Ditaluhon Jesus Tondi na Jahat
(Yesus Menaklukkan Roh Jahat)
Lukas 8:
26 – 39
- Huria
ni Tuhanta nahinaholongan dibagasan Jesus Kristus. Dung tajaha turpuk on
patuduhon huaso ni Jesus na mangatasi jala na umbalga sian huaso ni
sibolis. Tung dipupusi Tuhan Jesus do sibolis. Dijolo ni turpuk on,
dipatuduhon tu hita, na di toru ni huaso ni Tuhan Jesus do nang angka
galumbang. Ai sanghababa hata do didok tu habahaba i, pintor menak co.
Alai nuaeng, humebat dope, dipatunduk do sibolis, sibonsiri hagunturon,
halumlamon nang hahansiton i.
- Tabereng
ma jolo, hansit ni halak na ginosagosa ni sibolis i (tondi na hodar):
a)
Di ayat 27b didok: gabe diparbadnaan do ibana tinggal,
arian dohot borngin manang di angka halongonan (ay.29c). Di luar kota do
somalna parbadaan ni halak Jahudi (ndang adong dilambung ni jabu, songon halak
Batak), alai mansai dao do i sian huta. Hira na disengaja sibolis do i, laho
membangun pikiran di jolma, na gabe begu do tondi ni angka na mate, songon
nidok ni halak Batak (daging gabe tano, hosa gabe alogo, tondi gabe begu). I do
mambahen sai mabiar hita mandalani kuburan. Jadi di deba inganan, adong do na
pasahat angka “pelean” (sesajen) tu kuburan. Tusi ma ibana diboan sibolis, ai i
do dihaporseai inganan ni sibolis.
b)
Molo di halak Jahudi, najis do manjama kuburan. Tondi na
hodar, na kotor i mamboan angka na nigosa i tu kuburan asa rap nasida dohhot na
najis i. Lapatanna, tung halak na najis do secara rohani halak naginosa ni
sibolis.
c)
Alai, na rumingkot, dipasirang sibolis i do
naginosagosana i dohot donganna: natoras, anakkon, keluarga, komunitasna. Di
ay.27 didok, ndang olo mian di jabu, sai dihadiha (dihalau) sibolis i do ibana
tu halongonan (ay.29). Nunga gabe asing jala terasing ibana sian donganna
jolma. Ima ulaon ni sibolis i, disirang do hita sian donganta.
d)
Jala didok muse, ndang olo be marabit (ay.27b), marsemara
nama. Ndang diboto be ila. Angka halak naung nigosa ni sibolis, ndang diboto i
be adat manang etika. Nunga mago be sian i tata krama dohot kesopanan. Songon i
nang estetika. Alai tutu, ndang sude halak na songon i naginosa ni sibolis, ai
adong do i ala ni sahit roha. Alai, naginosa ni sibolis do gabe marsahhit roha,
gabe so adong be rohana, ai so diboto be ila (tidak lagi memiliki rasa malu).
Halak na so “punya rasa” malu, dos do i dohot halak naginohan ni sibolis.
e)
Na mangihut, di ay.29 didok: “tung na gogo do ibana, jala
ndang boi diatur. Ndang adong na sanggup maniop, jala ndang adong tali na boi
mangarante ibana. Ala ni i nunga gabe ancaman ibana tu halak na asing. Dapot
hita dope na songon on sahat tu nuaeng. Molo adong dope ulaon ni sibolis di
sasahalak, memang boi boi do ibana gabe gogo idaon, marpitonggam; alai jumotjot
do i manegai. Ai molo mangido sibolis i, tung ise pe pastapan ni ido. Ndang
holan dipastapi, alai olo do sahat tu na pamatehon bahkan memutilasi, laho
mangalehon “parsombaon” (sesajen) tu beguna i. Tung merusak do ulaon ni sibolis
i, mengancam tu halak na asing, tarmasuk keluarga dekat na gabe mabiar.
f)
Molo tajaha paralelna di Markus 5 ay.5c, taida dope
hasesega na binahen ulaon haholomon i, ai didok: “mambalbalhon batu tu dagingna
(melukai badannya dengan batu). I ma ulaon ni sibolis: menyiksa, menghancurkan
diri sendiri. Angka pengikut ni debta Baal pe songon i do. Taja uju di dolok
Karmel i, na marporang panurirang Baal ohot Panurirang Elia di 1 Raja 18: 28,
menggoresi dirina sampe marmudari. Hansitna i ate. Molo naung mangoli i, nunga
tung malengleng istrina, natorasna paidaida i.
- Huria
ni Tuhanta na hinaholongan dibagasan Jesus Kristus, songon i ma molo nunga
sanga dirasuki sibolis dirinta. Mago do holong, gariada gabe meneror,
menyiksa tu diri sandiri dohot tu halak nahinaholongan. Dipamago ulaon ni
sibolis i do holong ni roha tu dirinta nang tu donganta. Tung hansit do
panghorhonna molo sanga halak madabu tu tangan ni tondi na hodar na sian
sibolis. Ndada holan tu dirinta sandiri, alai sahat do tu pinomparta, ro
di sundut patoluhon, ro di sundut paopathon. Ala ni i ma sai sinosohon;
unang ma adong natoras na bermain-main dohot ulaon haholomon. Unang gabe
marsingkor muse pinomparta. Unang ma adong na maniop ulaon ni sibolis, ai
holan satongkin do i tabo idaon, alai hasusaan bolon do muse di ujungna. Molo
tajaha sude bibelta i, sada na apala hinaggihon ni Debata, ima: molo
tasomba, tahaporsei, taandalhon huaso na asing. Na mangalo patik parjolo
dohot patik paduahon i. Tajaha di sejarah ni Israel. Di na laho bangso i
marsomba tu angka debata sileban, ndada holan pasupasu ni Debata na
tarambat, alai na umborat, ro ma uhum ni Debata tu nasida. Ala didok; itu
adalah kekejian di mata Tuhan.
- Huria
ni Tuhanta nahinaholongan dibagasan Jesus Kristus: di na sahat Tuhanta
Jesus, jala disi halak i Ibana, didok: mangangguhi ibana manungkap di
joloNa. Somalna, jolma do diadu ibana laho manggugai. Alai nuaeng, ibana
do marlojong tu Tuhan Jesus dengan rasa hormat. Disi ma taida huaso ni
Tuhan Jesus na so tarida i, alai na mansai gogo i. Somalna, tung so adong
do na boi mangarante, mangatur ibana. Alai nuaeng, nunga pintor terkendali
ibana. Gariada tahe sibolis (tondi na hodar) na di ibana i pe nunga angka
hitir. On do hebatna, tangkas do ditanda sibolis i, ise do Jesus, alai
ndang dihaporseai, holan ditanda do. Disi do perbedaanta dohot sibolis;
rap tatanda do Tuhan Jesus, alai nasida ndang manghaporseai, alai hita,
tahaporsea i do. Pintor mangangguhi do tondi na hodar i mandok: “marhua Ho
tu ahu, Jesus, Anak ni Debata na tumimbul! Huelekelek Ho: Unang ahu arsahi”
Aha do lapatan ni i? Tumangkas do i antusanta sian ay.31 na mandok: “unang
dipaksa nasisda tu banuatoru”. Alai tumangkas muse di Mateus 8: 29 na
mandok, “Adakah Engkau kemari untuk menyiksa kami sebelum waktunya?”. “Waktunya”,
nidokna dison ima di ari paruhuman i, di haroro ni Tuhan Jesus
paduahalihon, disi ma dihurungkon sibolis dohot sude paranganna di api
naroko i.
- Alai
na rumingkot di hita, di ay.29 i do na mandok: “Ai didokkon Jesus do tondi
na hodar i ruar sian jolma i. Di Markus 5: 8 didok Jesus do “Ruar ho,
tondi na hodar sian halak on.” Pintor malua do halak i sian sibolis i. On
ma huaso na ingkon pangkeonta. Taboto do, torop dope halak na mangalehon
dirina digosagosa sibolis. Siurupanta do i. Alai ongkuhononta do, toropan
do ruas ni HKBP mabiar mangatasi i. Turpuk on ma mangalehon jaminan di
hita. Tumangkas tajaha di Markus 16: 17 : “jala on ma tanda angka na
mangihut tu na porsea; pabalionnasida do angka sibolis marhitehite Goarhu”.
Jala didok di 1 Johannes 4: 4b : “Roh yang ada di dalam kamu, lebih besar
dari pada roh yang ada di dalam dunia. Unang pola tajou datu, ai mamboan
dosa do i, ai na bermain petak umpet do nasida disi. Unang tabuat bulung
rata, ndang marguna i; unang tajou paranormal manang pak haji. Alai
tapangke ma huaso naung nilehon ni Tuhan Jesus di hita. Alai tangkas ma
dibagasan haporseon; pasti lari do sibolis i. Dung i torus ma marende
mangendehon Tuhan Jesus. Ai didok si Martin Luther; uju taendehon Jesus,
pintor maringkati do sibolis i.
- Huriani
Tuhanta nahinaholongan; disungkun Jesus ma ibana: “Ise do goarmu?” gabe
didok ma: Si Loksa (legion), ai torop do tondi na jahat sorang tu ibana.
Aha do lapatan ni i ? Ndada na so diboto Tuhan Jesus i; ai sude na adong
do diboto Ibana. Alai asa marhite i do botoon ni natorop i nang hita,
paboa mansai torop, mansai gogo, jala mansai mengerikan do huaso ni tondi
na hodar i. Didok goarna ima Loksa (legion). Ninna, sian angkatan
bersenjata Romawi do istilah on; songon pleton na toropna 6.000 pasukan.
Memang songon hierarki nimiliter do ulaon ni sibolis i: ada tingkatan di
kalangan mereka, seperti juga ada tingkatan dalam satu legion, yakni ada
pemerintah-pemerintah, penguasa-penguasa, naga dan para malaikatnya,
penghulu setan dan para bawahannya. Kenyataan ini membuat musuh-musuh itu
lebih menakutkan. Adong do komandanna, ima sibolis. Adong angkatan
perangna, ima Lucifer, adong pasukan khususna tu halak Batak, ima “begu ni
na mate”. Alai boi do lapatan ni i; hira na pabiarbiarhon Tuhan Jesus
dohot hita. Hira na mandok; ndang tolap ho molo sasada Ho mangalo hami, ai
torop do hami jala gogo. Alai laos marhite ima dipatudu Tuhan Jesus; tung
sadia godang jala sadia gogo jala sadia beringas pe, ternyata; holan diida
dope Jesus nunga angka hitir, jala sanghababa hata do didok Jesus; nunga
pintor talu (keok). On ma sipeoponta. Unang adong hita na mabiar mangadopi
sibolis,, alai unang pajagojagohon. Huaso ni Tuhan Jesus ma pangasahon,
pasti talu (keok) do i sanghidop mata. Jangan takut! Umbalga do huaso ni
Jesus sian sibolis dia pe. Ndang sadia huaso ni sibolis i martimbangkon
huaso ni Tuhanta Jesus.
- Huria
ni Tuhanta na hinaholongan dibagasan Jesus Kristus; dielekelek sibolis i
ma asa unang dipalao nasida sian luat i. Huroha nunga tung sonang rohani
sibolis i di luat i. Tupa nunga godang korban-na disi. Ninna sahalak
penafsir; Grotius, torop di luat i halak Jahudi naung murtad. Angka i ma
antong nahinalomohon ni sibolis i. Asa, molo dipangido asa torus nasida di
luat i, asa boi nasida torus marhuaso di angka jolma na disi. Ala ni i,
dipangido ma asa tu angka babi na disi nasida dipabali. Ninna mansai
godang babi i, adong do sampe 2.000 ekor (Mark.5:13b). Jala dioloi Jesus
do i. Tangkas tajaha; ndada Jesus na mandok asa tu babi i nasida bali.
Ndang ! Alai sibolis i do na mangido. Keinginan sibolis i do i. Jala
dioloi Jesus pangidoan nasida i. Boasa ? Ala memang, pinahan na najis do babi i di halak Jahudi. DI
rohani Jesus, memang i do dongan ni sibolis i. Ringkot do on peoponta,
unang adong mandok, na gabe dirugii Tuhan Jesus do angka nampuna babi i. Ai so binoto be arga ni
2.000 ekor. Ndang hea dirugii Tuhan Jesus manang ise disi. Alai justru
sibolis i do na mangarugii nasida, ai sibolis i do mandok asa tu babi i
nasida. Alai holan disi sahat sibolis i, pintor manimbung ma angka pinahan
lobu i tu tao i. Songon i hian ma nasib ni napinalua i, aut sugari ndang
dipalua ibana sian sibolis i. Alai diida natorop i ma halak i. Dung
dibebeaskan Jesus ibana sian sibolis i, nunga pintor tarida perubahan na
mencolok. Nunga tung ambal. Ai nunga marabit, tenang, hundul di lambung
pat ni Jesus (ay.35). Sian pengalaman mangadopi naniihot ni sibolis,
jotjot ndang disadari nasida keadaanna na so hasea i. Dung malua nasida,
nunga gabe manusia baru. Ala i ima mambahen gabe mabiar halak na
marnidasa. Ndada mabiar sambing, alai mabiar ala longang do. Molo
nasalelengna i, huaso ni sibolis do dihabiari nasida, ai so boi ditaluhon
nasida, gariada tahe sai olo manggosagosa nasida. Alai nuaeng, diida
nasida ma; ternyata talu do sibolis i, unduk do tu Tuhan Jesus. Berarti, andul jumago
do Jesus sian sibolis i. I do mambahen nasida tahutan; Apakah kuasa Tuhan
Yesus ini akan lebih merusak mereka lagi ? Alai disi diida nasida, ndada
merusak huaso ni Jesus, alai justru paluahon jala mangalehon kelegaan do.
Ima mambahen nasida tahutan dibagasan ketakjuban. Biar ala ni longang na
sumalin do. Memang songon i do muse halak molo diida huaso ni Tuhan Jesus
na so tarasam i.
- Na humebat
muse, dielekelek halak i do Tuhan Jesus asa dipaloas ibana mangihhuthon
Tuhan Jesus. Alai ndang diloas Jesus. Boasa? Na so olo do Jesus manjanghon
naung pinalua sian sibolis (mantan pengikut iblis), ndang ! Alai, ala
rumingkot dope ibana mulak tu keluargana dohot masyarakat-na, asa marhite
kehadiran ni ibana disi, boi ibana disi marbarita (ay.39). Rumingkot dope
ibana mamaritahon sude nabinahen ni Jesus na tu ibana i, sian na dohot
mangihuthon Jesus. Yesus menginginkan kita bukan hanya sekedar pengikut,
tetapi terutama menjadi pemberita. Yesus lebih menginginkan agar kita
memberitakan Kesaksian pribadi kita tentang keselamatan yang sudah kita
terima dari Yesus ketimbang sibuk melakukan ritus peribadahan. Topik ni
minggunta mandok: Ditaluhon Jesus Tondi na Jahat (Yesus Menaklukkan Roh
Jahat). Diapos do rohanta, umbalga do huaso ni Tuhan Jesus sian sibolis.
Tahaposi ma Tuhanta Jesus i asa marhamonangan ngolunta di portibi on.
Amen.
