Bahan Jamita Evangelium Minggu Rogate, 10 Mei 2015

Mamuji Debata Mardongan Tondi Parbadia Naung NilehonNa i

Ulaon Apostel 10: 44 – 48

a.       Hamuna ruas ni huria na hinaholongan dibagasan Jesus Kristus: porsea do hita na Tondi Parbadia patomutomu hita ro tu Gareja on ? Porsea do hita na Tondi Parbadia patomu suami dohot istri asa gabe ripe na gabe tiruan ditonga ni masyarakat ? Porsea do hita di peranan ni Tondi Parbadia pasahat tu hita angka ulaon parkarejoan gabe dalan ni ngolungolunta ? molo sangsi do pe hita, porlu do sisulingkiton haporseaonta. Ala ni i songon halak na porsea hita ingkon pos do rohanta nang haporseaonta di peranan ni Tondi Parbadia di panggulmiton ni ngolunta. Nda i do na masa dijolo ni turpukta on asa gabe sahat tu turpuk on ? asa mura antusan turpuk on naeng ma jahaonta sian ayat na parjolo di bindu 10 on sahat tu turpukta on. Dibaritahon do disi naung jumolo martangiang si Kornelius dohot si Petrus asa ro ma Tondi i paingothon si Petrus asa pajumpang dohot si Kornelius (10:19 “....ninna Tondi i ma mandok ibana: Adong do na mangalului ho!”)

b.      Sabotulna mansai maol do dapot roha ni halak Kristen na sian Jahudi i manjalo na so sabangsona, ala di adat Jahudi subang do molo martamue na so sabangsona tu bagasna, laos songon i nang nasisda pe. Hape pangalaho i mansai bagas dope diulahon manang tarida di sikap ni Apostel Petrus siganup ari, ido umbahen dipaingot Debata ibana taringot tu parnidaan na sahat tu ibana angka sipanganon na subang ingkon dipangan ibana, molo di si Petrus naung somal di adat haJahudion angka subang sipaganon nang di parsaoran dohot na so sabangsona. Alai marhite subang na ingkon panganonna i laho paingothon ibana na so adong na subang molo naung dipaias Debata. Lapaanna paingothon apostel Petrus asa mamungka rohana nang sikapna anjanghon na so sabangsona ima si Kornelius. Jadi naung diparade Debata do roha ni Apostel Petrus asa manjalo si Kornelius na marsitutu gabe siihuthon Kristus.

c.       Na menarik tabereng sian sikap ni si Kornelius sian sahalak letnan di horong Italia, adong progres ni haporseaonna, peningkatan kearah iman yang lebih baik, masuk do ibana tu kalangan ni halak Jahudi, dungi meningkat masuk ma muse gabe siihuthon Kristus. Gabe dipatongon surusuruan i ma ibana asa pajumpang dohot si Petrus asa diajari si Petrus ibana jala gok na jinalona parsiajaran taringot tu Jesus Kristus naung mate jala hehe sian na mate i sian si Petrus. Ima sai hira marguru malua di hita nuaeng HKBP, asa lam tang haporseaon ni si Kornelius diajari si Petrus huhut dipangido tu angka donganna asa didion ma si Kornelius gabe dos songon nasida angka siihuthon Kristus. Dipatuduhon do disi ndang adong sikap diskriminasi, manang pembedaan ala ni suku, manang latarbelakangna alai sandok naung dos do nasida saluhutna gabe siihuthon Kristus raphon si Kornelius asa tarjalo rohanasida si Kronelius manjalo pandidion nabadia.

d.      Gabe sada poda nang sipaingot do  turpuk on tu halak Kristen manang na targoar siihuthon Kristus: 1) Ia Debata ndada siida bohi ( songon naung didok apostel Petrus di ay. 10:34-35 Dung i mangkuling ma si Petrus, ninna ma: Nunga tangkas dapot rohangku, na so siida bohi Debata! Sian ganup bangso do tahe jangkononna angka na mangkabiari Ibana jala mangulahon hatigoran). Dihaholongi Debata sude angka na tinompaNa; ndang mardia imbar; kulit putih, merah, kuning atau hitam, sude jolma haholonganNa do. Ala ni i dipelehon pe AnakNa na Sasada i ima Jesus Kristus i, ndada holan paluahon halak Kristen alai sude jolma dohot portibi on tahe, asa malua jala mandapot hasonangan. Ala ni i na tarjou do angka siihuthon Kristus pararathon Barita na Uli i tu saluhut jolma, saluhut bangso nang houm, unang ma siida bohi hita ai naung diparar Debata do hita gabe ulaulaNa pasahathon Asi ni rohaNa tu sude jolma. 2) Asa tongtong hita martangiang gabe tolap hita mamuji Debata mardonganhon Tondi Parbadia naung nilehonNa i (topik minggu). Tangiang do na gabe dalan ni halak na porsea asa margogo jala marbisuk laho mandopang nasa utiutian ni sibolis, jala tarpatupa hita ulaon na pinasahatNa tu hita. Songon goar ni Minggunta Minggu Rogate: na marharoroan do i sian hata “Rogatio-rogate-rogatum (hata latin), na marlapatan: “Mangido, mangelekelek”. Somal do digoari minggu sadarion Minggu “Rogation Sunday” ima tolu ari nari tagan so hananaek ni Tuhan Jesus Kristus, lapatanna ia sitolu ari i, i ma ari pangelekelekon. Hananaek ni Tuhan Jesus Kristus ndang gabe maninggalhon angka na porsea, alai tongtong do hita mardomu dohot Ibana dibagasan tangiang ai nunga singkop di Ibana haluaon i

e.      Huria na mangolu ima huria na manongtong martangiang, jala huria na martangiang ima huria na sai didongani Tondi Parbadia, nang pe sai adong angka hamaolon niadopan ni ruas ni huria di pardalanan ni huria i. Ala ni i tatulak do pandohan ni na deba huria na mandok di HKBP ndang adong Tondi Parbadia, gabe dibahen nasida do parameter ni hajongjongan ni Tondi Parbadia marhite na manghasomalhon “bahasa roh”. Hape Ia Tondi Parbadia i ima Tondi Ni Debata jala Tondi ni Jesus Kristus, na so boi nirajaan ni na tinompana nang hita jolma. Na bersifat “Omni Present” (berkehendak bebas) do Ibana tu manang ise lomo ni rohana, ala ni i ndang boi batasan manang tardodo ni roha dohot pingkiranta hagogoon nang hasangaponNa. Na deba jolma na tardok siihuthon Kristus ndang sai manjaga panggora ni Tondi i dibagasan roha nang ngoluna asa umbahen na sai na boi do manghorhon sibolison halak. Nuaeng nunga lam sibolis godang jolma ala naung mate do rohana di panggora ni Tondi Parbadia i. Ala ni  tapamanat ma dirinta be angka siihuthon Kristus asa tongtong tinggil sipareonta di panggora ni Tondi Parbadia i marhite na sai sai tajugulhon laho martangiang. Na martangiang pe hita ndada na holan pimpit mata lompit tangan asa gabe tarpodom, alai na martangiang huhut do mamungka simalolongta asa dungo di kenyataan kehidupan na torop dope jolma dibagasan haholomon, na tarhurung, naginosagosa portibion, dibagasan halumlamon asa taurupi nasida jala tapatongon tudalan hatiuron. Amen.

Bahan Jamita Epistel Minggu Rogate 10 Mei 2015

Mamuji Debata Mardongan Tondi Parbadia  Naung NilehonNa I

Psalm 22 : 25 – 31

a.       Ia turpukta on ima psalmen sian si Daud, jala asa lam tumangkas  mangantusi turpukta on denggan ma hita manjahasa sian ayat na parjolo di bindu 22 on. Jotjot do didok bindu 22 on songon “Mazmur Salib” ala mansai tudos songon panaritaan ni Tuhan Jesus di Silang Golgota; apa yang dialami oleh Daud merupakan nubuat tentang apa yang akan dialami oleh Tuhan Yesus Kristus dalam hidup-Nya, secara khusus saat penyaliban-Nya. Ia ama ni huria na margoar Martin Luther mandok bindu 22 on ima psalm na ummangat disitaonon ni Kristus; adong tangiang elekelek ni sahalak na daulat roha dibagasan panaritaan. Pola songon na ditadingkon Debata ibana, songon na dilupahon jala diambolongkon Debata. Alai dipaboahon do dibagasan bindu 22 on ia parpsalm i ndang hea manadingkon Debata, baliksa sai joujou do ibana ditangiangna na mandok: “Debatangku, Debatangku...” Tung pos situtu do rohana na holan Debata na boi paluahon ibana. Barita taringot pangaramotion ni Debata tu angka ompunasida gabe sada panindangion haporseaon ni parpsalmen ia halak na sai joujou sai paluaonNa do. Haporseaon na togu ima na gabe panghirimonna di asiasi ni Debata asa tongtong manahan ibana di angka sitaonon. Haporseaon i do na gabe ubat di angka sitaononna dohot pangkirimonna asa mampu ibana tongtong mamujimuji Debata.

b.      Ganup jolma na mangolu, na marhosa dohot na marhaporseaon naeng ma mamuji Debata. Ia pujipujian sada hahormaton do i tu Debata na tubu sian panindangion paboa saluhutna naung adong dihita sian Ibana do i. Molo ndang adong panindangion i, tung soada do pujipujian i. Ido alana ndang adong sian hita na porsea na so olo mamuji Debata. Ia pujipujian ni parpsalmen on tubu sian pengalamanna sandiri. Dihatindanghon ibana do: “Ai ndang lea rohana manang marbiasbias mida pardangolan ni na dangol, jala ndang ditabunihon bohina maradophon ibana, jala ditangihon do anggukna i tu Ibana.” (ay.25), jala lehononNa do hatigoran di angka jolma di angka partingkianna be (ay.32). Molo tandaonta do Debata sian pambahenanNa di ngolunta, naeng ma marhite i manjou hita laho mamuji Ibana di panggulmiton ni ngolunta. Panindangion na sisongon i boi do patubu na umbege asa porsea jala pasidohot laho mamuji Debata. Ragam do cara laho mamuji Debata alai marhite turpuk on dipatuduhon parpsalmen on pujipujianna marhitehite :

1.       Pelean bagabaga (nazar). Dung dijalo ibana haluaon sian Debata, ndang lupa ibana di pelean bagabagana manang digantihon ibana marhite na asing. Ima halak na konsisten diganup pandohanna.  Mamuji Debata ndada holan hata, nang haporseaon, alai dipatuduhon do i marhitehite pambahenan, parange nang pangalaho (Jak.2: 17).

2.       Haunduhon dohot serep ni roha. Molo so olo mamuji Debata hape nunga godang dibahen Debata na denggan tu ngoluna tontu jolma na so parduli tu Debata do i, dohot na so manghamauliatehon angka naung binahen ni Debata do i. Dos do i tu angka na so manghabiari Debata. Ai jolma na so manghabiari Debata tutu ndang pola dipingkiri sintong do manang na ndang na niulahonna, hape na niulahonna i tutu sian angka na so dihalomohon Debata do, ala parbinoto Debata, jala patar di diadopan ni Debata angka na taulahon ganup ari (ptds.Poda 15:3). Ingkon sihabiaran ma tutu Debata marhite na olo rade mangulahon lomo ni rohaNa.

3.       Mamuji Debata di sude partingkian; Dijouhon par-Psalm on do tu sude asa mangalehon tingkina laho mamuji dohot pasangaphon Debata, huhut patuduhon haunduhon, ndang marombasombas mamuji dohot pasangaphon Debata, hape ditingki sonang ngoluna mandao sian Debata. Di Hata ni endenta i didok: “Manang aha pe na masa las ni roha arsak pe, tioponku Ho na basa na marholong roha pe....” (BE.No.149: 3). Ndada holan ditingki marlas ni roha, manang holan ditingki mandapot pangomoan, parlabaan manang paruntungan hita mamuji Debata, alai disude tingki do hita wajib mamuji Debata (Pslm 34:2). Ditingki marsitaonon pe, manang ditingki matean tong do hita ingkon mamuji Debata. I do umbahen na ingkon marende halak Kristen di tingki matean manang di tingki marsitaonon mamuji Debata. Sude nasa ulaon ingkon dipungka do i marhite na mamuji Debata.

4.       Mamuji Debata Mardongan Tondi Parbadia Naung NilehonNa i Dibagasan Tangiang (Minggu Rogate: Martangiang; Pslm 66: 20). Marhabiaran dohot mamuji Debata i ma alus ni angka na porsea paboa na adong hubungan manang parsaoran na denggan dohot Debata marhitehite tangiang. Marhite tangiang i do jolma manjou jala mamuji Debata na hinaposan ni rohana. Jala Debata na manangihon tangiang i, lehononna do alus tu angka na manghaburjuhon i di tingki halehetonna be. Ala ni i do ndang pola diaturhon tingki dohot inganan sadihari manang didia hita martangiang.  Martangiang ima kebebasan manang hak istimewa na nilehon ni Debata tu hita laho manghatai tu Ibana dohot mamuji Ibana na so pola mamereng tingki, inganan dohot cara, songon kebebasan ni Tondi Parbadia i songgop tu angka na hinalomohonNa. Sandok urupan ni Tondi Parbadia i do hita laho patolhansonsa tu Debata, ai Tondi i do manghatahon na ni rohanta tu Debata (Rom 8: 26). Jonok do Debata tu angka na manjou goarNa. Tung pe ndang boi diida simalolongta i Ibana, alai tongtong do Ibana mian di lambung ni angka na porsea, jala disarihon do ngolu ni angka na porsea (Jak.5:16b). Jala didok apostel Paulus di Rom 12: 12 “Marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang!” Molo didok halak na jugul sai berkonotasi negatif do i ima na so olo niajaran manang pinodaan, alai molo n amartangiang i didok apostel Paulus ingkon dihajugulhon do. Ido na tabereng di praktekhon parpsalmen on sian ayat 1 bindu 22 sahat tu turpuk on umbahen ndada holan sai merasa gale, manang ditadingkon Debata alai boi pangoluhon semangat nang tondina laho mamuji pasangap Debata huhut manghatindangkon hagogon ni Debata manogunogu ibana (ptds. Ul.Ap.10:44-48- Kornelius dohot si Petrus)

5.       Ngolu na mamuji Debata ima ngolu na bersaksi; pabotohon sude denggan basa ni Debata (ptds. Pslm.23). Nang pe holan halak Israel na marsomba tu Debata di tingki i, nunga barani si Daud songon pengarang Psalmen mandok; “Marsomba tu Debata do sogot sude nasa bangso parbegu”. Buktina di tingki on, ndang holan bangso Israel be na marsomba mamuji tu Debata, alai nunga dohot Bangso Eropa, Amerika, Afrika, Asia, nang bangso Batak dohot torop bangso na asing. Laos songon i dope nang tu tingki na naeng ro, ingkon torus do martamba bilangan ni angka bangso na marsomba mamuji tu Debata (Pil.2:9-11). Molo nunga denggan parsaoranta dohot Debata marhite angka tangiang nang pangoloionta di HataNa, naeng ma dos dengganna parsaoranta dohot dongan jolma. Asa marhite parsaoranta i do boi hita manghatindanghon denggan basa ni Debata, godang pengalamanta taringot denggan basa ni Debata ima natabaritahon. Naeng ma jumolo pungkaon panindangionta  i tu tongatonga keluarganta, pengalaman na manghilalahon panogunoguon ni Debata boi do baritahononta tu angka ianakhonta nang pinomparta, disi ma terbentuk kepribadian na bertumbuh dalam iman jala ha-Kristenon i pe lam lohot tu nasida. Alai molo so hea baritahononta manang hatindanghononta taringot tu denggan basa ni Debata, sai songon na so adong do binahen ni Debata. Unang ma adong natoras na sai mandok ala ni gogona dohot ala ni malona do umbahen adong hadumaon, nang hamajuon dingoluna. Songon halak na porsea hita tama do hita manghatindanghon dohot paboahon nang baritahonon pambahenan ni Debata na manogunogu hita. Asa lam mangerbang ma panindangionta tu angka halak na dihumaliangta. Ala ni i ndang holan hita na mamuji Debata alai naeng ma dohot angka pinomparta nang angka na dihumaliangta marhite na olo hita paboahon angka na taalami denggan basa ni Debata.

6.       Tarjou do halak na porsea sai mamuji Debata mardongan Tondi Parbadia naung nilehonNa i tu hita, siala Debata ndang pasombuon hita dibagasan dosa, ai na ditogutogu do hita marhite panobusion ni dosanta dibagasan AnakNa Jesus Kristus. Jala di Minggu Rogate on sai dipaingot do hita mamuji Debata ala ndang ditadingkon Jesus Kristus hita, molo pe naung manaek Ibana tu Banuaginjang i, ai dipasaor do TondiNa ima Tondi Parbadia laho mangajari, mamodai, maminsang, paingothon dalan ni ngolunta asa hombar tu patik nang HataNa. Sai tapuji ma Debata dibagasan Tondi Parbadia ai pargogoanNa do hita manaluhon sumbia ni portibi on nang sibolis pe asa marlas ni roha hita. Amen.

Bahan Jamita Minggu Kantate, 3 Mei 2015

Puji Ma Debata Na Sun Timbul Jala Na Songkal

Psalmen 47 : 2 – 10

a.       Ia turpukta on ima joujou ni parpsalmen laho mamuji Debata gabe sada dalan laho gabe pangoloi di Ibana. Ia ende psalmen on dipasahat anak ni si Korah. Anak ni si Korah ima keluarga ni angka parende, malo do nasida menggubah psalmen(Mazm 42:1-11; 44:1-49:20; 84:1-85:13; 87:1-88:18), asing ni sijaga harbangan(1Taw 9:19; 26:1) dohot parende di bagas joro ni Debata dipartingkian ni si Josapat (2Taw 20:19). Adong ma dua bagian panjouon laho mamuji Debata di turpuk on: 1). Ayat 2-5; panjouon asa marlas ni roha dohot mangolophon Debata dibagasan olopolop; Sude bangso do diarahon parpsalmen on asa mamuji Debata. Sude bangso didok di turpuk on boi do tu halak Jahudi, alai lam mangerbang ma sahat tu saluhut bangso. Dijou do nasida asa mamuji Debata asa marlas ni roha jala mamestahon las ni roha nasida marhite martopap tangan, dohot ende hamonangan; mangolophon Debata dibagasan ende pujian.  Martopap tangan songon tanda las ni rohanasida na so tardok jala marbualbual di roha nasida ala hamonangan naung jinalo nasida marhitehite asi ni roha ni Debata. Marhite soara hamonangan songon hamonangan ni peserta pertandingan ni olah raga.

b.      Na mamuji do parpsalmen on hinorhon : Debata na songkal mambahen longang nang balga ni roha jala udut tu roha na hormat jala biar mida Ibana na sun timbul i (ay.3). Na mamuji do parpsalmen on hinorhon ni hagogoon ni Debata margogoihon bangsoNa ima bangso Israel laho manaluuhon angka bangso parbegu dohot angka houm(ay.4). Na mamuji do parpsalmen raphon bangso Israel siala Debata do na mamillit tano bagabaga i tu bangsoNa bangso Israel, las ni roha ni Jakob (ay.5). Na mamuji do parpsalemn raphon bangso Israel siala naung hehe Debata tu habangsaNa marhithitr ende olopolop nang sarune pe (ay.6). Siala ni i joujou laho mamuji Debata hinorhon ni Debata na gabe Raja jala hajongjonganNa mangatasi langit dohot tano on. Ibana do na songkal na mambahen bangsoNa gabe marsuraksurak jala marolopolop marlas ni roha mamuji pasangaphon Ibana.

c.       Panjouon ni parpsalmen laho mamuji Debata ( ay.7-10); Dungkon joujou laho marlas ni roha mamuji Debata, nuaeng angka na mamuji dijou muse asa mamuji Debata, ima patuduhon las ni roha bolon na so tardok be songon dia las ni roha nang olopolop i (ptds. Maz 33 : 1 – 3; 96 : 1 – 3; 98 : 4 – 5; 100 : 1 – 2; 105 : 1 – 3).  Marpsalmen lapatanna; marende, mangendehon ende pujian, mamalu angka parhinaloan nang angka alat musik. Jadii ndang marhasohotan laho mamuji Debata, jala semangat mamuji pasangap Debata dibagasan ende pujipujian i tongtong tarida di endehon nasida. Las ni roha nasida siala Debata do na terbukti na mengatasi nasa na adong. Debata do na gabe Raja sian saluhut raja na disandok portibi on. Molo didok Debata na gabe Raja na mangigil pangantusion ni ruasna asa unduk jala hormat sian nasa ateate dohot pingkiranna. Jadi ndang tu na asing be pujipujian, hormat, nang las ni rohana; ndang tu arta, ndang tu portibi on, ndang ala ni jabatan, ndang tu sibolis las ni roha angka naung dipalua Debata  dohot lan na asing, alai tu Debata smabing do.

d.      Tarlumobi hita na porsea dibagasan Jesus Kristus; semanagt ni Pesta Paskah 1 dohot 2 hon ndang longkang dope sian haporseaonta, naeng torus ingot di haporseaonta asa torus hita marende ende jala marolop olop mamuji  Debata. Debata Jahowa na gok asi dohot holongNa i laho paluahon hita jolma pardosa on marhitehite panghophopon ni AnakNa na sasada i I ma Jesus Kristus i asa gabe sitean Harajaon na salelengni lelengna hita raphon Kristus i. Ala ni i sai marsaringar ma soranta mamuji marende pasangap Debata si ganup tingki nang siganup ari. Songon goar ni minggunta Minggu Kantate; “Endehon Hamu Ma Di Jahowa Ende Na Imbaru” naeng ma torus hita  mangendenehon ende na imbaru pasangap Debata Jahowa, ndada holan marhite pamangan nang tangan, alai sude pamatangta mamuji Ibana marhite pangalaho, parange na imbaru. Siala Debata sai mangalehon ari na imbaru di hita, disi adong udara na imbaru, mata ni ari, dohot angka na tajalo haimbaruon di pamatang, gabe marhahipason nang marhagogoon na imbaru hita. Naeng ma udut haimbaruon ni pangalahonta sahat tu humaliangta, asa lam tamba jolma na marlas ni roha marendeende mamuji pasangap Debata. Domu tu Topik ni minggunta: “Puji Ma Debata Na Sun Timbul Jala Na Songkal” asa pasidohot do hita songon anak dohot boru ni Debata, jala songon bangso na pinillitNa laho paboahon hasongkalan ni Debata tu sandok portibi on. Amen.

Bahan Jamita Epistel Minggu Kantate, 3 Mei 2015

Puji Ma Debata Na Sun Timbul Jala Na Songkal

Pangungkapon 15 : 1 – 4

a.       Somal do molo taihuthon sada pertandingan olah raga, manang adong perlombaan sai adong do figur na bertanding i na tadukung goaron ma i supporter. Jadi molo monang do halak na bertanding i pintor marsuraksurak jala marolopolop las ni roha do angka pendukungna. Ditingki parporangan pe antar suku, bangso dohot negara, molo monang do manaluhon alo manang musuna i, gabe patubu las ni roha do ni na manghamonanghonsa. Uju merdeka pe bangso Indonesia on taon 1945 sian angka penjajah termasuk Belanda dohot Jepang; marsuraksurak jala marlas ni roha do sude rakyat Indonesia on. Jala diendehon ma ende hamonangaon nang las ni rohana. Laos diuduti angka warga negara Indonesia on do mangendehon i asing ni di angka upacara bendera ima di angka pertandingan olah raga antar negara na dihamonangkon kontingen sian Indonesia. DI angka pertandingan berskala internasional pe nang regional nang dunia, molo monang do utusan ni negarana, dipaherbang  jala dipanangkok do bendera ni negara na monang i laos dipalu do ende ni negara na patuduhon hamonanganna di pertandingan i.

b.      Laos ido di patuduhon dibagasan turpuk on; ima ende hamonangan ni angka halak na porsea manaluhon sumbia ni portibi on nang siibolis i. Pangungkapon ima laho mangungkap angka nanaeng masa sogot dohot patoranghon tu ruas ni huria na parjolo i asa unang mandele manang mandate hinorhon ni panggosagosa ni portibi on. Mansai parir do sidangolon ni angka halak Kristen i uju i. Marhite naposo ni Debata na margoar si Johannes diungkap Jesus Kristus i ma angka tanda di panghirimon ni angka na porsea i diujungna ima angka na sai satia, jala marhaposan tu gogo dohot asi ni roha ni Debata ima na maringanan di Provinsi Asia kecil: Efesus, Smirna, Pergamus, Tiatira, Sardis, Filadelfia,dan Laodikia. Boasa holan pitu huria ? pitu huria ima manggombarhon godang, manang sude huria disandok portibi on. (Dugaan yang paling kuat adalah jemaat-jemaat yang dituju itu mewakili gereja YesusKristus secara universal. Jika kita memperhatikan dalam peta, maka kita dapat melihat, bahwa lokasi ketujuh jemaat ini membentuk lintasan oval yang dapat dijangkau denganmudah oleh jemaat-jemaat lain. Dengan demikian, berita Kitab Wahyu dapat tersebar keseluruh daerah, dan tidak ada gereja yang terlewatkan. (J. Kistemaker.Tafsiran KitabWahyu. Hlm. 56). Hatiha i na dos do panaritaan ni huria i dohot si Johannes pola do tarbuang si Johannes tu pulo Patmos jala disi ma ibana manjalao pangungkapon on sian Jesus Kristus. {Pulau yang bernama Patmos, yaitu terletak di kepulauan Dodekanese (kira-kira 55 km dari tepi pantai Asia Kecil). Panjang dari pulau Patmos adalah±12 km dan lebar hampir 7 km. Sekarang, Patmos termasuk  bagian dari negara Yunani. (YKBK. Ensiklopedi jilid II M-Z . Hlm. 207)}.

c.       Ala situasi penindasan ni Kesar Domitianus tu angka halak Kristen na mamaksa nasida manomba kesar gabe tuhanna, disurathon ma turpuk on laho manogunogu haporseaon nasida. Jala surat on na marisihon apokaliptik (pangungkapon angka hahomion ni Debata sogot na marrumang angka lambang dohot simbol). Adong pitu surusuruan umpeop pitu haporsuhon na parpudi; ima rimas ni Debata laho manguhumi angka na so satia dohot na mangalo Debata; pitu lambang hasingkopon ni rimas ni Debata na so adong be na tading disi sian uhumanNa. Sering muncul pertanyaan-pertanyaan mengenai identitas dari ketujuh malaikat ini, karena dalamAlkitab yang dikenal hanya dua nama malaikat, yaitu malaikat Mikael (Dan 10:13, 10:21,12:1, Yud 9, Why 12:7) dan Gabriel (Luk 1:19, 26). Lewat hal-hal ini, maka kelompok  berusaha mencari jawaban dari permasalah yang ada.Menurut tradisi umat Israel, memang umumnya dikenal hanya kedua nama malaikatyang disebutkan sebelumnya, tapi memang ada malaikat-malaikat yang lain, yaitu Uriel, Raphael, Raguel, Sariel, dan Ramiel. Jika memperhatikan nama ketujuh malaikattersebut, maka kita dapat melihat bahwa nama dari malaikat-malaikat tersebut selalu berakhir dengan – el yang mengaitkan mereka dengan Allah (Elohim). Molo didok simbol: sorminan ima na patuduhon haulion asa sude jolma  manulingkiti hasintongan dohot hatigoran ni Debata.  Angka naung monang maralohon binatang i; ima angka na margogo jala na satia tu Tuhan i, nasida ma na bongot tu surgo i ala barani mangalo kesar i.

d.      Angka na monang sogot i ingkon marendeende ma nasida, ima ende hamonangan las ni roha nang olopolop. Didok do disi Ende ni Si Musa dohot ende ni Birubiru i.  Namarlapatan Padan na Robi mansai ringkot do di hita gabe sorminan tu  Padan na Imbaru. Na dibuat do endeende on sian 2 Musa 15 ima ende hamonangan ni si Musa dohot bangso Israel malua sian parmaraan pangaleleon ni si Paraoh dohot angka paranganna, naung dibolus bangso Israel i do laut Arung (laut Merah) marhite huaso ni Debata mamola dua aek i asa boi mardalan bangsoNa di tano na mahiang, alai angka parangan ni Misir dohoot si Paraoh na mangelele bangsoNa gabe mate diauphon laut Arung i. Ima peristiwa haluaon na parjolo tu bangso ni Debata jala gabe typologi di haluaon na mangihut sian anak ni Birubiru na sorang Jesus Kristus di tu portibi on jala mate dohot hehena pinaboa di Padan na Imbaru dohot haroroNa napaduahalihon gabe ende hamonangan nang olopolop maralohon sumbia ni sibolis dohot portibi on.

e.      Minggu Kantate lapatanna; “Endehon Hamu Ma di Jahowa Ende Na Imbaru” (Pslm.98:1) na manjou angka na porsea ima angka siihuthon Kristus laho mamuji Debata na sun timbul jala na songkal siala pambahenanNa na paluahon hita sian jorgong ni Sibolis, dosa nang hamatean i marhitehite hamamate dohot haheheon ni Jesus Kristus. Asa dapot haluaon las ni roha hita nang olopolop sogot di surgo hasonangan i. Ala ni i tama ma angka naung dipalua mudar ni Kristus i marolopolop mangendehon ende na imbaru, lapatanna ndada na menggubah syair lagu na imbaru, manang menciptakan lagu baru, alai manghilalahon ngolu na imbaru siganup tingki nang siganup ari. Jala nang pe taendehon ende naung leleng diciptahon di Buku Ende nang Kidung Jemaat i, alai gabe imbaru doi hinorhon ni Tuhan i sai mangalehon angka na imbaru di ngolunta. Hea do tahilalahon ia dungo ganup manogotnai hita boi marhosa hangoluan, marhahipason, ro mata ni ari, nang udan pe sada basabasa ni Debata doi, hape hita jolma on do najotjot manegai angka na imbaru i marhite na; mabukmabukan, narkoba, marisap, hajahaton, dohot lan na asing. Ala ni i dipangido nang tu hita angka na porsea di Jesus Kristus patuduhon ende hamonanganna marhite:

1.       Hasatiaon mangihuthon Jesus Kristus marhite na mangulahon patik nang HataNa.

2.       Mangalo hisap hisap ni sibolis, hajahaton, haholomon dibagasan gogo ni Kristus

3.       Sai mamuji Debata dibagasan Kristus Jesus marhite na boi mangurupi angka dongan jolma na dibagasan haholomon, na tertindas, na ginosagosa portibi on.

Bahan Jamita Evangelium Minggu Jubilate, 26 April 2015

Mangolophon Jala Manghatindanghon Gogo Ni Tuhan i

Ulaon Apostel 4 : 5 – 12

a.       Na marbonsir do turpukta on di panindangion ni Apostel Petrus di Bagasjoro haporseaon dibagasan Jesus Kristus laho pamalumhon na marsahit. Goar ni Jesus i marhuaso dibagasan Tondi Parbadia laho pamalumhon. Na porsea di Jesus i jala paposhon ngoluna nang tondina di Jesus Kristus jaloonna do asi ni roha  dohot huaso sian Ibana. Hamamalum sian halak na marsahit on gabe adong do pangkorhonna tu angka malim sian rapot bolon na terganggu di halongangan na masa so pamotoan nasida, ndang pasidohot nasida di ulaon i. I do umbahen sampulu dua apostel i ditangkup jala dihurungkon saborngin manipat sahat tu na diboan muse nasida mangadop rapot bolon ima pengadilan. Dihilala Apostel Petrus do naung dipadanhon Jesus asa unang pola mabiar nasida taringot tu aha nanaeng sihatahononnasida ditonga ni rapot i, siala Tondi Parbadia na sian Surgo i do na mamparbisuhi nasida dohot mangajari nasida angka sihatahononhon (Mat.10:19-20). Ido ala digohi Tondi Parbadia do nasida asa boi  pasangaphon Jesus.

b.      Naeng ma tangkas hita mamparrohahon taringot tuson, sipata songon na sodipatimbo Tondi i do diriNa sandiri, alai pasangap nang manghatindanghon Jesus. Goar ni Jesus, Mesias sian Nasaret na diparsilangkon jala dipahehe sian hamatean, gok huaso, Tondi nang pasupasu. Tondi Parbadia manghatindanghon marhite pamangan ni si Petrus taringot tu hasintongan diadopan ni angka uluan ni bangsona. Ditingki i, dituduh ibana do angka jolma i na manguhum dohot na mamparsilangkon Jesus naung dibagabagahon i. Marhite Apostel Petrus, angka pangituai ni ugamo i dipasahat ndang secara langsung “haluaon” dibagasan Jesus Kristus, ndang holan tu angka jolma pardosa, alai tu sude jolma na adong di rapot i. Manang ise na porsea tu Jesus jaloonna ma huaso Tondi Parbadia dohot hangoluan na manongtong.

c.       Goar ni Minggunta ima: Jubilate na marlapatan : “Marolopolop Tu Debata Sandok Tano on” (Pslm.66:1), na tarjou do hita laho mangolophon jala manghatindangkon Gogo ni Tuhan i (topik minggu). Alasan na umbahen tarjou hita laho mangolophon dohot manghatindangkon Tuhan i siala naung dilehon tu hita haluaon dibagasan Jesus Kristus i, jala ndang lupa dope hita di semangat naung tataringot i Paskah 1i. Ala ni i ngolu ni jolma na marolopolop ima na olo bersaksi marhitehite Tondi Parbadia dipardalanan ni ngolunta. Jala Ngolu na marolopolop ima na manghilalahon parmahanion ni Debata di hita sibagasan Jesus Kristus asa dapot hita hangoluan na saleleng ni lelengna. Amen.

Bahan Jamita Epistel Minggu Jubilate; 26 April 2015

Mangolophon Jala Manghatindangkon Gogo Ni Tuhan i

Psalmen 23 : 1 – 6

a.       Hita na hinaholongan dibagasan Jesus Kristus, nunga jotjot tatangihon jala tajaha turpuk on. Mansai terkenal do turpuk on jala mansai godang menginspirasi  torop halak di portibi on. Dihilala parpsalemn (si Daud) on do asi dohot holong ni roha ni Debata na marmahani ompuna na jolo dohot bangsona Israel, nang sahat tu pangkilalaanna. Ido mansai bagas dilapati dohot digombarhon Ibana pangaramotion ni Debata marhite sahalak parmahan dohot biru biruna. Ala sian latar belakang ni parpsalmen si Daud ima sahalak parmahan do ibana di haposoonna. Sahalak anak na so tingkina miniahan gabe raja marhitehite si Samuel. Ulaonna holan na marmahan do; ima marmahan birubiru, alai boi gabe raja ibana na pinillit ni Debata. Pengalamanna songon sahalak parmahan birubiru hape gabe sada bohalna do i laho mangarade diri songon sahalk uluan na denggan jala disi ma dihilalahon ibana pangaramotion ni Tuhan. Tarlumobi hatiha marporang ibana raphon bangso Israel laho mangadopi bangso Palistim. Sahalak sordadu na mansai sihabiaran ni parangan ni halak Palistim i namargoar Goliat, nang pe naung lengkap pahean ni perlengkapan porangna jala pamatangna pe mansai balga, alai ndang mabiar si Daud nang pe mansai metmet ibana ( 1 Sam 17: 4-7) boi manaluhon si Goliat i ala ni bisuk dohot gogo na nipasahat Debata tu ibana. Ima pengalaman secara pribadi dohot Tuhan, jala nialamanna i uju sahalk parmahan dope ibana, ala naung berpengalaman ibana manaluhon dohoot mamunu babiat dohot angka gompul, lam ma si Goliat, ndang apala maol di ibana manaluhon i nang pe holan marhite katapel.

b.      Boi do masuk diroha molo sai dihilala si Daud pangaramotion ni Debata ditingki mamuji Debata ibana jala pahusorhusorhon denggan ni basaNa. Ala ni i didok ibana ma: “Jahowa Siparmahan ahu....”. Ingot do si Daud di pengalamanna songon sahalak parmahan na sai tongtong patongon birubiruna tu jampalan na lomak, sai jagaonna do sian angka mara nang hamaolon. Sai berengonna do birubiruna i asa unang susa, alai asa sonang, laos songon i ma digombarhon ibana pangaramotion ni Debata. Jala laos ido na dipasahat Jesus di panindangionNa di Johannes 10 : 11 “Parmahan na denggan do anggo Ahu. Diseahon parmahan na denggan i do hosana humongkop angka birubiruna.” Pos do roha ni Psalm on di parmahanion ni Debata di ngoluna, disi ro hamaolon, sai holan tu Debata do inganan pangalualuanna. Molo lao do tu gogo ni portibi on so tau do gabe inganan parlinggoman sian angka sitaonon, ndang margogo na diportibi on marmahani ngolunta molo ro hamolon i, jala boi do baliksa madabu tu lam na maol manang susa. Jala songon na sinurathon di Hesekiel 34: 1-10, digombarhon adong do parmahan na jahat, na so manganturehon na pinarmahanna i.

c.       Holan Debata do na gabe parmahan na denggan songon na dihatindangkon parpsalmen on; jala botoonta otik taringot tu birubiru ndang boi dioatongon asalasalan, isarana molo mangallang duhut duhut pe ingkon diparrohahon do, unang ma dipangan na adong rasun na, dungi molo tu aek pe unang ma tu aek na doras boi do marbirsakhan manang manginona tu imbuluna i, gabe dionsop imbuluna i do aek i gabe boratan ma ibana jala boi madabu tu aek i. Dungi tujuan pardalanan ni birubiru i pe naeng do torus di jagai parmahan i sotung dibolus angka lombang. Jadi ala sada binatang na polos do birubiru on ingkon siparrohahononhon do langkana. Diborngin i pe so boi nok modom birubiru i molo terganggu di suara agia otik pe. Jadi ingkon menak do diurus birubiru i, jala ditanda birubiru i do soara ni parmahan i huhut ditandai parmahani do soara ni birubiruna. Nda songon i do lumobi Debata i ? tung mardosa pe hita jolma i, sai tungguonNa do hamumulakta manandingkon hajahatonta ala:  “....na so lomo do rohangku mida hamatean ni halak parjahat i, so ingkon mida hamumulak ni parjahat i tumadingkon dalanna i nian, asa mangolu ibana....” (Hes.33:11). Diparmahani Debata do ngolunta, dilehon do na ringkot di ngolunta, nang pe sipata hita martangiang mangido aha na tahalomohon di ngolunta on. Alai ndanda angka pasupasu na tajalo di portibi on dipasahat tu hita alai dilehon Debata do dalan tu hita jolma asa boi malua hita sian hamataen na saleleng ni lelengna i. Dilehon do AnakNA na sasada i ima Jesus i asa dipelehon sahat tu hau Pinarsilang i, pola mate laho manghophop dosanta nang dosa ni portibi on. Ido umbahen didok di ayat parpudi ayat 6 “Tongon tahe denggan basa dohot asi ni roha mangihutihut ahu saleleng ahu mangolu, jala dung mulak ahu masuhanku ma bagas ni Jahowa salelenglelengna”. Ala ni i angka na porsea i ndang pola be mabiar di angka hahurangan nang hamaolon na niadopanna dipanggulmiton ni ngoluna.

d.      Nuaeng na gabe persoalan; aha do namambahen rohanta gabe holsoan ? ala ni keluarga do, manang angka ulaon manang angka na asing na i? Marhite pengalaman si Daud on boi hita marsiajar  ia Debata na mangurupi hita, molo sai tapajonok do Tu Debata boi do mangkuling rohanta manghialahon denggan basa ni Debata songon si Job, ndang mura be rohanta menilai na sala Debata manang na so parduli tu hita. Unang be holsoan hita, manang gabe metmet rohanta gabe so ada be semangat nang gogonta, alai naeng ma hita marlas ni roha jala sidok mauliate, tung so tapangido pe, diparrohahon do na ringkot di ngolunta ariari. Las ni rohanta naeng tongtong dibagasan Tuhan i, so longkang dope di parningotanta parningotan haheheon ni Jesus sian hamatean i (Paskah 1), patut ma hita marlas ni roha marolopolop mamuji Debata songon goar ni minggunta Minggu Jubilate; marolopolop tu Debata sandok tanoon. Na tarjou doo hita na pinarmahan ni Debata laho marmahani angka dongan jolma na dibagasan hapogoson, hamaolon, hasusaan, na holsoan namarsitaonon dohot angka lan na asing ima dalanta marolopolop dohot manghatindanghon gogo ni Tuhan i songon angka apostel i margogo do nasida manghatindanghon Tuhan Jesus i di ulaonna tu torop jolma (Ev.Ul.Ap.4:5-12), songon topik ni minggunta: “Mangolophon Jala Manghatindanghon Gogo Ni Tuhan i”. Amen.

Bahan Jamita Evangelium Minggu Miserikordias Domini, 19 April 2015

Asi Ma Roham Di Ahu Jala Tangihon Ma Tangianghi

Psalm 4  : 2 – 9

a.       Sude do ra hita mananda sahalak panggomgomi di Negaranta on ima Basuki Jahja Purnama Alias “Ahok” Gubernur DKI Jakarta. Boha ibana mansai tegas dikepemimpinanna nuaeng laho pamajuhon Ibu kota negara mangula hombar tu hukum; asa ias sian ketidak adilan, korupsi, jala asa disiplin. Dina mangulahon hatigoran dohot hasintongan i ibana godang do tantangan sian angka na so manghalomohon na niulana, alai ndang mabiar ibana, holan tu Tuhan i do ibana mabiar.

b.      Molo taparrohahon turpukta on, hampir dos do na nialaman ni si Ahok dohot parpsalmen on. Nang pe godang angka musuna na sai marusaha mangarongom ibana, alai ndang mabiar ibana. Diboto ibana do ia Tuhan i naung mamillit ibana, jala laos Tuhan i do na gabe partanobatoanna, ido alana barani ibana pasingothon angka musuna. Sa unang salpu rimas ni musuna i gabe panghorhon dosa diadopan ni Debata. Memang angka halak na marmusu dompak angka panggomgomi na naung dipillit Tuhan dos doi na marmusu dompak Tuhan i. Ido asa dipaingot parpsalmen angka msusuna i asa hatop ro paubahon rohana marhite na mamelehon pelean situtungon tu adopan ni Debata.

c.       Dibagasan unduk dohot serep ni roha digurithon parpsalmen on do tangiangna tu adopan ni Debata. Adong pangkilalaan naung dituduh ibana na so maralasan tuduhan i umbahen na mangalualu ibana dompak Debata. Dusomba ibana do Debata na paposhon rohana Ibana na boi mangalehon hagogoon, lumbang ni pingkiran uju ro hamaolon, jala dipangido parpsalmen on do tu Debata asi ni rohaNa jala asa ditangihon tangiangna.

d.      Dipatuduhon do dibagasan turpuk on adong dialog sian parpsalmen dohot Debata na mangerbang gabe tolu arah. Mansai hot do haporseaonna tu adopan ni Debata marhite na paingothon hamuliaon ni Debata na palashon rohana gabe madabu tu haleaon ala ni angka tuduhan, pos rohana Debata do na mandongani ibana. Tangkas taboto marhite turpuk on adong jolma na so manghalomohon sikap ni Debata tu parpsalmen on. Ido umbahen dipaingot parpsalmen on asa molo muruk angka alona i nang musunai unang ma gabe mardosa. Mansai ringkot do pelean situtungon i dipelehon nasida tu Debata songon tanda panindangion nasida di Debata.

e.      Dipangido parpsalmen on do asa dipatiur Debata rohanasida i; disi ma dipatuduhon adong tangiang pujipujian dohot hamauliateon hinorhon ni pangaramotion ni Debata dipanggulmiton ni ngoluna. Jala dipaujung parpsalmen on do tangiangna marhite n ahibul rohana tu Debata asa Ibana na patongon langkana tu dalan las ni roha nang hadameon.

f.        Di hita angka na porsea dibagasan Jesus Kristus jotjot do angka jolma tarela portibi on nang sibolis pe. Jotjot do jolma i disi uju ro angka hamolon nang persoalan ni ngolu sai dilului do dalan laho haruar sian situasi na maol i tu minum-minuman keras; hape gabe mabuk ma ibana jala boi do berpengaruh buruk di kondis kesehatan, psikologi dohot panghorhon kekerasan nang hamaolon, hape so na gabe mangatasi persoalanna ibana disi alai baliksa manambai persoalan do. Na deba lari tu pemakaian narkoba, gabe kecanduan, jala manghorhon persoalan tu kesehatan, kekerasan, dohot parange kejahatan. Na deba lao tu pergaulan bebas, sex bebas gabe parohon angka sahit. Na deba ala so manahan di persoalan gabe kebut-kebutan dijalan, dohot ragam dope, jala na lobi songir dope ima na gabe stress lari ma rohana asa bunuh diri. Ala ni i hita angka na porsea ndang sarombang hita dohot portibi on, molo ro angka hamolon diadopanta sai naeng ma hita jumolo ro tu Tuhan i marhite tangiang nang elekelekta asa Tuhan i na paturehon dohot na mangalehon dalan hatiuron dohot hagogoon. As amarbisuk hita manaon dohot mangadopi angka hamaolon i. AI gok asi ni roha ni Jahowa do tano on, sai lehononNa do dalan tu angka na marpos ni roha di Ibana. Jala ta ingot ma na di epistel ta i (Heber 11: 32-40) angka goar goar naposo ni Debata na tarbarita hagogoon nin haporseaonna dohot hasatiaonna mangihuthon Tuhan i. Hita pe ragam do hamaolonta mangihuthon Tuhan i di haporseaon, tupa so dos be hamolonna dohot angka naposo ni Debata di Bibelta i sian Padan na Robi dohot sian Padan na Imbaru. Nuaeng songon angka halak Kristen jala siihuthon Kristus sikapta ma nueng ta uji: Satia do hita jala manahan di haporseaon dibagasan Jesus Kristus ? Taingot ma molo ro angka hamaolon nang pangunjunan di ngolunta, unang ma tadok na dumangol hita di portibi on, jala taingot ma panaonon ni Kristus Jesus i tu hau  pinarsilang i; pola tolu hali Ibana martangiang di porlak Getsemane i, nang pe nian sai torus do Ibana martangiang, dipatuduhon do disi  tu hita:

1.       Na rade do Jesus manaon na hansit sahat tu hamatean i holan laho manghophop angka dosanta.

2.       Martangiang do Ibana tu Debata Ama asa sanggup Ibana manaon hamatean i

3.       Sai rade ma hita manaon sitaononta dibagasan hagogoo n ni Tuhan Jesus Kristus asa margogo hita manon i jala ujungna marhamonangan do di angka na marpos ni roha tu Ibana.

Bahan Jamita Epistel Minggu Misericordia Domini, 19 April 2015

Gok Asi Ni Roha Ni Jahowa Do Tano on.

Heber 11: 32 – 40

a.       Ia panurat Surat Heber on mengharaphkan asa angka halak Kristen i, disituasi manang aha pe (taingot latar belakang panuratan ni surat Heber on, ditujuhon tu angka halak Kristen na torus manorus, digosagosa, na boi sajo do murtad nasida manadingkon haporseaonna ala ni hansitna jala dangolna sitaonon nasida) naeng do torus nasida margogo jala marpangkirimon na togu di padan ni Debata. Ala ndada nasida na jumolo manaon na porsuk i molo holan laho mempertahanhhon haporseaonna tu Tuhan i. Alai nunga jumolo ditaon angka naporsea di Tuhan i angka hamaolon, sitaonon, nang hamatean siala hasatiaon ni haporseaon nasida tu Tuhan i.

b.      Ia haporseaon i tung mansai arga jala godang do panghorhonna di ngolu ni angka na porsea songon na tarida di Heber 11 on. Jojor do dipatuduhon pangalaho ni haporseaon i, na tangkas mangpanghorhon, jala tarida sian ngolu ni angka na porsea di Padan na Robi mamungka sian tingki ni si Noak sahat tu tingki ni angka panurirang. Ndang hasuhatan tutu godang ni tudosan na boi putihan nuaeng dia dope dohononku ninna di ayat 32 on. Sungkunsungkun on naeng mangondolhon asa lam taparhatopot panindangion ni haporseaon i di ngolu ni angka na porsea di sude tingki termasuk di tingki ni angka panguhum i ma si Gideon, Barak, Simson, Zefta, dohot di tingki ni Raja Daud sahat tu tingki ni angka panurirang.

c.       Marhuaso do na porsea i songon na di turpuk on patuduhon harajaon patulus hatigoran dohot patupa angka tanda halongangan. Ndang tarpatupa angka na so porsea ulaon si songon i, ai ndang dilehon tu nasida huaso laho patupahon si songon i. Holan tu angka na porsea di goar ni Jesus Sipalua i jala tu angka na manjangkon Ibana do dilehon huaso asa gabe anak ni Debata (Joh.1: 12), ai Jesus do nampuna huaso di banuaginjang dohot di tano on. Huaso haanahon i di lehon tu ganup na porsea na patauhon nasida patundukhon nasa harajaon, manaluhon hagogoon ni portibi jala mangalo nasa na jahat. Sai na monang do angka na tutu porsea di Tuhan i maralohon nasa hagogoon ni portibi on jala tuk do na porsea i patupahon angka ulaon na denggan na naeng mambahen angka tanda halongangan. Alani molo nunga tahaporseai Jesus jala tajangkon Ibana na tubu i unang be mardua roha hita, tapangke ma huaso i jala tapasahat ma ngolunta tu Ibana. Adong do deba na mandok dirina porsea alai ndang pos rohana di hagogoon ni haporseaonna i, hagogoon ni portibi on do dihaposi gabe talu ma ibana ndang margogo mangalo na jat. Ujungna adong angka na mulak tu hasipelebeguon ai ndang marniula haorseaonna i. Unang ma songon i hita angka na porsea, tahaposi ma Tuhan Jesus di  ngolunta asa jumpang songon na di turpuk on: “Dihuntam baba ni angka babiat, di intop api, malua sian podang, margogo di hagaleon, jala ditaluhon musu.”

d.      Alai torop do naung manaon na hansit dohot haporsuhon ala ni haporseaon pola sahat na agoan hosa songon na di turpuk on ( ayat 35-37). Masa do ujian tu angka na porsea ganup ari alai rade do na porsea mangadopi sitaonon. Ndang daionna parbue ni na niulana i, alai tu generasi na mangihut nama na mandai perjuangan iman nasida ( ay.35,39). Nuaeng hasil ni perjuangan ni angka naposo ni Debata i boi daionta; boi jahaonta Bibel on naung di pertahanhon marhite gok mudar dohot iluilu, boi hita marminggu dohot denggan jala tenang ala naung dipungka angka parbarita nauli najolo marjuang do nasida asa sahat tu Indonesia on. Nang pe ndang berengon nasida hasilna ditingki i alai hot do nasida mangula ulaon i.

e.      Adong dua tujuan ni sinurathon angka goar naposo ni Debata di bagasan Surat Heber bindu 11 on:

Ø  Asa tauduti ulaon na naung dipungka jala na dipertahanthon nasida. Ia manisia molo pe mangolu na sai martahan do ibana; adong angka jolma mangula angka siulaonna asa martahan laho mambalanjoi keluargana jala asa unang hahurangan, angka na deba nang parompuan sai marusaha do mampertahanhon pamatangna asa ideal, angka panggomgomi, politisi, sai di gogo do mangula laho mempertahanhon kedudukan nang hahormatanna, angka pengusaha manang partigatiga mempertahanhon bisnisna asa unang bangkrut di hamaolon ekonomi. Angka parsiajar marusaha do mempertahanhon prestasi nang nilai ujianna asa denggan hasilna. Jala sude tahe jolma sai mempertahanhon ngoluna sian ancaman hamatean. Ngolu ni manisia ima ngolu na mempertahanhon na dianggap mansai ringkot di ngoluna. Na gabe sungkunsungkun, holan i do na tapertahanhon ? Alusna: Ndang ! siala Hata ni Debata mandok di Kolose 3: 1- 3 “Asa molo naung rap hamu dipahehe dohot Kristus, jalahi hamu ma angka na di ginjang; ai disi do Kristus, hundul di siamun ni Debata. Angka na di ginjang i ma parrohahon hamu, unang ma angka na di tano on! Ai nunga mate hamu, jala buni do ngolumuna raphon Kristus di bagasan Debata.” (ptds.Kol.2:6). Angka na diginjang ima taparohahon, lapatanna dia do lomo ni roha ni Debata na ingkon ulahononta dipardalanan ni ngolunta (ptds. Pil.2:5). Ia molo simanjojak mandege tano alai ia simanjujung na diginjang, songon sihol ni rohanta sai tu Banuaginjang i, ala ni i do sai tapangido di tangiangta asa saut lomo ni roha ni Debata di tonga ni portibi on songon na di Banuaginjang i (ptds. Tangiang Ale Amanami....). Lapatanna godang do na ringkot sisarihononhon di ngolunta secara pribadi, alai naeng do dohot hita dipangke Debata laho sumarihon angka na dihumaliangta patupahon ulaon asi ni roha.

Ø  Asa tauduti ulaonna i dibagasan hasatiaon. Songon angka partogi ulubalang ni si Daud na satia tu ibana, angka na pinillit ni Debata ( 1 Kronika 11: 10), tung margogo do nasida mangulahon nasa parenta ni si Daud. Alai ndada holan angka ulaon na denggan nasida satia tu si Daud, tu angka ulaon na so denggan pe satia do nasida (ndada na gabe sitiruon pangalaho sala on di hita), lapatanna semangat ni hasatiaon nasida i tu si Daud, jumpang dope i dipartingian sinueng on ? (dipaboa do muse naung madabu si Daud tu dosa hasalaan di 1 Kronika 21-24, manengahon dohot mangasahon gogo ni paranganna asa sian Debata). Dungi barita hasatiaon ni si Polikarpus, sahalak sisean ni Apostel Johannes jala parhobas di huria Smirna. Na ditangkup angka soldadu ni kaisar do ibana jala disuru asa mansoadahon Kristus. Alai ndang olo si Polikarpus mansoadahon Kristus, ai didok ibana do: “ualupulu onom taon ahu marhobas diadopanNa, laos so adong agia saotik pe na sala binahenNa tu ahu, boha ma bahenonku mansoadahon Ibana ?” Ditali do ibana di sada tiang hau, jala ditutung alai ndang mosok, dung diseat pe ibana asa mudarna i ma paintophon api i, angka na manghosomi ibana diulakhon laho manutung ibana. Hasatiaonna i hasatiaon sahat tu ujung ni ngoluna (ptds. Pangk. 2: 10).

Molo disuru do hita dohot Tujuan asa mempertahanhon Haporseaonta dohot na satia mangulahon parsuruon ni Debata laho mamaritahon Barita na Uli; aha do na tapertahanthon nuaeng ? Ndada pola ingkon dos panaritaan ni angka naposo ni Debata di Bibel i dohot hita di partingkian on holan laho mempertahanhon nang memperjuangkan haporseaonna. Alai naeng ma tatorushon ulaon panghobasion na niula nasida dibagasan ngolunta, jala taulahon i dibagasan hasatiaon tu Tuhan Jesus Kristus i naung mate humonghop hita jolma pardosa.

f.        Dalam surat yang ditulis untuk putranya, Eduard, Albert Einstein memberikan nasihat ini: “Hidup itu seperti naik sepeda. Untuk mempertahankan keseimbangan, kau harus terus bergerak.” Nasihat ahli fisika terkemuka ini sangatlah bijaksana dan dapat diterapkan. Jala poda on boi niteraphon tu ngolu haKristenonta. Godang do jolma marhite haporseaonna maju bergerak mamolus angka hamaolon dohot angka pangunjunan. Alai disi uju madabu tu bagasan dosa, gabe ndang adong be keseimbanganna dungi gabe madabu ma. Panolsolion dohot panghilalaan na so layak di asi ni roha ni Debata boi do mambahen nasida gabe mandele jala mandate jala boi manghorhon na so olo be maju bergerak di ulaon partondion. Naung masa do sisongon i di angka naposo ni Debata di Padan na Robi dohot di Padan na Imbaru i: Na margabus di Abraham tu si Paraoh taringot tu pardihutana si Sara (1 Musa 12: 11-17). Nadiangkali si Jakob amana asa mandapot pasupasu ni si Esau ( 1 Musa 27:18-19). Na so diulahon si Musa parenta ni Debata marhite na mampangkulingi batu didolok i baliksa di lombuti dua hali ( 4 Musa 20.7-12). Songon i nang si Petrus sahalak sisean ni Jesus naung mansoadahon Jesus mulak rohana manolsoli dosana tu Jesus. Nang pe tardok gagal mangulahon lomo ni roha ni Debata, alai naung dipatuduhon nasida do panindangion ni haporseaon nasida tu sundut na mangihut nang tu hita nuaeng  on (ay.39). Disurathon do goar ni angka naposo ni Debata di Bibel on asa gabe tiruan ma nian haporseon nasida nang hasatiaon nasida, dungkon madabu nasida di dosa nang pangalaosion, sai ro do nasida mangadop tu Debata huhut diihuthon muse Patik nang HataNa. Boi do alamanta songon na nialaman nasida, masalah kehilangan keseimbangan rohani ala haputusan na so tepat jala gabe dosa, alai molo olo hita mulak tu Debata sai lehononNa do dalan las ni roha nang hatiuron. Ala ni i boi ma dohonta di Minggu Misericordias Domini on : “Gok Asi ni Roha NI Jahowa Do Tano On.” Dipatuduhon Debata do dalan tu hita jolma pardosa ima marhitehite AnakNa Na sasada i Jesus Kristus manobus dosa nang pangalaosionta jala namanaluhon sibolis dohot hamatean i, asa dapot hita jambar hangoluan na saleleng ni lelengna i (ptds. 2 Kor.4:16-18). Amen.

Bahan Jamita Evangelium Minggu Quasimodogeniti, 12 April 2015

Marparangehon Hatiuron

1 Johannes 1: 1 – 10

a.       Ia huria ima hasadaon ni halak na porsea ditongatonga ni portibi on. Digurithon Apostel Johannes do taringot na hinatindanghon ibana Jesus Kristus naung mate jala na hehe i. Tujuanna marhite panindangionna i, ruas ni huria na ganggu roha taringot tu haheheon ni Kristus i gabe mandapot bohal sitiopon asa porsea ia Tuhan Jesus ima Mesias na naung hehe sian hamatean. Ganggu do roha ni ruas ni huria na parjolo i, hinorhon ni pengaruh pengaruh ajaran sesat sian gnostikisme; tarlumobi sian Doketisme na mangajarhon na so porsea nasida ia Jesus ima Kristus ala ndang mungkin Debata na badia i songgop tu jolma naung madabu tubagasan dosa.

b.      Ala ni ido gomos disosohon Apostel Johannes huria i; “...hubge hami.....huida hami....huhatindangkon hami...naung hujama hami....taringot tu Hata Hangoluan i....” (ay.1) napatuduhon ibana do haposan laho manghatindangkon i ima Jesus Kristus, ala ni i ndang pola ragu halak mambege sian ibana. AI ibana do langsung mamereng na masa taringot tu Jesus Kristus naung hehe i. Hata hangoluan i do na mangarahon hita angka na porsea mamolus nasa partingkian. Naung sega do dibahen dosa ngolu ni manisia i saleleng on, alai marhite Hata Hangoluan ima Jesus Kristus i nunga dipadenggan jala mamparbuehon parsaoran na uli sian jolma tu jolma dohot sian Debata tu jolma i. Hata Hangoluan i naung paubahon hamatean na saleleng ni lelengna i gabe hangoluan saleleng ni lelengna.

c.       Hatiuron dohot haholomon; diapoi Apostel Johannes jala diburai angka pargabus na mandok ia na mananda Debata alai ndang mangulahon parenta ni Debata. Didok nasida do naung marnampuna parbinotoan nasida taringot tu Debata alai pangalahona mansai dao sian nahinirim ni etika ha-Kristenon. Jala tegas do Apostel Johannes mandok ia Debata ima Hatiuron, ido asa angka anak hatiuron i ndang boi mian di dua pangalaho, ima hatiuron dohot haholomon. Siala ndang adong haholomon dibagasan hatiuron, jala ndang adong nabuni di na tiur i. Fungsi hatiuron manang panondang i ima mangarahon ngolu ni jolma tu na denggan. Jala panondang ni natiur i laho patuduhon sude pangalaho  nang pambahenan ni manisia na sala jala patauhon tu ulaon na sintong. Ido umbahen nang Apostel Paulus pe manaringoti lapatan ni na hatiuron dohot haholomon: “Ai na holom do hamu najolo; alai tiur do anggo nuaeng di bagasan Tuhan i: Marparange ma hamu, songon angka anak hatiuron! Ai nasa habasaon dohot hatigoran dohot hasintongan, i do parbue ni natiur” (Ef.5:8-9). Haholomon patuduhon ngolu na onding sian Jesus. Halak na mardalan dibagasan haholomon ima halak na so mamboto tudia do situjuon (Joh.12: 35). Halak na mangolu dibagasan haholomon ima halak na mangolu dibagasan hagaoron, ndang adong aturanna, ido ala mangolu pe ibana ali ndang maradat (ndang bermoral).

d.      Mangolu dibagasan parsaoran;  Adong do halak na menganggap dirina naung malo diparbinotoan dohot di partondion alai ndang dipatuduhon sikap hamajuon di parbinotoan nang partondion dingolu siganup ari. Halak na sisongon on ma dihasogohon jala sipasingoton ni apostel Johannes; angka pargabus halak sisongon i. Ia Debata ima Hatiuron asa angka na marsaor dohot Debata ima na mardalan dibagasan hatiuron. Marhite pamingkirion na so denggan i gabe so denggan be hasintongan i. Siala boha do bahenonna sahalak na mardalan dibagasan haholomon mandpk naung mangolu dibagasan hasintongan ? Ia hasintongan i ndada holan sekedar kerangka marpingkir na sintong alai boha do sahalak Kristen marpingkir sintong dohot na mangulahon na sintong tu Debata nang tu dongan jolma. Ia halak na sai somal tu sikap mapingkir huhut mangulahon na sintong; boi do madabu tu pangalaho paiasias diri sian nasa dosa. Ido alana dipaingot Johannes; ia panghophopon ni Jesus Kristus ndada holan manobus angka dosa manisia na naung salpu alai huhut do pasingkophon manisia i dibagasan habadian ganup ari, jala sahat tu tingkina be.

e.      Marhite turpuk on : angka halak na porsea i ima angka siihuthon Kristus tarjou do:

1.       Asa songon posoposo na imbaru tubu na sai tongtong uasan ni susu na tama ima Hata ni Debata dibagasan ngoluna.

2.       Asa dipatuduhon ma dirina mangolu marparangehon hatiuron

3.       Asa marhite hatiuron i angka na porsea tongtong tarjou mangolu dibagasan sikap ngolu na marpanindangion.