alai molo adong huria na sehat alai sai merasa marsahit. AI na ro do Jesus ndada tu halakpartigor alai tu halak pardosa do. Ai merasa do halak Parise marnida alai na mapitung do nasida. Orang-orang Farisi yang mempunyai pengetahuan yang begitu luas, terpelajar, dan tahu tentang tanda-tanda dari Sang Mesias, tetapi mereka tidak mau percaya akan segala kenyataan yang terbentang di depan mata, bahwa Yesus adalah Mesias yang dijanjikan. Padahal sesungguhnya, mereka tidak mempunyai alasan untuk tidak percaya. Maka, ketidak percayaan mereka ini disebabkan oleh kekerasan hati mereka. Molo merasa do hita halak na tigor roha, naung tangkas do na so adong hatigoran di ibana. Alai ianggo halak na sintong i sai merasa do dirina ndang tigor. Ima konsep paradoks. Alai ndang na mandok na dibahenbahen nang dipaumansuman, manang na marpangalensem asa dijalo halak ibana, jala dipapujipuji ai na munafik do goaron sisongon i. Alai asa naeng ma jujur hita tu Debata na mapitung do hita, na so mamboto manang aha, na ringkot sipatureon ni Debata hita, ringkot do di hita masukan, pandangan sian halak, ringkot do hita pangurupion ni halak asa lam tangkas ma tatanda hatigoran i. Alai molo merasa do hita marnida Debata, ima angka na mardalan di bagasan haholomon. Ndang adong panghirimon ni ngolu, ala naung merasa marnida, ndang ringkto be Tuhan i manogunogu ibana.
C. Refleksi
- Di partingkian ni Jesus, ia
di halak Jahudi ndang pola asing be istilah Anak ni Jolma ima na
martudutudu tu Mesias i, ala naung tangkas do i tarsurat di Daniel 7: 13.
Domu tusi na masa di si Petrus, panandaon ni halak na mapitung i na gabe
marujung tu panindangionna sandiri ia Jesus ima Mesias i. Mesias
lapatananna na miniahan (diurapi)-Sipalua, jala manungkap do na mapitung i
marsomba tu Jesus.
- Las ni roha di angka naung
jumpangan Jesus, ima na gabe topik laos manungguli roha dohot
haporseaonta; asa unang merasa tetap benar hita on jolma, alai naung
dipatigor Tuhan i do hita marhite asi ni rohaNa. Parjumpanganta dohot
Jesus na gabe puncak nipengalaman ni haporseaonta. Kenyataan do i na
taalami dibagasan ngolunta, ndada ilusi manang hayalan. Angka na mananda
Jesus do na boi manghatindanghon las ni rohana pajumpang dohot Jesus.
Pengalaman spiritualitasta pribadi ganup mambahen rohanta marolopolop jla
mamuji muji Tuhan i. Sidok mauliate ma rohanta di haulaon naung pinaradena
jala naung tajanghon i dibagasan Jesus Kristus. Amen.
