(Doa Memohon Keselamatan)
Mateus 6: 9 – 13
- Huria
ni Tuhanta na hinaholongan, sude do hita hea martangiang songon angka
siihuthon Kristus. Tangiang i songon hosa hangoluan i do i, ndang boi hita
lupa marhosa apalagi martangiang. Ala ditangang do hita jonok tu Debata
jala mandapot hagogoon na imbaru. Andorang turpuk on, molo tajaha di Lukas
11: 1 dipaboa do disi di sada masa martangiang ma Jesus di sada ingana,
dung i sada sian siseanna i marnida Ibana jala mandok; “ajarima hami
martangiang, songon na niajarhon si Johannes tu angka siseanna.”
Hasomalan ni Jesus na martangiang dibaritahon do muse di Markus 1: 36, di
manogotnai, uju buhabuha ijuk, dungo ma Ibana jala lao tu duru. Bongot do
Ibana tu inganan na sepi jala
martangiang ma disi. Ngolu partangiangon ni Jesus na taratur jala mambahen
angka siseanna terkesan marnidasa. Dibagasan tangiang i do jonok Jesus
dohot Debata Ama i, na marhuaso, otoritas, jala sipangidoon ni Jesus di
jangkon Debata marhite tangiang-Na. Topet ma pangidoan ni sada sian sisean
ni Jesus i, “Tuhan ajari ma hami martangiang”. Songon guru manang
di goari rabbi, Jesus ndada holan
mangajarhon hasintongan dohot angka ruhut ruhut partondion, alai na
rumingkot ma muse mangajari angka sisean i martangiang. Jesus ima sada
tiruan manang teladan partangiang jala guru martangiang na terbaik.
Marsiajar ma hita sian Jesus. Songon dia ma tangiang na niajarhon Jesus i
? ima turpukta na sahat tu hita di Mateus 6: 9 – 13 na jotjot di goari
angka huria di negaranta on ima “Tangiang Ale Amanami” (Doa Bapa kami), di angka huria na di
Barat digoari do “Lord’s Prayer” ( Doa Tuhan).
- Huria
ni Tuhanta nahinaholongan andorang turpuk on ima di aya 5 – 8, dipasingot
Jesus do taringot na martangiang na negatif ima;
a) unang songon halak pangansi hamu (Janganlah
berdoa seperti orang munafik) - ay. 5. Na martudutudu ma i mandok halak Parise
dohot angka sintua ni malim ni Jahudi. Martangiang do nasida asa dipuji halak
na badia nasida ima na ginoaran hipokrit (Hipocryt= pemain
sandiwara dengan topeng). Ima pamer martangiang, dipargunahon do mandok Debata
ima holan laho patuduhon diri nasida sandiri. Adong do hasomalan uju i, halak
Jahudi martangiang toluhali sadari, ganup pukul 9 manogot, pukul tolu botari
dohot di bornginna i, marhadomuan tu tingki pameleon pelean siptoongon di
Bagasjoro. Jadi uju mian nasida di tikungan ni dalan manang pasar, isarana topt
di pukul 9 manogotnai, pintor diparangehon nasida ma sikap martangiang, manang
sengaja ma nasida ro muse di pkl 9 dohot
pkl.3 botarina i di Bagasjoro uju ro angka na torop martangiang di Bagasjoro i.
Hape sian nasa roha do martangiang (ay.6). Ndang diorai Jesus nasida
martangiang di hatoropan, alai na diorai ima holan na laho pamer asa dibereng
halak, asa dipuji halak. Jadi ndang na laho pasangaphon Debata alai laho
mambuat hasangapon ni Debata tu dirina.
b) Martangiang marnoninoni (ay.7). Halak na so tumanda Debata di dok di hata
Gorik Etnoi, di hata Inggris didok Gentiles, na marlapatan ima
angka bangso dohot houm si somba debata sileban, ganaganaan na so mananda
Debata songon Ama, jala na so mangantusi sifat-sifat ni Debata; pribadi ni
Debata, hasongkalonNa, asi ni rohaNa. Marnoninoni lapatanna diulakhon didok,
pengulangan na so mararti be. NIV: (= janganlah terus menerus mengoceh). RSV: ‘do
not heap up empty phrases’ (= janganlah menumpuk ungkapan-ungkapan yang
kosong). KJV: ‘use not vain repetitions’ (= janganlah menggunakan
pengulangan yang sia-sia) atau beberapa penafsiran : doa yang
dipanjang-panjangkan (bdk. ay 7: ‘banyaknya kata-kata’. ‘pembicaraan yang tidak
berarti, doa yang isinya kalimat-kalimat yang sama diulang-ulang, padahal
kalimatnya tidak berarti, doa yang hanya dengan bibir / lidah, tetapi tidak
dengan hati. Hata na marnoninoni di tangiangna i ndang be marlapatan, songon
tangiang ni halak sileban do i na dirimpu boi tarwujud manang maralus pangidoanna
i. Isarana tangiang ni sismbomba ganaganaan: Ul.Ap 19:34 – “Alai dung diboto
nasida, halak Jahudi ibana, sada nama soara ni saluhutna, hira dua jom do
lelengna dipanjoujouhon: Balga do Artemis ni halak Epesus”. Dungi contoh na
mangihut sian Padan na Robi 1 Rajaraja 18:25-29 “Dung i didok si Elia ma tu
angka panurirang ni Baal: Pillit hamu ma di hamu sada jonggi jala pauli hamu
parjolo, ai torop do anggo hamu, jala pajoujou hamu ma goar ni debatamuna, alai
unang ampehon hamu api tusi. Dung i dibuat nasida ma jonggi, na nilehonna tu
nasida, jala dipauli nasida lombu i, jala dipajoujou nasida goar ni Baal sian
manogotna i sahat ro di hos ni ari, sai ninna do: O Baal, alusi hami! Hape
ndang adong ro soara manang alus; pola marhajingjang nasida humaliang langgatan
na binahennasida i. Alai dung hos ari, direhe si Elia ma nasida, ninna ma:
Pagogo hamu soaramuna antong manjoujou, ai Debata do ibana tahe! Atek tung
lilian marhusari ibana, manang adong ulaonna na ringkot, manang di pardalanan
ibana, manang tung tarlalap modom, asa ngot ibana. Dung i dipagogo nasida ma
soarana be manjoujou jala dirarihi dagingna marhitehite podang dohot hujur
marningot hasomalannasida, pola sap mudar dagingnasida i. Alai dung salpu hos
ari, sai didatdati nasida do marhatahata sahat ro di tingki pamelehon di pelean
sipanganon, alai ndang adong soara manang alus manang panangihon pe.”
Huria
ni Tuhanta nahinaholongan, Ido alana laho mangatasi na sisongon i, didok ma di
ay.8: “Ipe, unang ma doshon nasida hamu! Ai diboto Amamuna do na ringkot
di hamuna, andorang so mangido dope hamu.” Songon nasida i, ima halak
Parise dohot panomba debata sileban martangiang nasida hira so diboto Debata
roha nasida, ndang tau nasida ia Debata na Mahatau do Debata i. Taingot ma: Ia
tangiang i ndada hasomalan manang ritual alai hubungan baik, ndada hasomalan
alai parsaoran dohot Debata.
3. Huria ni Tuhanta nahinaholongan, ido umbahen dilehon Jesus sada tiruan tu
angka siseanNai taringot tu na martangiang na sintong, jala mandok; “Songon on ma tangiangmuna: Ale
Amanami na di banua ginjang! Sai pinarbadia ma Goarmu!” (ay.9). Hata
“Ale Amanami” /Bapa kami yang di sorga, Bapa sian hata Aram Abba, ima panjouon
na somal di halak Jahudi tu amana. Boi do jouonta Debata songon ‘Ama” siala
Jesus do parhiteanta, asa hita pe boi gabe anakkoNa, ganup na porsea di Ibana,
dilehon do huaso songon anak ni Debata. (Yoh.1:12). Siala Kristus sian ganup
regenerasi dohot mangain hita angka bangso nang houm na so mananda Debata hian
gabe marparsaoran dohot Debata songon ama dohot anak. Marasing do dohot angka
jolma na so manghilalahon tubu paduahalihon alai manjou Debata songon Ama patut
do sisungkunon secara teologis (Gal.4:6). Hata
na ‘Di Banuaginjang’, ndada mangondolhon ‘inganan sian Debata’ alai
mangondolhon ha-Debataon, otoritas, huaso na sian Debata. Mansai andul marasing
sian na asing. Hata “Banuaginjang” ndang
na marlapatan Debatanta i holan na di Banuaginjang (ptds.2 Kronika 6:18
–“Ida ma, gari langit ni langitan ndang tuk mangkamham Ho, baliksa apala
joro na hupauli on.” On ma na holan sada penghormatan. Marhite contoh
tangiang i, naeng patuduhonon ni Jesus angka dia ma impola ni tangiang ni angka
na porsea. Adong ma onom pangidoan dibagasan tangiang, tolu na parjolo
marhahonaan tu habadiaon dohot sangkap ni Debata; na tolu nari ima na
marhahonaan tu na ringkot di parngoluonta airari. Dohot jempek boi dohonon
ndang mandok asa jempek tangiang i taringot na ringkot di hita. Ai Jesus pe
leleng do martangiang parsabornginan uju mamillit angka siseanNa (Luk.6:12).
4. Bagian na parjolo; Jesus mangajarhon tolu pangidoan di hasangapon ni
Debata; disima dipapuji karakter ni Debata, jala dipapatar huasoNa;
a) Sai pinarbadia ma goarMu; Pinarbadia ma goarMu ima ima pangidoan asa
diparbadiai Debata goarNa marhite parangenta nang pambahenanta tu Debata songon
Na Badia, taparbadia do Debata marhite na mangaradoti patik nang hataNa. Gabe hodar
do Debata ala talaosi patik nang hataNa (3 Musa 22: 31-32). Jadi uju
martangiang hita; pinorbadia ma goar-Mu, asa tapangido Debata mambahen angka
patikNa taulahon.
b) Sai ro ma harajaonMu; Lapatanna sada pangidoan tu Debata laho pasingkophon
sejarah dohot pajongjonghon Harajaon-Na di portibi on. (Pangk.5:19). Uju ro
Harajaon ni Debata, disi ma saut lomo ni rohaNa; hatigoran, hasintongan, dame
na sian Tondi Parbadia. Harajaon ni Debata nunga ro marhite haroro ni Jesus tu
portibi on jala na ro ma muse Ibana paduahalihon laho pasingkophon. Na parjolo
i ro Jesus Kristus Raja marhite halode dohot dame jala gok hasesaan, jala na ro
do muse Ibana paduahalihon marhite hoda na bontar dohot podang panguhuman di
ari parpudi i.
c) Sai saut ma lomo ni rohaM; ganup na porsea mangidohon asa sanggup, jala
mampu, boi hita mangaradoti pangidoanNa songon angka pardisurgo i (Psalm 103:
21-21). Jala secara umum pangidoanta do asa angka jolma na di sandok portibi on
mangoloi Tuhan i songon angka pardisurgo i.
Jadi na tolu pangidoan on,
diajarhon Jesus do tu hita boha do laho pasangaphon Debata, ima prioritas na
parjolo, reputasi ni Debata di portibi on, jala Harajaon ni Debata dipaherbang
di sandok portibi on.
- Bagian paduahon; dibagian on boha do hita mangelek, jala mangido tu
Debata taringot haporluonta siganup ari. Adong tolu pangidoan di kebutuhan
dasar ni manisia, ima
a) Ay.11, Sipanganon pardagingon, hasesaan ni dosa, dohot haluaon. Berikanlah
kami pada hari ini makanan kami yg secukupnya, makanan dalam teks Inggris : bread
(roti), makanan pokok orang Yahudi. Di Indonesia nasi. Diajarhon Jesus do tuhita
asa mangolu dibagasan haporseaon ganup ari tu Debata. Isarana uju dilehon
Debata roti manna tu bangso Israel ganup ari di halongonan (2 Musa 16: 13-21).
Nang na pogos manang na mora ingkon martangiang songon on, ia sipanganon na
dipangan i siganup ari marharoroan si Debata, tung na mora sahali pe i, na boi balanjona
manipat sataon, jala marlobilobi jala ndang adong lapatan ni i diadopan ni
Debata molo so martangiang ganup ari marhite pangidoan tu Debata. Unang tadok
ala mamora hita, tung laho mangan pe ndang diingot be martangiang, ai na boi do
sangkidop mata mago hamoraonmi. Angka na manongtong i do haporseaonta na sai
marsigantung tu Debata. Unang ma hita lilu, unang ma hita manengahon diri, gabe
ginjang rohanta, jala gabe pamangus. Tu angka na pogos, sai ringgas ma ibana
mulaulaonna dohot denggan jala sian dalan na patut jala bonar, pos ma rohanta,
sai diparade Tuhanta i do sipanganon siganup ari. Ala ni i unang ma hita
manangko, Poda 30:7-8: “Dua hal aku mohon kepada-Mu, jangan itu Kautolak
sebelum aku mati, yakni Jauhkanlah dari
padaku kecurangan dan kebohongan. Jangan berikan kepadaku kemiskinan atau
kekayaan. Biarkanlah aku menikmati makanan yang menjadi bagianku.”
b) Ay.12 ; Sesa ma dosanami..... pangidoanta hasesaan sian Debata,
ala molo mardosa hita, na mardosa tu Debata do hita ndada tu jolma. Hata ‘hasalaan’
sian hata Inggris tu Junani di dok mai : hutang (debt), songon manisia hita
adong utang moral dohot partondion tu Debata. Saluhut jolma nunga mardosa; Rom
3:23 Ai ndang adong imbar ni i: Tung saluhut do nasida mardosa jala ndang dapot
pujion ni Debata nasida. Dasor ni pengampunan ni Debata tu hita siala
panghaporseaonta di panghophopon ni Jesus na mate di hau pinarsilang laho
manesa dosanta marhite mudarnNa na badia i. Marhite dasor panobusion na sian
Tuhan na so martuhor i, sasintongna hita na porsea i pe olo manesa halak na
marsala tu hita. Sian roha na magopu, jala serep, siganup ari tapangido do
hasesaan ni dosa sian Tuhan i (1 Joh.1:9). Sai tarambat do angka tangiang
pangidoanta molo so denggan dope angka dosanta diadopan ni Debata, tarmasuk ma
i na so olo memaafkan kesalahan ni dongan (Jes.59:1-2).
c) Ay.13; “Unang ma mamboan hami tu pangunjunan....”
. Ia pandohan on ndada pangidoan asa malua sian mara manang dang hona mara,
alai asa unang madabu tubagasan dosa uju mangadopi hasusaan (Jak.1:2-3). Jadi
on ma sada pangidoan asa uang diloas Tuhan i hita mangadopi pangunjunan na boi
mamboan hita madabu tu bagasan dosa. Dipaingot Jesus do angka siseanNa asa
martangiang nasida asa unang madabu tu pangunjunan. Hata Pangunjunan sian Hata
Junani “peirazmos” di hata Inggris didok: tempatation, test, trial,
mencobai untuk mencari kesalahan (taingot ma pangunjunan na niadopan ni Jesus
Mat 4: 1-10). Didok si Bob Utley do: “Diloas Debata do tolu musu ni
hajolmaon ima portibi on, pardagingon dohot sibolis i sandiri, laho patuduhon
dipartikian dohot inganan na tertentu.” Jadi lapatan ni pangidoan on ia: “urupi
ma hami Tuhan asa unang gagal hami dibagasan hamaolon i manang mandok; urupi ma
hami Tuhan asa unang pola paborathu di partondion nami laho manuhuk i sude. Ai
didok do di 1 Korint 10:13 Holan pangunjunan na patut di jolma do naung
mangonai tu hamu. Haposan do Debata, ndang loasonna hamu unjunan lobi sian
gogomuna; Ibana na parohon pangunjunan i, laos Ibana do mambahen hapateanna,
asa tartaon hamu.
- Na parpudi di panutup tangiang manang pangujungi: “Ai hodo
nampuna harajaon... . Ia tangiang on ima tambahan sian tradisini
huria na parjolo laho paujunghon liturgi, memang ndang adong di teks
aslina. Ia tangiang panutup on ima panindangion, paboa na pargogo na so
hatudosan do Debata na boi pasauthon sude na itapangido di tangiang i.
Jala panutup on songon bagabaga laho paposhon rohanta, paboa na olo do
Tuhanta i mangalehon na tapangido. Jala pangujungi tangiang on songon
pujipujian do i tu Debata, paboa parholong roha Ibana na manggomgomi
langit dohot tano on. Songon Tuhanta Jesus i mangidohon jala mangondihon
hita tu Debata Ama i, laos songon i ma hita mangido haluaon sian ragam
hamaolon nang hasusaan sian na martangiang tu Debata Ama i. Haposi ma
Debata Ama i marhitehite Jesus Kristus Sipalua hita. Amen.
