Mangulahi
Tubu Di Bagasan Hata ni Debata
Dilahirkan
Kembali Oleh Firman Allah
1 Petrus 1: 17 – 23
A. Patujolo
Ditongos Apostel Petrus do suratna on laho patoguhon
haporseaon ni angka halak Kristen uju i, asa satia nasida marhaporseaon nang pe
mangadopi godang angka abatabat nang hamolon na mansai borat.
Asa naeng ma masihaholongan nasida asa unang madabu tarrobung nasida di pangalaho na manarihon dirina sandiri. Nang pe mian ditongatonga ni pardoason, alai halak na porsea hot ma ibana mamatahon dirina asa mangolu dibagasan habadiaon. Ap.Petrus paingothon, ia Tuhanta i na tajou Ama ndada marnida rupa, manguhumi saluhutna jolma hombar tu parulaonna. Saluhutna halak na porsea ingkon mangadopi paruhuman ndang mardiaimbar. Pengadilan itu terjadi saat Kristus kembali untuk gereja-Nya. Yang menjadi hakimnya adalah Kristus. Dalam penghakiman itu segala sesuatu akan di singkapkan tidak ada yang tersembunyi, baik : watak kita, perkataan kita, Perbuatan baik kita, sikap kita, motivasi kita, kekurangan kasih kita dan pekerjaan dan pelayanan kita. Pendeknya setiap orang percaya akan harus mempertanggungjawabkan kesetiaan dan ketidaksetiaannya kepada Tuhan.
B. Hatorangan
1) Ayat 17 : dipatorang dison ia
parsaoran na rosu sian Debata dohot jolma i songon Ama tu ankhonNa. Ndang adong
parsaoran na jumonok di portibi on ia so holan parsaoran Ama dohot anak, sada
hbungan na mansai kompak, jonok, buha
rohana manjonokhon amana. Ndang pola resmi resmi idaon, manang hubungan na
kaku. Hubungan sisongon i ma na dipatorang dison. Na ro do Debata na gabe
jolma, na laho do Debata laho paluahon angka ianakhonna. Parsaoran ni ama dohot
anak dipatorang si Petrus dison ima parsaoran na tutu situtu dibagasan holong
nang hatigoran. Ama na mangantusi andigan masa pangajarionna jala andigan masa
laho manesa anakhonna. Ama na mangantusi situasi nang hamaolon di parngoluon ni
ankhonna. Ama na songon i ma na sintong mangalehon holong dohot hatigoranna. Ai
didok si Petrus do asa mangolu hita dibagasan biar uju paisolat hita di portibi
on. Lapatan ni biar di son ndada biar songon sahalak panangkko na dilele
polisi, jala muse ndada songon halak na marsala. Biar dison na marlapatan do
biar rohana mambahen jut roha, biar roha atik sala nabinahen manang na niulahon
jala atik ndang lomo roha ni Tuhan i. Marningot tu boha do hangoluonta na
tadalani sitong do gabe halomoan ni roha ni Debata, jala aha do ulaon na
diulahon siganup ari i sintong do naung dihalomohon Debata ?. Manang atik laos
soa hea do ra hita manungkun songon i. Ima na dilapati na mandalni ngolu on
dibagasan biar songon na di dok si Petrus.
2) Ayat 18-20. Ala naung ditobus
Kristus hita. Naung ditobus do hita sian ngolunta na marisuang i, sian ngolu na
so martontu jala so niantusan dompak dia boluson. Ala ni mudar ni Kristus i
namanobus hita, na mansai arga situtu na so targarar manang ise pe (ay.19-20).
Mudar ni Anak niBirubiru ni Debata na so
marlindang, ima mudar na na durus i sian hau pinarsilang i. Mudar na manobus
ngolunta, na manesa dosanta jala na manguba hamatean gabe hangoluan, jala na
manguba hamagoanta gabe hangoluan na manongtong raphon Debata marhitehite mudar
ni Anak ni Birubiru ni Debata ima Tuhanta Jesus Kristus i. Pandohan : “Ndada
binahen ni sere manang perak, angka na olo buruk, umbahen na malua hamu sian
adatmuna na so marniula i, na tineanmuna sian angka amamuna” Lapatanna naung
dilehon Debata do diriNa, naung ditobus hita marhite mudarNa/ngoluna na gabe
silehonlehon na tumimbo lobi sian angka na adong na partimbo di portibi on jala
peleanon ima pelean na dumenggan, ala ni manat ma hita molo naeng manaringoti holong
nang pambahenanNa. Molo pe ro tubu di rohanta sungkunsungkun taringot tu holong
nang asi ni rohaNa uju ro hamaolon di parngoluonta taingot ma naung dipasahat
Tuhanta i na dumenggan tu hita. Ala ni Ibana naung persa hita (ay.21). Boasa
hita dingolu on ingkon biar mida Debata ? siala Ibana na mambahen hita gabe
porsea, naung dipature pikiranta, nang rohanta asa boi mananda denggan Tuhan i.
Ibana ma na pature langkanta asa hot marhaporseaon jala total pasahathon
saluhut ngolunta tu adopanNa. Saluhut ala ni Ibana sambing do.
3) Ayat 21; Haporseaon nang
pangkirimon ima hasadaon na so tarsirang, songon hepeng logam. Dibagasan roha
ni naporsea i adong pangkirimon na luar biasa tu na hinaporseaanna. Uju didok
si Petrus asa biar mida Tuhan i lapatanna dison ima haunduhonta di na laho
mangulahon Hata ni Tuhan i. Haunduhonta di na laho mangulahon hasintongan,
haunduhonta di nalaho patupahon holong na sasintongna. Siala ni i, halak na
marnampunahon haporseaon naeng adong kesadaran nang pangkataion na denggan di
panggulmiton ni ngoluna. Halak na porsea i adong diibana “a good conscience” dohot
adong “a good conversation.” Adong keseimbangan “good conscience” dohot “good
conversation.” Good conscience ima halak na sadar
angka ulaon na denggan jala sintong sian hata ni Tuhan i na niulahonna. Dilehon
do di hita keadaran na luar biasa na sian Debata na mengintervensi, na
paturehon akal pikiranta nang rohanta laho marnida sada hasintongan na
botulbotul adong di Debata asa boi tandaonta dohot denggan Ibana sintong i jala
porsea hita naung dipatigor hita dibagasan Ibana. Dungi asa dijou muse hita
laho marnampunahon “good conversation”. Good conversation ima panghataion
manang pandohan ni sasahalak taringot tu angka na denggan jala sintong na niulana.
Molo nunga sintong kesadaranna i asa angka na hinataanna pe sintong di nasa na
binotona. On ma na nidokna biar mida Debata. Hangoluan na biar mida Debata
mangharingkothon “a good conscience” Jala ndang tarsirang na dua i: “a
good conscience dohot “good conversation”. Dipaingot Ap.Petrus
do ganup halak na porsea i asa marnampunahon “biar ni roha” uju di portibi on
do pe ibana. Hata “paisolat” na mandok ia portibion ima inganan parsatongkinan
(ndada inganan na hot). Songon angka hala “paisolat/menumpang” naeng ma malo manjaga
dirina, songon “paisolat” jotjot do dicurigai, diparrohahon pangalahona, sai
dilului hasalaanna nang hahuhranganna. Di Buku I Petrus 3: 13 didok: “Jala ise do na manjahati hamu, molo
diringkoti hamu na denggan!”
4) Ayat 22-23: dipaingot Ap.Petrus
do saluhut angka na porsea i naung badia ala ni haunduhonna tu hasintongan ni
Debata. Jala tarida sian pambahenanna na manghaholongi donganna jolma sian
bulus ni rohana. Manghaholongi dongan na so marlaok i paingothon hita naung
pinatupa ni Jesus dibagasan ulaonNa, nang pe holan tolu taon alai mansai balga
do panghorhonna tu sandok portibi on. Sian holong Phildelphia (philia-adelphos= kasih persaudaraan) lam tu holongna tu pangalaho holong Agape - holong na sian Debata, hot manghaholongi dongan jolma. Ala ni paingothon hita asa unang mansadi
mangulahon tanggung jawabta laho patuduuhon haholongon i sian hata nang
pambahenan. Asa diulahon ma haholongon i sian ias ni roha, burju ni roha jala
marsitutu asa boi dihilalahon saluhutna jolma. Jala halak na satia mangulahon
haholongon i ima halak naung mangulahi tubu (lahir baru) ndada sian boni na olo
basebasean, alai sian na manongtong do ima sian Hata ni Debata na mian jala na
mangolu di dirinta ganup. Firman Allah (Yesus) yang telah merubah hidup kita
dari yang fana menjadi tidak fana, dari orang berdosa menjadi orang yang tidak
berdosa. Inilah hidup baru di dalam Tuhan Yesus. Maka setiap orang yang sudah dibaharui
wajib menjalankan tanggung jawabnya utama mengasihi sesama, sebab lewat kita
mengasihi sesama buktinya kita mengasihi Tuhan Allah. Mengasih itu lewat
perbuatan nyata
C. Sipahusohusoron
1) Taparungkilhon do asa marngolu na denggan di hasiangan on, alai mansai maol situtu; Sahali madabu, sai taperjuanghon do asa hehe jala mulak jongjong. Halak na kecanduan di narkoba, seks dohot hepeng nang jabatan, sai diperjuangkon do saboiboina asa unang madabu jala tarunjun muse. Adong do na di parhatoban na holan laho manuhori, sai manonton, margame, hape ndang apala ringkot hian, adong muse na haus kekuasaan, jabatan nang flexing (pamer kekayaan dan kemewahan). Taperjuanghon ma ngolu na holan tu Tuhan i, asa taulahon angka ulaonta na positif na dumenggan, na terbaik asa manghorhon na uli na denggan tu dongan jolma.
2) Topik ni minggunta mandok: Mangulahi Tubu Di Bagasan Hata ni Debata; (Dilahirkan Kembali Oleh Firman Allah). Tondi Parbadia ma na mangurupi hita asa margogo jala mampu hita patupahon i. Ala naung tubu sian panobusion ni Kristus do hita asa mamparbuehon ulaon nang parange na imbaru:
a. Marngolu songon sikap Anak ni Debata na biar mida Tuhanta Debata jala gabe sipangoloi di Ibana
b. Mamatahon dirina asa marholong ni roha na sian Debata tu angka dongan jolma (mar-agape) .
c. Mangolu dibagasan haholongon na polin.
Sai hot ma rohanta solhot tu Jesus Sipalua hita i na gok holong i di hita. Niat baik dimulai dari diri sendiri, kalau bukan kita siapa lagi ? asa loas ma Tondi ni Debata mangajari jala mangarajai ngolunta, bekerjasama dengan Roh Tuhan yang mau taat, tunduk dan patuh pada perintahNya. Amen.
Ilustrasi:
PANAKO MANUK BERTOBAT
Adong ma sahalak panako naung tarbarita dihutana. Sai
adong do ganup minggu naung tinangkona manuk sian huta i, ima angka manuk ni
hombar balokna. Jadi disada tingki nunga targorak dirohana asa marhamubaon ni
roha, ala dilele biar rohana jala ndang tenang ngoluna, disangkapi ibana ma manjumpangi pandita laho bertobat.
Panangko : “Horas Amang pandita, ro do ahu naeng ala muba
ma rohankku sian na manangko manuk on......sesa ma dosangku tu Tuhan i...”
Pandita: “Ndang ulaonku laho manesa dosam, holan Tuhan i
do na boi patupahon i.”
Panangko; “Jadi aha ma sibahenonhu tu manuk naung
hutangko on ?”
Pandita : “Paulak hamu ma antong manuk i tu nampunasa.”
Panangko : “Olo do Amang pandita mambuat manuk on?”
Pandita : “Ndang, nunga hudok, paulak ma tu nampunasa.”
Panangko : “Jadi toho do amang pandita ndang olo manjalo
manuk on ?”
Pandita : “Molo sahali hudok NDANG, NDANG ma.”
Panangko : “toho do i ?”
Pandita : IDO
Panangko : “Jadi boha ma molo so olo nampunasa manjalo
manuk on?”
Pandita : “Bah....boan ma mulak manuk i jala parmahani
denggan!”
Panangko : “Mauliate amang pandita.”
Jadi mulak ma panangko i tu jabuna mamboan manuk i, dungi
pandita i pe mulak masuk tu jabuna. Dungi dipareso ibana ma manuk na; hape
nunga MAGO SADA.
