Jamita Evangelium Minggu Pentakoste I – 8 Juni 2025

Ulaon ni Tondi Parbadia di Ngolu ni Angka na Porsea

 (Peran Roh Kudus Dalam Hidup Orang Percaya)

Johannes 14 : 15 – 26

 

1. Huria ni Tuhanta dibagasan Jesus Kristus. Molo borhat na tahaholongi manadinghon hita, bonsa do rohanta. Songon i ma nang sisean ni Tuhanta Jesus. Ai bindu 14 on ima hata partadingan ni Tuhan Jesus tu siseanNa. Bonsa ma roha ni sisean i. Ra didok rohanasida do: Ise be dongannami, ise be pembelaannami, ise be silehon gogo tu hami? Alai di ay.16 didok Jesus do: “PangidoonKu ma tu Ama i, asa dilehon tu hamu sada Pangondian (penghibur)”. Di hata Junani na digoari: parakletos. Aha do parakletos on ? ima sada Oknum na tarjou, na ta gonghon laho mangurupi hita molo tahaporluhon. Godang do na boi ulaon ni Tondi Parbadia on, ima:

a)       Na boi gabe Pembela di pengadilan, mangalehon kesaksian na denggan. On do nidok ni Tuhan Jesus di Mateus 10:19-20: “molo dijou hamu tu jolo ni panggomgomi ala ni goar-Hu, unang marlobok taroktokmuna, unang mabiar hamu taringot tu hata sidohononmuna manang alusmuna. Ai Tondi ni Amamuna do marturasi dibagasan hamu taringot tu aha sidohononmuna”. I do umbahen ndang hea mabiar anga sisean ni Tuhan Jesus mangadopi angka sungkunsungkun ni portibi on terutama di angka pengadilan. Songon si Petrus. Nelayan do ibana, na so timbo sikolana, alai boi do dialusi ibana angka Mahkama Agama. Ala ni aha ? Ala ro Tondi marturasi, bersaksi dibagasan ibana. Songon i nang si Paulus dohot sude halak Kristen sepanjang abad. Ima sipeoponta. Atik dijalo angka sialo Jesus i pertanggungjawaban ni haporseaonta. Unang mabiar. Pintor pangido ma Tondi i, asa i marturasi laho mangurupi hita mangalehon alus.

b)       Mangalehon Poda. Ia Tondi ido na mangalehon poda tu hita di na laho mangadopi siuasi na maol adopanta. Diida Jesus do, molo dung borhat Ibana, pintor musuan ni portibi on ma sisean i. Disi ma ringkot Penasehat, ima dilehon Jesus tu ansida. Tarida do i di angka sisean na parjolo i. AI angka na pogos do nian nasida, halak na sederhana, na so pola hea marsikkola na timbo, orang biasa. Alai ternyata mampu do nasida maengorganisir dohot menggerakkan huria na parjolo i. Tarida misalna di bidang ekonomi, tajaha di Ulaon Apostel 2-4; na mora diajari asa mangurupi na pogos, asa dapot pemerataan, na botulbotul merata; na umpeop godang ndang marlobilobi, alai na umpeop otik, ndang hurangan. Angka ahli ekonomi ni bangsonta nuaeng pe ndang mampu dope mambahen sisongon i. Sian dia do hamaolon ni sisean i? Ndada sian gogonasida i, alai sian Penasehat yang ajaib ima Tondi parbadia. I do nang Tondi na mangajari si Daniel menafsirhon nipi ni raja i. Ala ni i, tajalo ma Tondi i. Dipartingkian on lam godang na maol antusan, sungkkot pikkiranta paidaida na masa i. I do ala lam laku psikiater dohot konsultan laho mangalehon advis, poda nang nasehat. Ianggo hita Tondi i ma tajalo, ido konsultan, penasihat na luarbiasa di hita. Pasti lehononna do advis na liarbiasa.

c)       Mangalehon semangat na imbaru tu angka halak na mandate, na hagogotan dohot na marsak. Mangalehon habaranion tu halak na mabiar jala na maheu. Diida Jesus do, molo dung borhat Ibana, pintor ro ma pangaleleon tu angka sisean i. Boi do gabe mabiar jala mandele nasida. Ala ni i ma dipapos Jesus roha nasida marhite haroro ni Tondi i, na boi mangalehon semnagat dohot keberanian huhut papos roha nisisean i. Jala terbukti do i. Ai disi jongjong huria na parjolo i, pintor soluk do ro pangaleleion, sian sude juruan. Alai boha do sisean i ? Marnida balga ni ancaman i, nunga patut ingkon mabiar angka sisean i. Alai ternyata, ndang ! Gariada lam semangat do nasida. Lam dilele lam mangararati. Semakin dibabat semakin merambat. Sahat tu sadari on laos so boi dapot ni angka na pistar boasa boi songon i semangat ni halak Kristen na parjolo i mangadopi penyiksaan dohot pengaleleon i. Hape halak na sederhana do nasida, na pogos, na so mardihadiha. Alai boi torus margogo, kokoh, semangat. Boasa ? sada do alusna, ima ala adong do Tondi Parbadia. Tondi Pangondian na sai mangurupi nasida. Ido na mangalehon semnagat na imbaru, membangkitkan semangat ni sisean i, gabe boi ma rarat barita na uli i.

2. Ay.26 dipatorang ia ualon ni Tondi Parbadia, ima: “ajarhonon jala paingothonon ni i do tu hamu nasa na huhatahon i tu hamu”. Ima na mandok laho:

a)       Mangajari, ia Tondia Parbadia ima mangajari hita taringot tu saluhut. Tondi i ma mangajari hita lam bagas, lam bagas taringot tu hasintongan ni Debata. Manang ise naeng lam bagas mangantusi hasintongan ni Debata, tajalo ma ulaon ni Tondi i. Unang adong halak na manghilala naung malo hita. Semakin kita mau ditundukkan oleh kuasa Roh Kudus, maka kita akan semakin dalam memahami arti iman kekristenan kita, semakin mampu melakukannya sehingga menjadi iman yang berbuah lebat.

b)       Paingothon angka naung hinatahon n i Jesus. Tondi on ma na mamboan hita mulak tongtong tu Hata ni Jesus. Godang do angka na maol antusan n ngolu on. Disi ma taharingkothon Tondi i, asa diboan hita torus mulak tu Hata ni Debata. Jala ro jotjot do hita tartogu naeng mangulahon na jahat, na sala, manang dosa, alai molo pintor soluk taingot Hata ni Debata, manang sekilas jamita naung hea tabege, gabe sundat ma taulahon. Ima halak na olo manjalo Tondi Parbadia. Olo do sipata naeng mandele hita. Alai, pintor tompu ma ro soara ni panggora ni rohanta, gabe mulak semangat hidupta, ima ala tajalo Tondi i na paingothon hita.

3. Huria ni Tuhanta nunga tabege hinabalga ni ulaon ni Tondi parbadia i. Mansai balga do jala uli, tua, manfaat na tajalo molo mangula Tondi i dibagasan hita. Ala ni i aha ma sibahenonta ? Ia taboto do Tondi i ndang hea mamaksa masuk tu sasahalak, holan na menawarhon do Ibana. Molo tajaha di Pangungkapon 3: 20 : “Ida ma jongjong do Ahu di jolo ni pintu i manuktuhi; ai adong na tumangihon soarangKu dohot mangungkap pintu i bongot ma Ahu tu Ibana, mangan ma Ahu rap dohot ibana jala ibana rap dohot Ahu.” Paimahon do Ibana, andigan ma hita lo manggonghon jala mangungkap rohanta gabe inganan parmianan ni Tondi Parbadia i. Sadia godang ma Tondi i manggula, margantung do i tu sadia bolak ma inganan talehon di rohanta tu Tondi i. Songon na pinangido ni topik minggunta: Ulaon ni Tondi Parbadia di Ngolu ni Angka na Porsea   (Peran Roh Kudus Dalam Hidup Orang Percaya), asa tapatuduhon na mian do jala manggula Tondi Parbadia i di hita songon angka na porsea i. Sai unang ma adong halakna porsea i mangashon manang patujolohon na binotona ia so jumolo Tondi i manuturi, nang patiurhon roha nang pikiranta. Molo so i, gabe sabalikna do na boi masa di ngolunta, ndang tapangasahon gogo ni Tondi i, ndang tapatujolohon husoNa, alai gabe huaso ni sibolis do. Ido umbahen masa ma angka na so hea masa pangalaho na hurang, nang na gabe sisurang. Jala barita i pe paboahon: “karena gelap mata pria itu mencuri, merampok, begal, memperkosa, menipu korupsi,dna.” Jadi golap do ndang tiur roha nang pikiranna, ala Sibolis i do marhuraja di rohana. Alai molo mian jala tapaloas maringanan, mgaraja i roha dohot pikiranta ima Tondi Parbadia i, gabe parbuehonota ma angka na sinangkapan ni Debata dibagasan ngolunta songon siihuthon Kristus i. Asa umbuk tu na pinangido ni Debata tu hita songon na tarsurat di Galatia 5: 22-23 “Tetapi buah Roh ialah: kasih, sukacita, damai sejahtera, kesabaran, kemurahan, kebaikan, kesetiaan, kelemahlembutan, penguasaan diri. Tidak ada hukum yang menentang hal-hal itu.” Amen.