Epistel: 2 Kronika 9: 1-8
“Mangurupi Dibagasan Haholongan”
========================================================
I.
Patujolo
Parange ni halak na porsea tu Debata ima na sai tongtong jonok marsaor
dohot Debata marhite na martangiang dohot biar mida Debata Jahowa. Halak na
porsea i pe ingkon botoona do laho martangiang laho mangantusi lomo ni roha ni
Debata. Pangalaho i ma na pinatuduhon ni si Salomo; dung monding raja David di
todo ma si Salomo na manggantihon posisina gabe panggomgomi di bangso Israel.
Na parjolo di ulahon si Salomo dung hundul di harajaonna dang jumolo dipature
ibana angka aturan suman tu dipangido rohana, alai jumolo do ibana laho
manangkok tu sada dolok ima dolok Gibeon laho asa mamelehon pelean situtungon
dompak Debata jala lomo roha ni Debata laos didok tu raja Salomo “Pangido ma manang aha silehononku tu ho”
(1 Raja-raja 3:5)
Tarida ma disi na jongjong si Salomo gabe panggomgomi di bangso Israel,
dang na naeng roha hadagingon dibaenna laho manggomgomi di bangso Isarael,
disadari ibana do na pajongjong ibana gabe raja dang jolma alai Debata sambing
do. Jala na dipangido si Salomo dang ginjang ni umur, hamoraon, hosa ni angka
musuna, alai na dipangido si Salomo tu Debata ima roha na tumimbang uhum manang
bisuk na sian Debata do (1 Raja-raja 3: 11-13). Jala on ma na gabe sada
kelebihan si Salomo marimbangkon angka raja na asing. Dibaheni ala pangidoan ni
Salomo i, dilehon Debata do naso pinangidona jala on do na naing pinaandar di
turpuk sadarion.
II.
Hatorangan
Dung simpul patupahon pelean situtungan dompak Debata si Salomo di dolok
Gibeon, pittor adong ma dua borua naso suman pangalahona marsoal alani ianakhon
nasida. Jala di situasi on dipangke si Salomo do bisuk na sian Debata laos
dibaen raja i ma sada haputuson na mansai denggan jala mambaen longang angka
jolma na umbege haputusan i (1 Raja-raja 3: 28). Dungi tarbarita ma habisukon
ni raja Salomo sahat tu bangso Saba alani i, ro do raja boruboru ni bangso i
mandapothon luat Israel laho mamastihon barita naung binege na i.
Ayat 1-2; di na ro raja boruboru ni bangso Saba mandapothon Jerusalem naeng
masiujian huhut do diboan parangan na mansai tongam, unto, hushus na marragam,
sere dohot mata intan.
Dalam Sejarah Ethiopia, adalah penguasa
Syeba, sebuah kerajaan kuno di mana arkeologi modern memperkirakan bahwa
tempatnya sekarang adalah Eritrea, Ethiopia atau Yaman. Nama dirinya tidak
disebutkan dalam teks Alkitab, dalam tradisi Ethiopia ia disebut dengan Makeda
(kemungkinan berarti, "bukan cara ini / bukan demikian"), dan dalam
tradisi Islam namanya adalah Balqis. Nama lain untuknya adalah Nikaule atau
Nicaula. Di dalam Perjanjian Baru tokoh ini juga disebut lagi oleh Yesus, dalam
Matius 12:42, sebagai Ratu dari Selatan. "Pada waktu penghakiman, ratu dari
Selatan itu akan bangkit bersama angkatan ini dan ia akan menghukumnya juga.
Sebab ratu ini datang dari ujung bumi untuk mendengar hikmat Salomo, dan
sesungguhnya yang ada di sini lebih daripada Salomo!"
Laos dipaboa ma na adong na naeng sinungkun raja boru-boru Saba i na
dibagasan rohana dompak Raja Salomo. Alani habisukon ni Raja Salomon dang adong
na buni nanggo sada sian roha ni si Salomo. Lapatanna na sinungkun ni raja
boruboru i tu Raja Salomo boi do dipatorang ibana laos taralusi do sude
sungkun-sungkun nanggo sada pe dang adong na lipe sian na pinatorang ni si
Salomo. Ndang binoto aha do sungkunsungkun ni Raja Boruboru Seba i, atik maol
di rohana mangalugahon bangsona songon panggomgomi ibana. Sai hira study
banding ma on dohononta di jaman nuaeng on, boha do asalam maju ulaon marhite
na olo marsiajar tu luat na dao. Molo jarak tempuh sian Seba-Eitophia tu
Jerusalem 1.600 km, boi hira hira 60 ari pardalanan. Boi do dohonon
rajaboruboru Seba i penasaran di habisuhon ni si Salomo, unang ma gabe barita
hoax, alai tangkas naeng botoonna barita habisuhon ni si Salomo. Jala sude na
sinunhkun boi dialusi si Salomo tangkas. Lapatanna sian ias ni roha dohot
holong ido si Salomo olo mangurupi raja boruboru Seba i.
Ayat 3-6: dung simpul panggomgomi ni na dua luat i manghatai, dina so
porsea raja boru-boru i angka hata naung dibegena sian halak, ido umbahen pola
didapothon raja i luat Jerusalem laho mamastihon barita naung dibegena i. Jala
dung sahat nasida tu luat Jerusalem dang holan di raja Salomo hape habisukon i
dibaen na. Alai tarida do dipangaturon ni raja Salomo tu angka na manamue tamu
suang songoni pangaturon ni parhundulni angka naposo ni Raja Salomo (ay. 4). Na
ingkon do tarida dang holan tu diri sandiri hape angka pasu-pasu ni Tuhan ni
binaen, alai ingkon do manghorhon tu angka humaliang, molo so boi humaliang na
godang pinomat tarida ma i binaen tu angka halak na adong na mangisi bagas i
sandiri. Siala ni ido dang holan hata-hata hape naung binege ni Raja boru-boru
i taringot hapistaran ni raja Salomo, alai sian naung binege nai mangihuthon
naung di dalani raja Saba i huta Jerusalem tangkas do di ida Raja i, dang sahat
dope satonga naung binege nai sian hapistaran ni si Salomo didapotna. Dison ma dibereng Raja Seba i pembuktian
nyata hasil ni habisuhon ni si Salomo i, denggan saluhut parture ni harajaon i
ala nihabisuhon i, boi do i manghorhon na denggan tu harajaon Seba dipudian ni
ari.
Ayat 7-8: Marhite angka fakta naung di ida ni raja
Saba i hapistaran ni si Salomo pola do
manghorhon tu pangatur ni pangisi ni harajaan ni si Salomo tarlongang
situtu do raja Saba i, jala didok raja i do tu angka pangisi harajaan i “martua
ma halak angka parhaladom”. Dison ma hape na didok molo targoar do nampuna
bagas i sahalak na tarpasupasu dang holan nampuna bagas i sonang jala
marlasniroha alai saluhut halak na adong dibagas i ingkon do taruli pasu-pasu
naung didapotna. Dang holan i, marhite naung taruli pasu-pasu ndang jadi hape
baenon gabe dalan laho mamparsangap diri alai molo lomo pe rohani halak na
asing marnidasa ingkon mulak doi tu na mangalehonsa ima Debata. Dihatindanghon
Raja Saba i do saluhut kesuksesan Harajaon ni Israel marhite raja Salomo boi
denggan mardalanala ni pasupasu dohot pangaramotion ni Debata. Dung tarbukti na
binege na i na sai laon, pola do las rohana mameehon angka na arga sian Seba,
molo tajaha ayat na mangihut (ay.9-12).
III. Panimpuli
1.
Marhite turpuk on diajari hita asa unang
termakan barita hoax, porlu do manaliti pembutkian kebenaran sada informasi na
sahat tu hita songon na niula Raja Seba on. Tangkas do dina ro panggomgomi luat
Saba pajumpang dohot Raja Salomo ala adong binegena barita taringot tu
hapistaran ni Raja Salomo, jala naeng mamastihon hasintonganna tutu do manang
daong. Alai diluar jangkauan ni Raja Saba i do hape barita naung binege na i
dung pajumpang. Bahkan longang situtu do raja i dang adong dope satonga barita
na binege nai tanringot tu hapistaran ni si Salomo. Belajar lebih sungguh
seperti Ratu Syeba bahkan kepada orang yang lebih pintar sekalipun sehingga
kita juga membekali diri kita lebih lagi, apakah kita dalam posisi sebagai
pemimpin atau seorang bawahan dalam pekerjaan kita.
2.
Pangalaho Raja Salomo ndang mangholit di
na laho mangajari manang mangalehon hatorangan tu Raja Seba. Marhite i
marsiajar hita, ia angka pasu-pasu na pinasahat ni Debata tu hita ingkon do boi
taruli angka humaliang marhite pasu-pasu i, unang holan dihomol-homol holan tu
diri sandiri. Alana dang boi tardok tarpasupasu halak alai dang tarida dampakna
tu humaliang, jala manghorhon do i tu ginjang ni rohana jala madabu ma tu dosa.
Taboto do ia Raja Salomo tarpasu-pasu marhite pangidoanna tu Debata ima
habisuhon, jala sahat do hata na martua
tu angka naposo ni rajai na marhalado di harajaanna. Nang hita pena marhalado
di bagas joro ni Debata, molo naeng didok martua hita ingkon taloas do nampuna
bagas i mangarajai roha nang pingkiranta asa Ibana na mangaturhon martua hita
na marhalado hasangapon ma di Debata nampuna bagas joro i.
3.
Topik ni minggunta: “Mangurupi Sian Nasa
Roha” Molo manghobasi tontu ingkon ro do sian ias ni roha, tontu songoni do
nang angka naposo ni Raja Salomo manghobasi dina ro tamu ni Raja i. Molo dang
jumpang roha na unduk tontu raja i pe maila jala muruk tu angka parhalado na.
nang hita angka na dilehon Debata laho manghobasi di bagas joro i, panghobasion
ingkon do sian roha na ias jala dang mambuat paruntungan. Alana ingkon do
tagamon pasu-pasu ni Debata dipasahat tu ngolunta marhite panghobasionta
dibagasan holong. Tudos tusi na diurupi Debata do hita marhitehite HolongNa i.
Ai didokdo di Johannes 3:16 Ai songon on do holong ni roha ni
Debata di portibi on, pola do Anakna na sasada i dilehon, asa unang mago ganup
na porsea di Ibana, asa hangoluan na salelenglelengna di ibana. Dilehon Jesus do dirina manobus hita jolma ala ni holongNa tu hita jolma
pardosa on asa unang marmara hita tu hamatean na manonggtong i alai baliksa asa
bongot hita tu hangoluan na so ra suda i. Antong hita angka na porsea di Jesus
Kristus sai tulus ma rohanta marhite holong ni Kristus laho mangurupi angka
donganta na susa, na pogos, na so mardihadiha. Huria ni Debata pe tarjou laho
mangurupi/ berdiakonia sosial papatarhon holong nang Harajaon ni Debata tu
angka ruas ni huria na susa ngoluna dohot tu duru ni huria, asa i ma na gabe
barita na uli. Amen
