“Haporseaon Na
Paluahon”
Iman Yang Menyelamatkann
& Ev: Lukas 17:
11-19 & Ep: II Rajaraja 5: 1 - 14
A. Patujolo
Sian najolo sahat tu nuaeng on bahat dope jolma na sai
masihol tu halongangan, asa angka na so mananda Tuhan i dope, sai laho do tu
angka datu manang halak na pistar, tu inganan pameleon, mamele angka tondi na
hodar. Adong do na mandapot pangidoanna, alai sai adong do tuhor ni i manang
pangidoanna i, ima tondi nasida naung nirajaan ni hauso haholomon. Boi do
nasida manjalo pangurupion na hatop situtu, alai sai na manarita do ngoluna di
pudian ni ari. Dipangido sibolis i do jatahna di naung urupanna angka jolma na
mangido tu ibana.
Mauliate ma di Tuhanta naung ro Tuhan Jesus Kristus tu
portibi on mangalehon angka halongangan na so tarhatahon. Na ro do Ibana asing
ni mamaritahon Barita na Uli, dohot do na papatarhon huaso ni Debata marhite
angka halonganganNa na luar biasa. Dilehon Tuhan i do so martuhor, ndang pola
godang syaratna, dipatupa Ibana i laho holan paluahon angka tondi ni jolma i.
B. Hatorangan
1)
Dipamasa Jesus do halongangan. Molo
tajaha taringot pardalanan ni Jesus di portibi on, mansai bahat do dipatupa
Ibana angka halongangan dipamasa. Laho pamalumhon sahit pe ragam do dalan anng
cara na marasing dipatupa Ibana tu angka jolma na marsahit. Adong na dipatupa
Jesus holan marhite tangiang, adong na binahen mandalo gambo tu mata, manghaol,
manang marhite na manjama pahean ni Jesus, nunga dipamalum nasida sian sahitna.
Masnai godang dope cara ni Tuhan Jesus aptupahon hamamalum ni angka sahit. Sian
turpukta on marasing muse do na pinatupa ni Jesus tu angka na sampulu halak na
huliton i.
2)
Dipaboa turpukta on do na mardalan Jesus
tu huta Jerusalem mamolus parbatasan Samaria dohot Galilea. Dungkon bongot
Tuhan Jesus di sada huta,ro ma sampulu halak na huliton mandapothon Ibana. Disi
ma nasida paimahon mandaodao sian Tuhan Jesus. Jala rup marsuara ma nasida manjou Jesus: Jesus, Guru! Asi ma roham di hami. Jadi ninna
Ibana ma marnidasa: Laho ma hamu patuduhon dirimuna tu angka malim! Jala di na
laho i nasida, gabe ias ma nasida. Dipaboa dipardalanan i do nasida gabe malum
jala ias. Jadi molo taparrohahon ndang pintor dipamalum Jesus sahit nasida,
ndang dijanjihon Jesus hamamalum sian parsahitonna i. Alai diuji Jesus jumolo
haunduhon roha nasida asa laho nasida manjumpangi angka malim i (ay.14). Jala
terbukti do , angka na marsahit huliton na sampulu i marhaporseaon laho
mangoloi pangiodan ni Tuhan Jesus. Dijalo nasida do ujian dohot na patuduhon
haunduhon dohot pangoloion roha nasida tu Jesus asa gabe malum ma nasida. Heber
11:1 Alai anggo haporseaon i, pos ni roha do i di angka sihirimon, jala
pamotoan na tontu taringot tu na so niida. Hamamalum sian hata malum,
lapatanna gabe hisar jala hipas sian sahit panahit. Alai molo haluaon sian hata
malua lapatanna dao sian mara, sian bencana, ndang adong na hurang, sehat
manang tangiang gabe malua. Haluaon na marlapatan malua, las ni roha jala
haporseaon ima pos ni roha di hagogoon ni Tuhan i. Haporseaon na sampulu na
huliton i do na gabe tiruan dihita, ala ni haporseaonna gabe malua jala
marhahipason. Alai, holan sada do sian nasida mulak mandok mauliate tu Tuhan
Debata dohot soara na gogo ala naung malum i ibana. Na manungkap do ibana
diadopan ni Tuhan Jesus huhut mandok mauliate tu Ibana. Dipaboa do nasida ima
halak Samaria. Dung i disungkun Tuhan Jesus ma, na didia do nasida na sia halak
nari ? Boasa ndang mulak nasida mandok mauliate tu Tuhan Debata dungkon halak
Samaria i. Dung i didok Jesus ma tu halak Samaria i; Hehe ma ho, laho ma!
Haporseaonmi do paluahon ho!
2)Songon
na taboto ia Samaria ima ibu kota Israel Utara. Andorang so dipatalu bangso Asyur
taon 722, na mangolu do Bangso Israel Utara dohot sinkritisme na manomba angka
debata bangso na dihulamiangna, songon bangso Hamat, Arab selatan dohot Asyur ima
panghorhon kerjasama politik nang ekonomi. Jala diulahon nasida do parsombaon
tu angka debata sileban di Betel, manomba debata Molok (debata ni halak Amon).
Mansai jorbut do parngoluon ni bangso i ala dohot do masiolian marsaor dohot
angka halak bangso Asyur, jala disomba do debata Baal. Ima latarbelakang halak
Samaria asa dihasogohon bangso Israel na so mar TUHAN, digoari do nasida bangso
kafir, na mardosa, napinaduru jala bangso na lea situtu. Jala na umborat ala
diulahon kawin campur na so sian bangso Israel ima na manegai hapolionon ni
Bangso Israel ima bangso ni Debata. Molo kawin campur nasida ima na manegai
dohot mangganti parsombaon nasida dohot angka debata sileban. Ima pamingkirion
ni bangso Israel tu Samaria na dianggap kafir. Tung so hea do dilehon
kesempatan di angka halak Samaria laho pature hasalaan nasida najolo sahat tu
partingkian ni Jesus. Asa bangso Israel sai hira mandok, “hami do bangso na
tingkos, na polin jala na so mardosa, bangso na pinillit ni Debata, alai hamu ndang
na muba be hot do dosamuna na so marTuhan i, ndang hea marsaor halak Israel
dohot halak Samaria ala parmusuon i (Joh.4: 1 – 42), mansai ginjang do roha ni
halak Israel mamereng halak Samaria. Alai ala asi do roha ni Tuhan Jesus nang
pe diboto Jesus taringot tu barita na sia halak nari pasti doi halak Jahudi. Lukas
begitu demokratis dan sangat terbuka menyatakan bahwa kebaikan itu justru
datang dari pikah, yang selama ini dipandang hina dan kafir. Lukas melihat,
bahwa kehadiran Yesus ternyata berusaha menghapuskan pemikiran yang keliru itu,
yang selama ini dipermanenkan oleh orang-orang Yahudi. Yesus telah merobohkan
tembok pemisah antara Yahudi dan Samaria. Apa yang dilakukan Yesus ternyata
memperihatkan bahwa Dia sangat mencintai persatuan, dan sekaligus untuk
menyatakan bahwa Tuhan mengasihi semua manusia tanpa terkecuali. Itulah juga
yang mau diperlihatkan oleh Lukas 17:11-19.
3)
Barita taringot tu na sampulu halak na
malum sian sahit huliton i, paboahon tu hita mansai otik do jolma na mamboto
mandok mauliate mamuji pasangap Tuhan Debata, nang pe naung dilehon asi ni
rohaNa jala marbualbual do i ditingki dijalo nasida. Dapot hita ma gombaran na
paboahon holan sada halak do na sian sampulu na malum sian huliton i na malum
dohot singkop ro ibana manungkap huhut mandok mauliate tu Tuhan Jesus. Godang
do tabereng diparngoluonta angka jolma na dihumaliangta naung mamora, marlobian
alai maol dope mandok mauliate (manang pasahat hamauliateonna), sian na jolo
sahat tu partingkian sisaonnari on mansai bahat dope pangalaho ni jolma na
holit jala bangkol rohana mandok mauliate. Sai taingot ma na niajarhon Hata ni
Tuhanta i, Psalmen 106: 1 “Halleluya!
Mandok mauliate ma hamu di Jahowa, ai na basa do Ibana, ai ro di
salelenglelengna do asi ni rohana i.”
4)
Hita nahinaholongan ni Tuhanta, molo
targoar do hita halak na porsea, naung sidok mauliate do hita tu Tuhan i naung
marbasabasahon asi ni rohaNa na so olo marsik salelengnilelengna i? Boasa sai
adong dope halak na targoar na porsea alai mansai maol dope rohana mandok
maulite tu Tuhan i? Rasa bersyukur adalah ungkapan iman percaya kepada Tuhan
Yesus oleh keselamatan yang diperolehnya. Naung sude do hita na porsea i
dibagasan benget ni roha paimaimahon angka pasupasuNa i jala satia hita mamuji
pasangaphon Ibana, martangiang, marlas ni roha, mandok mauliate, pasahat
pelean, nang hamauliateonta, huhut manghobasi Tuhan i? Mauliate ma di Tuhanta
molo sai tapertahanton dope hapolinon ni haporseaonta i dohot denggan. Jotjot
do masa angka na masa dihita na so panagaman mambahen jut rohanta jala manguji
haporseaon nang hasatiaonta tu Tuhan i. Asa unang be ganggu roha nang
haporseaon ni halak Kristen i di portibi on laho mangadopi ragam ni angka
parsualon di ngoluna.
C. Sipahusorhusoron
1)
Tanda ni halak na porsea hita; sai
tongtong ma hita joujou tu Tuhantai paboa na soa margogo hita mangula nasa
siulaon ia so mardongan Tuhantai. Ragam angka na mangelaela haporseaon, na
naeng manegai haporseaonta di portibi na gok angka masalah, nang sitaonon. Asa
joujou hita na porsea i, paboa ingkon Tuhanta i do na tahaposi mangalinggomi
nang paluahon hita sian angka parsualon ni ngolunta.
2)
Tanda haporseaon na mamolin do molo sai
tapukpuhi torus haporseaon i marhite na sai unduk, patuh, pangoloi di parsuruon
nang pangidoan ni Tuhanta i. Mangulahon Hata ni Debata ima dalan nang cara ni
halak na porsea manghaposi Tuhan i. Unang pola godang sungkunsungkun di Hata ni
Debata, alai hapolinon nang pos ni roha do di Hata ni Tuhan i asa malua hita.
3)
Haporseaon na togu, sai margogo
haporseaonna, sai torus mangula, mangalului, asa dapotohonna. Songon si Naeman
na marsahiht puruon i, sai halapuit do mangalului hamamalum ni sahitna. Halak
na metmet nang bawahanna pe ditangihon ibana do asa sian na menjaga martabat
nang hasangaponna. Haporseaonna torus terbangun lam togu lam marsihohot di
Tuhan Debata.
4)
Haporseaon na mamolin do molo tangkas
tatanda Tuhan Jesus naung paluahon hita sian dosa, hamatean nang sibolis i.
Panandaon na tangkas tu pribadi ni Jesus mamboan hita las ni roha nang pos ni
roha. Ndang ganggu be rohanta disi, ai naung godang dibaritahon di Bibelta i
taringot tu Jesus, ai naung godang do angka jamita na tatangihon di parguruan
nang parmingguonta, asa unang ma marisuang i sude, tapangido ma Tondi Parbadia
i manjaga, manarihon, marmudumudu dohot mandongani hita asa hot haporseaonta
sahat di hasusuda ni bohalta. Amen.
