Doa Memohon Keselamatan
(1 Musa 18 : 22-33)
1.
Hamu
angka dongan hinaholongan ni Tuhanta Jesus !
Na marmula do turpuk on di na tinamuean ni si Abraham Debata dohot surusuruanNa
di Mamre On ma nanidok ni panurat Heber bindu 13.2. "Unang
halanggushon hamu partamueon; ai marhite sian i hea do ditamuei halak angka
surusuruan, so pamotoanna". Songon keluarga Marta/ Maria di jamita
minggu na salpu, ate! Ingkon songon nidok ni natuatua ma Paramak so balunon,
parsangkalan so ra mahiang. Tarlobi molo tatamue angka na pogos, na so boi
mambalos i tu hita, na mambahen tu Tuhan Jesus do hita disi (pat. Mateus 25,
40). Laos disi ma dipaboa Debata, paboa di tahun berikutnya. marianakkon ma si
Abraham naung matua i sian nialapna si Sara naung saep ladang i. Udut ni i ma
turpuk on. Di nanaeng borhat Debata rap dohot surusuruanNa i, di na rap
mardalan dohot si Abraham, diingot Debata ma Sodom dohot Gomora. Disi do
maringanan keluarga ni si Lot, tondong (keponakan) ni si Abraham. Gabe dipaboa
Debata ma isi ni rohaNa tu si Abraham taringot tu Sodom dohot Gomora i.
2.
Nuaeng,
taputihi ma jolo manang piga hal sian na masa i:
Ø
Molo
tajaha ay. 17-19, hira na berargumentasi do Debata tu diriNa sandiri, boha,
paboaonNa do sangkapNa i tu si Abraham, manang ndang (Songon angka naposo
nuaeng, ate! Molo sinungkun sada hal, olo do ro alus nasida: Dikasi tau atau
nggak, ya!). On ma nigoaranna bahasa Antropomorphisme. Debata digombarhon
songon hita jolma ndang apala artihononta i songon i. Alai, ima
patuduhon, ia uhum na naeng dabuon ni Debata tu Sodom-Gomora
nunga sian pertimbangan dan alasan na tangkas, ndang sembarangan.
Ø
Dipaboa
Debata ma tu si Abraham, na naeng dabuonNa ma uhum tu Sodom dohot Gomora. Tapaihut
ma tu jamita pigapiga minggu na salpu, taringot tu Hukum Tabur-Tuai. Nunga sai
manabur tu daging pangisi ni Sodom-Gomora. Tung holan dosa nama diula nasida.
Jala puncakna, boi ma tajaha di bindu 19. Nuaeng, tapuon nasida ma hasilna, ima
hamagoan. Rasiphonon ni Debata ma nasida. Sipaitondit ma i tu hita, unang olo
be hita manabur tu daging, paolo-oloi hisap ni daging, unang ro hamagoan tu
hita.
3.
Alai,
na menarik, boasa pola ingkon paboaon ni Debata i tu si Abraham? Adong manang
piga mutiha na arga siputihanta sian i:
a)
Tajaha
di 19, "ai Hutanda do Ibana" (Aku telah memilih dia).
Di hata Heberna: Yada, na marlapatan, tangkas do ditanda Debata si Abraham ala
adong hubungan pribadi dengan Allah (HPDA). Mansai solhot do parsaoran ni si
Abraham tu Debata, ndang longkang (pat. songon ranting dohot hauna, Joh, 15,
5ff). Tung maraleale do nasida. (Jaha 2 Kronika 20: 7, Jes 41:8, Jak 2:23). Ala
ni i ma olo Debata paboahon sangkapNa tu si Abraham. On ma nanidok ni Hukum
Tabur Tuai i, na manabur tu tondi manggotil pasupasu. I do ala didok parpsalmen
di Psalm 73, 28: " untungku do hasolhoton tu Debata".
Mansai buas ma Debata paboahon sude angka sangkapNa na denggan, sangkap
haluaon-Na tu hita molo solhot, yada, bila kita memiliki Hubungan Pribadi
Dengan Allah (HPDS). Tung taradoti ma i. Ingat, bukan-kah sebuah kehormatan
yang luar biasa bila Tuhan berkenan membukakan rencana dan isi hatiNya kepada
kita? Asa dapot hita i, maraleale ma hita tu Debata, asa "yada" hita
di Debata.
b)
Alai
ndang olat ni, dipaboa Debata sangkapNa i tu si Abraham, asa: "sai
na tonaanna muse angka anakna dohot pinomparna di pudina, asa diingot nasida
dalan ni Jahowa mangulahon hatigoran dohot uhum" (ay. 19 b-supaya
diperintahkannya kepada anak-anaknya dan kepada keturunannya supaya tetap hidup
menurut jalan yang ditunjukkan TUHAN, dengan melakukan kebenaran dan keadilan.
Nunga dipillit Debata si Abraham, asa sian ibana pabangkiton ni
Debata sada bangso di Debata. Ala ni i ingkon si Abraham ma gabe pemimpin
rohani nasida. Ingkon tangkas ma ajaran ni si Abraham sude pinomparna unang
maniru hajahaton ni Sodom - Gomora.
4.
Hamu
angka dongan! Sian i taparsiajari, dipaboa Debata do uhum sidabuonNa ala
hajahaton ni Sodom-Gomora. On ma sitiruonta unang ma holan angka pasupasu ni
Debata tabaritahon tu anakkonta. Di samping ni i, ingkon paboaonta do tong ia
Debatanta i ima Debata Parrimas, na so boi leaan (Gal 6.7), na mamalos sude
hajahaton ni jolma na so olo pauba rohana marguru tu na sinaburna. Si Daud pe,
dipaboa do tu anakna si Salomo, na uhumon ni Debata do angka sialo Debata.
Angka panurirang pe, sai dipaingothon do uhum na ingkon madabu tu angka na
manundali Debata. Si Paulus pe, dipaboa do tu hita angka dosa ni Israel, asa
gabe sipatondit, gabe "tudosan panjora-an", contoh asa unang
tatiru i. Songon i ma hita tu angka pinomparta. Ingkon tangkas do paboaonta tu
pinomparta, asa tangkas diboto nasida, Debata na adil do Debatanta jala Pargogo
na so hatudosan. Ingkon madabu do uhumNa tu hita molo tatundali Jahowa. Asa sude
pinomparta i manghabiari Jahowa, jala satia mangihuthon Tuhan Jesus.
5.
Marhite
turpuk on, di taon transformasi on taingot ma, molo madabu uhum ni Debata tu
bangso manang halak na sai mangalo Debata, sada kesempatan ma i sian Debata tu
hita, asa i tingki na une di hita paboahon tu pinomparta taringot tu Hukum
Tabur Tuai i. Laos kesempatan ma i di hita, asa taajari sude pinomparta, asa
manongtong nasida mardalan di dalan ni Debata, unang olo manundali Debata. Alai, dung dipaboa uhuman na naeng dabuon ni
Debata tu Sodom-Gomora, aha ma reaksi ni si Abraham?. Gabe diondihon si Abraham
do Sodom-Gomora i. Sian unduk dohot serep ni rohana, dipasahat do pangidoanna
mangondihon Sodom-Gomora. Ra, ala adong disi tondongna (keponakanna) keluarga
ni si Lot. On ma doa syafaat na parjolo di Bibelta on. Disi diboto ibana
kehancuran na naeng ro tu Sodom-Gomora, ndang marlas ni roha ibana.
Alai naparjolo diping-kiri, ima Mangondihon (Berdoa Syafaat). Sian on pe, adong
do mutiha na arga siputihanta:
ü
Tiruan
do nabinahen ni si Abraham on asa taihuthon. Molo tabege angka barita na naeng
manang naung masa angka hahansiton tu donganta, hal na parjolo siulaonta ima:
Martangiang mangondihon (berdoa syafaat) nasida. Unang lalap hita holan
mambege, tarlobi holan membahas, apalagi unang lalap menyalahkan, mangalului
hasalaan manang na sala (kambing hitam). Mendengar kabar buruk tentang orang
lain, haruslah kita terima sebagai tugas dari Tuhan untuk berdoa syafaat bagi
mereka. (Adong sahalak Ina mar-cerita: nunga leleng marsahit ibana so boi be
mardalan, holan na di podoman nama. Alai sai manonton TV do ibana (khususna
didok: TVOne dohot Metro TV). Ganup dibege ibana adong hahansiton na masa sian
angka barita disi, pintor hohom do ibana mangalompit tangan martangiang
mangondihon sude halak di na masa i. Boha, sude ma hita nian songon i ate!
ü
Sian
doa syafaat ta i ma taida holong ni rohanta tu sude natinom-pa dohot dongan
jolma. Si Musa pe, sai burju do ibana mangon-dihon Israel i, asa unang diuhum
Debata. Tuhanta Jesus pe, terutama di Johannes 17, berdoa syafaat do
mangondihon hita, nang Tondi Parbadia pe sai diondihon do hita (Rom 8, 26). Ala
ni i ma, sude hita angka na porsea naeng ma membudayakan ngolu na burju ber-Doa
Syafaat, gabe halak na burju martangiang pangondianon. Tabahen ma Tim Doa, na
khusus berdoa syafaat di angka hurianta be.
ü
Jala
taida ma hasilna. Saut do malua si Lot dohot keluargana, asing ni pardihutana
i. Mombun do rimas ni Debata mida Israel dung diondihon si Musa. Doa Syafaat
bukanlah doa yang sia-sia.
5. Hamu angka dongan. Topik ni mingguntta mandok: TANGIANG
MANGIDOHON HALUAON (Doa Memohon Keselamatan). Tauji ma jolo saotik manaringoti
Doa Syafaat (Tangiang Pangondianon): Berdoa syafaat berarti mendoakan orang
lain. Sian hata Inggris: intercession, marlapatan, ia partangiang
pangondianon i ima halak na ro tu jolo ni Debata manggontihon halak
na tinangiang honna i. Kata kuncina, ima: menggantikan posisi orang lain (pa
Kol 1, 9a). Doa svafaat adalah doa yang dinaikkan anak Tuhan untuk kepentingan
orang lain. Berdoa syafaat adalah tindakan rohani vang berkualitas tinggi.
Karena mendoakan orang lain dan sesama saudara seiman adalah hak istimewa yang
diberikas Tuhan kepada setiap orang percaya. Berdoa untuk diri sendiri adalah
hal biasa, tetapi mendoakan orang lain adalah luar biasa. Ai Doa Syafaat ima
tanda holong rohanta tu sude halak. Hanya hati yang dipenuhi Kasih Kristus yang
dengan sukarela berdoa syafaat untuk orang lain. Alai ingkon taingot, berdoa
syafaat bukanlah untuk pamrih, as dipuji. Ala ni i ma, dumenggan do i di na
buni (pat. Mat. 6, 6) Tumagon do unang pola diboto nasida na tatangianghon
nasid Nang pe tutu, adong do sipata gunana dibege nasida tatangiang. honon,
ndada asa dipuji manang dilehon hamauliateonna, alai asa tamba do pos ni rohana
dohot haporseaonna, ala diboto, mansai torop do na mamboan ibana tu jolo ni
Debata. Dan cobalah, ketika kita mau dengan sukarela mendoakan orang yang
membenci kita atau kita benci, rasakanlah, rasa benci dan ingin membalas akan
semakin hilang, dan digantikan dengan kasih. Ai molo taingot dope manangianghon
halak na asing, ma tahaholongi dope nasida.
Alai,
tajaha ma 1 Samuel 12, 23, didok si Samuel: "Ahu pe antong, dao ma i
sian ahu, tung mardosa dompak Jahowa, tung mansohot tumangiangkon hamu".
Gabe halak pardosa do hita hape molo so olo hita berdoa syafaat mangondihon
halak, ate! Ala ni kewajibanta halak Kristen do i hape. Unang adong n
manghalupahon i. Nuaeng ingot ma jolo, molo martangiang ho, ise do na gumodang
ditangianghon ho: Dirim do, manang halak na asing? Tamulai ma maniru si
Abraham, martangiang mangondihon halak na asing. Amen.
