“Patar do saluhutna di Adopan ni Tuhan i”
Semua Nyata Dihadapan
Tuhan
& Ev. Lukas 14: 25 - 33 & Ep. Psalmen 139: 1 - 6
- Patujolo
Asa sukses sada pardalanan ima na ingkon boi
mangihuthon angka na naung niaturhon hian. Asa marhite i diparrohahon ma
dalanna asa sahat tu tujuanna. Molo so i boi do ndang tulus pardlananna jala
ndang sahat tuu tujuan. Dibagasan turpuk on dipatorang Tuhan Jesus do asa boi
gabe siihuthon Kristus manang na gabe siseanNa. Na deba mangantusi mangihuthon
Jesus disi ma adong hasonangan, dao sian hasusaan, sai dapothononna ma angka na
pinarsinta ni rohana, selalu sukses. Sai gabe kepala ndang olo gabe ekor (ninna
huria na deba). Hape dibagasan turpuk on dipamanat do dirinta molo gabe sisean
ni Jesus manang siihuthon Kristus adong siporsanon, ada harga yang harus
dibayar laho mangihuthon Jesus
- Hatorangan
- Molo na naeng mangihuhton Jesus ingkon
marsitutu do laho mangulahonsa. Molo marsitutu do hita mangihuthon Jesus,
ingkon adong do dirinta dando pamelehonon, harga yang harus kita bayar,
dipangihuthononta tu Jesus. Manjalo haluaon naeng ma tutu situtu saut
malua (Luk.13:23). Mangihuthon Jesus huhut do ingkon boi taparsaulihon –
tanikmati Jesus i songon pasupasu haluaon sian Debata. Asa saut i,
tasoadahon ma dirinta, tapalua nasa na adong dihita, na mangambati hita
mangihuthon Jesus, gari hosanta sandiri ingkon do soadahononta.
- Mansoadahon diri dohot ma disi na arga di
ngolunta di portibi on na tahahholongi: Amanima, inaniba, hahaangginiba,
ibotoniba, ripe, anakhon ro di hosaniba. Tutu maol do mangulahon on, ai
Jesus Parholong roha i, Jesus hapataran ni holong ni roha ni Debata tu
portibi on, sabalikna hira pamatehon-menjungkirbalikkan hadirion ni holong
i, gabe hira holan tu dirina sandiri. Diajarhon Jesus, na ingkon
berkualitas tinggi holong ni rohanta tu Ibana, tanpa tandingan, soada
tudosna, jala adong disi penyerahan diri total. Ingkon patar disi:
patujolohon Jesus, marholong na polin so marlaok, jala bulus rohana.
- Tapamanat ma angka Kristen na so tutu rohana
mangihuthon Jesus ima:
Ø Kristen butong: Godang do jolma na mandok dirina
siihuthon Kristus manang halak Kristen asa butongan do ibana. Kristen butong na
mambuat keuntungan nang pansamontan dohot pangomoan sian na mangihuthon
Kristus. Tung aha pe angka kegiatan ni huria ingkon maruntung jala butongan ma ibana, so parduli be tu halak.
Adong lelang manang si urupan di huria ndnag
olo manggarar manang masilehonlehon.
Ø Kristen KTP: adong do na mandok dirina halak
Kristen alai sae ma holan na terdaftar di KTP manang terdaftar di anggota ruas.
Ndang pola dirohana angka kegiatan pelayanan, manang ulaon asi ni roha di huria
i. So pola di rohana na marpungu tu partangiangan apalagi parmingguon. Ndang
olo berpartisi pasi di angka ulaon pesta huria.
Ø Kristen penggembira: didida rohana gembira tusi
ma ibana bongot. Tudia parjamita na tabo begeon marjamita, didia huria na
merasa bertumbuh rohana. Holan na mambahen asa gembira nang sonang rohana.
Ndada na mambahen sonang Tuhan i di parrohahon, holan tu dirina do, keegosion na melanda dirina nang haporseaonna,
boha do asa sude kegatan huria i mambahen sonang jala gembira rohana.
Ø Kristen kapal selam: uju tardidi anakhonna, malua
gellengna, manjalo pasupasu parbagaoson, uju marsahit ro tu gareja bahkan uju mate pe baru binoto
ruas ni huria manta i. Ala saleleng on ndang hea ro tu parpunguan. Uju na
ringkot di dirina do asa ro. Manag uju angka ari raya ni Kristen do asa ro
ibana, asing ni i ndang pola diharingkothon rohana.
Na opat ragam na so mangharingkothon Jesus, mansai
muramura di rohana na gabe siihuthon Kristus on. Ndang adong pengorbanan, kerjasama,
kepedulian, holan na ringkot didirina do dijamothon. Hape siihuthon Kristus
naeng ma dipatuduhon kepedulian nang perhatianna tu angka ruas ni huria di huriana
ganup.
- Halak Kristen ingkon rade do manuhuk
silangna, silang i ma panaonon ni Jesus, dalan haporsuhon (via dolorosa),
jala laos digantungkon di silang i i. Hap disuru do hita manuhuk silang.
Molo si Kosuke Koyama mandok di bukkuna: “Tidak ada Gangang pada Salib”,
paboa na so adong sitiopon (gagang) ni silang i. Ala soa adong sitiopon
disi, gabe situhukon sambing ma silang i, siabaraan. Silang di jaman Jesus
ima siatonon. Molo didok rade manuhuk silang na marlapatan do i: molo
taihuthon Jesus, rade ma hita menderita rap dohot Ibana. Menderita itulah
harga yang harus kita bayar. Boasa manarita? Ala ndang lomo roha ni
portibi on marnida Tuhan Jesus dohot siihuthon Ibana. Ihutni i ndang
sarombang hita dohot portibi on. Lapatan ni angka siihuthon Kristus di
portibi on ndada gabe mabiar, manang pasiding diri, alai mabaor tu portibi
on mamboan haimbaruon, mamboan ‘jamita’ , mamboan palito, mamboan
hamubaon, mamboan sira nang hatiuron. Tugasta ma laho mangusir haholomon,
sibolis nang angka ulaula hajahaton.
- Rajumanta ma arga ni ngolunta digarar Tuhan
i asa gabe partohap hita di HarajaonNa i. Mangihuthon Jesus ada harga yang
harus dibayar, boasa ? ala arga do hita nang upa sijaloonta: surgo,
haluaon, hasonangan nang hangoluan na manongtong i. Na taae saonnari on
ndang adong lapatan ni i martimbanghon na tinaon ni Tuhan Jesus. Rom 8:18 Ai hurajumi angka sitaonon di hasiangan on, hira na so adong do
martimbangkon hasangapon sipapataron tu hita sogot. Asa
tataon pe angka haporsuhon ala ni na mangihuthon Jesus lehononNa do gogo,
panogunoguon nang bisuk asa tartaon hita i.
- Sipahusorhusoron
- Dipasingot do hita (ay.28-33) asa tangkas
maretong, unang adong sala mangetong, asa unang gabe penyesalan dikemudian
hari, manang na gabe murtad di pudian ni ari. Mambuat haputusan
mangihuthon Jesus ndada holan semangat, manang ala emosi sambing, manang
antusiasme sesaat. Manang holan cobacoba, ikutikutan. Ala ni aadong arga
na ingkon sigararon: hubungan keluarga, tali persaudaraan terputus, ndang
naek jabatan, ro harugian, godang gareja ditutup, godang na di elaela
portibi on, pola do sahat tu na agoan hosa angka siihuthon Kristus i.
- Lai patar do sude i diadopan i Tuhan i,
ndang adong agia aha pe na buni. Diboto Tuhan i di sadia bagas
parsitutuonta mangihuthon Ibana, sadai balga holongta tu Ibana. Sai na
rade do Tuhanta i mandongani hita asa margogo situtu hita, jala satia
mangihuhton Ibana. Ndang adong nabuni diadopan ni Debata, sude na masa
dihita ala na mangihuthon Jesus patar do diadopanNa. Ndang be ganggu roha
nang haporseaonta laho mangihuthon Jesus,ala naung diporsan Jesus sude
sitaononta i nang hamateannta i. Joh.16:
33b Haporsuhon do jambarmuna di portibi on; alai pos ma rohamuna: Nunga
talu hubahen portibi on. Amen.
