Jamita Minggu XI Dung. TRINITATIS – 28 Agustus 2022

“Mansoadahon Diri, Mamorsan Silang Jala Mangihuthon Jesus”

Menyangkal diri, memikul salib dan mengikut Yesus

 

& Ev: Mateus 16: 21-28                        & Ep: Jeremia 2: 4-13

 

A.      Patujolo

Ia turpukta on ima sada pangungkapon ni Tuhan Jesus. Natolu Buku sinopsis mambaritahon na masa  panaritaan ni Jesus dohot angka ruhut ruhut laho mangihuthon Ibana (ptds.Mrk.8:31- 9 :1; Luk.9:22 – 27). Na boi do antusanta lapatan ni pandohan ni Tuhan Jesus dison molo tapahombar tu panindangion ni si Petrus di angka ayat na parjolo. Jala tangkas Jesus manaithon masa Mesias dohot panaritaan na naeng aeonNa songon na tarsurat di Jesaya 53. Dungi dipaboa Jesus ma aha do panghorhonna molo mangihuthon Ibana dohot na manulak mangihuthon Jesus.

 

B.      Hatorangan.

1.       Ay.21: Dipaboa Jesus do na naeng masa tu diriNa songon Mesias, songon Anak ni Jolma na ingkon mangae haporsuhon bolon, disosa, asa sahat tu na agoan hosa, mate ala ni dosa ni jolma. Na manulak ibana ima angka na manggoari dirina bangso ni Debata, ima bangso na pinillit ni Debata, angka sintua ni natorop, sintua ni malim, angka siboto surat. Natolu horong on do na patut manggomgomi, mangaramoti dohot mangondingi sada halak. Hape gabe nasida do na mambahen haporsuhon, hamagoan nang tu hamatean.

2.       Ay. 22: Dison tabereng ma boha raksi ni sahalk sisean ni Jesus ima si Petrus, mansai songgot do rohana umbege pandohan ni Tuhan Jesus i. Siala dirohana naung adong do huaso ni Jesus guruna i. Penilaian ni si Petrus tu hagogoon ni Jesus ima ala naung godang do angka halongangan, angka mujizat dipamasa Jesus. Siala ni i ndang dapot roha ni si Petrus molo manaon na porsuk Tuhan Jesus i. “Asi ma roha ni Debta tu HO, Tuhan. Unang ma songgop i tu Ho. Songon si Petrus i do natorop i mamingkirhon Jesus. Boi do lam gogo sada halak martangiang tu Debata asa malua sian haporsuhon dohot hamagoan i. Pingkiran nauli do i asa unang masa nian haporsuhon dohot hamatean lumobi ala ni pamunuon na naeng masa i. Torop do halak Kristen uju i nang si saonnari  on mangguruhon pangalaho si Petrus i. Molo huihuthon Jesus dang adong be mara, sitaonon, hasusaan, nang haporsuhon. Tudoshon dohot na niajarhon na deba huria ima Teologi Sukses.

Teologi kemakmuran atau doktrin kemakmuran (bahasa Inggris: prosperity theology atau prosperity gospel), yang kadang-kadang disebut pula teologi sukses, adalah teologi Kristen yang mengajarkan bahwa kemakmuran dan sukses (kaya, berhasil, dan sehat sempurna) adalah tanda-tanda eksternal dari Allah untuk orang-orang yang dikasihinya. Kasih Allah ini diperoleh sebagai sesuatu takdir (predestinasi), atau diberikan sebagai ganjaran untuk doa atau jasa-jasa baik yang dibuat oleh seseorang. Sementara itu, penebusan dosa (yang dalam Kristen dilakukan melalui Yesus Kristus) yang dilakukan Allah bertujuan untuk memberikan berkat kesuksesan dan kesehatan.

Teologi kemakmuran merupakan salah satu teologi dalam Gerakan Kharismatik, selain ciri lain yang menekankan gerakan roh (setiap orang bisa dipenuhi Roh Kudus dengan tanda-tanda tertentu dalam hidupnya). Teologi kemakmuran adalah ajaran tentang kesempurnaan hidup bagi setiap orang beriman dalam hal ekonomi dan kesehatan. Dalam hal ekonomi, teologinya disebut sebagai "teologi sukses," yang bercirikan pada kesuksesan. Teologi ini meyakini bahwa seorang Kristen yang diberkati adalah mereka yang sukses dalam hidupnya. Dalam kesehatan, seseorang yang diberkati Allah selalu sehat dan sempurna hidupnya, tidak ada cacat, mempunyai kemampuan kesembuhan ilahi. Teologi ini secara sederhana dapat disebut sebagai ajaran yang menekankan bahwa Allah adalah Allah yang Mahabesar, kaya, penuh berkat dan manusia yang beriman pasti akan mengalami kehidupan yang penuh berkat pula, kaya, sukses dan berkelimpahan.

Selain itu, sering sekali pengajarannya menonjolkan persembahan atau perpuluhan sebagai wujud investasi kepada Tuhan, seperti yang terdapat dalam Kitab Maleakhi 3:10. Ayat ini sering kali dirujuk dalam teologi kemakmuran guna mengumpulkan persembahan di gereja. Umat yang meyakini pengajaran ini biasanya memberikan persembahannya dengan harapan akan mendapat berkat dari Tuhan lebih lagi. Hal lain, dikatakan oleh Ron L. Jones, adalah Tuhan dipahami lebih mirip mesin ATM; manusia dapat memperoleh uang sebanyak-banyaknya dari Tuhan yang mencintai anak-anak-Nya dan memberikan hadiah kepada mereka. Persembahan perpuluhan dari hasil setiap umat dianggap dapat membuka 'pintu surga' untuk menurunkan berkat yang berlimpah.

Diroha nang sangkap ni si Petrus asa marhite hagogoon ni Jesus naung patar di hatoropan ni jolma i gabe kelayakan posisi ni Jesus gabe Raja ditongatonga ni bangso Israel. Hape haroro ni Jesus gabe Raja ni saluhut raja na mangatasi portibi on, na mangaraji na mangolu dohot na mate.

 

3.       Ay.23: Ala ndang dibereng si Petrus dia do dalan nang sangkap ni Debata dibagasan diri ni Jesus, asa muruk ma Jesus tu si Petrus di pandohanna i, jala didok Jesus ma: “Laho ma ne ho, bolis, gasip do ho di Ahu, ai ndang diparrohahon ho angka na di Debata, angka na di jolma do.” Torang do na di parrohahon Jesus marhite boaboaNa, na naeng  masa ma haporsuhon dohot pamunuon tu Ibana. Ndang adong disi pangkirimon asa unang songgop i, tung ingkon songgop do i. Disoadahon Ibana diriNa na sangap i, rade manaon na porsuk i, mamorsan silangNa i. Jesus ro tu portibi on na naeng patulushon sangkap nang dalan ni Debata. Jesus ro tu portibi on mangalehon tiruan tu angka siseanNa dohot sude jolma asa unduk laho mangulahon Hata ni Debata. Asa manang ise na manundati, manang mangambati Hata ni Debata ima gasip. Songon si Petrus gabe gasip do hatana nang pandohanna i tu sangkap dohot dalan ni Debata. Tung pargasipan do sangkap na naeng manundati angka na naeng masa naung diloas Debata, tung sura pe i haporsuhon dohot ragam ni angka sitaonon. Hibul roha laho manangihon pandohan ni Tuhan Jesus jala mangihuthon Ibana ido lomo ni roha ni Debata. Molo maralo sian i, nang pe sai hira na marpanghirimon mangasahon asi ni roha ni Debata, pargasipan do angka i. Ingkon manaon na porsuk do Ibana sian sintua ni natorop i jala bunuon, dungi pangoluonNa di ari patoluhon. Ala ni i angka siihuthon Kristus naeng ma mamparrohahon jala mamingkirhon na di Debata. Ido dalan patulushon sangkap ni Debata dibagasan ngolunta. Oleh sebab itu Alkitab mengingatkan agar kita memikirkan perkara-perkara yang di atas (sorgawi) lebih dari perkara-perkara yang ada di dunia ini.  Memenuhi pikiran kita dengan perkara-perkara rohani:  inilah yang dimaksud dengan memiliki pikiran Kristus sebagaimana Rasul Paulus tegaskan kepada jemaat di Korintus:  "...kami memiliki pikiran Kristus."  (1 Korintus 2:16b).  Memiliki pikiran Kristus berarti kita  "...menawan segala pikiran dan menaklukkannya kepada Kristus,"  (2 Korintus 10:5b), berarti pikiran kita sepenuhnya dipimpin, dituntun, diarahkan dan dikendalikan sepenuhnya oleh Roh Kudus.  Ketika kita memikirkan perkara-perkara rohani atau hal-hal yang positif berarti kita sedang mengenakan pikiran Kristus, sebab Kristus senantiasa berpikir tentang hal-hal baik atau positif dalam kehidupan kita, terlepas dari keadaan kita dan bagaimana pun adanya kita.

 

Boi do masa si songon on di parngoluonta siganup ari, dipangke sibolis i do angka dongan, pinaribot nang saudara laho padaohon hhita sian asi ni roha nang sangka ni Debata. Songon na burju do berengon pandohan ni si Petrus laho mangondingi Jesus guruna i sian hamaolon, hasusaan, panaritaan nang sian hamatean. Alai andul marasing do sangkap nang dalan ni Debata sian dalan nang sangkap ni jolma. Jesaya 55: 8-9 “Ai ndada pingkiranku pingkiranmuna i, jala ndada dalanmuna angka dalanku, ninna Jahowa. Ai songon timbo ni angka langit sian tano on, songon i do tumimbo angka dalanku sian dalanmuna i, jala angka * pingkiranku sian pingkiranmuna i.”

 

4.       Ay.24: Dison ma dipatorang Jesus songon dia do angka na mangihuthon Ibana. Tung so boi do dohonon siihuthon Jesus manang sisean ni Jesus alai sala panmgantusionna taringot tu Jesus. Ndang hea didok Jesus muramura do jala sai tulus do laho mangihuthon Jesus, alai didok Jesus tolu na ingkon siingoton:

a.       Mansoadahon diri : sisoada do dirinta nang ngolunta, ndang adong disi egoisme, mamang kepentingan diri,alai kepentingan ni Debata, sisoada do hita di adopan ni Debata.

b.       Manuhuk silang: mamorsan silang, manuhuk silang, gabe pangoloi manaon sitaonon ala ni Tuhan Jesus.

c.       Mangihuthon Jesus: satia jala berkorban mangihuthon Jesus.

Nunga sahat impola ni parsaoran ni Jesus dohot angka siseanNa. Nasa na mangihuthon Ibana, disoadahon ma dirina, diporsan ma silangna. Mangihuthon Jesus, i ma mangolu songon parngoluon ni Jesus. Nunga disoadahon dirina, diporsan silangNa, songon i ma siseanna mamorsan silangna. Songon pardalanan ni ngolu ni Jesus i, songon i ma pardalanan ni ngolu ni angka siseanNa i, ima na ni dokna “mangihuthon” Ibana. Ido umbahen didok Apostel Paulus “Songon parrohahon ni Kristus Jesus ma parrohaonmuna” (Pil.2:5).

 

5.       Ay. 25: Sian Debata do ngolu manang tondi nang hosa ni jolma. Asa na naeng paluahon hosana, mangagohonsa do, alai na agoan hosa ala ni Ahu, i do na jumpangan. Ala Debata do nampuna hosa manang tondi, ingkon tu Debata do hapateanna. Molo adong sada halak na naeng paluahon hosana manang tondina, na paluahon dirina do i sian Debata,ido umbahen gabe agoan hosa manang tondina. Sabalikna tung agoan hosa manang tondi sada halak ala ni Tuhan Jesus i, jumpangsa do i, ala di Debata do i. Hinorhon ni i do naeng ganup halak pasahat hosa dohot tondina tu Debata ala Debata do nampuna i jala hombar tu lomo ni roha ni Debata ma i dipangke. Disi ma arga hangoluhonon maneahon disi dohot manuhuk silang i.

6.       Ay. 26: Mangomo liat portibi on ido diparrohahon jolma, hape ndang tarlehon portibi on hangoluan ni hosa manang tondi gariada tahe hamagoan ni hosa dohot tondi do ujung ni portibi on. Mamarrohahon angka na di jolma i do sibingkasi ni hagiot na naeng mangomo liat portibi on. Hape marujung tu hamagoan ni hosa manang tondi. Boi do adong jolma loja mangalului pangomoan portibi on, loja papungu na di hasiangan on, alai saluhut holan patulushon angka na di jolma ujungna, gabe mago tondina. Andul dumenggan do loja jolma mangalului pangomoan, papungu na ringkot laho patulushon angka na di Debata. Ai marujung do i tu hangoluan ni tondi. Aha ma bahenon ni jolma manobus tondina ? Ndang adong, ai holan di Tuhan Jesus do jumpang ngolu ni Tondi ni jolma.

7.       Ay.27: Di haroro ni anak ni jolma i, balosonNa ma tu ganup hombar tu na niulana be. Manang mamparrohahon na di Debata (mangalehon hosana tu Debata marhite na mansoadahon dirina dohot manuhuk silangna). Manang mamparrohahon na di jolma (marhite na mangomo liat portibi on jala marroha diri jala pasiding silangna). Hombar tusi ma balosonNa tu ganup halak. Ia mangolu sada halak mamparrohahon angka na di Debata, sahat ma ibana tu hangoluan songon Jesus na mamolus na porsuk, disosa, didangguri, dibunu, mate di hau pinarsilang i, jala mulak mangolu do Ibana. Ia mangolu sada halak mamparrohahon angka na di jolma, sahat ma ibana tu pangomoan portibi laos mago tondina

8.       Ay.28: Ditaon Jesus do haporsuhon sian angka situan na torop i. Disoadahon Ibana do diriNa manaon sude na porsuk i. Alai ndada holan i, hehe do Ibana di ari patoluhon manaluhon sorop ni hamatena i. Ngolu naung ni dalanan ni Jesus i, ido muse na naeng jumpang di angka na mangihuthon Ibana marhhite na mansoadahon dirina dohot mamorsan silangna asa sahat tu hangoluan salelenglelengna. Dalan patulushon i ma ingkon rade jolma i mamparrohahon angka na di Debata. Alai anggo halak na mamparrohahon angka na di jolma, pasiding silangna dohot na mansoadahon diri laho mangomo liat portibi on do dipingkiri. Gariada tahe dipangasahon do asi ni roha ni Debata asa unang songgop haporsuhon songon na masa tu Jesus i. Hosa manang tondi do na ummarga di jolma. Sian Debata do i, jala ingkon marhapatean tu Debata do i. Ganup ma pasahat hosa dohot tondina tu Debata marhite na rade mansoadahon diri dohot manuhuk silang asa bongot huaso ni Debata tu dirina be. Ai marhite i do jumpang ganup halak ngolu ni Tondina. Molo malua Tondina sian Debata nang pe diomo liat portibi on laos agoan hosa dohot tondi do i. Mangihuthon Jesus, ido gogo dohot hatauon ni angka na porsea mansoadahon diri dohot mamorsan silangna mandapot hangoluan ni tondina salelenglelengna.

C.       Sipahusorhusoron

Na gabe siihuthon Kristus, manang na gabe sisean ni Kristus na mansoadahon diri, manuhuk silang dohot mangihuthon Jesus Kristus:

1)     Satia jala burju sahat tu na mate manang agoan hosa. Songon Kristus i na tongtong satia tu Debata Ama i. Fokus jala tulus ma rohana mangihuthon Tuhan Jesus.

2)     Mangantusi dalan nang sangkap ni Debata marhite HataNa nang patikNa.

3)     Mamelehon dirina hibul tu Debata marhite na olo mamelehon dirina gabe ulaula ni Debata, gabe haluaon, hahisaron, nang pasupasu tu ganup jolma. Amen.

Jamita Partangiangan – Epistel Minggu XI Dung Trinitatis, 23 Agustus 2022

“Mansoadahon diri, Mamrosan Silang Jala Mangihuthon Jesus”

Menyangkal diri, Memikul Salib dan Mengikut Yesus

 

& Ev. Jeremia 2: 4 - 13                               & Ep. Mateus 16: 21 – 28                                       

 

 

1. Ganup jolma mamparsintahon hamubaon dibagasan ngoluna: gabe lam burju sian tingki tu tingki. Ido alana, ganup ujung ni taon sai dibahen angka halak do songon pangkirimon asa ditaon na imbaru jaloon nasida hangoluan na imbaru. Dibahen pe sada pangkirimon asa dibahen ma i songon janjina laho patupahon angka usaha pencapaian na anung diaturhon asa mamparbuehon hamubaon na dumenggan dibagasan ngoluna.
2. Diabagsan turpuk on dipatorang do na manghatai Debata tu bangsoNa Jehuda marhiteite panurirang Jeremia; 2:13 Ai dua do jea binahen ni bangsongku: Ahu, mual ni hangoluan ditadingkon nasida, laho mangkali di nasida sumursumur, sumur angka na marruang, na so marisi aek.
3. Naung ditundali bangso Jehuda do Debata na tigor i, ditadinghon nasida holong ni Debata parmulaan i gabe laho manomba debata sileban. Asa disosoi Debata ma nasida marhite panurirang Jeremia. Marhite hagogoon nasida Debata, ro  ma panurirang Jeremia patupahon na nidok ni Debata tu ibana, nang pe sai adong do panghorhonna; gabe dimusui, dipasiding, direhei, nang dialo bangsona ibana, dohot ma disi angka dongan nang angka sahutana.
4. Hamuna na hinaholongan sikap na tegas jala ndang olo koompromi tu dosa nang saotik pe ima sada sikap na ingkon dapot di angka halak na porsea. Marhite sikap sisongon i, ndang be olo rohanta manundali Debata, alai sabalikna lam solhot jala satia mangihuthon Ibana. Tunga so boi dohonon muramura mangihuthon dalan ni Debata, adong do konsekuensi, nang hamaolon, angka pangambati. Alai nang pe masa hamaolon i naeng marsitutu jala marsihohot mangihuthon Ibana. Unang ma hinorhon ni hamaolon i gabe muba rohanta jala manadinghon Debata laho mangihuthon debata sileban i.
5. Jotjot do jolma ndang sai puas di na naung jinalona. Angka pangalaho hisaphisap , hedonisme, kebebasan sai jotjot do manait roha ni jolma di portibi on. Hape angka na tadai di portibi on parsatongkinan do, isarana molo uju male manang mauas hita, boi do ro roha laho mangan manang minum, alai dung salpu piga jom nari ro muse male dohot mauas holan kepuasan sementara. Laos songon i do pangalaho jolma di portibi on ala ndang puas rohana di pambahenan nang pasupasu ni Tuhan i gabe dilului ma alternatif. Godang jolma ndang boi mangorom dirina nang hisap hisapna, gabe kompromis tu portibi on nang dosa, kebebasan na kebablasan, gabe tagadaihon ma Tuhanta i dohot angka nahinalomohon ni rohanta di portibi on.
6. Mansoadahon diri, mamorsan silang jala mangihuthon Jesus, ima topik ni minggunta. Asa halak na porsea diigil do asa boi manjaga roha, pikiran nang dagingna sian hisaphisap ni portibi on, sian pangela ni sibolis i. Haulion ni portibi on, nang kenikmatan duniawi ima na boi manegai roha, pikiranta molo so adong kendali diri dirohanta. Asa halak na porsea naengma:

Ø  Nirajaan Tondi Parbadia laho mananda asi dohot holong ni Debata dibagasan Jesus Kristus. Halak na nirajaan ni Tondi i sai dipahombar do ngoluna tu lomo ni roha ni Debata na jinalona sian Hata ni Debata. Nunga tabege na sai laon angka jamita, renungan sian angka parbarita na uli unang ma gabe marisuang i saluhutna. Asa Tondi i do paingothon hita angka lomo ni roha ni Debata marhite Hata nang PatikNa i. Nirajaan ni Tondi manjou hita laho manjaga dirinta sian hisap hisap na so terkendali. Asa angka na porsea patuduhon sada sian parbue ni Tondi i ima : mangarajai diri (penguasaan diri). Boi ibana ndang ikut arus, hidup yang terkendali yang dikendalikan oleh Roh Kudus.

Ø  Adong hasatiaon ni ngoluna mangihuthon Tuhan i. Unang ma hita satia tu Tuhan i ala naung tarpasupasu ngolunta sian ragam ni pasupasu las ni roha, parlabaan, naek pangkat nang jabatan, dohot hahipason na binasabasahonNa tu hita. Jotjot do jolma marpangalaho satia tu donganna ala godang arta nang hepengna sipangasahononhon gabe pangomoanna, manang gabe taruli ibana disi. Alai molo marpogos donganna i gabe mandao ma ibana ala soada siharaphononhon sian i. Umbahen i tung ro pe las ni roha arsak nang sitaonon sai tongtong ma hita satia tu Tuhanta i naung jumolo mangalehon hasonanganta dinaung pinorsanNa dosanta di hau pinarsilang i. Naung disesa dosanta, dituhuk do sitaononta i asa gabe partohap hita di HarajaonNa i. Dilas ni roha nang arsak pe sai hot ma satia hita mangihuthon Jesus. Amen.

Jamita Minggu X Dung. TRINITATIS – 21 Agustus 2022

“Hadaulaton Nahinalomohon ni Debata”

Ibadah Yang Berkenan Kepada Tuhan  

 

& Ev: Jesaya 58: 9b - 14                   & Ep: Heber 12: 18-29

 

A.      Patujolo

Ia turpukta on tarmasuk do tu horong Trito Jesaya, na godang mangondolhon apulapul tu bangso Israel taringot tu haluaon na pinamasa ni Jahowa tu nasida. Halak Israel naung mulak sian habuangan Babel ingkon boi muse pataridahon ngolu na imbaru na hinalomohon ni roha ni Jahowa. Taida marpangulahi do holong ni Debata tu bangsoNa i. Dung dipaloas raja Kores (harajaon Persia) mangkubu jala mangarajai Babel di taon 538bC. Mulak ma bangso Israel tu Jerusalem laho paulihon bagas joro ni Jahowa naung tarulang i. Sude ulaula (perkakas) di bagas joro na nirampas ni raja Nebukadnezar di taon 587 bC dipaulak ma muse tu Jerusalem (Ezra 6: 3-5). Alai di hatiha i, na parjolo diula bangso Israel, ima paulihon bagasna be, lumobi  ala nunga tarulang ganup bagas nasida ala naung ditadinghon hhurang lobi 70 taon lelengna. Ndang adong roha ni angka paradongan laho pauli bagas joro ni Jahowa. Ala ni i dipaingot ma nasida asa olo pauli bagas joro (partangiangan dohot  pamujion) tu Jahowa. Dung mulak sian habuangan Babel mangolu dope nasida di toru ni panggomgomion ni Persia hirahira 15 taon lelengna. Boi dohonon makmur do nasida sian sudut ekonomi dohot politik. Hamajuon na mansai hatop di bidang ekonomi boi jumpang ala didukung kestabilan politik. Alai hamajuon i holan dinikmati angka penguasa dohot pengusaha (houm na mora) do, ala kebijakanna binahen nasida ndang berorientasi tu kepentingan rakyat. Na mora lam mamora, jal ana pogos lam marpogos. Marhite i gabe tubu ma kesenjangan sosial na mansai tandi. Angkana so margogo manang mardihadiha lam tu galena (tertindas dan tidak berdaya). Sian sudut keagamaan, sasintongna tarida do peningkatan secara kualitas. Ringgas do bangso Israel patupa upacara ibadah secara formal jala mangalehon pelean situtungon marlipat ganda. Alai sasintongna na pinangido ni Debata, songon na disungguli di turpuk on ndang holan ibadah formal alai ibadah na denggan parpuasaon secara teratur hape holan sebatas ibadah (rutinitas) sambing. Lapatanna, di pelaksanaan manang praktekna ndang diulahon /dihangoluhon na hinalomohon ni Debata. Boi dohonon, sai hira na “disuap” nasida do Debata marhite angka ulaon parugamaon, parpuasaon dohot pelean nasida. Hape, Ibadah na sintong di adopan ni Debata ima ingkon tarida di ulaon dohot ngolu siganup ari, gabe sarana laho pajongjonghon hasintongan ni Debata (Amos 5: 24).

Lalap do bangso i laho pauli ganup bagasna, jala hira ndang di pardulihon be bagas ni Jahowa, gabe lupa nasida di naung pinalua ni Jahowa nasida sian habuangan i. Angka malim pe ndang mangolu be dibagasan lomo ni roha ni Debata nang situan natorop nunga marbalik sian Jahowa, ndang dihobasi nasida be hadaulaton dohot haholongon ni donganna. Sandok adong do hira 93 taon lelengna ngolu ni bangso Israel ndang sintong dung mulak sian habuangan Babel. (dung pe taon 445 bC di tingki ni si Nehemia dohot si Esra denggan ma muse ngolu ni bangso i nang ngolu parugamoon nasida). Di si ma panurirang Trito Jesaya paingothon bangso Israel songon bangso ni Debata asa mulak yu haojahanna hombar tu Hata ni Debata. Tutu dipangke bangso Israel do ngolu parpuasaon nasida hatiha i mangido haluaon manang asa dioloi Debata tangiang nasida ( 2 Sam. 12: 16; Hag.20: 26-27; 1 Sam.7: 6; Jer.36: 9). Dalan nasida marpuaso tu Debata dipelehon do angka pelean situtungon di bagas joro. Dung marokso bagas joro i, tong do diuduti nasida parpuasaon di angka inganan na marragam dalan marningot sejarah naung pinalua ni Debata nasida. Alai dalan laho paulihon bagas joro dohot manghangoluhon lomo ni roha ni Debata ndang dipardulihon nasida be (ptds. Jes.65: 1-8).

 

B.      Hatorangan

1)     Ay.9b-10: Molo tapamanat sian ay.5-14, gabe alus ni Debata tu sungkunsungkun ni bangso Israel do. Na so adong respon ni Debata tu ruhutruhut parugamaon na pinatupa nasida i (ay.3). Lapatanna na menuntut do nasida di perhatian ni Debata. Ai dirimpu nasida do molo nunga diulahon nasida i gabe lomo ma roha jala dialusi Debata ma angka pangidoannasida. Ala ni i, ro ma alus ni Debata paboa sasintongna ngolu parugamaon na binahen nasida i ngolu parugamaon na palsu do (na so toho, na so hombar tu lomo ni roha ni Debata). Tangkas do i tajaha di Jes.58: 2 “Sai dilului nasida do nian Ahu ariari, jala dihalomohon parbinotoan ni angka dalanku”. Mansai ringgas mangulahon ngolu parugamaon alai roha dohot pambahenan nasida ndang hombar tu Hata ni Debata. Diulahon nasida do angka patik i tarlumobi taringot tu parpuasaon, alai di praktekna holan dirinasiada do na rumingkot (ay.3). Lapatanna, ibadah dipangke jala dipadalan nasida holan sebatas rutinitas sambing (ay.1-5). Patut ma antong ndang dihalomohon Debata ibadah nasida i ai na hinalomohon ni Debata, ingkon sadalan do ibadah dohot pambahenan/ngolu siganup ari.

2)     Antong dia do parugamaon na sintong na hombar tu lomo ni roha ni Jahowa ? I ma ngolu na marojahan tu hadaulaton, hasintongan, keadilan, dohot holong  ni roha na tarida marhite tindakan na mangondolhon kebebasan, perhatian, keamanan dohot kebersamaan. Lapatanna, marhite saluhutna i ingkon dapot ma perbaikan dohot pembaharuan (transformasi) tu puasa dohot ibadah na sintong na hinalomohon ni Debata. Mangulahon kepedulian maradophon angka houm marjinal (angka na pogos, na gale, na sopot so marama so mar ina, angka na mabalu, angka na paisolat dohot lan angka na asing). Angka nasida ma halak na terpinggirkan/ tersisihkan gabe korban ni angka na gogo manang na marhuaso.

3)     Boi dohonon sasaran utama ni turpuk on ima angka partogi/ parhuaso dohot angka na mora asa marbalik nasida tu Jahowa jala mangulahon ibadah na sintong marhite na mangalehon roha tu angka na gale. Ingkon pasohoton (menghentikan) penindasan dohot perampasan tu arta dohot tano ni angka na pogos. Menghentikan tindakan kasar (tudutudu ni jari dohot panghuling hajahaton, ay.9). Ingkon pasohoton nasida do pelaksanaan ibadah namunafik jala na so marlapatan manang kesalehan na semu, jala pasohothon angka uhum na holan mangalehon keuntungan tu diri sandiri, alai ingkon rade membaharui (padengganhon) angka na so sintong (na geduk) hombar tu hatigoran ni Debata (Mat.6:33).

4)     Ay.11-12: On ma upa ni angka na mangaradoti hata dohot hasintongan n Debata. Holan marhite pembaharuan, hamubaon, mulak tu dalan nahinalomohon ni Debata do, bangso Israel boi jongjong jala tarpasupasu. Membangun Jerusalem naung marokso asa gabe inganan na sonang laho mamuji Debata. Ala ni hasalaan ni bangso i do umbahen namarokso Jerusalem jala gabe tarbuang nasida. Holan asi ni roha ni Debata dohot hamubaon ni roha do umbahen na dipalua jala dipaloas Debata nasida mulak tu Kanaan. Tano habaoran ni susu dohot situak ni loba i hombar tu naung pinarbaga ni Debata tu nasida. Lapatanna, kesempatan emas do on na nilehon ni Debata tu bangso i molo dipatupa angka ulaon na denggan di bagasan hasadaon dohot holong ni roha. Debata pe alusanNa ma pangidoannasida, lehononNa ma gogo dohot nasa na ringkot (memberikan kepuasan terhadap apapun yang mereka butuhkan). Songon kepedulian ni Debata tu nasida, naeng songon i ma kepedulian nasida tu donganna.

5)     Ay.13-14: Molo pe diulahon bangso Israel ari Sabbat mangihuthon patik ni Debata do i jala ringkot do i, alai ingkon tongtong do marojahan tu holong ni roha ni Debata. Dipaingot Debata do nasida di hakekat ni ari Sabbat na sintong ima asada tingki na nilehon ni Debata laho mamuji dohot pasangap goarNa. Hape dibagasan praktekna, tung maol situtu do bangso i mangulahon i, ala na mansai godang siutut do angka aturan/ruhutruhut parugamaon na ingkon ulahononnasida, gabe boban ma i jala terpusat  ma nasida holan tu ari Sabbat i sambing.

6)     Ala ni i, didok mamuji manang pasangap goar ni Debata ingkon padaoon do sian roha na holan mamingkirhon diri sandiri. Ingkon pangkeon do ari Sabbat laho mamgulahon holong maradophon Debata dohot dongan jolma. Ndang manjalo manang mangalehon sisip molo dipatupa nasida pe angka pangurupion tu angka na pogos. Marpadan do Debata mangalehon hamonangan dohot pasupasu marsundutsundut molo diulahon i hombar tu lomo ni roha ni Debata. Debata do na nioloannasida marhite pambahenan nasida: mangurupi na hurangan asa marhasonangan angka na susa jala bosuran dohot angka na male. Sandok ingkon daulat, badia ma nasida di ngoluna mangulahon angka ulaon na denggan jala menghindari nasa ragam angka hajahaton. Ndang marisuang pangulaon nasida di aturan i, ai dapot nasida do pasupasu dohot tumpal na sumurung. Debata mengobah nasida sian haholomon gabe hos ni ari, mangolu dibagasan hatiuron (Jes.59:9).

 

C.       Sipahusorhusoron

1)   Godang do hita jolma manghalojahon (manghapusuhon) mangulahon patik, parpuasaon, pelean, aturan di ari Sabbatr i. Alai andul ummarga sian i, ima na mamgulahon holong ni roha, ai i do pamusatan ni sude patik i (Pat. Mat.22:37-40; 1 Kor.13: 1 – 13, dna). Asa unang sai lalap hita tartait holan na mangulahon aturan, ruhut ruhut parduru parugamaon i alai tartading manang lupa hita tu sintuhu (makna) na sasintongna, ima “holong ni roha tu Debata dohot tu dongan jolma”. Molo tahonahon turpuk on tu topik minggu: “HADAULATON NA HINALOMOHON NI DEBATA” (Ibadah yang berkenan kepada Tuhan). Asa taulahon ma patik i dibagasan haunduhon nang holong dibagasan hasintongan dohot lomo ni roha ni Debata.

2)   Debata paluahon jolma na dibagasan pardangolan sian saluhut parsorionna dohot na mangalehon haluaon (amt.11:28). Ala ni i jolma mangolu ndnag be holan marhitehite ruhutruhut pardagingon ni patik secara hurufiah “dibawah hukum Kuk Hukum Taurat” alai dibagasan haluaon ‘kemerdekaan’ na sian Debata di bagasan Jesus Kristus nama (Joh.3:16). Hita malua ndang ala n na mangulahon patik, alai holan ala asi ni roha sambing (sola gratia), holan ala ni haporseaon sambing (sola fide), dohot holan ala ni Barita na uli (sola scriptura). Jala tolu sola i dirimpun dibagasan sada hata “SOLUS KRISTOS” (holan dibagasan JESUS KRISTUS sambing). Jesus Kristus do haluaon di hita na paluahon hita sian ragam ni nasa keterkungkungan ni sibolis, dosa dohot hamatean i. Marhite Ibana do tarulahon hita angka ulaon na denggan, holong dohot asi ni roha maradophon donganta jolma songon hapataran ni holong ni roha ni Debata di hita dohot holong ni rohanta tu Debata. Ima na manogunogu huhut na papsohon rohanta mandalani dalan sidalananta dohot mangadopi sude na pasorathon hita. Amen.

Jamita Minggu IX Dung. TRINITATIS – 14 Agustus 2022

“Polin Mangihuthon Jesus”

Mengikut Yesus Secara Total

 

& Ev: Lukas 12: 49 - 53                        & Ep: Psalmen 82: 1 - 8

 

A.      Patujolo

Ia turpukta on na binaritahon si Lukas taringot tu pardalanan  panghobasion ni Tuhan Jesus sian Galilea tu Jerusalem. Mansai denggan do laho mangantusi turpuk on marhite na manjaha andorang dohot dungkon ni turpuk on, na manaringoti jolma na mangadopi hamatean dohot panguhuman (ptds.12: 20,40). Siala ni i disosohon do tuhita asa tongtong satia laho mangulahon angka ulaon na pinasahat tu hita di portibi on. Dibagasan turpuk on dipatorang Jesus do tu angka na manangihonsa angka hamaolon na naeng siadopanna. Asa ditingkina na ro ma Tuhanta Jesus muse laho papatarhon HarajaonNa.

 B.      Hatorangan

1)     Aya.49: Mansai andul marasing do molo dijaha ayat on dohot Bindu 4: 14- 9:50, na paboahon taringot tu Jesus na mangajari, marhobas dohot mangulahon bahat angka halongangan. Hape dibagasan ayat on dipaboa ia Jesus na ro mamboan angka hamaolon, manang partontangan (api na nidanggurhon mamboan partontangan). Pandohan ‘mandanggurhon’ dipangke laho mangalapati na netral. Molo dipahombar tu Mat.10;34, pandohan i dipangke laho paboahon siboan dame. Na nidok panurat Lukas dison laho mamuhai tu angka ayat na mangihut ay.51-53. Siala ni i mangalapati ‘api’ dison ndada martudutudu tu hasasaor ni Tondi Parbadia. Alai api na nimaksud dison ima panirangon, partontangan, uhuman, krisis. Dungi mansai ringkot taparrohahon hata ‘ro’, ima napatuduhon haroro ni Tuhan Jesus. Na ro ma Ibana tu portibi on, na paboahon ndang sian portibi on Ibana. Na sian Banuaginjang do Jesus ro tu portibi on. Marhite pambahenanNa; sian hamatean nang haheheonNa na patimbulhon angka partontangan, krisis. Naung ro do api i, naung didanggurhon tu portibi on, alai ndang martimburak dope panghorhon api i, alai na mangihut ma ro i dibagasan parngoluon ni hajolmaon.

2)     Ay.50: Dipaboa do dison taringot tu pandidion na jinalo ni Tuhan Jesus. Ayat on paboahon muse pardalanan ni Jesus tu Jerusalem sian mula ulaonNa Jesus nididi si Johannes pandidi (3:21). Diujung ni pardalananNa i dipandidihon ma Jesus patuduhon naung sada Ibana dibagasan panaritaan nang hamateanNa. Di ay.50b, dipaboa taringot na niarsakhon Tuhan Jesus (ptds.Luk.22:42-44); sangkap ni Debata tu Tuhan Jesus naung dibuhai jala sahat tu hamamateNa. Naung dipaima Jesus na masa i jala bolusonNa do angka na naeng masa tu diriNa.

3)     Ay.51-53: sian turpuk on naeng paboahon  haluaon, hadameon na binoan ni Tuhan Jesus ndada haluaon “haportibion” nang dame ni ‘portibi’. Haroro ni Jesus mamboan partontangan, asa angka jolma mambuat haputusan laho mangjanghon Jesus manang manulak Jesus. Siala ni i ma masa partontangan di angka jolma na manjanghon Jesus dohot na manulak Jesus dibagasan rumatangga. Molo dipahombar sian Mika 7: 6 adong parasingan haporseaon na mangihuthon Jesus dohot na so mangihuthon Jesus. Masa parasingan ni haporseaon, masa parbadaan, partontangan sian anak baoa tu amana, anakboru tu inongna, parumaen dohot simatuana na patuduhon angka horong pinompar na marasing. Hape molo keluarga ima sada lembaga na terkecil di portibi o n na manggombarhon hasadaon, parsaoran na rosu, alai boi do gabe marasing nang maralo sama nasida ala ni na mangihut Jesus dohot na manulak Jesus. Mangihuthon Jesus ndada haputusan kelompok, kategorial manang komunal, alai individual, manang secara pribadi do sian haporseaonna laho manjalo manang mangihuthon Jesus. Alai ndada na manudu holan sada horong pinompar na sintong manang sada golongan. Alai molo diparrohahon sai hira adong krisis na masa partontangan sian angka generasi na maniop gomos angka hasomalan ni haKristenon maralohon angka generasi na so maniop hasomalan i manang na gabe kompromis tu haportibion na sai diela bisuk ni portibi  on laho mambahen haputusan tu dirina sandiri. Ido alana didok Jesus tu angka siseanNa taringot tu harorona laho mambahen partontangan, panirangan. Masa patujolo ni krisis, asa gira ma angkajolma mambahen haputusanna di haporseaonna. Di na masa krisis dohot na laho mamutushon tu dirina nang masa depanna ganup marsadasada gabe patubu parsalisian nang partontangan maralohon angka naung somal padalanhon haporseaonna di Tuhan i.

C.       Sipahusorhusoron

1)     Haroro ni Jesus ndada na holan laho pasombu tagas ni jolma. Alai haroro ni Jesus mamboan hadameon, ndada hadameon na diroha ni portibi on. Mansai andul do dao sian panatapan nang pangkirimon ni jolma na di portibi on sian na niigil ni Debata dibagasan Jesus Kristus. Hajongjonga ni Jesus na ro tu portibi on sai hira api  na mangungkap harorangon, hajahaton, pargabuson, sipaotooto na naung somal diulahon jolma.

2)     Molo angka siihuthon Kristus naeng ma tapatuduhon hapolinon ni roha. Songon topik ni minggunta na mandok “POLIN MANGIHUTHON JESUS” (Mengikut Yesus secara total). Ndang adong be disi marlangku angka hasomalan manang ruhutruhut nabinahen ni jolma. Jesus na ro paimbaruhon portibi on, nang roha ni jolma menerobos angka bisuk ni portibi on. Songon hajongjonganNa manerobos angka ritual nang angka hasomalan ni halak Jahudi. Hajongjongan ni huria songon singkat ni Kristus ditonga ni portibi on mamboan pembaharuan na hombar tu lomo ni rohaNa. Huria HKBP mian ditonga ni portibi on na inklusif, terbuka jala dialogis. Ndada huria na eksklusif (tertutup). Angka na porsea naeng patutuhon hapolinon ni rohana mangihuthon Jesus, ndada “ASA” alai “ALA.” Mangihuthon Jesus ndada ASA gabe............... alai mangihuthon Jesus ALA naung ditobus ahu. Siala ni i unang adong halak Kristus na manipulatif, (ada udang dibalik batu). Tapatuduhon ma kualitas ni haporseaonta ditonga keluarga, lingkunganta nang dihumaliang. Amen.

Jamita Partangiangan – Epistel Minggu IX Dung Trinitatis, 9 Agustus 2022

“Polin Mangihuthon Jesus”

Mengikut Yesus Secara Total

 

& Ev. Psalmen 82: 1 – 8                                                                     & Ep. Lukas 12 : 49 – 53                                       

 

A.    Patujolo

Ia turpukta on na marpardomuan tu “hamalimon” (undang-undang kekudusan). Namanggomarhon “moralitas ni panguhum”, asa patupahon ulaon pembelaan tu angka halak na metmet, na pogos, na sopot so marama, mangondihon na dangol.

Borhat sian pengalaman ni bangso ni Debata, uju na di parhatobanon bangso Misir ( 2 Musa 1-15), dohot di habuangan Babel (Hesekiel 33-48). Psalmen on singotsingot do on tu angka panguhum na tongtong dibagasan pangaramotion ni Debata do nasa na tinompaNa. Diparrohahon parpsalmen on na so adil masa ditonga ni masyarakat, di gombarhon parpsalmen on panguhuman masa na di hajongjongi Debata. Ibana do panguhum jala songon jaksa na menuntut.

 B.      Hatorangan

1. Debata mamangkulingi angka Panguhum (ay.1-2). Istilah panguhum: Hakim (Hata Heber: syofet, na marlapatan halak na pinabangkit laho pajongjonghon uhum, hatigoran: manguhum nasa halak na mangulahon hajahaton jala na mangondihon halak na sintong. DI jaman si Musa do mulai tarbege na pinabangkithon Panguhum (2 Musa 18: 13-27). Si Musa sandiri pe jotjot do berperan sebagai Hakim laho manimbangi, dohot mandalanhon uhum tu angka parkaro na so tartimbangan ni angka panguhum na pinabangkit ni raja. Berperan do nang angka panguhum i  laho paluahon bangso Israel dung mate si Josua (Panguhum 2: 16). Asa dijaman ni angka Panguhum/Hakim-hakim (Pang.3: 9-15), digoari do nasida songon “Sipalua”. Ala nasida do diharaphon Debata patigorhon uhum na geduk. Di Jess.33:22; Jak.4:12, digoari do Debata “panguhum na sintong” di portibi on dohot tu jolma. Kristus do silehon uhum i (Mat.5:21-22) lobi dope sian penguhuman naung pinatupa ni si Musa tu bangsoNa (Mat.17: 3; Joh.1:7). Holan uhum ni Debata do na singkop (Jak.1: 25), jala ingkon radotan ni na porsea i do uhum ni Debata (Joh.14:15; 1 Joh.2:7). Ai nasa jolma ndang adong na malua sian uhuman ni Debata di joloNa (Ul.Ap.17:31; Joh.5:22). Molo dipangkulingi Debata angka panguhum i di buku Psalmen on, na marlapatan do i, siala naung angka na geduk diulahon jolma uhum hasintongan i, gabe so tarida be pamintorion ni Debata di angka jolma na porsea dohot na marhaporusan tu Ibana. Didok di ay.21: 1....”Sadia leleng on ma pageduhonmuna uhum...!” Sian pandohan  ni par-psalmen on, ndang hea ditundalhon Debata sian bohiNa hasintongan ni uhum. Tongtong do dipaingot angka parhuaso asa unang diparmeammeamhon hasintongan ni Debata, tarlumobi di angka halak na tigor roha, na so tangkas mangantusi uhum alai na bonar roha. Ala ni i do umbahen na didok par-psalmen : Unang ma angka panguhum sipajongjong hatigoran na gabe pargeduk.
2. Dihagigihon Debata do pangarupaon (ay.3-7). Tarlumobi di ay 3-4 on anggukangguk ni par-psalmen on tu angka panguhum, asa mangondihon masyarakat na hona pangarupaon: “....patingkos hamu uhum tu na metmet, tu na sopot so marama, ondihon hamu na dangol dohot na pogos (ay.3). Palua hamu ma na metmet dohot na pogos sian tangan ni parjahat ma palua hamu nasida (ay.4).

Boasa songon i pembelaan ni Debata tu angka halak na hona rupa? Ala huaso dohot hagogpon ni Debata naeng mangondihn nasida. Ai anak ni Na-Tumimbul do nasida sudena (ay.6). Dijaman ni panguhum, tung mansai posi do pangarupaon na niae ni bangso ni Debata:

a)      Pangarupaon na ro sian Kusyan-Risyatain Mesopotamia (apng.3: 7-11), ala paisolat bangso Hethi tu huta Mesopotamia. Lelengna 8 taon ma nasida dikuasai halak Mesopotamia.

b)     Pangarupaon na ro sian Raja Moab, tingki  ni dinasti pa-19 hon Misir; Eglon na gabe raja ni Moab (Pang.3:12-19).

c)      Pangarupaon na ro sian halak Kanaan (Hazor) di tingki ni Harajaon Yabin na niuluhon ni Sisera (Pang.4:2-3; 5:31).

Sian na piga pengalaman na paet na masa tu bangso ni Debata, tung mansai balga do ulaon ni “Panguhum” na pinabangkit ni Debata laho mangondihon bangsoNa sian ragamragam ni pangarupaon, umbahen na mansai dianggukhon par-psalmen on do angka panguhum i, asa margogo nasida manghajongjonghon ulaon hasintongan i.

 

 

3. Debata dio hapatean ni bnasa na masa di jolma (ay.8): Sian ayat 8 on, boi do tapanghilalahon pangangguhonon ni par-psalmen i sai hira na dipasombu Debata do jolo marungkil, jala tumaon na porsuk jolma paima dilehon haluaon. Tangksa do i taida rupani songon na masa tu si Job. “Ai na hinatondithon ni rohangku, i do na songgop tu ahu, jala na hinaholoshon ni rohangku, i do na tu ahu” (Job.3:25).

On do dobagabagahon Debata tu halak na marsihohot marsitiopan di hagogoon ni Debata. (Job.5: 17-21). Sian parungkilon ni si Job on, naeng parsiajaran do haporseaonna. Nang pe ragam dohasusaan, hapariron, reherehe. Alai dietong ibana do i holan “pangunjunan” sambing. Ujungna monang do ibana manaluhhon pangunjunan na niaena i. I do umbahen na didok par-psalmen on mangidohon di anggukanggukna i, asa hehe Debata mangampini halak na marungkil, marsitaonon, manang na hona rupa, manang na ginosagosa, manang na pinaboruboru ni parjahat pe i. Tongtong do Debata mangondihon nasa halak na mambahen Debata haporusanna.

 

4. Sipahusorhusoron

a)      Angka panguhum na ro tu parsidangan i ima angka panguhum na jat. Alai ditomutomu Debat do nasida. Songon pandohan na mandok: “Boi do lambok roham tu halak pardosa alai unang tu dosana i.” Hira songon i ma Debata patuduhon sikapNa tu angka panguhum i. Dijanghon do nasida, lai koras do laho manulak dosa na binahen nasida. Molo halak na mardosa, dada gabe pasidingonta nasida, alai diparmahani asa adong kesempatan laho paboahon angka dosa-dosana. Ihut ni i asa boi hita mangarahon nasida tu dalan na sintong. Dibagasan parngoluonta on sai jotjot do taadopi angka situasi na mambahen hita gabe “panguhum’ tu halak na asing. Tung so tarsirang hita do pangalaho nang sifat si songon i sian ngolunta. Na gabe persoalan di hita ima: Na holan gabe “mandabuhon” halak do panguhumanta manang pahehehon nasida ? Uju mangadopi angka na marsala, pintor tatudu do nasida songon pardosa ? Na gabe sungkunsungkun ima: na manguhumi do hita dohot adil ? Diparsaoran ditonga ni masyarakat, hea do hita mambela angka halak na metmet ? Manang marpihak tu angka halak na gogo ala adong paruntungan disi ? Kasus kematian Brigadir Josua Hutabarat menjadi ajang pertaruhan kekuatan golongan kaum kecil, lemah dan miskin maralohon kaum pejabat, kaya dan punya kekuatan. Dison ma taparrohahon dia do na gumogo, gogo ni Debata do manang gogo ni sibolis. Gogo ni hepeng do manang gogo ni Debata ? Sai namarhamonangan do angka na mangasahon Debata. Rom 8:31 Onpe, aha ma dohononta disi? Molo Debata donganta, ise ma alonta?

b)     Dihita na hinaholongan, halak na porsea songon “ panguhum” (penilai: kristis, koreksi). “Manguhumu” lapatanna lam malo angka halak na porsea i laho menilai sude na masa, dohot kritis. Ndang pintor dioloi, diauhon, ditelan dan diterima. Unang songon pandohan ni umpama : eme na masak di gagat ursa, ia i na masa, ima na taula. Halak Kristen ndang holan ikut-ikutan, terbawa arus, manang terprofokasi. Ingkon boi do adong sikap kritis, menilai dengan bijaksana. Rom 12:2 Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan. Asa marhite i, lam malo hita manulingkiti dia do lomo ni roha ni Debata, asa disi ma Debata na gabe HAKIM (Panguhum) na tigor. Sude panguhumanta (penilaianta: keputusan bijak kita) ima na didasori sian lomo ni roha ni Debata. Dasor na patut laho manguhm manang menilai dengan pertimbangan hikmat yang benar adalah hikmat yang dari atas, dari Allah Bapa, na taguruhon sian Hata ni Debata. Holan Debata do panguhum na Tigor i

c)      Angka na targoar uluan, panggomgomi, pamarenta, hakim angka pejabat naung dibuat do janji manang sumpahna asa manat jala denggan diulahon ulaonna. Alai ala ni hepeng, arta na masigorgor dibagasan rohana, olo ma tarela jolma i gabe korupsi. Dipapeol ma uhum laho mambuat bagianna, hukum bertindak tajam kebawah dan tumpul ke atas. Ndang marlangku be Undang-undang ala dibaagsan praktekna holan marlangku tu angka na gale, na pogos, angka na metmet. Angka na targoar pejabat, berkedudukan, angka na mora, mura do dinasida asa marhasonangan torus sian penderitaan ni rakyat manang orang kecil. Sikap ni halak na porsea, songon gabe pejabat, na marpangkat, na mora, manang di dia pe hita mangula angka ulaonta, tapatuduhon ma songon siihuthon Kristus hita. POLIN MANGIHUTHON JESUSA  didok topik ni minggunta, tapatuduhon ma hapolinon ni rohanta mangihuthon Jesus, unang holan di hata, alai dohot ma di pambahenan, unang holan ditangihon alai dohot ma diulahon. Ala ni iangka na porsea naung manghamauliatehon hasesaan ni Jesus Kristus sai na “biar” do rohana tu PANGUHUM NA TIGOR I, ima Tuhanta. Sai satia ma hita mangulahon lomo ni roha ni Debata. Amen.