Nunga Denggan Saluhutna Dibahen
Jesus
(Yesus Menjadikan
Segala-Galanya Baik)
{Psalmen 125 : 1 – 5
1) Huria nahinaholongan dibagasan
Jesus Kristus, Ia psalmen on ima ende na diendehon bangso Israel dihananakok
nasida tu Jerusalem. Songon i ma ulina na mardalan tur do nasida huhut marendei
jala mamereng dompak dolok Sion na togu jala tongam. Htongamon ni dolok
Sion manggombarhon angka na porsea tu Tuhan (125:1). Digombarhon do Sion i di
Psalmen songon “Huta ni Debatanta” jala inganan nampuna ni Debata. Maringan di
dolok na timbo, jala huta i digoari “las ni roha sandok portibi on” jala
“Hasisingkop ni haulion” (Pslm.48; 50:2). Huta i ma na naeng pajongjongon ni
Debata ro disalelengnilelengna” (Pslm.48:4-8). Sian gombaran i, boi ma dohonon
ia Sion i do inganan ni Harajaon ni Kristus di portibi on saleleng ni saribu
taon (Pangk.12:5; 20:4-6; Pslm.69:35). Sion ima inganan na paboahon “.......ai
disi do diparbaga Jahowa pasupasu, hangoluan sahat ro di salelenglelengna.”
(Pslm.133:3), boi ma dohonon Sion ima songon Jerusalem di partondion na
manongtong di ari sogot (Jes.28:16; 33:20). “Jadi mulak ma sogot halak angka na
pinalua ni Jahowa, jala mariaia ro tu Sion; jala halalas ni roha
salelenglelengna di atas ulunasida, dapotan hilas dohot las ni roha nasida,
alai maporus ma anggo arsak dohot hoihoi” (Jes.35:10). Ala ni i angka endeende
nasida i do na gabe bohal hagogoon nasida jala sekaligus pangajaran tu bangso
Israel, ia angka na porsea i ndang tarhutur jala hot maringan saleleng ni
lelengna. Hagogoon ni halak na porsea i pe ndada marharoroan sian dirina
sandiri alai sian Tuhan na manjaga dohot na patohon ibana.
2) Ayat 2; Gombaran on paingothon
hita, ia huta Jerusalem na mansai torop dihaliangi angka dolok, disima Dolok
Zaitun, Dolok Sion, dohot Dolok Moria. Sian ayat on mangalehon gombaran tu
hita, songon Kota Jerusalem na dihaliangi angka dolok humaliangna, laos songon
i ma angka na porsea i dihaliangi Tuhan i. Sahalak parjamita na tarbarita ima
Charles H.Spurgeon na sian Inggris di abad 19 hon, mamereng ayat on songon
perlindungan ganda di angka na porsea. Nasida ndada holan na togu jala ndang
munggiunggil alai demak situtu do siala dihaliangi Tuhan i. Jala parlinggomanNa
i ndang temporer alai hot do manongtong ro di salelengnilelengna. Laos songon i
ma angka bangso ni Debata na manghuphupi bangsoNa, manjaga tondinta sahat ro di
salelengni lelengna. Jadi molo ro parsorion i, angka hamaolon i sai tatap ma tu
dolok i songon n a pinaboa ni parpsalmen on. Na rade do Debata mangalehon
pangkirimon na togu dohot holong na manongtong.
3) Ay.3; dison diajari do hita sian
pangalaho ni halak parjahat tu halak na porsea ndang manongtong so
marhaujungan. Lapatanna, parlinggoman ni Tuhan i ndang maniaphon panaritaan
manang pandelean na tinaon ni halak partigor, alai Tuhan i na manggotaphon
hagogoon dohot huaso ni halak parjahat i. Tuhan ima Debata na tigor jala na mangampini
angka na marsihohot porsea di Ibana. Hagogoon nang huaso ni parjahat, angka na
so porsea tu Tuhan, angka siula hajahaton, dang manahan jala gira ma malengse
jala suda ngoluna. Hagogoonna satongkin i do siala Tuhan i do na manaluhon.
Ndang pasombuon ni Tuhan i angka parjahat i marhamonangan maradophon angka
halak partigor na gabe bangsoNa. Ndang pasombuon ni Tuhan i angka parjahat sai
torus manggosa jala manggulut las ni rohan ni angka na porsea i, angka na
marhaposan di Tuhan i dibagasan ngoluna. Sai Tuhanta i do na mangampini angka
na porsea i di Ibana, hot di integritas jala ndang tarunjun rohana tu hajahaton
na samonis pe metmetna.
4) Aya.4-5; ima tangiang ni
parpsalmen asa mangula Tuhan i laho patigorhon hasintonganNa. Ibana manjalo
Tuhan i asa mangulahon hasintongan tu angka na burju roha jala na serep marroha
laho mandopang angka parjahat. Ala ni i sasintongna, tangiang on ima respon ni
parpsalmen tu hatigoran dohot hasatiaon ni Tuhan i. Jadi dasor ni tangiangna ima
di padan dohot parange ni Tuhan i. Tangiang ndada holan parhataan, alai dohot
do nang pambahenan. Pembuktian ni tangiang jotjot do i ala rup mangula dohot
asi ni roha ni Tuhan i dohot pambahenanta. Marisuang do tangiang i molo holan
asa malua hita sian parmaraan, alai sai lomo dope rohanta mangulahon na so lomo
ni rohaNa, manang sai kompromi dope tu angka bahaya. Sai martangiang ma hita
mangidohon tu Tuhan i hagogoon i laho mangadopi angka parjahat. Jala tatangianghon
angka siula hatigoran i pinargogoan ni Tuhan i laho memperjuangkan kebenaran
nang di negaranta on, mansai torop do siula hajahaton jala mangalo hatigoran. Apakah
Anda sudah tekun berdoa memohon perlindungan TUHAN bagi umat-Nya? Berdoa haruslah menjadi hal
terpenting dalam kehidupan kita lebih dari segala pekerjaan apa pun. Sebab
segala pekerjaan yang ada di dunia ini sifatnya hanya sementara saja, sedangkan
berdoa adalah suatu pekerjaan yang berdampak kekekalan. Hidup tanpa doa ibarat rumah tidak
bertiang! Dapatkah sebuah rumah berdiri
tegak bila tidak ada tiang yang mendukungnya?
Mustahil!
5) Topik ni Mingguntaima; Nunga
Denggan Saluhutna Dibahen Jesus
(Yesus Menjadikan Segala-Galanya Baik).
Dibagasan Jesus do hasongan dohot hamonanganta. Nunga dipatundunk Jesus Kristus
i habiaranta sian hajahaton sian angka parjahat, sian sibolis, sian haholomon
dohot sian hamatean i. Hamonangan marhite haheheon ni Tuhan Jesus sada
pembuktian di angka na porsea asa unang humordit jala munggilunggil alai
tongtong marsihohot di hasintongan nang hatigoranNa i. Songon angka na porsea
na marroha dihaposi jala di haporseai do Tuhan i marhite na mangaradoti patik
nang Hata ni Debata.
