Renungan Malam akhir tahun, 31 Desember 2022

BAGI DIALAH KEMULIAAN SAMPAI SELAMA-LAMANYA

Ev. : Roma 11: 33-36                                      Ep.: 1 Rajaraja 8: 54-61

 

11:33 O, alangkah dalamnya kekayaan, hikmat dan pengetahuan Allah! Sungguh tak terselidiki keputusan-keputusan-Nya dan sungguh tak terselami jalan-jalan-Nya!

11:34 Sebab, siapakah yang mengetahui pikiran Tuhan? Atau siapakah yang pernah menjadi penasihat-Nya?

11:35 Atau siapakah yang pernah memberikan sesuatu kepada-Nya, sehingga Ia harus menggantikannya?

11:36 Sebab segala sesuatu adalah dari Dia, dan oleh Dia, dan kepada Dia: Bagi Dialah kemuliaan sampai selama-lamanya

 

Rasul Paulus merasakan kekagumannnya atas cara Tuhan berkarya yang dia tuangkan dalam tulisannya kepada jemaat Roma. Allah sungguh berkuasa dan berdaulat untuk menyatakan kemurahan- Nya secara penuh kepada seluruh manusia. Paulus merasa takjub dengan kekayaan, hikmat, dan pengetahuan Allah yang menghasilkan karya yang sangat luar biasa indahnya bagi umat manusia. Rancangan dan ketetapan Tuhan Allah begitu mulia dan agung; tidak mampu dipahami, diselidiki dan dijangkau manusia, sulit ditelusuri dan diikuti, sebab segala rancangan dan tindakan-Nya melampaui akal-pikiran manusia. Walaupun manusia selalu berusaha untuk menyelami pikiran Allah, namun tak ada seorang-pun yang dapat mengetahui apa sesungguhnya rencana Allah sebelum semuanya terjadi.

Maka disinilah kita diajak memuji Tuhan, menaikkan doxology kepada Tuhan. Kita menaikkan doksologi atau pujian kepada Allah karena kita mengerti siapa itu Allah kita dan memahami akan rencanaNya yang diwahyuhkan dalam Alkitab. Kita menaikkan doksologi karena kita punya teologi, karena kita mengerti firman Allah dan rencana-Nya dalam kehidupan kita adalah indah (Yer.29:11 Sebab Aku ini mengetahui rancangan-rancangan apa yang ada pada-Ku mengenai kamu, demikianlah firman TUHAN, yaitu rancangan damai sejahtera dan bukan rancangan kecelakaan, untuk memberikan kepadamu hari depan yang penuh harapan.)

 Maka Allah kita adalah Allah yang sangat kaya, karena Dialah pemilik alam semesta ini, Sang Pemilik Kehidupan. Jika Allah kita adalah Allah yang berkuasa atas alam semesta, bagaimana mungkin orang dapat memegahkan diri bahwa ia sudah pernah memberikan sesuatu kepada Allah, sehingga Allah harus menggantikannya? Seringkali kita salah memahami Tuhan; kita “suka” menyogok Tuhan dengan persembahan kita, perpuluhan kita, dan lain sebagainya. Kita memberikan persembahan karena kita ingin Tuhan memberkati kita. Padahal andaikata kita tidak memberikan persembahan, apakah Tuhan akan berkekurangan? Tentu tidak, namun Allah sangat mengasihi kita sehingga ia membagikan prinsip Tuhan yaitu prinsip tabur tuai, sehingga ketika kita menabur di dalam Tuhan, maka kita akan menuai juga di dalam Tuhan. Ini adalah anugerah Tuhan yang diberikan khusus kepada kita, orang-orang percaya di dalam Tuhan dan tidak dimengerti oleh orang lain di luar Tuhan.

Masihkah kita memegahkan diri kita ketika Tuhan memberikan berkat kepada kita, atau ketika kita diberi kesempatan untuk melayani Tuhan? Kitab Suci memberikan kesimpulan yang luar biasa dalam ayat 36, yaitu “Segala sesuatu adalah dari Dia, dan oleh Dia, dan kepada Dia: Bagi Dialah kemuliaan sampai selama-lamanya”. Ini adalah prinsip yang harus kita miliki dalam hidup kita. Tuhanlah prioritas kita, segala hal yang kita alami, baik atau buruk, kita harus gunakan untuk memuliakan nama Tuhan. Janganlah jauhkan hidup dan tujuan kita dari Tuhan.

 Bila Allah kita memiliki jalan pikiran yang jauh dari kita, jadi janganlah heran bila banyak pertanyaan yang ada di dalam benak kita. Misalnya pertanyaan mengapa masalah dan persoalan menimpa kita. Mengapa Allah yang baik mengizinkan ada masalah dan ketidakadilan. Kita manusia ciptaan Tuhan seringkali berusaha untuk mengerti pikiran Allah. Dan anehnya kita seringkali merasa lebih pintar dari Tuhan. Kita merasa bahwa kita lebih cerdas dari Dia. Betapa bodohnya manusia yang merasa seperti demikian!

 Pada sebuah pertandingan atau perlombaan olahraga, kita sering menyaksikan atlet yang berhasil maupun yang gagal memperoleh medali. Seringkali mereka yang menang dan memperoleh medali emas tampak begitu bahagia dan bangga atas prestasi yang mereka peroleh. Namun, yang lebih membanggakan, beberapa diantara mereka banyak yang terbuka menyatakan puji syukur dan apresiasi yang begitu indah kepada Tuhan di tengah arena publik. Mereka dapat melihat dan menyadari bahwa bakat dan pencapaian yang mereka raih adalah anugerah pemberian dari Tuhan. Tidak sedikit yang ketika diwawancara mencetuskan rasa syukur kepada Tuhan atas bakat yang mereka miliki dan atas keberhasilan yang mereka raih. Kita perlu belajar dari mereka bahwa dalam keberhasilan, mereka tidak lupa bahwa itu semua bukan karena diri mereka sendiri.

sadari bahwa bisa dipakai sebagai perabot emas Tuhan untuk melakukan perkara-perkara besar dan menyatakan kemuliaan-Nya, semua tidak lepas dari anugerah Tuhan. Jangan lepaskan perasaan kagum kita kepada Tuhan, bagaimana Tuhan membentuk dan memperlengkapi kita sejak kita lahir. Kita yang dahulu tidak berdaya, tidak sanggup, tidak mampu, sekarang telah dimampukan. Kita dimampukan melewati satu tahun 2022 ini entah dengan keberhasilan dan kegagalan, namun semuanya tidak lepas dari penyertaan Tuhan. Semua bukan karena kekuatan kita sendiri. Jangan sampai di tengah keberhasilan dan kesuksesan kita, kita merasa hebat dan punya segalanya. Kembalikanlah segala keberhasilan kita, kesuksesan kita, hanya untuk kemuliaan Tuhan hiangga kita akan melewati tahun 2022 ini menuju tahun yang baru tahun 2023. Bagi Dialah kemuliaan sampai selama-lamanya. Amin.

Jamita Natal - II, 26 Desember 2022

NUNGA PATAR ASI NI ROHA NI DEBATA

KASIH KARUNIA ALLAH TELAH NYATA

Titus 2: 11 – 15

 

A. Hatorangan

1.      Ia turpukta on na laho pahothon haporseaonta, ia haluaon na binoan ni Jesus Kristus naung patar di hita jolma, jala nung marsinondang haluaon i di angka na porsea. Ia Barita Nauli i naeng manirai parsaoran ni ngolu hajolmaon. Barita Nauli i manirai parsaoran ditonga keluarga, ditonga parkarejoan, ditonga msayarakat.

2.      Sian turpuk naeng do dipatorang nang diapoi Ap.Paulus ia Barita Haluaon i naung patar dibagasan Jesus Kristus na paubahon nang mentransformasi parngoluon ni jolma na tarida sian pangalaho nang parsaoranna dohot donganna jolma. Sian parange nang gaya hidup ni halak naung manjaanghon Barita Nauli i di parsaoran siganup ari na hinalomohon ni Debata. Barita Haluaon i na sian holong ni Debata na paluahon jolma sian dosa nang hamatean tu asi ni roha nang hangoluan.

 

B. Hatorangan: Na gabe sungkunsungkun di hita. Aha do asi ni roha na gabe halomoanta ? Ima:

                                i.            Debata na paluahon hita jolma (ay.11). naung dipatuduhon hian do sian najolo tu bangso Israel na dipalua sian parhatobanon Misir, laos dohot do paluahon nasida sian gomgoman ni angka bangso na asing, dungi paulakhon nasida sian habuangan. Dipatupa Debata do marhite Jesus Kristus haluaon ima angka halongangan di bangso Israel; angka na huliton dipamalum, angka na mapitung gabe marnida, paluahon boruboru na marmainan sian uhuman. Alai haluaon i ndada holan tu bangso i manang tu halak Jahudi, alai dohot do tu angka bangso nang tu hita nuaeng on di angka na manjanghon dohot na porsea di Jesus Kristus i.

                              ii.            Marhite asi ni roha ni Debata laho mangajari hita asa manadinghon hajahaton nang angka hagiot ni portibi on na laho manegai hita jolma (ay.12). Asi ni roha ni Debata ndang paloashon hita marlomolomo dibagasan ngolu on, alai sabalikna manogunogu hita do asa mangolu hombar tu habadiaon ni Debata, na boi mangarajai dirina sian angka pengaruh ni portibi on. Diajari Debata do hita asa marbisuk mamereng angka na masa di hasiangan on, jala disok do hita asa unang sarombang dohot portibi on. Debata do na gabe guru di hita, mangelehon dalan, petunjuk, nanaeng siulahononhon marhite patik nang Hata ni Debata. Ala ni i halak na porsea i ndang sai patujolohon sangkap, pikiran, nang roharohana, alai boha do Tondi ni Debata mamangkulingi, jala mangajari ibana marpangalaho hombar tu lomo ni rohaNa. Adong ma dua na nimaksudna laho mangajari hita ima:

a)      Asa tatadinghon hajahaton nang dosa, tatadinghon jala taundalhon angka sangkap ni portibi on na laho manegai hita, patujolohon ma dia do sangkap nang lomo ni roha ni Debata.

b)      Patupahon hasintongan nang hatigoran na sian Debata. Dison ma tujuan ni halak na porsea i mangolu laho mangulahon lomo ni roha ni Debata. Patupahon hasintongan nang hatigoran. Mangolu dibagasan habisuhon ni Debata mamboan hita laho patupahon hasintongan nang hatigoran na marbisuk. Jala adong gogonya asa mangolu dibagasan hasintongan i.Molo botulbotul do hita patupahon i jala mangolu dibagasan asi roha haluaon na sian Debata dapot hita ma angka hamonangan manaluhon angka dosa nang hamaolonta. Dapot hita ma huaso sian Ibana na boi pamonanghon hita manaluhon huaso haholomon nang hajahaton.

iii. Asi ni roha ni Debata dipatuduhon marhite na mamelehon Anakna na sasada i tu hita gabe haluaonta sian hajahaton, dosa nang sibolis. Laho pabadiahon hita, patamahon gabe sada bangso na badia partohap HarajaonNa i laho mangingani HarajaonNa na saleleng ni  lelengna (ay.14). Marhite asi ni roha ni Debata i na naung sahat tu hita i laho paubahon ngolunta. Najolo hita sai dibagasan gomgoman ni sibolis i, alau nunga dibuat Debata hita jala dipalua asa masuk hita tu bagasan gomgoman asi ni rohaNa hita nampuna ni Debata. Ai ditompa Debata pe hita asa laho di Ibana do hita patupahon ulaon na denggan hombar tu lomo ni rohaNa .

  

C. Sipahusorhusoron

 1)      Sian turpuk manghatindanghon tu hita halak na porsea, asi ni roha ni Debata na paluahon hita naung tangkas sorang ditongatonganta Ima Jesus Kristus i. Manjanghon sipalua i dibagasan Jesus Kristus ima na mangolu dibagasan asi ni roha ni Debata. Angka na mangolu dibagasan asi ni roha ima na manghamauliatehon Asi ni roha ni Debata na paluahon hita jala manjanghon angka pasupasu Banuaginjang naung oatar dibagasan ngolunta marhite parange, pangalaho, pambahenan na tama hombar tu HataNa.

2)      Halak na mangolu dibagsan Asi ni roha ni Debata patar sian parsaoranna na rosu dohot Debata marhite parsaoranna dohjot dongan jolma. Mardenggan pambahenan, pangalaho tu ganup jolma, nang pe sipata sai adong be do na mambahen jut roha, kecewa, alai panatapan ni angka na porsea ndang holan haportibion na gumodang alai manatap tu asi ni roha ni Debata na godang i. Jala ndang boi tabandinghon na di portibion dohot hamuliaon na naeng sipapataranNa tu hita dohot na naeng jaloonta na di Banuaginjang i. Pertarungan kita adalah panggung dunia yang penuh goda dan cobaan serta ujian, sai mangou ma asi ni roha ni Debata marhite Jesus Kristus dibagasan ngolunta marhite na olo hita pasidohot marasini roha tu angka na dangol, angka na pogos, na so mardihadiha. Moment perayaan natal adalah juga perayaan kasih karunia Tuhan dengan solidaritas yang terbangun dalam aksi peduli terhadap sesama. Aksi sosial kiranya selalu terlaksana bukan hanya pada moment Natal tapi juga dalam setiap moment kehidupan orang percaya. Selamat Natal. Amen.

Jamita Natal - I, 25 Desember 2022

GABE DAGING MA HATA I

FIRMAN TELAH MENJADI MANUSIA

Yohanes 1: 1  – 14

 

1)      Pandohan “Hata” dison ima sian hata Gorik “logos” na marlapatan “Kata” asa boi ma dohonon dilapati “Hata” manang “parhataan”, alai songon pangantusion parbinoto na mandok hajongjonganna. Dibagasan hajongjongan i adong hangoluan jala hangoluan i ma panondang (ay.4). Hajongjongan na manghamham hangoluan dohot hatiuron na mangatasi haholomon. Dipatiur do na holom i alai haholomon i ndang boi mangatasi hatiuron i (ay.5). Panurat Buku Johannes naeng patoranghon tu panjahana di najolo i taringot tu hajongjongan ni Jesus Kristus na sian ginjang haroroanNa. Asa dipangke ma istilah na secara filsafat na boi antusan ni torop jolma hatiha i. Molo disungkun hita uju metmet dope, sai tadokdo angka songon jolma na marpangkat, manang na gabe laam umbalga sian donganna sahuta. Sude do hita jolma naeng do lam mamora, lam sangap, jala hormat, lam tu maduma, lam tarbarita, lam marhuaso, lam jaya (songon angka goar ni usaha, manang cv na nuaeng on). Lam bahat do angka sintasinta manang keinginan ni jolma na lobi maju sian angka dongan jolma. Dapot roha do i di hajolmaon on, manang ise pe boi do sukses ibana, sai taulahon ma dohot jujur jala denggan angka na pinarsinta ni rohanta molo lomo rohanta.

 

2)      Didok si Johannes do muse ia Jesus ima “Panondang portibi on” (9-10). Ditulak portibi on do panondang i marhite angka haholomon. Alai haholomon i ndang mampu manaluhonsa. Sai songon naeng dipadomu si Johanes do barita panompaon i di Buku 1 Musa. Ia ditompa Debata ma hatiuron i na jumolo laho manghophop haholomon i. Ia Debata i sai dilapati do na dao sian hita, alai dung gabe jolma Debata i gabe lam jumonok ma dohot manisia. Sada panindangion taringot inkarnasi ni Debata dibagasan diri ni Jesus. Na ro do Debata i gabe jolma dibagasan diri ni Jesus. Asa lam jonok ma Hata i, nunga maringan ditongatonganta Ibana tudos songon hita jolma. Na nidokNa pe mansai mura antusan siala dipangke Debata do bahasa ni jolma.

3)      Alai sian tongatonga ni halak na porseai na manghatindanghon dirina songon siihuthon Kristus nunga lam godang na gabe muba rohana, ditadinghon Tuhan Jesus i. Godang do halak Kristen na manadinghon ugamo na manang Tuhanta Jesus i. Halak na mandao rohana ima si pargabus, halak Kristen alai disoadahon do ia Jesus ima Kristus i.     Halak na murtad i ma goaron si Pargabus, na mandok dirina halak Kristen alai disoadahon do ia Jesus ima Kristus i. Halak sisongon i ma na ginoaran anti Kristus na manoadahon Ama dohot Anak.

4)   Panindangion ia Debata na gabe jolma dibagsan Jesus ima saratus persen jolma. Ibana do Jesus Kristus, botoon jala hilalaonNa do panaritaan ni jolma i. DihilalaonNa do na mauas, na male, na mangandungi, na muruk dohot lan na asing, alai ndang na gabe mago hamuliaonNa i songon Anak ni Debata jala ndang martihas dohot mardosa Ibana.  Dibaritahon Bbibelta i do ia Debata na patuduhon hamuliaonNa dibagasan Jesus Kristus, ima marhite:

a)   Tung soadong do jolma na boi marnida Debata secara fisik. Holan marhite Jesus i do na boi idaonta Debata. Dibahen Debata do DiriNa asa ditanda marhitehite Jesus (gabe daging ma Hata i-Firman telah menjadi daging).

b)      Ia Jesus Kristus sian pardompahan ni Debata na boi berengon ni mata, na boi begeon ni sipareon, jala na boi dais dohot fisik. Naung dipatuduhon Debata diriNa dibagasan Jesus Kristus. Haporseaon nang panindangionta di Jesus Kristus sian Hata ni Debata na gabe bonsir ni hasintongan ni Tuhanta ima Jesus Kristus. Laos songon i ma panindangion dohot haporseaon ni hita di Jesus Kristus ima Hata i na gabe bona ni hatigoran na sian Tuhanta Jesus Kristus.

c)  Laos songon i ma panindangion ni angka sisean ni Jesus taringot tu hamuliaonNa i umbahen nasida naung marnida hasangaponNa na dibasabasahon Debata tu Jesus songon “AnakNa na sasada ni Ama i” na mangalehon hosaNa tu jolma songon Sipalua na mangolu. Asa sian i ma patuduhon ia Jesus na sintong do haroroanNa sian Debata jala marhite jamitaNa na gok bisuk nang angka halongangan na gabe dalan panindangionNa tu angka siseanNa asa disurathon ma “Naung taida do hamuliaonNa i”. Hita pe naung mamereng hajongjongan ni Jesus i na papatarhon Debata dibagasan diriNa, na dibereng sian lomo ni rohaNa, holongNa dohot pambahenanNa na patuduhon Debata.

d) Asa molo naeng antusanta, asa jumolo ma hantus di hita taringot “inkarnasi”. Jesus Kristus ima Debata na gabe jolma, na ro do Ibana songon sitotas nambur ni hangoluan dohot hatiuron. Na ro do Ibana tu portibi on laho paulakhon portibi on tu hatiuron. Adong do na manulak Ibana ala naung sanga leleng mangolu dihaholomon. Alai adong do na manjanghon Ibana na ginoaran angka anak ni Debata (John1:12).

Asa molo tapestahon parningotan hatutubu ni Jesus, manang Natal iam na mangondolhon tu

hita songon angka siihuthon Kristis ima angka anak ni Debata. Alai ndung salpu natal, naeng

tongtong hot hita songon siboan hangoluan nang hatiuron. Molo taulahon na maralo tusi, na

marlapatan na so taparsangapi hajolmaon ni Debata. Ia Hata i i ma Debata, na gabe jolma.

Na dao hian do Debata i alai marhite inkarnasiNa dibagasan Jesus gabe jonok ma Ibana tu

hita. Ibana ma hatiuron na manondangi hagolapon ni portibi on. Mangolu ma hita laho

manjalahi dirinta asa mangolu laho patureture dirinta. Naung daging do Hata i, jala Hata i

tahangoluhon, taparhadaginghon asa lam malo hita pasumansuman lomo dohot sangkap ni

roha ni Debata marhite na mangulahon hataNa nang patikna i. Amen.

Jamita Parpunguan Bodari, 24 Desember 2022 - Malam Natal

Nunga Tubu Raja ni Hadameon

RAJA DAMAI TELAH LAHIR

(Mikha 5: 1 – 4)

 

Ia panurirang Mikha na marbagabagahon sahalak partogi na naeng ro sian Bethlehem, Ibana ma na manggohi ssaluhut padan ni Debata tu bangsoNa. Ia turpukta on marhahonaan tu Jesus Kristus ima Mesias i na marharoroan sian najolo. Ibana sorang songon jolma, Ibana ma Tuhan jala Sipalua hita, goarna ma Tuhan Jesus Kristus.

Ia Bethlehem Efrata, sada kota na metmte di Juda, daona hurang lobi 9km sian Jerusalem inbu kota ni harajaon Juda. Bethlehem ima kota na metmet sian angka kota na asing di Juda tingki i, ala hurang diparrohahon jala dang dapot etongon sian politik, sosial-ekonomi nang parugamaon.

Alai gabe sian dalan na holom di kta Betlehem na metmte i, marsinondang ma panondang. Sian Kota na metmte i sorang ma partogi na bolon, sahalak Raja na mangatasi huaso ni saluhut parhuaso di portibi on. Hape Bethlehem kota na metmte i gabe pusat ni pamerengon ni sude jolma, ala sian i ma bangkit sahalak partogi na bolon i. Sian Bethlehem na metmet i, dibahen Debata sada sejarah na bolon. Ido ala na sian panurriang Mikha di turpuk on paingothon tu hita, ia pesta natal on di hita ima:

1)      Ia kota Bethlehem na metmte i sasintongna naung adong dibagasan sangkap ni Debata. Disi do si Rahel mate, ompung ni si Daud ima si Rut maringan disi, Raja Daud sorang disi, jala Jesus Kristus pe sorang disi. Berengon do so apala ringkot, ndang mararti, ndang pola diparetonghon ni panatapan ni jolma alai gabe mararti do dibahen Debata, jala gabe mual ni las ni roha nang hadameon.

2)      Bethlehem ima koa na metmet, goarna Bethlehem na marlapatan: Rumah Roti, nang pe metmet alai gbe pasupasu bolon. Ngolunta on pe naeng gabe pasupasu tu saluhut jolma. Mamestahon natal ndang holan pesta godang sipanganon dohot minuman, dungi adong pahean na imbaru nang dekorasi na bagak. Alai mamestahon natal ima masilehonlehon nang marlas ni roha tu saluhut jolma.

3)      Di Bethlehem kota na metmet i ma sorang Kristus. Posoposo anak ni Natal i sorang laho gabe manarita jala mate. Peak do di panggagatan na di Bethlehem i, gabe sitotas nambur tu hau pinarsilang di Golgata. Posoposo na di Bethlehem i ima hajolmaon ni Debata na manarita. Jadi dibagasan las ni roha na marnatal on, naeng ma hita marningot laho mamestahon i dibagasan haserepon, kesederhanaan, ndang marpesta pora hita disi. Tapestahon ma natal  na sederhana dohot roha na hohom sian kesibukan, sian angka parsualon ni portibi on, sian hamaolon. Unang songon na asing dirayahon dohot angka petasan, keributan, mabuk minuman, kegaduhan na ma na masa bahkan pola gabe adong korban. Marsiajar ma hhita sian Bethlehem na metmet i, pametmet ma egomu jala paserep ma roham, siala tung metmet pe hita jolma on, alai dihaholongi Debata hita.

4)      Habalgoan i ndang na songon na nietong portibi on manang na di roha ni toropan ni jolma, alai hombar do tu sangkap dohot lomo ni roha ni Debata i sandiri. Naeng ma hita porsea, ia ngolunta on, metmet manang balga, tongtong do dibagasan pangaramotion asi ni roha ni Kristus sahat tu na mamongoti taon na imbaru nanaeng sibolusonta.

Tarimangrimangi ma hasosorang ni Tuhan  Jesus Kristus i di portibi on. Dipesta natal borngin on naeng ma tubu di roha laho marende ende, marpuisi, mardeklamasi mandok mauliate, mamujimuji Tuhan i. Asa disi ma rohanta lobi sian ari na asing i, gok las ni roha nang olopolop ma rohanta ala nunga tubu Raja ni hadameon i. Amen.

Jamita Minggu Advent IV – 18 Desember 2022

“Tomu Ma Ibana Na Pinarbaga Ni Jahowa”

Sambutlah Dia Yang Dijanjikan Allah  

 

& Ev: Rom 1: 1 – 7                                  & Ep: Jesaya 7: 10– 16                      

 

A.      Patujolo

Ia Buku Rom ima na ginurithon Ap.Paulus hirahira taon 57. Saleleng pardalanan ni panghobasionna, laos so he aodpe ibana mambongoti huria di Rom Holan satongkin do ibana mamasuhi kota Roma (Ul.AP.23:11-22), dungi humusor ma muse iaban tu Kaisarea (Ul.Ap.23:33-35). Ia kota Rom ima ibu kota di harajaon na mabatas sian inggris dahat tu Arab, sada kota na mansai mora jala pusat pamarenta nang pardagangan ni dunia na mansai tarbarita uju i. Harajaon di Roma mansai dame jala makmur. Ia ruas ni huria di Rom na mabaor dohot bangso Jahudi nang angka bangso na asing na marbonsir sian boni pamaritaon na dipatupa Ap.Petrus di ari Pentakosta (Ul.Ap.2:10), uju i angka paisolat na ro sian Rom jala marpungu di Jersualem. Ia Buku Rom na marisihon angka pangajarion na mansai ringkot na pinatupa AP.Paulus. Dungkon digurithon surat on hira taon 64, masa ma pangaleleion bolon na sian Kesar Nero na mambahen tuduhon palsu tu angka halak Kristen uju i na mambahen hagoran Kota Roma, hape Kesar Nero do na manutung kota i. Dibahen Kesar Nero sisongon i ala sogo rohana marnida halak Kristen jala dibereng do nasida penentang ni kesar ala ndang olo manomba kesar songon Tuhan dinasida.

 

B. Hatorangan

1)      Ayat 1: Hata “naposo”/ hamba ima na patuduhon diri ni si Paulus na dijou gabe apostel. Naposo/hamba sian hata Gorik : “doulos” lapatanna hatoban (budak). Pandohan hatoban na patuduhon ulaon na tumoru, ala sahalak hatoban inglkon manghobasi tuanna. Adong tolu pangantusion sian Padan Na robi taringot tu doulos (hatoban/hamba/naposo)

Ø  Ia di Padan na Robi sahalak hatoban ima na tinuhor (1 Musa 43;18 angka hahaanggi ni si Josep na mananda dirina diadopan ni si Josep, ai nunga mago hak nasida songon hatoban nang arta nasida pe, na boi buaton tuan nasida jala boi manuhor hatoban i). Ia Ap.paulus manghilalahon dirina songon hatoban ni Kristus siala Kristus naung manuhor dirina marhite mudarNa jala manesa angka dosana. Pandohan naposo /hamba ima na gabe singotsingot dihita angka naunga tinobus mudar ni Kristus na gabe shatoban ni Kristus. Molo gabe hatobanNa hita, ndang adong na boi sipertahanonta songon milikta, alai sabalikna ingkon pasahatnonta do saluhutna na adong dihita tu Ibana songon Tuan jala Tuhan (Kurios) dibagasan ngolunta (12:1-2; 1 Ptr.3:15).

Ø  Napaduahon di Padan na Robi sahalk hatoban ima na mamuji Tuhan Debata. Dipaboa di Psalmen 119: 49, ia hatoban/napsoo na dihonahon tu sahalak na marningot dohot na mangkirim di angka HataNa. Dung i molo tajaha di Jesaya 56:6, sahalak hatoban ima na marpardomuan tu halak na maniop padan ni Debata. Hombar tusi ia Ap.Paulus ima halak na sai nunut mamuji Tuhan Debata, jala digoari ma ibana naposo ni Debata. Hita angka naposo ni Kristus ndada na holan sidok mauliate di asini roha Na na manobus hita, alai na rade mangoloi Hata nang patikNa jala na olo mandok Ndang tu dosa.

Ø  Napatoluhon taringot tu hatoban /naposo di Padan na Robi ima halak na marsitutu manghobasi halak na asing ( 1 Musa 24:2, 10, 17, 34-67). Sian i boi berengonta naposo ni si Abraham na manghobasi si Abraham dohot si Ishak dohot denggan, jala naposona i mangido tanda sian Tuhan laho patuduhon dongan saripe na tama tu si Ishak, tuanna i. Suang songon i maolo tajaha di  1 Raja 19; 19-21, dipaboa taringot tu si Elisa songon naposo ni si Elia na marsitutu manghobasi si Elia, panurirang ni Debata. Marhite i Ap.Paulus na marsitutu manghobasi Tuhan i dibagasan ngoluna ima Kristus i sandiri, asa tung manang aha pe na ni parentahon Kristus, na gabe pangoloi do si Paulus disi. Laos songon i do hita angka siihuthon Kristus ima angka naposoNa na wajib maggarar arganta dibagasan Kristus (Mat.16:24). Asa marsitutu hita mamaritahon Barita na Uli ni Kristus tu saluhut jolma hombar tu na tinonahonNa (Mat.28:19-20).

Dibagasan ayat 1 on ndada holan naposo ni Kristus ia si Paulus alai dijou gabe apostel. Hata ‘dijou” di Hata Gorik “Kletos” na marlapatan ditodo (dihunjuk-appointed) secara khsusu. Jala hata apostel/rasul sian hata Gorik “apostolos” na marlapatan delegasi manang duta injil, manang utusan. Dison ma Ap.Paulus manggoari dirina songon naposo ni Kristus, jala ibana apostelNa na gabe utusan ni Kristus manang duta injil songon pondasi ni huria (Ef.2:20). Molo najolo si Paulus margoar si Saulus, ima sahalak hatoban ni dosa, ala ni i ibana dohot hita pe rup na hona jorat manang tarihot dosa, jala ndang adong na boi paluahon hita sian jorat i, ia molo so holan Kristus. Parjumpangan ni si Saulus dohot Kristus dipardalananna tu Damsyik (Ul.Ap.9: 3-9) mambuhai dohot paluahon ibana sian jorat ni dosa, jala diganti ma goarna gabe si Paulus (na metmet), na gabe hatoban ni hatigoran  nang hasintongan ima Jesus Kristus i. Na gabe pangoloi do si Paulus jala rade agoan hosa holan ala ni Kristus dohot Barita nauliNa i. Laos songon i do hita uju gabe hatoban ni dosa hita nunga dipalua marhite mudar ni Anak ni birubiruni Debata, jala hita naueng ndang na gab hatoban ni manang ise, alai gabe hatoban ni Kristus, naposoNa, alapatanna na hobas do hita manghobasi Ibana sleleng ni lelengna, jala satia tu Ibana dohot HataNa. Gabe pangoloi tu Ibana dohot HataNa, jala rade agoan hosa holan ala Ibana. Na gabe pangoloi do Ap.Paulus so pola tarbarita pe goarna najolo uju gabe sisean ni si Gamaliel ibana. Saluhut najolo idihilalaibana gabe paruntungan, alai nuaeng gabe harugian do hape di ibana, ala panandaonna di Kristus na lobi ummarga sian manang aha pe (Pil.3:8-9), ima harohaon ni naposo ni Kristus.

2)      Ayat 2-4: dison na langsung do AP.Paulus manaithon Barita na Uli dohot panurirangon di Padan na Robi (1 Musa 3:15). Ia pamusatan sude Barita na Uli ima Jesus Kristus na sorang sian hajolmaon dohot ha-Debataon (ay.3-4, ima; Taringot tu Anakna Jesus Kristus, Tuhanta i, na tubu sian pomparan ni si Daud, ia dagingna. Naung gabe tandap Anak ni Debata na marhagogoon mangkihuthon Tondi na badia, dung hehe Ibana sian hamatean). Kristus na mardaginng manisia, na terbutki Ibana sian pinompar ni si Daud (amt.1:1-17), jala Kristus i pe na sian Debata, na terbutki na hehe do Ibana sian hamatean laho manaluhon huaso ni dosa, sibolis nang hamatean. Dibagasan ayat 3-4 on dipatorang si Paulus konsep padua mula ni Kristus  dohot tangkas. Ia Barita na Uli ima Kristus i. Ganup Barita na so mamaritahon taringot tu Kristus ima barita gapgap (Gal.1:6-10). Molo taparrohahon na masa di haKristenon di partingkian on, ia impola ni Barita na Uli i nunga morot sian ulaon ni Kristus na manobus dosa gabe dua horoang na ringkot ima Barita hahhipason dohot hadumaon na mangharingktohon halongangan di hahipason dohot pandengganhon perekonomian siala panobusion ni Kristus. Di sisi na asing ima barita na Uli sosial na manawarhon ia Kristus ima na paluahon saluhut manisia sian boban ni panaritaan dohot haporsuhon ni portibi on (na manulak ulaon panobusion ni Kristus na manesa dosa). Mamaritahon barita na Uli ima na marpamusatan di Kristus ingkon dipatupa marhite na so mardia imbar tu manang ise pe, songon Kristus na manghaholongi saluhut jolma na so mardia imbar. Lapatanna, ingkon baritahononhon do Barita na Uli tu saluhut jolma mandok ia sasada Jesus Kristus na gabe Sipalua portibi on, jala mamboan hita asa lam porsea jala gabe pangoloi di Ibana. Pamaritaon na sintong dohot na martanggungjawab ima na holan marpusat di Kristus (Christosentris), jala na manogunogu tu kristus. Pamaritaon na holan mangajar taringot tu Kristus, alai ndang manogunogu tu kristus, na gabe pamaritaon na marisuang. Lapatanna, pamaritaon i holan hata manang teori na so di parsiranguthon manang mambuat haputusan Kristus na gabe Tuhan dibagasan ngoluna siganup ari. On ma nigoaran pangoloi tu goarNa, songon respon ni haporseaon tu Kristus. Hata mamngoloi di hata Gorik di dok “hupoke” lapatanna haunduhon manang sipangoloi. Halak na mangoloi ima halak na unduk tu parentaNa. Dison ma dipatuduhon pasahathon diri total tu Debata na sasada i na ingkon sihaposan nang dihaporseao na so pola sala be jala tu HataNa, Buku na Badia songon pondasi ni haporseaon ni halak Kristen.

3)      Ayat 6 – 7: dison Ap.Paulus langsung patuduhon huria na di Rom songon halak na sian saluhut bangso na jinou Debata gabe nampuna ni Kristus songon tu si Paulus. Hita angka anak ni Debata pe dipillit jala dijou Debata andorang so dijadihon portibi on (Rom 8: 29-30), laho diain gabe nampuna ni Kristus jala hita diparbadia i (manang gabe halak na badia-ay.7a), asa sarupa dohot gombaran ni Kristus, Anak ni Debata. Ala naung dituhor jala argana nunga salose marhite panaonon ni Kristus. 1 Korintus 6:20 = “Ai arga do hamu ditobus: Dibahen i pasangap hamu ma Debata marhitehite dagingmuna dohot marhitehite tondimuna; ai Debata do nampuna i.”

3)Boi do halak mangalapati taringot tu hatoban i ma na tarihot, alai Ap.Paulus mandok na marasing, ia hatoban na jinou Debata ima halak na bebas, jala diuduti muse molo tung pe bebas sahalak hatoban i alai nampuna ni Tuhan i do ibana. Lapatanna nang pe hita angka anak ni Tuhan i ima angka hatoban ni Debata na naung dipalua sian dosa, alaihot do naisda nampuna ni Tuhan i na wajib jala ingkon paundunghon diri ndada tu jolma alai tu Debata. Ingkon sipangoloi do hita laho pararathon Barita na Uli i songon respon ta na torus manorus songon hatoban ni Kristus na naung tinobus ni mudarNa. Dungi diujung ni ayat 7 i, dilehon Ap.Paulus do pasupasu na songon gabungan ni hasomalan ni halak Jahudi dohot Junani. Pasupasu on ima sada tabe sian apostel tu huriana di Rom na so hea bongotanna. Pandohan tabe nang parhorasan on gabe sada bukti nahilalahon ni AP.Paulus tu huria di Rom.

 

C. Sipahusorhusoron

1)      Na tarjou do hita gabe siboan Barita na Uli. Di Matius 28;19-20 tangkas do parsuruon ni Jesus tu angla siseanna nang tu hita na mandok: “Laho ma hamu, podai hamu ma saluhut bangso, didi hamu ma nasida tubagasan Goar ni Ama. Anak dohot Tondi Parbadia! Laos ajari hamu ma nasida mangaradoti nasa hata naung hupatikkon tu hamu. Ai ida ma, sai na dongananku do hamu ganup ari, rasirasa ro ajal ni hasiangan on.” Boasa hita laho gabe suruan ni Debata ? ima na parjolo: ala dihaholongi Debata hita. Molo soala ni holongh ni Debata tu hita na mardosa on, sai dibagasan rimasNa do hita ala ni dosa i. Alai siala asi dohot holong ni rohaNa na balga i tu hita, pola do dilehon AnakNa na sasadai bahen haluaon di hita (Joh.3:16). Napaduahon, ala naung dijou hita. Haluaon ni Debata naung patar dibagasan ngolunta uju dijou hita gabe anakhonNa. Ndada siala na ro hita ti Debata alai ala panjouonNa  asa boi hita ro tu Ibana. Siala holong nang panjouonNaima hita gabe angka nabadia. Songon na marroha hita di asi dohot holong ni Debata i, rade ma hita manarihon dongan marhite pasupasu partondion i tu angka jolma na so porsea dope tu Kristus, asa lam torop bilangan ni na porsea jala pangoloi dii Ibana. Unang ma hita gabe halak na egois, na holan sari di dirina sandiri. Pasarhon ma barita las ni roha i tu torop jolma. Panjouon ni Tuhan Jesus i na marsintuhu situtu. Uju pangoloi hita di PanjouonNa, las ni roha bolon ma na tajalo dibagasan golunta.

2)      Natarjjou do hita asa gabe sagombaran dohot Kristus, ai Kristus do na parjolo di hita asa hita ma na mangihuthon bogasNa i. Dipasahat Tuhan Jesus do tu hita tiruan na tingkos i. Asa ganup na porsea ingkon marguru sian Ibana. Marsiajar hita diserep ni rohaNa: “Atik pe rupa ni Debata di Ibana, ndada songon na nidobo dirajumi rohana tudosna i tu Debata. Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana (Pil.2:6-7). Na ro do Tuhanta Jesus i ndada laho dioloi Ibana baliksa gabe pangoloi (ptds. Mat.20:26b-27). Sahalak naposo lapatanna na olo mangoloi, ndada asa dioloi. Asa gabe sarupa nang sagombaran dohot Kristus, naeng ma hita torus marsiajar sian haoloonNa tu sangkap ni Debata. Sipangoloi do Kristus di Debata Ama i, mangulahon lomo ni rohaNa sahat tu na agoan hosa di hau pinarsilang i. Nang pe lea dibereng, direhei jala dipatutoru jolma, alai ndang dibalsohon Ibana i, baliksa ditangianghon do nasida i.

3)      Minggu on naung masuhanta ma minggu Advent na pa opathon, tema na mandok: “Tomu Ma Ibana Na Pinarbaga Ni Jahowa”. Halak na tama manomu haroro ni Jesus Kristus i, ima na rade rohana gabe pangoloi di sangkap nang Hata ni Debata. Marguru tu lomo ni roha ni Ama i marhitehite HataNa nang PatikNa.  Manomu Kristus i, ingkon tama ma ibana tongtong marsiajar dihaserepon ni roha, ndada ginjang ni roha na sipangasahonon. Unduk dohot serep ni roha gabe ciri khas ni halak na olo manomu Kristus i. Halak na satia manomunomu haroro ni Kristus sai hot ma hasationna i jala unang mubauba. Ai portibi on boi do paubahon hasatiaonta molo sai olo hita diela, digunturi, dipalindaklindak sibolis i. Alai maulitae ma di Tuhanta i na sai tongtong satia mandongani hita asa malua hita sian hamolon nang hasusaan nang hagangguon i. Selamat Advent. Amen.

Jamita Minggu Advent III – 11 Desember 2022

“Marolopolop Manomu Tuhan i”

Bersukacita Menantikan Tuhan

  

& Ev:  Yesaya 12: 1 - 6               & Ep: Pilippi 2 : 12 - 18                      

 

A. Patujolo

1)      Tarbarita do panurirang Jesaya (sasada Jahowa do na paluahon), anak ni si Amos on "parjamita na gigih" dung mate panurirang Amos dohot Hosea; toho di bagasan taon hamamate ni Raja Uzia (Azarya) taon 738 sM di Juda dijou Jahowa do ibana gabe panurirangNa palumbahon bangso Juda naung di pintu ni uhuman ni Debata.

2)      Ditingki hadakdaknahonna di Judea, aman jala makmur do bangso Juda dohot Israel sian taon 781 – 740 sM. Alai dung mate panurirang Amos dohot Hosea mansai doras do haliluon (pardebata silebanon) manghuphupi ngolu ni halak Juda dohot Israel ( si 10 marga na di utara), dangoldangol ma parugamaon ni bangso  i mambahen mandao hasintongan dohot haporseaon (Jes.2: 7-16). Mago ma holong ni roha ai nunga manghaholongi dirina be pangisi ni Jerusalem dohot Juda mambahen tertindas angka na pogos, na gale dohot siotik partubu. Mangasa gogo do panurirang Jesaya dohot si Mika paulakhon roha ni bangso i tu Debata Jahowa marhite na pajongjonghon hasintongan, hatigoran dohot asi ni roha nian, alai mansai maol do bangso i ditogu sian dalan haliluon nasida, ai nunga sanga peam (mapan) nasida, mulai sian rakyat jelata sahat tu pemimpinna, manghalomohon parange dohot kebebasan ni halak sipelebegu i (Jes.2:2-3; 7:14; 11:1 ; Mik.4:1-2; 5:2).

3)      Saleleng 30 taon manangkas ndang mansadi si Jesaya dohot si Mika (760 – 690 sM) marjamita palumbahon bangso Juda dohot Jerusalem, alai huhut do manurat di istana ni Raja Jotam (756 – 741) na mangganti Amana, si Uzia naung leleng hona kusta (huliton) (2 Raja.15:32-38; 2 Kronika 27:1-9). Tutu adong nian perobahan di halak Juda, alai ndang mendasar (ndang sian nasa rohanasida) holan marganti baju sipaulaula sambbing do. Ala ni pangansion i, diuhum Jahowa ma nasida marhite sipelebegu, ro ma si Pekah, raja ni Israel dohot si Rezin, raja ni Damsyik (Damaskus) mamorangi Juda taon 735 sM, di tingki raja Ahas (741-727 sM – 2 Raja 16), nang pe mangido pangurupion si Ahas tu raja Assyur, Tiglatpeleser III (745 – 727 sM) menindas Juda. Timbul agressi di Juda dohot Israel na mansi jorbut, ala so ditangihon raja Ahas hata ni Debata pinasahat ni panurirang Jesaya dohot Mika. Ro ma muse raja Sargon V menindas (727-722 sM), diuduti dohot haroro ni raja Sargon II taon 722-702 sM disusul raja Sanherib (705-681 sM), dung tarbuang halak Israel tu Assyur taon 722 sM (Jes.7:28-31, 36-37).

4)      Dung marulakulak dipalumba si Jesaya bangsona anggiat paubahon rohana, maninggalhon dosa dohot hajahatonnasida (debata silebanna i ) sahat tu harorobur ni bangso i diuhum Jahowa marhite bangso sipelebegu, alai anggo na teba i, na so dohot tarbuang sian Juda/Jerusalem, gabe haroroan ni raja hadameon do sogot sian pinomparna (Isai) (Jes.11:1-16. Ala ni haluaon na bolon i, pinatupa ni Jahowa di bangsona, na tongtong marsihohot di haporseaonna tu Jahowa, huhut manghirim di bagabagaNa, gabe marlas ni roha situtu ma mamuji asi ni roha dohot denggan basa ni Jahowa na paluahon nasida; marende, marlas ni roha godang mandok mauliate tu Debata Sigomgom parluhutan i.

 

B. Hatorangan

1)      Ayat 1: Ganup roha mandok mauliate tu Debata, ima pengakuan (panolsolion) na nionjar ni jolma naung paubahon rohana, mananda dosana dohot mamilangmilangi tu dirina, na andul umbalga do asi ni roha dohot holong ni Debata sian dosa (hajahatonna) umbahen dipalua sian jea. Nasa paminsangon tutu, anggo di hamamasana, ndada las ni roha i hilalaon, tung arsak do; alai dung salpu i, diparbuehon do hatigoran na mardame di angka naung gabe somal marhite sian i (Heb.13:11). Alai dirimasi (dilinsingi) Jahowa do ganup ana hinaholonganNa asa mulak tu dalan hatigoran gabe mangolu jala horas Ibana mangarimasi, alai laos do mangapuli unang mandele (putus asa) (Pslm.32:11).

2)      Ayat 2: Panandaon na sintong pinarbuehon ni haporseaon na sintong, ido haroroan ni hagogoon di ganup na porsea marpangoloion di bagasan holong na polin pasangaphon Debata dohot manghatindanghonsa di bagasan roha mauliate, pinapatar ni ngoluna tu donganna jolma.

3)      Ayat 3: Ia pandohan on ima tudutudu tu haroro ni Sipalua i, Tuhan Jesus Kristus raja ni hadameon dohot hatuaon; na padamehon jolma tu Debata Jahowa, asa maruli aek hangoluan, i ma Hatana dohot Tondi Parbadia (Joh.7:37; Pslm.56:5; 118:8-9; Jer.17:5; Pslm.146:3).

4)      Ayat 4: Ari na sasada i manudu ari habobongotna tu harajaon ni Debata, ari haluaon dohot tingki hamonanganta maralohon dosanta, songon olopolop ni halak Israel mamboan poti Parpadanan ni Jahowa sian bagas ni si Obed Edom, halak Gat i, laho mameakhon tu undungundung naung pinarade ni si Daud di Jerusalem (1 Kronika 13 – 16:8 - Puji hamu ma Jahowa, baritahon hamu ma Goarna i, pabotohon hamu ma di tongatonga ni angka bangso angka pambahenanna i). Ndang tarhasiphon angka naung pinalua ni Jahowa las ni rohana, so ingkon hatindanghononna angka ulaon hagogoon pinatupa ni Jahowa di tongatonga ni bangsoNa i, ima Barita Nauli haluaon i, manogu sandok hajolmaon tu hangoluan saleleng ni lelengna. Alai holan angka na porsea i do na tongtong mamujimuji Goar ni Jahowa dohot manghatindanghon (mamaritahon) angka denggan basaNa. I do naung dibaritahon tu liat tano on, marulakulak gabe panindangion tu saluhut bangso ( Mat.18:19-20).

5)      Ayat 5: Mamuji Jahowa marhitehite ende partondion dibagasan haporseaon na mangolu; dibagasan las ni rohanta, dibagasan holong dohot dame, gabe panindangion na mangolu tu liat portibi on sian sundut tu sundut, songon batang aek na mangolu, na so mansohot mabaor sahat tu laut asi ni roha ni Jahowa, manghara jolma tu harajaon ni Debata marhitehite angka ende partondion mamuji Debata (Pslm 103: 1-5).

6)      Olopolop ni bangso ni Debata Jahowa di sandok portibi on sian sundut tu sundut dohot sian tingki-tu tingki, ima ala haluaon  na pinatupa ni Jahowa marhitehite Jesus Kristus, naung ro tu portibi on manopot hajolmaon, asa ditobus tu Ibana sada bangso na badia, ima huriaNa. Sian nasa bangso, houm, marga dohot nasa parhataan na di tano on, na tongtong marlas ni roha mamuji Debata manghatindanghonsa di hata dohot pambahenan. Ai tangkas diboto jala dihaporseai “Malua do ganup na manjou Goar ni Tuhan i” (Rom.10:13). Ditopot do bangsoNa (huriaNa) na marpanindangion, dilehon do TondiNa. Tondi Parbadia patoguhon panindangionna, pahothon haporseaon tu panghirimon na mangolu, sahat tu hangoluan na so ra suda (Joh.14:16:26; 15: 26-27).

 

C. Sipahusorhusoron.

1)        Diajari turpuk on do hita asa tongtong mandok maulite marhite angka ende pujipujian, marpsalmen. Tarlumobi na marhahonaan tu hajongjongan ni Debata Jahowa na gok asini rohaNa i, nang pe tarrimas Debata alai umbalga do HolongNa i na olo manesa angka dosanta. Mandok mauliate siala Debata i do haluaonta. Haluaon na pinarbagabagahon i, dipasahat tu bangsoNa uju ari ni “sada tunas sian tungko ni si Isai, jala marparbue sada tubis na tubu sian uratna.” (Jes.11:1) Ima songon padan tu angka bangso jala gabe sihol ni roha dohot las ni roha ni angka bangso. Di ari i ganup na porsea ingkon marendeende mangendehon sada ende pujian tu nasida sandiri dibagasan haluaon.

2)        Angka ende ende ni bangso na manarita i ala dipalua Debata. Songon halak na mauas jala mahiang di halongonan ala ni dosana i, dungi dilehon ma “mual ni aek haluaon” diusehon gabe las ni roha, olopolop dohot mauliate na so tarbatas ni manang aha pe (nang panaritaan pe). Ido alana ngolu partondion ni halak na porsea ima “mandok mauliate disaluhut” (bersyukur dalam segala hal-1 Tess.5:18), nang di las ni roha nang diarsak ni roha, dibagasan ponjot ni roha, didondoni sitaonon nang di haluangan ni roha, manang di uju marsahit manang di uju hipas. Ima mual ni aek haluaon na gabe apulapul na so marpansohotan, alai torus manorus sai ro dibagasan ngolunta. Ala ngolu parsatongkinan ndada na gabe ujung ni parngoluanta.

3)    Goar ni minggunta ima Minggu Advent na III hon, dijou do hita asa marlas ni roha,mamujimuji Tuhan i laho manomu Raja Hadameon i, ima Jesus Kristus i. Marolopolop Manomu Tuhan i, ima Topik ni minggunta, asa unang loas arsak nang sitaonon mambuat las ni roham, nang gok ni roham manjanghon Sipalua i dibagasan ngolum. Mansai bahat do usaha nang ulaula ni portibi on dipangke sibolis i laho mambuat las ni rohanta; diangka persoalan, hamaolon, harugian, sitaonon, nang sian tonga ni bagas, sian tonga parkarejoan, sian tonga ni masyarakat nang bangso mansai bahat ro angka masalah na boi mambahen jut jala marsak rohanta. Ala ni i boha do hita asa hot tongtong marlas ni roha dibagasan Tuhan i ? Ai nunga dipasohot jala diselesaihon arsak nang sitaonon bolon di hita jolma ima hamatean i. Marhite Jesus Kristus naung mate jala hehe sian na mate ima na mambahen las rohanta. Nunga ditaluhon sibolis, dosa nang hamatean i. Ala ni i di haroroNa napaduahalihon i tajanghon ma hamonanganta i di Ibana marhite na manaluhon sude siatonon nang persoalan dibagasan ngolunta mangasahon Jesus Kristus i. Johanes 16:33 Asa mardame hamu di bagasan Ahu, umbahen na huhatahon angka i tu hamu. Haporsuhon do jambarmuna di portibi on; alai pos ma rohamuna: Nunga talu hubahen portibi on.

4)        Sejatinya sukacita itu lahir dari hati, bukan bergantung pada situasi. Sukacita juga bukan semata-mata sifat bawaan, melainkan juga merupakan hasil dari keputusan pribadi kita. Menggantungkan sukacita pada sesuatu yang bersifat sementara akan menjadikan kita orang yang moody. Saat bisnis lancar, target tercapai, kesehatan prima, keluarga harmonis, kita bahagia. Namun, saat keadaan tak sesuai harapan, kita menjadi orang yang murung dan pesimis. Beda halnya juga jika kita bergantung pada sesuatu yang kekal. “Namun demikian janganlah bersukacita karena roh-roh itu takluk kepadamu, tetapi bersukacitalah karena namamu ada terdaftar di sorga.” – Lukas 10:20.

5)    3 Langkah Menjadi Pribadi Ceria. Pergumulan dan dinamika hidup kerap menyita fokus sehingga kita terkadang lupa pada tujuan surgawi. Karena itu, upayakan suasana hati kita baik setiap hari dengan tiga tips berikut:

                                i.       Awali Hari dengan Syukur: Daripada mengeluh, memikirkan pekerjaan atau beban, awalilah hari kamu dengan rasa syukur dengan segala anugerah Tuhan yang boleh kamu nikmati setiap harinya. Hati yang bersyukur akan membuat segalanya terasa lebih mudah dan ringan.

                            ii.          Ciptakan Keceriaan Pribadi; Memulai hari dengan kegembiraan tidak selalu mudah. Selain mengajak diri untuk bersyukur, lakukanlah hal-hal yang membuat hidup Kamu lebih ceria.

                             iii.        Berdamai dengan Diri Sendiri; Hanya orang yang berdamai dengan diri sendirilah yang bisa tetap bersukacita dan memancarkan keceriaan ke sekelilingnya. Ia sadar sepenuhnya bahwa tidak ada manusia yang sempurna, termasuk dirinya. Kesalahan-kesalahan kecil tidak serta-merta merusak suasana hatinya, kejadian-kejadian yang mengecewakan juga dijadikan sebagai sesuatu yang harus dilewati karena dengan demikian kita diproses. Selamat Advent III.