JOUJO TU JAHOWA DIHAGOGOTANNASIDA
I
(Berseru Kepada
Tuhan Dalam Kesesakan)
Markus 4: 35 – 41
a) Huria na hinaholongan dibagasan
Jesus Kristus ia turpukta on mangajari hita, boha do mangadopi situasi na
kritis, hasusaan na tompu jala berbahaya. Secara umum adong do dua sikap ni
jolma mangadopi situasi na kristis:
1. Sikap negatif; ima na menyerah na
menganggap umbalga hasusaan i sianibana. Manang na marnida hasusaan i songon
sibaran (nasib) na so boi ubaon. Ciri-ciri ni jolma na songon on, ima: mencari
kambing hitam (harus ada yang dipersalahkan untuk membenarkan dirinya). Dohot
na menggerutu, kalut, songgaksonggak, ala ni biarna.
2. Sikap na positif ima sikap
bertahan dan berjuang sahat tu na
monang. Mamangke tantangan i gabe peluang. Ciri nijolma na songon on ima:
optimis, torus manghirim, mandok: tiada derita tanpa akhir. Dungi olo
mangalului akar masalah asa boi diatasi jala unang diulakhon hasalaan na dos.
Halak na songon on do somalna na ummaju.
b) Huria ni Tuhanta na hinaholongan
dibagasan Jesus Kristus, boha do tama sikapta mangadopi keadaan na kritis i ? i
do na naeng ajarhonon ni Jesus tu hita marhite turpuk on:
Ø Jesus tarpodom; nunga tung loja Jesus mangajari
sadari i. Hira na dilarikan angka isean i nama Ibana sian na torop i (ay.36)
asa tung boi ibana mangulon. Toho do tutu, disi sahat tu parau i tung renges
situtu do Jesus modom (ay.38). Ibana na panepnephon parangan ni si Saul najolo i (1 Sam.26:12), nuaeng nepnep modom.
Ø Ima patuduhon na tutu situtu do
jolma ia Jesus i. Alai huhut Debata situtu, Anak ni Debata na so olo
mahondkondok dohot modom i,nuaeng sian
–hjolmaonNa-mamorluhon istirahat jala sernep modom. Alai, di na terancam angka
sisean i, pintor hehe do Ibana songon Anak ni Debata patuduhon huasoNa
pasohothon ancaman i.
Ø Nunga tung balga ancaman i, ai
angka sisean i pe nunga somal karejo disi, nunga mabiar situtu (ay.37), hape
ianggo Jesus torus renges modom. Hira na so parduli tu hasusaan i. Boasa ? Ala
pos situtu do rohaNa di AmangNa Sijaga dohot Siramoti Ibana. Muse, ai nda Ibana
do sitompa dohot sirajai alogo ? Diboto Ibana do olat ni dia kemampuan ni alogo
dohot aek ni tao i.
Ø Ternyata ndang modom Jesus.
Nanaeng ajranNa do sisean i nang hita saonnari, asa taboto, boha do mangadopi
situasi ni gawat jalakristis dibagasan ngolunta. Tabereng ma na mangihut on.
c) Sikap ni Sisean i: Ra, ndang
habis pingkir sisean i, boasa tung renges Jesus hape keadaan nunga mansai
gaawat situtu. Dimulana, dipasombu nasida do. Alai dung lam gawat, mangangguk
ma nasida manggora Jesus: “Guru ndang disarihon rohaM hita mago?” (guru, Engkau
tidak peduli kalau kita binasa ?). Dihilala
nsida, ndnag perduliJesus di keselamatan nasida. Jala, ra, jotjot hita songon i
molo dung ro keadaan na gawat i. Tarimpu do na so parduli Debata di haluaonta.
Ima akibat ni kepanikan. Gabe so ditanda nasida be ise do Jesus na satingkosna.
Hape nian nunga dipaidaida nasida angka tanda halongangan na mansai balga
nabinahen ni Jesus. Alai, songon i ma masa hita molo tapaloas biar ni roha i
mandondoni hita.
d) Hehe Jesus pademakhon Tao i.
Songon jolma, sinok do Jesus; alai songon Debata hehe do Ibana jala bertindak.
Ndang pola diboan tungkot songon si Musa, manang jubah songon si Elia. Holan
HataNa do, jala sanghababa sambing do didok: “Sip ma! So” (diam, tenanglah)”.pintor
so do alogo i (ay.39). Keberingasan ni alogo dohot tao i, na pola mambahen
sisean i tahutan, nuaeng monggop, tunduk, kecut do umbege Hata ni Jesus i. AI
pintor menak do tao i, jala mauhom alogo i. Ai nda Ibana do sitompa jala
sirajai alogo dohot aek? Saguru dokNa do sudena. Ibana do mamarenta i tu dia
lao (Psl.89:9-10).
e) Haporseaon ni Sisean i; Dung disonggak
tao i, dipinsang Jesus ma angka sisean i : “Boasa songon i biar ni rohamuna ?
Dia do umbahen soada haporseaon di hamu? (mengapa kamu begitu takut? Mengapa
kamu tidak percaya ? – ay.40). Ndada na so adong haporseaon ni sisean i. Adong do, alai ndang dipangke.
Ima ala pintor panik mida balga ni ancaman ni tao i, gabe so diingot be
mamangke haporseaonna. Tudos ma i tu barita taringot tu
professor linglung i. Na mardalandalan do ibana di sada botari. Ala ditagam ro
do udan, diboan ibana ma payungna, jala dihapithon. Hape, tompu ma ro udan,
nang pe tiur dope mataniari. Ala ni panikna, sai marlojongi ma professor laho
mangalului panisioan, pola sampe hosahosa. Diida torop halak do i. Digorahon ma
asa dipangke payungna na nihapitna i. Dung i pe asa sadar ibana, laos dipangke,
alai mila ma ibana mid anatorop, ala nunga linglung. Ia hita boha do ? Porsea do
sisean i di Jesus, alai ndang sahat tu na manghaporseai. Adong do dua tingkatan
ni haporseaon, ima : Porsea (to believe) dohot manghaposi (to trust). Asa
ummura taantusi, ummura ma marhite cerita taringot tu pemain akrobat na di Air
terjun Niagara i. Adong ma pemain akrobat na hebat,
na boi mardalan di atas ni sada tali na ganjang dipagistang di ginjang ni air
terjun na balga i. Sian sada bariba tubariba na sada. Disungkun ibana ma
natorop i: “Porsea do hamu na boi ahu mardalan di atas tali on menyeberang tu
bariba an?. Sude do natorop i mangalusi “porsea”. Disungkun sampe piga hali,
sude mangalusi: “porsea do hami”. Alai dung didalani manang na piga hali, huhut
mamboan ransel na marisi beban di tanggurungna, disungkun ma muse na torop i:
molo porsea do hamu na boi ahu mardalan di atas ni tali on tu bariba on jala
mulak muse tuson, ise ma sian hamu na olo ompaonku huhut mardalan di atas tali
on?”. Ianggo i antong, marsilonging ma natorop i, sude manabunihon bohina uanng
dijou. Alai dung sadia leleng, pintor marlojong ma sahalak dakdanak sian
tongatonga ni natorop i tu tangkuhuk ni pemain akrobat i. Dung i diboan ma
ibana di tangkuhukna i mardalan di atas tali i. Ima na manghaposi, ala dohot
diboan. Ise do dakdanak i ? ima anak ni pemain akrobat i. Pos situtu do rohana,
na mampu jala olo do amana i mamboan ibana mamolus hamaolon i. Ia hita, nunga didia ? Holan
porsea boti dope, manang nunga sahat tu na manghaposi?
f) Siboanonta sian turpuk on: On ma
gombaran ni ngolu ni angka na porsea dohot huria di tano on. Songon parau i, na
ditahopi galumbang ni tao i dohot alogo i laho mangalononghon. Songon i do
huria ni Kristus di portibi on; dilele, dipasiaksiak setan dohot huaso ni
portibi on (Dan.7:2-3; Pangk.13:1; Jes.57:20). Laho manghalonongkon angka na
porsea i, asa sosa goar ni Jesus sian portibi on. Nunga disuriranghon Jesus
hian i. Ndang pola tarsonggot be hita, ditutung angka gareja, dipahapithapit
hita marhite angka peraturan daerah dohot angka na asing. Laos dipaboa i do tu
hita, sai adopanta do angka kegawatan-kegawatan di ngolu on. Marmansam situtu
do hamaolon na menggawatkan siadopanta di ngolunta, ala ni dosa dohot ulaon ni
sibolis. Alai, marhite tanda halongangan on, tangkas do dipatandahhon Jesus
diriNa tu hita songon Siparorot, Sipanjaga. Ala holong dohot hagogoonNa. Ndang
paloasonNa di angka napinaluaNa. Ido manjagahon na porsea i sian sude
kegawatan-kegawatan i. Ai Ibanda dona sun gogo. Saluhut do di toru ni huasoNa.
Gariada dosa, sibolis nang hamatean, sumber ni angka hamaolon nunga ditaluhon.
Ala ni i ndang adong sihabiaranta molo Ibana donganta. Na Mardalan do huria
dohot na porsea i mamolus sejarah ni portibi on mardalan tu Harajaon na
Manongtong i. Sai ro galumbang dohot alogo ni portibi on manahopi huria dohot
na porsea i. Alai, fakta membuktikan, ndang hea maup huria dohot na porsea, ai
Ulubalang na gogo i do Nampunasa (ptds.Pslm.46:1-3; 93:3-4).
g) Topik ni minggunta mandok: JOUJOU
TU JAHOWA DIHAGOGOTANNASIDA I (Berseru Kepada Tuhan Dalam Kesesakan). Sipata na
“modom” Tuhanta i, hira na so dibege anggunganggungta molo ro hamaolon i.
Boasa, ima na manguji hita, manguji haporseaonta asa tongtong hita joujou tu
Ibana, ndada porsea sambing alai huhut manghaposi Ibana asa Ibana na paturehon.
Angka na porsea i tongtong martangiang, manjoujou Tuhan i ala Tuhan i do haposanna
dibagasan ngoluna. Buku Ende No. 806 = Aha Pe Masa Di Ngolum On, Ayat 1;
Aha pe masa di ngolum on/Tuhan manjaga ho
HolongNa do mangondihon ho/Tuhan manjaga ho
Tuhan manjaga ho/Las pe roham marsak pe ho
Sai diramoti ho/Tuhan manjaga ho.
Amen.
