HAMU
DO SURAT NI KRISTUS
(Kamu
Adalah Surat Kristus)
2
Korint 3: 2 – 6
I. Patujolo
Huria ni Tuhanta, ia surat on na ginurithon
Ap.Paulus tu angka huria na marserak di kota Korint. Ia kota Korint dibagasan
Padan na Imbaru ima sada kota Pelabuhan na maringan di semenanjung Makedonia.
Diebati Ap.Paulus do Kota Korint di pardalanan misi na paduahon marhite na
mamolus pardalanan na mansai borat situtu sian darat dohot laut ala soada
kendaraan, ai mardalan pat do. Nang pe songon laos so hea do AP.Paulus gabe
sumurut nang pe godang angka resiko laho mamaritahon Barita na Uli i. Somalna
uju marhusor ibana tu angka ruas natinopotna i, sai digurtihon do surat tu
angka huria naung tinopotna i.
Molo najolo surat do sipangkeon gabe sarana laho
markomunikasi hatiha i. Mansai marasing di era sisaonnarion na lam tu majuna
tehknologi naung adong handphone (HP) nunga lam mura markomunikasi tu sandok
portibi on. DI Bibelta i naung dua hali ditongos Ap.Paulus suratna tu huria di
Korint. Molo tapamanat di surat na parjolo dohot na paduahon, naung adong
masalah na mansai maol di pargulmiton ni ruas ala naung godang do na gabe
sipaula na manumannuman songon parhobas laho mandapot paruntunganna sandiri.
Godang do disurathon Ap.Paulus laho patoranghon taringot dirina, aha ma tujuan
ni panghobasionna jala sihol ni rohana tu huria i marhite angka suratna i.
II. Hatorangan
1) Uju
ditadinghon Ap.Paulus kota Korint, bahat do na manungkun panghobasionna songon
sahalak apostel jala adong do na meragukan haapostelonna. Jala ima angka oknum
na so manghalomohon Barita Na Uli i lam tumajuna. Laho mangalusi keraguraguan
i, marhite surat ma na gabe sada media informasi na dumenggan di abad na
parjolo Masehi. Panuratan ido sada sarana informasi nang pe na boi mangantusi i
angka naung marsingkola. Godang do ragam cara panuratan uju i, adong ma di
laklak ni hau naung dipahiang (digoari papirus) sahat tu angka gulungan ni
harotas somalna naung di materai, jala na boi manjahasa holan angka na
tertentu. Alai mansai longang roha, didok Ap.Paulus ia angka ruas ni huria di
Korint ima surat sipujionna. Surat pujion na dipasahat Ap.paulus ima mardomu di
hajongjonganna songon sahalak apostel. Angka ruas ni huria na di Korint ima
parbue ni panghobasion ni Ap.Paulus dohot angka dongan saulaonna. Marhte suratna
i ap.Paulus secara tidak langsung naeng pasahathon tu angka na manangsinghon
haapostelonna.
2) Dijaman
nuaeng on pe porlu do adong bukti na sasahalak na berkompeten dibidangna. Porlu
adong pembuktian nang legalitas ni sasahalak di bidangna. DI negaranta on sian sipanganon nang sian profesi pe boi do
dipalsukan. Adong Minyak oplosan, adong bakso na di palsukan, adong saos
oplosan sahat tu profesi polisi, dokter, tentara pe diperankan orang2 na so
sintong manang sinting alias abalabal. (nang pe adong do godang na palsu alias
kw boi tu dengganna tu beberapa situasi, isarana bunga palsu/plastik tu hiasan
ruangan, tas kw tu angka na so mampu). Laos songon i do di partingkian ni
Ap.Paulus diraguhon do ibana songon apostel. Boha do parngoluon ni ruas nihuria
i, denggan do parngoluonna ? boha do pangalaho ni ruas ni huria di Korint suman
jala tudos do tu haporseaonna di Hata ni Debata manang ndang ? Molo tudos
denggan ni barita na uli i manghorhon tu parange nang pangalaho ni ruas i. Molo
ndang boi ma dohonon ndang sintong haapostelon ni si Paulus i. Hape boi do dibereng
angka ruas nihuria di Korint naung lam mangerbang nang dihumaliangna di angka
asiasi ni Debata dinasida. Jala dapotonta do hasisingkop ni silehonlehon na
sian Debata jala lohot do di diri nasida. Jala angka ruas i mansai menarik di
angka halak Kristen uju i di sandok portibi on siala ni angka silehonlehon na
sahat di nasida sian Debata i. Jadi tangkas ma angka ruas ni huria na di Korint
ima SURAT NI KRISTUS na sai dapot sipujion di panghobasion ni Ap.Paulus dohot
angka donganna. Jala hinorhon ni i angka pandohan na so denggan jala na
mangarehe i haapostelonna i naung gabe manguhom do ujungna.
3) Marhite
dua pangantusion sian hata : “ditanda jala dijaha” ima patuduhon saluhut
totalitas parngoluon ni ruas ni huria Korint diida saluhut jolma. Boha nasida
mandalani ariari ni ngolu nasida siganup ari, boha nasida manghatahatai, boha
do nasida marhapantunon, dohot marsaor dohot angka na di humaliangna. Saluhutna
parange nang pangalaho nasida boi dijaha saluhut jolma na adong di kota Korint.
Na marlapatan, slauhut parngoluon nasida songon ruas ni huria – halak Kristen
boi ditanda nang dijaha angka na di Korintus. Angka nasida ganup boi gabe duta
duta ni Kristus na gabe surat ni kristus na mamboan barita tanringot tu
Kristus, jala boi manghorhon pasupasu nang sinondang tu tongatonga ni
hajolmaon.
4) Huria
ni Tuhanta nahinaholongan laos songon i ma dipangido turpuk on sian dirinta
angka na porsea di Kristus. Molo so sian dirinta be dijaha halak Kristus i,
sian ise ma muse arophonon. Nda praktek ngolu siganupa ri i do na mansai
efektif jala praktis laho mamaritahon Barita na Uli i ? Asa ndada holan na
marminggu, mandohoti partangiangan, parpunguan ni halak Kristen dohot na
mambege jamita nang martangiang i ulaonta. Alai na rumingkot do muse di
parngoluonta siganup ari i. Boha do interaksi ni halak na porsea i dohot na di
humaliangna ? Ai surat ni Kristus do hita na dijaha jala ditanda nasida
haholongon nang pambahenan ni Kristus i
sian ngolunta siapari. Tuhanta Jesus Kristus i ndada Tuhan na modom, na mate
alai Tuhanta na mangolu jala aktif marnida na masa di parngoluon on laho
patuduhon dalan tu saluht na tinompa asa dapotan haluaon. Ali ndang holan tu
halak dohot do tu lingkungan hidup, tu saluht alam, nang portibi on ai disuru
do hita marhite AMANAT AGUNG ni Tuhan Jesus Kristus; Markus 16:15 (TB) Lalu Ia
berkata kepada mereka: "Pergilah ke
seluruh dunia, beritakanlah Injil kepada segala makhluk" (NET) He said to them, “Go into all the world
and preach the gospel to every creature". Kehadiran, sepak terjang
maupun pelayanan kita kapanpun dan dimanapun hendaknya menjadi warta gembira
bagi orang lain atau sesama, tentu saja kita sendiri semakin gembira atau
selamat jiwa kita dan mereka yang menerima pelayanan atau kena dampak hidup dan
cara bertindak kita juga semakin atau menjadi gembira, selamat jiwa dan
raganya. Ingkon sadaranta do na taboan ima pribadi ni Kristus di ganup
totalitas ni parngoluonta. Di lingkungan hidup pe porlu do jagaonta ekosistem
na lam seimbang na gabe dalan ni Debata mamasumasu hita jolma. Pembuktian
Barita na uli di saluhut na tinompa marhite menjaga keasrian lingkungan dan kebersihannya
sada pasupasu do i di hita.
5) Huria
na hinaholongan topet ma di Minggu 30 Juni 2024 on Minggu Jubileum 125 Thn
Zending HKBP. Naung sahat didia do zending ni HKBP ? pelayanan ni zending ndang
holan mengharapkan lembaga zending HKBP alai saluhut ruas ni huria ni HKBP
tarjou laho pararathon Barita na Uli i. Ai tu hita na porsea do tugas dohot
tanggung jawab i dilehon Tuhanta, ndada holan na targoar fulltimer, manang
pangula na gok tingki manang parhalado alai saluhutna do sian na metmet sahat
tu ruas na magodang. Ala ni i taparrohahon ma lingkungan ni keluarganta,
parpunguanta, parkarejoanta, nang hurianta be nang diluat dia pe hita laho jala
maringan. Disi ma hita patuduhon eksistensi ni Kristus na hot mangula jala
mampanghorhon tu saluhut hinorhon ni angka na porsea i dipatama Kristus gabe
sikkatNa pararathon HarajaonNa i. Ulaon ni zending ulaonni Debata do i na
patamahon hita patulushon i di portibi
on. Asa ndada ala ni gogo Ap.paulus i marhasil, ndada ala ni gogo ni angka
missionaris najolo tu Tano Batak asa marhasil zending, alai sandok ala Tondi ni
Debata ima Tondi Parbadia margogoihon angka Parbarita na Uli nang angka na
porsea margogo pasarhon Barita na Uli i.
DI HKBP marhite ragam rpogram pelayanan zending: pelayanan kaum difabel,
pelayanan diakoni sosial “sanggolom boras”, pelayanan narapidana di Penjara,
Penanaman Pohon untuk penghijauan lingkungan gereja dna. Ima dalan ni hurianta
laho paboahon na mangula do tongtong Tuhanta i di portibi on laho pajongjonghon
HarajaonNa. Ala ni i Asa gabe surat ni Kristus na tama hita ingkon lohot ma
Kristus i di hita marhite parsaoranta na rosu dohot Kristus di na manangihon
barita na Uli, dohot dibagasan tangiang, jala lam malo mangulahon patik nang
hataNa ima lomo ni roha ni Tuhan i. Amen.
