Jamita Evangelium Minggu Trinitatis (Hasitolusadaon ni Debata)– 26 Mei 2024

Na Badia, Na Badia, Na BadiaDo Jahowa Zebaot     

 (Kudus, Kudus, Kuduslah Tuhan)

Jesaya 6 : 1 - 8

 

a)      Debata na badia jala na songkal naung papatarhon diriNa tu si Jesaya. Naung hea masa tu si Musa marhite duhutduhut na galak alai ndang matutung jala tu si Saulus na gabe si Paulus uju pardalananna tu Damsyik. Aha do lapatan ni Debata patandahon diriNa ? Dos naung masa tu si Musa laos songon i do hataridaan ni Debata tu si Jesaya ima laho mangulahon sada ulaon na badia na marhadomuan tu masa depan ni bangso Israel. Dijou Debata do si Musa marhitehite goar dohot huaso ni Debata na paluahon Israel naung diparhatoban Misir, diain Debata bangso Israel gabe bangso na pinillitNa dohot bangso napinarbabagahonNa.

b)      Dibagasan turpuk on dijou Debata do si Jesaya laho mamboan mulak bangso Israel sian dosa nasida naung martiburak i na parohon rimas ni Debata tu nasida. Siala partogi nasida ndada be laho manogunogu bangsona alai sabalikan na gabe parhuaso na manindos bangsona sandiri do. Ndada be disarihon bangsona sian hapogoson alai lam tu parirna parniahapan ni bangso i, tarlumobi angka ina namabalu, na so marama naso marina jala aangka halak na pogos. Sai dipatamahon do kepentingan ni pribadi dohot kelompok laho menekan angka na pogos. Dos pangalaho ni parhuaso dohot angka pengusaha manumpuk arta tu dirina sandiri . Ndang dihormati be debata dohot na sepatutna, alai gabe laho do rohana manomba debata ganaganaan Dewa Baal dohot debata sileban. Molo tapamanat manjaha di 2 Kronika 26, Raja Uzia do na manggomgomi bangso Israel hatiha i, raja na pasonanghon roha ni Debata alai gabe tarunjun ibana laho paginjanghon dirina. Ndang diparrohahon be habadiaon ni Tuhan i. Dilaosi do Hata ni Tuhan Debata siala mamasuhi bagas ni Tuhan i laho manutung daupa diatas ni langgatan ( 2 Kronika 26: 16), ala ni i do ibana hona uhuma marhite sahit huliton na mamboan tu hamateanna. Nang pe pelean situtungon naung dipelehon tu Debata alai holan sipaula doi, gabe dibahen doi songon na laho paiashon dosana.

c)       Hadosaon ni bangso Israel naung mangimbukbuk na mambahen jut roha ni Debata, jala ingkon ro do Debata laho manguhum nasida tu habuangan. Huta nasida gabe malengse, halongonan jala ndnag adong manang aha be. Tujuan ni Debata ndada holan mambuang nasida songon i sambing, alai asa marhamubaon ni roha nasida sian dosana, jala mangelek ma nasida mangido hasesaan ni dosa jala marhamubaon ni roha. Na dipangido Debata asa dipatuduhon bangso i hadirionna songon bangso na pinillit ni Debata asa mian jala mangolu dibagasan habadiaon. Laho paradehon i saluhutna ringkot do Debata mamillit sisuruonNa ima si Jesaya.

d)      Habadiaon. Uju di taon 740sM, di Bagas Joro ni Debata do si Jesaya marnida Tuhan , nang pe andorang so i naung manurirang i ibana (ptds. Bnd.1-5). Sian parnidaan i, diantusi si Jesaya do ulaon, manang parsuruon na tu ibana. Ido labana molo sai ro hita ringgas tu Gareja, asa boi marnida kehadiran ni Debata. Nang pe ndnag sai songon na nialaman ni si Jesaya on, alai kehadirantta di gareja marhite roha na sai masihol jala nigohan roha na naeng pajumpang dohot Debata marhite hataNa i. Uju angka Seraphim joujou: nabadia, nabadia, nabadia do Debata disi ma si Jesaya manghilalahon kesadaran na luar biasa. Ditanda ibana do dirina sandiri, jala tangkas na i halak pardosa do ibana, na so tama diadopan ni Debata, ndada na so tama i sambing alai na naneg mate ma pangkilalanna di na marnida Debata i ibana ( 1 Musa 32, 30; 2 Musa.33, 30; Panguhum 13:22; 6:22). Asa dohononna ma; 6:5a Dung i hudok ma: Marjea ma ahu! Nunga mago ahu, ai jolma parbibir na ramun do ahu...” Ndang boi ibana marende raphon Seraphim laho pasangaphon Debata ala na ramun do bibirna. Huria ni Tuhanta pangalaho kesdaran sisongon ima na ingkon adong di hita molo naung mangadop Tuhan i hita ima na manghilalahon hadosaonna. Ima gunana molo ringgas hita ro tu parpunguan pajumpang dohot Debata. Naung disadarhon do dirinta, “na so tama hita diadopan habadiaon ni Debata, ala mananda hadosaonta. Jala disi ma panghilalan na dihutur hita laho mambuha saluhut angka dosanta diadopan ni Debata, jala dibagasan serep ni roha mangelek mangido hasesaan ni dosa sian Ama i. Sai na lomo do roha ni Tuhan sisongon i. Sai sesaon ni Tuhanta Jesus do saluhut dosanta i. Jala dipatigor ma dirinta siala naung diain Jesus saluhut angka dosanta gabe neang ma panghilalanta. Alai angka halak na so olo ro tu adopan ni Debata ima na sai manghilalahon kehebatanna mangulahon dosa i. Ala ni ima ndada na ro ibana laho mangokui angka dosana, alai lam martamba tamba ma angka dosa na niulana. Halak sisongon ima na parohon rimas ni Debata.

e)      Ay.6-7. Diparbadiai. Uju dipaserep si Jesaya dirina nang rohana na mangokui haramunonna dohot hadosaonna, sai na tama do Debata pabadiahonsa. Mansai las do roha molo adong hasalaan ni ba tu dongan jala diampuni/ dimaafkan hasalaanta. Laos songon i do tarlumobi las ni rohanta nunga sesa dosaniba sian adopan ni Debata. Angka na ro tu Jesus sai sesaonNa do dosana. Ima diparbadia i Jesus Kristus. Lapatanna angka naung diparbadiai ingkon tampil beda, marasing sian portibi on. Unang be mangihuthon na naung masa di portibi on dohot hagiotna, isara ni songon pandohan umpasa Batak: “eme na masak digagat ursa, ia i na masa, ima niula”. Ala ni i songon dekke di laut i ma hita, nang pe ansim aek laut i alai molo dekke na maringan disi ndang dohot ansim. Halak naung disesa dosana jala porsea di Jesus naeng ma mangolu dibagasan habadiaon siala naung dipatubu ibana marhaimbaruon, natinompa na imbaru dibagasan Kristus ( 2 Kor.5:17; Ep.1:4; 1 Ptr.1:15). Jadi ndada mangolu ibana holan didirina sambing alai holan tu Tuhan i ma ngoluna.

f)       Ay.8; Diparbadiai asa disuru. Nuaeng dung diparbadia si Jesaya. Dipillit Debat do ibana gabe ulaulaNa. Ditangihon si Jesaya do soara ni Debata, so pola lelelng dipingkiri laos sigop do si Jesaya mangalusi, dison do ahu, suru ma ahu. Huria na hinaholongan ni Tuhanta, diparbadiai Debata patubuhon haoloon ni si Jesaya laho mangulahon ulaon na sian Tuhan i. Jala ganup naung diparbadiai Debata ima patubu roha na olo mangulahon parsuruon ni Debata. Lapatanna ganup na porsea naung diparbadia i naeng ma sian ias ni roha (sukarela) laho mangulahon ulaon ni Debata. Naung dipapulik Debata do hihta, gabe milikNa laho mangulahon ulaon ni Tuhan i. Ala ni molo sai adong dope halak Kristen na marsidalian laho mangulahon manang patulushon sangkap ni Tuhan i diraguhon dope haKristenon ni i. Respon ni si Jesaya laho mangundukkon dohot mangoloi parsuruon ni Debata ima sada pilihan na tepat. Billy Graham mandok: “To receive Christ cost nothing; tu follow Christ cost something; To Serve Christ cost everything”. Ketika dia diminta dicalonkan menjadi Presiden Amerika, dia mengatakan bahwa bila menjadi presiden dia akan dipensiunkan pada suatu saat. Namun bila dia menjadi hamba Tuhan ia akan melayani seumur hidup. Diibana panjouon ni Tuhan i do na tumimbo sian na gabe Presiden Amerika. Laos songon i do Ap.Paulus na manadinghon saluhutna laho holan gabe sisean  ni Jesus. Diibana gabe duta ni Debata na gabe Raja sian saluhut raja, Tuhan ni saluhut na tinompa mangalobii sian na asing. Dibagasan buku ni si Rick Warren mandok: Pelayanan itu akan melatih otot-otot rohani kita. Jala Bunda Teresa mandok: ngolu na marhabadiaon boi dapothononhon siala mangulahon ulaon ni Debata dohot senyuman.

g)      Disuru laho pabadiahon. Disuru Debata do si Jesaya tu tonga bangso Israel asa marhamubaon ni roha, asa sumurut rimas ni Debata na boi maniaphon nasida. Ima ulaon ni angka naung pinarbadiaan ni Debata ima laho pabadiahon masyarakat dohot bangso ingananta. Ima tugasta songon halak Kristen di tonga bangso Indonesia on gabe mitra ni Debata laho pabadiahon negaranta on. Steven Covey mandok dibukuna the Seventh Habits; orang Kristen harus memperluas lingkaran pengaruh kekudusannya terhadap  ingkungannya. Itulah fungsi kita sebagai garam dan terang dunia. Gabe naposo haposan ma hita laho mangulahon parsuruon ni Tuhanta i di liat portibi on. SailehononNad gogo tu hita marhite TondiNa i Tondi Parbadia i asa margogo hita jala marsitutu pasauthon lomo ni roha ni Ama i. Amen.

 

Jamita Epistel Minggu Trinitatis (Hasitolusadaon ni Debata)– 26 Mei 2024

Na Badia, Na Badia, Na BadiaDo Jahowa Zebaot     

 (Kudus, Kudus, Kuduslah Tuhan)

1 Johannes 5: 9 - 13

 

a)      Disurathon do turpuk on laho manogunogu paprunguan naung marbolatbolat siala godang ni sungkunsungkun taringot tuhajolmaon ni Jesus. Mansai asing do begeon taringot tu si di partingkianta sinuaeng on, dihamajuon post modern sinuaeng on mansi bahat na mandiskusihon hadebataon ni Jesus Kristus. Nang pe songon i di angka anggota ni huria di 1 Johannes naung papulik diri sian huria na soo mansoadahon Jesus ima Kristus (2:22) manang na mandok na ro do Jesus holan dibagasan hajolmaonNa (4:2-3). Panurat ni Johannes on naeng mangalehon semangat tu nasida na sai hot maringan disi jala panghatindanghononna taringot tu Jesus na di portibi on songon Kristus jala Anak ni Debata ima na sintong. Dihatindanghon Apostel Johannes do haporseaon ni halak Kristen namanaluhon portibi on, dasor pangondolanna ima na marsitiopan tu Jesus Kristus, na manghamham saluhut panindangi dohot na hinatindanghonna mandukung hasintongan ni Tuhan Jesus dohot hasongkalonNa.

b)      Dibagasan turpuk on ma taparrohahon panorangion na denggan boasa hita marhaporseaon tu Kristus, taringot tu mandat na binoan ni Sipalua i dohot Ibana, jala angka bukti sian haKristenon; Ay.11 ‘Jala on do panindangion i: Naung dibasabasahon Debata do tu hita hangoluan salelenglelengna, jala di bagasan Anakna do hangoluan i.” Ap.Johannes naung pabotohon hita ia Tondi Parbadia i na mangalehon panindangion di Kristus ido hasintongan, paboa tu hita na porsea ia Tondi i do hasintongan. Paposhon rohanta na maringan do Ibana di Surgo i. Sian perspektrif Hasitolusadaon ni Debata, panindangi na patoluhon ima Tondi Parbadia, goar na badia jala na songkal, panompa na badia. Na tigora jala na bonar na diIbana do Tondi Habadiaon namangalehon sahapNa dohot panindangionNa na tongam. Songon i ma na nidokna tu Jesus ima uluan ni halak Kristen songon angka na boi berengonta: Parjolo, Di bortian ni hajolmaonNa na gabe halongangan ndang martihas jala ndang mardosa sian si Maria na gabegabean. Tondi Parbadia na saor di atasmu (Luk.1:35). Napaduahon, na saor Tondi Parbadia na samak di parnidaan masa tu Kristus uju dipandidihon Ibana. Na ro ma Tondi Parbadia marrumang (luk.3:22). Napatoluhon, di na laho manaluhon angka tondi di banua toru dohot di haholomon. Matius 12:28 Alai anggo Ahu pabalihon angka sibolis i mangasahon Tondi ni Debata, naung songgop ma tahe harajaon ni Debata tu hamu! Napaopathon, na saor do Tondi i jala samak idaon jala gok huaso mian diatas ni angka apostel, laho manggoh nasida marhite angka silehon lehon nang huaso laho mamaritahon Kristus dohot barita na uli tu sandok portibi on dungkon manaek Ibana tu Banuaginjang laho paradehon inganan di hita angka na porsea. Songon buku ende BE 522 SURGO I SAMBULONTA DO I= Surgo i sambulonta do i, ndang adong be siaeon disi, Na mamuji tongtong na disi, pinalua ni Tuhanta i. Surgo i, surgo i, ndang adong be siaeon di si, surgo i, surgo i, surgo i, ndang adong be siaeon disi. Jala tasadari do realitas siadopanta angka na porsea mansai borat do ditonga tonga portibi on.

c)       Nabadia, nabadia, nabadia do Jahowa Zebaot. Angka ise ma na tama mandok na badia do Jahowa Zebaot ? ima angka na mananda asi dohot holong ni Debata. Sai pujion ni angka na porsea i do Debata Jahowa. Pamujionna ndada holan dibibir sambing, ndada holang pandohan sambing manang holan di formalitas peribadahan. Alai pamujion manghatindanghon nabadia do Jahowa Zebaot ima marhite na manjaga habadiaon dirina sandiri songon siihuthon Kristus. Na mangalo dosa dohot pangalaosion, na sai satia jala burju mangulahon hata nang patik ni Debata. Na mandok nabadia do Jahowa Zebaot ima angka na marporang jala marpasirangguthon haporseaonna asa tongtong hot satia tu Jesus Kristus. Jala na marhamonangan di Kristus do na boi mandok nabadia do Jahowa Zebaot. Jangan kendor, apalagi hingga menyerah kalah sebelum perjuangan ini selesai, Tuhan sudah – sedang – dan akan selalu menyertai memberkati kita dengan Karunia Hidup Kekal dari Allah. Amen.

Jamita Evangelium Minggu PENTAKOSTA-II (Pesta na Paduahon Parningotan Ari Hasasaor ni Tondi Parbadia)– 20 Mei 2024

Naung Maruli Tondi Laho Manguluhon     

 (Dipenuhi Roh Allah Untuk Memimpin)

4 Musa 27 : 18 – 23

 

a)       Huria ni Tuhanta, molo naeng mangalului sahalak na suman gabe pimpinan manang gabe uluan ndada ulaon na mura. Siala sahalak uluan ima na boi gabe tiruan dohot role model di angka na niuluanna. Songon umpasa ni halak Batak ma jolo hudok:  “sala mandasor sega luhutan”: Asal muasalnya umpasa, dimana ketika panen padi, petani memanen padinya dengan istilah Bataknya "marsiruppa" atau "marsiadapari" yaitu bahu-membahu atau tolong-menolong untuk memanen padi secara bergiliran. Kelompok pekerja/pemanen akan melakukan hal yang sama semua secara bergiliran. Istilah panen padi itu dikenal dengan "marsabi-banting" (padinya disabit/diarit lalu dibanting untuk memisahkan bulirnya). Pemanen mengarit padinya terlebih dahulu sambil mengumpulkannya dengan tumpukan kecil yang disebut tibalan demikian selanjutnya hingga selesai. Setelah tahap pengaritan selesai, lalu  tibalan demi tibalan diangkut lalu di tumpukkan di suatu tempat. Tumpukan jerami padi dengan skala besar inilah yang disebut luhutan. Luhutan tersebut bisa dibentuk memanjang atau terkadang melingar hingga ke atas (berbentuk slinder atau tabung). Membentuk suatu luhutan ternyata tidak gampang, karena tumpukan tersebut terkadang bisa meninggi. Apalagi jika luhutannya membentuk tabung sangatlah susah karena kuncinya ada di dasarnya yang disebut dengan "dasor". "mandasor" atau membuat dasar harus hati-hati. Dimana jerami padinya harus disusun dengan sangat rapih sebagai alas atau dasar  berbentuk persegi atau persegi panjang dengan ketebalan kira-kira 2 jengkal orang dewasa. Setelah itu dibentuklah tumpukan melingkar di atasnya sampai meninggi hingga membentuk tabung. Jika dasor/dasarnya tidak disusun rapih atau aut-autan maka tumpukan yang di atasnya akan tumbang berantakan/ rusak. Tarlumobi ma laho manguluhon sada bangso ni Debata ima bangso Israel unang gabe manalai ala ni sala mamillit uluan boi gabe sega bangso ni Debata. Para pemimpin yang buruk mungkin takut untuk membekali seseorang yang mampu menggantikan mereka, namun para pemimpin hebat seperti Musa mulai mengembangkan penerusnya jauh sebelum mereka akan meninggalkan jabatannya.  Dibagasan turpukta on dipatorang ma taringot tu pamilliton uluan na manggantihon si Musa laho manguluhon bangso Israel.

b)     Dibagasan turpukta on  paboa naeng marujung ma panguluhonon ni si Musa di bangso Israel. Ala ndang leleng be ibana manguluhon asa marpangidoan ma si Musa tu Tuhan Debata laho mangalului panggantina laho manguluhon bangso Israel mamasuhi tano parpadanan i (ay.15-17). Selama 40 tahun, bangsa Israel telah dipimpin Musa. Ia telah membawa mereka keluar dari Mesir sampai perbatasan Tanah Perjanjian, tetapi Allah bersabda bahwa ia bukanlah orang yang akan membawa mereka masuk ke sana (Bilangan 27:12-14). Musa sangat peduli. Itu sebabnya ia berdoa: “Biarlah Tuhan, Allah dari roh segala makhluk, mengangkat atas umat ini seorang yang mengepalai mereka” (ay. 16). Ia tidak ingin bangsa Israel menjadi “domba-domba yang tidak mempunyai gembala” (ay. 17), jadi ia juga ingin penerusnya merupakan pilihan Allah. Allah menjawab doa itu dengan menetapkan Yosua sebagai penerus Musa (ay. 18). Dia memahami apa yang dibutuhkan oleh umat itu, jadi Dia memberi mereka Yosua yang bijak, berpengalaman, dan dapat diandalkan. Nunga ditotophon jala dipillit Debata na manggantihon si Musa ima si Josua Bin Nun (ay.18). Boasa si Josua jala ise ma ibana ? Aman na margoar Nun jala oppungna Elisama sian horong Efraim (4 Musa 1:10; 1 Kron.7: 27). Sian haposoonna, naung dipillit si Musa di gabe naposona (2 Musa 33:11; 4 Musa 11:28) halak na benget marroha jala satia laho mandongani si Musa (2 Musa 24: 13), jala ibana do sahalak na disuru laho mamatamatai tano Kanaan jala pos situtu rohana na nanaung lehonon ni Tuhan tano i tu bangso Israel ( 4 Musa 14: 6 – 9). Marnida kepribadian ni si Josua na gabe alasan ni Tuhan Debata manodo ibana songon pangganti ni si Musa. Pahothon tongkat estafet kepemimpinan na sian si Musa tu si Josua, na tinonahon ni Tuhan Debata paojakhonon marhite na mangampehon tangan diadopan ni si Malim Eleazar dohot diadopan saluhut bangso i (ay.18-21).

c)      Dibagasan bibelta i ndang dipatorang tu hita boha do proses na binahen si Musa laho menulingkiti jala paradehon si Josua, ia so holan martangiang di panuturion ni Tuhan. Angka tondi na mangiburu na so manghalomohon penerus ni si Musa, alai ndang songon i ianggo si Musa. Asa on ma na gabe sada jamita tu hita laho mamparrohahon dirinta di na martangiang dohot angka pambahenanta asa lam togu haporseaonta dung lam matua hita. Dipatuduhon Debata do pangganti ni si Musa ima si Josua naung patandahon dirina marhite habaranionna mandopang bangso Amalek. Haserepon ni rohana laho manghobasi si Musa, dohot haporseaon nang bulus ni rohana laho mangalehon panindangionna mangatasi angka laporan ni simatamatai na jat. Ditodo Debata do ibana laho manggantihon si Musa. Sahalk na martondi, Tondi asi ni roha. Na burju roha, na biar mida Debata jala manghasogohon hamongkuson, jala mangula dohot prinsip. Dia memiliki semangat pemerintahan; dia layak melakukan pekerjaan itu dan menjalankan amanah di tempatnya. Dia memiliki semangat perilaku dan keberanian; dia juga memiliki Roh nubuat.

d)     Sian saluhut angka parange nang pangalaho ni si Josua ndang na gabe patokan di hita boi tama marhobas di huria ni Tuhanta siala ndang marnampunahon asiasi dohot silehonlehon ni Tondi Parbadia, tung angka halobian ni hajolmaonna pe. Sian hatamaon ni Josua dipaingot do hita; ia uhum na dipsahat si Musa ala ni pangalaosionta nda tung boi mamboan hita tu Banuaginjang. Ala holan ala asi ni roha dohot hasintongan na sian Jesus Kristus sambing do asa malua ganup angka na porsea.

e)      Di angka punguan manang angka organisasi aha pe i ringkot do botoon ni angka uluan manang pemimpin ndang manongtong ibana gabe uluan. Adong be do tingki nang batas ni gogonta jala marujung do saluhutna. Di Bibelta i mansai bahat do pangaradeon tongkat estafet kepemimpinan songon si Elia mangaradehon si Elisa, Ap.Paulus paradehon si Timoteus jala Jesus sandiri pe paradehon 12 siseanNa laho malanjuthon ulaon pamaritaon Barita na Uli i. Dalam kehidupan bersama, pendelegasian tugas amat penting. Tanpa pendelegasian tugas, pemimpin akan menjadi kewalahan dan kelelahan. Di angka huria mansai bahat dope holan ibana do na boi torus gabe dirigent koor, hape godang dope na berpotensial angka sundut na umposo. Boasa maol laho pasahathon tongkat estafet memimpin paduan suara koor di tonga ni huria ? Ala ni angka na maruli tondi ido na tama na gabe uluan diangka rumahtangga, parkarejoan, punguan marga, lingkungan dohot lan na asing. Tapangasahon ma huaso hasasaor ni Tondi i di hita angka na porsea laho manguluhon. Amen.

Jamita Epistel Minggu PENTAKOSTA-I (Pesta na Parjolo Parningotan Ari Hasasaor ni Tondi Parbadia)– 19 Mei 2024

Huaso Ni Tondi Parbadia Na Pasadahon    

 (Kuasa Roh Kudus Yang Mempersekutukan)

1 Musa 41 : 37 – 42

 

a)      Ise ma sian hita na manghilalahon pandaonganion ni Debata dibagasan ngolunta ? Adong hita na membuktihon i ? Taparrohahon ma sejarah ni ngolu ni si Josep. Sian sikola minggu naung tabege taringot tu ibana. Sahalak na mansai hinaholongan ni amana si Jakob do ibana. Mansai andul do marasing sian hahana pambahenan ni si Jakob manghaholongi si Josep anakna i.Ido alana patubu pangiburuon di roha ni hahana, apala dihasogohon angka hahana pola sahat nanaeng bunuon nasida si Josep. Ujungna gabe digadis ma ibana gabe hatoban nihalak Misir. Dihaholongi si Potifar do ibana alai gabe masuk tu hurungan do ibana siala dituduhon pardihuta ni si Potipar fitnahan tu ibana. Sampulu pitu taon ma si Josep uju digadis angka hahana ibadan gabe hatoban (37: 2), sampulu tolu taon ibana  gabe „naposo‟ di bagas ni si Potifar, jala tolu taon ibana di hurungan. Alai saluhutna i, dihaporseai do i dalan ni Debata laho parmudumudu bangsoNa. Dipangke Debata do Ibana gabe dalan hangoluan ni bangso na asing pe.

b)      Molo tajaha dijolo ni turpukta on ima 1 Musa 41:1-57 patuduhon, na mangula do Debata marhite Raja Parao dohot si Josep laho padimundimun masa depan ni ngolu ni sandok bangso jala padirihon inganan di bangso napinillitNa i. Marhite parnipion ni Raja Parao dipabotohon Debata do angka na naeng masa di sandok tano on, jala marhite si Josep dipabotohon Debata angka lapatan ni parnipion ni Raja Parao. Sian na dua i, dipanghulingi Debata portibi on asa parade diri managam angka na naeng masa. Di na marnipi Raja Parao, ndang adong na tuk mambahen alus na sintong taringot tu lapatan ni nipi i. Dipapungu raja i do angka pangarunding dohot paralamat angka na di tano Misir alai ndang adong na tuk mangalapatisa. Alai adong do sahalak sintua ni angka sitahu anggur ni raja i, na marningot si Josep di hurungan (41:8-9). Ibana ma na tangkas paandarhon lapatan ni nipi i, huhut mangalehon dalan haruar sian hamaolon ni bangso i. Dipangalaho sisongon ima si Josep hira na mangajari Raja Parao taringot tu angka sipatupaonna di partingkian na so pola leleng be di Tano Misir. Asa mangarade bangso i di haleon potir na mansai leleng ima 7 taon laho papungu parbue ni gandum asa malua nasida sian hamaolon di sipanganon nibangso i.

c)      Mansai denggan do di roha ni Raja Parao nang angka naposona pe di panorangion ni si Josep na marasing situtu sian angka pangarunding najinou ni Raja Parao. Jala i pe ndang dao sian angkap ni Debata na mambuha pingkiran ni Raja Parao mangantusi dohot manjalo angka hata ni si Josep. Pola do songon na martingting raja i paboa na so adong jumpang songon si Josep di tano Misir, jala pola dihatindanghon: Naginohan ni Tondi ni Debata do ibana (ay. 38) jala laos dirajumi na so adong na umpantas marroha sian si Josep. Mansai arga do panindangion ni Raja Parao taringot tu si Josep dohot Tondi ni Debata na mian di bagasan ibana. Tontu ndang panandaon siala parsiajaran najinalo ni Raja Parao i taringot tu haporseaon ni si Josep, alai nang i, hahomion ni Debata do i laho patandahon hadirionNa tu angka bangso dohot angka raja di portibi on. Tondi ni Debata do tutu na manggohi hadirion ni si Josep, jala siala Tondi i do margogoihon ibana mandalani godang ni hamaolon di parngoluonna. Laos Tondi i do nang na mangaramoti ibana di hamamasa ni pangarupaon sian angka hahana dohot tuhas ni pardihuta ni si Potipar. Laos marhite Tondi i do boi dijujur ibana angka nipi dalan ni Debata pabotohon angka na masa di portibi on.  Siala ni saluhutna i dipasahat raja i ma sandok huaso tu tangan ni si Josep di bagasna suang songoni nang di sandok bangso i. holan hasurunganna ima habangsa harajaon i (ay. 40). Dos songon si Potipar na pabangkithon si Josep mangaradoti angka na di bagasna songoni ma nang Raja Parao pabangkithon si Josep mangaradoti sandok bangso i. dipasahat i tu ibana, siala diida raja i na ginohan ni tondi do ibana, na pistar jala na pantas marroha.  Haposan do si Josep di na otik jala haposan muse di na godang. Mempertanggungjawabkan apa yang telah dipercayakan kepada si Yusuf, bila dengan baik dan benar dilaksanakan akan mampu memikul tanggung jawab besar di kemudian hari.

d)      Tarida do toruk ni roha ni Raja Parao manghatindanghon hapantason ni si Josep. Ianggo sian habalgaon dohot hasangaponna nian, ndang pola tama ibana pajumpang dohot sada naposo na tarhurung jala laos pasahat saluhut bagas dohot bangso naginomgomanna tu si Josep. Alai tong ma ingkon mulak hita muse tu huaso ni Debata marhitehite Tondina, gabe tupa ma saluhutna.

e)      Huria ni Tuhanta, tatiru ma songon si Josep: tung rahis jala maol pe dalan ni parngoluonna alai tongtong benget ibana manaon i saluhutna. Soada dendam kesumat, amarah, pangarimason, ondamondam di roha ni si Josep marnida pangalaho na jat sian hahana nang istri ni si Potifar. Pos do roha ni si Josep ndang na manghohom Debata marnida parniahapanna. Jonok do partondion ni si Josep dohot Tondi ni Debata, asa ima na mambahen ibana margogo jal marhabisuhon. Si Josep na ginohan ni Tondi ni Debata ndang adong sangkkap mamalos hajahaton i sude, baliksa angka na uli na denggan do na pinatupana. Halak na ginohan ni Tondi Parbadia sai mamparbuehon angka na uli na denggan do. Songon pandok ni Ap.Paulus di Galatia 5:22-23 Alai angka on do parbue ni Tondi: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon. Ndang maralo patik dompak angka sisongon i. Songon halak na porsea hita siihuthon Jesus Kristus, unang ma adong kamus pembalasan di rohanta manang manguhumi di hasalaan ni dongan nang musu. Baliksa angka sangkap dohot ulaon na denggan i ma taula jala taparbuehon. Rugi do hita, jala terkuras energi psikologinta laho mamikkiri dohot manangkapi balos ni na jat i. Baliksa naung digohi Tondi Parbadia do angka na porsea di Jesus Kristus asa ndang sanga be rohana laho mangurusi angka hajahaton ni halak tu hita. Alai naung tapasahat do luhutna tu Tuhanta gondok ni rohanta i asa Ibana na paturehon. 

a)      Adong do sangkap ni Debata di saluhut angka natinompana, tarlumobi ma angka napinillitna gabe na porsea di Ibana. Laos adong do silehonlehon ni Debata di ganup laho patulushon angka nasinangkapan ni Debata. Disi ma naeng tangkas panghangoluhonon ni na porsea I hombar tu parsuruon ni Tuhan i. Ndada holan tu diri sandiri dohot na sahorong dohot iba, alai nang tu angka bangso na asing pe. Dipasada Tondi i do angka na so masitandaan hian gabe rap patulus angka sangkap ni Debata. Ai dang sian dia dalanna nian sahalak hatoban ingkon gabe haposan ni sahalak raja bolon. Alai i ma gogo ni Tondi i, na sai tongtong mengalehon gogo dohot bisuk di angka naposoNa. Peranan ni Tondi Parbadia di moment Pentakoste on laho pasadahon asa unang masa parbolatbolatan di angka halak Kristen. Alai laho pasadahon, patoguhon parpunguan ni halak Kristen na sada tu na asing marsiurupan, masitoguon, masiaminan na mamboan dampak pembaharuan di parngoluonta. Songon na pinangido ni topik ni minggunta Huaso Ni Tondi Parbadia Na Pasadahon (Kuasa Roh Kudus Yang Mempersekutukan). Pentakosta merobohkan tembok pemisah antara suku, bangsa, songon i nang kepercayaan tertentu gabe sada bangso na balga na tergabung sian sude angka bangso na di portibi on na mamaritahon karya Keselamatan na sian Kristus Jesus. Amen. (Pdt.Ebenezer Munthe, M.Th-HKBP Resort Moria BSP)

Evangelium Minggu PENTAKOSTA-I (Pesta na Parjolo Parningotan Ari Hasasaor ni Tondi Parbadia)– 19 Mei 2024

Huaso Ni Tondi Parbadia Na Pasadahon    

 (Kuasa Roh Kudus Yang Mempersekutukan)

Ulaon ni Apostel 2 : 1  – 13

 

I. Patujolo

Ari Pentakosta ima na mamestahon ulang tahun ni huria do hita molo tapestahon parningotan di Hasasaor ni Tondi Parbadia, ai di tingki i do ari hatutubu ni Huria Kristen. Di tingki i do digohi bagabaga ni Kristus laho mandongani siseanNa i laho borhat tu ujung ni portibi on laho mamaritahon Barita Haluaon i.

Digoari do ari Haroro ni Tondi Parbadia i, ari “Pentakosta”. Na marharoroan do hata i sian hata Gorik “Pentakoste” na marlapatan, ari napalimapuluhon (pente = lima; konta = puluh; hemeras = ari) Molo di hata Heber: khamisy = lima; syim = puluh; yom = ari) dung Ari Raya Paska ni halak Jahudi, manang sarupa ma i di kalender Huria Kristen, di ari palimapuluhon dung hehe TUHAN Jesus sian namate. On ma na nidok ni Jesus, manang piga ari nari dung manaek Ibana tu Banuaginjang. Adong piga piga hal na porlu botoonta taringot tu Pentakosta di Padan na Robi ima:

a)      Ima ari pa limapuluhon dungkon ari Paskah ni padan na robi (Passover – ima ari haluaon ni bangso Israel bungkas sian Tano Misir (ptds.5 Musa 16: 1- Paskah ni Padan na Robi)

b)     Ari Pentakosta di Padan na Robi ima laho manaringoti dua hal : @panjaloon di patik na sampulu i; @ari raya mandok mauliate siala gotilon eme (5 Musa 16: 10; 2 Musa 34:22). Di hatiha i naso jadi bangso Israel mangula ulaon (3 Musa 23:21; 4 Musa 28:26).

c)      Ditotophon do di Padan na Robi laho mamelehon nasa patumonaan tu angka malim ( 3 Musa 23: 10-14). Digoar do ari pamelean ni angka patumonaan i jala dipasomal do pamason di ari raya Paskah. Ingkon etongon ma pitu minggu padodot. Jala di ari palimapuluhon i ditotophon halak Israel do laho pasahathon pelean tatingan ( 3 Musa 23:17) tu Jahowa.

Ia Ari Pentakosta na di Padan na Imbaru ima ari hasasaor ni Tondi Parbadia na masa di ari pa-limapuluhon dungkon masa Paskah (Easter; Hari Kebangkitan Yesus). Ia Pentakosta Padan na Robi gabe Pentakosta Padan na Imbaru siala na masa di bagasan turpukta on Ulaon Apostel 2: 1 – 13.

 

II. Hatorangan

1)     Ay.1 = Jadi dung jumpang ari palimapuluhon i (Pentakoste), pungu ma nasida saluhutna di sada inganan. Di hatiha i angka sisean ni Jesus marpungu di sada inganan, napatuduhon songon sikap haunduhon nasida tu tona ni Jesus di Ul.Ap.1:4-5. Na dimaksud sada inganan na so diboto dohot pasti. Boi do ra bilut parginjang na tarsurat di Ul.Ap.1:3 dung salpu haporsuhon na tinaon ni Jesus. Disi ma dipatandaphon Jesus diriNa mangolu marhite lan tanda tu angka apostel i. Na mangihut, pandohan sada inganan, boi do sada bilut na di Bagasjoro ni Debata. (ptds. Luk.24:52).

 

2)     Ay.2-3  = songon parngogos ni alogo mamolus, suman tu dila ni Api na marjillamjillam. Adong dua na masa di na pungu i nasida, ima: naparjolo, masa ma tompu soara sian ginjang songon parngongos ni alogo na gogo mamolus; Napaduahon, tarida ma di nasida suman tu dila ni api na marjillamjillam, disonggopi ma ganup nasida. Jotjot do digombarhon di Bibelta i taringot tu Tondi Parbadia songon alogo  (Joh.3:8; Hez.37:9,10,14; Joh.20:2). Di Hata Junani didok Pneuma, boi do dilapati ‘tondi’, ‘alogo’ manang ‘hosa’ (tudos na dilapati di Hata Heber – Ruach). Ala ni i ma andorang saor Tondi Parbadia i jumolo do tarbege sada soara songon parngongos ni alogo na gogo. Tarida ma suman tu dila ni api na marjillamjillam, disonggopi ganup nasida. Mansai luar biasa do halak na sinonggopan ni Tondi Parbadia ala mamboan dampak na luar biasa tu angka na porsea. Tarlumobi tu angka sisean i na gabe apostel i. Jotjot Tondi Parbadia i digombarhon songon api laho papitahon, lahopabadiahon hita. Ala ni, halak naung manjalo Tondi Parbadia, na ginohan ni Tondi Parbadia, adong perubahan ni ngolu. Perubahan ni ngolu na lam marguna jala hasea pasauthonn lomo ni roha ni Debata. Angka sisean i sian angka halak na gok biar, dung manjalo Tondi Parbadia gabe angka sisean na militan, margogo, marbisuk jala pantang menyerah tu ulaon marbarita na uli.

3)      Ay.4-11 = Gabe gok Tondi Parbadia ma nasida saluhutna (Ay.4a) NIV: ‘All of them were filled with the Holy Spirit’ (Mereka semua dipenuhi dengan Roh Kudus). Jadi ndang holan angka apostel i na manjalo manang ginohan marhite Tondi parbadia, alai sude angka halak Kristen na adong disi tingki i. Tondi Parbadia dilehon ndada holan tu angka halak na tertentu na porsea, alai saluhut na porsea tu Kristus. Hasasaor ni Tondi Parbadia on ima pasauthon bagabaga ni Tuhan di Joh.14:16,17,26; Joh.15:26,27; Joh.16:7-11,13,14; Mat.3:11; Ul.Ap.1:4,5,8. Sai pasauton ni Tuhan i do angka bagabagaNa. Marpanghuling na asing ma nasida. Na marlapatna do i: naparjolo, sada silehon lehon do i na sian Tondi Parbadia na pahusorhon sude angka na marpungu disi ima angka apostel. Gabe boi do angka sisean i marpanghuling na asing manang digoari ‘berbahasa lidah’ manang ‘bahasa roh’, manghatai di parhataan na asing na so tinanda nasida hian, ala so hea do pe di parsiajari. Alai marhite hasosonggop ni Tondi Parbadia na so mungkin gabe mungkin do terjadi. Napaduahon, ndang sude na marnampunahon haboion di parhataan na asing (manang berbahasa roh), jala na ginohan ni Tondi Parbadia gabe ingkon berbahasa roh. “Marguru tu pangalehon ni Tondi i tu nasida mangkatahonsa” (ay.4c) jadi ndang lomolomo mandok bahasa roh. Didok di 1 Kor.12:8-10, 28-30, ia karunia berbahasa roh, ndada dilehon tu ganup halak manang tu sude halak, alai holan tu na tertentu do saguru di Tondi i. Ala ni i do karunia berbahasa roh, ndada na rumingkotmanang terutama i silehonlehon ni Debata. Karunia bahasa roh nang penafsiran bahasa roh sai dibahen do di di urutan na parpudi. Jala molo tajaha di 1 Korint 14 ia karunia bernubuat dao rumingkot jala marguna sian karunia berbahasa roh. Ala ni i lobi umampit do molo dohononta karunia berbahasa roh ima sada karunia na bersifat mujizat, ala ni i do ndang boi pinarsiajaran jala ndang boi dilatih. Mengapa Allah memilih kota Yerusalem dan mengapa Allah memilih hari Pentakosta? John Calvin beranggapan karena pada hari Pentakosta kota Yerusalem penuh sesak, karena orang-orang Yahudi dari semua penjuru datang ke Yerusalem. Mereka semua kembali ke Yerusalem karena hal ini memang diperintahkan oleh Tuhan (Kel 23:14-17  Kel 34:22-23). Jadi orang-orang Yahudi dari negara-negara lain itu pasti ikut berkerumun dan mendengar bahasa roh itu. Dan apa yang mereka dengar? Yang mereka dengar adalah perbuatan-perbuatan besar yang dilakukan Allah (ay 11). Ini jelas menunjuk pada Injil. Allah memilih saat ini supaya mereka semua bisa mendengar Injil (ay 11 - ‘perbuatan besar yang dilakukan Allah’) dan supaya setelah itu mereka bisa kembali ke negaranya untuk menyebarkan Injil di negaranya masing-masing. Jadi semua ini jelas menunjukkan bahwa Pentakosta menekankan Pekabaran Injil.

4)     Ay.12-13 = Huaso ni Tondi Parbadia na pasadahon. Dibagasan parsaoran di portibi on ima marhite sada parhataan laho berkomunikasi. Mansai ringkot do na ginoaran komunikasi dibagasan parsaoran nang hasadaon. Tung so boi do sada roha laho mangantusi na nidok halak molo so niantusan bahasa komunikasina. Ala ni i do , siala marhata na asing angka sisean i. Na gok Tondi do nasida jala marpangkuling na asing hombar tu panagihon ni Tondi i. Si Petrus do na marjamita di tingki i, jala didok ibana; “ndada na mabuk hami on, alai na hinatahon ni panurirang Joel do na masa on” (ptds.Joel 2: 28-32; Ul.Ap.2:14-16). Na gabe sungkunsungkun, boasa di tingki i ingkon masa berbahasa roh ? siala adong be do angka bahasa ni halak Jahudi dohot angka bangso na asing i. Gabe penghalang do di ragam ni angka bahasa i tu pararathon Barita Na Uli i. Jadi molo Barita na Uli i holan marhite sada bahasa sambing, boi anggapan ni halak holan tu sada bangso do di pasahat Barita na Uli i (ima bangso Jahudi). Ndang lomo ni roha ni Debata marnida i masa, ala ni i do dilehon ma bahasa roh asa:

Ø  Dibutbut ma batasan ni bahasa i asa lam mangerbang ma Barita na Uli i.

Ø  Ia Barita na Uli ndada holan tu sada bangso manang bahasa sambing. Jala marhite i ma bahasa roh dison na patuduhon panjouon ni Debata tu angka bangso na so sian Jahudi.

Molo tajaha di 1 Musa 11 na masa di Menara Babel ima dibahen Debata marragam parhataan disi laho paserakhon jolma i tu sandok portibi on. Jala na menarik di turpukta on  paradok di menara Babel i, ima peristiwa Pentakosta, dilehon Debata godang parhataan asa torop jolma marroan jala marhasadaon. Marhite huasoNa i do na pasadahon angka na porsea i. Pentakosta ima na mangondolhon pamaritaon Barita na Uli. Adong do 3000 halak na muba rohana di tingki i na gabe ruas ni huria na parjolo i. Nunga digohi Tondi ni Debata angka inganan na kosong di jolma i, nunga masuk Ibana tu bagasan roha ni jolma, jala maringan disi. Digohi Ibana i dohot asi ni roha ni Debata. Dihorhon hagogok ni Tondi i do tu angka sisean i, asa gabe SITINDANGI nasida na pinargogoan ni Tondi. Ibana sandiri do na manjamitahon Hata ni Debata tu saluhut parhataan ni hajolmaon na mian di Jerusalem hatiha i. Tondi i do na marjamita, jala ganup na umbegesa mangantusi jamita i di parhataan nasida be. Ibana do na marjamita jala Tondi i do nang na mangalehon hagogoon tu ganup na manangihonsa asa mangantusi nasida di angka hata ni na jinamitahon ni angka sisean i tu nasida. Ganup sisean i dohot angka na ginohan ni Tondi i borhat laho mamaritahon angka habalgaon ni Debata di bagasan Jesus Kristus. Tondi i do na manogu jolma na manangihonsa asa porsea nasida tu Jesus Kristus jala maruli di haluaon dohot hasesaan ni dosa ala ni mudar ni Kristus na durus di Golgata. Angka jolma na so manjalo barita haluaon i manginsahi na masa i, jala mandok na mabuk angka  sisean i (Ay.13). Molo pajumpang huria i dohot Tondi ni Debata, gira do ro jala berhadapan langsung do Tondi i dohot panginsahion ni jolma. Alai agan pe songon i ingkon hatindanghonon ni angka sisean i do barita haluaon na taringot tu Jesus Kristus. Hurang disadari angka na manginsahi sisean na ginohan ni Tondi Parbadia i, na so diganggu Tondi i do akal sehat ni hajolmaon. Gariada pikiran na hurang sehat di pamalum Tondi i di ari hasasaorNa i. Nunga marjamita si Petrus di tongatonga nasida. Dipabidok Tondi i do mata ni si Petrus asa mananda ibana di angka habalgaon ni Debata. Tondi i do nang na manggohi panurirangon ni si Joel di na nidokna marriburibu taonna salpu. Ndang dung magopo Hata ni Debata na sinuriranghonna marribu taon na salpu, diingot Debata do i jala hot do margogo hataNa saleleng nilelengna. Digohi Debata do bagabagaNa marhite pamangan ni angka panurirang. Ndang diloas Debata mulak boti hataNa tu Ibana, alai ingkon manjadi do tu na tinongosNa.

 

III. Sipahusorhusoron

a)      Tondi Parbadia-Tondi Hagogoon. Di peristiwa Pentakosta, dipasaor Debata TondiNa i tu angka siseanNa nang angka na porsea asa margogo. Ai didok do di 2 Timotius 1:7 “Ai dilehon Debata do tu hita tondi hagogoon, tondi haholongon, tondi pangarajaion diri, ndada tondi hatahuton.” Tuhan memberikan roh yang membangkitkan kekuatan, kasih, dan penguasaan diri kepada mereka yang percaya kepada-Nya. Ini menunjukkan bahwa iman Kristen memberikan landasan yang kuat untuk mengatasi rasa takut dan kecemasan dalam hidup. Tuhan memberikan kekuatan kepada umat-Nya. Ini bukanlah kekuatan fisik semata, tetapi kekuatan spiritual yang memungkinkan orang percaya untuk menghadapi tantangan hidup dengan keberanian dan keteguhan. Hal ini mengingatkan kita bahwa kita tidak perlu mengandalkan kekuatan kita sendiri, tetapi kita dapat bersandar pada kekuatan yang diberikan oleh Tuhan. Habalgaon ni Debata do dibaritahon Tondi i, na taringot tu Jesus Kristus. Ndada barita taringot tu diriNa sandiri, alai taringot tu Jesus Kristus do. Ndang diagohon Tondi Parbadia akal sehat ni hajolmaon, dalam keadaan sadar do i di na niuluhon ni Tondi Parbadia. Ndada songon begu na mambahen bernit parniahapan ni jolma, jala ndada habalgaon ni Debata ditaringoti begu na sumorop tu jolma.

b)     Godang do halak Kristen molo membahas Pentakosta sai mangondolhon ‘bahasa roh’. Hape na sasintongna na diondolhon di ari pentakosta i ndada bahasa roh alai Marbarita na Uli. Ala dilehon pe Tondi Parbadia asa margogo nasida laho mamaritahon Barita na Uli i (Ul.Ap.1:8; Joh.15:26). Di dalam Konfessi HKBP 1996 Ps.1.B. menyatakan; “....Roh Kuduslah yang meneruskan pekerjaan Yesus Kristus di dunia ini, untuk memanggil, mengumpulkan, menyatukan orang percaya menjadi persekutuan (oikumene, koinonia), menggalakkan kesaksian (marturia) dan pelayanan (diakonia), dan yang menguduskan Gereja melalui Kabar Baik.” Ajaran yang mengatakan Roh Kudus sama dengan roh-roh yang lain yang ada di dunia ini, ditolak. Dan menolak segala bentuk kerasukan roh, apakah itu upaya penjagaan diri manusia secara sadar ataupun yang lahir dari ketidaksadaran. Demikian juga ajaran yang mengatakan bahwa orang yang dipenuhi Roh tidak perlu bertobat. Kita juga menolak bahasa asing (glosolalia) yang tidak dapat dimengerti orang yang menjadi pemicu keributan dalam persekutuan orang percaya. Semua karya besar yang tidak memuliakan Allah, bukanlah berasal dari Roh Kudus. Bukan karya besar yang menjadi ukuran iman, maka itu harus ditolak. Ditaon 2024 orientasi ni pelayanan ni hurianta HKBP ima Oikumenis –Inklusif laos dibagasan i do hita mar-Jubileum 125 Taon zending HKBP laho pasarhon Barita na Uli marhite ragam kegiatan zending dihurianta HKBP: pelayanan kaum difabel, tu penjara, penanaman pohon dohot program ‘sanggolom boras’, asa gara ma disi hagogoon Tondi Parbadia namangula di angka huriaNa.

c)      Tondi Parbadia pasadahon ulaon panghobasion ni angka sisean i dohot halak na porsea na manjalo angka silehonlehon na marasing i, laho patandahon Debata tu liat portibi on. Ulaon ni halak na porsea i martomu di sada hapeahan na togu ima pamatang ni Kristus i. Saluhut na manjalo asiasi na marragam sian Tondi i sada dibagasan ulaonNa, ndada laho tu kepentingan pribadi manang golongan dohot kelompok alai holan laho tu hasangapon ni Debata do. Peranan ni Tondi Parbadia di moment Pentakoste on laho pasadahon asa unang masa parbolatbolatan di angka halak Kristen. Alai laho pasadahon, patoguhon parpunguan ni halak Kristen na sada tu na asing marsiurupan, masitoguon, masiaminan na mamboan dampak pembaharuan di parngoluonta. Songon na pinangido ni topik ni minggunta Huaso Ni Tondi Parbadia Na Pasadahon (Kuasa Roh Kudus Yang Mempersekutukan). Pentakosta merobohkan tembok pemisah antara suku, bangsa, songon i nang kepercayaan tertentu gabe sada bangso na balga na tergabung sian sude angka bangso na di portibi on na mamaritahon karya Keselamatan na sian Kristus Jesus. SELAMAT ARI PENTAKOSTA. Amen. (Pdt.Ebenezer Munthe, M.Th-HKBP Resort Moria BSP)

Jamita Evangelium Minggu EXAUDI (Sai tangihon ma soarangku, Ale jahowa- Pslm.27:7)– 12 Mei 2024

Hatuaon ni Halak Partigor   

 (Kebahagiaan Orang Benar)

Psalmen 1 : 1  – 6

 

1)      Ia turpukta on ima patujolo ni sude psalmen (150) ido hajongjongan ni Psalmen 1 i. Jadi marrumang pujipujian do Psalmen 1 i, alai huhut marfungsi poda parbinotoan (hikmat Kebijaksanaan). Ingkon Patik ni Debata do mual parbinotoan (poda) di halak na naeng mamuji Debata dohot nanaeng gabe bisuk di joloNa. Ndang tarsirang pangalaho satia tu Debata (mamujimuji) Debata di bagasan parsaoran dohot mangguruhon parbinotoan taringot tu poda na sian Debata.

2)      Ia Psalmen bindu 1 on ima namarisihon parsorion ni halak na tigor dohot na jahat. Hatuaon na dapot halak na tigor ala ni lomo ni rohana marsihohot tu patik ni Jahowa arian nang borngin (ay.1-2)

3)      Pandohan “Martua” (Asher) jotjot di pangke guru paproda habisuhon di Poda ni Raja Salomo. Songon i pandohan halak na tigor dohot halak parjahat, dua horong (punguan) na adong di Poda ni Raja Salomo. Ringkot do dipatorang disi dua pangalaho na masialoan (na paradoks) taringot tu ppoda siihuthononna dohot sipasidingononna.

4)      Dipatudos do tu ngolu ni hau na marparbue ia pangalaho ni na tigor i, jala songon orbuk (sekam) na hinabanghon ni alogo ia ngolu ni parjahat i (ay.3-4). Jotjot do dibahen guru (silehon) poda tudosan songon metode pangajarion tu angka siseanna. Gumodang tiruan ummura mangantusi halak na nipodaanna. Jotjot di Padan na Robi digombarhon ngolu ni partigor i (Pslm.92:13-16; Jer.17:8; Hes.47:12)

5)      Sijagaon nihalak na tigor i ma:

ü  Ndang olo mangihuthon tahi ni parjahat, nunga masuk tusi angka poda nasida (nasehat) – Job.21:16; 34:8; Poda 4:14.

ü  Ndang olo jongjong tu dalan ni pardosa.

ü  Ndang olo juguk sahundulan dohot angka pangarehei –Pslm.26:4; Jer.15:17).

5)  Sioloanna : Lomo ni roha di patik ni Kahowa i do dipingkiri  

      ganup ari – Psalm.112:1; 119:35, 47, 70, 97; 5 Musa 6:7).

            6) Panghorhonna:

 Na tigor: - Marparbue, sude na niulana manjadi do

Na Jahat : - Ndang manahan maradophon paruhuman manang jongjong di luhutan ni angka na tigor roha (Psalm.35: 5; Job 21: 18; Mat.25:32, 41). – Lonong do dalan ni parjahat i.

 7) Jahowa Debata dohot “campur tangan” mangulahom uhuman dohot pasupasu tu na dua horong i, ala tangkas do panandaon ni Ddebata tu nasida (Pslm.37:18; Job 23:10; 2 Tim.2: 19). Di Matius 25 pe tangkas dipaboa panguhumon masa tu na dua horong i, na ojak tu ulaon ni Tuhanta dohot na niulana tu dongan jolma.

 Hita na hinaholongan dibagasan Jesus Kristus, Hidup ini adalah pilihan, kita bebas memilih apa dan siapa dan mau apa. Freewill-kehendak bebas ada pada manusia. Tapi kita sebagai pengikut Kristus kebebasan kita adalah didalam kuasa Tuhan. bukan pada kuasa dan perkataan orang sebagaimana ilustrasi berikut ini:

Kisah Laki-Laki Dan Keledai: Suatu ketika seorang laki-laki beserta anaknya membawa seekor keledai ke pasar. Di tengah jalan, beberapa orang melihat mereka dan menyengir, "Lihatlah orang-orang dungu itu. Mengapa mereka tidak naik ke atas keledai itu?"

 Laki-laki itu mendengar perkataan tersebut. Ia lalu meminta anaknya naik ke atas keledai. Seorang perempuan tua melihat mereka, "Sudah terbalik dunia ini! Sungguh anak tak tahu diri! Ia tenang-tenang di atas keledai sedangkan ayahnya yang tua dibiarkan berjalan."

Kali ini anak itu turun dari punggung keledai dan ayahnya yang naik. Beberapa saat kemudian mereka berpapasan dengan seorang gadis muda. "Mengapa kalian berdua tidak menaiki keledai itu bersama-sama?"

 Mereka menuruti nasehat gadis muda itu. Tidak lama kemudian sekelompok orang lewat. "Binatang malang...., ia menanggung beban dua orang gemuk tak berguna. Kadang-kadang orang memang bisa sangat kejam!"

 Sampai di sini, ayah dan anak itu sudah muak. Mereka memutuskan untuk memanggul keledai itu. Melihat kejadian itu, orang-orang tertawa terpingkal-pingkal, "Lihat, manusia keledai memanggul keledai!" sorak mereka.

Molo naeng mambahen sonang do roha ni jolma tung so boi do tarulahonsa, ala ni i ingkon barani do hita dipilihanta.

Uju dungo hita, naung adong be do pilihanta, nanaeng boha ma bolusonta parngoluon on. Naeng martua do sadari i manang sai dibagasan arsak ni roha do ? Alai sude jolma naeng berbahagia, naeng martua. Kebutuhan untuk hidup berbahagia itu begitu tinggi dalam totalitas hidup manusia.

 Salah satu faktor supaya kita memilih hidup bahagia ialah pilihan hidup yang kita ambil dalam hidup ini. Kitab Amsal pasal 3:18, berkata bahwa kebahagiaan itu dapat terjadi karena hidupnya hanya untuk memuliakan Tuhan. Kebahagiaan itu adalah pemberian Tuhan bagi siapa saja yang mencari kemuliaan Allah. Kebahagiaan tidak dibangun di atas kekerasan hati, kebahagiaan itu tidak datang dengan sendirinya. Kebahagiaan itu hanya dapat diperoleh jika setiap kita selalu setia dan taat kepada Firman Tuhan.

 Bahagia itu adalah pilihan dan kebahagiaan itu adalah pemberian Tuhan. Siapa yang taat kepada Firman Tuhan ia akan sama seperti pohon kehidupan. Sebab dia berbahagia menurut jalan Tuhan. Lakukan kebaikan setiap hari maka kita akan hidup dalam kebahagiaan yang di janjikan Allah.

 Berani memilih sebagai Kristen maka kita telah menguburkan “manusia lama” dan sanggup memikul salib pribadi untuk bangkit bersama Kristus dalam kehidupan kekal kelak.

“Barangsiapa tidak memikul salibnya dan mengikut Aku, ia tidak layak bagi-Ku. Barangsiapa mempertahankan nyawanya, ia akan kehilangan nyawanya, dan barangsiapa kehilangan nyawanya karena Aku, ia akan memperolehnya,” demikian sabda-Nya.

Barangsiapa menyambut pengikut-Nya maka ia sama saja menyambut Diri-Nya dan juga Dia yang mengutus-Nya, ganjarannya adalah berkat baginya. 

Naung masuk do hita di Minggu Exaudi; Exaudi adalah dimulainya Paskah Oktaf, perayaan ini akan berakhir pada Minggu Trinitatis. Paskah Oktaf sendiri memiliki arti “kemenangan yang diberikan dari Surga (atas)”. Tema sentral yang disuarakan pada perayaan ini adalah doa permohonan untuk turunnya Roh Kudus atau pertolongan dari Allah.

Exaudi berasal dari bahasa Latin, seperti yang tertulis dalam Mazmur 27:7 “audi Domine, exaudi me” yang artinya dengarlah, Tuhan, seruan yang kusampaikan. Sama seperti Daud yang terus menyuarakan permohonannya agar Allah menolongnya dalam menghadapi pergumulan, demikianlah umat percaya hendaknya menyerukan pertolongan kepada Allah untuk menghadapi pergumulan di dunia ini.

Angka halak na mar Exaudi ima na sai tongtong marsigantung tu Debata Jahowa. Aiholan Ibana do haporusanna ndang adongna asing. Holan Debata dibagasan Jesus Kristus dopilihanna ndang adong na asing na tuk pasonanghon rohana. Mar-Exaudi sada pilihan ni halak na martua na sai solhot tu Tuhan i na tau mangatasi ragam ni angka parsorion nang hamolon. Jala sai dalan ni Tuhan i do siulahononna asa tongtong martua, gok las ni roha dohot olopolop. Amen.