Jamita Minggu XX Dung TRINITATIS – 30 Oktober 2022

“Guruhon Na Denggan, Pasohot Na Jat”

Belajar Berbuat Baik, Berhenti Berbuat Jahat

  

& Ev: Jesaya 1: 16-20                   & Ep: Rom 6: 15 – 23                      

 

A.      Patujolo

Diuju ni si Jesaya on, mamungka sian raja Uria, Jotam, Ahas sahat tu si Hiskia (783-686)s.M) nunga tung sega peribadahn ni Israel. Mansai burju do nasida ro tu bagasjoro; mansai godang angka peleanna; mansai godang jala ribur (semarak) angka arirayana, pola ganup bona ni bulan marariraya nasida. Alai, olat ni i do. AI dung mulak nasida sian Bagasjoro i, aha ma diula? Diporo nasida do angka na pogos, na yatim-piatu dohot na mabalu. Golongan kapitalis ma mempengaruhi angka pemimpin dohot pejabat, berkolusi ma nasida, gabe gok ma korupsi dohot penindasan tu halak na metmet. Uhum pe dipapeol. Jala angka pelean nabinoan nasida i ima hasil korupsi; haroroan (sumber) na sian na mangulahon na so uhum. Ima diboan tu bagasjoro. AI dihilala nasida boi ma angka pelean dohot arirayana i manesa dosana. Dibahen nasida ma bagasjoro i songon “mesin cuci” ni dosana. Lomo nasida mardosa di angka ulaonna. Hasil ni dosa diboan tu bagasjoro laho “menyogok” Debata, asa disesa dosana; dung mulak sian i, lomo nasida ma muse mangulahon dosa. Ima mambahen tarrimas Debata.

 

B. Hatorangan

1)      Mansai burju nasida beribadah mamboan pelean dohot marariraya, alai ngoluna siganup ari gok (bergelimang) dosa. Ala ni balgana, pola di ay.10 dijou nasida dohot goar : “Ale angka partogi ni sodom....ale bangso Gomora. Tabo do hinajorbut ni dosa ni Sodom dohot Gomora (1 Musa 13: 13; 18:20). Sange do pola ndang adong nanggo sampulu halak na bonar. Ala ni ma ingkon dirasiphon Debata ma nasida. Nunga songon i nang Israel. Hape targoar nasida bangso ni Debata, alai ulaonna holan na mangarsahi dohot paleahon Debata. Ibadah nasida pe nunga mangihuthon selera nasida, laho mamuaskan hasrat nasida, ndada be laho pasangap Debata. Holan ruhut hajolmaon parduru nasida ma na beribadah, ndada roha parbagasanna. Ibadah nasida holan di bagasjoro nama, ndang marparbue jala ndang bersangkut paut tu ngolu siganup arina. Ima mambahen ramun ibadah nasida (ay.12).

2)      Joujou ni Debata tu hita ima asa paubahon roha ala hamubaon ni roha ima parsombaon na singkop. Hamubaon ni roha na dibuhai sian na mananda dosa niba sandiri, dungi ro panolsolion ni diri, dungi mangihut adong haoloon laho manjalo hasesaan ni dosa. Jala na rumingkot dijalo ma Tuhan Jesus gabe Sipalua; Jesus gabe uluanna na mangarajai dirina, ngoluna dohot sude pangalaho nang pambahenanna.

3)      Hamubaon ni roha naeng ma dipatuduhon marhite na mangaradoti hadaulaton na tingkos ima:

a)      Na olo hita ro marminggu, ro ala naeng pajumpang dohot Debata. Natajumpangi disi, ima Debata na badia. Ndada laho pataru pelean manang koor, manang patudu diri sambing. Ndada holan ‘asal’, manang sipaulaula, manang membangun citra dohot status. Sada ma sangkata molo ro tu gareja, naeng pajumpang dohot Debata, asa disi tapuji jala tapasangap Debata. Laho pasangap Debata ma, unang ma pasangap diri. Laho pasahat diri tu Debata ma unang ma holan laho manjalo pasu-pasuNa sambing. Ai sai adong do hape ruas na ro tu gareja ndada laho mangalului Debata alai mangalului parjamita do, ai ingkon na marpili do di nasida parjamita. Adong do na laho mangalului hiburan, ai ingkon na “menghibur” songon enterteinment nama dihalomohon.

b)      Alai na rumingkot botoonta ima: Ia iabdah nahinalomohon ni Debata ndada holan ibadah na di gereja, alai di ngolunta siganup ari do. Keseharian kita itulah ibadah yang paling disukai Tuhan. Ala ni i, sosososo na umbalga sian jamita on, ima: Marhadaulaton ma hita pasangap Debata di ngolunta siganup ari. Ala ni ma dijouhon Debata  tu hita:

Ø  Marburi ma, urasi dirim, paholang dirim sian na jat (ay.16). Halak namanguras, pabadiahon diri, ido na talup manjonohi Debata, songon na tarsurat di Psalm 24: 3-4;  Ise do na jadi nangkok tu dolok ni Jahowa? Jala ise do na hum jongjong sogot di hajongjongan ni habadiaonna i? Halak partangan na lidang dohot na ias roha, parroha na so paihuthon na so hasea, jala na so olo margana laho mangansi.” Molo tajaha di 3-5 Musa, ido syarat utama, ai na badia do Debata. Molo adong na ramun mandonohi Debata, ingkon mate do.

Ø  Guruhon hamu ma mambahen na denggan (ay.17), asa unang ramun hita di jolo ni Debata, ingkon angka na denggan ma ulahonon, ima angka nahinalomohon ni roha ni Debata. On ma angka tindakan etis, hataridaan ni hahormatonta tu Debata. Molo tutu do Debata na tasomba jala rajanta, holan lomo ni roha ni Debata ma ulahononta di sude gulmit ni ngolunta. I do ala adong mandok: di gereja kita berkebaktian, diluar gereja kita berbakti dalam kehidupan sehari-hari. Ibadah itu dibuktikan dalam kehidupan nyata bukan di dunia maya. Laos dipajojor do manang piga tindakan etis (pambahenan):

v  Lului hamu ma uhum, mambahen uhum gabe panglima. Mangalehon hal ni ganup halak, jala mangulahon sude kewajibanta. Bertindak adil tu sude jolma. Ibadah keluarga na hinalomohon ni Debata molo masa keadilan di jabu, ndang adong na merasa tertindas, diskriminasi manang pelecehan; alai hak azasi ni sude anggota keluarga dihormati secara penuh. Songon i nang tu parkarejo, pangurupi, bawahan nang sude jolma.

v  Membela hak ni angka kaum lemah (na mabalu, yatim piatu, na tertindas). Unang adong na berpesta di atas kelemahan ni halak na asing. Molo adong di hita songon misalna; huaso, pangkat, jabatan, manang hamoraon, nang halobian na asing, naeng ma pangkeonta i laho mangurupi, nang manogunogu halakk na gumale dohot na pogos. Ai sian Debata do i tajalo luhutna. Mansai dihalomohon Tuhanta Jesus do i, jala i do muse sada tolak ukur di ari paruhuman i. Mat.25; 40 Dung i alusan ni Raja i ma nasida: Situtu do na hudok on tu hamu; Nasa na binahenmuna tu sada sian anggingku angka na metmet on, na tu Ahu do i dibahen hamu!

vJak.1: 27 On do hadaulaton na ias jala na so marlindang, di roha ni Debata Ama: Mandulo angka na so marama, so marina dohot angka na mabalu di haporsuhonnasida, huhut mangaramoti diriniba maralohon portibi on, unang marlindang.

c). Molo songon i antong, pangomoan pe marharoroan sian dalan hinalomohon ni Debata ma. Ndang adong be masuk tu jabunta hepeng hasil korupsi, manang  hasil penipuan, manang hasil ni na “mangonsop mudar” ni halak na maminjam. Jala sian ima boanonta gabe peleanta tu Debata. Ima pelean hinalomohon ni Debata, ai sian Debata do haroroanna. Ingatlah bahwa Tuhan meminta persembahan bukan karena Tuhan berkekurangan. Karena itu, Tuhan lebih melihat hati yang memberi persembahan ketimbang persembahan kita sendiri. Persembahan yang banyak tidak bisa menggantikan hati yang taat.

 

C. Sipahusorhusoron

 

1)      Pikiran dan hati yang sudah dikuduskan oleh Allah melalui Kelahiran Kembali, haruslah kita isi sebanyak-banyaknya  dengan Firman Tuhan dan hal-hal  kudus lainnya, sehingga kita dimungkinkan untuk dapat memandang  kehidupan ini dengan  sudut pandang Allah. Belajar berbuat baik membutuhkan proses yang  panjang  dan penuh tantangan. Bahkan berbuat kebaikan membutuhkan pengorbanan, sebab setiap bentuk kebaikan akan berlawanan dengan sifat dosa yang telah mencemari kondisi manusia.

2)      Kita dapat memanfaatkan setiap keadaan untuk melakukan sebuah kebaikan, sebagai refleksi iman yang telah  dikaruniakan oleh Allah kepada kita. Belajar Berbuat baik  tentu  memiliki  banyak bentuk  yang dapat dilakukan,  antara lain: 1. Mengucap syukur atas karya keselamatan yang telah kita terima melalui korban Tuhan Yesus di Salib. Kita jadi orang yang tahu berterimakasih*. Jangan pernah melupakan  pengorbananNya yg  dahsyat dan *harus terus berusaha mengasihi Tuhan dengan segenap hati melalui pelayanan kita kepada  Tuhan, sesuai dengan talenta yang sudah dititipkannya kepada kita. 2.Belajar berbuat baik pada diri sendiri, dengan jalan mengasihi diri  secara benar.  Selalu berusaha mendekat kepada Allah yang kita  percaya sebagai *sumber segala Kebaikan. Hidup akrab dengan Tuhan akan melahirkan kedamaian batin yang didambakan oleh setiap orang.  3.Memberikan simpati dan empati kepada orang-orang yang Tuhan pertemukan dengan kita. Kita menggunakan kesempatan untuk membantu di mana perlu dan jangan menahan kebaikan yang telah Tuhan gerakkan dalam hati kita masing-masing.

3)      Filipi 4:8  mengatakan: “Jadi akhirnya, saudara-saudara, semua yang benar, semua yang mulia, semua yang adil, semua yang suci, semua yang manis, semua yang sedap didengar, semua yang disebut kebajikan dan patut dipuji, pikirkanlah semuanya itu”. Biarlah Firman Tuhan ini memotivasi kita untuk terus belajar MENGISI pikiran dan hati kita dengan berbagai hal yang baik, sehingga *hidup kita memancarkan kabaikan Allah* di manapun kita berada. Amen.

Jamita Epistel Minggu XX Dung Trinitatis 2022

“Guruhon Na Denggan, Pasohot Na Jat

Belajar Berbuat Baik, Berhenti Berbuat Jahat  

 

& Ev. Rom 6: 15 - 23                         & Ep. Jesaya 1: 16 – 20                       

 

1. Patujolo

Sude angka parsikkola uju mangadopi ujian pasti diparade do tingkina marsitutu marisajar dohot denggan asa dapotna alus na sintong jala parbuena kelulusan jala marhasil naik kelas. Suang songon i angka naung lulus sarjana nang  strata na asing, hot dope nasida marsitutu marsiajar ? Laos songon i do taringot tu asi ni roha ni Debata manobus dosanta. Malua sian dosa ido parbue ni panobusion ni Jesus Kristus tu nasa hajolmaon. Gabe dihorhhon i ma jumpang di halak na porsea i perubahan radikal jala na fundamental manghagigihon dosa. Hot dope hita maniop tanggung jawabta laho mangulahon na sintong ?

 

B. Hatorangan

1. Di bindu 6 on dipaandar jala ditulak AP.paulus do konsep na sala, mandok: “Boi halak na porsea i tongtong mangulahon dosa, jala na so siuhumon ibana di dosa na niulana. Ala asi ni roha ni Debata di bagasan Kristus. Penyimpangan na serius do pingkiran on di halak Kristen. Poda na lilu do on na margoar antinomianis sian poda asi ni roha-kasih karunia, ai gabe dipansuasaehon asi ni roha i holan laho paihutihut hagiot ni dagingna. Molo taparrohahon ayat 1 dohot ayat 15 bindu 6 on sai hira na mandok na sarupa alai nyatana adong do parasinganna. Molo ay.15 lapatanna ima mangajarhon taringot tu motivasi na asa unang mangolu dibagasan gomgoman ni dosa ima marhite na mandinghon parngoluan na robi. Alai molo di ayat 1 ima na mangajarhon taringot tu motivasi di ngolu dibagasan hasintongan di Debata marhite parange ni ngolu na imbaru. Ala godang do halak merasa ndang be mangolu dibagasan dosa be alai ndang diula nsida agia manang aha ima gabe halak Kristen na biasa sambing na penting nunga adong jaminan masuk surgo. Ido alana AP.Paulus paingothon hita ia motivasini ngolunta ndada holan asa ndang mardosa alai mangolu dibagasan hasintongan tu debata.
2. Ay.16- 17;  Diabagsan portibi ona adong do dua induk somang ima induk ni  dosa manang induk ni hatigoran jala ndang adong na netral. Laos songon i do parsombaonta molo tu Tuhan i do marsomba ndang adong be parsombaon tu na asing. Hata “hatoban ni dosa” sian hata “douloi tes hamartias” (slave of sin, hamba dosa). Hata “hamartias” lapatanna ndao sian sasaran. Umpana molo naeng dangguron sada sidangguron alai ndang hona ima meleset, ima lapatan hamartia i. Laos songon i do halak Kristen asa marnampunahon sada standard ni habadiaon songon Ama na badia jala na songkal. Jadi parngoluonta molo so songon ni hirim Jesus manang so songon ni hirim ni Debata lapatanna ndang hombar dope tu lomo ni rohaNa. Jala molo sai ndang songon Ama i, umbahen na patoranghon “hamartia” i. Hata benda na mar gender feminine, jadi dosa i marisihon feminine. Dosa na adong sisi hataboonna, lambok, tonggi, bagak berengon, halomoan ni roha, jala mansai godang dope tudosanna. Ido alana bahat halak Kristen i na terjebak di dosa, boasa? Ala ni angka na tabo i ma umbahen terjebak halak Kristen i mangulahon dosa. Dung talpe hita tu hatonggion ni dosa i na mangihot hita jala mamparhatoban hita. Sai dituntun dosa i do hita tu inganan na so nihalomohon roha, alai ala tarihot hita, ingkon gararon ma argana na so olo hian siagraronta (Joh.8:34).
3. Ala ni dosa i lam bagas ma hasesega ni jolma, manghebat keruskan mroal, sange mangalo Debata. Dihorhon dosa i lam lomo rohanta pasiaksiakhon halak, tahalomohon kekerasan, sadisme, hajahaton, jala diparhatoban dosa i hita manegai, pasudahon dohot maniaphon. Lam dipahehe muse hisaphisap haotoon di hita. Molo songon i, patut di gugat hita: “Antong dia do parbuemuna disi ? Angka na hinahilahononmuna anggo nuaeng, ai hamatean do hapateanna (6: 21). Molo so taparbuehon na denggan na tongtong dope manggompang dosa i di bagasan hita, jala hatoban ni dosa dope hita. Nuaeng, nunga milik ni Kristus hita, jala patut ma mamparbuehon ulaon hatigoran na sian Tuhanta Jesus. Nian na masuk do dosa i tu hajolmaon marhitehite Adam mangaramuni luhut jolma (5:12), gabe jumpang di  jolmaa i uhuman sian Debata-Hukuman ilahi (1:18), secara otomatis diparo dosa ima tu hita hamatean ni jasmani dohot rohani (ay.23; Kej.2:17). Holan sada do na boi pamatehon-melenyapkan huaso ni dosa, ima hagogoon ni haporseaon tu Jesus Kristus dohot ulaon panobusion na pinatupa Jesus tu hita (5:8-11; Gal.3:13; Efe.4:20-24).
4. Dibagasan panobusion ni Kristus i, ndang adong be titik temuna tu angka ulaon hailaon. Ala nunga sangkambona hita dohot Jesus dibagasan hamamate  dohot haheheonNa (Rom 6:5). Nunga rap mate hita dohot Jesus di silang na badia i, laos rap dipangolu ma dibagasan haheheonNa. Jala naung mate do hita maradophon dosa uju ditubuhin paduahalihon-dilahirkan kembali dibagasan Tondi Parbadia. Jal anunga mate do hita maradophon dosa dibagasan pandidion i. Disi dipabagas Debata pangantusion naung tatulak huaso ni Dosa, gabe mangolu dibagasan Kristus, gabe milik ni Jesus hita.
5. Ay.22. Marhite n dung malua sian dosa jala dung gabe pangoloi di Debata adong ma parbue na pasti, ima parbue di habadiaon, jala marhapatean tu hangoluan na salelengnilelengna. Gabe ndang mungkin be adong komunikasinta tu si bolis, tu dosa i, ai nunga milik ni Jesus hita jala marparange habadiaon, parange na saurdot tu makna dohot hakekat ni haluaon sian dosa dohot pangoloion tu Debata. Disi ma jumpang hita haluaon ni tondinta (1 Ptr.1:9). Akibat langsungna, taparsilanghon ma hadirion na buruk-manusia lama, ima hadirion na so dipaimbaru dope, ima hadirion ni sasahalak dibagasan dosa. Hadirion na buruk on ma na dipamate jala dipasohot rap dohot Kristus di Silang i. Ido nidok ni si Paulus di Galatia 2: 20 “Ndada ahu be na mangolu i nuaeng; Kristus do na mangolu di bagasan ahu. Ia mangolu pe ahu nuaeng di bagasan daging, mangolu marhitehite haporseaon di Anak ni Debata, na manghaholongi ahu jala na mangalehon dirina humophop ahu”. Ndang hajolmaon na buruk ibe tapausungusung, nunga Kristus di si. Pamatang na nmiinganan ni Jesus i ma na tau mamparbuehon parbue habadiaon.
6. Ay.23. Ala  dosa i ndang boi so ingkon mate pamatang na olo buruk on. Alai ndang pola beha i, ai so pamatang na olo buruk on be pamngkeonta tu banuaginnjang, pamatang banuaginjang nama manang badan partondi (1 Kor.15:44,46). Patut do mate pamatang hamatean on (Rom.7:24), pamatang parsatongkinan (Rom.8:11), badan parbanuatonga on ( 1 Kor. 15: 40) ala upa tinuhor ni dosa i, jala na manudu dompak pamatang hajolmaon na nirajaan, naung pinarhatoban, naung nikendalihon ni sangkapsangkap pardosaon do citra hamatean i; “Alai paubaonNa do dagingta na lea on, gabe doshon dagingNa na sangap i, hombar tu haggoonNa i, ai tarpatunduksa do saluhutna tu Ibana (Pil.3:21).

C. Sipahusorhusoron

1)     Dingolu parhuriaonta nuaeng; saihira adong dope toleransi ni halak Kristen tu dosa. Molo tarsor mardosa, diampini do dirina, didok: Boha bahenon nda di portibi on dope hita, ndang sai tarbahen dope lias sian dosa, ninna laos huhut dipangeahon parbue ni dosana. Pasti halak na songon i sundat marparbuehon ulaon na denggan dohot habadiaon.

2)     Manang molo tarsor sahalak mardosa, diampini ma dirina didok: “Girgir do nian tondi, alai gale do ia daging. Didok rohana, ala hagaleon ni dagingna i gabe loason ni Debata ma ibana mardosai. On ma poda na lilu na sai mambahen hita marlaok dosa. Dipaingot si Petrus hita: “Ai na tarsurat do; badia ma hamu, ai na badia do Ahu! (A Ptr.1:16). Na hebatna, dihilala do gabe parsintong ibana ala gejala umum, didok: AI ise hita na so mardosa, unang pabadiabadiahon. Unang gabe halak Parise hita, didok do di endenta i: “:On pe holan asi ni roha sipangasahononhon i. Sipujionku do Jahowa dung ro na pamanathon i. Unduk huhut las rohangki mamuji asiniroha i “ (Be.no.183:3). Mansai toho do holan asi ni roha sipangasahononhon-didok uju marulaon na badia: unang pangasahon burjum! Alai ndang dung ditoleransi asi ni roha ii gabe boi hita mandatdati mangulahon dosa. Deba berlindung do di ende huria nno 174: 3 na mandok : “Pardosa ho didok roham na so tama be dohot? Ndang pola ala ni dosam umbahen na sundat bongot. Ai nunga sae, do dosami digarar Tuhan Jesus i. Naung sae, naung sae do dosami”. Tutu situtu do ende on, alai unang berakhir disi, ingkon diuduti do di ayat 4: “Haporseai ma Hata i, ai i do hangoluan, haposi Tuhan Jesus i, mudarNa i ma golom. Dihaporsean na mangolu dohot di panghaposion tu Jesus dohot di panggolom tu mudar ni Jesus, disi do jumpang haporseaon na eksistensial, na mambahen hita tongtong sadar manghangoluhon asi ni roha jala namau tidak mau marlapatan: manghagigihon dosa.

3)     Tutu, porlu do jaloonta gogo sian Debata, asa asi ni rohaNa i patauhon hita tongtong satia tu Jesus Kristus. Asa marhite i saut taparbuehon habadiaon, ima parbue di ngolu na imbaru. Ala naung sangkambona hita dohot Jesus, jala ala naung dibasabasahon Debata hangoluam na salelenglelengna, marhitehite Jesus Kristus tu hita be. Mangulahon na denggan, mamparbuehon na tama, mamparangehon habadiaon, angka i ma tanda ni pasupasu dohot holong ni roha ni Debata di hita. Ima nang hatuaonta. Amen.

Jamita Minggu XIX Dung TRINITATIS – 23 Oktober 2022

“Manaon Na Porsuk Songon Siihuthon Kristus”

Ikut Menderita Sebagai Prajurit Kristus  

 

& Ev: II Timotius 2: 1 - 13                   & Ep: Poda 16: 16 – 20                      

 

A.      Patujolo

Hea do ra hita mambege istilah ‘kader’ manang pengkaderan, na marlapatan asa ide sian sumber tertentu didalanhon angka naung hona kader, ima na di bina, diparbohali andorang maju tu sada tujuan manang ulaon. Ragam do jenis ni na hona kader hombar tu prinsip ni sumber ide i. Sipata negatif do ditanggapi na deba istilah i, ala umummna di bidang sosial – politik do i godangan marlangku. Mirip tusi do anak haholongan ni si Paulus dison, ima si Timoteus na manjalo surat on. Haporseaon ni si Paulus do dipapatar tu ibana, jala ditugashon do ibana patariparhon i nang tu angka na asing na manjalo haporseaon i asa dohot nasida mamaritahon haluaon na sian Kristus i nang tu angka donganna na asing.

Ndang ulaon na neang ulaon i, tarlobi na mardomu tu haporseaon (ugamo). Molo tabege di tingki on na mansai godang parungkilon ni angka dongan di manang pigapiga luat (suku-suku) di negarata, na gabe disutuh Kristeninasi. Namun songon i ndang mauhom angka parbarita n auli i, ai tujuan ni sending, ndada apala asa pajongjong  gareja manang huria na organisatoris, alai asa porsea jala dapot halak do haluaon na nilehon ni Debata marhhite Jesus Kristus (invisible churhc). Atik tung godang do na so tardidi manang malua, alai mate di bagasan haporseaon di Kristus, ala adong naung patariparhon barita nauli i tu sipareonna, dijalo rohana jala di haporsea i.

 

B. Hatorangan ni turpuk

1)      Ay. 1- 2; Tu si Timoteus didok manang diapoi Ap.paulus asa benget ibana manaon na porsuk i. Tu angka sisean ni Jesus pe nunga naung dilumbahon hian, na ingkon manaon na porsuk nasida ala ni Kristus i, alai hatuaonnasida do i (Mat.5-6). Dhorhon haporsuhon manang sidangolon do torop halak na gabe gale, manang sabalikna, hiras do halak molo sonang manang las rohana. Alai ianggo di hita halak Kristen, ndang perasaan pardagingon on tulutuluk. Asi ni roha ni Tuhan i do na margogoihon na porsea. Hagogoon (semangat) tubu do i dibagasan (tingki) panindangion taringot tu Hata ni Debata na mangolu di dirina, ai beha ma tarbahen tamba bilangan ni na porsea, ianggo so olo do hita manindangi, asa dibege halak isi ni haporseaonta i, asa dohot halak na asing mangauhon tu dirina hagogoon ni tangan ni Debata di dirina ? Disi do patar hasintongan ni baritan a uli. Marhite panindangion na mangonjar na asing i laho manindangi. Kewajiban ni parbarita na uli ndang holan pabotohon aha haporseaon ni halak Kristen, alai asa dihangoluhon jala dihatindanghon do haporseaon i tu na humaliangna be. Aha na binto ni si Timoteus taringot tu Kristus jala na dia hinaargaNa di ngoluna, i do patubuhon angka donganna, asa marsinondang dila ni palitona be sisuluhononna tu dila ni palito ni donganna (ay.2). Molo tarisihi angka dongan Kristen torop di humaliang hita, lam torop do angka panotnton na statis, marhaporseaon dangoldangol sisilon. Atik tung na adong do di na humaliang hita i angka parhobas na so haposan, sipatubu hangangguon di na tinogutoguna marhite angka aktifitas siganup ari ( di parngoluonna), ndang sesuai tu na hinataonna ? Deba na mura mandele molo adong tantangan tu dirina, mura tersinggung, ala gale dope haporseaonna. Ianggo si paulus manungkoli do ibana tu si Timotius, jala ndang dipasombu melos haporseaonna, dihirpasi do ibana jala ditangianghon asa margogo ibana.

2)      Ay.3-4; Parangan ni Kristus do angka na gabe siihuthon Kristus.  Sahalak panurat terkenal najolo na margoar Seneca mandok: “To live is to be a soldier”. Lapatanna: Gabe soldadu do halak na mangolu. Halak Rom dohot halak Gorik pe dipangke do peribahasa i. Patut ma si Paulus menyelaraskan i tu hakristenon dalam versi na so apala dos, ai hira khusus tu angka uluan dohot parhalado do i tinujuna. Status ni halak Kristen di jolo ni Kristus, naeng ma songon parangan na rade jala servis tu indukna. Sikap “patuh” tu parenta ni indukna jala so pola kritis angka latar belakang ni parenta i, songon i do halak Kristen mangoloi na nidok ni Debata. Mara partondion do i molo sai terlalu kritis hita tu Hata ni Debata. Sikap parangan na sintong ima sai olo mamelehon dirina, ai ingkon rade ibana jongjong songon tembok hidu maradophon musus dohot lembaga na hinaholonganna. Ndang arta sasaran ni parangan i, alai habaranion kepatriotan dohot kesetiaan na mangolu secara displiner. Dipajamot si Paulus di turpuk on; so tung alit tujuan ni hajongjongan ni si Timoteus tu masalah ekonomi/hamaoron, songon jolma halomoan.

3)      Ay.5; Tumpal hamonangan ima hasil perjuangan mati-matian ni para atlit na so curang di paraduonna. Siihuthonon ni ganup na maradu i do aturan na sah (rules of game). Status songon angka na mangihuthon kontes do nang halak Ksirten di ngoluna. Ndang jadi so ingkon humosa rade mangihuthon kontes dung jolo lengkap sempurna pangaradeonna na marragamragam cara. Antong, ndang apala tumpal i na  gabe pokok di paraduon i, alai keikutsertaan asa dibagasan i tarida ma mutu ni paraduonna. Aturan main ni halak Kristen, ima HOLONG. Di sude  aktivitas ngolu ni halak Kristen sai marojahan di holong, molo so i ndang tagamon tumpal sian Debata. Gabe Kristen marlapatan do i pendaftaran keikutsertaan di paraduon i. Ai nda tung mungkin adong na dipartumpali ia so dohot do ibana maradu. Halak na sedang maradu ndang jadi maradian di tongan dalan, sai matua usahahononna do dapot gogo (hsa) asa tarbahensa manorushon paraduonna sambil manustus dompak pandang situjuonna.

4)      Ay. 6 -7; Las  ni roha ni partani, ima molo marhasil na niulana, jala dohot ibana patumona di gotilon. Mansai arga situtu, jala ndang tarasam nilai ni  las ni roha ni parhauma manganhon patumonaan ni panen. Ai halojaon, haronsoton, sian tingki pangulaon, parsuanon, parbaboon, pamuroon sahat tu tingki gotilon, ndang malua parhauma i sian lahan na niulana i. Dison dituntut do sian parhauma i haronsoton mangula: loja, marhoihoi, hodohon, male, mauas dohot lan na asing. Angkup ni i habengeton (kesabaran) paima sahat gotilon. Jarang do petani so dibagasan habengeton paintehon hasil ni na sinuanna. Jarak na marisi kecemasan relatip leleng manang hatop tergantung tu jenis suansuanan do. Namun ianggo na niondolhon ni si Paulus ima pengharapan na positif. Ai ingkon jumolo do parhauma i taruli di parbuena. Songon na nidok ni si Paulus di suratna tu Korint ( I Kor.9:7) “Tung ise ma dung disuru soldadu so margaji? Tung ise m pauli porlak so dipangan sian parbuena? Ise ma marmahan dorbia somanganhon susu ni pinarmahanna?”. Jadi ndada soal hak na niondolhon ni si Paulus disi, ai kewajaran na mekanis do i. Iaanggo pangantusionta disi: “Silehonlehon ni Debata do nang kesempatan mandai hasil ni ulaonta. Parjamita 5: 18 “Angkup ni i molo dilehon Debata tu manang ise jolma hamoraon dohot sinamot, diloas huhut ibana mangan dohot mambuat jambarna sian i huhut marlas ni roha di ulaonna, silehonlehon ni Debata do i” Tusi do diarahon si Paulus pikiran ni si Timoteus, asa unang tarhirim ibana di angka imbalan ni haporsuhon (parungkilon) na nialamanna di na mamaritahon Barita Na Uli i ibana. AI manang sadihari daionna do parbue ni na niulana i. Molo maol pe diantusi si Timoteus i, lehonon ni Tuhan i do roha tu ibana mangarti saluhutna i.

5)      Ay.8; Pandohan : “Paingotingot ma (ingatlah), marrumang parenta asa ingkon ingoton nasida satorusna.Ingkon tongtong do dipaingotuingot ni si Timoteus Jesus Kristus i di sude panggulmiton ni ngoluna. AI holan dibagasan Jesus Kristus i do jumpang hagogoon mardapotdapot. Jesus Kristsu naung dipangolu sian angka na mate, na sian pinompar ni si Daud. Pandohan on naeng mangarimpun sude pardalanan ni ngolu ni Jesus; sian mula ni hatutubuNa sahat tu haheheonNa. Pandohan pinompar ni si Daud (sian suku Benjamin), laos huhut doi patuduhon hadirion ni Jesus na sasintongna naung disuriranghon sian mula ni Padan Na Robi (pengharapan Mesias na dibonai sian 2 Samuel 7, jala digonophon di diri ni Jesus Kristus di Padan na Imbaru).

6)      Ay.9-10: Dung dipaandar sintuhu ni haporseaon i, sahat ma muse tu na paboahon pangulaonna. Ndang na naeng manenganengahon diri si paulus dison, alai adong sangkap na uli na naeng sipasahatonna, ima:

Ø  Molo pe sahat barita tu sipareon ni si Timoteus na tarrante ibana, pola uhuman na dumokdok sian na parjolo, asa unang mandele jala mandate si Timoteus alai bolas dilapati jala dipeakhon dohot sintong.

Ø  Asa lam dapot di roha ni si Timoteus pangantusion na singkop di ulaon ni si Paulus ima misi laho mambaritahon Barita na Uli naung lohot di hadirionna.

Ø  Anggiat marhite i dapot disi Timoteus gogo na imbaru dohot roha na lam tu hirasna.

Dipaboahon AP.Paulus do rumang ni ngolu na niadopan di hatiha i. Tongon tarrante (tarhurung) ibana paduahalihon di hurungan na di Rom. Dao dumokdok do uhuman na paduahon i, pola dirajumi ibana na jonok nama tingkina laho mate. Nang pe di ruhut uhum ni portibi (Kaisar Romawi di hatiha i) dipatudos ibana tu siula hajahaton (provokator). Alai tongtong do dihatindanghon ibana: Ala ni Barita na Uli, Barita haluaon na sian Jesus Kristus do umbahen na tarrante ibana. Panindangion sisongon i do patauhon ibana sahat tu habengeton manaon na porsuk. Pola do diranap ibana dao tu jolo, tu misi haluaon ni torop jolma, angka na pinillit ni Debata, taruli di haluaon i.

7). Ay.11-13; Antong dia ma nanaeng dohonon ni si Paulus di saluhutna i ? asa dapot nang di angka na porsea benget ni roha manghamonanghon angka haporsuhon na di tano on. Molo dapot i taruli ma nasida di haheheon sogot, harajaon ni Debata, hangoluan na manongtong. Mansai ringkot do on dipalumba marpardomuan tu haporsuhon (pangaleleon sian Kaisar Romawi) naung muai diadopi halak Kristen di hatiha i.

 

C. Sipahusorhusoron.

1)      Hajjongjongan songon parbarita na uli ndang monopoli ni pigapiga halak sambing, ai ingkon patubuon (suanon) do angka panindangi na asing na marlipat ganda asa: “Siganda sigandua tu dangka ni singgolom, na sada gabe dua, na tolu gabe onom.” Molo benget hita manariashon holong ni Debata tu na humaliang hita, hatop manang lambat, di sada tingki marparbue do i. Dirumatangga pe, natuatua do parbarita na uli tu pangisi ni bagasna. Sai na jumpang do di sada tingki parbue i asal benget jala unang mansadi tongtong mamodai, mangajari, nang pe so pintor jumpang hasilna. Alai sitongka do na mauhom, holan manonton so olo mangula, so tung duhutduhut na tubu di haumanta i, gabe so masa gotilon. Dilehon Debata ma di hita roha na mangarti saluhutna i.

2)      Tugasta do songon halak na porsea  pajamothon hapolinon ni panjanghononnta di Kristus i marhite na olo sude hita marmissi mamaritahon Barita na uli i. Asa sandok portibi on dapot haluaon, asa sude umboto paboa dibagasan Jesus naung hehe i nunga rade haluaon dohot dalan mulak tu hangoluan salelengnilelengna. Ai holan Jesus do na boi manaluhon hamatean i, ai tugasta do mamaritahon i ndang boi lemba hita disi.

3)      Ndang boi tarrante Barita na uli i. Nunga 161 taon HKBP di portibi on marningot angka missionaris na berjuang mamaritahon Hararat ni Barita na Uli tu Tano Batak. Sian Munson dohot Lyman sahat tu si Nommensen nang di partingkianta sisaonnari on, ndang boi ambatan hararat Barita na Uli i. Makin dibabat semakin merambat. Molo tahilala nuaeng lam torop halak na mangarante manang mangambati barita na Uli marhite na pamaomaolhon izin gareja, na manutup paksa dohot na manutung angka gareja, songon i nang na mambahen paraturan laho mempersulit halak Kristen i di singkola nang di parkarejoan, unang pola tahutan manang mabiar hita. Ai ndang tarrante Barita na Uli i, ai Jesus do mandok  di Johannes 16: 33: “Haporsuhon do jambarmuna di portibi on, alai pos ma rohamuna; nunga talu hubahen portibi on”.

4)      Unang pola tarsonggot hita, ai nunga dilumbahon Jesus hian tu angka na naeng mangihuthon Ibana. Asa  molo taadopi angka na hansit i muse, unang panik, unang bobos. Ala dungkon olo hita mambuat haputusan laho mangihuthon Jesus, mamungka sian na taridid hitam satingkosna nunga rade hita teken kontrak laho maon na hansit raphon Kristus. Molo rade hita marsitaonon ala ni Kristus, dongananNa ma hita nang di hamonangan. Haheheon ni Kristus i do na gabe jaminan di hita. Nunga monang Kristus ala ni i barita ni haheheonNa i pe pasti do  monang. Ai ise do na manaluhon portibi on ? Ima angka na porsea di haheheon ni Kristus do (1 Joh.5: 4-5).

5)      Laho mangadopi situasi pangaleleon, haporsuhon tu angka na porsea i, ingkon marbisuk songon ulok jala lidang songon darapati (Mat.10:16). Angka halak Kristen  ingkon bisuk jala lidang mangadopi sude na masa i. Eka Darmaputera mandok : “Mati karena Kristus itu baik, tetapi jangan mati konyol, jangan mati siasia karena kebodohan dan kecerobohan.” Amen.

Jamita Epistel Minggu XIX Dung Trinitatis 2022

“Manaon Na Porsuk Songon Siihuthon Kristus

Ikut Menderita Sebagai Prajurit Kristus  

 

& Ev. Poda 16: 16 – 20                            & Ep. II Timoteus 2: 1-13                       

 

1. Patujolo

Buku Poda na marisihon angka pangajarion na naung somal di pangke bangso Israel andorang dohot dung habuangan. Sude poda i marsintuhu teologis, poda pangajarion taringot tu habisuhon hapantason nang dipangalaho na marhombar tu ugamo ni halak Israel. Sian pangajarion poda on dipangkulingi Debata do bangsoNa i sahat nang tu hita halak na porsea. Poda pangajarion on songon penuntun di parngoluan siganup ari di bangso Israel nang sahat tu hita on.

Ia turpuk on ndang tarsirang sian ayat na manjoloani nang dung na mangihut. Jala ndang tarsirang sian ayat 1 tu 33 na paboahon ia holan Debata do na boi manotophon disaluhut. Asa didok ma poda on songon partogi tu ngolu na tigor.

 

 

B. Hatorangan

1)    Ay.16; Laho manosoi halak asa marngolu na tigor, sian turpuk on mangapoi marhite na manjalo habisuhon dohot pangantusion lumobi marguna sian sere dohot perak. Bisuk sian hata Heber ima :”Hokmah” sian mula pangantusion “togu” jala marpengalaman- ima hikmat (dihata Indonesia). Bisuk ima parbinotoan laho mandalani hangoluan (Poda 1: 5). Inganan ni habisuhon ima dibagasan roha nang ateate, na gabe pusat ni panimbangion di haputusan na marhapantason nang marpingkiran (ptds. 1 Raja 3: 9, 12). Mansai ringkot do habisuhon on, asa panurat ni poda mandok: “Ale anaha, unang tung loas malua sian matam, sai tiopi ma tagonan roha hahohomon dohot hapantason. Asa gabe hangoluan do i di tondim, jala * hajagaron di rungkungmu. Jadi marsihohot ma roham manulus dalanmu, jala ndang tartuktuk ia patmu” (Poda 3: 21-23). Halak Israel manghaporseai, ia habisuhon i sian Debata do i (Poda 12: 13; Dan.2:20-23). Siala nasa langit, tano nang portibi dohot nasa pangisina sian tanganNa do i (Poda3: 19; Jes.28:23-29; Pslm.104:24, Job 28). Asa pandohan na mandok manjalo habisuhon dau tumagon sian sere nang perak. Ala habisuhoni  ma dasor, manang pondasi, nang dalan, alai molo sere nang perak ndang boi gabe dalan manang dasor. Marhite habisuhon nang pangantusion , jolma mampu mangantusi dalan ni Debata.

2)    Ay.17; hajahaton ima dalan ni halak na geduk (tidak jujur), pangalaho on ma na gabe persoalan habisuhon. Habisuhon i mangajarhon ia ganup angka na porsea pasomalsomalhon dirina laho pahombar parhataanna dohot pangalahona. Halak na tigor roha ima na sai tongtong padaohon dirina sian hajahaton nang sian panggulmiton ni ngoluna. Asa marhite i, sian huaso ni Debata laho mangaturhon nang manguluhon parngoluon ni jolma i tu hadengganon ni parngoluonna.

3)    Ay.18-19; Ginjang ni roha, na manengahon dirina ima na mamboan jolma i tu hasesega, nang hadadabuna, nangetnanget do i asa tarrobung tu hasisiapna. Ginjang ni roha ima na masalah ni ateate manang roha na gabe pamusatan ni jolma i. Pamanat diri nang roha asa unang manengahon diri, manang marginjang ni roha lapatanna dijaga do parngoluonna, pamanat langkana (ptds. Pd.23:4). Asa margogo ma na martoruk ni roha diadopan ni Debata jala unduk tu sude pangkirimon nang sangkap ni jolma tu sangkap ni Debata ima na gabe dalan tu sintasintana, jala targoar habisuhon do i.

4)    Ay.20; dison ma na boi berengonta skopus ni turpuk on, ia impola na tinujuni habisuhon i sandiri. Mara ni halak na so marguru ima na boi gabe maoto. Sada pangalaho halak na oto ima na so mangantusi dalan sidalananna. Asa pangalaho i ma na gabe sikamambarbar di ngoluna na nidok par Poda halak na oto, sai diulahi haotoonna (Pda.26:11). Ala naung tarjorat nasida di haotoonna jala ndang fokus rohana  nang panatapanna (17:12,24)jala ndang marroha ala soada roha na mangarti manang habisuhon sian Tuhan Debata (14:18). Mansai tudos do pangalaho ni na so marroha jala na oto i di angka jolma, alai di angka na marroha na pistar, jala na bisuk i marragam do sibahenonna na boi mambahen  las roha nang gabe pasupasu. Mansai maol do antusan pangalaho ni halak na oto jala na so marbisuk,alai pangalaho ni halak na marroha jala na bisuk mansai mura do antusan. Jempek do roha nang sangkap ni na oto alai na bisuk manatap dao masa depan ni parngoluonna sahat tu hasusuda ni bohalna di pamanat do.

 

C. Sipahusorhusoron

ü  Marhite bisuk ni Debata na margogoihon halak na porsea i mangadopi hamaolon nang sitaonon i

ü  Songon siihuthon Kristus maniri Kristus i na patutoru diriNa mangalehon diriNa sahat di hau pinarsilang i holan laho manobus hita jolma: mate do ibana jala hehe di ari patoluhon. Dung i dipatimbo Debata Amanta i ma Ibana hundul disiamunNa. Silang i ma bisuk ni Debata holan laho paluahon hita jolma sian dosa nang hamateaon alai di halak a oto silang i ima haotoon.

ü  Angka sitaonon jala na porsuk ndang boi mambahen halak na porsea gabe mandelel manang gab emandate. Sai margogo do haporseaon ni halak na porsea manaon jala mangadopi saluhutna i ala bisuk ni Debata marhite Jesus Kristus na pabenget rohana tongtong pasangap Debata. Amen.

Jamita Minggu XVIII Dung TRINITATIS – 16 Oktober 2022

“Disarihon Debata Do Ganup Na Marungkil”

Allah Menjawab Setiap Pergumulan  

 

& Ev: Nehemia 5: 1 - 13                   & Ep: II Korint 12: 7 - 10                     

 

A.      Patujolo

Goar ni Panurirang Nehemia, na marlapatan: Debata na Jahowa na balga. Nehemia mangula songon si parade minuman tu Raja Artasasta (2:1) sian Persia, diojakhon do ibana gabe panggomgomi (bupati) di Jehuda (8:9) ditaon 445 aK. Ibana ma sahalak parpungu na gogo ditonga ni masyarakat Jahudi na mulak dungkon ni habuangan. Mulak do si Nehemia tu Jerusalem laho pajongjong muse parik ni Jerusalem (2:1-6:19). Dipatupa bangso i do i saleleng lima pulu dua ari. Alai mansai bahat do hamaolon nang tantangan dohot paraloan di na laho mangulahhon i, sian bangso Samaria nang angka musu nasida na asing ( 6:15).

Parngoluon ni halak Jahudi di masa ni si Nehemia mansai bahat mangadopi angka na borat jala na bernit. Parjolo, pangambati sian duru ni bangso i laho pajongjong parik ni huta Jerusalem, nang pe raja Artasasta naung mangalehon dalan di  nasida. Napaduahon, hamaolon sian bagasan ni bangso i. Godang anga sipabunga hepeng dohot na mora gabe mamoro rakyat kecil. Mansai torop halak na gabe pogos. Laho mangalului ngolungolu nang siparadeon sipanganon nang siinumon pe mansai borat situtu nihilalahon. Godang do na  pola gabe sahat manggadis hauma nasida, porlak anggor, bagas nang manggadis anak nasida gabe hatoban. Laho manggarar pajak tu raja, na terpaksa ma nasida manginjam hepeng sian rentenir gabe lam godang ma utang nasida.

 

B. Hatorangan

Sian turpuk on ma taboto sikap ni si Nehemia tu dongan sabangsona, songon sahalak pemimpin ibana laho membela rakyatna. Mangurupi na pogos na binahen ni pangalho ni pamarenta nang angka na tardok uluan.

Adong ma na boi siparrohahononta sian masalah ana adong di turpuk on:

Ø  Namulak do bangso Juda sian habuangan raphon si Nehemia. Angka na tarulang huta nasida ingkon sipatureon nasida. Tarmasuk ma parik (tembok) Jerusalem. Songon uluan ni kelompok nasida, malo do ibana manguluhon, mamimmpin, mangatur parture ni pembangunan i hombar tu haboion, kemampuan, nang parbinotoan ni angka pande nang na deba (3:1-32).

Ø  Dungkon mardalan ma ulaon pembangunan i, godang ma na mambahen masalah, na mangambati, nang hamaolon gabe do denggan ma mardalan pembangunan i. Na deba ulaonna gabe manggaori jala mangalo usaha pembangunan i. Na gabe sibahen gaor ima na margoar si Sanbalat dohot si Tobia, nasida provokator na manegai ulaon pembangunan i asa tarambat (4: 1-4). Alai nang pe songon i, sai dinunuti do muse mangalanjuthon pembangunan i (4:5).

Ø  Dungi muse tarida ma angka semangat nang haboion dohot hagogoon ni angka tungkang nang parkarejo i lam melos so semangat be. Jala tarsar ma barita na mandok ro na ma hagaoron na binahen ni kelompok na so manghalomohon pembangunan i. Alai na ro ma Tuhan i laho paturehon marhite si Nehemia na mangatur strategi laho marjagajaga di proses pembangunan i asa mardalan torus (4:10-23).

Ø  Ido asa margogo nasida marsihohot torus mandalanhon pembangunan i. Hape dunghon mulak sian habuangan i, ndang diboto nasida sadia godang do parhepengon nasida hape biaya mansai balga ala di tano hasanghasang naung tading saleleng 70 taon. Godang do nasida manarita anturaparon jala tarutang dohot na madabu tu sistem manuhor-jual parhatobanon hatiha i. Dibagasan turpuk digombarhon do keadaan nang kondisi i marhite: - Ndang sesuai bohal ni eme nasida dohot torop jolma laho sisarihononhon (ay.2), boi do ala na  mansai maol dope mangombak ladang nasida asa marhasil disuan. – Ala mansai maol mangalului ngolungolu nang pandaraman, adong ma na deba laho manggadis porlak anggur nasida, haumana nang jabuna asa mandapothon eme na mansai arga situtu (ay.3). Boi dohonon mansai manarita nasida uju i. Ndnag holan haraparon, alai ndang adong be pangunsandean nasida mangalului sinamot ala naung digadis angka ladang nasida, dohot jabu songon inganan nasida. – Mangihut muse tamba sitaonon nasida ala pajak na mansai timbo ingkon sigararon tu raja (ay.4), Naung somal do diulahon nasida on songon tanda haunduhon nasida tu raja manang na marhuaso. – Sai adong do halak na “memancing di ari keruh” lapatanna kesempatan dalam kesempitan. Ai nunga mansai maol keadaan alai asai adong na mengambil kesempatan di panaritaan ni halak nang donganna sabangso (ay.5). Asa hot nasida mangolu, sai marutangi ma nasida tu hahaanggina na sabangso na denggan ngolungoluna. Na marutang i pe diulahon do na mangalehon bungana na mansai timbo uju i, na mamongkik na pogos. Ala so mampu manggarar bunga na mansai timbo, gabe dibahen ma jaminan ima keluarga manang na gabe hatoban ni dongan sabangsona sandiri. Mansai balga do bunga ni angka penguasa na mangatur sistem manuhor – jual hatoban na mansai mura argana asa gabe paruntungan nasida.

Ø  Dung memareng na masa i, dipatupa si nehemia ma pigapiga sipatupaon laho paturehon:

1.       Ndang adong be sipangasahononhon sian kondisi na mansai pogos i. Disangkapi si Nehemia ma laho paturehon angka infrastruktur, sistem ni pamarenta nang parugamaon nasida.

2.       Sikap ni si Nehemia na muruk marnida na masa i, alai ndang holan manolsoli na masa i, pintor sigop nang hatop do reaksi ni si Nehemia laho paturehon marhite na parjolo mambuat godang barita na dapot manang informasi. Mansai manat do si Nehemia bereaksi di namasa i.

3.       Di pargunahon ibana do kedudukanna songon uluan bupati laho manjou angka pejabat nang na targoar disi songon sumber ni angka masalah disi. Barani do ibana membongkar hasalaan nasida. Ndang mamihak ibana tu parhuaso nang angka pejabat i. Asa dipasohot nasida ma pangalaho nang ulaon na mamusa donganna sabangso, paluahon angka na tarutang, angka na pogos, paluahon angka hatoban. Marhasil do si Nehemia mangalehon inisiatif dohot tindakan ditonga ni bangso i asa malua sian hamaolon.

4.       Sikap ni si Nehemia ima boha do dalan asa malua, adong dalan na naeng sipatupaon, adong alus di hamaolon. Jadi ndang holan muruk muruk sambing, alai adong solusi nang tindakan nyata na realistis. Si Nehemia mamboan harapan na imbaru tu bangso i marhite sude angka pejabat na marhuaso pe manghapus sude utang songon panolopion ni rapot naung ditontuhon nasida rup.

5.       Dipaulak ma angka tano naung dirampas tu nampunasa hian, jala asa unang be dituntut utang tu na marutang i be. Dibela si Nehemia do angka halak na pogos i songon bupati di Jehuda. Sada na ringkto siingoton nibangso i di pandohan si Nehemia ima asa umbiaran mida Debata Jahowa asa marhasil. Haporseaon tu Debata Jahowa ma naingkon si jagaon nasida songon panggomgomi ni bangso i.

 

C. Sipahusorhusoron

1. Na tarjou do hita angka na porsea laho berpartisipasi aktif paluahon halak na dangol sian hagogotan, sian hamolon nang sian hapogoson.

2. Na tarjou do halak na porsea i mambahen ide-ide manang dalan dohot solusi na tepat paluahon jolma sian angka masalahna

3. Na tarjou do angka na porsea i asa mangula bersifat melayani Tuhan sian na melayani dirina sandiri. Olo berkorban, olo mamereng secara holistik di pergumulan ni lingkungan sekitarna marhite na unduk jala umbiaran mida Tuhan Debata. Amen.