Jesus Raja Na Sangap Na Badia
Yesus Sang Raja Yang Mahamulia
Psalmen 99: 1 – 9
A. Patujolo
Ia panurat psalmen on naeng paboahon asa saluhutna ruas marsitutu laho pasangaphon Tuhan, lapatanna manomba Tuhan i dibagasan serep ni roha, polin, jala martoruk ni roha, ndang sibahenbahenna holan laho pasombu tagas na, manang marsipaula, siala Ibana do Raja na badia jala na songkal. Pasangap Tuhan lapatanna mambahen Tuhan Debata na rumingkot jala na manjoloani roha nang pingkiranna diangka ulaonna, ndada patujolohon dirina. Songon Jesus na hea mandok, ia Debata Ama i marnida na buni dipangalaho ni angka ananghonNa (Mat.6:4, 6,17). Marhihte turpuk diarahon do hita mamareso haporseaonta, na tutu situtu do hita manomba dohot manghobasi Ibana ? Jala ise do na tapasangap dungkon marminggu manang partangiangan hita, manang dungkon marhobas hita? Pasangap Tuhan i do hita manang atik holan mambuat sangap ni Tuhan i ? Ala ni i taparrohahon ma na pinasahata ni parpsalmen on tu hita.
B. Hatorangan
1.
Ayat 1-3 : Dipatorang do dison ia Tuhan i ima Raja na Marhuaso. Dipaboa do
ia Tuhan i ima Raja na Bolon lapatanna Ibana na maringan di ginjang ni Kerubim
na gabe habangsaNa. Molo Debata do na gabe Raja na Songkal lapatanna ia saluhut
angka bangso dibagasan hitir jala lalolalo portibi on. Angka bangso dibagasan
hitir jala lalolalo portibi on ndada mandok dibagasan biar ni roha alai na
dibagasan unduk ni roha mardongan haserepon, jala hormat tu Tuhan Debata songon
Raja na songkal i. Boasa? Siala Tuhan i do Raja na mangatasi saluhut bangso, na
tau patupahon angka halongangan na bolon. Tuhan i nampuna hagogoon na
mangalobii saluhut hagogoon. Hita na tinomp ni Tuhan i sai unduk marroha
haserepon tu Ibana nampuna hangoluan i.
2. Ayat 4-5: Tuhan Debata songon Panompa dohot na manghalomohon hatigoran. Dibagasan ayat on Digormbarhon do Tuhan i songon panompa portibi on dohot songon Raja na manghalomohon uhum hatigoran. Ima na gabe hagogoon ni Tuhan i na mambahen Ibana nampuna huaso disaluhut, hasangapon songon Raja jala laos ima na gabe habalgaonNa. Ala ni i ma hajongjongan ni Tuhan i tung soadong do na boi mangarumpanghonsa.
3. Ayat 6-7: Tuhan i na manangihon. Dipaboa do dison si Musa, si Aron dohot Samuel ima na gabe ulaula ni Tuhan i dohot Israel. Ia si Musa singkat ni uhum ni si Aron, nang hamalimon ni si Samuel singkat ni asi ni roha ni panurirangon. Dibagasan turpuk on dipaboa ia si Musa, si Aron, Samuel ima angka jolma na manjouhon goar ni Tuhan Debata marhitehite tangiang, manangianghon bangsona tu Tuhan i.
4. Ayat 8-9 : Ia ayat on ima songon ysair pujian na paboahon ia Tuhan Debata naung ro manopot jala mangalusi nasida. Ibana ma Debata na manesa dosa nasida. Alai na tong mambaloshon angka pambahenan nasida. (9)- Pasangaphon Debata, na mangarahon, manjouhon, mengajak hita asa pasangap Tuhan Debata. Diarahon do hita asa mamujimuji jala pasangap Tuhan Debata na Badia jala na songkal. Dungi diarahaon parpsalmen on do hita asa ro marsomba tu Ibana diadopan ni angka dolokNa na badia i. Diparbadia i ma goarNa sian nasa bangso sahat tu ujung ni portibi on. (ptds. 2 Sam.22:47)
C. Sipahusorhusoron
- Diadopan ni Debata ndang adong na so tarpatupa, ganup angka parsualon na niadopan ni jolma. Ndada Tuhan i na so mampu manogunogu ruasNa i, ndada Tuhan i na so olo paluahon ruasNa alai jolma i do na ragu, sangsi di huaso nang habalgaon ni Tuhan i, jala jolma i do na so olo diurupi jala dialua Tuhan i. Molo tadok ia Tuhan i do Raja na sun gogo jala na songkal, alapatanna hita manisia i unang be sangsi manang gabe ndang porsea di habalgaon ni Debata. Ala molo ragu manang sangsi hita tung so hea doi laho manelesaihon masalahta, jala ndang manambai ganjang ni umurta. Mansai ringkot do di hita credo (pengakuan) mengikrarkan dengan lantang akan kebesaran Tuhan sebagai Raja atas hidup kita. Songon parspalmen on ma tatiru, na sai mangokui ia Tuhan i do Raja, lapatanna mangolu haporseaonna manghatindanghon Tuhan i do Raja, unang ma haporseaon na naeng mintop palitona-alias raguragu, ndang yakin jala ndang porsea di Tuhan i. Molo naung tahatindanghon do Tuhan na gabe Raja di hita tapatuduhon ma hahormatanta nang haunduhonta tu Ibana. Nang pe ragam hamaolon nang tantangan na taadopi, alai Tuhan i do na mampu manogunogu hita, ala Tuhan i sandir do na mandok: Matius 11:28 Ro ma hamu tu Ahu, hamu angka na loja jala na sorat, asa hupasonang hamu! Unang ma ganggu rohanta nang haporseaonta disi sai na urupanNa do hita-arian nang borngin sai dongananNa do hita. Ima pangaramotion ni Debata na sai rade manogunogu hita tu hasonanganta sahat tu di Surgo i marhite Jesus Kristus i.
- Mansai ringkot do taparrohahon angka hamaolon, ambatambat na taadopi di pardalanan ni ngolunta na so panagaman ni roha tompu ro songon udan na so hasaongan (tidak dapat dihindari). Nang pe naung gogo haporseaonna tardok, manang na so porsea, manang na gale haporseaonna sai mangadopi ragam ni tantangan di parngoluanna. Asa lam talapati bagas ia angka hamaolon i boi do ro sian sudut ekonomi, parsahiton, parkarejoan, parsaoran di sikola, parkarejoan, di punguan, organisasi, keluarga, masyarakat dohot lan na asing. Boi do ro sungkunsungkun di rohanta, ditatap jala diantusi Tuhan i do angka parsorionki ? sahat didia do pangurupion ni Tuhan i ? mansai bahat do angka sungkunsungkun di rohanta nang pikiranta na so marhaujungan. Ala ni i mansai ringkot di hita menyadari tung so tabereng pe mata ni ari di hos ni ari i, alai porsea do hita na adong mata ni ari di hos ni ari i. Lapatanna tung so tahilalahon pe pambahenan ni Tuhan i tu hita uju ro hamaolon nang na bernit i alai yakin do hita jala porsea sai na adong Tuhan Debata di lambungta, nang na mandongani hita.
- Dibagasan buku ni si Bob
Kauflin: Worship Matters: Leading
Others to Encounter the Greatness of God (Crossway Books, 2008).
Dipatorang ibana do disi laho paingothon angka naposo ni Debata asa unang
madabu tu na “manangko hasangapon ni Debata” uju marhobas manang uju
marjamita ibana. Lapatanna na sengaja laho mambuat sangap di dirina
sandiri di pelayananna sian na pasangap Tuhan i. Boi do disanjung angka
ruas pandita na marjamita i, ai
tabo jamitana, tarbarita goarna, jala sai ingkon ibana ma sibegeon, ndang
Tuhan i be ditangihon ruas i. Gabe lam marmetmet ma Tuhan i jala gabe
dipudi. Hape hatani Debata mandok Joh. 3:30 Ianggo Ibana, patut lam
ganda; lam moru ma anggo ahu! Yohanes menyadari bahwa dirinya
adalah utusan untuk mempersiapkan kedatangan Sang Mesias. Ia memberikan
kesaksian yang tepat dan benar tentang Yesus, Sang Mesias itu. Katanya,
“Ia harus makin besar, tetapi aku harus makin kecil”. Yohanes sadar
saatnya tiba untuk Yesus melanjutka pelayanannya dan kini saatnya Yesus
untuk tampil. Yohanes sungguh menunjukkan kerendahan hatinya, sekalipun
sesungguhnya ia adalah seorang nabi terbesar dari para pendahulunya,
karena ia adalah nabi terakhir dalam nubuat Perjanjian Lama dan ia adalah
nabi pertama dalam sejarah Perjanjian Baru. Dan Yesus pun memberi
kesaksian tentang Yohanes, bahwa ia adalah manusia yang terbesar diantara
yang pernah dilahirkan perempuan didunia ini (lih. Mat 11:7-15). Martua ma
hita na mambahen Tuhan Jesus Kristus na gabe Raja dibagasan ngolunta,
hamuliaon, hasangapon ma di Ibana ro di saleleng nilelengna. Amen.
