Jamita Evangelium Minggu XVIII D.Trinitatis – 29 September 2024

Pangurupion Di Hita Di Bagasan Goar Ni Jahowa       

 (Pertolongan Kita Adalah Dalam Nama Tuhan)

Psalmen 124: 1 – 8  

 

a)      Huria nahinaholongan dibagasan Jesus Kristus, sude do hita jolma pasti adong do masalahna, ise ma na mangaku na soada masalahna dibagasan ngoluna ? Jala jotjot do molo dibagasan parsorion i sai tatagam do pangurupion dohot panogunoguon sian Tuhanta. Siala, holan marhite panoguonNa do na taharingkothon asa mampu hita mangadopi ragam masalah nang parsoalan ni ngolunta jala ndada lari sian i.

b)     Marhite trupuk on na marsiajar do hita sian pengalaman si Daud na hea mangalami angka hamaolon, hasosahan dibagasan ngoluna. Ibana ma na gabe parpsalemn dibagasan turpuk on. On ma endena ende hananangkok  raja Daud (nyanyian ziarah Daud) uju mangadopi hasosahan jala dipangungian do ibana hatiha i (dalam pelarian). Jala taboto do na tama do si Daud di adopan ni Tuhan i. Daud ima anak sianggian ni amana si Isai sian ualu na marhahamaranggi. Dihaposoonna, dipabangkit raja Saul do ibana na gabe siboan sinjatana. Jala hea do ibana manaluhon si Goliat, jolma na bolon sian Palistin. Tu dia pe suruon ni si Saul si Daud laho marporang, sai marhasil do si Daud, jala las do roha ni bangso Israel marnidasa jala mangolopolophon ibana jala lomo do roha ni nasida. Laos ima mambahen gabe mangiburu si Saul marnidasa jala tubu sangkap na roa laho mamunu si Daud. Dibagasan pelarian do si Daud na nilele si Saul ibana, dibagasan hasusaan laos disi do ro Tuhan i mangurupi ibana. Asa ndang gabe holosoan be si Daud alai marpangkirimon na togu tu Tuhan i na tuk mangurupi ibana.

c)      Parpsalmen Daud mangajari hita; ia angka na di ginjang ni tano on ndang malua sian ragam ni persoalan hidup. Parsualon na niadopan parpsalmen i ima tekanan dohot sogo ni roha sian humaliangna. Na boi masa do sisongon i dibagasan ngolunta. Sai adong na manusai ngolunta, na sai mambahen masalah, asing sian keluarga, dongan parkarejoan, dongan sahuta, sahuria nang didia pe. Na pasti ndang sai manghorhon las ni roha angka jolma na dilambungta, boi do siboan sogo ni roha, mambahen arsak nang hasusaan. Ndang boi arophononta halak sai mambahen las rohanta. Boi do suami manang istri sai mambahen susa roha nang pingkiranta, boi do ianakhon di sikap nang pangalahona mambahen susa natora nang halak. Laos boi do dongan saulaon, dongan sapunguan na so bolas mamboan las ni roha di iba sandiri. Na pasti ndang sai las ni roha na ro, i do umbahen sai tatangianghon do di tangiang hatopanta i mandok:  “.....sai lehon ma dihami sipanganon nami sipari..” (di Hata Indonesia didok: “berilah kami makanan kami yang secukupnya....). Lapatanna ndang holan sipanganon pardagingon alai dohot do asa dilehon Tuhanta i situasi dohot kondisi sadari i na denggan, lancar sude urusan, jala boi jumpangan angka jolma na mamboan las ni roha, unang ma nian mamboan arsak, partuktuhan nang hamaolon di dirinta sadari i. Nang pe nian songon udan na so hasaongan ninna halak kita Batak, sai adong do masalah i na mamborati ngolunta, na so panagaman ni roha hasusaan sai ro mangintip hita, atik maol di parkarejoan, di parsiajaran, dijabatan, dipangulaan, ala ni sahit panahit na dipaboa turpuk epistelta i. Asa na nidok, tung sonson pe hasusaan i, sai tongtong mahita marhaposan tu Tuhan Debata. Molo so Debata na mandongani jala mangaramoti sai humasusa do ngolunta.

d)     Perkara ni jaman nuang amang-inang ima na mangasahon diri, hagogon, hapistaran, hamoraon nang jabatanna laho asa malua sian hasusaan i. Boi sonang rohanta mampargunahon na di portibi on, alai satongkin do i holan na pasombu tagasta, alai panghorhonna boi gabe awet masalahna, ndang marhaujungan. Asa marujung angka parsorion i sai pangasahon ma Tuhanta Jesus. Songon topik ni minggunta on na mandok: Pangurupion Di Hita Di Bagasan Goar NJahowa  (Pertolongan Kita Adalah Dalam Nama Tuhan). Walaupun hari  ini kita belum melihat pertolongan Tuhan jangan berhenti untuk berdoa serta berharap pada Tuhan. Sebab Dia tidak pernah terlambat untuk menolong kita. PertolonganNya selalu datang tepat pada waktuNya. Songon ende ni si Nikita: “janjiMu S’perti Fajar Pagi Hari”. Artina laos songon i ma pangurupion ni Tuhanta i sai na urupanNa do hombar tu tingkina. Ala ni iadong pigapiga hal na ingkon tioponta di nalaho manjalo pangurupion ni Tuhanta i:

ü  Togu marhaporseaon. Lapatannda ndang ragu be hita mangido tu Tuhanta i ala naung tatanda Ibana Pargogo na so hatudosan, pardenggan basa dohot angka istilah ni Bibelta i sai tabege jala taingot do i. Ala ni ndang adong be keraguan. Adong haporseaon na togu sai torus ma mangula haporseaonna i di Tuhan Jesus, songon si Jairus dohot parompuan na marsahit i, ala naung dihaposi nasida do Jesus boi pamalum sahit i. Lobi sian i tahe, na boi do paheheonNa na mate gabe mangolu boru ni si Jairus i. Sedangkan hamatean pe ndang boi talu ditangan ni Tuhan i, dipatunduk jala sorop ni hamatean i lamma angka persoalannta na asing ?

ü  Martangiang: on ma sada ciri ni halak na marhaporseaon. Sai sigop do ibana martangiang mangidohon pangurupion ni Tuhan Jesus. Martangiang do dalannta paboahon nasa parsorionta nang holso, nang arsa, dohot na paboahon hagaleonta. Martangiang paboa na butuh do hita Sipalua i asa dipalua hita sian hasusaan on, sian hamaolon on. Sai tajugulhon ma martangiang, disi ma pasahathonta pangidoanta dohot manangihon pangidona ni Tuhan i asa marhite Tondi Parbadia mangurupi hita mandok sipangidoanta, jala ngolunta berpadanan dohot lomo ni roha ni Tuhan i.

ü  Taulahon ma tangiangta i jala tangianta i ma taulahon. Angka na marhaporseaon ndang lalap holan mangido jala martangiang alai pos do rohana ditangiangna i. Ala ni i tongtong ma ibana mangula ulaonna jala Tuhan i pe mangula ulaoNa. Ndang tarulahon hita ulaon ni Tuhan i molo so Tuhanta i na mangurupi. “Percayalah kepada TUHAN dengan segenap hatimu, dan janganlah bersandar kepada pengertianmu sendiri. Akuilah Dia dalam segala lakumu, maka Ia akan meluruskan jalanmu.” (Amsal 3:5-6) Kehidupan modern seperti sekarang ini seringkali memaksa kita untuk berusaha dengan kekuatan dan pikiran kita sendiri. Tetapi yang terjadi, justru muncul ketakutan, kegelisahan dan permasalahan mental dalam kehidupan manusia.  Tetaplah nantikan pertolongan Tuhan, karena orang yang menantikan Tuhan akan mendapatkan kekuatan yang baru. Maka itu menjalani hidup ini jangan pernah mundur, tetaplah maju, hadapi setiap masalah bersama Tuhan, Dia pasti akan memberikan kemenangan. Amin.

Jamita Epistel Minggu XVIII D.Trinitatis – 29 September 2024

Pangurupion DI Hita Di Bagasan Goar NJahowa       

 (Pertolongan Kita Adalah Dalam Nama Tuhan)

Markus 9: 38 – 50

Huria nahinaholongan dibagasan Jesus Kristus dong dua na masa digurithon dibagasan turpukta on, ima:

1)     Naparjolo, manaringoti sikap ni halak n aporsea maradophon halak na di duru ni huria (ay.38-41). Diida si Jhannes adong halak na pabalihon angka sibolis mamangke goar ni Tuhan Jesus, hape so targoar dope nasida sisean ni Jesus (ra lapatanna; ndang masuk tu horong inti ni angka halak naung mangihuthon Jesus), jala di paboa ma i tu Jesus. Ra uli do nian di roha ni si Johannes on, so tung adong halak na enyalahgunakan manang memalsukan goar ni Jesus. Ala i boi do i ala perasaan iri (mangiburu disi); ai boasa ia halak na so margoar sisean boi pabalihon sibolis hape nasida na mansai jonok (hata nuaeng ring satu) tu Jesus jojot gagal pabalihon sibolis. Boi do ala alasan na asing,, ra ala goar ni Jesus i hira “monopoli” ni angka sisean ni Jesus do; angka na diduru ndang boi mamangke goar i. Alai diorai Jesus do si Johannes dohot siseanNa i. Didok Jesis do: “ Ndang oraan muna ibana nian! Ai ndang tagamon insahan ni halak Ahu, dung jolo diuluhon hagogoon marhitehte goarHu. AI pandongani do di hita, na so mangalo hita. Boi do gabe kontroversi alus on. Alai on ma alus na mansai tegas taringot tu sikap toleransi ni hita na porsea, na ingkon tangkas parsiajaran jala ulahononta. Tarlobi hita di Indonesia na mangolu rap dohot parugamo na asing. Di zaman ni Jesus dihaporseai do molo marsahit sasahalak, ala na sinonggopan ni sibolis do i. Na boi pabalihon i holan sada goar na umbalga na pinangke ni halak nangkin, ima goar ni Jesus, na diboto ibana umbalga jala na so taralo huhut hinabiaran ni sibolis. Alai diorai si Johannes ala so targoar dope sisean ni Jesus.

2)     Alai didok Jesus, ndang adong halak na mamangke goar ni Jesus na gabe aloNa. Molo adong halak mamangke goar ni Jesus, manang ise pe i, pasti dongan ni Jesus do i, pandonganinta/ dipihak kita. Ala ni i, ndang oraanta. Ingkon botoonta do, ndang boi oraanta angka ulaon na denggan na mamangke goar ni Jesus. Unang adong pikiran di hita mandok: ndang adong wewenang nasida”, manang mandok: “holan hami do na boi patupahon i”.  Ai lomo ni Tuhanta Jesus do mangalehon huasoNa i tu manang ise pe. Ingkon serep do rohanta manjangkon ulaon na denggan pinatupa ni manang ise pe, asal ma mangasahon goar ni Tuhan Jesus, jala asal ma i mamboan hadengganon tu huria ni Debata, tu kepentingan bersama (1 Kor 12: 7), jala na tau pauliulihon huria ni Debata ( 1 Kor.14:12). Alai, molo adong na patupa tanda halongangan lahomangahut hasangapon (popularitas) tu dirina sandiri, situlahon do i, sian sibolis do i, nang pe targoar ibana sisean ni Tuhan Jesus.

3)     Huria ni Tuhanta, marhite on ma diajari Jesus hita asa bersikap toleran tu angka halak na asing, na so sahaporseaon manang so sahuria dohot hita. Ai Tuhan Jesus pe, mansai marlambas ni roha (toleran; alai ndada na gabe menyetujui) do tu jolma pardosa. Di Luk 6:35 On ma tahe: Haholongi hamu ma musumuna bahen hamu ma na denggan jala pasali hamu ma, di na so hirim rohamuna di balosna; balga ma upamuna, gabe angka anak ni Natumimbul i ma hamu, ai basa do Ibana di na tois marroha jala di na jahat.

3)Alai tutu dohononta do, holan di sikap maradophon halak na asing do hita bpoi bertoleransi. Ianggo di haporseaon, tung so boi do, ingkon polin do haporseaonta. Jala hita pe, ndang boi bersikap netral tu Jesus, ingkon hibul do dirinta manghaporseai Ibana. I do lapatann niMat.12: 30. Alai maradophon halak na asing, ingkon marlambas ni roha do hita. Jala na rumingkot, kita bertoleransi kepada orang lain hany akarena kita memandangnya dengan mata kasih. Laho patangkashon i didok Jesus ma di ayat.41 Na painumhon aek santahu tu hamu di bagasan Goarhu, ala Kristus nampuna hamu; ndang na mago upa ni i. Lapatanna, ndnag pola ingkon marhite ulaon na balga, songon na pabalihon sibolis, asa boi tardok hita gabe sisean ni Jesus. Jangan pernah berfikir bahwa hanya pemberian atau karya yang mercusuar atau yang monumental yang bermanfaat bagi orang lain dan disenangi Tuhan. Boi do marhite ulaon na metmet situtu. Molo tapaihut Mateus 25, holan patupa “sentuhan persahabatan” na metmet tu halak na asing pe, asal ma ala ni goar ni Tuhan Jesus. Holan senyum ta pe talehon tu halak, na haruar sian las ni roha ala Jesus mangingani rohanta, boi do i mambahen malum sahit manang gabe las ni roha na marsak. Marupa na balga do hita sian Debata ala ni i.

4)     Ayat 42-50; marisihon pangajarion ni Tuhan Jesus tu hita taringot tu sikapta maradophon dirinta, ima taringot tu ringkotna mangarajai dirinta sandiri. Sada na diondolhon Tuhan Jesus ima: unang gabe pargasipan manang panggasipi hita. Manggasipi, menyesatkan ( diHata Gorik didok: skandalizo-skandalon), na marlapatan; mambahen jaring, jorat (perangkap) disi. Jonok ma i tu na manaon sambil. Lapatanna, unang adong sian dirinta (pamatang, roha pikiran, pancaindra, panghataion) na mambahen halak gabe tartuktuk, gabe madabu tu dosa, manang gabe mandao sian Tuhan Jesus. Dijamothon hita tarlobi di dua bidang:

Ø  Boi do i martudutudu tu angka dakdanak, na metmet pamatangna, poso rohana. Tu nasida, angka natorasna dohot angka na tumua sian ibana do gabe tiruan, siihuthonon (ndang dao tubis sian bonana, ninna natuatua). Alai, molo gabe madabu dakdanak i tu dosa ala marnida manang maniru ni pangalaho ni natorasna (dohot angka na tumua i), nunga gabe partuktuhan nasida disi tu dakdanak i. Molo gabe parmabuk, parjuji, parselingkuh, parmurukmuruk, parhata barangsi anakhon i ala maniru natorasna, nunga partuktuhan natoras i di nasida.

Ø  Alai boi do i martudutudu tu angka halak na gale haporseaonna (ptd. 1 Kor.10). Contohna: di angka naungmatoras haporseaonna, molo didok, ia Bibelta i godang do i marisihon “dongeng, mitos”, tarjalosa do i. Alai molo hudok i tu halak na imbaru dope gabe Kristen, boi do i gabe mandele ibana mambage i, laos ditinggalhon haKristenon i. Nunga gabe partuktuhan au tu halak i ala ni i.

Jala didok Tuhan Jesus dison, angka na gabe partuktuhan tu na metmet on, “dengganan ma digantungkon losung batu tu rungkungna, laho mangalononghon ibana tu laut”. Lapatanna, ingkon diuhum berat. Mansai dokdok do uhum molo mardosa hita, alai andul umborat dope uhum tu hita molo mardosa hita, alai andul umborat dope uhum tu hita molo gabe mardosa, tartuktuk, manang targasip halak ala ni hita. Ala ni i, ganup taula sada ulaon, manang tahatahon sada hata, tangkas tapingkiri, aha panghorhon ni i tu halak (ndada holan tu ahu).

5) Jagahon dirim tarlobi pamatangmu asa unang gabe pargasipan di ho. Koras do sipaingot ni Jesus di ay.43-48 on. Tasadari manang tanpa tasadari, boi do ulaon (binahen ni tangan), pangalangka (niula ni pat), dohot  pamerengta (niula ni mata) mambahen hita manang halak na asing madabu tu dosa. Ndang dihalomohon Tuhanta i, ai gabe so sahat hita tu haluaon ala ni i. Molo gabe tubu pingkiran na roa tu diri ni sasahalak marnida bajubajunta na hurang sopan, nunga gabe partuktuhan hita disi.

Alai, tung dihalomohon do asa sahat hhita tu haluaon i. Ala ni i, adong ma siradotanta:

ü  Ia tujuan ni ngolunta ima Banuaginjang. Ala ni i asa sahat tusi ingkon rade do hita mengkorbankan sude hagiot ni dagingta. Hea do ra tabege masa lao di Cina, tarpaksa do sipotong pat ni sasahalak na tarhapit di rongsokan bangunan, asal ma mangolu hosana. Na marsahit diabetes pe godang do na diamputasi asa mangolu. Ingkon songon i ma hita, olo mengamputasi sude hagiot  (kesenangan) asal ma sahat hita tu haluaon i. Melepaskan sesuatu yang kita sayangi dan nikmati memang tidak enak. Tetapi jauh lebih baik tidak enak, bila karena memuaskannya kita kehilangan hidup kekal kita.

ü  Ingkon aktif do hita torus mangalo dosa. Ai satingkosna, ndang apala pat, mata,tangan nang dagingta i na mambahen mardosa alai rohanta i do. Roha i do na ingkon torus jagaonta, asa sigop mangalo dosa i. Menjaga hati.

ü  Aya. 49-50. Na disuru do hita tu portibi on songon sira. Tugasta ima laho mambolonghon habusuhon ni portibi on, songon fungsi ni sirai, loas mamboan hataboon ni ngolu Banuaginjang (ima hinatabo niholong ni Tuhan Jesus) tu portibi on. Molo gagal hita disi, gabe sarombang ma hita jala dohot ma hita busuk di portibi on, ndang adong manang aha be jambarta di Harajaon ni Debata. Di portibi on pe tahe holan sipaleaon nama hita. Ala ni i, tung taradoti ma ngolu na marhabadiaon, asa boi hita gabe sira.

 

Jamita Evangelium Minggu XVII D.Trinitatis – 22 September 2024 Minggu Ekologi (Season of Creation)

Habalgaon Ni Jahowa DI Bagasan Sude na TinompaNa      

 (Kebesaran Allah Dalam Seluruh Ciptaan-Nya)

 

Psalmen 104: 1 – 3+13-24   

 

 

1)     Huria na hinaholongan dibagasan Jesus Kristus; ia Psalmen on mangalehon pangantusion di angka soara ni portibi on na mangendehon mansai uli taringot panompaon dohot panarihonon ni Tuhan. Puisi on marisihon kosmos na singkop; laut, darat, awangawang dohot  mata ni ari, angka tanoman dohot binatang, hatiuron dohot haholomon hangoluan dohot hamatean, saluhutna i paboahon hajongjongan  ni Tuhan i (Charles Spurgeon).

2)     Huria nahinaholongan dibagasan Jesus Kristus, Diarahon parpsalmen on do hita maniru ibana laho manghalonganghon kehebatan natinompa dohot panompaon ni Debata. Tung dilehon parPsalmen on do rohana laho manghalonganghon sude pambahenan ni Debata. Ra, na jongjong ma parpsalmen on di topi laut, huhut paidaida haulion ni laut i. Sian manogot sahat tu bodari sai dipanghilalahon ibana do kehebatan ni panompaon ni Debata di portibi on. Diparhatutu ibana, tung so adong do habisuhon ni jolma dia pe na boi manompa songon i. Tung marhite hapistaran na so tarasam do i. Secara khusus di turpuk on, tung di halonganghon parpsalmen i do angka laut, na balga jala na lambas, marisihon angka gulokgulok dohot binatang na metmet nang na balga, dohot angka buaya. Ala ni ima didok ibana: “Puji ma Jahowa ale tondingku”. Marlapatan do i, ndada mamuji Debata holan di pamangan manang di gerakan (sai adong do na manortor mamuji Debata). Alai ingkon sian tondi, sian pusat kehidupanta, sian nasa ngolunta do, na patuduhon parsitutuon, ndada asal-asalan. Sian i ma boi ibana mandok: Tung na bolon situtu do Ho ale Jahowa Debatangku (ay.1).

Naeng songon i ma hita nian dohot mengendehon songon na tabege di BE HKBP no.569 “O Debata tung longang dorohangku molo hubereng na tinompaMi”. Saluhut bintang, hilap dohot ronggur, manghatindanghon hasangaponmi...”. Molo dung songon i antong, ingkon lam gogo ma endehononta: “Marende au, Tuhan mamuji Ho, O Debata, sangap do Ho”.

Alai, tasungkun ma jolo dirinta: Hea dope tahaholongo natinompa dohot panompaon ni Debata di portibi on dohot dirinta. Memang, adong do dongan molo laho mardalani tu inganan na uli; tu Danau Toba, Sipisopiso, Tu Pantai Cermin, tu Berastagi, tu Gundaling, tu Bali, tu Bunaken, Tu Raja Ampat, tu Lombok dohot na aisng; tung luar biasa do na tinompa ni Debata on. Lapatanna tung dihalonganghon nasida dope na tinompa dohot panompaon ni Tuhanta i. Itu yang menginspirasi Frans Joseph Haidyn menggubah lagu : :creation”. Songon i nang torop angka lagu ciptaan ni komponis na asing. Molo tahalonganghon i, gabe tangkas ma taboto, tung Debata na so hatudosan do Debatanta i. Ndang adong Debata na songon i.

Alai torop do halak na so hea be manghilalahon i. Ra ala ni kesibukan siap ari: ra ala ni rutinitas. Alai nuaeng, uji ma jolo, lehon roham manghalonganghon na tinompa dohot panompaon ni Tuhanta i, pasti, hauar ma sian pamanganmu pandohan mandok: “Puji ma Jahowa ale tondingku, tung na bolon situtu do Ho ale Jahowa Debatangku. Sude ma jolo hita hohom manungkun diirinta: “Boha, huhalonganghon dope nasa pambahenan ni Debata di ngolungku, di karejongku, di keluargangku, di parsaripeongku?

3)     Huria ni Tuhanta , boha do hita asa boi mamujimuji Debata ?, ima sian panandaon na tangkas di Debata, adong pengalaman pribadinta dohot Debata di asi ni rohaNa, di pasupasuNa, dipambahenanNa na luar biasa. Asa marhite ima tadok mauliate tu Ibana, bersyukur ada rasa kagum. Dalam bukunya Karen Amstrong “History of God”- Sejarah Tuhan. isinya mempertanyakan “masih adakah orang Kristen di abad yang akan datang ? masih adakah orang yang mau memuji Tuhan ? Masih adakah orang mengagumi perbuatan Tuhan di abad yang akan datang ? Mengapa ? Karena kehebatan perkembangan ilmu pengetahuan dan tehknologi yang dicapai, manusia bisa saja merasa tidak lagi memerlukan Tuhan, karena merasa segala sesuatu sudah bisa mereka lakukan. Agama dan spiritualitas akan semakin suram dan kelam dan dangkal bila tidak ada lagi kekaguman terhadap Alla. Karena itu Karen Amstrong mengtakan, tugas kita sekrang adalah membangun teologi yang membuat orang terus semakin membangun kekaguman orang kepada Tuhan, yang membawa manusia kepada kedalaman orang kepada Tuhan, yang membawa manusia kepada kedalaman jiwa, kepada misteri Allah. Sehingga anak-anak kita menedalani pemazmur ini menjadi pengagum dan pemuji Tuhan.

4)     Huria ni Tuhanta, marhite nahinalonganghon ni parpsalmen on, naeng ma  lam gomal (semakin tertancap) di rohanta, ia portibi on, ima na tinompa jala ugasan ni Debata do on. Ndada ugasanta. Holan silehonlehon ni Debata do i tu hita. Ala ni i, ingkon lam tangkas ma pangaradotionta, manjaga kelestarian ni na tinompa i, asa denggan i muse pateanhononta tu pinomparta marsundutsundut, asa boi dohot nasida manghalonganghon na tinompa dohot panompaon ni Debata. Molo tasegai saonnari, gabe portibi naung sega, naung martihas (dunia yang bopeng dan hancur lebur). Bohama olo pinomparta muse mandok songon nidok ni parpsalmen on ?

5)     Huria ni Tuhanta, Minggunta ima Minggu Ekologi (Season of Creation), dengan topik: Habalgaon niJahowa di Bagasan na Tinompa (Kebesaran Allah dalam seluruh ciptaan). Boha do hita asa manghilalahon habalgaon ni Jahowa i? Taparrohahon ma jolo penelitian taringot tu hosa, manang nafas manusia:

Sekali bernafas, kebanyakan manusia memerlukan 0,5 liter udara. Bisa ditebak, bila per orang dalam setiap menitnya bernafas sebanyak 20 kali, itu artinya udara yang dibutuhkan sebanyak 10 liter. Dalam sehari, setiap orang memerlukan sekitar 14.400 liter udara. Wow, dahsyat sekali bukan?

Pertanyaan selanjutnya, berapa harga nafas seorang manusia jika dirupiahkan? Seperti diketahui, udara yang dihirup manusia terdiri dari beraneka gas semisal oksigen dan nitrogen. Keduanya, secara berurutan antara 20% dan 79% mengisi udara yang ada disekitar manusia. Bila perbandingan oksigen dan nitrogen dalam udara yang manusia hirup sama, maka setiap kali bernafas manusia membutuhkan oksigen sebanyak 100 ml dan 395 ml lainnya berupa nitrogen. Artinya, dalam sehari manusia menghirup 2880 liter oksigen dan 11.376 liter nitrogen.

Jika harga oksigen yang dijual saat ini adalah Rp 25.000 per liter dan biaya nitrogen per liternya Rp 9.950 (harga nitrogen $ 2.75 per 2,83 liter, data nilai tukar dollar pada 9 November 2009), maka setiap harinya manusia menghirup udara yang sekurang-kurangnya setara dengan Rp 176.652.165. Dengan kata lain, bila manusia diminta membayar sejumlah udara yang dihirup berarti setiap bulannya harus menyediakan uang sebesar 5,3 Miliar rupiah. Dalam setahun, manusia dapat menghabiskan dana 63,6 Miliar.

Ala ni i nahinaholongan mansai arga do hape hosa nagholuan ni nilehon ni Debat tu hita. Molo nunga mate jala suda angka na tinompa ni Debata ndang adong be penopang di hita manisia. Tapelihara angka suansuanan na gabe ekosistem lingkungan, angka binatang na gabe muataul simbiosis ni lingkungan, mata rantai makanan  na saling mambutuhkan. Ala ni i molo musnah manang punah sekelompok binatang boi do i manegai keberlangsungan ekosistem i. Berikut, urutan rantai makanan di ekosistem sawah, antara lain: Rumput/padi -> tikus -> burung hantu/elang. Rumput/padi -> belalang -> katak -> burung hantu/ular. Rumput/padi -> belalang -> burung -> ular -> elang. Tapelihara ma lingkunganta di jabu, di parkarejoan, kantor, di gareja nang didiape asa ias bebas sian polusi; sampah plastik dohot angka na asing. Ai sian lingkungan i do haroroan ni angka pasupasu dilehon Debata tu hita. Ala ni i haluaon na pinasahat ni Debata marhite Jesus Kristus i ima tu portibi on, asa angka na porsea i dohot ma mamaritahon haluaon na gabe impola Barita na Uli i tu sandok portibi on, tu angka na tinompa laho mangaramoti kelestarian alam. Amen.

Jamita Epistel Minggu XVII D.Trinitatis – 22 September 2024

Habalgaon Ni Jahowa DI Bagasan Sude na TinompaNa       

 (Kebesaran Allah Dalam Seluruh Ciptaan-Nya)

Johannes 3 : 13-18   

 

1)     Patujolo.

Huria nahinaholongan dibagasan Jesus Kri Hata ni Tuhan stus, Ingkon botoon do haroroan (asal-usul ni sasahalak songon i nang taringot tu pendidikanna asa ummura antusan nang taringot tu sikap dohotpendirianna.Antorng molo songon i, tatangkasi ma jolo ise do si Nikodemus na manghatai dohot Tuhan Jesus di turpuk on. Ndang adong ditaringoti goar ni si Nikodemus on di angka surat na asing, ia so holan di Johannes Bindu 3 on dohot di Joh.19: 39. Taringot tu dirina adong 3 didok:

Ø  Sahalak sian angka Parise. Ay.1 molo songon halak na koras manghajongjonghon ugamo Jahudi.

Ø  Sintua ni Jahudi. Anggota Majelis Besar.

Ø  Guru; molo songon i sahalak ahli teologi.

Antong molo songon i, si Nikodemus dongan ni Tuhan Jesus na manghatai, sahalak na mewakili golongan inti sian halak Jahudi.

 

2)     Hatorangan.

a)      Ay.13: Maol do tarjalo si Nikodemus angka na pinandohan ni Jesus i; lumobi taringot Harajaon Banua Ginjang i, ai taringot na di tano on pe dihatahn Jesus tu ibana nunga maol diantusi. AI didok Jesus do tu ibana asa tubu jolma na imbaru (roha na imbaru) marhitehite Tondi Parbadia, alai i pe hurang tarjalo rohana do, lam beha ma di na nidok ni Jesus na ro sian Surgo i do Ibana. Molo tung didok si Nikodemus pe di ayat 2: “Huboto hami do Ho guru na so sian Debata, ndang sian rohana i, aut sian rohana i, nunga haporseaonna jala ulahononna HataNa.

b)     Ay.14-15: Songon sada halak Parise jala ahli teologia si Nikodemus, tontu godang do diboto ibana na masa /na tarsurat di Padan na Robi. Ala ni i dibuat Tuhan Jesus ma sada tudosan sian Padan na Robi laho patoranghon maksud/tujuan haroro ni Anak ni Debata tu portibi on. Jadi didok Tuhan Jesus ma: “Jadi songon naung pinatimbo ni si Musa ulok i di halongonan, songon i naeng patimboon Anak ni jolma i, asa dapotan hangoluan na salelenglelengna ganup na porsea di Ibana. Najolo diuhum Debata do bangso Israel marhitehite ulok tulong api, na mamarguti bangso i, gabe marmatean mansai torop sian Israel. Alai dung i, disangkothon si Musa ma muse sada ulok sian tombaga tu sada hau partonggol, jala manang ise mamereng tusi jala porsea huhut disolsoli dosana, mangolu ma i (4 Musa 21: 8-9).Laos songon i ma Jesus di panaek tu silang i, songon ulok tombaga i, mate laho humophop saluhut jolma. Jala manang ise na porsea di Ibana, malua ma sian uhuman ni Debata jala jaloonna hangoluan salelenglelengna.

c)      Ay.16; Na menarik di si Johannes ima ala dipangke hata “kosmos” di bagasan dua pangantusion, ima: na parjolo; kosmos (portibi) na ni inganan ni jolma, rap dohot sude angka na maringan di bagasanna. Napaduahon; kosmos na patuduhon sifat manang bangko parngoluon haportibion na maralo tu sifat na surgawi. Di ay.16 on, pangantusion na parjolo i do na naeng dohononna. Ditegaskan marhite ayat on; Debata Jahowa na tinanda nihalak Kristen ima Debata parholong ni roha. Asa molo muruk pe Debata tu bangsoNa bagian ni holong ni rohaNa do i, ai dipangido roha ni Debta do asa hot bangsoNa i di padan naung niuarihon ni ompu nasida. Bentuk holong na konkrit dipatufuhon marhite pandohan: “pola do Anakna na sasada i dilehon (that He gave His Only Son). Dipangke pandohan “dilehon” (bentuk active do nian apala na tumoho, ima: edooken-hata Junani. Lapatanna: Debata mangalehon), ndang pandohan “disuru”. Alana di bagasan pandohan “mangalehon” nunga tercakup pengertian “pengorbanan” songon wujud partimbo ni  holong. Lapatanna, bersedia do Debata mengorbankan Jesus, na dimulai sian hatutubuNa sahat ro di hamamateNa asa malua jolma. Nda makna “pengorbanan” do na tarida di hatutubuNa di inganan na lea i ? Tung na so tarbahen Debata ma mamboan si Maria tu inganan na ulisitutu asa di si ditubuhon Jesus ? Boasa ingkon di  bara ni pinahan, inganan na so layak i. Jolma na somal pe ndang hea adong manghalomohon anakna tubu di bara ni pinahan. Ala ni i, molo dipangke di ayat on hata “dilehon”, na tangkas naeng patuduhononna di si ima pambahenan ni Debata marhite Jesus na maol antusan ni jolma. Ala tujuanna jelas, ima: asa unang mago ganup jolma na porsea i, asa hangoluan na salelenglelengna di ibana.

d)     Ay.17-18: dipangke hata ‘disuru”. Molo taida di hata Junani na mandok: “apesteilen ho theos, lapatanna: Debata marsuru, ingkon dalam bentuk activ do nian terjemahan na dumasip. Ala ra, umbahen na disalin di hata Batak dalam bentuk pasif, penterjemah naeng mangondolhon tindakan ni Debata na marsuru Jesus tu portibi on. Na boi tarjalo do terjemahan on. Holan i tutu, naeng tangkas idaonta, di ayat on ndang dipangke be pandohan “mangalehon”. Hata “marsuru” naeng patuduhon aktivitas manang ulaon ni Jesus. Aha do ulaon ni Jesus umabhen na ro tu portibi on ? Alusna, ima: naeng paluahon portibi on. I do misi ni Jesus tu portibi on. Dibahen Jesus do angka tanda halongangan, dipamalum angka na marsahit, ditopot angka luat, godang tahe ulaon na binahen ni Jesus. Saluhut pambahenanNa marpangaimpolaan do tu misi na utama i,  ima laho paluahon portibi on. Alai tontu do adong konsekuensi uhuman (hukuman) tu halak na so olo manjalo Ibana, tu halak na so manghaporsea i Ibana. Songon na jotjot tarida di Johannes, dipangke do tong terminologi (pandohan) namaralo (na dualis) i, ima: na porsea- na so porsea, hatiuron-hagolapon, mangulahon hasintongan-mangulahon na roa. Lapatanna, tutu do ro Jesus manopot jolma tu portibi on, lai ndang manigor mura porsea jolma. Gariada adong do na so porsea, na tongtong jogal rohana. Nunga tarbungka roha nisi Nikodemus mamereng angka pambahenan halongangan na binahen ni Jesus, gabe ro ibana bornginborngin manopot Jesus. Alai toropan do Parise na jogal rohana, namandok ia Jesus marhite Beelsebul do patupa halongangan. Marhite on naeng dohononna, nang pe laho paluahon haroro ni Jesus, alai gabe uhum do haroroNa i di angka na mangaleai Ibana, di angka na jogal rohana, di angka na so olo manjalo hatiuron i, jala di angka halak na tongtong lomo rohana maringan di hagolapon i (pt.Luk.2:34,35, panurirangion ni si Simeon, lumobi pandohan partinggangan dohot parhehean). Sian mulana, umbahen na disuru Debata AnakNa Jesus Kristus tu portibi on ndada na laho manguhum portibi on, alai laho pangoluhon dohot manesa dosa ni jolma i do. Baliksa ingkon las ma nian roha ni jolma i di Debata, ala dilehon Dalan haluaon tu hita jolma. Asa ndang  adong alasan ni jolma muruk tu Debata molo diuhumi nasida. Ai di na so porsea i nasida nunga hona uhum nasida. Alai aut porsea nasida, tu hangoluan na salelenglelengna do nasida.

3). Sipahusorhusoron

ü  Maol do antusan angka Hata ni Debata (taringot tu Harajaon Banuaginjang i) saleleng so porsea hita di Debata manang di Tuhan Jesus Kristus. Angka na di portibi on do boi antusanta, molo sian portibi on dope hita; molo di bagasan daging/sibuk do pe hita. Alai molo nunga porsea hita di Debata manang di Jesus Kristus lumobi molo nunga Tondi i na mian di bagasan hita antusanta do Hata ni Tuhan i. Dipapatar Debata do i tu hita marhite sian Tondi i. Ai ndang adong na tumanda na sian Debata ia so Tondi ni Debata (1 Kor.2:6-16).

ü  Saleleng so tabungka rohanta mamereng sangkap ni Debata na naeng manghaholongi hita, gabe sai humolongan do rohanta di portibi on. Alai molo dung porsea hita, mulai ma hita manghilala basabasa ni Debata, na mangurupi hita, i do na tiur i na manondangi rohanta, gabe tahalomohon hasintongan ni Debata.

ü  Ala tu sandok portibi on do (sude na tinompa) ditawarhon haluaon i, gabe taida ma tangkas, ndang boi gabe eksklusif Huria i. Ndang boi gabe pangambati huria tu manang ise pe na rade manghaporsea i Jesus naung mamboan haluaon di jolma. Tarlumobi di tahun orientasi pelayanan di HKBP di taon 2024 on ima taon Ouikumenis Inklusif  na terbuka do pelayanan ni HKBP tu sandok portibi on. Jala tu hahonaan ni jamita on di topik namandok di minggu on: Habalgaon Ni Jahowa DI Bagasan Sude na TinompaNa (Kebesaran Allah Dalam Seluruh Ciptaan-Nya). Marhite sikapta, pambahenanta, ngolunta dohot caranta marsaor dohot sude na tinompa. Sipata olo do gabe pangambati hita tu halak na asing na ro mandapothon Jesus. Sai ringgas dope na deba pangula na gok tingki, parhalado dohot ruas gabe “pangambati” di sikap dohot cara na so patut jala na so tama gabe tiruan na laho mananda asi dohot holong ni Debata. Masuk tu minggu ekologi ma minggunta on asa haluaon ni Debata mencakup portibi on. Ai ditompa Debata do portibi on gabe parmiananta asa takelola alam ciptaan ni Tuhan i gabe paro pasupasu di ngolunta. Hape nunga lam sega alam ciptaan binahen ni jolma na sadar manang so sadar nasida membuang sampah sembarangan, manegai lingkungan dohot pencemaran udara sian rokok, pembakaran hutan, hurang manjaga kebersihan diri, bagas, inganan parkarejoan, di pargodungan nang di lingkunganna ganup. Asa tabereng ma pengerusakan global alam, angka tombak pe naung beralig fungsi gabe perkebunan massal isarana sawit na holan tu kepentingan korporat dohot penguasa. Tanpa pengendalian dan pemeliharaan yang konsisten sian pemerintah nang pihak-pihak na bertanggungjawab. Adong do nian pemerhati lingkungan sian pribadi nang organisasi na independen alai hurang dukungan, jala boi talu ala kekuasaan ni hepeng manang mammon. Taida ma dampak pengerusakan hutan di berbagai belahan dunia termasuk di Indonesia, asa gabe lam tamba ma pemanasan global ganup taon, dampakna tu ciptaan, tu hita jolma, lam tamba angka sahit panahit nang hasusaan. Sampah plastik na bertebaran sahat tu laut nang sahat tu angka dolok partimbo pe. Angka habitat di laut pe nga sega na deba ala ni sampah plastik. Molo diallang dengke i ma plastik, dung i ro ma nelayan manangkup dengke i, jala digadis dengke i, dikonsumsi masyarakat, gabe hona ma zat microplastic dibagasan pamatangta jala boi manghorhon sahit kangker. Ala ni i tajaga ma kelestarian alam ciptaan ni Tuhan sian lingkunganta be; keluarga, pekerjaan, huria nang ingananta maringanan. Amen.

Jamita Evangelium Minggu XVI D.Trinitatis – 15 September 2024

Ai Denggan Do Uhum Ni Jahowa Tu Ho      

 (Tuhan Telah Berbuat Baik Kepadamu)

Psalmen 116: 1 – 9   

 

 

1)     Huria nahinaholongan dibagasan Jesus Kristus, Rajuan do Psalm on songon Psalm hamauliateon tu Debata ba dihatahon par-Psalem i di tongatonga ni bangso i (ay.14-18). Mandok mauliate ibana ala naung dialusi Debata tangiangna (ay.6-7,16). Andorang so i nunga marbagabaga ibana (bernazar; ay.18) ingkon pelehonona hamauliteon tu Debata (ay.17). Dihilala ibana do utangna i tu Debata na paluahon ibana sian hamagoan naung manghaliangi ibana (ay.38,16). I ma saluhutna dipaandar ibana di Psalm 116 on.

2)     Ay.1-2: Paingothon di panangihonon ni Debata. Somalna, pujipujian tu Debata do pamuhai ni angka Psalm. Anggp Psalm on, dipungka do dohot “panindangion” taringot tu holong ni roha ni par-Psalm i tu Debata, didok: “holong do rohangku di Jahowa”. Holong, i do sada impola ni ngolu ni na porsea tu Debata. Adong do sitolu sada ihot unok ni parsaoran ni jolma dohot Debata. DI Padan na Robi, ima: holong tu Debata, biar maradophon Debata dohot haporseaon di Debata (love for God, fear of God, Believe in God). Ganup ditaringoti sada sian na tolu i, ingkon antusan do i di bagasan hagogok ni na tolu i. Laos i do na gabe ojahan na tingkos dijouhon di 5 Musa 6: 4 – 5 na gabe ojahan ni panghangoluhon ni patik ni Debata. Dihatindanghon ibana, na holong do rohana di Jahowa. Holong ni rohana i tubu marhite na manghilalahon asi ni roha ni Debata. Nunga jumolo didai ibana asi ni roha ni Debata. Adong dua pandohan manggombarhon i, didok par-Psalm i: a. Ditangihon do joujounki; parhuarajaiongku. Ro ibana tu adopan ni Debata, mangusehon ngoluna (joujou dohot parhurajaon), olo Debata manjalo ibana, olo Debata manangihon. B.Dipaeleng pinggolna tu ahu, saleleng ahu mangolu. Hatop Debata mangalusi; rade tongtong Debata mananginhon. Ndada holan marsasahali, alai saleleng ibana mangolu, ai naeng saleleng mangolu ibana pajoujou Debata. Parsaoran na manongtong dohot Debata marojahan di holong ni roha.

3)     Ay.3-4: Parsorionna. Dipajojor ibana ma parsorionna, na manggombarhon parsorion na mansai parir: a. Dihaliangi angka rante nihamatean ahu; b.Mangonai tu ahu hagogotan ni banua toru; c.Mangonai tu ahu hagogotan dohot pardangolan. Nang pe ndang apala dipaboa rumang ni angka i, alai tangkas parsorion na so haadopan ibana do i sian gogona sandiri. Di na songon i ma joujou ibana tu Jahowa. Dipangido asa Jahowa mangurupi ibana, paluahon ibana sian pardangolan i. Pos do rohana manjouhon i tu Debata, ala dihaporseai ibana do tuk huaso dohot holong ni Debata paluahon ibana.

4)     Ay.5-6: Panindangion di Jahowa parasi roha. Adong tolu pandohan dipangke di ayat on manggombarhon bangko ni Debata: a. Parasi roha (Indonesia:pengasih; Heber: Hanun) manggombarhon na hatop, hibas Debata mangalusi, manangihon na porsea. Mangalusi jala mangula Ibana songon ama; b. Na bonar (Indonesia: adil; Heber: Tsadik), habonaron na marmual sian holong ni roha. Ndang pulut rohaNa amereng na niasianna mardangol.Parasiroha (Indonesia:penyayang; Heber: rehem). Dos do lapatan ni “rehem” – rahim di hata Indonesia (dohot hata Arab). Dua lapatanna: bortian dohot asi ni roha, patudos dohot pandohan (Allah yang rahimi). Asa digombarhon do asi ni roha ni Debata songon bortian na niinganan ni posoposo. Songon bortian i ma asi ni roha ni Debata mangulosi; marmudumudu, mangaramoti na porsea. Songon ima bagas ni pangantusion ni par-Psalm i di Debata. Tarida do asi ni roha ni Debata nang di pambahenanNa tu angka siunjur roha (orang sederhana), angka na bulus marhaporseaon tu Debata, songon i nang tu par-Psalem i.

5)     Ay.7-9: Panghangoluhon ma. Hira na manghatai ibana tu firina, mandok: sonang ma, demak ma. Molo mangula Debata di bagasan dirina, molo rap Debata dohot Ibana, disi do hasonangan, disi do hademahonna. Diulahi ibana ma muse patoranghon pambahenan asi ni roha ni Debata, di bagasan rumang tangiang, panindangion. Nunga malua ibana sian hamatean, nunga marujung partangisan, denggan dalanna. Singkop ma antong asi ni roha ni Debata. Songon na marpadan ma ibana marparange na denggan, mardalan di dalan ni Jahowa.

6)     Huria ni Tuhanta na hinaholongan dibagasan Jesus Kristus. Digombarhon do parsorion na borat di turpuk on. Songon dia balga ni asi ni roha ni Debata, mangalusi dohot paluahon Parpsalmen i. Tarsosak ibana, pola diondam hamatean dohot banua toru. Asa dijouhon par-Psalm ma asa tu Debata marhaporseaon. Angka na porsea i pe ndang tarsirang sian angka na ginoaran hamaolon nang hasusaan. Alai songon par-Psalm i ma hita tongtong MARTANGIANG. Tangiang i do dalanta asa solhot jala jonok dohot Debata. Disi ma dapot hita hagogon nang tiur ni roha odhot pingkiran laho mangatasi i saluhutna. Tangiang i do dalan ni angka na manghaposa Jahowa di ngoluna jala sai dapotan dalan haruar sian ragam ni hasusaan nang persoalan i. Jala angka na porsea i pe tongtong patuduhon sikap biar mida Debata ma ngolunta on jala holong rohanta di Ibana marhite na mian jala mangolu mangulahon lomo ni roha ni Debata.

7)     Topik ni minggunta mandok: Ai Denggan Do Uhum Ni Jahowa Tu Ho (Tuhan Telah Berbuat Baik Kepadamu). Tung borat situtu pe tabolus di ngolu on, sai ingot ma angka na denggan na binahen ni Debata, asa sai holan tu Debata ma alualunta. Ibana ma haposanta jala ndang humordit hita. Pengalaman rohani bersama Tuhan akan perlindunganNya tidak menggoyahkan iman percaya kita sebab Tuhan telah berbuat baik kepada kita. Sebagaimana yang disampaikan Yeremia 29: 11 – “Sebab Aku ini mengetahui rancangan-rancangan apa yang ada pada-Ku mengenai kamu, demikianlah firman TUHAN, yaitu rancangan damai sejahtera dan bukan rancangan kecelakaan, untuk memberikan kepadamu hari depan y  yang penuh harapan.” Amen.

Jamita Epistel Minggu XVI D.Trinitatis – 15 September 2024

 Ai Denggan Do Uhum Ni Jahowa Tu Ho      

 (Tuhan Telah Berbuat Baik Kepadamu)

Lukas 9: 22 – 27  

 

1)     Huria nahinaholongan dibagasan Jesus Kristus, Keamanan na terjamin disada negara ima ala denggan diaturhon pemimpin manang pamarentana aturan i. Dipadalan dohot denggan hukum asa menank jala sonang warga negarana maringan ditonga ni bangso i.  Molo so denggan do uhum nang aturan negara ditegakkan boi do sursar jala maheu warga negara manghorhon hagunturon nang ketidaknyamanan maringan di negara i. Suang songon i do ngolunta molo so diaturhon Tuhanta i boi do gabe lomlomonta di ngolu on. Jala gabe aturan ni sibolis ma na tarpangke disi jala gabe sibolison ma halak na so olo mian dibagasan Tuhan i. Ala ni i dibagasan turpuk on ma dipatorang Jesus angka kriteria na gabe siihuthon Kristus.

2)     Aya.22: huria na hinaholongan dibagasan Jesus Kristus,  dihalomohon Jesus do asa ni halak Ibana marhahonaan tu silang i, ido alana dungkon dihatindanghon si Petrus ise do Jesus i, asa di uduti Jesus ma taringot tu panaritaanNa. Mansai maol do tarjalo angka sisean i. Ndang tarpikiran nasida Mesias na manarita. Anak ni Jolma i mangae godang panaritaan, ditulak angka sintua ni malim dohot angka siboto surat. Ai bunuon nasida do Ibana jala hehe sian na mate di ari patoluhon. Alai ndang diantusi angka sisean i hataNa i taringot tu haheheon holan fokus ni rohana tu panaritaan i do, ditulak jala dibunu. Gabe menek ma roha nasida.  Molo di Matius di dok do na dipaingot si Petrus do Jesus i taringot tusi. Mat.16:22 “...Asi ma roha ni Debata di Ho, Tuhan! Unang ma songgop i tu Ho! Alai dialusi Jesus do si Petrus na mandok; Mat.16:23 “....Laho ma ne ho, bolis! Gasip do ho di Ahu, ai ndang diparrohahon ho angka na di Debata, angka na di jolma do.” Pangantusion ni angka sisean i taringot tu Mesias dohot Harajaon i ndang singkop dope. Ala ni i diajari ringkot dope diajari Jesus nasida asa singkop pangantusionna. Na ro do Mesias i laho manobus dosa ni jolma dohot portibi on di hau pinarsilang i. On ma missi ni Jesus uju ro Ibana tu portibi on, dipasahat Ibana do hasintongan i dohot denggan tarbukka jala tangkas. Aut sugari diantusi nasida taringot tu haheheon ni Jesus i, pasti gok las ni roha nasida mambege barita ni Jesus i.

3)     Ay.23 ; Dung dipatorang Jesus panaritaan i di ay.22 taringot tu dirina, sahat ma nuaeng panaritaan i pe aeon ni angka siihuthon Kristus do.  Adong tolu hal na pasahatonNa tu angka siseanNa nang tu hita di parting kian on ima: mansoadahon diri, manuhuk silamg, mangihuthon Jesus. Aha na nialaman ni Jesus jala laos i do nialaman ni angka siihuthon Ibana. Dison ma Jesus terbuka patoranghon hasintongan i, ndang janji manis manang mamadanhon angka arta ni portibi on. Alai jelas do dipatorang Jesus taringot tu haroroNa tu portibi on. Mansoadahon diri jotjot do dilapati. Jotjot do dilapati na mansoadahon diri on manadinghon angka na sinangkapan ni roha songon angka keberhasilan ni karir dohot gok ni arta asa mangihuthon Kristus. Alai godang do na bangkol rohana manadinghon parange nang pangalaho n a buruk laho mangihuthon Kristus. Atik boha adong donganta hea mandok;karas do ahu, ai nunga songon i partubuna ndang boi ubaon i. Manang adong mandok; ala ni sursar di parumatanggaon ma mambahen ahu gabe songon on. Ala ni keluarga dohot parngoluon na salpu dohot angka kondisi na gabe sisalaon asa ndang boi ibana pauba rohana. Mansai tegas do Jesus dohot tanggung jawab ganup jolma laho mangihuthon Ibana. Ganup jolma do na martanggung jawab di dirina laho mansoadahon diri, manuhuk silang dohot mangihuthon Jesus. Tung aha pe najolo masa dibagasan ngoluna. Mangihuthon Jesus ndang marhite lomo ni rohanta jala boha carana, alai na manulak Jesus do hita disi. Asa na dihalomohon Jesus laho mangihuthon Ibana ima na maniru parngoluonNa dohot pasangaphon Debata. Atik adong hasomalan na maralo tu sanagkap dohot lomo ni roha ni Debata di dirinta asa sigop ma tatundali jala tatadinghon. Molo tung borat pe mangulahonsa, sai Tuhanta ma na margogoihon hita patupahon nasa na denggan i.

 

4)     Ayat 24-26 ;  dison ma tangka dapot hita hal na borat antusanta songon na paradoks. Dipaingot Jesus do, Ai agoan hosa ma na naeng paluahon hosana; alai na agoan hosa ala ni Ahu, i do na pangoluhonsa. Tung soada do labana angka na marsigolgol laho manjaga ngoluna holan laho mangharingkothon na di portibi on. Mamora, marjabatan, marpangkat, marhapistaran, margogo, marbisuk soada lapatanna i molo holan laho tu dirina sambing, jala laho mangahut angka arta portibi on. Dung mate hita ndnag adong be marguna saluhutna i, marisuang do ninna Buku Parjamita. Sabalikna molo tapangke i saluhutna na adong dihita laho mamaritahon Kristus jala manghatindanghon Kristus alai gabe agoan hosa hita ala ni i, ima na marguna na pasalihon Debat do hita disi. Taruli hangoluan na manongtong i do hita na marroha mangula lomo ni roha ni Tuhan i. Unang ma hita maila manghatindanghon Kristus i dibagasan ngolunta; atik boha maila dope halak Kristen martangiang diloloan alai ndang mandok pamer. Manang barani do hita paboa halak Kristen hita ? Angka na maila manghatindangkon Kristus justru dihasogohon Tuhan i do i. Alai na dihalomohon Tuhan ima na olo jala ringgas manghatindanghon dohot pasanagp Kristus i jala Tuhan i Jesus pe hatindanghononNa do hita diadopan ni Debata Ama i.

 

5)     Ay.27; dison ma dipaboahon Jesus tu nasida adong na so mate sian nasida na maringan ditongatonga nasida andorang so marnida Harajaon ni Debata. Sian turpuk on paingothon hita dua syarat laho mangihuthon Jesus. Angka na mangihuthon Jesus, disoadahon ma dirina, topotonna ma angka dosana. TadinghononNa ma parngoluon nang pangalaho na robi na gok hisaphisap ni daging dohot portibi on. Dungi Hata ni Tuhan i mandok ia angka na mangihuthon Jesus, ima na rade manuhuk konsekuensina, angka insakhinsak, reherehe, ondamondam, digosagosa jala ditindos ala ni goarNa. Siala Anak ni Jolma i ingkon mangae na hansit jala manarita ditulak angka sintua ni malim dohot angka siboto surat. Na mate dibunuh do Anak ni Jolma i jala ditanom jala hehe di ari patoluhon. Siala ni i, asa tongtong ma hita marsihohot dibagasan haporseaonta tu Ibana ima Jesus Kristus, Anak sasada ni Debata Ama i, Mesiasa jala Sipalua hita sian nasa dosa pangalaosionta.

 

6)     Sipahusorhusoron:

Ø  Angka siihuthon Kristus atik boha dope raguragu dope rohana, sian turpuk on manghirpasi haporseaonta asa hot manghaholongi Tuhanta i gumodang asa sian dirinat. Ima na patuduhon sikap na manuhuk silang ala ni hasintongan ni Kristus. Manopoti dosa dohot hasalaan manadingkon pangalaho nang ngolu na robi i mamasuhi ngolu na imbaru dibagasan Kristus.

Ø  Angka siihuthon Kristus ima na manuhuk silang ni Kristus, ingkon togu ma haporseaonna mangadopi angka reherehe, insakinsak, ondamondam, panindosan, panaritaan nang hamaolon ala ni goarNa. Sian huria na parjolo sahat tu partingkian on nunga diae angka siihuthon Kristus i sahat tu na agoan hosa. Alai hot do Barita na Uli i sahat tu liat portibi on baritahonon ni angka na porsea i. Margogo do na porsea i mangadopi hamaolon i saluhutna ala ni Kristus donganna. Tudos songon na nidok Jesus di Johannes 16:33 “... Haporsuhon do jambarmuna di portibi on; alai pos ma rohamuna: Nunga talu hubahen portibi on.”

Ø  Topik ni minggunta mandok: Ai Denggan Do Uhum Ni Jahowa Tu Ho (Tuhan Telah Berbuat Baik Kepadamu). Panindangionta angka na satia tu Debata ima mandok mauliate dohot mamuji Ibana disandok parngoluonta. Ndang adong na so denggan na binahen ni Debata tu hita. Sabalikna hita do na so deggan marpangalaho dompak Debata. Jotjot do hita tarunjun, mamboan lomo ni rohanta mardosa,mangalaosi Patik nang HataNa. Ala ni i gale do hita, sipata lupa, ndang marningot Ibana, jala jungkat rohanta. Mansai denggan do pambahenan ni Debata marhite Jesus Kristus  na mangalehon hasesaan ni dosa nang hamonangan manaluhon sibolis i. Ala ni  hot ma hita dibagasan Tuhan i na sai tongtong jonok, solhot tu Ibana marhite tangiangta. Asa dapotan bisuk ang gogo hita mangadopi nasa musu nang sumbia ni portibi on. Molo naung denggan do uhum ni Jahowa tu hita, nang hita pe ingkon marespon i marhite na unduk, serep, jala marroha mangulahon lomo ni rohaNa. Amen.