Ulaon ni Tondi Parbadia di Ngolu
ni Angka na Porsea
(Peran Roh Kudus Dalam Hidup Orang Percaya)
Joel 3:
1-5 (LAI Yoel 2: 28 - 32
- Huria
ni Tuhanta dibagasan Jesus Kristus. Molo tajaha Buku Joel on, na gabe parsiajaran
di hita laho mangalapati na ginoaran mangandung, ima na mandok joujou tu
Debata uju ro angka parsorion nang pandelean; jala mangajarhon tu hita
hamubaon ni roha sian dosa tu dalan ni Debata. Marhite trupuk on diarahon
do hita laho manguhal taringot tu ulaon ni Tondi Parbadia di ngolu ni
angka na porsea. Angka padan ni Debata na gabe halongangan, padan ni
Debata laho pasahathon jala pasaorhon TondiNa tu bangsoNa ditonga i hamaolon,
hagunturon nang haporsuhon. Diarahon do hita mangantusi angka padanNa i
jala aha do lapatan ni i di hita nuaeng on ? :
- Dipasaor
Debat TondiNa tu sude bangso. Molo tajaha di ay.23 naung dipadanhon Debata
do laho mangalehon tu bangsona udan na doras jala gok panarihononNa, udan
na mansai balga pasahatonNa. Dipasaor na mandok laho mangalapati na
nigoaran pasaorhon Tondi ni Debata. Pandohan on paboahon pambahenan ni
Debata laho mangalehon, pasahathon TondiNa tu bangsoNa na gok asi ni roha,
mangalobii sasude, jala tarida songon doras ni udan na ro jala sahat tu
tano on. Hasasaor ni Tondi Parbadia ndada holan hababaor na marpangontik
jala ndang ringkit. Sian on baoi hita marsiajar na Debata do na
brinisiatif, na mangula di tongatonga ni bangsoNa. Diparade jala diramoti
Tuhan i do bangsona, angka na mardosa dohot na mangalo Ibana dipangkulingi
do marhite asi ni roha. Dungi idaonta ma pambahenan ni Debata tu angka ise
do dipasahat TondiNa i ima angka kategori dii tonga bangso Israel : Baoa
dohot boruboru, angka natuatua dohot naposo. Jala dipasaor do Tondina i tu
sude bangso ni Debata jala manjalo Tondina i. Jadi lapatanna ndang na dibedabedahon
hasasaor ni Tondi i. Laos songon i ma ulaon panghobasion di tonga huria i,
ndada holan tu natoras, manang tu na magodang alai dohot do tu dakdanak,
tu remaja nang naposo. Pelayanan ndang memilih milih, alai tu sude
kategorial di huria i, sian sikola minggu sahat tu lansia ingkon do
dapotan asi ni roha ni Tuhan i marhite pelayanan ni huria. Dungi hasasaor
ni Tondi Parbadia i tu sude jolma so pola marnida hamoraon, hapogoson,
jabatan nang latar belakangna. Jala ndang dipaasingasing sian jenis kelamin,
golongan, parbinotoan, manang titel, manang hamoraon dohot hapogoson. Domu
tu na masa di kepemimpinan ni si Musa (4 Musa 11: 29) naung dilehon Debata
do TondiNa tu si Musa asa sanggup jala margogo marmahani bangsoNa. Jala
dipillit do angka na boi mangurup si Musa manguluhon bangso i. Dipasahat
Debata do Tondi na sian si Musa i sebahagian tu angka donganna i asa
mampu manurirangi dohot tujuan asa
dapot roha ni bangso Israel aha do na pinasaha ni Debata jala boi bangso
mangadop Debata dibagasan hasintongan dohot hatigoran. Si Musa dohot angka
panurirang na gabe parhitean ni Debata tu Manisia, asa boi nasida
pasahathon Hata ni Debata dohot tingkos tu bangso ni Debata, jala nasida
mananda Debata. Dibagasan turpuk on tarida ma sangkap ni Debata laho
mamuha dalan tu angka na porsea laho marparsaoran dohot Debata na Badia i
secara langsung. Saluhut na i boi masa ala ni Kristus, marhite hamatean
dohot haheheonNa, ro do Tondi ni Debata jala mian di nasida angka na
porsea di Ibana ganup marsadasada. Jala marhite Tondi i do bangso ni
Debata mamboto aha do na pinasahat ni Debata tu nasida jala boi marsaor
dohot denggan tu Ibana. Pangalaho on ma na mansai uli, na boi do hita
marnida Ibana na badia i, na
manggomgomi jala marhuaso diatas ni saluhut. Jala bahenonNa ma
dalan tu angka na mardosa jala na lea songon hita on asa boi mardaor dohot
Ibana. Ala ni i ndang adong hata tarlambat laho marhamubaon ni roha. Asi
ni rohaNa tu bangsoNa ndada asi ni roha na reaktif alai di sangkap
haluaonNa i patuduhon balga nihoongNa tu hita. Ala ni i holong ni rohaNa i
ndang impulsif, sai hira boi rayuon marhite holongta jala ndang rasional,
mannag holan marhite emosinta. Alai sangkap haluaon ni Debata ima na sai
hot jala ndang maruba. padanNa tu hita ndada mangalehon hagogoon na
marlobilobi manang holan hagogoon, alai dilehon Ibana do diriNa marhite
Tondi Parbadia i. Ia Tondi Parbadia i na patoluhon sian Hasitolusadaon ni
Debata. Ia Tondi Parbadia i ndanda sada hagogoon na so tarida manang
hagogoon psikis. Bahwa Roh yang disebutkan dalam ay.28 ini adalah Tuhan
sendiri asa tabahen ma na gabe halongangan di hita. Laos umbuk tusi na
ditaringoti di Ulaon Apostel 2: 3 na manggombarhon dila ni api na tarbagi
songon api na songgop tu atas ni angka siihuthon Kristus. Api ndada holan
manggorgori, alai gombaran ni habadiaon ni Tuhan; apiNa i do na papitahon.
Ala ni i Tondi na ro dibagasan habadiaon dohot huaso. Angka hata na boi antusan na pinaashat
ni angka halak na porsea i ima na ditopa ni habadiaon ni Tuhan i na
papatarhon angka ulaonNa na luar biasa.
- Huria
ni Tuhanta, dungi didok muse, digohi ma tingkina di ari ni Tuhan i: ia
Tondi parbadia dipasahat tu angka na porsea di portibi on na mangadopi
mara. Na mamangkulingi hita di ay.29 on secara apokaliptik ( na naeng
masa), ia mata ni ari na muba gabe holom jala bulan i gabe mudar. Boha do
hita mangantusi lapatan ni i ? Ia Ap.Petrus mambuat turpuk on sian Joel
ima di Ulaon ni Apostel na na menekankan panurirangon ni si Joel na ingkon
masa. Tudos songon Debata na
botulbotul pasaorhon TondiNa tu bangsoNa, angka pangungkapon ni si Joel taringot tu panguhuman dohot
halelengse na ingkon masa. Namarhuaso do Debata laho patulushon sangkapNa.
Molo tajaha di Mateus 24: 39-4q, digombarhon Tuhan Jesus do “haroro ni
Anak ni jolma i”, disude parhusoran di portibi on gabe bermasalah. Jala
ari ni Tuhan i do ari habot ni roha, siala Kristus na ingkon sipapataron
do tu angkka na so porsea. Siala ni i ari ni Tuhan i ima ari na dahsyat,
disi ma dipatudu Kristus diriNa. Dipargogoi Tondi Parbadia i do angka na
porsea laho manomunomu haroroni Tuhan i dohot panghirimon, las ni roha.
Alai di angka na so porsea i gabe kiamat dohot gok biar do mangadopi ari
ni Tuhan i.
4.
Haluaon di angka na manjou jala dijou Tuhan i. Moo nidok
nangin tu halak na porsea sada silas ni roha do Ari ni Tuhan i, alai disi do
godang ro lungun ni roha, panguhuman, nang kehancuran, pangkilaan na so
denggan. Alai dilehon Debata do tu hita garansi, manang jaminan, songon di
ay.32 mandok, angka na joujou tu gora ni Tuhan i paluaonna do”. Jadi adong do
harapan dipalua. Haroro ni Debata na tigor do uhumNa laho manguhumi. Naung
diparade do sasintongna haluaon i dibagasan Kristus Jesus. Ima angka na malua
maringan di dolok Sion na mangasahon Debata na gabe inganan parlinggomanna.
Alai nunga tarida na so satia, na manadinghon Kristus, jala manghaporseai ugamo
na asing, unang gabe terlena hita songon nasida na maninggalhon dalan na
sintong i ima Kristus i. Ulaon ni Tondi Parbadia tu angka na porse i ima laho
manogunogu, pingothon, margogoihon asa tau hita mangaradoti hata nang PatikNa.
Amen.
