Jamita Partangiangan – Epistel Minggu XVI Dung Trinitatis, 28 September 2022

“Ndang Marpansohotan Asi ni Roha ni Tuhan i”

Tak Berkesudahan Kasih Setia Tuhan   

 

& Ev.  II Timoteus 1 : 1 – 14                            & Ep. Andung 3: 19-26                       

 

A.    Patujolo

Hatiha i nunga mamungka lam mangerbang organisasi ni huria di tingki ni si Timoteus. Nunga lam balga huria i, jala patut ma diramoti dibagasan sada aturan ni organisasi na denggan. Alai sian dia jaloon ni si Timoteus panorangion taringot tu ulaonna na dokdok i ? Sian dia ma jaloonnna hagogoon dohot huaso (otoritas) laho manogunogu huria na sai balga ? Ala ni i do umbahen na dipasahat apostel Paulus (dohonon ma i, na manurat turpuk on ) surat on tu si Timoteus, asa margogo ibana laho mangaramoti huria ni Debata.

Tanggung jawab na balga do na tiniopna i di Epesus naung lam mangerbang. Ndang holanuluan na ringga be manguluhon i (manang na kharismatis), alai i ngkon tama botoonna nang na manguluhon organisasi pe. Godang dope na so rade di bagasan organisasi ni huria di tingki i. Torop dope huria na marnida di lapik, jala sangka sisongon i ma na niadopan ni si Timoteus.

 

2. Hatorangan dohot hahonaanna

1. (Ay.1-5)Mamuhai suratna na paduahon tu Timoteus, jumolo do Ap.Paulus pasahathon tabe ni holongna tu si Timoteus, anak partondion na hinaholonganna. Didok Ap.Paulus ala ni sangkap ni Debata na patauhon songon parbarita padan ni hangoluan dibagasan Kristus Jesus. Kesadaran ala ni sangkap  ni Debata on patauhon Ap.Paulus laho mandok mandok mauliate tu Tuhan i siala haradeon ni si Timoteus mangulahon panghobasionna. Diboto Ap. Paulus do ndang neang panghobasion ni si Timoteus di Efesus. Mansai poso dope si Timoteus jala rongking ni angka parsualon na hinorhon ni angka pangajari sipaotooto na mamasuhi huria na di Epesus jala ndang mura mangadopi nasida. Diboto Ap.Paulus do mansai borat na niadopan ni si Timoteus di parhuriaonna, ala ni i tama ma ibana margogoihon anak haholonganna i, asa tau mangadopi i saluhutna dibagasan habisuhon dohot partondion.

 

2. (ay.6-7). Dasor na parjolo di bohal na margogoihon roha ni si Timoteus sian Ap.Paulus ima siala ni asi ni roha na adong diibana sian Debata do i. Holan ala asi ni roha ni Debata sambing do asa dapotan haluaon si Timoteus dohot panjouon tu panghobasion. Dasor na paduahon na dipasahat Ap.Paulus tu si Timoteus ima, siala Debata na paluahon ibana, jala na mangalehon hagogoon tu ibana. Sian asi ni roha nang hagogoon na sian Debata na jinalona i, diapoi Ap.Paulus do si Timoteus asa unang maila manghatindanghon Tuhan i jala uang mabiar manarita ala ni Kristus i.

 

3. Nunga dilehon Debata silehonlehonna na arga i tu si Timoteus, ima ditingki na diampehon Ap.Paulus i tanganna tu ibana. Ditonai apostel i do si Timoteus asa diramoti ibana jala dipararatahon angka silehonlehon ni Debata naung sahat tu ibana. Nunga dilehon Debata tondi hagogoon na margogoihon si Timoteus laho mangulahon tohonanna i. Ai ulaon ni Debata do na n iulana i. Ala ni i do umbahen na dilehon Debata hagogoon tu angka naposona laho mangulahon angka ulaonna. Mangaramoti huria ni Debata, sada bentuk ulaon na dokdok situtu do i, jala ndada tung ulaon hajolmaon i, alai tung ulaon ni Debata do i ditongatonga ni huriaNa. Sian Tuhan Debata do jaloon hagogoon lahi pasidungkon angka ulaonna. On do diparatarata Apostel Paulus tu si Timotius, asa diingot ibana i jala asa pos rohana laho mangulahon ulaon na dokdok i.

 

4. Jala ndada holan i, tung dibasabsahon Debata  nang Tondi haholongon. Dilehon Debata do hagogoon tu angka pangula ni huriana, asa margogo ibana laho manghaholongi huria ni Debata dohot manghaholongi musu ni Debata pe, i ma angka na mamboanmboan huria i tu angka turiturian na so gabeak dohot angka poda haliluon pe. Marhite hagogoon na sian Jesus Kristus do gabe tarhaholongan hita huria ni Debata. Dilehon Ibana do nang tondi pangajarion diri tu angka parhobasNa, ndada tondii hatahuton. Ndada na nirajaan ni biar angka parhobas di huria ni Debata, tung ingkon na nirajaan ni hagogoon na sian Debata do. Ai tung songon dia ma bahenon ni angka parbiar laho mamaritahon hagogoon ni Debata, gari ibana sandiri ndang manjalo hagogoon sian Ibana ?

 

5. Ditonaii AP.Paulus do si Timoteus asa dohot ibana manghophop Barita na Uli i. Laho humophop Barita na Uli i do ibana dijou di bagasan huria ni Debata. Ndada na naeng mamaritahon barita na roa, turiturian na so gabeak, na sai lalap ala ni angka tarombo, manang na pasuanhon angka poda haliluon, alai laho humophop barita na Uli do. On do ulaon ganup parhalado sepanjang jaman, ndang na naeng manambai Barita na Uli i. Nunga singkop Barita na Uli i taringot tu hangoluan – hamamate – ro di haheheon ni Jesus Kristus. Jala on do ditonahon asa gabe isi  ni panindangion ni si Timoteus. Ndang adong na asing sihatindanghonon alai tung ingkon taringot tu Tuhan Jesus do; jala marhite hagogoon na sian Debata sandiri do hasasahat ni Barita na Uli i tu angka na manangihonsa. AI ingkon botoon ni si Timoteus, na so margogo parhalado sian dirina sandiri laho mamaritahon Barita na Uli i, ai ndada gogo ni pingkiran ni hajolmaon bahenon laho pasahathon i tu angka jolma manangihon Barita na Uli i, alai hagogoon na sian Debata do.

 

6. Dipalua jala dijjou do ganup pangula ni huria manang parhalado marhite panjouon na badia. Ndada marguru tu ulaon tung sian tahina dohot sian asi ni roha na binasabasahon ni Debata dibagasan Kristus Jesus na sian mula ni mulana. Ndada tahi ni jolma na naeng saut alai angka na hinalomohon ni Debata do. Lomo ni roha ni Debata do sihatindanghonon di tongatonga ni huria jala ndada lomo ni roha ni jolma (na marisihon poda manang filsafat, manang politik pe dohot lan na asing). Alai tung lomo ni roha ni Debata do sihatindanghononhon ni si Timoteus, songon i nang parhalado di tingki on di tongatonga ni angka ragam ni pangombus ni poda. Naeng unang lilu halak sian tahi ni Debata na denggan i tu saluhut hajolmaon, i ma haluaon sian dosa ro di hangoluan na binasabasahon ni Debata.

 

7. Haheheon ni Jesus i do hataridaan ni sandok huaso dohot hagogoon ni Debata. Jala on do na mian jala na margogo dibagasan Barita na Uli i. Haheheon ni Kristus i do na mangalehon hagogoon tu angka na pinabangkitna gabe parbarita na Uli. Debata do na manjou jala Ibana do nang na mangalehon hagogoon tu angka na jinouna. Diparata apostel i do tona on tu si Timoteus asa diingot ibana jala asa pos rohana laho papatarhon Kristus Jesus Sipalua i. Debata do na papatarhon ha-Debata-onna, jala ulaulana do angka na jinouna i. Ala ni ulaon na papatarhon Kristus Jesus Sipalua i do umbahen na marsitaonon Apostel Paulus. Alai ndada maila ibana disi, ai dirajumi rohana, hagogoon ni Debata do Barita na Uli i di angka jolma na manjalosa. DI angka jolma na naeng mago do na mandok haotoon Barita na Uli i. Apostel Paulus sandiri pe nunga maruli hagogoon sian haheheon ni Jesus, di tingki na jinouna i ibana di tongan dalan dompak Damaskus.anang di dia pe Apostel Paulus sai tong do dipapatar ibana taringot tu Kristus Jesus Sipalua hajolmaon. Sian nasa pos ni roha ni Apostel Paulus do diramoti ibana sandok ulaonna dibagasan haporseaon ni rohana, ai pos do rohana na margogo do Kristus laho mangaramoti na pinalumehonna i tu ibana, ro di ari sogot i (ay.12)
8. Songon sahalak pemimpin nii huria, si Timoteus ingkon poda na tingkos i do tioponna di bagasan haporseaon dohot holong ni roha na di Kristus Jesus i (ay.13). Ingkon aloon ni si Timoteus do angka poda na mangaliluhon halak sian tahi ni Debata. Poda na sintong i do sipodahononna di tingki na mangaramoti huria ni Debata ibana. Pda na sintong i do sihaholonganna, jala marhite holong na sian Kristus i do ramotanna huria ni Debata. Ndang porlu mabiar manang hatahuton si Timoteus maradophon angka parpoda haliluon. Diboto Debata do saluhut na masa di huriaNa, alai pargogoanNa do ganup parhaladoNa laho mangadopi angka i.
9. Tondi Parbadia do mandongani saluhut ulaon di tongatonga ni huria i. Nunga dibagabagahon Kristus hian taringt tu ulaonna laho mangaramoti huria ni Debata, jala mangalehon hagogon tu angka parhaladoNa. Ndang pasombuon ni Debata si Timoteus sahalakna sandiri di angka ulaon na mansai dokdok i. Didok Apostel Paulus, na maringanan di bagasan hita do Tondi Parbadia i. Ibana do dongan ni ganup parhalado di nasa ulaon di huria ni Debata. Jala Tondi Parbadia ii sandiri do na mangalehon poda na tingkos i tu nasa parhalado nang di tingki on pe.

3. Sipahusohusoron

Topik ni minggunta manoarahon : “Ndang Marpansohotan Asi Ni Roha ni Tuhan i” sai jounna do angka na tarjou jala na rade gabe ulaulaNa laho mamaritahon Barita na Uli i. AL ni i sude ruas ni huria tarhou do gabe siboan Barita na Uli i marhite:

1. Manghatindanghon barita na Uli tu humaliangna
2. Papatarhon asi dohot holong ni Kristus i tu saluhut jolma
3. Sai tongtong mangihuthon poda na tingkos i na hombar tu Hata ni Tuhanta. Amen.

Jamita Minggu XV Dung. TRINITATIS – 25 September 2022

“Hadaulaton Mardongan Sabam Ni Roha”

Ibadah Disertai Rasa Cukup  

 

& Ev: i Timoteus 6: 6 – 9                    & Ep: Psalmen146 : 1 – 10

 

A.      Patujolo

Angka na mangolu di portibi on mangharingkothon balanjo, sinamot, na gabe bohalna ariari. Tarlumobi hita jolma mansai ringkot do hita angka arta, hepeng, sinamot, sipanganon, siinumon, parabiton dohot lan na asing palagi dijaman sinuaeng on. Alai mansai otik do jolma na merasa puas di pemenuhan kebutuhan pokok sambing, alai ndang sala nian anggo i do. Boi do hita jolma mangharingkothon lobi sian  kebutuhan pokok manang kebutuhan dasar i asa boi lam tu denggan jala meningkat parngoluonna. Alai boha ma na so marnasoan sai na hurang dope angka arta nang sinamot di rohana.

Dibagasan turpuk on na dilatarbelakangi; adong hatiha i angka na ginoaran sophist (songon ‘pandebisuk’ na mangihuthon portibi on). Tardok ‘sigadis keahlian’ ma nasida. Ingkon sigararon do nasida laho mangajari jolma asa boi denggan pasahathon hatana nang pingkiranna jala boi maralus dohot tangkas. Torop do halak Gorik hatiha i na mansai lomo rohana manghatai. Jala mansai torop namarusaha anggiat boi gabe orator manang panghatai/parpidato na begu (ulung-unggul). Jala orator na terbaik somalna sai diihuthon manang dihasiholi torop sahat pola sai didongani 9dikerumuni) natorop i, hira angka artis na godang penggemarna, laos songon i ma posisina nasida uju i. Angka on ma deba ciri-ciri ni angka pangajari na songon i:

1)      Paburnang jala patujolo diri ndada papatarhon Kristus. Uasan di penghargaan, manang pujian, asa ingkon marhite topap ni tangan ma dipatuduhon. Tung sipamanaton do on, ala boi do pangunjunan nang na songon i tu angka parjamita dohot pangajari; manait torop halak mangihuthon dirina, ndada mangihuthon Kristus be. I do hataridaan ni na burnang.

2)      Panggaori. AI sai curiga tu angka na asing sian ibana. Molo so boi dihamonanghpon marsual (adu argumentasi) gabe diinsahi ma donganna. Ndada diharingkothon mangadopi donganna jolma dibagasan holong.

3)      Martigatigahon hata. Sude dietong marhite untung rugi. Ulaon mangajari manang marpidato dirajumi do i apala rimpas songon kariri dohot pansarian, ndang adong unsur pelayanan manang panghobasion. I do umbahen sai marusaha asa torop pengikut ala gabe tamba pansarian.

Hinorhon ni i tamba ma hamaolon jala tamba ma nang sidangolon. AI boi do tutu butongan sipareon disi alai anturaparon do ianggo roha. Patut antong didok Ap.Paulus angka i haroroan ni late, bada, panginsahion, panihaion na roa, parsalisian. Molo tapamanat sude na dipajojor dison, apala angka ima suharsuhar ni parbue ni Tondi (Gal.5: 22-23) na ingkon parbuehonon ni angka siihuthon Kristus.

 

B.      Hatorangan dohot hahonaanna

1)      Sian najolo do dipangke hepeng gabe alat tukar barang. Nilai barang sian nilai hepeng i ma dietong. Sahat tu partingkian nuaeng on goarna hepeng sai diharingkothon jolma do. Segala kebutuhan ingkon marhhitehte hepeng nama, ndang adong be na gratis. Ganup ari do hita manjama hepeng, mamereng dohot mamangke hepeng, ima ala kebutuhan ni hajolmaon nuaeng. Molo tajaha turpuk on sai hira na sala molo ia gabe mamora hita. Hape sasintongna ndang na sala molo mamora hita. Na gabe mantak dosa hombar tu turpuk on ima “naholongan di hepeng” – Bohep (bohi hepengon), cinta uang, mardebatahon hepeng. Dipaingot Jesus do mara ni na holongan di hepeng, laos ima diihuthon Ap.paulus mangajarhon mara ni na roha hepengon sian na so patutu dalanana.

2)      Na boi tahilalahon panarihonon ni Debata marhite angka sinamot, arta, hepeng, manang marhite hamoraon pe. AI didok “pasupasu ni Jahowa do mambahen mamora, jala ndang mardongan hangaluton dibahen.” (Poda 10:22). Ditingki tahop sipata  na mohop di ngolu on, boi do damor panghilalaan molo adong sipatupaon manuhor angka na ringkot i. Alai tutu laos boi do mago boti sihol ni roha tu Debata ala sai lohot manang tarborot di arta roha manang lohot di hepeng. Dohot pandohan na asing, na boi do arta mangorui sorat alai laos boi do arta i pasorathon ngolu, tarlumobi molo dirajai i roha nang sude ngolu. Sipata gabe so adong hasiatan ni dongan jolma di roha i. AI paralealeon pe gabe ni rahhut ni hepeng nama. Apala na dumangol ima na dipangke halak hepeng laho manuhor hageduhon isara ni papeol uhum, manuhor jabatan dohot na asing. Jala laos torop do di jaman on na baranipulut manuhor hamatean ni donganna, amantana, inantana na marhite manggarar pamunu laho mamunu. Lan dope angka na asing na taadopi di partingkian on na suman tusi.

3)      Molo tapamanat sai godang dope jolma na diukur hajolmaon ni sasahalak marhite godang ni arta, nang sinadonganna, molo na mora manang parhepeng ima didongani jala dipangasahon. Hea do pangula ni huria terjebak di na holan mamereng hamoraon ni ruas ni huriana. Dungi dipabangkit ma na mora i gabe ketua panitia sada pembangunan nang ulaon pesta. Hape so denggan dipatupa, ndang mardalan ulaon pembangunan i. Dirimpu pangua ni huria i do na boi sipangasahonon hamoraon ni na mora i patujolohon hepeng nang hamoraonna di ulaon i, hape NDANG. Godang do salah besar hita jolma holan mamereng kulit luar. Hape halak na so apala godang hepeng nang arta dilehon do rohana masilehonlehon, manarihon huria nang naposo ni Debata. Torop do na mora di angka huria holan mambuat sangap sian huria i marhite sumbangan na godang jala balga sian ruas na asing asa tarbarita jala marsangap goarna. Ndang hasangapon i Tuhan be na tarida disi. Di angka ulaon pesta pembangunan nang gotilon pe jotjot dope masa ise na gumodang mangalehon ima na ummarga niulosan angka pangula ni huria. Hape taretong pelean do i na dos na pinasahat ruas na paspasan, na sederhana manang na pogos. Di huria sai tarida dope tandi ni na mora dohot na pogos, diskriminasi terselubung, ndada marhite ‘kesetaraan’ ni jolma songon na tinompa  ni Debata jala na rampak arga di Debata. Patut do adong pandohan: “Mandasar-mandosor tutungon porapora, na sala i gabe sintong molo hata ni na mora (nang pe ditonga ni huria).

4)      Molo didok dison “Ai ndang adong taboan tu hasiangan on, jala ndang tarboan hita agia manang aha lahor ruar, namangondolhon ketergantunganta tu Tuhanta do i. DI ay.8 on didok: “Alai molo adong di hita sipanganon dohot parabiton, tahasabamhon ma i”. Rasa cukup do ianggo tinudu ni ayat on. Sadalan ma i songon na nanidokna di poda 30: 8 “Hapogoson manang hamoraon unang lehon tu ahu, sai loas ma panganonghu bohal tinurpukhonMi tu ahu”.

5)      Ihut tu si ma ayat 10 on mandok: “Ai urat ni nasa hajahaton do roha na holongan di hepeng (cinta uang).” Jumpang hita do di Bibel hinajorbut panghorhon ni suap na merajalela sian na robi. Taida sian i na dipangke jolma hepeng manubut siparjehe dohot manghuntam pamangan ni angka saksi palsu. Masa do i andorang so diparsilangkon Jesus, masa do nang dung hehe Jesus di na manjalo suap angka parjaga i.

6)      Ia arta portibi on somal do digombarhon songon na minum aek laut, lam diinum lam tu uasna. Ai adong do jolma menempatkan kenikmatan ni ngolu marhihte papungupunguhon arta, ndada las ni roha mamangke tu nasa na hasea. Sai di golomgolom artana, mansai mangholit tu huria nang tu pangula ni huria. Alai sai songgop hagaleon, parsahiton diibana, ganup taon sai marsahit baritana. Ima burju ni pangula ni huria manangianghon nasida alai ndang apala arga i tangiang i ra dinasida.Ingkon dipasuda Tuhan i ma ditingkiNa marhite huaso ni Tuhan i asa tersadar nasida. Godang do jolma madabu tu parange materialisme, hedonisme. Jadi tudos do i songon na ni dok Anthony de Mello; tu halak na botak na mansai loja mandiori jala papungupungu suri (sisir) hape so na laho pangkeonna i. Nanggo sada sian i. Jala na dumangol i ma molo marmokmok puro, alai marpempeng haporseaon.

"Menjadi kaya adalah pilihan yang praktis, tetapi menjadi bahagia adalah pilihan yang cerdas."

"Uang menjamin hidupmu, tetapi tidak pernah bisa membuat hidup tetap aman."

"Uang dapat membelikanmu barang-barang mewah, tetapi ketika ada sesuatu yang tak ternilai harganya seperti kehidupan, cinta, dan kebahagiaan, bahkan uang pun tidak dapat membelinya."

Dison ma ringkot di hita manghaporseai hata ni endenta no 470:  6 “Sere, arta, hepeng pe, buat ma di Ho sude; tondi nang pamatangki ingkon Ho oloan ni i”. Lapatanna asa unang tarambat hita mamelehon diri ala ni sere, arta manang hepeng. Ia moru pe pandaraman alai tongtong togu haporseaonta tu Tuhanta i. Dipatangkas Ap.Paulus do do udut ni turpuk on “rodihon ma tu angka na mora di hasiangan on, unang ginjang rohanasida, unang dihaposi hamoraon na so mian i. Ihut tu si diondolhon asa naeng ma mamora di ulaon na denggan nasida (ay.17-18). Alai tagan so di rodihon si Timotius i, tontu na dihirim si Paulus do na jumolo di hangoluhonon ni si Timotius na songon i. Di Bindu 3 nunga dipaandar syarat ni na gabe parhalado. Sada sian i, i ma “na so impolan di perak” (bukan hamba uang). Molo Tuhanta i do na manguluhon hita ndang boi hepeng nang arta i mangaarajai dirinta, alai hita ma na boi mengendalikan, mengontrol nang mangarajai hepeng nang arta i.

7. Topik ni minggunta mandok tu hita: Hadaulaton Mardongan Sabam ni Roha (Ibadah disertai dengan rasa cukup). Hea do ra  tabege pandohan “Time is money” – waktu adalah uang. Mansai torop do jolma manjalo pandohan on songon hasintongan. Tutu do didondolhon di Hata  ni Tuhanta i asa mamparhaseang tingki, alai ndada tingki i gabe hepeng na nidokna disi. Ai molo nunga sude tingki on hepeng nunga gabe singkammabarbar ni hajahaton dohot manait tu na bernit di hita. Torang do diondolhon Ap.Paulus: Pangomoan godang do tutu hadaulaton (ibadah), molo mardongan sabam ni roha. Ido tutu na sintong: siduasadaihot so tarsirang ia haporseaon dohot sabam ni roha. Nunga tibu i diajarhon Tuhan Jesus dibagasan tangiang na niajarhonNa: “Lehon ma di hami sadari on hangoluan siapari” – kecukupan. Tahamauliatehon ma nasa na adong di hita jala taparhaseang dohot denggan. Rasa cukup karena kita sudah senang dengan yang sudah ada. Berbeda dengan dunia yang selalu kurang menghargai karya dan berkat Tuhan sehingga kurang bersyukur dan kurang menikmatinya. Asa ingkon mulak do songon tu pangauhonon ni siPaulus “Kristus do na mangolu dibagasan ahu”. Asa Ibana na marhuraja disi. Tuk do Tuhanta manguras dohot paimbaruhon sihol ni roha ni hita jolma, asa gabe roha na uasan hita di hataNa sipanogu tu hangoluan. Serep ma rohanta manjanghon dohot mamangke nasa na nilehon i Tuhanta di hita asa tarida ma habengeton dohot sabam ni roha namarhadaulaton manghalashon i sude. Amen.

 

Jamita Partangiangan – Epistel Minggu XV Dung Trinitatis, 25 September 2022

“Hadaulaton Mardongan Sabam ni Roha”

Ibadah Disertai Rasa Cukup   

 

& Ev.  Psalmen 146 : 1 - 10                       & Ep. I Timoteus 6 : 6 – 9

 

A.    Patujolo

 

Molo tajaha sian bindu ni turpuk on Pslm.146-150, digoari do Psalmen Hallel. Didasori ni pandohan na dibuhai jala diujungi dohot pandohan Halleluya (Pujia ma Debata). Molo marhite sian pangantusionna sude Psalmen na 150 bindu  on di paujung ma marhite pandohan Halleluya. Sude pardalanan tur ni impola ni angka psalmen ini martudutudu tu pandohan Halleluya (puji Tuhan; Laudate Dominum). Pamujion na tapasahat tu Debata dipatupa marhite parange na manghamauliatehon pambahenan ni Debata dibagasan ngoluna. Asa hombar tu topik niminggunta manosoi hita na mamuji Tuhan i mangolu dibagasan “Hadaulaton Mardongan Sabam ni Roha”.

 

2. Hatorangan dohot hahonaanna

Halak na porsea songon parpsalmen on manghatindanghon pujipujianna tu Debata Jahowa marhite Hadaulaton na mardongan Sabam ni roha. Molo tapamanat sahalak na paluahon portibi on sai dihasiholi torop jolma do hajongjonganna marhite angka pamimpin, tokoh-tokoh na berpengaruh mangalehon pemikiran, kontribusi tu angka parsualon ni hajolmaon na gok mangadopi masalah. Tokoh-tokoh politik na memperjuangkan hak-hak kemanusiaan na tertindas. Dilehon nasida do roha dohot pingkiranna nang nasa gogona asa torop jolma mandapot jala manjalo haluaon i. Isarana Bunda Theresia, Mahatma Gandhi, Nelson Mandela, Martin Luther, Martin Luther King Jr. Dohot lan na asing Sude sepak terjang nasida manuarahon asa adong hamubaon, kemajuan nang haluaon di torop jolma. Alai na hot ro disaleleng ni lelengna haluaon di hita jolma holan Tuhan Debata do. Hot do panindangion haporseaon ni parpsalmen on ia holan Debata Jahowa na sasada i do na gabe Sipalua na sasintongna. Dibagasan turpuk on dipaboa do boha do sikap ni parpsalmen nang halakna porsea na mangolu dibagasan hadaulaton na manghasabamhon pambahenan ni Debata :

 

1)      Sai pujion jalapasangaponna do Jahowa Debata (ay.1-2). Dipaboa parpsalmen on do sihol ni rohana laho mamuji pasangap Debata Jahowa. Saleleng adong dope ibana nang angka na porsea i di portibi on. Molo dung mate tung so boi be hita mamuji Debata. Ala ngolu ni na porsea di portibi on holan laho mamuji pasangap Debata nang marhite parmingguon, parguruanta, partangianganta, panindangionta, nang ulaon asi ni rohanta tu angka dongan jolma.

2)      Ndang olo marhaposan tu angka pangarajai jala tu jolma na so  umpeop panumpahion. Halak na porsea ingkon pamanat ngoluna di sangkapsangkap ni jat di roha ni jolma. Torop do jolma na manghalomohon tahitahi na so tama jala na so ture laho holan patulushon sangkap ni rohana. Sangkap rohana holan tu haportibi on holan tu pardagingon asa puas. Unang ma olo hita tarela jala tarunjun di bisukbisuk ni jolma nang portibi on di nalaho manegai, jala gabe manusai ngolunta. Informasi na parpudi ala ni hisap ni oknum na mora di bisnis na pola do ingkon korban tak bersalaha angka rakyat kecil. Ala so olo rakyat kecil on manggadis tanona asa gabe lahan perkebunan sawit di Kalimantan gabe disuru ma aparat laho manangkup rakyat kecil on sai hira panangkup ni teroris. Mansai godang dope di jaman nuaeng on bentuk bentuk nang pola pola kejahatan na patar manang na so patar dope di hatotopan asa manat ma hita mangadopi i sude. Tung so boi do nasida mangalehon haluaon manang las ni roha, ai marujung be do nasida di tingkina. Asa unang ma hita na porsea marhaposan di nasida alai holan Tu Debata Jahowa ma haposanta. Jeremia 17:5 Songon on do hata ni Jahowa: Marjea ma baoa na marhaposan tu jolma, manang tu bolon ni botohonna, gabe dipasurut rohana sian Jahowa. Didok marjea ala ndang dihaposi jala dihaporseai be Debata Jahowa na tuk mangalehon haluaonna. Ai so margogo portibi on nang jolma i maradophon Tuhan Debata. Ai adong be do tingki ni portibi on nang ro di isina dohot tarlumobi manisia i di hangoluanna, na laho salpu do i sude nang jolma i pe martingki be do umur, hagogoon, hapistaranna jala ngoluna. Asa tangkas ma dipodai Jesaya 2: 22 Dibahen i unang hamu marhaposan tu jolma, na marhosa di bagasan igungna, ai tung pola aha ibana rajuman?

2)Jala mangihut ma muse parPsalmen pe paingothon tu hita di Psalmen 118: 8 – 9 Dengganan marhaporusan tu Jahowa, asa marhaposan tu jolma. Dengganan marhaporusan tu Jahowa, asa marhaposan tu angka raja.

3)      Tabahen ma Debata Jahowa ima Debata si Jakob gabe Sipalua hita (ay.5). Debata Jahowa do na mangurupi dohot na manogunogu hita jolma (ptd.Psl.54:4; Heb.13:6). Tung aha ma na boi bahenon ni jolma tu hita, holan sian Debata Jahowa do ro pangurupion tu hita, asa ndang be mabiar angka na marhaposan di Ibana (Psl.23) Debata do na marmahani hita, mandongani jala mangaramoti hita, ndang humordit jala mabiar be hita. Molo Debata donganta ise be alonta ? Hasonangan nang las ni roha ma mardapodapot molo sai Tuhantai na tapangasahon. Efe. 5:16  dan pergunakanlah waktu yang ada, karena hari-hari ini adalah jahat. 2 Tim. 3:1  Ketahuilah bahwa pada hari-hari terakhir akan datang masa yang sukar. Molo didok partingkian on lam jat siala molo langa hita boi do gabe ro si parjahat i manait rohanta. Bukan “waktu” atau hari-hari yang jahat melainkan si iblis juga mempergunakan waktu itu untuk mengobral kejahatannya dan si jahat dengan segala upayanya ingin menguasai hari-hari yang kita lalui. Sebab seperti yang sudah kita sebut di atas, hari-hari ialah waktu yang dikaruniakan Tuhan untuk kita jalani dan nikmati. Adalah peringatan bagi kita akan adanya potensi bahaya ketika kita tidak mempergunakan waktu yang ada. Setiap hari ada saja yang ingin iblis curi dari dalam hidup kita. Sering kali karena ada satu perkataan tertentu kita ter-distract sehingga kehilangan sukacita, damai sejahtera oleh Roh Kudus. Sadari bahwa di tiap waktu hidup kita selalu ada peperangan rohani. Peperangan rohani itu seperti pegulat. Siapa yang kuat, dia akan bisa menundukkan yang lemah. Itulah sebabnya kita harus membangun manusia roh kita karena ketika kita membangun manusia roh kita, kita akan makin kuat. Percaya kepada Tuhan, memasuki peperangan rohani dengan keyakinan bahwa Dia Allah yang setia.

4)      Angka na porsea na mangasahon huaso Debata Jahowa hagogoona nang haluaonna dilehon tugas tanggung-jawab laho mar missi dohot Kristus mamaritahon asi ni roha ni Debata ima paluahon angka na tarrante, mangalehon sipanganon tu na male (ay.7). Naung gabe panjouon tu hita do on angka na porsea gabe pasupasu marhitehite na daohot berpartisipasi aktif paluahon angka jolma na tarrante (baik secara pisik dan rohani), patingkos uhum tu angka na nirupa, jala mangalehon sipanganon tu angka na male. Nang pe uli jala bonar do na tinuju ni roha mangulahon on alai sai adong do na so lomo rohana diulaon asini roha i. Na deba manuduh Kristenaisasi, na deba merasa terancam moru ruasna, na deba gabe moru pangomoanna sian na so tingkos dohot lan na asing. Asa na boi do maol patupahon ulaon asi ni roha i siala angka ambatambat i. Siala ni i ringkot do tapangaido gogo nang bisuk sian Tuhanta i marhitehite TondiNa i mangajari hita mangulahon asini roha i asa sahat tu lomo ni roha ni Debata. Tapasahat asini roha ni Tuhan i tu nasida na dibagasan hamaolon nang panaritaan i mandok na jonok do Tuhan i mangurupi dohot manogunogu nasida. Hita ma na sinuru Tuhanta i gabe surusuruanna manjumpangi angka jolma na dangol.

5)      Ihutni i torus do dibagasan ngoluna angka na porsea na mamuji Tuhan i marasiasi tu angka na sopot so marama, na buro, angka na mabalu ( tontu angka na pogos do na nidokna disi), aut sura na mora nasida ndang pola niurupan ngolungoluna. Konteks najolo angka na pogos ma parngoluon nasidan soada pandaraman. Nuaeng on pe torop do angka na pogos, sai adong doi ditongatonganta. Asa talehon roha mangurupi nasida marhite pendampingan, mamargogoihon, manarihon, manjaga jala gabe dongan marsaor asa unang dihilala na dipinggirkan, dikucikan nasida, alai patuduhon holongni Tuhanata i tunasida. Ima bagian ungkap ni rohanta mamujimuji Tuhan i.

Marhite na lima point nangkin paboa na mangolu do haporseaonta laho patoguhon haporseaon nang pangkirimon torop halak na dihumaliangta. Ima hadaulaton mardongan sabam ni roha (ibadah disertai rasa cukup), ndang mangorui holong nang las ni rohanta mamuji Tuhan i laho masilehon lehon dohot na marroha secara holistik. Ala holong tuhanta i mansai balga ndang tarasam jala ndang tardodo hita, ala hita do milikna na tinompaNa tung sai dijagai jala diramoti Tuhan i do hita sahat dihasusuda ni bohalta di portibi on bongot tu HarajaonNa i ima hangoluan na manongtong na gok angka pujipujian tu Ibana. Amen.

 

Jamita Minggu XIV Dung. TRINITATIS – 18 September 2022

“Dipatimbul Debata Do  Angka Na Dangol”

Tuhan Menegakkan Orang Yang Hina   

 

& Ev: Psalmen 113: 1 – 9                        & Ep: Lukas 16: 1 – 13

 

A.      Patujolo

Dibagasan psalmen pujipujian on angka na di gonghon laho mamuji Tuhan Debata na mangatasi nasa saluhut alai mangharingkothon manisia na martoruk ni roha jala dilehon asi ni roha tu manisia i ngolu na gok pasupasu. Dihaporseai do Debata na patimbul angka na dangol na marurat sian  pengalaman ni bangso Israel; angka na mangula rodi dihindat Debata gabe Anak dohot bangsoNa. Ia psalmen on ima sada sian

Tangiang bolon (hallel – Psl.113-118) na niendehon di ari raya Paskah ni halak Jahudi (parningotan habubungkas ni bangso i sian tanno Misir) dohot di angka ari raya na asing. Ia psalmen on di buhai jala idujungi dohot soara na mandok “Haleluya” (puji ma Debata)

 

B.      Hatorangan dohot hahonaanna

1.       Puji ma Tuhan Debata, hamu angka naposo ni Debata. Sude angka naposo ni Debata diarahon laho mamuji Tuhan (dibagasan pamujion i adong lapatanna ima mangokui, pasangaphon, mangoloi, pabalgahon, patuginjang, manengahon Ibana, dna). Boasa ? Siala Tuhanta i na tumimbul jala hamuliaonNa i mangatasi saluhut langit parlangitan, ndang adong tudosanna. Na maringan do Ibana di inganan partimbo, alai dipatutori do diriNa, dipatigor do angka halak na dangol jala manogunnogu angka na pogos jala Dipahundul Ibana do parompuan na hol songon ina ni angka dakdanak.

2.       Songon tudos tu turpuk on ma ende ni si Hanna na tarsurat di 1 Samuel 2 jala si Maria di Lukas 1: 46-55. Marhitehite hasosorang ni Jesus Kristus, ditilik Debata do bangsoNa i. Didok si Johannes do di Joh.3: 16  Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana. Molo tapahusohusor ayat on, na dapot hita sian i ima mangihuthon parpsalmen mangihuthon dohot manjouhon : Haleluya, Puji ma Tuhan Debata, siala balga ni holongNa.

3.       Adong pandohan di Hata Indonesia : Kacang lupa kulitnya, na marlapatan molo adong sahalak na naung niurupan, ditogutogu, dibahen na denggan alai ndang olo mandok mauliate tu halak na naung mangurupi ibana i. Lapatanna unang ma songon i pangalahonta maradophon dongan jolma tarlumobi maradophon Debata. Ingkon taingot ma haburjuon ni dongan tu hita tarlumobi tu Tuhan Debata, boha do caranta mambalos haburjuonna i, ahama sipatupaonta ? Holan angka na denggan i ma tula jala tapatupa tu angka donganta nang tarlumobi tu Tuhan Debata, marhite na mangulahon Hata nang PatikNa i.

4.       Huria ni Tuhanta, ai jolma na dangol do hita di portibi on, ragam hasusaan jala na bernit marganti sorin dohot las ni roha. Alai hahansiton do na manusia ngolunta, angka hasusaan, harugian, sahit-panahit, hamaolon, ganggu rohanta binahen ni angka parnangkok arga ni miak dohot bahan pokok hape gaji soada nangkok. Lingkungan dohot cuaca pe soo marnatontu be musim nang ari on. Mansai torop do jolma manghalomohon korupsi, mangulahon ragam cara asa mamora, alai godang do na gabe madabu dihasusaanna i. Ala ni i angka na porsea di Jesus Kristus sai diramoti do angka na porsea i, tung aha pe masa di ngolunta, Ibana na sai dilambungta manogunogu hita asa tongtong hasonanganta laho mamuji pasangap Tuhanta i.

5.       Ingkon tapuji ma Tuhanta i, laos mandok mauliate siala denggan ni basaNa na mangaelhon hasesaan ni dosanta Rom 6:23 Ai upa tinuhor ni dosa do hamatean; alai basabasa ni Debata do hangoluan salelenglelengna marhitehite Kristus Jesus Tuhanta i. Lapatanna ala ni dosanta i jambarta ma hasusaan nang hamatean na mannongtong i di api naroko. Alai siala tahaporseai Tuhan Jesus Kristus, tajanghon asi ni rohaNa na mangasii hita disesa sude dosanta jala diparade di hita hangoluan na mannongtong i raphon Tuhanta i di HarajaonNa (Rom. 10:9-10). Ingat, bahwa kita menerima bagian dalam kerajaan sorga bukan karena usaha atau perbuatan baik yang kita lakukan (Ef. 2:8-9), karena kebaikan yang kita lakukan tidak akan pernah mencapai standar yang telah Tuhan tetapkan. Hita ma angka jolma na martua di portibi on, boasa? Siala naung disesa sude dosanta nang hasalaanta, jala jambarta na porsea di Ibana ima hangoluan na saleleng ni lelengna. Ala ni i sude angka na porsea mandok mauliate mamujimuji Tuhan Debata marhite sude na adong dibagasan ngoluna. Naung ditogu do hita jolma na lea on gabe dipasangap, gabe di patimbo, gabe di patama tu lambungNa nabadia jala na songkal i. Tung aha na tarpatupa hita mambalos sude na i tu Tuhan Debata ? ia so holan mandok mauliate dohot mangulahon lomo ni rohana sian patik nang HataNa i. Ala naung tadai denggan basaNa tugasta ma laho manogunogu angka halak na dangol, na pinaduru niportibi on. Tapatama ma angka na buro, na so marama, na so marina, angka na pogos, na dibagasan hasusaan, na maol dope mangalului ngolungolu, na so beruntung, na maol langku dope usaha nang tigatigana, margogoihon angka na gale roha, na bermasalah, mendampingi nasida na dibagasan habot ni roha, angka na mandele, putus asa, angka na maheu, rade hita jala marroha mandongani dohot mangurupi nasida satolap ni gogonta. Ima paboahon na marasi ni roha do Tuhan Debata tu angka na dangol. Allah menegakkan kita orang yang hina, menjadi mulia. Bagaimana kita juga terpanggil untuk menegalkkan orang-orang yang dianggap hina oleh dunia ini, dan sadar bahwa Tuhan bekerja, merawat, mendamping dan merangkul mereka melalui setiap insan percaya yang mau menjadi alat Kristus. Maka semakin nyata perbuatan Tuhan Allah ditengah duni ini yang tetap Dia pelihara dari dulu, sekarang hingga pada kekekalan. Amin.

Jamita Partangiangan – Epistel Minggu XIV Dung Trinitatis, 13 September 2022

“Dipatimbul Debata Angka Na Dangol”

Tuhan Menegakkan Orang Yang Hina  

 & Ev. Lukas 16 : 1 - 13                       & Ep. Psalmen 113: 1 – 9 

1. Patujolo

Mansai ringkot do manarihon ari pangapudian. Unang holan manghangoluhon (menikmati) ngolu saonari. Gari anak portibi on disarihon do pangapudianna. Nuaeng pe godang do na manarihon jaminan ni ngoluna. Alai godang do i holan pangapudian di portibi on (dana pensiun, asuransi, deposito, dna). Alai ingkon dao sian i dope siparadeon ni angka anak hatiuron songon angka na porsea. Nasa na niulahon nuaeng ingkon maralus do hita muse tu Debata. Songon pandok ni Parjamita 11: 9, ala ni i ndang sae holan na manarihon parhepengon, alai nang angka pangkataion pe lam di padenggan be ma.

Dibagasan turpuk on ma dipatorang Jesus sada umpama na manaringoti Harajaon ni Debata asa jamot do jolma di ngoluna siganup ari. Panarihonon ni jolma dipudian ni ari dipatuduhon sahalk Juarabagas (bendahara) na mangadopi situasi na kritis, gawat darirat. Huroha naung dipasuda do hepeng ni tuanna i. Alai malo do ibana asa malua sian hamaolon pertanggungjawabanna haduan.

 

2. Hatorangan

1. Nunga dipasahat na mora i pengelolaan ni artana i tu sahalak juara bagas. Sahalak juara bagas na adong do di ibana kebebasan laho mengelola, ndang songon hatoban na sai margantung di parenta dohot oraora ni indukna. Manang juru bayara na sai paimahon orde. Ala ni tardok lomona do mambahen songon dia partording ni arta ni na mora i. Ala ni kebebasanni juara bagas i, gabe di pansuasaehon ma 9diaskorizo- strew, waste). Ndang tardok dope penipuan , ndang kesengajaan manabunihon. Ndang dipaboa manang pola songon dia panghorhonna tu na mora i pambahenan ni juara bagas i. Alai tarbortik tu ibana na so ture pambahenan ni juara bagas i. Ala ni i ma dijou ibana ma juarabagas na i asa dipertanggungjawabhon ulaonna i. Ndang manigor diuhum, alai dipangido do jumolo pertanggung jawaban. Digombarhon do kesabaran, lambas ni roha di hadirion ni na mora i. Ndang manigor emosional menanggapi barita na tarbege. Alai dijou do jala disungkunhon denggan taringot tu bortik i. Hira dilehon do tingki asa sanga mangalap hosa (persiapan diri) ni juara bagas i.
2. Dung songon i manigor tubu do di roha ni juara bagas i parhusarion. Parjolo, ndang dope nian adong didok sanksi tu ibana soal pambahenanna i, alai nunga manigor dapot kesimpulan ibana na paradiahonon ni na mora i ma ibana sian ulaonna. Ra, ala naung diantusi ibana ma na patut tu dirina jala na so boi tawar menawar tu indukna i. Laho paulakhon angka na pinansuasaehonna i ndang adong bahenonna. Paduahon, sadar do ibana di kemampuanna na so boi mamangkur (kerja yang mengandalkan tenaga), alai naung somal di ngoluna mamangke utokutok dohot pulpen, manang manehenehe pe maila, ala halak na berpendidikan di ibana. Jala sada usahona tontu pasidingsidingon ni jolma ma ibana sogot. Patoluhon, mangalului hasangkotan  ni ngolu muse, “asa dijanghon ahu tu jabuna muse”, ninna. Ondo na gabe perhatianna. Boha ma ahu muse, tu dia ma, ninna rohana. Marhite aha ibana sumarihon ari pangapudianna dung dipaijur sian hajuarabagasonna i ? Pintor diingot ma angka halak na marutang tu indukna i. Alai ibana do juara bagas diboto ibana do sadia be utangnasida jala ibana do pe maniop angka kwitansi (surat perjanjian peminjaman). Manigor tubu ma pikkiran mangorui utang ni anga parutang i. Dijou ma angka parutang tuanna i, dihata i ma mangorui angka utangnasida be. Ndang sarupa tu sude dibahen ibana utang na moru, alai bahat be do. Bervariasi do dibahen ibana: adong na 20 % (eme) sahat tu na 50% (miak). Dipatuduhon ibana ma “asiasi” tu na marutang i. Ndang adong sian utang i na nioruanna i langsung bahen tu dirina, alai tontu hombar tu parhusarionna nangkin, mangkirim ma ibana muse molo dung diparadianhon sian ulaonna i, boi jangkonon ni angka na manjalo “asiasi” i ma ibana muse. Ido usahana nuaeng. Bisuk, diurupi halak asa diurupi ibana muse. Ndang na korupsi langsung, alai mamake kesempatan si saotik i laho asa adong hasampaeanna muse.
3. Ala bisukna i, dipuji indukna ma juara bagas i. Bisuk manarihon ari pangapudianna. Manarihon hasangkotan ni ngoluna muse. Dipake ibana dope tingki na otik i dohot potensi (hak) na adong di ibana nuaeng laho mambahen hasangkotan ni ngoluna muse. Tutu do nunga adong hasalaanna, alai diharingkothon ibana do muse ujung ni ngoluna. I do pinuji ni na mora i. Ndang cara na memanipulasi surat utang i, jala sigopna dohot ringkotna manariihon ari pangapudian i do na naeng perbandingkononna tu angka halak naung mananda hatiuron. Asa di ay.8a do puncak ni barita i, jala ay.8b ma na gabe inmpola ni pangajaranna, ima naeng mangalehon dorongan tu angka na mambege umpama i nang tu hita on angka anak hatiuron pe asa bisuk nian  mamangke tingkina na otik dohot potensi na adong di ibana be.
4. Sasintongna ndang umbisuk anak portibion sian anak hatiuron. Ai sinarihon ni anak portibi on pe holan sebatas ngolu pardagingon do, hape anak hatiruon sahat tu parmianan sogot do. Jala ingotonta do, ai tumimbo do bisuk na sian Debata martimbangkon bisuk na sian portibi on. Ai bisuk na sian portibi on manghorhon hagaoron dohot hatongkaron do i, alai na sian Debara manghorhon hadameon dohot hadengganon (Jak.3:13-18). Alai maehite pandohan on nuaeng, naeng didorong roha ni angka anak hatiuron asa lam marsitutu manarihon ari pangapudianna be. Ingkon naeng tumimbo di pmaheon ni tingki dohot potensi na adong di ibana. Hata dorongani ma ay.8b, “Gari angka na geduk diboto manarihon ari pangapudianna, lam angka anak hatiruon ma?” Anak hatiruon do naung tangkas mamboto adong ari parpudi, ari paruhuman. Jadi ndang idaon gabe sada pernyataan na gabe hatontuan pandohan : “Ai umbisuk do anak portibi on asa anak hatiruon i mangangkupi donganna saroha”, alaiidaon ma i songon sada pangonjar tu roha (;insinglinsing ni roha), ingkon naeng umbisuk ma nian anak hatiruon i mangangkupi donganna saroha, na boi menjamin manang na gabe hasangkotan ni ngoluna muse. Ndang cara na geduk  na naeng sitiruon disi, alai roha na sari tu masa depan i do. Asa na gabe parenta do pandohan on, tu angka anak hatiuron asa lam marsitutu manarihon ari pangapudianna be. Ndang holan ngolu saonnari na rumingkot, alai ngolu di pudi ni sinuaeng on. Ndang holan di ngolu nuaeng on sudahononhon gogo, arta dohot tingkiniba, alai marhite gogo dohot tingki na adong nuaeng ingkon pangkeon do i paradehon do tu haduan.
5. Pangke gogom, artam, tingkim manarihon parmianan sogot. Mansai arga do aya.9  on laho mangarahon ganup jolma asa sintong mamangke nasana adong di ibana saonnari. Ai pandohan ni Tuhan Jesus na mardasor sian barita ni juara bagas na geduk i. Sian i adong do dua ragaman na naeng ondolhononhon. Parjolo, hatiha godang tingkina dohot adong huasona /ulaonna, sae do holan ngolu nuaeng na ringkot di ibana. Paduahon, di tingk na hopit ala ingkon mambahen pertanggungjawaban ma, i pe asa disarihon hasangkotan ni ngoluna muse jala dipangke ma nasa gogo, jabatan dohot na niatunsanna nang halak na boi alealena muse. Tiruan na patut siulahonon ni angka anak hatiuron pe naeng ma marsitutu mamangke “mammon na geduk” mangalului aleale, asa ia dung suda i, adong  na manjanghon muse. Alai ndang jabu inganan songon nidok ni juara bagas i be, alai di parmianan sogot na ma, i ma hangoluan sogot. Songon dia do “mammon na deguk” mambahen iba dijanghon di hangoluan sogot ? Ingkon idaonta ummotikna dua konteks ni turpuk on: parjolo, mangihuthon perikop, adong do panaringotan tu sikap na denggan mamahe mammon dohot adong muse umpama taringot tu sahalak na mora na so manarihon si Lazarus na pogos jala marsahit. DI ujungna, mate do nasida na dua. Alai ndang boi rap na mora  na so olo mangurupi na pogos i tu si Lazarus dohot Abraham, jadi adong na boi gabe alealena di si. Paduahon, di tingki manurathon Buku Evangelium on, di angka huria na parjolo i, mansai diondolhon do ulaon parasinirohaon jala laos i do sada na patandihon halak Kristen sian halak n aleban (pat.Ul.Ap.2:44-45). Ala ni i Poda 19: 17 pe,  na mandok: “Na pasali Jahowa do manang ise na mardenggan basa tu na pogos, jala Ibana mamaloshon denggan basana i tu ibana”, tung mansai tangkas do diantusi jala diulahon nasida i. Tarida do i sian pandohan ni sahalak ama ni huria si Tertullianus (+200M): “bonum Factum Dei habet debitorem” (masilehonlehon marlapatan do i, marutang Debata tu ho). Saurdot do i muse tu pandohan “Ubi caritas et amor Deus ibi est (dimana ada kebajikan dan kasih, disitu ada Allah) na niaenet sian 1 Joh.4:12 . Asa pandohan na si turuk on pe, naeng mangondolhon parasinirohaon i do, asa dihaholongi Debata ibana. Ai didok do; gabe parasi ni roha ma hamu songon Amamuna parasiroha i (Luk.6: 36-38).
6. Moltmann, teolog na tarbarita i mandok: persekutuan orang-orang Kristen benar-benar melayanai damai sejahtera Kristus, jika orang-orang Kristen solider dengan orang-orang miskin, orang lapar, orang tahanan dan yang putus asa”.  Dung i tong teolog na tarbarita; Dietrich Boenhoeffer mandok : “Gereja yang sejati adalah gereja yang bereksistensi untuk orang lain, yang mau memberi hidupnya untuk orang lain. Songon na binahen ni Kristus tu hita.
7. Huria ni Tuhanta, ima na taula tapangke ma sinadongan, talenta, kemampuan, kesempatan, tingki, gogo nanilehon ni Debata lahomembangun relasi tu donganta. Tapadao ma namanirang hita sian dongan. Ai harugian sambing do molo sirang hita sian dongan. Seribu teman masih kurang, tetapi satu orang musuh sudah terlampau banyak, ninna orang bijak. Asa didok Jesus di Mateus 25: 40 “Nabinahenmuna tu sahalak anggingku na metmet on, na mambahen tu Ahu do i”. Adong pandohan ni sahalak Rabbi Jahudi: “The rich help the poor in the world-but the poor help the rich in the world to come” (molo di portibi on, na mora ma na mangurupi na pogos, alai na pogos i ma mangurupi na mora di portibi on na naeng ro). Molo taurupi na pogos i uju di ortibi on dope hita, nasida ma muse mangurupi hita di ari parpudi i. Ala ni i, taingot ma asuransi na paling terjamin di hita ima mamangke arta portibi on laho membangun masa depan, ima marhite na membangun relasi tu halak na asing, tarlumobi tu na pogos ala ni holong ni rohanta tu Jesus. Investasikan perbuatan-perbuatan yang menolong dan menegakkan orang yang danggap hina di dunia ini, yang belum beruntung sehingga mereka merasakankebaikan Tuhan, sebab yng kita perbuat adalah kehendak dan keinginan Tuhan melalui FirmanNya, dialah yang berhikmat dan memakai waktu yang ada ini dengan tepat serta bijaksana. Dipatimbul Debata do angka na dangol (Allah menegakkan orang yang hina). Kita yang hina dan berdosa ini telah ditegakkan oleh Tuhan menjadi pewaris KerajaanNya, maka sikap danperilaku kita sebagai anak-anak terang hendaknya sesuai dengan FirmanNya. Amen.

Jamita Minggu XIII Dung. TRINITATIS – 11 September 2022

“Dihalomohon Debata Do Hamubaon Ni Roha”

Allah Menginginkan Pertobatan  

 

& Ev: Lukas 15: 1 – 10                        & Ep: Psalmen 51: 1 – 10

 

 

A.    Patujolo

        Huria na hinaholongan dibagasan Jesus Kristus. Dibagasan turpuk on taboto do boha holong ni ni Jesus tu bangsoNa. Dipaboa do na dibaritahon taringot tu Jesus na dihatai angka halak Parise dohot angka siboto surat siala dijanghon Jesus do angka sijalo beo dohot halak pardosa na ro manangihon jamitaNa. Diboto Jesus do nahinatahan nasida, jala ndang dialo Jesus hata natorop i alai maralus do dibahen Jesus marhite umpama na tongam. Adong ma tolu umpama dibahen Jesus laho patoranghon sungkunsungkun nasida:

1.      Umpama taringot tu birubiru na mago (ay.4-7)

2.      Umpama taringot hupang na mago (ay.8-10)

3.      Umpama taringot anak na mago ( ay.11-32)

Na tolu umpama on mangondolhon hinaringkot ni na paubahon roha laho masuk gabe panean Harajaon ni Debata. Na tolu umpama on na naeng paboahon ia ganup jolma mansai arga do diadopan ni Debata. Ndang adong na patorbang hu diadopanNa. Dijolo ni Debata dos do jolma i, sude do jolma i dihaholongi dohot disarihon. Sian natolu i dibagasan turpukta on holan dua do sipatorangonta ima taringot tu birubiru dohot hupang na mago i.

 

B.     Hatorangan

1.       Sada biru biru na mago: Dipatorang Jesus do tu na torop i taringot tu Harajaon ni Debata na mangalului halak na lilu di gombarhon marhite umpama sada birubiru na lilu manadinghon siapulusia birubiru na asing. Na gabe sungkunsungkun dihita, sintong do pangajarion on ? Aha ma ringkotna mangalului sada birubiru asa manadinghon na siapulusia nari ? Ndang na gabe prioritas nian na siapulusia on asa sian na sada nari ? Boha do haluaon na pinarade ni Debata tu hita jolma i ?  Adong pandohan mandok: “the greatest good for the greatest number” (kebaikan terbesar untuk jumlah terbesar). Pandohan i na pinasahat ni sahalak parbinoto filsuf Inggris na margoar Jeremy Bentham (1748-1832). Songon sahalak penganut teori utilitarianisme, Bentham menyatakan: “Tindakan yang terbaik adalah yang memberikan sebanyak mungkin kebahagiaan bagi sebanyak mungkin orang.”  Inti pemikiran Bentham adalah bahwa makna benar dan salahnya suatu tindakan harus dinilai berdasarkan konsekuensi-konsekuensi yang diakibatkan, yaitu apakah dapat membawa manfaat bagi sebanyak mungkin orang ataukah tidak. Konsekuensi yang terburuknya adalah apabila kita hanya membawa kebahagiaan kepada seseorang saja, tetapi mengabaikan banyak orang. Dalam perspektif teori utilitarianisme yang dikemukakan oleh Jeremy Benthan, bukankah ajaran Tuhan Yesus tentang perumpamaan gembala yang meninggalkan 99 ekor domba seraya mencari seekor domba saja tidak sesuai dengan prinsip the greatest good for the greatest number. (kebaikan terbesar untuk jumlah terbesar)?

2.       Sian penilaian ni hajolmaon tumagonan do na siapulusia i malua sian na sahalak nari. Songon pandohan ni si Kayafas, Malim Bolon hombar tu pamingkiran ni si Bentham. Uju tartangkup Jesus, didok si Kayafas di Joh.18: 14  Dengganan do mate sada halak humongkop, bangso i.

2.Dipaboa ibana do i tu adopan ni angka uluan ni parugamaon halak Jahudi asa tumagon do sahalak ni Jesus bunuon asa sian nasa bangso agoan. Godang do angka halak na di portibi on maniru pamikiron ni si Kayafas i. Ima songon “tumbal” menunjuk pada mahluk hidup (hewan atau manusia) yang dijadikan korban (victim) yang diharapkan dapat mencegah terjadinya bencana atau malapetaka.

3.      Borat ni roha halak Parise dohot angka siboto surat dilatarbelakangi sian hasomalan, manang budaya di hatiha i molo sahalak guru/rabbi ndang tama sapanganon dohot angka halak na targoar lea manang pardosa. Ala lapatan ni na ‘mangan’ di hasomalan ni halak Jahudi na marlapatan pribadi. Halak na di gonghon tu na marsipanganon, lapatanna pasidohot ma ibana di sipanganon ni ‘tuan rumah’ (ima na manggonghon). Halak na digonghon mangan gabe dongan ni na mangalehon mangan. Halak Parise dohot siboto surat mansai jut rohana mida Jesus na marsaor jala mardongan dohot angka sijalo beo dohot angka halak sipardosa, sasintongna ingkon mardongan ma Jesus holan tu halak na ‘burju’, ndada tu angka halak na targoar sampah masyarakat. Sada tiruan do tu hita nabinahen ni Jesus laho mangalusi dohot denggan reaksi negatif ni halak Parise dohot angka siboto surat. Ndada na muruk Jesus laho mangalusi alai mangajari nasida boha do paulihon angka jolma na mago. Angka sijalo be dohot angka pardosa i pe ringkot do di nasida asi ni roha ni Debata. Na ro do Kristus Tuhanta i mamboan hamamalum dohot haluaon tu halak na mago. Didok do di Lukas 19: 10 Ai na ro do Anak ni jolma i mangalului jala paluahon na mago. Songon halak na mago angka sijalo beo dohot angka jolma pardosa i marpanghirimon laho manjalo hamubaon dohot haluaon na sian Tuhan Debata. Asa hombar tu tujuan i ma ro Tuhanta Jesus laho mamboan umpama tu angka halak Parise nang angka siboto surat taringot tu parmahan na manadinghon siapulusia birubiru na so mangharingkothon haluaon jala na tumagon mangalului sada birubiru na mago na mangharingkothon haluaon. Molo dijunmlah 100 ma birubiru i, nda sude do mangharingkothon haluaon?  Boasa holan sada na pinalua? 99 birubiru na tinadinghon parmahan ima manggombarhon halak na mandok dirina naung dapotan haluaon. Naung malua ma didok roha ni angka parise nang siboto surat i nasida ala pinompar si Abraham ompunasida na naung dipintori Debata, asa sahat ma tu angka pinomparna. Ndang ringkot di nasida haluan na binoan ni Tuhan Jesus ala naung dapot haluaon di dok rohanasida. Sada birubiru na mago ima manggombarhon angka na dipasiding situan natorop ima halak pardosa dohot si jalo beo. Boasa ringkot dilului Tuhan i angka pardosa i ? siala naung sadar nasida jolma pardosa jala na naung mago saleleng on. Alai molo halak Parise dohot siboto surat i ndang ringkot di nasida haluaon na binoan ni Tuhan Jesus ala asing ni pinompar si Abraham nasida jala didok rohana naung diulahon nasida ruhutruhut ni hajahudion dohot sude angka patik i.

4.      Haluaon dohot asi ni roha na pinasahat ni Tuhan Debata mangharingkothon alus ni haporseaon. Songon sahalak dokter na boi mangalehon pangubation molo ro angka na marsahit tu ibana. Laos songon i do Tuhanta Jesus ima Pangubati sian saluhut pangubati na tuk pamalumhon ragam ni angka sahit panahit ni jolma na ro tu Ibana. Matius 9:12 Alai dibege Jesus do i, jadi ninna ma: Apala ringkot di angka na hisar pandaoni, di angka na marsahit do!

4.Huria ni Tuhanta mansai torop do jolma songon birubiru na 99 i di jaman on na merasa pintar, hebat jala ginjang rohana. Jotjot do halak na manguhumi donganna jolma marhite standar manang ukurannya sandiri. Didok rohana do dirina naung tigor manang dumenggan sian halak. Akibatnya hati mereka tertutup oleh perasaan superior dan keangkuhan. Namun sayangnya orang-orang dengan karakter menghakimi sesamanya umumnya bukan orang-orang yang berkualitas. Sebab semakin tinggi dan luas pengetahuan, seseorang akan semakin rendah hati. Alai molo sada birubiru na mago i manggombarhon angka halak na mauas di hasintongan nang hatigoran alai ala ni hasomalan, manang ruhutruhut (adat istiadat, budaya), sude parsirangguton nasida i na so boi patandahon nasida dohot Kristus dohot huaso haheheonNa i. Tung marsigorgor do roha nasida masihol laho mananda asi dohot holong ni roha ni Debata na mamboan haluaon. Sude angka naung somal di padalan nang diulahon nasida ndang tuk mangaleho haluaon di nasida. Bahaya rohani terbesar adalah saat seseorang menganggap dirinya telah hidup benar. Mereka merasa puas dengan kesalehan dan kebaikan yang telah dilakukan. Itu sebabnya mereka tidak rendah hati. Mereka tidak membutuhkan anugerah dan pertolongan Kristus. Padahal Allah lebih peduli kepada orang-orang yang hancur dan remuk jiwanya karena dosa dan kesalahan yang telah diperbuatnya. 

5.  Sada hupang na mago: sian barita on tabotondang pola na mora parompuan i, na pogos do. On ma na naeng dohonon ni Tuhan Jesus marhite “Perumpamaan tentang dirham yang hilang”. Satu dirham dari sepuluh dirham yang kita miliki memang sangat relatif. Bagi seseorang yang memiliki uang milyaran rupiah di bank, apalah artinya. Tetapi bagi orang miskin, uang satu dinar itu boleh jadi sangat berharga. Namun tidak demikian halnya dengan Tuhan Yesus yang sangat ajaib dan kita banggakan. Meskipun ada milyaran umat yang sudah dipilih dan bersama-Nya di sorga, tetapi tambahan satu orang percaya akan membuat sorak sorai yang lebih gegap gempita di sorga.