Jamita Minggu MISERICORDIAS DOMINI – 1 Mei 2022

“MARHAPOSAN TU JAHOWA MA HAMU”

 

& Ev.Psalm 4: 2 - 9                         & Ep.Pangungkapon 5: 11-14

                                                          

1. Huria ni Tuhanta jotjot do digoari turpuk on “Uju tarlea hasangapon” hombar sian ayat 3 “...sadia leleng on do lea rohamu di hasahalaonki...” Ndang apala na mandok sai guluton hasangapon diibana alai sada panindangion na paboahon parsigulutonna tu dignitas (martabat). Molo hita halak batak tung so boi do gabe lea ngoluna hombar tu na sai disoarahon : Hamoraon, hagabeon, hasangapon. Hamoraon yang berarti memiliki kekayaan atau memiliki banyak harta. Hagabeon yang bisa diartikan memiliki keturunan atau beranak cucu. Hasangapon yang didefinisikan memiliki kehormatan atau kemuliaan bisa diartikan juga memiliki status sosial yang tinggi. Disima dignitas (martabat) ni halak batak, molo so i ndang dipandang manang dibereng halak ibana. Ia manisia na tinompa ni Debata dao sian angka na tinompa na asing. Jolma i marmartabat, alai uju ro angka hamolon nang persoalan disi boi do gabe moru dignitas na. Laos songon i ma parpsalm on na gabe mago hasangaponna, ala ni fitnah. Jala dipaboa do dison taringot tu halak na manghanholongi angka na marisuang jala na sai mangalului gabus; jala dipasahat do i songon gosip tu halak gabe marlea ma goar ni halak na hona hataan i. On ma sada hamaolon na niadopan ni jolma sinuaeng on; ima boha do hita mangadopi reherehe. Di adat hasomalan ni halak purba (timur), mansai dijaga do hahormatan marhite na manjaga dirina, sikapna, nang pangalahona.
2. Huria ni Tuhanta, hombar tu na tarsurat di Bibelta i dung salpu haheheon ni Tuhan Jesus sian hamatean, 40 ari sai marulakloni do Jesus patuduhon diriNa dohot mangajari taringot tu Harajaon ni Debata tu angka siseanNa (apostel), angka parompuan, jala tu lobi 500 halak (Ul.Ap.1:3b; 1 Kor.15: 5 – 9).
3. Hombar tu kalender ni hurianta adong ma 40 ari minggu paskah laho mangarimangrimangi haheheonNa i andorang so  hananekNa i tu Banuaginjang i. Minggu on di goari do Minggu Misericordias Domini na marlapatan : “Gok asi ni roha ni Jahowa do tano on” (Pslm.33:5b). Marhite Jesus Kristus do hagogok asi ni roha ni Debata Ama i na so tardodo manang ise, ima hasisingkop ni asi ni rohaNa tu angka jolma na manarita ala ni dosa. Lukas 6:36 Gabe parasiroha ma hamu, songon Amamuna, Parasiroha i! Ima sosososo ni Tuhan Jesus tu hita asa marasi ni roha hita tu saluhut jolma.
4. Dibagasan turpuk on patuduhon na nialaman ni parpsalm di haporseaonna na marsihohot tongtong di parlinggoman nang haholongon ni Tuhan tu angka jolma na marsitutu manjou dohot martngiang tu Ibana. Parlinggoman nang haholongon ni Tuhan i dilehon tu angka jolma na: marparsaoran na rosu dohot Debata Ama (ay.6,9); angka na sai masihol di panogunoguon jala na sai mauas di Debata Ama i (ay.24,7); jala angka halak  na sai serep rohana (ay.4-6). Ido ala na disok do tong psalmen on sada ende haporseaon siala na tutu do haposan Debata laho mangurupi jala marasiniroha laho mangalehon haluaon tu angka jolma na manarita.
5. Molo panaritaan nang hasosahon na mandondoni hita, asa dipaingot do hita nang pe manghorhon muruk ni roha huhut marungutungut, alai unang ma sahat tu na gabe mardosa (ay.5). Alai dumenggan ma hita mangalusi dohot haholongon jala pangurupionNa i manghorhon pelean na sintong. Jala marsihohot ma hita manghaposi huhaso nang pangurupionNa tu hita (ay.6). Asa sondanghononNa ma hita dohot bohiNa jala mangalehon hita las ni roha bolon asa sian nasida na marlobilobi eme dohot anggur (astuanna angka sinamot nang arta portibi on). Sian sauluhut pambahenan ni Debata na marasi ni roha tu hita, asa Tuhanta i do na mambhen ngolunta gabe demak, sonang jala sinok hita modom lobi sian angka arta na marlobilobi di jolma (ay.7-9).
6. Hamu angka na hinaholongan, na mangolu do hita di tonga ni portibi na naung sega on, na manarita, na tarsosak sian angka ondamondam na asing. Siala ni i songon parpsalm on na sai mamboan sude pergumulanna dibagasan tangiang tu adopan ni Tuhan Debata. Adopanta doo angka na masa kenyataan sinuaeng on na manarita: hapogoson nang na soada be hatigoran; angka pangalaho radikalisme ni ugamo; dohot krisis ekologi (naung sega angka lingkunganta).
7. Naung he a do di dok Jesus di Johannes 16: 33 “Asa mardame hamu di bagasan Ahu, umbahen na huhatahon angka i tu hamu. Haporsuhon do jambarmuna di portibi on; alai pos ma rohamuna: Nunga talu hubahen portibi on.” Pangurupion ni Tuhan topet do ni tingkiNa. “Ida ma, ndada na hurang ganjang tangan ni Jahowa laho mangurupi hamu; jala ndada marhapal pinggolna, so marbinege.” (Jes,59:1) Ala ni i marhaposan tu Jahowa ma hamu.
8. Hita nahinaholongan molo taparrohahon, sai adong dope angka na porsea i na holan goarna ni ktp halak kristen, alai ndang adong haporseaonna. Boasa ? siala mansai torop dope na sai mangasahon artana, hepengna, hapistaranna nang gogona sandiri. Ndada Tuhan i be na rumingkot dibagasan ngoluna. Didok rohannasida molo nunga godang artana naung boi do nasida manuhor na dilomo ni rohana. Sintong do i? Ndang na gabe halak na munafik hita alai kenyataan di hita jolma diharingkothon dope hepeng nang arta i, alai ndang na gabe arta nang hepeng i na rumingkot laho manelesaihon saluhut parsorionta. Boi do dohonon haluaon, las ni roha, hadumaon, nang olopolopta, hahipasonta tuhoron marhite hepeng ? Didok dibagasan Bibelta i: Jeremia 17:5 “Songon on do hata ni Jahowa: Marjea ma baoa na marhaposan tu jolma, manang tu bolon ni botohonna, gabe dipasurut rohana sian Jahowa”. Porsea tu Debata na marlapatan saluhut tapasahat dibagasan tangiang nang pangidoanta tu adopan ni Debata. Ido na niajarhonNa tu hita ; Matius 7: 7 “Pangido hamu ma, sai na lehononna do tu hamu; lului hamu ma, sai na jumpangan do hamu; tuktuhi hamu ma, sai na ungkaponna do di hamu.”
9. Torop do halak na mulana i marhasil do ulaonna alai dipudian ni ari gabe harugian na nidapotna, adong muse halak najolo i ibana mansai burju, alai dung leleng naung moru haburjuonna tu halak. Pangalaho sisongon i boi do ala naung madabu nasida tuu ginjang ni roha, sai na holan mangasahon gogo na sambing, ndang pos rohana di panogunoguon ni Tuhan Debata, jala hurang manghamauliatehon i saluhutna. Gabe torop do holma madabu tu ginjang ni roha ala ni pangkat, jabatan, halobianna, parbinotoanna, angka alealena nang sisolhotna gabe andalanna. Sian naung hea masa di pengalaman mambuktihon; ia angka dongan, aleale pinaribot laos nasida do na mangojabhon ibana jala manegai ulaonna. Laos ditundali do ibana asa gabe gagal. Parbinotoanta tarbatasa jala boi sala manghorhon hasesega di ngolunta. Angka jabatan nang halobionta tarbatas do na boi do i manegai ngolunta. Ido umbahen diapoi jala dipodai Debata hita marhite naposona si Salomo namandok di Poda 3: 5-6  “Marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri. Sai Ibana ma tanda di nasa dalanmu, asa Ibana patigor angka dalanmu.” Songon goar ni Minggunta Misecordias domini na marlapatan Gok asi ni roha ni Jahowa do tano on, tahaposi ma Tuhan Debata jala unang be ganggu rohanta. Naung Hehe Jesus i sian hamtaean i mangelhon bukti tu hita jala paposhon rohanta naung talu hamatean jala dihamonangho hita maralohon sibolis, hamatean nang sude boban ni ngolunta. Amen. 

Jamita Minggu QUASIMODOGENITI - 24 April 2022

“HAMUBAON DIBAGASAN JESUS”

 

& Ev. Ul.Ap. 9:1 – 6                         & Ep.Psalm 37: 34 - 40                                                                 

 

1. Sian najolo Ia hakristenon i sai songon na mamboan biar ni roha do tu angka parhaporseaon na asing . Ndang tarjalo nasida Debata gabe jolma, mansai maralo tu haporseaon ni torop halak. Jala sian turpuk taon tardok do si Saulus pangalele halak Kristen i, gabe si Paulus goarna. Ulaon nasida najolo na manggosagosa halak Kristen, angka sisean ni Jesus, sahalak na gabe korbanna ima si stefanus. Mansai girgir do si Saulus mamunu angka siihuthon Kristus i. Alai ndang adong na boi mangambati ha-Kristenon i. Hamamate ni si Stefanus ndada na gabe patokan asa gabe lam moru panghbasion ni parpunguan ni halak Kristen uju i. Mamsai bidang do hararat ni barita na uli uju i pola sahat tu duru ni Jerusalem. Alai godang do ondamondam na ro tu angka siihuthn Kristus, nang sian parugamo Jahudi nang parugamo na asing sian panggomgomi Rom uju i. Ala adong do dukungan sian angka sintua ni malim ni halak Jahudi gabe las roha ni si Saulus laho manangkupi halak Kristen uju i asa diuhum. Mansai tingkos do na niuahonna i di roha ni si Saulus, ndang adong na sala disi. Alai naung maralo do pambahenan ni si Saulus tu lomo ni roha ni Debata jala gabe parohon uhuman tu dirina sandiri.

B.     Parjumpangan ni si Saulus dohot Tuhan Jesus uju dipardalanan laho tu huta Damsyik, gabe sada pengalaman na mansai arga situtu. Hamubaon ni rohana jala parsitutuonna laho manghobasi Tuhan Jesus siala marbonsir di parjumpanganna na paubahon dirina nang tujuan ni ngoluna. Ndang diantusi si Saulus taringot tu Jesus Kristus na marhuaso. Sungkunsungkun ni si Saulus na so margogo be jala gale mangadopi huaso ni Tuhan Jesus i. Ditanda Jesus do pangalaho nang pambahenan na i na mangalelei halak Kristen jala doshon do i na mangalelei Jesus i na marnampuna Huria i. Dipaingot Jesus do si Saulus asa marhamubaon ni roha. Dipasahat Tuhan Jesus do hasesaan ni dosa tu si Saulus jala diurupi do ibana asa marsiajar tu hata nang patik ni Tuhan i.

C.     Andorang masa “Kristofani” (sian ruhut ni guru ni HaJahudion; angka soara na di langit si martudutudu tu Teofani- hapapatar ni Tuhan Jesus Kristus dibagasan diri ni si Saulus, na laho ma ibana tu Damsyik marhite sangkap na roa laho mangalele halak Kristen jala marhite huaso na di pasahat tu ibana. Alai marbalik ma situasi, dijou ibana do Jesus songon Tuhan, jala na bongot do ibana tu Damsyik jala tung so boi do simalolongna marnida, holan na paimahon hata ni Tuhan i nama ibana, tung soada be botoonnna manang aha.

D.     Sian pengalaman ni si Paulus, mamuha rohana di panjouon ni Tuhan i laho mambaritahon barita na Uli tu angka bangso sipelebegu jala dipillit Tuhan i do ibana laho patupahhon  Ulaon Bolon ni Tuhan i. Hata ni Tuhan tu si Paulus: “Unang ho mabiar, hatahon ma , unang ho mauhom”. (Ul.ap.18:9). Sian pandohan i na patuduhon sangkap ni Tuhan na uli di bagasan ngoluna. Jala totophon si Paulus do rohana laho mamelehon ngoluna tu Barita na Uli i. Hamubaon ni rohana paubahon sintasinta ni ngoluna luhut.

E.      Di na laho manghobasi Tuhan i, ia Ap.Paulus ndang na patujolohon angka ondeng alai karakter, sikap dohot hajolmaonna na gabe tiruan do. Ndang adong na marpangalensem di ibana nang di panghobasionna manang na holan mangahut tu dirina sambing. Alai di rohana boha do ibana laho pasangaphon Kristus i na naung mate humonghop ibana: (Pil.1: 20-22a “Ai i do na huhalungunhon jala huhirim, sandok na so tarila ahu: Tung mardongan nasa hiras ni roha, songon nasailaon, songon i nang nuaeng, marsangap Kristus marhite sian dagingku, mangolu manang mate pe ahu. Ai Kristus do hangoluan di ahu, jala laba nang hamatean. Alai anggo marparbue ulaonki hinorhon ni ngolu ni daging,”). Parjumpangan ni si Saulus dohot Jesus manghorhon sada transformasi di diri ni si Paulus. Sada sian pangalaho hamubaon i na olo do ibana marsaor dohot huria na adong di Damsyik. Ia na uju i sangkapna laho mangalele i angka siihuthon Kristus alai gabe mian dibagasan parsaoran dohot huria i. Ido umbahen adong kecurigaan ni ruas ni huria di parsaorann i. Alai ndang holan di Damsyik alai dohot do di huria Jerusalem na so muramura manjanghon si Saulus. Molo tabandinghon sian ayat 21 tu ayat 26 songon na gabe curiga nasida, ala diboto nasida do si Paulus na sai manggosagosa jala mangalele i nasida, tung boha ma parjadina maruba si Saulus saratus delapan puluh derajat ? pamingkironna dohot pangalahona maruba. Najolo si Saulus na “mangalelei “ Tuhan Jesus, gabe mambuktihon ia Jesus do Tuhan. Pangantusion dohot parsihohotonna na lam magodang. Jala adong do angka siseanna na mangihuthon Kristus jala mambaritahon taringot tu holong. Ala ni i tung so boi do hita langgus rohanta di huaso ni Tuhan i laho paubahon rohanta nang angka donganta manang ise pe boi do paubaon ni Debata rohana. Naeng ma buktihononta holong ni roha ni Debata tu hita, tongtong hita pajumpang dohot Debata marhite haporseaonta. Jala asa marhite parjumpanganta dohot angka dongnta jolma siganup ari adong parsitutuon na berproses gabe mangantusi, manangianghon, jala rap masisesaan dohot manghobasi dibagasan holong ni Tuhan i, hasosogo ni roha gabe manghaholongi.

F.      Ngolu ni halak Kristen sai na mangadopi angka tantangan, jala godang do resiko adopan; sian na maol pajongjong gareja, diskriminasi agama, persekusi angka siihuthon Kristus, diotoi, intoleransi, teror, ancaman nyawa sahat tu na agoan hosa. Alai saluhutna i ndang boi tarpatudos tu holong ni Tuhan Jesus naung mangalehon hosana manobus dosanta nang portibi on. Dilehon Debata do hita kesempatan asa mangolu hombar tu lomo ni rohaNa. Adong do sian hita na manaon na bernit, na hona mara, na manarita ? Molo na taadopi do na sisongon i, ndang pola mabiar nang bobonosan. Huaso ni Debata do na sai rade margogoihon, mangurupi, manogunogu, mangalinggomi hita. Tuhan na marnampunahon hita, jala dipillit do hita gabe siparbarita na uli. Sai di pargogoi Tuhanta ma hita mangulahon lomo ni rohaNa. Amen.

Jamita PASKAH II (Parningotan Ari Haheheon Ni Tuhan Jesus), 18 April 2022

“DEBATA PALUAHON BANGSONA”

 

& Ev. 2 Musa 14: 26 – 31                          & Ep.Roma 6: 3-11                                                                  

 

 

1. Ia turpukta on ima na masa halongangan di Laut Teberau na bola dua bagian. Dipaboa do naposo ni Debata si Musa songon uluan na hindat tungkotna tu atas ni laut, asa gabe mabaor ma aek laut i marhite alogo pur sian purba pahiang laut i gabe tolak ma angka aek i asa boi ma mardalan bangso Israel mamolus tano aek laut Teberau na mahiang i tu saborang gabe malua ma nasida sian soldadu ni halak Misir. Pambahenan ni si Musa dibagasan turpuk on patuduhon Debata na mamillit dohot manotophon jala mangalehon huaso tu angka ganup jolma na mangoloi dohot satia tu panjouonNa. Halongangan i ndada sada kejadian na holan na sian alam alai gabe dalan ni Debata tu bangso Israel asa sadar jala porsea nasida songon bangso na pinillit ni Debata jala ingkon mangihuthon panjouon ni Debata asa marhuaso panjouon i.
2. Diantusi Bangso Israel do na masa di Laut Teberau i sian pangantusion hagogon ni Debata, ala Dipatuduhon Debata do diriNa sian dua cara: ima marhite api na marsijongjong dohot ombun na marsijongjong. Ndang na manghohom Debata uju dibagasan hamaolon bangsoNa i. Dipalua do bangsoa i sian angka parmaraan dohot angka na so tinagam roha hian, sian na so tarpatupa gabe tarpatupa Debata. Astuanna asa diboto bangso Misir ia Debata ni Israel ima Tuhan na mangula dibagasan halongangan mangadopi Misir. Debata na mandopang soldadu ni Misir i asa gabe humasusa nasida jala bangsp Israel marhasil mamolus Laut Teberau i. Laos aek Teberau i do na malononghon soldadu Msiri i. Pambahenan ni Debata i patuduhon bukti ni huasoNa mangadopi angka musuNa jala bukti ni holongNa tu bangso nahinaholonganNa. Ala ni i songon bangso ni Debata, na marguru do hita  sian bangso Israel i na malua ala ni huaso ni Debata sambing. Na mangula do Debata di angka jolma na marsitutu mangulahon Hata nang patikNa. Diajari Debata do hita bangsoNa asa mangantusi dohot sintong huasoNa i na paluahon, asa gabe halongangan doi di pardalanan ni ngolunta, diparumatanggaon, di parkarejoan. Alai di angka na so unduk roha, na sai jogal rohana sai mangalo sai na pasudahon ni Debata do nasida jala disiaphon songon bangso Misir i. Siala ni i ma dipangido Debata hasatiaon laho mangulahon patikNa i sian bangsoNa asa patar huasoNa i di parngoluon ni bangsoNa.
3. Adong ma piga piga hal na boi putihonta songon sipahusorhusoronta:

1. Ia halongangan i na marproses do i. Uju disuru Debata tu si Musa laho manghindat tanganna, nda na satongkin dihindat alai parsadarian asa marhusor alogo i pabaorhon aek laut i. Dunkon tolak aek na i jala mahiang tano i gabe boi boluson ni bangso i. Lapatanna sude do marproses angka halongangan na binahen ni Debata. Molo tadok boha Debata mambahen halongangan asa dipalua hita sian covid-19 on ? tontu proses do i tabereng hurang lobi dua taon portibi on manaon pangontak ni virus i,alai nuaeng lam moru do dampakna. Namangula do Debata di portibi on laho pataluhon virus corona marhite angka ahli medis, para medis, pengusaha, pamarenta, petinggi negara, nang hita asa boi hita mandapot vaksin, kekebalan tubuh, manjaga higienitas, haiason, dohot mamparrohahon dirinta asa unang tertular virus i. Ala nii pasidohot ma hita di na patupa halongangan na sian Debata na gabe pangoloi di hata nang patik ni Debata asa marhasil songon si Musa i.
2. Debat na sai maringan ditongatonganta. Debata ima Immanuel sai adong do di hita, nang pe bangso Israel jotjot manghalupahon hajongjongan ni Debata dohot huasona i; ima marhite api na marsijongjong dohot ombun na marsijongjong mangalinggomi dohot na mandongani nasida as unang mabiar. Laos songon i do nang tu hita uju ro angka parungkilon nang mara di hita uang ma gabe bobonosan jala sai dibagasan biar hita. Sai na rade do Tuhan Debata ditongatonganta, jonok do Ibana di angka na manjoujou goarNa, Ibana na mangaramoti hita asal ma porsea hita jala marpos ni roha di hagogoonNa i.
3. Sai olo mahita marguru sian na masa tu bangso Israel. Jala marhite turpuk on diajari dohita asa tubu haporseaon na lam togu mamolus aek na boi mangalononghon i, alai molo Debata na marhuaso di hita tung boi do bolusonta aek i soada mara. Lpatanna unang ma marpangusandean hita tu pingkiran, rohanta nang gogonta sandiri, tapasahat ma luhutna i tu adopan ni Debata.
4. Naung dipalua Debata do hita sian mara bolon di hita jolma ima sian hamatean na saleleng ni lelengna i. Marhite Paskah na tapestahon paduahalihon on paboahon HAHEHEON NI JESUS manaluhon hamatean, dosa nang sibolis i asa sude hatahutonta i nunga dipatunduk Debata, soada be biar ni rohanta mamolus pardalanan ni ngolunta on nang pe adopanta godang angka hamaolon, angka na bernit nang mara pe holan Jesus do haposan laho manogunogu hita asa lam tau jala burju hita mangulahon Hata nang patikna i. Asa marhite i ma sahat hita tu hangoluan na so ra suda i ima surgo i na pinarade ni Jesus Kristu di hita angka na porsea di Ibana. Marlas ni roha ma hita manjanghon haluaon na pinarade JESUS KRISTUS I. SELAMAT PASKAH II. Amen.

Jamita PASKAH I (Parningotan Ari Haheheon Ni Tuhan Jesus), 17 April 2022

“NUNGA HEHE JESUS I”

 

            & Ev. Lukas 24: 1 – 12                          & Ep. Psalm 103:1 - 5                                                                  

 

1. Huria ni Tuhanta: “Selamat PASKAH ma di hita saluhutna.” Na ro do hita marpungu di bagas joro ni Tuhanta marminggu, marlas ni roha, mamuji Tuhanta ala NUNGA HEHE JESUS. Paskah ima na masa haheheon ni Jesus sian tanoman i, sian hamatean i, disi ma dipatuduhon haluaon (kemerdekaan, pembebasan). Ulaon paskah ima naung diuarihon sian angka ompu ni bangso Israel najolo. Molo di Padan na Robi patupahon ulaon Paskah laho manaringoti habubungkas ni bangso Israel sian Misir (5 Musa 12: 1-20, 43-50; 4 Musa 15:1-16). Molo mamereng sian astuanna, Paskah sian hata pesach, pesakh, passover lapatanna mamolus 5 Musa 12:13,27, martudutudu tu patik ni Debata tu bangso Israel uju nasida di Misir asa didalohon ma mudar ni anak birubiru tu dua tiang parhinsuhinsuan i dohot tu tohang ni angka bagas ni saluhut bangso Israel i. Molo diida Debata i laosanNa ma angka bagas naung ditandai hian sian mara bolon hamamate ni angka anak buhabaju ni jolma nang angka pinahan na adong di luat Misir. Hombar tu patik ni Debata, asa tongtong dipatupa bangso Israel manaringoti bulan Nisan na parjolo, andorang i digoari abib di ari 14on di 3 Musa 23:4; 4 Musa 9:3-5; 28:16 saleleng ualu ari jala marujung di ari pa 21on. Saleleng saminggu i holan manganhon roti na so niasoman.
2. (Ay. 1 – 3) - Di Padan na imbaru Paskah ima martudutudu tu Tuhan Jesus laho paluahon jolma sian dosa, hamatean dohot sibolis i. Tangkas do botoonta haheheon ni Jesus sian na mate di angka buku evangelium. Tarlumobi di evangelium Lukas dibagasan turpukta on dipaboa do taringot tu paskah i na dibuhai marhite na ro angka sisean ni Jesus ima angka parompuan na ro tu tanoman i mamboan angka na hushus. Ima sada tradisi najolo di halak Israel mamboan angka na hushus, di ari patoluhon. Tanoman ni halak Jahudi ditutup dohot batu na nigulinghon jala di hinsu ma i, jala buhaanna do i laho mambahen angka na angur tu bangke na di tanoman i dohot angka miak na hushus.

Jala taingot ma tu bangke ni si Lazarus di Johannes 11. Jala na patupahon i ima angka parompuan, ima partingkian nasida manghaholongi naung jumolo sian nasida huhut ditatangisi bangke i patuduhon holong ni roha nasida. Hape molo nunga ari patoluhon nunga rotak bangke i jala nunga bauon, ala ni i ingkon di hinsu do tanoman i asa unang ro angka binatang. Angka parompuan na ro tu tanoman ni Jesus i ima Maria Magdalena (astuanna sian Magdala), Johana jala Maria inong ni si Jakobus (ay.10). Alai dung sahat di tanoman i, ndang jumpangnasida bangke ni Jesus (kubur itu kosong ! ), ndang adong be disi Jesus. Naung targulang batu ni tanoman i jala ndang dapot nasida be disi bangke ni Jesus.

3. (Ay.4-5) - Alai dibereng nasida ma disi dua parabit na marlinanglinang, sanga do tahutan nasida atik adong barita na so tabo begeon diboan halak i. Alai ndang na marpanungkun angka parompuan i, sai humasusa do rohana holan laho mangalului bangke ni Jesus na di tanoman i huhut undukdunduk simanjujungna. Di pingkiran nasida Jesus na nililitan ni abit i do niluluanan ndang na marlinanglinang i na binereng nasida. Dipangkulingi surusuruan i ma angka parompuan i ala ni pangluluan nasida na soada manang aha jala marisuang: Boasa luluanmuna na mangolu di inganan ni angka na mate? (ay.5b). Dihatindanhon do marhite pandohan i na mangolu do Jesus i songon na nidok ni si Job 19: 25 Ai tangkas do huboto mangolu do Sipangolu ahu, jala Ibana parpudi jongjong di atas orbuk. Ala na mangolu do Ibana jala hita pe pangoluonna do sogot.
4. (Ay.6 - 8) - Dipaingot surusuruan i do taringot tu pandohan ni Jesus sandiri : Ndang dison Ibana: Nunga dipahehe Ibana. Ingot hamu ma na hinatahonna i tu hamu, uju di Galilea i dope Ibana! Ai didok do, ingkon pasahaton Anak ni jolma i tu tangan ni halak pardosa jadi parsilangkononhon, jala mulak mangolu ma Ibana di ari patoluhon. Dang mungkin halupahononna pandohanNa i ala dibereng nasida sandiri do na diparsilanghon Jesus i. Nadua surusuruan i ndang na pasahathon barita na imbaru, alai holan paingothon nasida do taringot na nidok Jesus jala mangajari nasida laho pahusorhusorhon dohot mangulahonsa. Ay.8 - Jala diingot nasida ma hatana i. Parningotan na nidok Jesus ditingki na lehet boi do mangurupi hita laho mangantusi pangaramotion ni Debata tu hita. Teologi ingatan ima na populer nuaengon, jala mansai ringkot do i parrohahononta. Teologi Mengingat (dalam Bahasa Inggris disebut remembrance theology) adalah salah satu bentuk dari Teologi Kristen yang menelaah bagaimana memori atau ingatan-ingatan di dalam otak dapat menjadi sumber manusia untuk berteologi. Teologi Mengingat sering kali digunakan untuk menyelesaikan konflik dan rekonsiliasi. Teologi mengingat na paboahon tung so hea do Tuhanta Debata manghalupahon hita na tinompaNa. Sipata hita jolma do na lupa, ndang marningot,  boi do gabe abtrak, kabur parningotan manang memorinta hinorhon ni hagaleoonta mamereng dohot mangadopi sidangolon, parsahiton, manaon na bernit songon na masa tu angka sisean ni Jesus termasuk ma na di turpuk on angka parompuan i. Dibagasan habot ni roha dope panghilalaan ni angka parompuan na ro tu tanoman i dirohana nang di pingkiranna Jesus  na mate i dope jala gostang di tanoman i. Hape ndang diingot naung disuriranghon haheheonNa i di ari patoluhon. Mansai ringkot do hita marningot Hata ni Debata na sahat tu hita, na tabege jala tatangihon, alai sipata tung so taboto do sude i molo so dohot Tondi Parbadia laho mangajari dohot paingothon hita. Psalm 136:23 Ibana marningot hita di hajimputonta i, ai ro di salelenglelengna do asi ni rohana.
5. (Ay. 9 – 12) - Barita taringot tu Jesus naung hehe i dipaboa ma tu angka apostel i, alai didok do di ayat 11 Hira turiturian do angka hata i di rohanasida jala ndang dihaporseai. Naung lupa do hape nasida di naung didok Jesus i tu nasida uju i. Alai adong do na humalaput marlojong ima si Petrus, jala na jumolo mandao sian adopan ni Guruna i, alai nuaeng gabe marlojongi do ibana tu tanoman i . Ndang adong be na tardok ni roha si Petrus, hohom sambing do ibana mamereng tanoman i, ndang adong na boi sibahenonna. Godang do angka na masa mambahen gabe ndang niantusan manang aha, boi do mambahen longang rohanta, alai sian hata ni Debata naung tangkas doi dipabotohon tu hita na gabe paruntunganta do i molo taantusi hata ni Tuhan Jesus i dohot denggan. Aha do na hinatindanghon angka parompuan i dohot si Petrus ? ima hangoluan i sandiri. Uju tabereng Jesus, tabereng ma disi hangoluan i, ndang hamatean. Uju tabereng hangoluan, naung tabereng do disi Kristus i. Ima lapatan ni haheheon i; sian hamatean tu hangoluan. Naung mate do hamatean i dipamate huaso ni Jesus Kristus i, naung monang do Jesus i manaluhon hamatean i.
6. Angka parompuan na gale i mansai barani situtu do mangadopi hamatean i marhite na sai burju rohana mangihuthon Jesus sahat tu dolok Golgata i, ima na gabe sitindangi hangoluan. Lapatanna, ganup tingki hita mamereng parompuan na gale, asa gabe berengon ni halak ma hangoluan na dipauba.
7. Hangoluan na dibasabasahon Anak ni Jolma naung mate i alai laos dalanna laho manaluhon hamatean i. Nang pe berengon hamatean mansai songir jala ndang margogo hita mangadopi hamatean i, soada panghirimon. Alai dung patoluarihon HANGOLUAN i do na monang. Hamatean i naung mate situtu. Ima Paskah na sasintongna, uju hamatean i ujungna mate do dipataluhon hangoluan i. Dibagasan hamamate ni Jesus, di hophop Debata do hamatean i dibagasan diriNa, dungi talu ma hamatean i jala mamboan hangoluan tu hita jolma. Naneg ma hita tarsunggul di hangoluan di portibi on na gok mara nang panaritaan, mardongan ma hita tu hangoluan unang ma mardongan tu hamatean. Gabe ma hita angka sitindangi ni hangoluan ndada sitindangi hamatean, baritahon ma Jesus na  Hehe i.
8. Setelah para perempuan mendengar berita itu, mereka tersadar. Mereka mulai mengerti mengapa Yesus tidak ada di kubur. Ia telah bangkit. Hati mereka pun berubah. Penginjil Matius bahkan mencatat, “mereka segera pergi dari kubur itu, dengan takut dan dengan sukacita yang besar dan berlari cepat-cepat untuk memberitakannya kepada murid-murid Yesus” (Mat 28:8). Semula mereka ke kubur dengan hati lesu, namun mereka pulang dengan sukacita besar. Semula mereka pergi dengan langkah lemah, namun pulang dengan berlari cepat-cepat. Mereka pergi dengan putus asa, pulang dengan harapan baru. Kebangkitan Yesus telah mengubah kedukaan menjadi kemenangan. Ada kehidupan baru yang hadir dalam diri murid-murid. Hasintongan do Hata ni Debata. Angka surusuruan i pabotohon  angka Hata ni Jesus ima hasintongan. Sihaporseaan, sitiopon jala dihaporseai .
9. Hita na porsea songon angka sisean ni Tuhan Jesus hita, asa marhite haheheon ni Jesus i mamboan transformasi, terobosan ang hamubaon di hita ganup marsadasada nang ditonga ni portibi on. Molo taparrohahon angka barita sipaotooto, angka hoaks, fitnah merajalela di angka media luar negeri nang dalam negeri. Ingkon lam marbisuk jala lam malo ma hita mamboan diri  mangalapati saluhut angka informasi nang angka na masa unang gabe dohot hita dipalilu manang dipalindaklindak portibi on. Godang sipaotootoo laho manegai ngolunta nang haporseaonta. Tung godang do na marlomo ni roha laho manghatindanghon gabus, jala mananom hasintongan dohot hatigoran. Keadilan di sembunyikan, kebohongan digaungkan untuk tujuan segelintir dan kelompok serta golongan manusia. Persaingan politik, ekonomi dan sebagainya bahkan bisa melegalisasi kebusukan, kekotoran statement dan rencana. Kasih manusia semakin tergerus oleh kepentingan dan hasrat duniawi yang dipakai si iblis untuk pelan-pelan menghancurkan masa depan kita, bila kita tidak cermat dan waspada. Asa marhite NUNGA HEHE JESUS i, asa hehe nang hita unang tarpodom maang heheamon. Hehe ma hita angka siihuthon Kristus manjamothon hatigoran dohot hasintongan hombar tu Hata ni Debata. Tabaritahon ma HOLONG ni Debata marhitehite JESUS KRISTUS i. Tadukung ma angka semangat dohot panghirimon nang las ni roha di dongan jolma na manaon parsahiton, hinabernit, marragam sitaononna ala ni dosa i, asa unang be dosa i mangarajai ngoluna alai Kristus Jesus i do.
10. Teologi Salib: Pada salib itu, Allah dinyatakan melalui Yesus sebagai Allah yang manusiawi. Dalam kematian-Nya, Ia membawa persekutuan kasih dengan Allah kepada orang-orang yang menyerahkan semua kesengsaraan mereka kepada suatu harapan dan memberikan masa depan. Yesus yang disalibkan itu menyatakan, Ecce Homo ( lihatlah manusia ini ! ) dan Ecce Deus (lihatlah Allah). Siapa yang hendak mengetahui apa dan siapakah Allah itu, harus memandang Yesus yang disalibkan itu sebagai anak manusia yang disalibkan dan Allah yang disalibkan. Pada salib itu terlukis potret Allah dan manusia yang sesungguhnya. Pernyataan Ecce Homo merupakan kenyataan dari seluruh penolakan manusia dan Ecce Deus sebagai kenyataan dari kasih yang tak terbatas dari Allah. “the Crucified is the miror in which we see God and ourselves.” By.J.Moltman. Yesus yang disebut ‘Anak Manusia’ adalah Dia yang mengidentikkan dirinya dengan kemanusiaan. Anak Manusia adalah Ia yang melihat diri-Nya sendiri berada dalam kumpulan orang-orang berdosa, malang, sakit, cacat, dan sampah masyarakat. Ia mengampuni dosa mereka dan memberi mereka kelegaan. Semua penderitaan manusia dijumpai didalam Anak Manusia yang disalibkan. Melalui Yesus Kristus manusia melihat ‘Allah yang disalibkan’ sebagai manusia yang menderita, tidak memiliki masa depan dan menunjukkan siapakah Allah itu. tanpa penderitaan itu kita tidak dapat berbicara tentang Allah yang mengasihi. Dengan melihat pada Yesus Kristus sebagai ‘Allah yang disalibkan’, manusia melihat suatu sejarah yang dibuka baginya, yang kedalamNya manusia dipimpin kepada masa depan oleh janji Allah. Hal ini berarti bahwa Allah yang mengkomunikasikan diri sebagai ‘Immanuel’, membuat manusia mengalami hidupnya di dalam kasih Allah. Yohanes 3:16 Karena begitu besar kasih Allah akan dunia ini, sehingga Ia telah mengaruniakan Anak-Nya yang tunggal, supaya setiap orang yang percaya kepada-Nya tidak binasa, melainkan beroleh hidup yang kekal. Karena itu, Anak Manusia disebut sebagai “the ‘imposible posibility’ of hope in this world.” Masa depan manusia adalah dalam pengorbanan Yesus di Kayu Salib. SELAMAT PASKAH. Amen.

Jamita ARI HAMAMATE TUHAN JESUS (JUMAT AGUNG), 15 April 2022

“NAPOSO NI DEBATA NA TUMAON NA BERNIT”

 

           & Ev. Jesaya 52: 13 - 15                         & Ep. Heber 4: 14 - 16                                                                  

 

 

a.       Ia turpukta on ima ende ni naposo ni Debata na manaon angka haberniton siala mangulahon parsuruon ni Debata. Ingkon taononna do; na dipatutoru jala direhei andorang so di patimbo jala diparsangapi ibana. Ditaon naposo ni Debata i do habebernit na lobi sian na niae ni jolma, asa pola sahat di na so tinanda halak be ibana ala niposi ni siatononna i. Alai  marhite hinabernit i do ibana marhasil, halongangan bolon do i di saluhut bangso siala habengetonna manaon hinabernit ni portibi on. Ise ma goarna i? Alusna ima Jesus Kristus na pinaboa ni Padan na Imbaru i, holan Jesus Kristus do na manggohi ende ni naposo ni Debata on. Ndang na mangarunta, manang paluahon diri Jesus Kristus i, ndang na mangalo Jesus uju di tangkup manang sahat na di parsilanghon Ibana. Ndang na diboto portibi  on dalan sitaonon na bernit i, holan hamonangan do na di roha ni portibi on. Holan halak na monang i do na diakui portibi on (monang di parporangan, monang di parlombaan, monang di pertandingan, monang di kompetisi aha pe i asa dapot pengakuan dunia nang  portibi on, ai molo talu do so diid portibi on i, angka na gale, na so martaji, na so mardihadiha, na talu di portibi on ndang dibereng, ndang dipasangap. Alai cenderung do portibi on mengagungkan sang pemenang dunia. Mansai las rdo rohanta manonton film na monang anak buahna, songon pahlawan, asa gabe happy ending ma carita ni film i, fenomena sosok pahlawan dalam film2 animasi hollywood sangat digandrungi dan diminati dunia. Demikian halnya anak-anak jaman sekarang yang menggandrungi permainan game, tidak akan mau kalah, kemenangan adalah dambaan setiap orang, bahkan dalam perjudian dan lain sebagainya. Tapi bagaimana dengan SALIB YESUS ? di salib itu ada peristiwa kekalahan yang kita pandang / Hamba Tuhan menderita tak berdaya, Dia lemah dan lunglai. Na ingkon marhamonangan do Ibana (ay.13-15) alai ingkon bolusonna do hinabernit i (Jes.53: 1 -3) tung so tarjalo roha ni portibi on do na masa i. Hape na tinaon ni Tuhan Jesus i sudena (Jes.53: 4-5: Tongon do angka sahitta diusung ibana, jala angka pardangolanta diporsan; alai anggo rohanta mandok: Debata do maminsang, mamungkul dohot pasipal ibana. Hape ala ni pangalaosinta ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala.) Haluaon na pinatupa Jesus Kristus tu hita jolma naung di suriranghon sian najolo marhite angka panurirang, alai ndang diantusi bangso Israel i nang angka siseanna i naung tolu taon mangihuthon Jesus i gabe siseanNa.

b.      Silang, ima tanda haholongon ni Tuhan tu portibi on. Marhite hamamate ni Tuhan Jesus di palua hita. Heber 10: 19-22  Antong, ale angka dongan, adong do di hita hiras ni roha, laho bongot tu bagasan na badia i, di bagasan mudar ni Jesus; ai dibungka do di hita dalan na imbaru jala na mangolu, sian rimberimbe i, i ma dagingna i; jala adong do di hita malim na bolon, sigomgom bagas ni Debata. Dibahen i, tadapothon ma, marroha na sintong, di bagasan hagogok ni haporseaon, dung diurasi rohanta, unang be disolsoli panggora ni roha i hita, jala dung diburi dagingta dohot aek na ias.

c.       Jotjot do angka na tardok marhasil di sude ulaon ujungna angka na uli na denggan do, isarana angka sintasinta naung tercapai, karir na meningkat, angka parlabaan dohot lan na asing. Alai dibagasan turpuk Jesaya 52: 13 – 15, na nidok na marhasil marasing sian pangantusion ni portibi on, ima pangantusion partondion na manaon na bernit do Ibana. Ayat 13, Naposo na marhasil i ima na kontek manarita. Na marhasil Naposo ni Debata astuanna ala na boi do Ibana pasauthon ulaon i dohot denggan jala marhasil. Ala ni keberhasilanNa i, gabe dipasangap do Ibana, dipatimbo alai gabe manghorhon hahohomon di angka raja nang torop halak, ay.14 Ia songon i songgot ni roha ni torop halak mida ibana dibahen hinaroa ni rupana dibahen tandina sian jolma hian, rupana pe maradophon jolma. Umbahen na songon i ala n posi ni na haberniton i na niaeNa i. Panaritaan ni tangkas siala ni hinaroa ni rupana patuduhon naung dibukbahi bohina nang pamatangNa gabe sega rupaNa ndang songon jolma be rupaNa. Panurirangon i di gohi di bagasan Padan na Imbaru marhite silang songon bukti ni panaritaan pisik na niae Jesus Kristus. Panaritaan ima songon keberhasilan ni Naposo ni Debata, panaritaan na mambahen Naposo ni Debata gabe dipatimbo, dipasangap Debata Ama i.

d.      Molo taalami panaritaan siala ni hasalaannta sandiri, ima ala ni pambahenanta sandiri na ingkon aeonta. Alai molo taononta do na bernit siala Tuhan Jesus, porsea ma hita na naung jumolo do Jesus Kristus i mangae dohot mandongani hita mamolus nasa na bernit i. Taingot  ma upa na niparade Debata di HarajaoNa tu angka na porsea ala ni panaritaan siala goarNa.

e.       Jesus do Sintua ni Malim na badia jala na marsangap i, na gok asi ni roha, nang haholongon, na mangantusi hahasintonta, na rade manuhuk panaritaanta. Heber 4:15 Ai naung adong do di hita sintua ni malim na tarbahen dongan mangkilala di angka hagaleonta; tung na tarunjun do Ibana di na saluhut songon hita, alai ndang mardosa.

e.Ala ni i jonok do Ibana manjumpangi hita, asa tarjou do hita angka na porsea pasolhothon dirinta, ngolunta, pikiranta, nang rohanta tu Ibana Heber 4: 16 Antong, marhiras ni roha ma hita mandapothon habangsa parasiasian, asa tajalo talup ni roha, jala asa dapot asi ni roha hita bahen pangurupion, di tingki halehetanna.

f.       Hajongjongan ni Kristus songon Malim Bolon, na marsangap, gabe dasor ni haporseaonta laho majumpangi habangsaNa na badia i. Molo so marhite Jesus i, tung so boi do hita sahat manjumpangi Ama i ala naung mardosa do hita. Parhiteanta ima Malim Bolon i, adong ma habaranionta laho mamasuhi inganan na badia i ala ni mudar ni Tuhan Jesus i. Tung jotjot do hita hurang manghamauliatehon dohot mangargahon sitaonon ni Tuhan Jesus i, mansai arga do i jala badia. Sai jotjot do tabahen lomo ni rohanta mandalani ari ari ni ngolunta, hurang mandok mauliate di asi ni rohaNa i. Asa tongtong ma hita satia, marsihohot di asi ni roha ni Tuhata Jesus, rade jala dibagasan holongta tu Ibana mangulahon lomo ni rohaNa.

g.       Untuk meraih sukses dan kemuliaan kita harus berjuang dan bekerja keras. Tiada hasil tanpa penderitaan; No Pain No Gain. Perjuangan kita untuk memperoleh Mahkota Kehidupan melalui berbagai hal yang sulit dan penuh kemelut (Pangk.2:10c Sai burju ma ho rasirasa mate; dung i lehononku ma tu ho tumpal hangoluan i!). Biarlah kita sertakan kuasa Tuhan Yesus Kristus agar kita menjadi pemenang seperti Yesus Anak Yang Sulung dan kitalah yang mengikuti jejakNya sehingga kita meraih keberhasilan dunia dan sorga. Tuhan Yesus memberkati. Selamat JUMAT AGUNG.

ACARA PARPUNGUAN NA HOHOM DI ARI PARNINGOTAN DI HAMAMATE NI TUHAN JESUS Jumat, 15 April 2022

1.      Tangiang Na Hohom

 

2.      MARENDE BE. 76: 1 + 3  SADA NAMA SANGKAP BL.199

v  Sada nama sangkap ni rohangku di sandok portibi on.

Ndang tagamon na so las rohangku, molo jumpang au inon.

Naeng ma sai ingoton ni rohangku, na binaen ni Jesus tu   tondingku. Uju pinorsanNa i, saluhutna dosangki.

 

v  Jesusku sai paingot ahu Di dosangku di basaM

Ai andorang di na holom ahu Dipalambas Ho rohaM

Nunga leleng dilului Ho do Au na lilu asa unang mago

Ditaon Ho na bernit i Lao manobus tondingki

 

3.      VOTUM – INTRO – TANGIANG

Marhitehite Goar ni Debata Ama dohot goar ni AnakNa Tuhan Jesus Kristus dohot goar ni Tondi Porbadia. Amen!

Na tama do Birubiru naung tarbunu i manjalo hagogoon hot hamoraon dohot hapistaran dohot sahala dohot hamauliaon hasangapon dohot pujipujian, Amen!

Martangiang ma hita : Ale Amanami jala Debatanami: Parasiroha na sumurung do Ho di sude jolma manisia. Nunga dilehon Ho AnakMu, Tuhan Jesus Kristus Tuhannami, manaon haleaon dohot siak ni bagi, pola mate tarsilang, asa malua hami sian gomgoman ni sibolis. Sai parrohai ma hami mamingkiri panaonon ni AnakMu, asa maruli hami marhite sian i di hasesaan ni dosa dohot di haluaon sian hamatean paduahalihon, asa dapot hami hangoluan salelenglelengna marhitehite Tuhan Jesus Kristus Tuhannami, Anak haholongan ni rohaM. Amen.

 

4.      MARENDE BE. 83: 1  NA LAO DO BIRUBIRU I     BL.214.

v  Na lao do Birubiru i Mamorsan angka dosa

Ni nasa hajolmaon i Di benget ni rohana

Diporsan do sahitta i Di lehon do DiriNa i

Tu tangan ni pamunu Ditaoni do na bernit i

Ro di na tos hosaNa i Didok : Naeng porsanonku.

 

5.      NARASI 1:  Jesaya 53: 1 – 7

53:1  Tung ise ma nuaeng porsea di jamitanami? Jala  tangan ni Jahowa, tung ise ma naung tumandasa?

53:2 Ai simbur do ibana tubu  songon tumbur di adopan ni bohina, jala songon tunas sian tano na mahiang. Ndang adong hinauli ni rupana manang hamuliaonna; ia huida hami ibana, ndang adong rupana umbahen sihalomohononhon ibana.

53:3  Dileai jala dipasiding jolma do ibana, baoa na somal mangae pardangolan dohot sahit ibana, pola  ditabunihon halak bohina maradophon ibana, dibahen leana, jadi ndang pola hurajumi hami ibana.

53:4 Tongon do angka sahitta  diusung ibana, jala angka pardangolanta diporsan; alai anggo rohanta mandok:  Debata do maminsang, mamungkul dohot pasipal ibana.

53:5 Hape ala ni pangalaosinta ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala.

53:6 Luhut do hita  lilu songon birubiru,  ganup masitondong dalanna be, alai hajahaton ni hita sudena  dihonahon Jahowa tu ibana.

53:7 Dipasipal pe ibana, sai manaonnaon do anggo ibana, ndang manang mangkuling pamanganna, songon birubiru do ibana na tinogu tu pamotongan, jala songon anak ni birubiru na hohom maradophon jolma sigusting ibana, tung na so dibungka do pamanganna.

 

6.      MARENDE BE. 718: 1   Hubege Jesus manjou

v  Hubege Jesus manjou hubege Jesus manjou

Sipalua au manjou porsan silang ihuthon ma Au.

Sai ihuthononku Jesus sai ihuthononku Jesus,

Sai ihuthononku Jesus. Huihuthon Jesus Tuhanki.

 

7.      NARASI 2:

Dung i dipasahat nasida ma Jesus tu nasida asa diparsilangkon. Jadi laos Jesus sandiri do mamorsan hau pinorsilang i. Jadi laho manogihon Ibana, disuru nasida ma sahalak, si Simon sian Kirene goarna, ro sian ladangna; tu ibana ma dipaporsanhon hau pinarsilang i, paihutihut Jesus. Mangihuthon Ibana torop halak nang angka boruboru na manangisi jala mangandungi Ibana.

Jadi didompakhon Jesus ma nasida, ninna ma: Hamu angka boru Jerusalem, unang ma Ahu tangisi hamu, dirimuna dohot anakkonmuna ma!

Ai na ro ma angka ari sogot, dohononna ma disi:

Martua ma angka na hol, angka ina na so dung tubutubuan jala na so dung panarusan!

Disi ma pungkaon ni halak mandok tu angka dolok: Tinggangi ma hami! Dohot tu angka tor: Huphupi hami!

Ai molo songon i pambahennasida tu hau na rata, aha ma tagamon masa tu hau naung masak?

 

8.                  MARENDE BE. 76: 4 SADA NAMA SANGKAP   BL.199

v  Gok di Ho ma au ale Tuhanku Jala Ho ma jambarhi

Dok ma amen rongkom ma goarMu, Tu bagasan rohangki       Lomo ni rohaM ma sungkunonku, Di sude na naeng lahononku Olo i ma padanki Tu Ho Jesus Tuhanki

 

9.      NARASI 3:

Alai ditogihon dope dua halak nari, parjahat, sipamateon rap dohot Ibana. Asa dung sahat nasida tu dolokdolok na margoar Golgatha, lapatanna partangkurahan, diparsilangkon ma Ibana disi rap dohot angka parjahat i, na sada tu siamunNa, na sada nari tu hambirangNa. Jadi didok Jesus ma: Ale Amang! Marpamuatima rohaM mida nasida, ai ndang diboto nasida na binahennasida i.

Alai disurat si Latus ma sada boaboa, dipalohot ma i tu hau i. On do hatana: Jesus halak Nasaret, raja ni Jahudi!

Jadi torop ma Jahudi na manjaha boaboa i, ai jonok tu huta i do pamajalan ni Jesus, jala tarsurat do i di hata Heber, di hata Rom dohot di hata Gorik.

Dung i didok sintua ni angka Jahudi ma tu si Latus: Unang surati: Raja ni Jahudi; alai na nidokna i ma nian: Ahu do raja ni Jahudi! Dung i dialusi si Latus ma: Na husurat i, naung sinurat do i!

Asa dung diparsilangkon angka soldadu Ibana, dibuat nasida ma angka abitNa, diparopat ma i, di ganup soldadu sabagian be, dungkon ni sampesampeNa. Anggo sampesampe i ndang marpanjaruman, na tinonun sambing do i. Gabe masipandohan ma nasida: Unang ma taribahi on, martondung ma hita taringot tu si, manang di ise i. Jadi jumpang ma surat i na mandok: dibagi nasida do abithu, tondung di dibahen taringot tu sampesampengku.

 

10. MARENDE BE. 78: 1 O Ulu Na Sap Mudar

v O ulu na sap mudar Binaen ni bugangMi

Na sian jangarjangar Sisungsang duri i

      O ulu hatongamon Hian do tumpalMi

      Ditaon Ho haleaon Ho naeng sombaonki?

 

11. NARASI 4:

Ala dilealeai angka na mamolus i Ibana, angka dipaelengeleng uluna mandok: E ho, na magalohai joro i, jala pajongjongkonsa di bagasan tolu ari!  Palua dirim!  Molo na tutu Ho anak ni Debata: mijur ma Ho sian hau pinorsilang i!

Suman tusi do pangaleai ni angka sintua ni malim, siboto surat dohot sintua ni bangso i, ai di dok be: Ia na asing dipalua, dirina so tarpaluasa. Raja ni Israel do Ibana. Antong mijur ma Ibana sian hau pinorsilang i, asa porsea hami di Ibana! Naung dihaposi Debata, antong, ima paluahon Ibana nuaeng, molo na lomo rohana, ai ninna do: Anak ni Debata do Ahu!

Laos songon i pangaleai i panamun i, na rap diparsilangkon dohot Ibana. Ai ndada Kristus i Ho? Palua ma dirim nang hami antong!

Alai dialusi donganna ibana dipinsang ma, ninna ma: Ndang dihabiari ho hape Debata, atik pe rap hona uhum hita? Uhum na tigor do na tu hita, ai tajalo do upa ni pambahenanta; alai anggo Ibana, dang adong diula na so ture. Laos ninna ma: O Jesus, ingot ahu, ia dung sahat Ho tu harajaonMi!

Gabe ninna Jesus ma mandok ibana: “Situtu do na hudok on tu ho: Sadari on do ho rap dohot Ahu di Paradaiso!”

 

12. MARENDE BE. 179: 1   ADONG DO SADA MUAL     BL.20

v  Adong do sada mual i, di na mardosa i

               Mansai denggan do mual i pasonang rohangki

 

13. NARASI 5:

Dung i jongjong ma di lambung ni Jesus na di hau pinarsilang i, inana dohot paribanna dohot si Maria ni si Kleopas dohot si Maria Magdalena. Anggo Jesus dung diida, disi inana i dohot sisean haholongan ni rohaNa di lambungNa, didok ma tu inanai: “Ndi ma, Inang Anakmi!” Dung i didok ma tu sisean i: “Ndi ma, inangmi!” Jadi olat ni i ma dijangkon sisean i ibana tu jabuna.

 

14.   MARENDE BE. 78: 3 O' ULU NA SAP MUDAR BL. 158

v Au on tama o Tuhan, manaon na tinaonMi.

Dosangku do diporsan Ho na tarsilang i

               Sai tatap ale Tuhan, au na dijoloMon.

              Huhut sai patuduhon, basaM tu rohangkon.

 

15. NARASI 6:

Alai olat ni hos ni ari ro di pukul tolu holom ma sandok  tano on. Alai tar di pungkul tolu dipangiar Jesus ma soarana, dianggukhon ma: “Eli, Eli, lama sabachtani, Ale Debangku, Debatangku, boasa tung tadingkononmu Ahu?”  Alai umbege i, ninna na deba sian angka na jongjong disi: Na manjou si Elias do i.

Jadi  dung diboto Jesus, naung marujung saluhutna, asa jumpang na tarsurat i, ninna ma: “Mauas Ahu!” Jadi adong ma di si isian ni tuak na asom i, jadi dibutongi nasida ma limut tu bagasan tuak na asom,  dipalohot ma i tu sada tolong laho manurdukhon tu pamanganna.

Jadi dung dijalo Jesus na asom i, ninna ma: “Nunga marujung”.

Dung i mangulahi marsoara na gogo ma Jesus, ninna ma: “Amang tu bagasan tanganMu ma hupasahat tondingKu!”   Jadi dung didok songoni, dipaunduk ma uluna, tos ma hosana.

Tapahohom ma rohanta jala martangiang be ma dibagasan rohanta   (Diiringi Musik BE.No.335 : 1 )

..........(Manghuling giringgiring 7 hali marholangholang)...................

 

16.   MARENDE BE. 78: 7    O' ULU NA SAP MUDAR BL. 158

v Di na tadingkononku Sude di tano on

Disi ale Tuhanku Dapothon ma au on

             Di na ponjot rohangku manostos hosangki

             Sai jangkon ma tondingku marhite mudarMi

 

17. NARASI 7:

Jadi ida ma, laos di na satongkin i maribak ma hirehire na di bagas joro i sian ginjang ro di toru. Dung i humuntal ma tano, marigat ma dohot angka batu mamak. Mungkap ma dohot angka tanoman, dung i hehe ma daging ni torop na badia angka na modom disi, gabe ruar sian tanoman i. Ro do nasida tu huta na badia i pataridahon nasida tu torop halak. Alai dung diida induk ni soldadu i rap dohot angka donganna na jumaga Jesus i, lalo i rodi angka na masa i, mabiar situtu ma nasida, ninna ma: Tutu do on Anak ni Debata! Jadi sude na torop i, na marluhut mainondur, masitompuk andorana marnida na masa i, laos mulak ma.

 

18. MARENDE BE. 84: 1  AUT NA GINORGA TU ROHANGKU BL.195

v Aut na ginorga tu rohangku, bohiM di na lao mate Ho

Aut na huingot o Tuhanku, tongtong pangkophopMi di au

Ai Ho do paluahon ahu, dosangku do pinorsanMi

Didaoni Ho parsahitonku, martua au binahen ni i.

 

19. NARASI 8:

Alai adong ma disi torop boruboru, na manatapnatap mandaodao, ima angka naung mangihuthon Jesus sian Galilea, paturehon Ibana. Jadi ala tongon ari parhobasan ni pesta na balga, naeng ma unang di hau pinarsilang angka bangke di ari Sabat i; alani dipangido angka Jahudi ma tu si Latus, asa disuru na mangarosak haehae nasida jala dipaijur. Gabe ro ma angka soldadu i, dirosak ma haehae ni naparjolo i songon i do donganna na rap tarsilang dohot Jesus.

Alai dung sahat nasida tu Jesus, diida ma naung sanga mate Ibana, gabe ndang dirosak be haehaena. Alai ditullangkon sada sian angka soldadu i ma mundimundina tu andora ni Jesus; manigor puas ma sian i mudar mardongan aek.

Na marnidasa i do na manghatindangkon i, jala sintong do na hinatindangkonna i. Ibana do umboto sintong ni na niidana i asa anggiat dohot hamu porsea. Ai na masa do i, asa jumpang na tarsurat i na mandok: ndang jadi ponggolon holiholiNa!

 

20. MARENDE BE. 449: 1 Sai solhot tu silangMi. Logu. 300

v Sai solhot tu silangMi, Jesus Ingananku.

Mual na mabaor disi, I ma I nu mon ku

SilangMi, Tuhanki I ma pujionku,

Paima sogot sahat au, I endehononku,

 

21. NARASI 9:

Jadi dung bot ari, di ari parhobasan i, i ma patujolo ni ari Sabat, ro ma si Josep sian Arimatia, na masuk rapot godang, halak na sangap na maimaima di harajaon ni Debata; dipatomos ma rohana laho bongot tu jolo ni si Latus mangido bangke ni Jesus. Jadi longang rohani si Latus, ala naung mate. Gabe dijou ma letnan i, disungkun manang naung leleng mate. Asa dung ditangkasi i sian letnan i, dipasahat ma bangke i tu si Josep. Jadi dituhor si Josep ma dagangan, dipaijur ma Ibana.

Alai ro ma nang si Nikodemus, ima naung ro manopot Jesus borngin-borngin najolo, diboan ma mir na marsaor aloe”, arga saratus hati. Dung i dibuat nasida ma bangke ni Jesus, dibaluti ma tu dagangan rap dohot na hushus i, mangihuthon adat pananomon ni Jahudi.

Alai adong ma mardonokkon hapajalanNa i sada porlak, jala dibagasan porlak i sada tanoman na imbaru, na so dung hapeahan ni manang ise dope. Asa tusi nama dipeakkon nasida Jesus, siala ari parhobasan ni Jahudi, ai jonok do tanoman i. Dung i digulang ma batu bolon tu baba ni tanoman i, dung i laho ma nasida. Alai mangihut do angka parompuan, naung mandongani Ibana ro sian luat Galilea; dibereng nasida do tanoman i ro di parpeak ni bangke i. Dung i mulak ma nasida paturehon angka na hushus ro di miak mir. Jadi manipat ari Sabat i, so nasida mangihuthon patik i.

 

22.   MARENDE BE 334: 3 NASA JOLMA INGKON MATE BL. 186

v Jesus Kristus nunga mate Ala ni mangolu au

     Singkop tua diparade I pe las rohangku lao

     Manadingkon pardagangan Mandapothon hasonangan

     Mandapothon Jesuski Ai malungun au tusi.

 

23. NARASI 10:

Alai torang arina i, na mangihut tu ari parhobasan i, marluhut ma angka sintua ni malim ro di parise tu jolo ni si Latus, angka ninna ma: Huingot hami, Tuannami, naung didok pangansi i, di na mangolu dope Ibana: Na hehe ma Ahu di ari patoluhon! Antong dokkon ma manjaga tanoman i sahat ro di ari patoluhon, asa unang ro angka siseanna manangko Ibana sian na mate; gabe rumoa maon, sipaotooto parpudi sian na parjolo i. Jadi didok si Latus ma tu nasida: Togihon hamu parjaga i! Laho ma hamu mangaramoti tanoman i, dipajagahon, huhut ma disahapi batu i.

 

24. MARENDE BE 412: 1   Ndi di dolok adui. BL. 387

v Ndi di dolok adui silang ni Tuhan I,

Sap mudar, sap tijur do i.

      Jesus mate disi asa malum dibaen

      Sude angka gondok roha i.

      Dibaen i, tung holong rohangki

      Mida silang di Golgata  i

      Hupa solhot diringku tusi.

      Dompak surgo pardalanan ki.

 

25. PANUTUP: Tangiang Ale amanami + Pasupasu