Jamita Minggu III Dung. TRINITATIS – 3 Juli 2022

“Mangulahon na Denggan tu Saluhut Halak”

Berbuat Baik Kepada Semua Orang

 

 

& Ev: Galatia 6: 1-10                            & Ep: Psalmen 66 : 1 - 9

   

1. Dihaborhatan ni Apostel Paulus na patoluhon rap dohot si Timotius, Lukas, Tertius dohot Titus di taon 57 M manuju Filadelfia-Epesus, dibege ma naung digaori halak Jahudi Huria naung pinaojakna di Galatia onom taon naung salpu. Dihaborhatan  na paduahhon rap dohot si Timotius, Silas (Silvanus) dohot Lukas (Ul.15:41-16:10-17; 18: 22; 24: 27; Kol.4:11-14, taon 51-52 M. Ai disi dibege halak Jahudi na di Jerusalem naung lam tu toropna jongjong Huria di luat Galatia: Pisidia, Liakonia, Frigia, Isauria, Silisia, Antiokia, Ikonium, Listra dohot di kota Derba, lumobi ma na sian sipelebegu hian, songon pribumi na sian pinompar ni bangso Kalt na di Turky Tengah (halak gaul) ro ma angka guruguru Jahudi (Judaisme) mamodahon patik Hajhudion, huhut menghasut (mempengaruhi) halak Galatia, mandok: “Ia si Paulus, ndang na tutu Apostel ni Debata/ Kristus)”, ninna halak jahudi ( Gal.1: 6-9; 5:1-12.).
2. Laho manggotapi poda haliluon na niajarhon ni Judaisme di huria Galatia on, didiktehon ma surat Galatia on (Surat Paulus na patoluhon tu huria, si onom bindu: 149 ayat) tu si Tertius asa dikirim tu Galatia, huroha ala fasih do Si Tertius didok manurat suratna na tu Roma, sian Korintus (Rom.16:22).
3. Mansai tangkas do ditanda si Paulus dohot karakter ni halak Jahudi nang halak Galatia naung gabe ruas ni huria ni Kristus. Tinogu tu Barita na Uli naung jinamitahonna di angka kota-kota galatia si tolu bulan parjolo, dung malum sahit ni matana i (Ul.13:14-52; 14 – 16:1-8; 1 Kor.2: 1 – 3; Gal.4: 13-14):

Ø    Mansai mura dope diela guru-guru Jahudi na ro sian Jerusalem i ruas ni huria Galatia na sian bangso sipelebegu nam arragam (masyarakat majemuk) di sandok Galatia dohot Pisidia (Turky tengah, selatan, barat dohot Timur laut), mambahen gaor haporseaon ala ni poda na marasingasing i. Alai didok, halak Prigia (Indo-Jerman) do jumolo manjalo poda ni Jahudi i, dung salpu si paulus. Halak Prigia naung leleng mananda manang marsaor dohot halak Jahudi di Galatia, lumobi na di kota Ancyra (Ankara, ibu kota Turky nuaeng) mulai sian taon 200-1.200 SM, nang na di Likaonia, Kapadosia pe, na ginoaran nasida bangso Kimeri (abad-7), na manomba debata baal Sabazios, Dionisos, Kibele (Magna Mater: Ibu Agung) ni halak Galatia: isara si Maria di parugamo Katolik rupani.

Ø    Mura do tarjalo halak Frigia poda parsunaton na pinodahon ni Judaisme, mandok : “Asa tutu Kristen naung malua hamu, ingkon radotanmuna do nasa Patik ni Jahudi. Ai ndang dung maralo patik tu haporseaon, songon pinodahon ni si Paulus tu hamu”, ninna nasida. Tutu do, ninna roha ni halak Frigia, na ummaju tingki i. Ai ndang di ugamo nasida na sai laon (sipelebegu), sude angka malim ni Kibele (Magna Mater: Ibu Agung) ingkon dipaias do (Dikebiri). I do syarat utama nasida, asa boi marhalado tu Kibele. Alai marasing situtu do tu hasomalan ni ugamo na manomba Sabazios dohot Dionysos, na holan pasombu tagas ni sibuk dohot hagiot ni daging (selesra), mangallangi dohot marpesta-pesta, manortor, mardansa, marjoget, dna. (pat.Ul.14:16; 16: 6-19a; 18:2).

4. Dibagasan turpukta on ditogutogu Apostel Paulus do huria i songon  dia marpangalaho na denggan songon halak na mangolu di bagasan gomgoman ni Tondi ni Debata. Halak na mangolu di bagasan gomgoman ni Tondi i i ma halak namanongtong mangolu di bagasan holong ni roha, Hataridaanna dipatuduhon si Paulus di turpukta on, marhite pigapiga pangalaho manang sikap diri, ima:

a)      Manogu dongan na tinggang marhite tondi na lambok (Ay.1): Diboto si paulus do ndang adong halak na sempurna marpangalaho. Manang beha pe hadengganon ni sasahalak sai adong do hahurangan ni i. Angka halak Kristen pe na boi dope “tarsulandit”, manang “tarsomong mardosa”. Alai didok si Paulus, molo adong halak na songon i, ndang laos pasombuon, manang manigor hatop uhumon. “Tarsomoong mardosa” ima na madabu tu dosa sian na so tinuntunna. Songon halak na mardalan di na landit na boi do sian na so panuntunanna tarsulandit di dalan i laos tinggang. Halak na songon i tontu ndada laos degehononhon, alai sitoguon do asa boi hot muse jongjong. Songon i do halak na tarsomong mardosa, ndang manigor hatop uhumon, alai sitoguon do nasida asa boi malua sian dosa i. Tugas ni halak Kristen naung taruli di Tond i i do mangurupi nasida asa mulak tu dalan na sintong, marhitehite “tondi na lambok”. Halambohon i do sada sian parbue ni Tondi na ingkon siparangehonon ni halak Kristen songon na tarsurat di Galatia 5: 22 i. Marhite tondi na lambok, na marlapatan do i dibagasan holong parhahamaranggion dohot haserepon. Ruhutruhut hakristenon na marojahan di parhahamaranggion do na ginohan ni roha namasihaholongan.

b)      Masiurupan mamorsan angka na dokdok i. Godang do angka boban na dokdok siporsanon ni halak Kristen. Tarmasuk do di angka tuntutan laho mangalo dosa, ro di angka hatahata dohotgodaan-godaan na ro sian duru na boi gabe siparungkilhononhon. Alai disosoi si paulus do huria i, asa masiurupan laho mamorsan angka boban na dokdok siporsanon ni ganup halak Kristen, ala marhite dalan na songon  i do hita mangaradoti patik ni Kristus. Pangibulan ni patik ni Kristus songon na tarsurat di Johannes 13: 34 i, ima roha masihaholongan: “Patik na imbaru ma hulehon tu hamu: “Naeng ma masihaholongan hamu, songon holong ni rohangku di hamu, naeng ma songon i dohot hamu masihaholongan”. Hataridaan ni roha na masihaholongan i, ima marhite na masiurupan. Mangolu dibagasan gomgoman nii Tondi ni Debata, marlapatan do i mangolu di bagasan roha na masiurupan. Marhite i do hita halak Kristen patuduhon rasa solidaritas tu angka dongan, dohoht dalan mangihuthon Kristus. Nunga jumolo Kristus patuduhon solidaritasna tu hita jolma, marhite na mangalehon dirina gabe dosa humophop hita ( 2 Korint 5: 21).

c)      Ndang jadi paburnangburnang diri: Sada pangalaho na boi mangambat halak Kristen laho masiurupan i ma pangalaho na paburnangburnang diri, manang kesombongan, ai pangalaho na songon on ndang padonokhon diri tu dongan alai na padaohon do. Jadi halak na paototohon dirina do halak na paburnangburnang diri. Ai dietong dirina tumimbo manang dumenggan sian halak na asing. Masuk tu a paburnangburnang diri do nang “kesombongan rohani”. I ma na manganggap dirina umporseaan manang dumenggan parugamaoonna sian halak na asing. Jala sai olo manguhumuhumi donganna. Cara laho mangagohon kesombongan i mangihuthon si Paulus, ndada marhite na membandinghon dirinta manang keberhasilanta tu keberhasilan ni halak na asing na taanggap tumoru sian dirinta, alai marhite na membandinghon tu a dumenggan dope na ingkon sieahanta. Marhite i ma hita ingkon sai tongtong manangkasi diri. Jala manang ise na sintong manangkasi diri ingkon sahat do tu kesimpulan, na saluhuht jolma adong be do hahurangan dohot hagaleonna di hjolo ni Debata. Laos di ondolhon si Paulus do ndang apala ringkot penilaian ni halak na asing tu dirina. Ai na manontuhon penilaian tu dirinta : Debata do. DI jolo ni Debata adong be do siporsanonna. Namarlapatan ganup halak mempertanggungjawabhon pambahenan dohot sude na niulana tu Tuhan i.

d)     Masilehonan di angka parsaulian na adong di hita: Tarida do na manongtong adong pangajarion di huria Galatia. Alai di sosohon si Paulus do songon dia tanggung-jawab ni halak Kristen tu guruna manang tu halak na mangajari dohot manogunogu haporseaon nasida. Ingkon radotan ni halak Kristen manang huria i do parsaoran na denggan tu guruna marhite na mangalehon deba sian arta manang parsaulian na adong di ibana tu guruna i. Na naeng dohonon ni si Paulus disi, i ma : “Molo adong na mangajarhon hasintongan i tu hamu, patut do molo dilehon hamu deba sian artamuna i tu ibana”. Mangolu di bagasan gomgoman ni Tondi i digombarhon do songon parsaoran na denggan tu angka hahaanggi, ima hubungan na saling berbagi. Hubungan ni guru di bagasan haporseaon dohot na niajaranna, isara nihubungan ni pandita dohot ruas na pinarmahanna, ima hubungan na masilehonan sibasabasa manang parsaulian na adong di ibana. Sahalak na manjalo pangajarion manang poda sian guruna tama mangaloas guruna i taruli sian nasa parsaulian na adong di ibana. Jala songon i guruna i tama mangalehon parsaulian na adong di ibana, Ima sipanganon partondion manang hata ni Debata. SI Paulus dison patangkashon aha naung hea didok ibana di Rom 15: 27, dohot 1 Korint 9: 11, songon i naung hea didok Tuhan Jesus di pangajarionna tu angka siseanna, ima na mandok: “Tama do marupa angka pangula.” Jala halak na manjalo pangajarion sian guruna i, tama mangihuthon hata dohot tiruan na nilehon ni guruna i, jala ingkon sai marusaha mangeahi parngoluon na lam tu dengganna.

e)      Unang marnaloja mambahen na denggan, ai manggotil dohita muse di tingkina; dison tarida peringatan na koras sian si Paulus. Nasa na taula patar do i dijolo ni Debata jala na ingkon pertanggung-jawabhononta diadopanNa. Ndang boi Debata paotootoon, manang leaan. “Ai ia i disabur halak, i do  gotilonna”. Sahalak partani nnaeng manabur manang manuan boni, ingkon jolo dipillit do tano na denggan bahen inganan panaburan manang panuanan niboni i. Jala molo disabur boni na manghirim do ibana di hasil na sagodanggodangna. Manabur hira dos do i dohot penanaman modal di angka partigatiga manang pengusaha, jala na tong manghirim di pangomoan na godang sian modal na tinanomna i. Dison dipatudos si paulus do angka pambahenan dohhot pangulaonta tu namanabur. Molo manabur halak tu daging, na manghirim do ibana di hasil na denggan sian dirina sandiri. Alai na manghorhon hamagoan do i, ai na laho mago jala busuk do daging i. Alai angka na manabur tu tondi, manghirim do hasil sian tondi i, ima hangoluan na saleleng nilelengna. Na manabur tu Tondi na marlapatan do i, marparange hombar tu panogunoguon nitondi i, jala marparbuehon angka parbue ni Tondi i (Gal.5: 22). Halak na mangolu dibagasan gomgoman ni Tondi, ndang  marnaloja mambahen angka na denggan. Marparange hombar tu panogunoguon ni Tondi, marlapatan mangula angka na hasea tu dongan jolma. Didok si paulus, angka na mambahen na denggan, i do angka na manabur tu Tondi, jala na manggotil muse di tingkina sian Tondi i, hangoluan na saleleng nilelengna. Di tingkina na nidokna, i ma di ari paruhuman i. Disi ma lehonon ni Debata upa ni angka halak na mangolu di bagasan Tondi i, ima ngolu na salelengnilelengna, asal ma unang pargale hita nuaeng.

f)       Dilehon Debata do di hita kesempatan laho mangula angka na denggan di ngolunta on, ima tingki parasian, andorang so ro dope ari paruhuman i. Jadi ingkon pangkeonta do kesempatan i sadenggandengganna. “Alai gumodang ma tu donganta sahaporseaon”.  “Dongan sahaporseaon”, na nidok si Paulus ima halak naung manjalo barita na uli i dibagasan haporseaon, naung gabe sada keluarga dibagasan Kristus, keluarga ni Debata (pat. Mark.3:32-35; Ep.2:19), angka naung masuk tu huria i. Molo didok si paulus songon i, ndang na gabe mangorui lapatan ni holong na niajarhon ni Jesus, na so mambolati jolma haholongan i. Alai maksud ni si Paulus disi, asa jumolo ma taulahon holong i di lingkunganta, di lingkungan ni huria i. Disi do hita pasomalsomalhon dirinta laho mangulahon na denggan. Ndang mungkin hita mambahen na denggan tu luar, molo so tarulahon hita dope na denggan di lingkunganta, dibagasan huria i. Laos domu tusi do, molo ndang adong pambahenanta na dneggan tu luar, gabe sompit do holong ni roha i, jala boi bergeser tu roha diri manang egoisme, na holan mamaingkirhon diri dohot golonganna sandiri. Amen.

Jamita Partangiangan – Epistel Minggu III Stelah Trinitatis

Mangulahon na Denggan tu Saluhut Halak

Berbuat Baik Kepada Semua Orang

 

Ev.: Psalmen 66: 1 – 9                                           Ep.: Galatia 6 ; 1 – 10     

                                     

a.       Hamuna angka dongan na hinaholongan, ngolu ni parugamoonnta na tubu sian haporseaon, na tarhatotong hita tu Tuhan Jesus Kristus. Sian pangalaho i na mangonjar haporseaonta laho mangihuthon Jesus disude partingkian. Pangalaho na tarhatotong i mambahen hita sa lam solhot tu Tuhan Jesus dibagasan rohanta. Tudoshon molo tarhatotong hita tu sasahalak, boi do manghorhon tu na mangihuthon gaya paheanna, gaya ni parsurina, gaya ni na manghatai boi gabe tiruan. Na boi do hita tarhatotong gabe sai marniingot ibana. Songon penggemar di angka bintang film, nang angka parende, nang angka tokoh. Laos songon i ma panatapan ni halak na porsea i na parjolo i tarhatotong di haluaon na pinarade ni Jesus na hehe i na bolas mambahen nasida mate martyr.

b.       (ay.1-4).Diarahon parpsalmen on do hita asa marolopolop mamuji Debata siala na tarhatotong do hita (kagum-amazement) di pambahenan  ni Debata tu  bangso Israel. Dilehon Debata haluaon tu bangsoNa Israel sian habuangan Babel. Angka pujipujian in marharoroan sian Bagas Joro na dipajongjong muse dungkon habuangan jala ima na mambahen goar ni si Daud ndang tarsurat di buku Psalmen on. DI angka ayat i dipargunahon do hata erga (hata heber sian teks), na marlapatan portibi, tano. Napatuduhon ia Debata (elohim) ima Debata na songkal, na sun gogo, pargogo na so hatudosan (ay.3). Asa gabe marsomba portibi on tu adopanna jala patimboonna Debata (dipangke hata sa;akh sibagasan teks), goarna (ay.4). Debata na ditanda bangso Israel ndada holan na gabe Debata ni Israel, alai Debata na mangatasi debata, na boi mambahen saluhut na di portibi marsinggang manomba tu Ibana. Hasongkalon na binahen ni Debata tung so tardodo ni manisia do. Saluhut angka panggulmiton ni ngolunta, angka hamaolon nang  na bernit boi do tahilalahon manusai ngolunta, boasa boi masa si songon i di hita. Tausahahon do boha asa malua sian angka hamaolon, boha do asa sonang roha nang pingkiranta, naeng ma sude pardalanan ni ngolunta ndang adong penghalang manang penghambat. Sipata sai torus do hita jolma on marusaha asa malaua sian parsorion ni ngolunta. Malua sian sada parsualon naeng ma malua sian parsualon na mangihut muse. Hape parsualon nang tantangan na taadopi hira songon galumbang ni aek laut i do, Molo taparrohahon sai torus do ro galumbang ni aek i, arian manang borngin, ganup tingki nang ari, sai torus do marroan galumbang i, ndang na marnasoan. Tudos tusima angka persoalanta na taadopi di ngolunta on, laos so marnaso, sai adong masalah nang sipingkiran, na metmet nang na balga pe i. Boha do hagogoon ni Debata  na songkal i boi mangalausi pangidonta nang pangkirimonta asa malua hita sian angka parsualon i ? Ala ni i, tangkas ma botoonta, tung so boi do hita mandodo roha nang pingkiran ni Debata, hasongkalonna lobi dao sian parbinotoonta manisia. (Yes.55:8-9; Rom 11:33). Janganlah kecewa. Janganlah kita takut. Jangan kita kuatir. Percayalah! Kita memiliki Tuhan yang sangat baik dan teramat baik. Bermegahlah! Karena Allah yang kita sebut dalam nama Tuhan Yesus Kristus sudah melakukan pekerjaan-pekerjaan-Nya dengan ajaib, lebih ajaib dan teramat ajaib. Dia sudah melakukan segala pekerjaan Allah bagi kita dengan sempurna, lebih sempurna dan sangat sempurna.

c.        (ay.5-7): ima pujian tu adopan ni Debata na mambuhai dalan sian Laut Teberau dohot Jordan. Dungkon sahat bangso i di topi ni pantai Pi-Hahirot di adopan ni Baal-Zefon, humasusa do halak Israel jala bobonosan, huhut muruk tu si Musa. Tarhapit ma panghilalaan nasida, dijolo nasida do aek laut na mansai bolak situtu hape di pudi nasida angka soldadu ni si Firaun mangalele nasida. Alai dihaholongi Debata do nasida; huaso dohot halongangan na sian Tuhan Debata mangihut nasida. Dungkon dipaherbang si Musa tungkotna i, dibola Debat Israel ma laut i gabe dalam raja. Asa marhite i ma boi amolus mardalan tur bangso Israel. Dasor ni laut gabe tano na mahiang na boi boluson ni bangso Israel hurang lobi dua juta toropna. Laos songon i do masa hatiha mamolus aek Jordan bangso Israel, dibola Debata do aek Jordan i gabe mahiang jala boi boluson ni bangso Israel i. Saluhutna i dipatupa Debata asa mangalehon semangat dohot otivasi tu nasida asa unang mabiar jala biahaton. Unang mabiar bangso i mamasuhi tano parpadanann i, ima tano Kanaan na naung diuarihon Debata tu ompu nasida marhite padan na sian Debata sandiri. Di halongonan i, di Laut Teberau manang di Aek Jordan, naung dilengsehon Debata do angka musu ni Israel ndada na holan tahutan alai gabe disiaphon Debata di lonong di aek laut i dohot di dasor ni aek na diadopan nasida i. Disi ma bangso Israel marolopolop, marsuraksurak mamuji pasangaphon Debata. Marlas ni roha do nasida jala marolopolop siala pangaramotion, nang pambahenan ni Debata mansai longang jala tarhatotong do angka bangso di portibi on.

d.       (ay.8-9) ima angka pujian tu adopan ni Debata na paluahon bangsona sian habuangan. Sian dua bagian on songon parhitean do asa laho marningot pambahenan ni Debata dibagasan parngoluon ni bangsoNa. Tung aha pe nahinolsohon ni manisia, sai jaloonna do haluaon sian Debata. Songon bangso Israel, sai dipasangap nasida do Debata na paluahon nasida sian parhatobanon Misir, dipataru sahat tu tano parpadanan, jala manguji dohot paiashon nasida marhite panaritaan di masa habuangan asa pasahathon nasida tu haluaon na imbaru, disi ma nasida  asa boi mamuji Debata dibagasan haluaon. Haluaon na jinalo nasida disagihon ma i (dipatubegehon) tu saluhut bangso (ay.8) asa holan goar ni Debata ma na dipasangap.

e.      Hamuna angka na hinaholongan. Jotjot do jolma manghalungunhon haluaon dibagasan parngoluonna.  Asing ma molo haluaonna i boi dipertanggungjawabhon manang ndang. Parsualon ni manisia na laho patupahon parsaoran dohot ganup jolma di kelompok keluarga manang na umbidang di kelompok huria, masyarakat nang negaranta manghorhon haluaon na diibana i gabe humusor tu haluaon na tarbatas, ala ganup jolma adong be do hak azasina. Haluaon na adong di manisia gabe manghalupahon unok ni haluaon i dohot lapatanna. Hagiot ni manisia asa dapot haluaon boi do tertantang ala ni berbagai pengalaman nang persoalan ni  ngolu. Haluaonta nunga adong dibagasan Jesus Kristus. Asa marlas ni roha ma hita marolopolop mamuji pasangap Debata parasi roha bolon i. Berbahagialah kita yang memuji dan memuliakan Allah dengan bersorak sorai dan bersukacita karena Dia sudah bekerja bagi kita dalam nama Dia, Yesus Kristus Tuhan kita, karena Dia sudah melimpahkan kasih setia dan kasih karunia-Nya kepada kita dengan berkelimpahan. Berbahagialah kita yang datang bersujud, beribadah, berdoa, memuji, memuliakan, menyembah dan melayani Yesus Kristus Tuhan kita, karena Dia sudah menjaga, melindungi, memelihara dan memberi bagian hidup dalam kehidupan kekal yang penuh sukacita dan damai sejahtera di sorga. Ala ni i taulahon ma pujipujionta i marhite nam angulahon na denggan tu saluhut jolma. Amen.

Jamita Minggu I Dung. TRINITATIS (Hasitolusadaon ni Debata)– 19 Juni 2022

Gabe Angka Anak Ni Debata Marhite Haprseaon Di Jesus Kristus

 

Ev. Galatia 3: 23-29                                         Ep. Yesaya 65: 1 - 9

 

1. Debata na manomoa langit dohot tanoon nang saluhut pangisi ni tanoon masiboan mansamna be. Adong be do halobianna jala na rup masitumpahan. Jolma i pe di tompa Debata mamboan rupana nang angka parasinganna be. Sian rupa, pangalaho, nang angka silehonlehon ni Debata na adong diibana. Angka ragam parasingan silehonlehon ni Debata tu jolma laho pasadaho jolma i do di parsaoranna di kondisi hidup sosial ni jolma i na saling membutuhkan. Molo so sada dan saling membutuhkan manusia akan sulit melengkapi dan memenuhi kebutuhan serta masa depannya.
2. Hasadaon i do na ingkon dipatuduhon ditonga ni huria i. Ima na disosohon AP.Paulus. Hape angka halak jahudi sai mamereng parasinganna sian angka bangso na asing. Sada parasingan na tangkas ima halak jahudi marnampunahon Patik ni Debata, hape ndang adong dapot i di bangso na asing. Ala ni parasingan i mambahen halak Jahudi gabe so olo mangan sahundulan dohot halak na so Jahudi, on ma na di orai Ap.paulus (Bindu 2). Marsitutu do AP.Paulus patuduhon ia ndang adong parasingan ni halak Jahudi dohot na so jahudi. Ndang boi halak jahudi di pintori siala ni patik, ala ni i dos do nasida dohot halak na so Jahudi na so marnampunahon Patik i. Saluhut jolma do mardosa ( 2: 15-16).
3. Dungi dabagasan turpuk on (3:23-29), dipatuduhon Ap.Paulus on do ia halak Jahudi dohot halak na so Jahudi rup halak na mardosa. Ndang adpng parasinganna.  Saluhut nasida holan na boi do dipintori sian haporseaonna gabe angka anak ni Debata (26), saluhut na nasida sada dibagasan Jesus Kristus (28).
4. Na saleleng on hal na umborat di roha ni halak Jahudi ima Patik nasida i, asa didok roha nasida angka halak na so jahudi ndang adong patik di nasida umbahen na gabe tardok rumar ma ngoluna. Dipatduuhon AP.Paulus do hasalaan nasida, ia Patik i ndang boi mambahen haak jahudi gabe pintor jala holan marhite haporseaon do jolma i di paretonghon bonar ( 2:16). Dungi dipatuduhon Ap.Paulus ma hadomuan ni Patik dohot haporseaon. Ia patik songon siparorot (3:14). Guru siparorot ima laho manjagai angka anakhonna, tarmasuk ma i angka hatoban manang pangurupi na pataruhon angka dakdanak i tu parsingkolaan. Dungkon agodang pe angka dakdanak i, asa ndang ringkot be di nasida guru na mangarorot nasida i. Laos songon i ma dungkon tingki digohi Kristus ulaon haluaon-Na, asa boi ma dohonon jolma i dietong tigor ala ni haporseaon. Ido umbahen jolma i ndang manghaporluhon Patik na dilapati songon guru siparorot (24-25).
5. Na gabe sungkunsungkun: Adomng do tahe parasingan ni halak Jahudi dohot halak na so Jahudi ? Nunga sai jotjot di patorang Ap.paulus ndang adong oarasingan nasida i, ala disada sisi naung sude nasida mardosa, sahalak pe ndang adong na tigor (2:16); 3: 22. Dungi disisi na asing saluhut nasida ingkon marhite haporseaon asa di pintori; ai najolo mansai lea do halak na so Jahuhdi, ala siala ni haporseaon gabe angka anak ni Debata na badia ma nasida raphon dohot angka halak Jahudi (3:26). Nang pe halak Jahudi manang na so Jahudi, baoa, boruboru, tuan manang hatoban, saluhut nasida gabe sada dibagasan Kristus (3:28), jala jaloon nasida do tenateanan marhite padan i (3;29).
6. Dipargunahon ma aek i laho mandidi songon tanda mamburi dohot ngolu na imbaru. Marhite pandidion, gabe masuk ma hita tubagasan asi ni roha ni Debata. Asi ni roha na itajalo i dibagasan Jesus Kristus gabe dalan haluaon. Huria Galataia na sai marungkil dohot angka pangalaho na sai marngharingkothon  praktik ni Patik i. Adong horong na mandok molo gabe siihuthon Kristus, ingkon jagaonna do dirina asa unduk tu Patik songon hasomalan di Padan Na Robi. Ido umbahen ro Apostel Paulus mamodai huria na di Galatia. Dipaingot Ap.paulus do huria na di Galatia asa mangolu dibagasan Kristus ima mangolu dibagasan asi ni roha, asa disi ma Kristus do gabe siparorot tu huriana. Patik na gabe siparorot asa patandahon ruas do i tu Kristus i. Ungkap do haluaon i tu sude jolma dohot disi halak Junani na so mananda ruhut ruhut hajahudion asa dapotan haluaon na sian Tuhan i. Dipalua Tuhan Debata do hita, jala di didi gabe songon tanda ni halak na porsea. Gabe halak na porsea ima na mangolu dibagasan haluaon dohot asi ni roha. Asi ni roha i dipasahat tu saluhut jolma na so mardia imbar.
7. Songon halak na porsea hita ; boha do hita marpangalaho dibagasan ngolum ? Boi do goaron ngolum gabe pasupasu tu sude jolma, jala tudos do i dohot barita ni Kristus i ? (Plp. 1:27; Ep. 4:1)? Boha, sai mangolu dope hita di na robi i ?A (Ep. 4:22)? Boha do hita mandalani parngoluanta na imbaru na lam tu dengganna ? (Ep. 4: 23-24)?

 

Jamita Partangiangan – Epistel Minggu 1 Stelah Trinitatis, 19 Juni 2022

“Gabe Angka Anak Ni Debata Marhite Haporseaon Di Jesus Kristus”

Kita Adalah Anak-anak Allah Karena Iman Di Dalam Yesus Kristus.

 

& Ev.  Jesaya 65: 1 - 9                    & Ep. Galatia 3: 23 - 29                                                         

 

a.        Illustrasi; adalah seorang bapa hendak bercukur ke tukang cukur, dan mereka berbincang-bincang. Perbincangan tiba pada: Apakah Tuhan ada ? Si bapa bilang: “Tuhan itu ada dan baik adanya. Tetapi si Tukang cukur membantahnya, dengan mengatakan; “Bila Tuhan baik, mengapa ada kemiskinan, ada penyakit, ada bencana alam, ada peperangan. Lalu tukang cukur menyimpulkan, Tuhan itu tidak baik, dan mungkin tidak ada. Si Bapak diam, dan sesudah selesai, dia keluar.

Tetapi dijalanan, dia melihat seorang yang rambutnya panjang dan acak-acakan. Dan segera dia masuk lagi menjumpai si Tukang cukur, lalu dia katakan: Hai bapak, saya berani bertaruh, bahwa tidak ada tukang cukur di dunia ini. Si tukang cukur melawan: Apa? Tukang cukur tidak ada? Saya, saya ini tukang cukur....barusan mencukurmu...! Lalu si Bapa menjawab: Kalau begitu, memngapa ada orang yang seperti itu ( lalu dia tunjukkan si orang berambut panjang yang acak-acakan tadi) itu buktinya, tidak ada tukang cukur di dunia ini.

Apa jawab si tukang cukur: “Bapak, orang itu panjang rambut dan acak-acakan, bukan karena tidak ada tukang cukur, tetapi karena mereka tidak datang kepada saya. Bila dia datang ke saya, saya pasti pangkas dan cukur dia supaya rapi. Dengan tenang, si bapa itu mengatakan: “Seperti itu juga dengan Allah, Allah itu ada dan baik sekali. Tetapi mengapa saudara merasa sakit ketika ada kemiskinan, bencana, penyakit, penderitaan dan kesusahan, bukan karena Allah tidak ada dan tidak baik, tetapi karena mereka dan kamu tidak datang kepada Tuhan. Datanglah, pasti kamu merasakan Tuhan itu baik. Dan si Tukang pangkas-pun bertobat.

b.       Hamu angka dongan, hira songon i ma bangso Israel di Zaman ni Trito Jesaya on. Nunga mulak nasida sian habuangan mamungka taon 538 s.Masehi uju ni raja Koresy. Nunga di Jerusalem nasida. Mansai balga do harapan nasida molo mulak tu Jerusalem, marningot angka bagabaga ni Debata na sinuriranghon ni angka panurirang tu nasida uju di habuangan an. Alai, dung sahat nasida tu Jerusalem, ternyata : “Jauh panggang dari api”; Kecewa ma nasida. Pembangunan ni bagas  joro i nunga “mangkrak”, ndang saut (songon proyek monorail ni Jakarta) hot dope gabe reruntuhan. Ai jumolo do nasida pature jabuna (Hag.1:4). Tamba ma muse dung Raja Koresy dohot Raja Darius. Kondisi ekonomi pe ndang marnadenggan. Keamanan pe tong dang terjamin. Ai gabe masiboan dalanna jala masibaen lomona be do. Angka malim menyalahgunakan jabatanna, songon angka penguasa. Gabe tu begu dohot ganaganaan do nasida laho marsomba: Ari Sabbat pe ndang denggan be diradoti. Pelean tu bagasjoro pe nunga sumsam. Aha do umbahen i ?

c.        Ala dihilala nasida na so adong be Debata. Uju tarbuang nasida, dihilala nasida do naung talu Debata nasida. Jala nuaeng, dung mulak nasida, tong dang adong perbaikan, tong ma muse dihilala nasida naung so margellok be Debata. Ima mambahen nasida laho tu debata ganaganaan, songon na boi tajaha di ay.2b-4; mangalehon pelean tu dewa-dewa, hundul jala marborngin di kuburan laho manungkun nasib dohot manjalo “ilham” dohot “kekuatan” sian begu ni na mate. Gariada di ay.4b – 5a, hira na ditantang nasida do Debata soal habadiaon. Di Patik ni si Musa, tangkas do diorai nasida manganhon manang piga sipanganon (najis). Alai, nuaeng, dengan sengaja, dipangan nasida do i. Boasa ? Ala naung dewa kesuburan dihaporseai nasida, ima dewa na manghalomohon sipanganon na songon i. Ima disomba asa dilehon tu nasida habadiaon, asa gabe manusia luar biasa nasida. Dung i, ndang olo be nasida dais tu halak na asing, ai dihilala nasida, berbahaya do i tu manusia biasa. On ma pemberontakan yang ;uar biasa. Ainunga dibahen nasida dirina sandiri gabe Debata, ai tangkas do i dipabotohon si Musa, holan Debata Jahowa do na songon i.

d.       Hamu angka dongan, patut ma ingkon tarrimas Debata, hansit ni roha ni Debata paidaida i sude (ay.5b). Hape, tung Debata na terbuka do Debatanta i. Diungkap Ibana do diriNa satorang ni torangNa asa mura tandaon nii bangso i (ay.1-2a). Dia bukanah Allah Rahasia atau Allah yang misterius seperti allah agama lain. Dia adalah Allah yang sangat dekat, yang dapat didengar oleh Israel melalui nabi-nabi dan melalui perbuatan-perbuatan besarNya. Alai bangso i do na keras kepala.

e.       Ala ni i dilumbahon Debata ma na ingkon uhumonNa nasida (ay.6-8). Alai songon na somal, alai i do hakekatNa, tung parasiroha jala parholong do Debatanta i. TadinghononNa do “pasi[asi/sisasisa” sian Israel. Ndang sude uhumonNa. Ai adong dope halak na bonar jala daulat, songon si Noak di zamanna. Angka i ma paluahhon ni Debata. Jala sian nasida ma patupaon ni Debata haluaon ni Israel dohot sandok portibi on. Jala na menarik, ndang soal Israel dohot na so Israel be on, alai soal sioloi Debata dohot sialo Debata nama, so pola dibatasi kesukuan, luat manang parbangsoon.

f.         Nuaeng, aha ma sidohonon ni Hata ni Debata on tu hita?:

1)    Parjolo: Tatanda jala tahposi ma, ia Debatanta ima Debata na “terbuka” tu hita, na mura dapothonon. Bahkan , nuaeng, dibagasan Tuhan Jesus, nunga gabe “doshon jolma” Ibana, maringan di tongatonganta, mar-Immanuel, manghilalahon na tahilala, bersolidaritas dohot hita. Di bagasan Jesus, nunga adong be dalanta mulak tu Debata, jala ala ni hamamateNa, nunga maribak be “hirehire”/ pembatas i. Ala ni i, unang adong hita na mabiar mandapothon Debata. Kapan saja, di mana saja, dalam situasi apa saja, Tuhan dapat kita temui dan kita sapa. Jangan sia-siakan kesempatan, di mana Tuhan membuka diriNya dan mendatangi kita, untuk kita sapa, bahkan untuk kita minta bantuanNya menyelesaikan seluruh masalah kita. Dia pasti mau dan pasti mampu.

2)    Paduahon: Molo taadopi masalah di ngolu on. Tu Debata ma hita ro. Ndang Debata na so boi jala na so olo, alai hita do na jotjot ndang olo jala ndang ro. Tung masihol do Ibana masuk tu hita (pangk.3: 20) laho pabaorhon hagogoon dohot papsupasuNa tu hita. Ido ala dijouhon Tuhan Jesus : :Ro ma hamu tu Ahu hamu angka na loja jala na sorat”. Jotjot do sitaonon i dipangke Debata manguji hasatiaonta, songon nabinahen-na tu si Job. Satia ma hita, ai angka na satia sahat ro diujung do sitean hangoluan na manongtong i (Pangk.2: 10).

3)    Laos sian ima dipaingot hita, asa unang laho hita tu hagogoon na asing. Ai di ujungna, dilesengi Debata do nasida na mangido pangurupion tu angka ganaganaan dohot debata sileban i. AI ternyata so boi angka i mangurupi hita. Alai, mansai bisuk do sibolis mangelaela hita asa laho marsomba tusi; hape debata ecekecek, na so boi mangurupi do i.

4)    Unang ma hita songon  si Malin Kundang. Nunga burju Debatanta i mangurupi, paluahon, mamasumasu hita; nunga dilehon diriNa tu hita. Hape, tatadingkon, tatundalhon. Autsugari, adong aanghonta na kuliah, manuhor sude perlengkapanna, asa denggan kuliah. Hape laho mardeandean dohot donganna, dipasuda sude hepeng na tarkirim i. Boha ma rohamu disi ? Sotung sanga songon i Debata tu hita.

5)    Tahamauliatehon ma, Debata Parlambas, Parasi jala Parholong ni roha do Debatannta i. Umbalga do i sian rimasNa. Molo Tarrimas pe Debata, asa gabe sipatondit do i, asa mabiar hita mangulahon dosa. Ianggo halomoan ni roha ni Debata, ima hamumulak ni parjahat i tumadingkon dalanna, asa mangolu. Gomos ma i tatiop.

6)    Dipatudu turpuk on do tu hita pilihan. Dipapulik Debata do pasipasi, ima angka halak na burju jala na daulat roha, na so paihutihut na roa, nang pe naung martimburak dosa, bahkan gabe “budaya hidup” ni na humaliang i. Alai diramoti dirina tongtong unduk jala marhabadiaon di jolo ni Debata. Sian angka i ma patuluson ni Debata sangkapNa mamboan haluaon ni jolma. Alai, adong do halak sirimasan, ima angka halak na so pola pauba roha, na sai torus tangkang mangalo Debata. Ima siuhumon ni Debata. Nuaeng, di dia do hita sian na dua i ? Ditongatonga ni masyarakat na lumlam on, olo do jita gabe “manusia aneh” ala burju mangoloi Debata. Ima na so olo mandok : “Eme na masak di gagat ursa, ia i na masa ima niula?” Alai gabe halak na olo berani “tampil” beda gabe sinondang. Angka naung dipalua Debata marhitehite Jesus Kristus ima angka anak ni Debata na sai mangasahon Tondi Parbadia mangula dibagasan ngoluna, asa marhite i ma margogo haporseaonna paboa angka anak ni Debata do ibana. Amen.

 

Jamita Minggu TRINITATIS (Hasitolusadaon ni Debata)– 12 Juni 2022

Debatanta Na Sangap Jala Na Timbul

 

Ev. Psalmen 8: 1 – 10                                        Ep. Rom 5: 1 - 5

 

a)     Ia turpukta on ima ende puji-pujian hamuliaon sian hasangapon na so boi dapot ni jolma ala ni keterbatasanna. Adong pangantusio sian hasangpon ni Harajaon ni Debata di Surgo sahat tu angka binatang na lea situtu di portibi  on. Digombarhon do ia manisia songon pusat ni panompaon ni Debata.

Diantusi parpsalmen on na targoar halongangan dibagasan dirinta songon manisia. Dibagasan bindu on dipatuduhon do habalgaon ni jolma i:

1.             Ayat 2: pandohan “goar-Mu” patuduhon ndang holan pribadi ni Debata alai pangungkapokn taringot tu diriNa. Pandohan “goar-Mu” dohot habadianMu ima hasarupaan dibagasan ende, na paboahon pribadi ni Debata dohot pangungkaponNa marhite panompaon. Nang pe sian panompaon i patuduhon hamuliaonNa, mangungkap hajongjonganNa, dohot hasongkalonNa, alai saluhutna i ala ni Debata sandiri. Ii turpuk on  mangajarhon tu hita ia sude pamujion dohot parsombaon na sintong tu Debata na holan timbul dibagasan roha na sinondangan ni pangungkapon ni Debata. Marhite pangungkapon ni portibi on manang hatopan dohot pangungkapon na marimpola ima HataNa, rohanta i dipaadophon tu hasongkalon ni Debata asa tubu  ma pamujion tu Debata.

2.             Ayat 3 mandok: sian pamangan ni angka dakdanak dohot angka posoposo dijadihon Ho do paranganmu, ala ni angka na mangalo Ho, asa paonjaphon musu dohot sitahi sudolsudol. Adong dua na gabe paradoks dison; ima angka posoposo dohot angka dakdanak na manusu sian horong ni musu nang angka parhosom. Hata “posoposo” manggombarhon hagaleon dohot haserepon ni roha ni jolma, alai adong do hagogoon nasida na lobi umbalga sian angka musu ni Debata. Hagoon i na marojahan tu Debata na ni haporseaon nasida. Nasida ma halak na mananda pangungkapon nang hasongkalon ni Debata, huhut mambaritahonsa. Dipangke Debata do angka na gale di roha ni portibi on laho paboahon huasoNa jala manghuntam angka musu ni Debata. Sabalikna pandohan musu dohot parhosom manggombarhon hagogoon ni manisia laho pabongangkon dirina dohot na patujolohon dirina. Inti ni musu ni Debata ima nasida na so mananda goar ni Debata dohot pangungkapon ni Debata gabe so dipuji be Debata.

3.    Dijou jala dipillit Debata do halak na gale di roha ni portibi  on. Tujuanna ima laho pabotohon ia dalan ni Debata ndada dalan ni jolma jala ndang tardodo jolma i. Tujuan na asing asa unang hita manengahhon dirinta diadopan ni Debata. Haroroan ni puji-pujian tu Debata holan sian angka halak na mananda hagaleonna jala na marpangusandean tu Debata. Sabalikna angka jolma na ginjang roha ima na so porsea tu Debata, ndada na so olo mamuji Debata alai na mangaleai Debata.

4.    Ayat 4 – 5 : Diparsiajari parpsalmen on do langit, bulan nang mata ni ari dohot sude na tinompa ni Debata. Jala so panagaman ni roha ditompa Debata ma manisia i: “Tung aha ma nian jolma i, umbahen pola ditaringoti roham ibana? Jala anak ni jolma i, umbahen pola diebati Ho?” (ay.5). Jala sai joujou do ibana dibagasan bukbak ni roha: “Humurang apala otik do ibana sian Debata dibahen Ho, alai ditalitalihon Ho muse hamuliaon dohot hatongamon tu ibana. Dipabangkit Ho do ibana gumomgom angka jadijadian ni tanganmu, sude do tahe dipatunduk Ho tu ibana.” (ay.6-7). Toho ma tutu na didok parpsalmen. Molo tabandingkon portibi on di tompa Debata na mansai balga, jolma i holan songon monis, manang pasir di laut na balga.

5.    Ayat 6-9: turpuk on ima laho patoguhon muse angka pambahenan dohot parenta ni Debata tu jolma i asa mangarajai saluhut angka binatang di darat nang laut dohot udara, jala mangarajai sude angka na tinompa ni Debata (parenta na dos tarsurat di 1 Musa 1: 26 - 28).

6.    Pujian sian parpsalmen songon refelksi tu hita na mananda dohot na mangulahon parsuruon ni Debata dibagasan ngolunta. Parhataan “surusuruan” na dipangke di ay.6 ima hata “Elohim” manang “Debata”. Na boi ditafsirhon: Debata na manjadihon hita songon parhuaso manang uluan manang angka jadian ni Debata songon surusuruan, manang otik tumoru sian Ibana sandiri. Pangantusion on mangonjar rohanta laho mamuji dohot manomba Tuhan i sian nasa hadirionta. Disuru Debata do hita asa rap mangula dohot Ibana laho manjaga parngoluonta dohot portibi on. On ma ingananta dohot gunana hita dibagasan panompaonNa. Laho manggohi hasjongjonganta dibagasan HarajaonNa, dilehon Ibana do tu hita kemampuan laho mamikirhon angka pingkiranNa, laho manghilalahon dohot mangungkap rohaNa jala laho mananda dohot mangulahon lomo ni rohaNa.

7.    Naparpudi marhite las ni roha siala haburjuon i Tuhan i, dipaujung parpsalmen on ma pujian i: Ale Jahowa, Sigomgom hami, mansai sangap do goarmu di liat portibi on. (ay.10). Manisia holan sada do na boi ulahononna songon ungkap ni las ni rohana mandok mauliate disude na binahen ni Debata, ima  mamuji dohot pasangaphon goar ni Tuhan i.

 

b. Sipahusorhusoron:

1. Dipaojak Debata do jolma i distatus na mansai uli, Ditompa do jolma i hombar tu gombaran (Heb. Tselem)  nang rupa (heb.Demut)  ni Panompa i (1 Musa 1: 26). Tselem ima uhir manang patung na diuhir hombar tu gombaran ni Panompa i, jala Demut ima hadosan. Lapatan ni Debata manompa jolma i hombar tu rupaNa ima: paojakhon jala mangalehon tugas tu jolma i songoon wakil ni Debata di portibi on laho mangatasi, mamarenta sude portibi on jala tanggungjawab ni Debata sandiri songon silehon tugas/mandat (ay.7-9). Mandat laho mangarajai/mamarenta ndada na laho manegai alai mengelola dohot bertanggung jawab laho gabe pasupasu nang hadumaon tu jolma i sandiri. Ihut ni i hasarupaon ni jolma i dohot Debata na manggombarhon hubungan na rosu Debata dohot jolma i, Hubungan on na boi mambahen Debata mandok HataNa tu jolma i, mangulahon dohot marningot padan dohot Ibana. Jala sabalikna na boi do jolma i markomunikasi mannag manghatai dohot Debata. Asa marhite gombaran na dimaksud dison ndada gombaran na mate manang uhiran ni patung, alai patung na dipangolu Debata, siala Debata na mangolu, ala ni i ma as digoari ma jolma angka na marngolu (bdk. 1 Musa 1: 7).
2. Siala ni i asa disadari jolma i ma taringot tu hajongjonganna i, jala asa unang gabe marlomolomo disi. Jala unang ma adong jolma i padoshon dirin songon Panompa, siala pangalaho sisongon i ma na mambahen madabu jolma i tu bagasan dosa. Adong do batasan na tangkas sian jolma, songon na tinompa ni Debtaa. Songon jolma na dipasangap, jolma i ingkon boi patuduhon sifat-sifat habadiaon songon na adong di Debata. Sifat-sifat habadiaon i marragam do, isarana na boi manghamauliatehon habalgaon ni huaso ni Debata na tangkas di parngoluonna, lingkungan nang alam. Asing ni i na boi do jolma i mampargunahon sude na tinompa ni Debata tu dirina sandiri jala martanggungjawab. Dijou do jolma i laho mamboan mulak muse tu tujuan na parjolo diatas ni panompaon. Marhite na mamboan barita las ni roha, saluhut ruas ni Debata boi marsibahen na boi sipatupaon laho paulihon angka na tinompa ni Debata. Amen.

Jamita PENTAKOSTA II (Hasasaor ni Tondi Parbadia)– Senin- 6 Juni 2022

 

DITOMPA MARHITE TONDI NI DEBATA

 

Ev. Psalmen 104 : 24 – 35                                  Ep. Kolosse 1 : 15 - 23

 

1. Molo disungkun tu hita: Hea do hita manulingkiti dirinta songon jolma hita ? Molo tapamanat pamatangta on na tinompa ni Debata, sian ilmu pengetahuan pe naung godang do angka urat ni dagingta, urat syaraf, angka sibuk dohot urat i nang angka holiholi i marsada. Dikutip Grid.ID dari Brightside.me ada beberapa fakta menarik tentang tubuh yang sangat mengesankan,dan tidak semua orang tahu ini! berikut ulasanya:

1)      Bentuk lidah itu sangat unik, dan berbeda-beda pada setiap orang, nggak percaya? coba lihat bentuk lidah teman mu.

2)      Satu helai rambut bisa menahan berat satu buah apel, namun peneliti tidak menentukan jenis apel tersebut.

3)      Jumlah bakteri di mulut seseorang sama dengan jumlah orang yang tinggal di Bumi, atau bahkan lebih.

4)      Kuku tanpa tanda putih berbentuk bulan dibagian bawahnya, menandakan adanya tiroid.  

5)      Tidak hanya ada empat jenis darah (A, B, O, AB) yang berbeda seperti yang biasa kita pikirkan, tapi sebenarnya 29!

6)      Selama satu hari saja, darah kita 'berjalan' menempuh jarak 19.312 kilometer.

7)      Panjang total semua saraf di tubuh manusia adalah 75 kilometer

8)      Seorang manusia membuat 20.000 napas per hari

9)      Mata manusia bisa membedakan hingga 10 juta warna berbeda. Tapi otak kita tidak bisa mengingat semuanya. (dikutip dari Color Theory Phenomena)

10)  Telinga kita terus tumbuh sepanjang hidup kita dengan panjang yang hampir tidak dapat dipercaya yaitu, seperempat milimeter per tahun!

11)  Jantung manusia berdetak sebanyak 25 juta kali dalam setahun.

12)  Pria memiliki indera perasa yang lebih rendah dibandingkan dengan wanita

13)  Rata-rata manusia mengonsumsi sekitar 35 ton makanan selama hidupnya.

14)  Ketika kamu bersin, maka kecepatanya mencapai 160km/jam

2. Sian informasion tung gabe sada halongangan do di hita pambahenan ni Debata tu hita jolma. Aha ma na patut sibahenonta tu Debata Ama i ? Ima na niarahon ni parpsalmen on tu hita, asa tatiru Ibana. Molo tajaha sabindu Pslm.104 on, tung dilehon parpslamen on do rohana laho manghalonganghon sude pambahenan ni Debata. Saliuhut do na tinompa ni Debata di parrohahon parpsalmen on. Nang hita pe molo taparrohahon do angka na tinompa ni Debata, Bintang, Bulan, Mata ni Ari, angka dolok, sunge, tao, laut, rura, nang angka pulo, mansai longang do roha. Molo laho pe hita tu tempat wisata sai las do rohanta jala longang situtu pambahenan ni Debata. Gabe sada perenungan di hita di sude na tinompa ni Debata, jala tubu ma roha na mandok mauliate di sudena i.
3. Ido umbahen diarahon parpsalmen on hita: Puji ma Jahowa ale tondingku, marlapatan, ndada holan pamangan na mamuji Debata, manang hoaln ritual parugamoon, manang parsombaon, alai sian tondi do, sian nasa rohanta mamuji pasangap Debata. Disima tapatuduhon parsitutuonta, ndang asal disi, asal adong, asal binahen, asa sian roha parbagasan ma tubu pandohan : “Tung na bolon situtu do Ho ale Jahowa Debatangku (ay.1). Naeng ma sian kesaksianta na marnida hasangapon nang habalgaon ni Debata marhite angka na tinompa. Boi do i songon na nidok BE. No.569: “O Debata tung longang do rohangku, Molo hubereng na tinompaMi, Saluhut bintang, hilap dohot ronggur, Manghatindanghon hasangaponMi, Marende au Tuhan mamuji Ho, O, Debata, sangap do Ho. Marende au Tuhan mamuji Ho O, Debata, sangap do Ho.” Hita na pungu dison pasti do hea bersaksi manghalonganghon saluhut na tinompa ni Debata. Boha ma na deba halak ala ni kesibukan siganup ari pergi pagi pulang malam dalam kesibukan danbisnisnya tidak akan pernah menyadari dan merasakan keajabian, ke MahaAgungan perbuatan Tuhan dalam hidupnya.
4. Sian panindangion ni parpsalmen nang di ngolunta di pabahenan ni Debata, asa lam gomal (semakin tertancap) di rohanta, ia portibi on na ta ingani on ima na tinompa ni Debata jala ugasan ni Debata do on, ndada ugasanta. Holan silehonlehon ni Debata do i tu hita. Ala ni i ingkon lam tangkas ma pangaradotionta, manjaga kelestarian alam.

Chanee Kalaweit memang bukan orang asli Indonesia. Namun, dedikasinya untuk kelestarian satwa dan lingkungan di Indonesia patut diacungi jempol. Pria dengan nama asli Aurelien Francis Brule ini sudah 21 tahun mendedikasikan dirinya untuk mempertahankan kelestarian hutan Indonesia agar bisa menjadi rumah yang nyaman bagi satwa liar yang hidup di dalamnya. Lewat yayasan Kalaweit yang didirikannya, Chanee, begitu ia biasa disapa, terus aktif melakukan rehabilitasi satwa liar yang menjadi korban deforestasi dan praktik perburuan liar. Awalnya, pria kelahiran Fayence, Distrik Var, Perancis Selatan, 38 tahun silam ini datang ke Indonesia pada tahun 1998 untuk menyelamatkan spesies Owa. Tanpa bekal kemampuan berbahasa Indonesia, tahun 1998, Chanee nekat datang ke Kalimantan untuk membangun konservasi satwa liar, khususnya Owa. Hingga hari ini, yayasan yang didirikannya menjadi mitra departemen kehutanan untuk menyelamatkan satwa yang dilindungi. "Yang paling membuat saya sedih, dalam 20 terakhir melihat wajah Kalimantan berubah. Hutan Kalimantan hancur demi industri," ujar dia. Selama 20 tahun lebih berjuang menyelamatkan satwa, Chanee mengaku pernah menghadapi berbagai ancaman, terutama saat ia membuat video mengenai kabut asap yang menyelimuti Kalimantan. "Selama 20 tahun lebih di sini pasti ada konflik dan ancaman, terutama setelah saya bikin video itu. Kalau kita berusaha menyelamatkan sesuatu ada membuat perubahan baik pasti ada musuh. Apalagi, yang ada di hadapan kita perusahaan-perusahaan yang cuma mikir profit," ungkapnya. Namun, rintangan tersebut tak memutuskan langkah Chanee untuk tetap berjuang. Baginya, ancaman-ancaman yang ia dapatkan tak sebanding dengan keberhasilannya melindungi lebih dari 1000 hektare lahan dan hutan di Kalimantan. "Semua keberhasilan ini juga berkat dukungan masyarakat sekitar. Saya tidak akan bisa mendapatkan semua ini tanpa dukungan mereka," ucapnya. Ala ni i tung dohot ma hita manjagahon kelestarian dohot haulion ni na tinompa ni Tuhanta i.

5. Saluhut angka na tinompa i marsigantung tu Debata do (ay.27-29) Holan marhite asi ni roha ni Debata do asa mangolu angka na tinompa i. Tuhan adalah Sang empunya kehidupan , Sang Pemberi kehidupan. Marsigantung tu Tuhan i do hangoluanta, Debata do nampuna partingkian, sian Ibana do hosa hangoluan i. Asa dipaingot do hita unang adong na pajagojagohon; songon anak na mago i do i, na manuntun lomo ni rohana asa bebas sian Debata. Unang adong sian hita anggar jago manghilala na boi hita mangolu jala sonang tanpa Tuhan. Alai dipapos do rohanta ia Tuhan Debatanta i ima Debata na martanggung jawab. Ndada holan na manompa Debata alai bertanggung jawab penuh laho manarihon sude na marngolu. Singkop do portibi on di tompa Debata. Torus do tedek tanganNa mangalehon na ringkot di hita asa butongan hita. Ido ala didok Jesus asa unang taholsohon manang aha. Ai cukup do na pinarade ni Debata di portibi on laho memenuhi kebutuhanta, alai pasti ndang cukup i ianggo laho memenuhi sude keinginanta. Jala ndada holan hangoluan di portibi on na disarihon Debata dohot do nang hangoluan na manongtong i diparade Tuhanta tu hita marhite haheheon ni Tuhan Jesus i, ala ni i unang adong sian hita na holsoan. Na holsoan ima halak na so mananda Debata, jala ima halak na serakah. Keserakahan manusia yang membuat hidupnya menjadi penuh kekuatiran. Ala ni i, holan mangaranap (menantikan) Tuhanta ma hita, pos roham, disarihon do ho.
6. Dipaimbaru Tuanta do rupa ni tano on (ay.30). Saluhut na tinompa i na mangolu ingkon gabe buruk, jala mate do. Alai torus do mangula Tondi parbadia laho paimbaruhon (to renew). Ai tubu do jolma na umposo, nang suansuanan dohot pinahan pe. Dipaimbaru do portibi on sian ari tu ari marhite mataniari na ganup manogot mamboan ari na imbaru, sian taon tu taon marhite angka parbue ni suansuanan, parsorang ni posoposo dohot pinahan. Hira nia marsingkatsorin do sude na tinompa i dibahen Tondi i. Alai ndang olat ni i, di paimbaru do nang roha nijolma i. Dung mardosa jolma i, hamatean dohot hamagoan na ma jambarna. Alai dung hehe Tuhan Jesus jala manaek tu Banuaginjang, disuru Debata ma TondiNa ima Tondi Parbadia laho mangula di roha ni jokma na menawarkan ngolu na imbaru. Ise na olo manjalo ulaon ni Tondi i, ima na olo porsea. Jala halak na porsea i nunga marngolu na imbaru, sian manusia lama gabe manusia baru, na tinompa na imbaru, pewaris hangoluan na manongtong i. Laos Tondi ima paimbaruhon rohana, sian na sai mangihuthon daging na nirajaan ni sibolis gabe mangihuthon Tondi na mangoloi Debata. Jala torus do Debata mangula mambahen haimbaruon. Ido didok di Pangungkapon 21: 5 Ida ma, saluhutna do Hupaimbaru. Ala ni i songon angka na porsea na dipaimbaru Debata marhitehite Jesus Kristus asamangula marhite hagogon ni Tondi Parbadia mamboan pembaharuan, mamboan haulion ni roha, diri, pangalaho, nang mamboan haulion (menjaga kelestarian) alam, lingkungan sekitarna. Amen.