Jamita Partangiangan (Epistel) Minggu Judika, (Luluhon Ahu Ale Jahowa, Pslm.43:1a) 22 Maret 2023

Ulahon Uhum Dohot Hatigoran

 Ulaon nii Apostel 6: 1 – 7  

 

a)      Lam martamba do uju i bilangan ni angka sisean, jala ro ma ungutungut sian tongatonga ni halak Jahudi na marhata Gorik tu halak Heber, siala parsagi ni tu angka na mabalu, sai hira so dianturehon nang diparrohahon do nasida di panghobasion ariari. Mardomu tusi na sampuludua sisean i manjou angka sisean na asing asa marpungu laho mamillit pitu halak sian tongatonga nasida na targoar burju jala gok bisuk nang tondi asa nasida ma na patut mangulahon na naeng sipasahaton tu nasida. Jala na sampulu dua apostel i boi fokus roha nang pikiranna di na laho martangiang nang manghobasi Hata ni Debata pararat Barita na uli. Jala usul i dijalo saluhut ruas asa tarpillit ma sian tongatonga nasida Stephanus na gok tondi nang haporseaon, dungi si Pilipus, Prokorus, Nikanor, Timon, Parmenas, Nikolaus sahalak parugamo Jahudi na sian Antiokhia. Dipaadop ma nasida tu angka apostel. Jala angka apostel i martangiang huhut mangampehon tangan tu atas nasida. Lam ganda ma hararat barita na uli i, jala torop ni angka sisean  di Jerusalem lam martamba; dungi angka malim pe gabe muba marhaporseaon huhut pasahat dirina.

b)      Huria na parjolo na adong dii Jersualem ini mulana ndang adong dope pajongjong sada organisasi na resmi. Ndanga dong dope uluan manang na mangatur huria ia so holan angka apostel. Siala ni i ma sude ulaon panghobasion di huria dihobasi angka apostel, sianna martangiang, marjamita nang mangajari Hata ni Debata, dohot ulaon panghobasion di meja di kebutuhan ni angka na mabalu napogos.

 

c)      Angka na mabalu i manjalo panghobasion sian meja ni huria di Jerusalem uju i adong ma dua horong nasida:

1. Naparjolo, ima angka ina na mabalu sian horong ni Jahudi na marhata Heber. Alai di siganup ari dipangke nasida do parhataan Aram. Na sian luat Palestina do nasida, ima angka halak na sian hametmetonna maringan di luat Jerusalem jalang ndang halak na ro nasida.

 

2. Napaduahon, angka ina na mabalu sian horong ni halak Jahudi na marhata Gorik. Dung leleng nasida mangaranto di luat Palestina na marhata Junani. Ala nilelengna maringan di luat Palestina, ndang boi be nasida marhata Heber manang Hata Aram siganup ari na somal dipangke halak Jerusalem hatiha i.

 

d) Torop do sian tongatonga ni na mabalu i sian halak Jahudi na marserak, mangaranto mulak tu Jerusalem jala maringan disi. Sabahagian sian nasida na gabe siihuthon Kristus manang halak Kristen jala gabe ruas di huria na di Jerusalem. Somalna angka ina na mabalu on ndang adong be sipangasahononna di ngolungo;u siganup ari, asa mansai diharingkothon nasida do pangurupion ni huria Jerusalem hatiha i. Dung leleng lam tu toropna ruas ni huria jala mansai godang pelayanan laho mangurupi torop halak di meja parhobasan, ro ma ungutungut sian tongatonga ni angka ina na mabalu na sian Jahudi na marhata Junani tu angka na marhata Heber (hata Aram), siala parsagi  ni na tu halak ina namabalu na marhata Junani ndang dianturehon di parhobasan i.

 

e) Boha do sikap ni angka apsotel i di na laho menanggapi masalah i ? andorang sahat hita mamereng sikap ni angka apostel i, talehon ma rohanta mamereng angka ise do apostel i. Mulana i nasida marharoroan sian strata sosial na sederhana do, na torop nasida sian panjala denkke (nelayan). Dung i dijou Jesus ma nasida gabe siseanNa jala ginohan Tondi Parbadia dibaritahon di Ulaon ni Apostel bindu 2. Di Johannes 16: 13, Ia Tondi Parbadia manang Tondi Hasintongan i do na manguluhon nasida. Siala ni i, angka apostel i ndada holan ginohan ni Tondi manang nididi niTondi Parbadia alai nasida hot niuluhon ni Tondi i laho marhobas. Dungi asa gabe uluan ma nasida ditonga tonga ni huria na di Jerusalem na mansai torop bilanganna. Mulana i dung salpu marjamita Ap.Petrus, tamba ma bilangan 3000 halak na porsea, tarsurat di UL.AP.4:4 gabe sahat tu 5000 halak toropna. Naung gabe halak na berpengaruh do angka apostel i, jala orang penting na targoar ditonga ni masyarakat di Kota Jerusalem. Sikap ni angka apostel i laho menanggapi masalah ditonga parhobasan nasida ima:

1. Serep marroha; Diayat na parjolo, jujur do angka apsotel i paboa na adong do masalah na terjadi.  DI halak naung terpandang, tarbarita goarna, ndang mura laho mangokui adong hahuranganna di parhobasan nang diulaonna, boi do kemungkinan holan na mandok angka na naung niulahon manang holan sarita n kesuksesan. Alai angka apostel na ginohan ni Tondi Parbadia, sian serep ni rohana do tarbuka laho mancaritahon angka na masa di pelayanan. Dipaboa nasida do ia panghobasion tu angka ina na mabalu gabe tading do siala keterbatasan ni parhobas na manghobasi meja parhobasan, hape torop ni ruas pe lam martamba. Sikap serep marroha dipatuduhon nasida marhite na olo perduli tu angka parsualon ni angka na mabalu sian tonga ni halak na pogos. Boi do ndang tarhobasan nasida ala ni torop ni ruas na asing na parngoluonna na dumenggan na porlu siparrohahononthon. Alai di angka uluan na serep marroha dipatuduhon do perhatian na dos tu sude ruasna. Marhite pangalaho na serep marroha; angka apostel i mangarahon angka sisean i asa rap hundul nasida mambahen solusi di parsoalan na masa ditongatonga ni huria i. Ndang adong jarak ni angka apostel i dohot angka sisean na asing, ndang adong merasa lebih senior, superior laho mambuat haputusan ditongatonga ni ruas. Angka sisean i mengalehon kristeria ni calon parhobas na dibutuhuhkan ima na burju marroha, gok tondi jala marbisuk (ay.3). Dungi angka sisean i du tugashon laho mamillit angka calon pelayan na manghobasi meja parhobasan i. Di tradisi na mangihut jabatan ni pelayanan di meja i digoari ma nasida “diaken” nang pe ndang digoari “diaken” di turpuk on. Setelah murid-murid memilih 7 (tujuh) orang calon diaken, para rasul mentahbiskannya dengan menumpangkan tangan. Maka sejak itu pendelegasian tugas (berbagi wewenang) terjadi dan rasul-rasul bersedia bekerja sama dengan para diaken tersebut. Boha do sikap ni angka apostel i na marnampunahon roha na serep ? Ima siala nasida marguru sian Tuhan Jesus, guru nasida. Pasti masih segar diingatan mereka bagaimana Yesus dengan rendah hati pernah membasuh kaki mereka. Yesus juga berkata kepada mereka di dalam Matius 11:29: …belajarlah pada-Ku, karena Aku lemah lembut dan rendah hati… Sikap rendah hati yang diperagakan para rasul yang dipimpin Roh Kudus ini, menjadi titik awal terjadinya komunikasi yang baik di antara para rasul, murid-murid dan jemaat dalam mengupayakan solusi yang terbaik.
2. Manjaga hasadaon; Sikap na mangihut na dipatuduhon angka apostel laho merespon. Angka parsualon ditonga ni ruas dibagasan turpuk on ima marhite na manjaga hasadaon. Punguan ni huria na marhorong dua parhataan, boi do sihammabarbar ni parbadaan nang parbolaton. Sian parsualon i, boi do ujungna gabe marsirang huria i gabe dua, ima huria na marhata Heber (Aramik) dohot huria na marhata Gorik. Alai parbadaan manang skisma on dao do sian sikap nang pamikiron ni angka apostel i. Siala hantus do di nasida maol ni na mamparjuanghon hasadaon. Asa laho patulushon hasadaon pola do Jesus manangianghon nasida sude gabe sada, asa porsea portibi on ia Debata Ama i do na marsuru Jesus i (Joh.17:21). Dipasingot Apostel Paulus do nasida songon na tarsurat di Efesus 4: 3: “Haringgashon hamu ma mangaradoti hasadaon ni Tondi, pinadomu ni dame!” Diangka parhobas ni Tuhan  na ni togihon Tondi Parbadia, asa marsihohot manjaga hasadaon on, asa dipertahanhon, nang pe lam martamba bilangan ni ruas ni huria.
3. Bisuk jala bijak. Parange na bisuk jala bijak ima na ingkon lohot manang na pinatuduhon ni angka apostel di na laho merespon angka masalah ni ruas ni huria. Angka apostel naung manotophon angka turgas nang huaso (sharing service). Angka apostel toltol tu na manghobasi partangiangan nang pamaritaon Barita na Uli, molo angka diakon toltol do laho manghobasi meja jala denggan patureture angka pangurupion tu angka ina na mabalu. Sude goar ni na pitu diaken on ima na margoar Gorik. Boi do on salah satu cara laho mangurupi kelancaran di komunikasi tu angka ina na mabalu na bermasalah na marharoroan sian horong na marhata Gorik. Marhite bisuk dohot bijak ni roha ni angka apostel i mangolah masalah na serius i songon sada kesempatan tu panghobasionna asa lam mangerbang. Na boi idaonta di ayat 7, Hata ni Debata na lam rarat, jala bilangan ni angka sisean di Jerusalem asa lam martamba, asa ihut muse angka malim na martamba ro ala porsea jala pasahathon dirina. Boha do angka apostel i asa lam bisuk jala bijak laho mangatasi angka parsualon na masa ? Ima ala ni ulaon ni Tondi Parbadia na marasini roha pasahathon silehonlehon parhataan na bisuk tu nasida. Di 1 Korint 12:7-8a.Alai laho manumpak do dibasabasahon jala dipataridahon Tondi i tu ganup. Ai tu na sada on dilehon do marhitehite Tondi i hata habisuhon....” Marhite silehonlehon parhataaan bisuk on, asa molo angka parsualon na borat pe boi do diselesaihon nasida dohot denggan. Atik adong do masalah di angka hurianta na hampir dos dohot na nialaman ni huria na parjolo i. Molo Tondi Parbadia do na manguluhon, angka masalah na taadopi i boi do selesaihononhon dohot bijak, songon na masa di huria Jerusalem. Jala pola do boi do sahat tu na lam mangerbang angka haporseaon, nang torop ni ruas. Laos Tondi Parbadia i do tong na manguluhon hita laho manjalo solusi na dumenggan diangka parsualon na taadopi. Asa mangelek ma hita di huaso nang gogo sian Tondi Parbadia laho mangalehon solusi na terbaik. Tarlumobi maneladani sikap ni angka apostel di nalaho mangalusi angka parsualon i marhite: na serep marroha, manjaga hasadaon, marbisuk jala bijak. Sai asi ma roha ni Tuhanta na manguluhon jala mangurupi hita marhite Tondi Parbadia laos na mamasumasu keluargan, parkarejoan nang panghobasionta.
4. Kita tidak dapat hidup dalam kebenaran terlepas dari pimpinan Roh Kudus dan Firman-Nya. Kebenaran itu adalah kekal dan absolut. Tidak ada kebenaran yang relatif dan sementara sesuai kondisi dan waktu tertentu. Di sepanjang sejarah kehidupan manusia,ada saja orang-orang atau kelompok-kelompok tertentu yang merekayasa dan memanipulasi kebenaran menurut motivasi dan kepentingan dirinya atau kelompoknya. Dan itu terjadi dalam berbagai aspek kehidupan manusia. Hidup dalam kebenaran bukan berarti kita hanya berdoa, beribadah dan aktif dalam pelayanan. Tetapi hidup dengan benar dalam setiap aspek kehidupan kita. Baik dalam dunia pekerjaan kita, sekolah, hubungan dengan sesama dan dalam semua aktifitas yang kita lakukan sehari-hari. Menghidupi firman Tuhan dan melakukannya dalam seluruh kegiatan yang kita lakukan, akan membuat hidup kita dibimbing Roh Kudus ke jalan-jalan kebenaran. Akan lebih baik lagi jika kita mengerti panggilan Tuhan atas hidup kita, sebagai hambaNya yang melayani. Amen.