Manjamitahon Barita Na Uli Sian Nasa Roha
(Memberitakan Injil Dengan Segenap Hati)
Daniel 3: 13 – 18
a)
Daniel
ima sahalak sian angka dolidoli ni halak Jahudi na tinaban ni raja Nebukadnezar
sian Jerusalem tu Babel di taon 597sM, 8 taon dung ditaluhon raja Nebukadnezar
II raja Neco sin Mesir di Karkemis taon 605sM (2 Kron.36:5-6). Ditaban si
Nebuzaraden, panglima ni si Nebukadnezar ma si Jekezkiel, Daniel, Hanaya,
Misael, dohot si Azaria. Gan.1:6-7; 2 Raja 24-25:8-11. Dibahen ma nasida gabe
pegawai di Istana ni raja Nebukadnezar, ala masuk dolidoli na pistar jala na
uli do nasida (pilihan) sian Jerusalem. Alai anggo si Jehezkiel, anak ni malim Busi,
dibahen ma maringanan di Tell Abib, na di topi ni batangaek narkabari
(karbour), ala naung mardongansaripe si Jehezkiel (Jeh.24:18). Daniel
lapatanna: Jahowa do sipintori ahu (siuhumi ahu), na marangkup doar dibahen
raja Nebukadnezar gabe Beltazar, Hanya gabe si Sadrak; Misael gabe si Mesakh,
jala si Azarya gabe Abed Nego. Dan. 1:6-7. Alai anggo si Daniel nunga marjanji di bagasan rohana na so
ramunan dirina marhite sipanganon dohot siinumon ni raja I, songon na
pinatikhon ni si Musa ( 1 Musa 39: 21; 3 Musa 11). Gabe dapotan asi n iroha Ibana
sian induk ni naposo ni raja Babel, Nebukadnezar I ( Dan.1:9).
a)
Dungkon
umbege taringot tu nipina i, ia ibana ma ulu ni sere, naeng ginantihon angka
harajaon na ummetmet, jala ujungna digantihon batu sipalengse harajaon, ditopa
si Nebukadnezar ma patung sere sa timbo 90 elak saluht sian sere laho
manggogohon saluhut bangso, houm dohot parhataan unduk manomba tu patung sere
i. Naung dipasahat Debata do tu tanganna huaso sian angka anak ni manisia,
angka binatang di halongonan jala angka pidong na martongatonga langit. Alai
ndang disomba nasida Debata, sabalikna dibahen ibana do goar tu dirina sandiri.
Dipajongjong do patung i di tano Dura di Babel, asa ditonahon raja Nebukadnezar
marhite suruanna asa ro angka wakil ni raja, penguasa, angka uluan, angka
juarabags, angka panguhum, angka ahli hukum, angka pejabat ro tu penahbisan ni
patung ni si Nebukadnezar i. Na jongjong
ma nasida luhutan na ni ontangan i mangadop patung i jala ditonahon do asa
marsomba tu patung sere i dungkon tarbege sarune, hasapi, arbab, sulim, dohot
angka music. Angka na so marsomba, ingkon dabuhonon tu api na marnalanala.
b)
Molo
tajaha sian bindu 6, adong do
kemungkinan na masa on pangalaho politik na diatur jala dielaela halak
Kasdim ala late rohana mamereng angka halak Jahudi na dipabangkit tu posisi na
dumenggan di harajaon i sian nasida marhite raja. Ala di ay.8-12 adong do
tuduhan sian halak Kasdim tu halak Jahudi jala mambahen laporan tu raja
Nebukadnezar na so olo marsomba Sadrakh, Mesakh dohot Abed Nego. Dipaingot
halak Kasdim i do na adong do dekrit ni raja dohot konsekuensi di angka na so
unduk tu hatana. Jala ditaringoti nasida ma na tolu halak jahudi i na ditodo
hian laho mangurus profinsi luat Babel hape mangalo dekrit ni raja i.
c)
Molo
Buku ni si Daniel do on, uju masa on tu dia do si Daniel ? Dungkon diungkap si
Daniel lapatan ni nipi ni raja i, di ujung nibindu 2 ima ayat 48 dilehon raja i
do kehormatan tu si Daniel dohot hadiah nab
alga, manotophon ibana gabe parhuaso di saluhut luat Babel jala uluan ni angka
halak na bisuk di Babel. Dipangido si Daniel do asa ditodo donganna na tolu i Sadrakh,
Mesakh, Abed Nego laho mengawasi wilayah Babel. Alai hot do maringan si Daniel
di istana ni raja. Marpungu do raja dohot angka pejabat ni pamarenta di luat
dangsina babel di tano Dura, ingkon adong do hot maringan di Babel laho manjaga
stabilitas di huta i molo ndang disi rajana. Mulak ma mause di bagasan turpuk
on na adong do hosom, teal ni halak Kasdim tu angka halak na asing na dipabangkit
di ginjang nasida. Dituduh nasida do angka halak Jahudi asa disiaphon,
dilengsehon. Jala dipangke nasida do haputusan ni raja na so tigor i; manghasut
angka halak na asing tu posisi ni parhuasoon na gabe sibonsiri laho mambarontak
tu raja dohot huasona (ay.12). Ai memang sintong do i hombar tu naung pinatikkon
ni Debata tu bangso Israel ( 2 Musa 20:3 “Ndang jadi bahenonmu di ho
ganaganaan, manang sumansuman dia na di banua ginjang nang di tano on, ro di na
di bagasan aek na di toru ni tano”.) Naung mandasor do i di roha ni bangso
Israel, ala ni i do ndang olo nasida marsomba tu debata ganaganaan ni Babel.
d)
Alai
tuduhan nasida na so manangihon to na ni raja i sala do. Dijou do nasida tu
tano Dura, jala ro do nasida mangoloi. Ndang adong nasida mangasahon pangkat
manang kedudukan nasida songon pengawas di profinsi babel. Denggan do di ula
nasida ulaonna nang tanggung jawab nasida. Molo sala pe ulaon nasida pasti do naung
sahat I tu Raja marhite halak Kasdim na mamaritahonsa. Jadi naung diingot
nasida do na nidok ni si Jeremia 29: 4,7 “Songon on do hata ni Jahowa Zebaot,
Debata ni Israel, tu saluhut naung tarbuang, angka na hubuangkon sian Jerusalem
tu Babel:…….. Ringkoti hamu huhut hasonangan ni huta habuanganmuna na hubahen
i, jala tangiangkon hamu nasida tu Jahowa, ai molo marhasonangan huta i,
marhasonangan ma dohot hamu.” Nang hita pe angka na porsea dibagasan Jesus
Kristus asa hot di integritas nab alga, na gabe pangola na denggan, adong etos
kerja na timbo. Ai taboto do ndada holan na mangula siulaon na laho pasonanghon
uluan, asa dapotan gaji, alai disi mangula hita ima laho manhobasi Kristus.
Hombar tu na tarsurat di Kolose 3: 22-24 “Hamu angka anak somang, oloi hamu ma angka
indukmuna na di tano on di na saluhutna; unang ma pangoloi di mata hamu, songon
na mambuat roha ni jolma, marbulus ni roha ma, sian biar ni roha mida Tuhan i! Sian
rohamuna ma ula hamu nasa sibahenonmuna; songon na tu Tuhan i, ndada tu jolma!
Ingot hamu ma: Sian Tuhan i do jaloonmuna siteanon i, balos ni i Tuhan Kristus
i ma oloi hamu.” Jadi ndang adong memang dipaboa na tolu halak I unduk
marsomba, alai ra uju mangkuling angka music, saluht angka jolma, bangso dohot
sian parhataan, houm ro munduk marsomba tu debata ganaganaan i, alai sipsip ma
nasida hot jongjong.
e)
Ay.13-15;
Ginjang ni roha ni si Nebukadnezar na muruk marnida i, ima haotoon na na tarela
sian pamujion ni halak Kasdim i, na mangaloas ginjang ni rohana na mangatasi
bisuk na polin i, na jut rohana marnida na tolu halak Jahudi i. Asa disuru ma
diboan si Sadrak, Mesakh dohot Abed Nego mangadop raja. Dilehon ma tu nasida
natolu partingkian laho marsomba muse tu debata ganaganaan, molo so undu
nasida, n aro ma uhuman ni raja i. Uhuman i ma didabuhon nasida tu api
panurunan, adong na malo mandok; kemungkinan besar tungku ini digunakan untuk
memurnikan dan melebur emas untuk pembangunan patung raksasa ini di Dataran
Dura. Tungku peleburan Mesopotamia memiliki lubang besar di bagian atas untuk
memasukkan bijih, dan lubang kecil di permukaan tanah untuk menyalakan api
dengan kayu dan arang. Tungku ini terus menyala sebagai pengingat visual akan
konsekuensi jika tidak menyembah patung raja. Marhite ima ro ondamondam ni raja
I molo so olo marsomba tu debata ganaganaan I, jala ise ma debata na boi paluahon
nasida sian tanganna ? Hape sasintongna naung botoonna do taringot hagogoon ni
Debata di Bindu 2 na mangungkap angka rahasia na so taralusan hian jala Debata
parbinoto di saluhutna, alai ndang marsiajar ibana ia Debata I na marhuaso do mangatasi
angka na tinompa jala saluhut manisia. Ai raja Nebukadnezar sandiri do na
manompa debata ganaganaan i, pajongjongsa asa sinomba saluhut bangso, houm nang
parhataan. Molo iba sandiri do na mambahen patung i, berarti iba sandiri do na
marhuaso sian dewa i asa diulahon patung dewa i nian.
f)
Ay.16-18;
Pasahat diri tu habisuhon na marhuaso. Ai ndang adong disi negoisasi, manang
mangido asi ni roha dohot grasi asa unang didabuhon uhum. Ndanga dong disi
tawar- menawar, ndnag adong alasan na di pasahat manang membela diri. Hot do
haporseaon nasida na tolu, jala rela do menanggung konsekuensi di hahotan ni
haporseaon nasida tu Debata. Burju do diulaho nasida ulaonna songon pangurupi
ni raja mangurus daerah nang angka kota, alai molo taringot tu haporseaon laho
manomba debata ganagaan ni raja ndang olo nasida. Dison ma dipatuduhon
hasatiaon nasida mangihuthon Debata. Ndang adong istilah kompromi di rohanasida.
Molo tarbuang pe nasida di Babel naung adong do sangkap na uli na denggan na
sian Debata di habuangan i. Na unduk do nasida di huaso ni Debata na dilehon tu
raja, alai ndang boi kompromi tu angka debata ganaganaan.
g)
Alai
molo tung so dipalua Debata pe nasida natolu, hot do nasida di haporseaonna, na
so tupa ulahononna parsuruon ni raja Nebukadnezar laho manomba debata
ganaganaan i. Holan mangasahon asi n iroha ni Debata i do nasida. Marasing do di deba jolma di
partingkian on, sai dihilala ibana do keberhasilan nang angka pencapaian na
jinalo na i hasil ni gogona sambaing, hape holan ala asi ni roha ni Debata sambaing
do na masilehonlehon ragam pasupasu dibagasan ngoluna. Laos songon i ma
haporseaon ni angka na sai jonok dohot Debata dibagasan Kristus i, asa mangasahon
asi ni rohaNa sambaing di na laho mangadopi ragam hamaolon nang sitaonon. Kita
begitu mudah lupa bahwa kebaikan apa pun yang kita lakukan bukanlah
"aku", melainkan kasih karunia Allah yang ada di dalam aku"
(1Kor. 15:10). Jotjot do h ita pasolhothonn diri tu Jesus marhite lomo ni
rohanta sandiri, ndang marhte lomoNa. Hasesaan ni dosa, hangoluan na manongtong
ima bagian ni angka na porsea di Jesus Kristus.
h)
Huria
ni Tuhanta na hinaholongan, sikap ni haporseaon si Sadrakh, Mesakh dohot Abed Nego
on mangalehon parsiajaran tu hita:
ü Ngolu na sai
solhot dohot Debata mangaehon hagogoon, ndada hatahutan na timbul alai hagogoon
do. Dilehon Debata do parlinggoman, pangurupion. Roma 8:18 Sebab aku yakin,
bahwa penderitaan zaman sekarang ini tidak dapat dibandingkan dengan kemuliaan
yang akan dinyatakan kepada kita.
ü Hagogon nasida boi do ala ni na sai ingot nasida di hata
dohot patik ni Debata. Molo sai tapingotingot hata ni Debata, ndang adong be
roha laho manimbil sian dalan ni Debata. Tarjou do hita songon na porsea asa ringgas
manjaha, mangapil, pahusorhusorhon Hata ni Debata tarlumobi laho mangulahonsa.
Iman tanpa perbuatan adalah mati atau aiasia (Yak.2;17)
ü Parsihohotan ni si
Sandrakh, Mesakh dohot Abed Nego marparbue do, nang pe mangadopi uhuman, laos
so dais do api panurunan na marnalanala pitu hali lipat mohopna i tu sibuk,
obuk nang pahean nasida. Baliksa na mandabuhon nasida i do na mate tartutung.
Jala didongani Debata do nasida di sitaonon i, asa malua sian i.
ü Dipatuduhon do
sian hahotan nihaporseaon na so olo berkompromi tu hagogoon ni portibi nang
ganaganaan i do pembuktian hagogoon ni Debata marhite na masa i di nasida i.
Jala gabe barit ana uli do i tu na marnida halongangan i tu humaliangna, asa
raja Nebukadnezar pe mengakui jala porsea tu hagogon ni Debata. Na tarjou do
hita angka na porsea di Jesus Kristus laho mangarimangi kesaksian Sadrakh,
Mesakh dohot Abed Nego laho patoguhon haporseaonta. Ai Debatanta i Debata na
mangolu do na sso ditompa jolma, alai hita do Ditompa Debata. Marhite AnakNa
Jesus Kristus I rot u portibi on laho paluahon hita. Ai nunga ditaluhon Jesus
Kristus i huaso ni dosa, hamatean dohot sibolis asa dipalua portibi on nang
hita jolma manisia sian dosa i. Nunga monang Kristus sian haheheonNa i asa
Ibana ma Tuhan na mate dohot na mangolu. Ima barit ana uli i, asa angka na
manjanghon Jesus i naeng ma marsaksi jala mamaritahon taringot tu Kristus i marhite
sikap ni ngolu na sai marsihohot di Hata nang Patik ni Debata. Asa surat ni
Kristus do angka na porsea i di parsaoranna ditonga portibi on. Amen.
