Jamita Epistel Minggu VIII Dung Trinitatis - 10 Agustus 2025

 

Sai Nolnol Do Mata Ni Jahowa Tu Angka Na Manghabiari Ibana

(Mata Tuhan  Tertuju Kepada Mereka Yang Takut  Akan Dia)

Heber 11: 8 – 16

 

1.     Huria ni Tuhanta na hinaholongan dibagasan Jesus Kristus, Ditongos do surat on tu angka na porsea na marserak di asia kecil laho patoguhon haporseaon nasida. Dipapos rohanasida nang rohanta saonari paboa sada dalan na dumenggan laho boi Manahan jala manghamonanghon pangaleleon i ima haporseaon. Jala secara detail ma dilehon defenisi ni haporseaon di ay 1, “Alai anggo haporseaon i, pos n iroha do i di angka sihirimon, jala pamotoan na tontu taringot tun a so niida.” Jala mamungka sian ay.2 dipajojor ma haporseaon ni angka toko-tokoh haporseaon/ iman. I do ala adong manggoari bindu 11 on songon “galeri iman”, ala patuduhon (menggelar) haporseaon na somalin sian angka na porsea na di jolonta. Martujuan do i laho patoguhon haporseaonta ni sude siihuthon Jesus sepanjang abad. Teladan iman ni angka na parjolo i ma na gabe sitiruon di hita asa dibagasan haporseaon hita mangalangka torus tu jolo manustus dalan tu sambulonta i (ay.14). Panghirimon na marharoroan sian haporseaon di sambulo na manongtong i do mambahen hita torus bertahan mangadopi ragam ni sitaonon dohot hamaolon ni ngolu on.

2.     Jala as apos rohanta  manang yakin disi, dilehon ma di hita tiruan, manang model, contoh, patron, ima si Abraham dohot si Sara. Taboto do, digoari do si Abraham on Ompu ni na Porsea. Ibana ma gabe tiruan ni haporseaon. Ala ni i, tauji  ma jolo manunlingkit umbagas asa dapot hita poda sipeopon jala siulahononta sian i:

a)     Haporseaon ni si Abraham tarida, parjolo ima di ay.8; “Hinorhon ni haporseaon do mangoloi si Abraham, dung dijou bungkas tu tano sijaloonna bahen teanteanan; saut do ibana bungkas, so adong diboto sitopotonna.” Ima di nao lo ibana mangoloi parsuruon ni Debata, borhat manadinghon huta hatubuan dohot hagodanganna tu huta sipatuduon ni Debata.

ü  Tardok keluarga na mamapan do keluarga ni si Abraham. Alai olo do ibana manadinghon sude kemapanan na di huta I demi mangeahi huta silehonon ni Debata. Tarlobi, olo do ibana manadinghon “haporseaon na robi: na niteanna sian amongna. Ima sipahusorhusoronta; “boha olo do hita manadinghon angka hasomalan nauju i, na maralo tu Tuhan Debata, tarlobi manadinghon angka adat ni ompunta sijolojolo tubu, holan laho mangoloi Hata ni Debata? Torop Halak na maol manadinghon hasomalan na robi I, dohot angka tradisi kekafiran. Haporseaon I mandok: Ingkon rade manadinghon kemampanan demi mangoloi Hata ni Tuhan. Boasa? Ala marhaporseaon tu Tuhan Jesus. Tarlobi ala adong do sambulo, tanah air na hot (tetap) jala manongtong naung diparade di hita dibagasan Jesus Kristus i.

ü  Ndang diboto dope tu dia. SOngon na “membeli kucing dalam karung’ do ibana. Tetapi Abraham mau melangkah maju. Ima haporseaon, na tarida di haoloon, haunduhon (ketaatan) laho mardalan tu jolo. Boasa ? Ala porsea situtu do ibana tu Debata na marsuru. Panggilan Tuhan seperti ini membutuhkan ketaatan untuk melangkah maju. Disi ma tingkos defenisi ni haporseaon nangkin: “iman adalah dasar dari segala sesuati yang kita harapkan dan bukti dari segala sesuatu yang tidak kita lihat. Iman merupakan wujud nyata dari apa yang tidak dapat dilihat. Ndada holan porsea (believe), alai tung pos do roha ni si Abraham (trust) tu Debata. Ai nang so diida ibana dope, alai nunga adong bukti di Rohana na pasti adong do tano sijaloonna i. Ima ala pos do Rohana di Debat ana marsuru i, paboa aha nanidok ni Debata pasti sintong, ndang hea sala. Haporseaon i mandok: manang aha pe didok Debata, pasti do adong i, jala pasti jaloonku do i, ai Debata do mandok: ala ni i, unduk ma au mangoloi nanidok ni Debata.

ü  Jala rade do si Sara mengihuthon sinondukna i. Tanpa ada perdebatan. Ndang dipangido bukti manang prospek masa depan. Isteri yang setia selalu turut mengimani apa yang diimani suaminya.

b)    Dia ya.9-10: Hinorhon ni haporseaon do ibana hinomit di tano, naung diparbagabaga tu ibana, songon di tano ni na leban; undungundung do diingani raphon si Isak dohot si Jakkob, donganna panean di bagabaga na sasada i. Ai dipaimaima do huta na marojahan na hot, na pinandean jala na pinauli ni Debata.

ü  Olo do ibana gabe orang asing, na jotjot ndang dijangkon, bahkan dimusui. Molo didok Debata hataNa asa borhat nasida, pintor rade do borhat. Disi inganan na imbaru I muse gabe orang asing ibana . Ala ni I ma, diundungundung do nasida tinggal, asa hatop borhat molo disuru Debata. Ndang mengeluh ibana, ala porsea ibana, lehonon ni Debata do tano parpadanan, ima sambulo na ni bagabagahon ni Debata.

ü  Jala nang pe sipata maol ngoluna disi, alai ndang olo ibana sumurut, manang mangido asa mulak tu hutana hian (ay.13-16). Dia terus berjalan ke depan di dalam pengharapan untuk mencari tanah perjanjian yang Tuhan pasti akan berikan. Tusi do ditustus dalanna.

ü  Diondolhon panurat Heber do on, asa songon I ma nang sikapta maradophon pardalanan ni ngolunta di portibi on. Ingkon tangkas do peoponta, parlapelapean, inganan parsatongkinan do portibi on. Tajaha di 2 Korint 5: 1 “Ai on do huboto hami: Di na tanggal bagas parlapelapeannami na sian tano on, adong ma di hami inganan na sian Debata, bagas na so pinauli ni tangan, na mian salelenglelengna di banua ginjang i.” Jala ingkon botoonta do songon nidokna di 2 Korint 5: 4 “Ai tagan di parlapelapean on hami, marhoi do hami jala sorat…” Marhite I  ma disosoi, nang pe adopanta angka parungkilon ala ni haporseaon di Tuhan Jesus, tatiop gomos haporseaonta na mandok: “Ndang on hutangku na hot, alai banuaginjang naung pinarade ni Tuhan Jesus do.” Tusi ma tatustus, unang sumurut tu pudi. Ima mambahen hita bertahan. Ima  mambahen hita Manahan sahat ro diujungna (setia sampai mati - Pangk.2:10).

ü  Alai laos dipaingot hita: di portibi on dope hita. Jala talului do arta, kenikmatan, haulion ni portibi on. Mansai na denggan do I, alai ingot ma, parlapelapean do on. Tadinghononta do i. Unang paloas dirim diihoti i. Manang andigan dijou Tuhanta, rade ma. “Tading do sudena I, diharoroNa i…”

3.     Tarida dope haporseaonna nang di hal na so mungkin (ay.11-12). Dibagabagahon Debata tu si Abraham torop ni pinomparna sagodang ni Bintang di langit, hape soadong dope ditubuhon si Sara dakdanak di ibana, hape nunga saep ladang. Dohot jempek: itu mustahil, tidak mungkin. Alai didok, porsea ma si Abraham. DIjalo ibana do sude janji ni Debata I di haporseaonna. DIdok ibana: Amen. Setuju jala porsea do ibana tu Debata dohot sasude nanidokNa I di ibana, nang pe so masuk akal. Iman itu jauh diatas logika songon na nidokna di ay.1 i. Ala ni haporseaonna I ma, dapot si Abraham do napinangido ni Rohana. Tubuan  anak ma si Sara naung matua i. Karena bagi Allah tidak ada yang mustahil. Dan itu akan terjadi bagi  kita yang mau percaya. Tuhan dapat melakukan apa saja bagi kita, asal kita mau percaya saja. Dan mujizat Tuhan masih terjadi hari ini, dan itu juga diperuntukkan bagi kita yang benar-benar mau percaya kepada Tuhan. Amin.