Mamaritahon Huhut Mangulahon
Hata ni Debata
Memberitakan Dan
Melakukan Firman Tuhan
Ev.: Kolose 1: 1 - 14 Ep.:
5 Musa 30 : 11 – 14
a.Dibagasan turpuk on,
ima tabe ni AP.Paulus mamuhai suratna tu huria Kolose dohoht mandok mauliate.
Ima sada ulaon ni halak na porsea sai mandok mauliate. Songon na di endehon di
KJ 450: Hidup kita yang benar haruslahmengucap syuur....Apa artinya hidupmu,
bukanlah ungkapan syukur ?. Mandok mauliate di sude pasupasu na tajalo naung
somal doi tapandokhon tu Tuhan i. Alai dison, AP.Paulus mandok mauliate siala
pasupasu na jinalo ni huria Kolose. Ima tona na parjolo sian turpuk on: Asa
pasidohot hita mandok mauliate molo
dipasupasu Tuhan Debata halak na asing, nang pe i halak na mamusuhi hita, unang
ma gabe marsak manang susa rohanta siala dipasupasu halak na asing i.
b.
Di
ay 2; dipangkulingi AP.Paulus do huria Kolose marhite tabe: “mandapothon angka
na badia na di Kolosse, angka dongan na porsea, na di bagasan Kristus”. Tabe on
laho paingothon huria kolose: Ise do nasida? Marhite na mananda ise dirinta,
asa taboto marpangalaho, nang marparange, mandok sidohononta nang na mangulahon.
Molo ditanda do dirina songon pangajari manang guru, naeng ma marpangalaho
songon pangajari na mendidik, memajukan dohot memotivasi. Molo sahalk pandita
do ibana, naeng ma ditanda dirina sahalak pandita sitiruon diparange, pangalaho
nang dipanghataion (lambok hatana songon na siniraan, ndnag na gabe siburaan).
Molo sintua naeng ma marpangalaho songon sintua na marroha, ringgas mangula
ulaonna songon sintua, ndang manjua alai satia dibagasan bulsu ni roha. Molo
sahalk wakil rakyat, naeng dipatuduhon parange nang pangalaho na mewakili suara
rakyat, na membela hak ni warga masyarakat, na peduli jala perhatian di
penderitaan rakyat ndang na gabe manhorus hepeng ni rakyat manang gabe korupsi.
Laos songon i ma dipaingot Ap.Paulus ruas ni huria Kolose asa mananda dirina
ima angka halak na pinarbadiaan jala pinalua mudar ni Kristus. Nang hita pe
halak na porsea naeng ma mananda dirinta angka naung niasian ni Kristus Jesus
Tuhanta i. Hita angka na porsea na pinarbadiaan jala di papungu asi ni rohaNa
marhitehite Tondi Parbadia gabe punguan ni halak Kristen angka na badia.
Nabadia do hita ndada sian gogo, dagingta, manang sian dirinta sandiri, alai
siala asi dohot holong ni roha ni Debata marhitehite Jesus Kristus i jala
dibasabasahon tu hita Tondi Parbadia i tu ganup hita asa badia. Marhite Tondi
Parbadia i na mangajari jala mandongani hita asa lam togu haporseaonta. Marhite
haporseaon i, naung dipintori Debata hita asa dapotan haluaon hita jala gabe
anakhonNa sitean Harajaon ni Debata. Marhite na mananda dirinta sisongon i, asa
botoonta ma, nang pe diportibi on dope hita, alai ndang sian portibi on hita,
ndang na mangolu tu portibi on hita. Alai dipaojak do hita di portibi on laho
pararathon habadiaon ni Debata marhite panggulmiton ni ngolunta. Tarimangi ma
i, asa sai marsihohot hita manjaga dohot patuduhon habadiaonta di sude aspek ni
ngolunta.
c.Aha do na di
hamauliatehon AP.Paulus sian huria Kolose? On ma na boi gabe sipaihuthononhon,
na gabe sitiruon jala taulahon asa tongtong hita gabe halomoan ni Debata:
1)
Mandok
mauliate do Ap.paulus siala naung umbege haporseaon ni hakal Kristen di Kolose
(ay.4a). Lam togu do hapoprseon nasida, ndang namanonidtnondit. Ganup ari,
haporseon nasida lam patar di parngoluon nasida siganup ari, na bolas mamboan
pasupasu nang las ni roha tu na humaliang nasida. Ido umbahen turpuk on naeng
mangarahon hita laho mamareso dirinta ganup marsada sada: Adong do halak na
marlas ni roha ala mamereng haporseaonmu na lam tang jala togu? Manang
sabalikna, adong halak na mangholsohon haporseaonmu na so tang dope ? Unang ma
haporseonta i gabe mardosdos songon simarunapunap, manang gabe marpengpeng,
manang haporseaon songon sihirput (purti malu). Boasa siala holan halak na tang
haporseaonna do na manean Harajaon ni Debata, ima hangoluan na salelengni
lelengna. Dibagasan suratna tu huria Kolosse on sai jotjot do disosoi Ap.Paulus
asa tongtong haporseaon i marurat jala magodang dibagasan Tuhan Jesus (Kol.2: 6
– 7). Marhite Haporseaon na lam tang jala togu, saluhut angka parange nang
pambahenanta na denggan i boi dihilalahon angka halak na dihumaliangta. Na boi
do hita sitotas nambur na manghorhon na lam umbidang di humaliangta.
Marhitehite haporseaon na lam tang, boi hita mambahen parasingan na roa dohot denggan,
na jat dohot na sintong.
2)
Dihamauliatehon
Ap.Palus do na umbege haholongan nasida (ay.4b). Haporseaon na lam togu tarida
ma sian haholongan na tangkas dibagasan pambahenan nasida. Pangalho haholongon ni
angka n a porsea gabe songon partinandaan na denggan (songon endorse, iklan,,
reklame), asa mambahen tartarik torop halak laho mangihuthon Tuhan Jesus,
tarlumobi boi marsaor denggan dohot hita. Ima na niulahon angka huria na
parjolo. Taingot ma, halak na mananda Tuhan Jesus ndada sian parguruan,
parmingguon, manang sian partangianganta, alai sian pangalaho holong it, sian
pambahenan tu angka na porsea nang tarlumobi tu halak na asing. Tasungkun be ma
dirinta: “tangkas do pe ulaon holongta i songon halak na nihaholongan ni Debata
? (ptd.Joh.3:16).
3)
Mauliate
ni roha Ap.Paulus na patoluhon ima: pangkirimon ni huria Kolosse, ima
pangkirimon nasida di arta na naung
diparade Tuhan i di hita na di surgo i (ay.5). Halak na marpangkirimon sai na
bersemangat do ibana dibagasan parngoluonna, adong semangat laho mangeahi angka
ulaon na imbaru, manahan di angka hamaolon, manahan di angka utiutian ni
sibolis nanag mangadopi angka panaritaan. Pangkirimon i na mambahen hita
margogo mamereng angka na ummuli jala na dumenggan dipudi ni angka hamaolon i.
Ala ni i ma na mambhen hita halak na porsea lam margogo, jala benget, huhut
ringgas mula ulaon dohot manghobasi Tuhan i. Sian dia do ro pangkirimon i ? ima
sian haringgason na tumangihon Hata ni Debata, Hata hasintongan. Lam jotjot
hita manjaha Hata ni Debata dohot pahusorhusorhonsa, pangkirimonta i lam togu.
Unang ma marnaloja hita tumangihon huhut lam malo mangulahon Hata ni Debata
siganup ari.(Psalm 119:105 Hatami do sulusulu ni pathu jala hatiuron di
dalanku.)
4)
Hamauliateon
ni roha Ap.Paulus na paopathon ima: siala Barita na Uli na jinanghon nasida
nunga lam tubu jala mangerbang di sandok portibi on. Ima las ni rohanta asa lam
rarat Barita na uli i di sandok portibi on. Na parjolo, lam rarat Barita na Uli
huhut marparbue di tongatonganta angka na porsea. Dungi lam mangerbang ma tu
humaliangta sian parbue ni haporseaonta tu Tuhan i na boi berengon, dijaha,
manang daion ni halak na so sahaporseaon dohot hita. Parsaoranta dohot
masyarakat na humaliang patubu hatoguon, haholongon, nang pasupasu. Perbuatan
sederhana, perbuatan kecil yang dilandasi dengan kasih terhadap setiap orang di
lingkungan dan dunia apa yang kita geluti akan tidak siasia dan lebih berarti.
Dampak yang baik terjadi dan terbukti dalam relasi yang baik terhadap
lingkungan dan setiap orang. Sejatinya orang percaya akan memperhatikan
tingka-lakunya yang baik dan bercahaya membawa kedamaian dan ketentraman. Buah
Injil tidak jauh dari gerak langkah setiap orang percaya yang menyelamatkan
orang banyak. Hita ma las ni roha ni Tuhan i molo marparbue hita.
d.
Asing
ni angka hamauliateon i, Ap.Paulus martangiang tu huria Kolosse:
1)
Asa
gabe sitiruon ma pangalaho Ap.paulus na manangianghon huria i, jala ndang holan
manangianghon dirina, manang keluarga dohot sisolhotna, alau saluhut halak.
Manangianghon angka jolma n adibumaliangta sada bukti haholongon dohot kepedulianta
tu angka jolma. Asa taihuthon ma Tuhan Jesus jala marguru tu Ibana sian
Johannes 17 martangiang ndanda holan tu angka jolma na di masana alai dohot do
tu angka na naeng sorang dohot angka na porsea.
2)
Nang
pe dihamauliatehon Ap.Paulus di pambahenan ni huria Kolosse, alai diarop
AP.paulus asa huria Kolosse unang holan las rohana diri. Alai dibagasan tangiangna,
dipangido Ap.Paulus asa tongtong nasida martamba lam mangerbang. Asa tajamothon
haporseaonta na lam mangerbang, asa tudos tu Kristus i. Unang holan na las roha
disi, ala naung merasa cukup, torus ma dieahi, ditambortambori haporseaonna i.
3)
Sada
na mansai menarik di hita, dibagasan tangiangna i, diajari Paulus do hita
taringot tu tangiang dia do na naeng sitangianghononta ? molo tajaha di ayat
9-14, sude tangiang nisi Paulus ndang adong na manaringoti tu pardagingon, alai
sude na i manaringoti angka partondion. Dilehon Tuhan i do tu hita angka si
tangiangihononta, dia ma na gumodang ? atik boha na gumodang sitangianghononta
angka pardagingon? Tarimangrimangi ma jolo sadia jotjot ma hita martangiang asa
dipargogoi haporseaonta, asa lam tudos hita songon karakter ni Tuhan Jesus, asa
manahan hita di angka utiutian ni portibi on, asa dipargogoi hita mambaritahon
Barita na Uli i? Diarahon Ap.Paulus do hita, asa gumodangan hita martangiang tu
haporseaonta na lam togu. Boasa ? siala dilehon Tuhan Jesus do tu hita garansi
manang jaminan hombar tu na nidokna di Matius 6: 33 Sai jumolo ma lului hamu
harajaon ni Debata dohot hatigoranna, dung i tambahononna do sude angka ondeng
tu hamuna! Molo nunga mangerbang haporeaonta i lam mangihut ma angka ondeng
ditambahon tu hita.
4)
Alai
dipaingot do molo martangiang hita unang holan na mangidohon tu Tuhan i na
taboto asa mangula Tuhan ta i tu hita: dipasupasu, dilehon hahipason, las ni
roha, nang angka na ringkot di ngolunta. Alai sasintongna, hita ma na
martangiang asa boi jala margogo mangulahon angka kewajibanta songon anak ni
Debata hita laho holan pasonanghon roha ni Debata. Unang ma mansadi hita
martangiang asa lam togu jala lam tang haporseanta nang donganta dibagasan
Jesus Kristus. Angka dia ma i ? ima habisuhon na tau dia do lomo ni roha ni
Debata na ingkon taulahon (ay.9), asa gabe halomoan hita di adopan ni Tuhanta
di sude parulaonta (ay.10), jala boi mamparbuehon parbue ni tondi, haporseaon
na lam mangerbang tu hatauon taringot tu Debata (ay.10b), dipargogoi manuhuk
angka boban pergumulan nang sitaonon dohot benget jala togu (ay.11) jala gabe
halak na sai mandok mauliate (ay.12). Molo naeng tatangianghon do sudena i asa
gabe tu parngoluanta, asa ima sibahen dalan menogunogu hita dohot mendorong
hita laho mangulahonsa. Tuhanta Jesus ma na mandongani hita asa lam malo hita
mangulahon Hata nang patikNa i. Amen.
