Renungan Evangelium Minggu Invocavit (Jouonna Ma Ahu, Jadi Alusanku Ma Ibana, Pslm. 91: 15a) 19 Februari 2023

 

Debata Haroroan Ni Pasupasu

Allah Sumber Kasih Karunia

 2  Musa 33: 15 – 23

 

A. Patujolo

Nunga sian mulana i dipadanhon Debata laho mangaramoti si Musa laho manogihon Bangso Israel. Alai dung dilaonlaon ni ari hape bangso Israel naung maruba hasatiaonna tu Tuhan Debata. Uju dijalo si musa na dua batu Le na marisihon sampulu patik ni Debata Jahowa di atas ni dolok Sinai, hape laos disi do bangso Israel i patupahon debata nasida anak ni lombu sere jala disomba nasida. Naung lupa nasida ia Debata Jahowa di na mamboan nasida haruar sian tano Misir. Hatop situtu bangso Israel manghalupahon sampulu toruan ni Debata tu bangso Misir, jala gira dihalupahon nasida na Debata mambola laut Rara asa boi nasida mardalan di dasor ni laut na mahiang i, jala dilupahon nasida Manna na dilehon Debata ganup ari. Aha ma  na masa dungkon i, gabe ro ma rimas ni Debata, asa hona toru ma bangso Israel siala na pinatupana anak lombu sere jala marsomba tu ibana (2 Musa.32:35).

 

B. Hatorangan

 

1.      Ayat 15-16 : Songon uluan ni bangso Israel, mansai maila situtu do si Musa di adopan ni Debata. Dihilalahon ibana do na so boi manguluhon bangso i dohot denggan diadopan ni Debata. Ala ni i, nang pe naung dipatikhon Debata na manjalo si Musa laho manguluhon bangso Israel masuk tu tano Kanaan, alai didok si Musa do tu Debata: “Molo so tongtong Bohimi manguluhon hami, unang nian togihon hami nangkok sian on.” (ay.15). Ndada ondamondam sian si Musa pandohan on tu Debata, alai songon pangantusion ni si Musa na manghatindnaghon ia dirina nang saluhut bangso Israel ndang margogo molo so Debata na mangaramoti pardalanan nasida. Dihilalahon si Musa do na so mura mardalan haruar sian Misir tu tano Kanaan molo so mardonganhon Tuhan Debata. Molo so dilehon Debata Manna i gabe sipanganon ni bangso Israel, boi do gabe anturaparon bangso i jala ndang margogo be. Ido ala na mansai ringkot nasida Debata na gabe parsigantunganna, songon pandohan na asing ma dohonon ayat on: “Moloso Debata na so manguluhon pardalanan nami, tumagon ma mate hami dison”. Aha na dipaboa si Musa mansai relevan do di partingkianta sinuaeng on di taon 2023 on, mansai ringkot do hita Tuhan i na mangaramoti hita. Boha ma bahenonta mangula nasa ulaonta ia so mardongan Tuhan i. Tung bohama langkahononta sian ari tu ari, minggu tu minggu, bulan tu bulan nang taon tu taon na mangihut molo so dohot Tuhan Debata na mandongai hita ? Ala ni i taharingkothon do asi ni roha ni Tuhan i asa tolapta laho mamolus angka ari ari ni ngolunta. Sada parasinganta halak na porsea dohot halak na so porsea dibagasan parngoluonna ima na rade Tuhanta na mardalan raphon hita angka na porsea mamolus parngoluonta. Adong do Tuhanta na mardalan di lambungta, na satia manguluhon hita mandalani angka dalanta nang rura linggoman ni hamatean. Ido alana di dok si Musa ia parasingan ni bangso Israel na ginonggomanna sian angka bangso na leban i ima siala Tuhan i do mardalan raphon bangso Israel.

2.      Ayat 17: ndang tarjua hita hinaringkot  ni Tuhan i dibagasan ngolunta laho mangarahon, mandongani, manguluhon pardalanan ni ngolunta siganup tingki nang siganup ari. Asa taokui ma keterbatasanta songon jolma na tinompa ni Debata. Sipata jolma on do na olo tarela ala ni portibi  nang sibolis i na manuntun ibana asa ndang pola ringkot di rohana panuturion dohot panggomgomion ni Debata di ngoluna. Asa bahat do angka jolma na masuk tu haliluon ala dipaholon portibi nang sibolis i roha nang pingkiranna. Ai naung ditanda Debata do si Musa, laos songon i nang hita ditanda Tuhan i ala Ibana do na manompa jala na jumadihon hita. Ala mansai ringkot do di hita halak na porsea i lam marsitutu laho mananda Tuhan i di bagasan ngolunta marhite praktek ngolu na marsitutu manjalahi dohot pajonokhon diri tu Tuhan i. Ia ngolunta on pe sada kesempatan do laho patupahon angka na uli na denggan, holan ala asi ni rohaNa sambing do umbahen na tarpatupa hita na dibagasan ngolunta on. Ala ni naeng ma tapatuduhon  na lam mangerbang hita di asini rohaNa marhite panandaon na sintong tu Tuhanta jala Sipalua hita ima Jesus Kristus i (2 Pet 3:18).

3.      Ayat 18: Sai jotjot do hita manjalo bukti huaso nang hasongkalon ni Debata songon si Musa dison. Nunga mansai leleng Debata mandongani si Musa laho manguluhon bangsoNa i. Nang hita pe olo sipata ganggu rohanta di na mandalani ari ari ni ngolunta maradophon Tuhan i. Toho do Tuhan i adong di lambungta mandongani hita ? Ala didok Tuhan Debata tu si Musa na bahenonNa do nanidokna tu Tuhan i. Sasintongna lehonon ni Tuhan i do na patut sijaloon ni si Musa, alai hombar ma tu lomo ni roha ni Tuhan i. Boi do ra dodoanta sihol ni roha ni si Musa lam mananda bagas Tuhan Debata na hinaposanna i marhite na pataridahon bohiNa tu ibana.

4.      Ayat 19-20 : dison ma dipatuduhon Debata asi ni rohaNa tu si Musa. Kemurahan Tuhan bukanlah murahan, kemurahanNya adalah mahal dan begitu agung jala ndang boi aturon ni si Musa asi ni roha ni Debata. Asa lomo ni roha ni Debata do na ingkon saut, ala ido na dumenggan, aha ma na niantusan ni si Musa, holan ala sihol ni roha sambing laho marnida bohi ni Debata Jahowa. Alai memang sian burju ni roha nang sihol ni roha sambing do di si Musa, alai ndang tau ibana mara na adopanna ai tung so boi do jolma na mardosa i mangadop hasongkalon ni Debata Jahowa. Badia situtu do Tuhan Debatanta i, jala na so boi idaon na so badia ima jolma naung madabu tu bagasan dosa i.

5.      Ayat 21-23: nang pe songon i, tuk do asi ni roha ni Debata tu si Musa. Dilehon do kesempatan tu si Musa mamereng Debata alai hombar tu na niaturhon Debata tu si Musa. Bahenon ni Debata do dua lampis manghuphupi si Musa sian hasongkalonNa i, ima marhite na dipamasuk ibana tu rigat ni dolok batu dohot na marhite tangan ni Debata. Nunga jotjot nian si Musa raphon Debata, alai ima sihol ni roha si Musa asa sai jonokhon tu Debata. Dibagasan tangiang ni si Musa sai torus mangidohon asa jonok dohot Debata. Laos songon i ma angka na porsea asa adong sihol ni roha sai jonokhon Debata asa dapotan asi ni roha. Saijotjot do na deba  halak na porsea mangalului bohi ni Debata, sai ditafisrhon nang dilapati do marhite angka hataridaan ni bohina di batu, di ombun, di langit nang angka nidok rohana jala dihaposi Debat patuduhon bohiNa, hape sian turpuk on tangkas do na so boi jolma i marnida bohi ni Debata. Alai nang pe songon i, sian turpuk on tangkas do sai saut do asi ni roha ni Debata tu si Musa. Dari nas ini kita semakin mengerti bahwa ternyata Musa menghadap Tuhan digunung Sinai selama 40 hari dalam kemuliaan yang menyala-nyala namun tetap dalam batasan. Karena Musa tetap tidak sanggup melihat wajah Allah dari depan melainkan dari belakangnya saja. Dan itupun Musa masih mendapatkan dua tameng pelindung supaya Musa tidak hangus oleh kemuliaan Tuhan. Yaitu lekukan gunung dan tangan Allah sendiri. Tangan Allah sendiri yang sangat perkasa melindungi hamba-Nya dari dahsyatnya kemuliaan Allah.

 

C. Sipahusorhusoron

1. Ndang mansohot asi ni roha ni Debata tu angka na marhaposan tu Ibana.
2. Songon tangiang pasupasu ni pandita na dikutip sian 4 Musa 6:24-26 Sai dipasupasu jala diramoti Jahowa ma ho!  Dipasondangkon Jahowa ma Bohina tu ho, jala asi rohana mida ho! Didompakkon Jahowa ma Bohina tu ho jala dipasaorhon ma dame tu tondim!
3. Berkat yang diberikan TUHAN atas orang Israel merupakan respon dari TUHAN kepada mereka yang beribadah dan memberikan persembahan bagi TUHAN dengan sepenuh hati, dan hanya nama TUHAN yang diletakkan atas bangsa Israel. TUHAN menempati posisi sebagai sumber berkat, maka berkat TUHAN akan turun atas umat Israel. memberkati dan melindungi merupakan pemberian TUHAN yang berkaitan. Ada berkat disertai perlindungan, ada kekayaan yang disertai pemeliharaan. Maka dapat dikatakan memberkati dan melindungi adalah pemeliharaan yang tidak hanya berhenti pada hal-hal jasmani tetapi kesejahteraan secara rohani.
4. TUHAN tidak sekadar menjanjikan harta yang berlimpah, tetapi keberhasilan dan perlindungan atas hidup umat-Nya menurut ketetapan-Nya. Berkat-Nya lebih dari harta yang berlimpah sebab bukan hanya kecukupan dunia yang Dia janjikan tetapi kekayaan Kerajaan Sorga pun menjadi bagian dari orang-orang yang diberkati oleh Dia.
5. Musa hendak memastikan berkat Tuhan Allah yang tetap berseru berdoa kepadaNya, kiranya menjadi bagian iman kita kepada Tuhan seperti Musa. Orang percaya tidak jemujemunya meminta kasih karunia Tuhan Allah didalam Yesus Kristus yang tetap memberkati perjalanan hidupnya hingga memasuki Kanaan yang sebenarnya yaitu Sorga. Kiranya setiap orang percaya tetap yakin dan beriman kepada Sang Juruselamat yang telah mmeberikan jaminan sukacita kita. Amin.