“Dihalomohon Debata Do Hamubaon Ni Roha”
Allah Menginginkan
Pertobatan
& Ev. Psalmen 51: 1 – 10 & Ep.Lukas 15: 1– 10
- Patujolo
Hamuna angka dongan, dosa
ima na mamboan jolma tu angka permasalahan dibagasan ngoluna. Dosa ima urat ni
angka hahasintoan na niaen i jolma nang
portibi on, jala mamboan hita tu hamatean. Tung so boi do jolma i manabunihon
angka hasalaan nang dosana di adopan ni Debata, nang pe didok rohana buni dosana
sian adopan ni jolma. Mansai patar do diadopan ni Debata sude na masa di
portibi on, nang di ngolu ni jolma i pe di dodo Debata do sude angka sangkap
nang pingkiranta. Ima na masa tu parpsalmen Daud, tung so boi do ditabunihon
ibana angka dosana i sian adopan ni Debata.
B. Hatorangan dohot hahonaanna
Persoalan
na mansai jotjot dialami jolma ima boha do hita asa mangokui sude dosanta i asa
tarjalo hita hasesaan ni dosa ?
1)
Mananda diri dohot mananda Debata. Molo nunga
tatanda dirinta dohot Debata tung so boi do hita malua sian gomgoman ni Debata
Sitompa nasa na adong nang Sitompa hita jolma. Ditanda si Daud do dirina jolma
pardosa uju di na ro Panurirang Natan patuduhon dosana nabinahenna tu si Uria
asa saut pardihutana si Batsyeba gabe nialapna. Sebelumnya Daud menyimpan
rahasia dosanya dengan sangat rapat, yaitu dosanya yang membunuh Uria dan
berselingkuh dengan Batsyeba, Isteri Uria. Daud sangat lihai menutupi dosa itu.
Tetapi ternyata Tuhan tahu dan mengutus Natan untuk memperingatkannya. Daud pun
tidak bisa mengelak dari cerita perumpamaan yang disampaikan Nabi Natan itu
adalah tentang dirinya sendiri.
1)
2)
Manopoti Dosa: Molo dung tatanda dirinta na
marsala jala na mardosa on, taungkap ma roha nang dirinta laho manopoti sala
nang dosa diadopan ni Debata nang diadopan ni jolma. Ndang diampini dirina manang
gabe dilului ibana ise na marsala, alai diparhatopot ibana do dirina sandiri do
na mangulahon dosa i. Ndang boi be manimbil si Daud sian konteks barita na
binaritahon si Natan taringot tu dirina sandiri.Ay.5 Ai nunga huboto angka pangalaosingku, jala sai tong do sonson di
jolongku dosangku.
Torop
do halak na so mananda dirina, na merasa diri selalu benar, tidak pernah
berdosa. Alai laos adong do halak na so menyadari na so dosa do na niulana,
alai nunga pajotjothu diulahon gabe hasomalan, ala naung mate hati nurani,
manang ndang marroha be. 1 Joh.1:10 Molo
tadok, na so mardosa hita, pargabus do Ibana tabahen, jala ndang di bagasan
hita anggo hatana. Sahat ma parningotanta tu na masa penghakiman ni situan
natorop laho menghakimi boruboru na tardapot mangalangkup di jaman ni Jesus
jala didok Jesus: “Ise sian hamu na so
mardosa, ibana ma parjolo mandanggurhon batu”. Sude do situan na torop i
hohom, diuhumi hatinurani na be. Dung i laho be ma sadasada, jumolo ma angka
Parise, Saduse na merasa diri orang suci i. Taingot be ma angka dongan, manang
ise na merasa dirina badia manang ndang mardosa, ndang mungkin boi ses dosa ni
i. Ala ni i syarat na parjolo laho manjalo hasesaan nidosa ima ima : mananda
Debata na badia jala na songkal jala mananda diri jolma pardosa do hita.
Ø Susa
do hita molo so tatopoti dosa nang hasalaanta; Psalm 32:3-4 Ai saleleng huhasiphon dosangku reung do
holiholingku, dibahen anggukku ganup ari. Ai sai didondoni tanganmu do ahu
arian dohot borngin, jadi marsik do mudarhu songon di hamamasa ni logo ni ari.
Sela. Jadi songon boban na dokdok do i mandondoni hita. Sai
marhusari do dibagasan rohanta angka pangalaosionta i, ndang boi tenang
ngolunta ala sai mengendap dosa i didirinta. Ala ni i Hata ni Debata mandok: “ingkon
manginona tu hamu dosamuna i”, ndang boi luput sian Debata, pasti jumpang ni
uhuman i do hita.
Ø
Ø Songon
topik jamita minggu na salpu: patar do saluhutna diadopan ni Debata, ndang
adong na buni hape sian adopanNa. Tarlumobi diari paruhuman i sogot ndang adong
na holip agia aha pe sian Tuhanta i Maka pengakuan diri yang lemah dan berdosa
dihadapan Tuhan itu sangat penting dan perlu sebagai tanda kita mempercayai dan
mengimani Tuhan Allah yang Mahatahu. Sebab kita tidak bisa lari dari hadapan
Tuhan, kita tidak bisa berjalan selangkapun tanda sepengetahuan Tuhan, kemana
langkah dan arah tujuanmu, apa kehendak dan citacita dirimu Tuhan tau. Maka
akuilah semua segala pelanggaran dan dosa-dosamu dihadapanNya.
3) Hasesaan
ni dosa; Dung tatopoti sude dosanta, tapangido ma tu Tuhan i hasesaan ni dosa.
Panandaon diri dohot manopoti dosa molo soadong mangihut sikap mangidoo
hasesaan ni dosa ndang marguna, jala ndang marlapatan haKristenonta. Asa
pangalaho mangido hasesaan ni dosa ima na dipangido parpsalmen on sian turpukta
on: “Sai urasi ma ahu-sai hungkupi ma bohiM maida angka dosangku – sesa ma
angka hajahatonku-unang pabali ahu sian joloM.. Dison ma dipatuduhon
haporseaon, manghaporseai paboa pardengganbasa jala parasiroha do Jahowa, na
lambat tarrimas jala parasiroha bolon, na so mambalos tu hita hombar tu
hajahatonta. Haporseaon i, ima di Jesus Kristus, naung paradehon hasesaan ni
dosanta. Ise na porsea di Jesus, pasti do dapotsa hasesaan ni dosa. Ai didok do
di 1 Johannes 1:9 Molo tatopoti angka dosanta, haposan do Ibana jala bonar,
manesa dosanta jala paiashon hita sian nasa hageduhon. Ima HataNa na mangalehon
pos ni roha di hita jolma na porsea. Sai na saut do sude angka HataNa nang lomo
ni roha ni Tuhanta i. Dungi didok muse di Jesaya 1: 18 Dung i sai ro ma hamu,
asa mardabudabu hita, ninna Jahowa. Tung sura rara dosamuna songon abit bunga
dapdap, bontar do bahenonku songon itak; nang pe rara songon abit hasumba, gabe
songon hapas do muse. Dungi muse molo naung tajalo parpadanan na badia i didok
do : “Pos ma rohamu, mangasahon goar ni Debata Ama, Anak dohot Tondi Parbadia
do ahu mandok :”Nunga sesa saluhut dosam”. Mansai tabo do begeon jala lambok
mangalehon pos ni roha nang pangkirimon na mangolu dihita jolma pardosa on.
4) Dihita
na hinaholongan, molo nunga adong jainan kepastian di hasesaan ni dosanta sian
Tuhanta Debata, gok las ni roha dohot olopolop ma tondinta. BE.
435. BL. 294. : 1. Marolopolop tondingki ai naung di tobus Jesus i. Hamu sude,
bege ma i, sai las ro hangku mandok i Sonang ni ting ki i, Dung jumpang Jesus
Tuhanki ! Tondi na manga ja ri au, tarbaen marlas Ni ro ha au ! Sonang ni
tingki i, dung jumpang Jesus Tuhanki. Ala ni i las ni rohanta i: a. Ndang
didondoni dosa i be hita, alai gabe neang situtu tahilala, mardeka panghilalaanta,
mardame roha dohot pusupusu, ndan adong be rasa bersalah manang dilele halinuna.
B. Gabe las rohanta ala adong kepastian naung sesa sude dosanta. Manopoti dosa
dos do i dohot na pasuang las niroha.
5) Torop
do jolma na so olo ro tu Tuhan Jesus laho manopoti sala nang dosana, ndang
parduli, ima ala mansai tabo dihilala ibana na mardosa i. Tudos do songon
barita sian Afrika molo laho manangkup kera. Dibahen do kaleng, tutupna
dilubangi nasa balga ni tangan kera i. Dung i diisi ma kelang i dohot kacang.
Pintor marsigulut do angtong kera i. Dipamasuk ma tanganna tu kaleng, digomak
ma kacang i. Alai dungkon i, ndang boi be haruar tanganna i, ai nunga umbalga
pohulpohul (kepalan ni tanganna), ala marisihon kacang. Disi ma ro parburu i
jala dapot ma kera i. Ala ni aha ? Ala ndang olo ibana mambuka tanganna i laho
paluahon kacang i. Autsugari olo ibana manadinghon kacang i, pasti buka do
tanganna i. Atik na songon i do godang hita jolma. Nang pe nunga diboto naung
ro Jesus mamboan hasesaan ni dosa di jolma, alai songon kera i ma hita, sai
tatioptiop, tagolomgolom torus dosa i, gabe so boi hita malua, gabe tartangkup
sibolis i ma hita. Nunga ro Jesus manjouhon : “Ro ma hamu tu Ahu, hamu angka na
loja jala na sorat asa Hupasonang hamu”. Ro do hita, ai tardidi, marguru malua,
marminggu jala marhuria do hita. Alai, sai tahuntihunti torus dosanta i. Ai uju
di dok marulaon na badia ndang ro hita. Boasa? Sai adong mandok: “Unang ma, ai
pardosa do au. Hape, tu ise do ulaon na badia i? Tu pardosa do manang tu na so
mardosa ? Pasti, tu pardosa do, naung mardosa do sude jolma i ndang adong na
lias sian i.Nuaeng boasa sai huntihuntionta dosanta i, hape nunga ro Jesus
mandok: Tingganghon hamu ma saluhutna”. Songon sahalak ina na sai loja
manghuntihunti jeruk na on laho gadison tu onan. Hape ro ma sada parmobil pick
up mamaerng tung mansai loja jala dao pardalanan ni inantai tu onan. Diloas
parpickup on ma asa nangkok inantai siboan jeruk i tu pickup na i. Dungi
mardalan ma tu onan, alai ditongan pardalanan sai diparrohahon parpickup on ma
inantai sian kaca spion mobilna on: sai dihuntihunti ianntai dope karanjang
jerukna i. Jadi didok parpick up i ma asa dipeakhon ma karanjang ni jerukna i
tu mobil i. Hamuna angka dongan molo nunga ro Jesus i laho manea sude dosanta,
naung diporsando dosa ni hita jolma dohot portibi on. Tapasahat ma tu Ibana, ro
ma hatop tu Jesus. Ibana do Hakim na mangadili hita muse. Diboto Ibana do sude
dosanta. Alai laos Ibana do jaksa na menuntut hita muse. Ala ni i molo ro hita
dengan kesadaran, sian serep ni roha manopoti jala manolsoli dosanta, jala olo
pauba rohanta, pasti sesaonNa do. Molo dung disesa dosanta, taboan ma
sahalaknari asa olo manopoti jala mangido hasesaan ni dosa, asa disesa Jesus
nang dosanasida (ay.15). Las ma rohanta molo torop na bertobat tu Jesus. Amen.
