GABE SIULAHON HATA I
Hidup Benar Sesuai Dengan Hukum Tuhan
Yakobus 1: 22 - 25
Dibagasan turpuk on, Ap.Jakobus mamodai angka halak na
sian sampuludua marga na marserak di pangarantoan, asa diingot nasida
sipaingotna i. Ima asa ganup nasida tinggil tumangihon. Asa sigop nasida mambege
Barita na Uli na mamboan las ni roha dohot dame dinasida. Asa ganup nasida angka
na porsea tinggil tumangihon Hata ni Debata. Asa hatop nasida tumangihon dohot
mangantusi haluaon ni jolma na naung niajarhon, ima marhite panobusion dosa ni
jolma na porsea tu Ibana.
Panobusion dosa na naung pinatupaNa marhite mudarNa na
arga i. Sabalikna, Ap.Jakobus mangalehon poda tu nasida asa manat mandok
hatana, jala nanget ma molo ia muruk pe, asa unang gabe emosi nasida. Siala
emosi dohot muruk ndang na boi manalasihon sada parsualon. Siala dibagasan
muruk ndang boi patupahon haluaon diadopan ni Debata.
Ap.Jakobus mamodai hita asa benget ma hita manaon, marasi
ni roha, jala sai olo hit amangurupi jala marsilehonlehon. Asa hot hita
dihabengeton jala marserep ni roha laho mangadopi ragam ni parsualon. Dipaingot
ibana hita asa mangulahon na denggan, na dumenggan jala dumenggan an muse
dibagasan hasintongan diadopan ni Tuhan. Ia Hata ni Debata gabe songon sorminan
na sasintongna tu dirinta sandiri. Disorminhon Hata ni Tuhan i do rupa di h ita
sian nasa rohanta. Hata ni Debata mangungkap na masa di rohanta na sasintongna,
jala paboahon tu hita aha do na ringkot siulahononta laho padoshon rohanta
dohgot na hinalomohon ni Debata. Na ringkot ndada sadia bahat na tatangihon
manang na tabege, jala taantusi, alai sintong do taulahon na naung tatangihon i
?. Sada pambahenan dumao argana sian na saribu parhataan. Ganup angka na porsea
dipaadop tu tantangan na so mura adopan ala sai dituntut do marhite pembuktian
Hata ni Debata dibagasan parngoluon, jadi ndada holan na malo mandok Hata ni
Debata.
Alai gabe siulahon Hata i ma hamu, unang holan
pananginangi, angka na paotootohon dirina! – Ay.22. Mansai bagas do pandohan on
pola do dipahombar angka jolma na holan manangi nangi doshon tu halak na manipu
dirina sandiri.
1:23 Ai pananginangi di hata i, anggo so diulahon, tudos
ma i tu halak na paberengbereng rupa ni bohina di sorminan.
1:24 Ai dibereng do dirina, dung i laho ma ibana, gabe
ndang diboto be rupana.(ay 23-24).
Lapatan ni pandohan ni Ap.Jakobus ima; ia halak na holan
manangihon ia sopola dohot na mangulahonsa ima songon halak na mamereng dirina
ndang jelas tangkas. Songon hita molo markaca, holan satongkin do hita mamereng
dirinta, dungi laho ma hita mangarade borhatborhat. Jala tatadinghon do sormin
i jala ndang hea be marningot naung tabereng i.
Andorang so borhat mansai rapi dope hita, alai dung di
tongan pardalanan naung hodohan ma muse hita, obukta on pe ndang rapi be, jala
ndang sanga be hita markaca muse jala ndang taboto be boha rupanta nuaeng. Hira
sai rapi dope tahilala, hape naung dao sian kerapian. On ma gombaran na p
inatorang Ap.Jakobus. Halak na maradian so holan na manangihon Hata ni Debata
so dohot mangulahonsa ima songon halak na markaca satongkin i, dungi laho ma
ndang diingot be rupana, ndang ditanda be dirina.
Dipangido Tuhan i
do hita asa gabe siula Hata ni Debata, ndang holan panangi nangi. (Jak.2:17 Haporseaon i pe songon i do: Anggo
so adong pangulaonna, naung mate do hadirionna)
Jak.2:22 Diida ho
disi, manumpak do haporseaon i tu angka ulaonna, jala sian angka ulaon i gabe
rimpas haporseaon i.
On ma haporseaon na pinatuduhon marhite pambahenan na
tangkas. Ap.Jakobus manggombarhon sasahalak na holan manangihon Hata ni Debata
so dohot mangulahonsa dibagasan ngoluna ima songon halak na sai marsormin, dung
ditadinghon sorminan i lupa ma ibana di rupana. Siala ni i, unang ma hita holan
na tumangihon Hata ni Debata alai lam malo ma hita mangulahon Hata nang PatikNa i.
