Jamita Minggu XXIV D.Trinitatis, 14 Nopember 2021

“Dungo Ma Hamu Unang Lilu”

 

      Ev. Markus 13 : 1 - 8                                                                       Ep. Daniel 12 : 1 – 9

A. Mansai godang jolma na longang ala ni haulion ni portibi on; haulion ni sada luat, dolok, tao, sunge, nang angka na asing. Tamba ma na mambahen angka halongangan na binahen ni jolma marhite angka parbinotoanna di kemajuan pembangunan di sektor-sektor na marrgam; transportasi, kesehatan, tehknik bangunan, inovasi-inovasi na asing. Dibagasan turpuk dipaboa do na longang roha ni angka isean ni Jesus mamingkiri Bagas Joro ni Debata na pinatupa si Herodes na pinajongjong saleleng 46 taon. Jala bangunan i do na dumenggan renovasina sian na hea binahen renovasi  na sian parjolo songon masa ni si Ezra dohot si Nehemia. Holan sian na parjolo dipajongjong  si Salomo do na boi patudoson haulion ni Bagas joro na ni renovasi si Herodes. Aha do tujuan ni si Herodes? Ima asa holan laho gabe ambisi na so pola maol be laho mangarajai Judea, asa marhite prestasina i gabe niokuan ma pambahenanna i.

Di manang dia pe sai adong jolma na bermaksud si songon i. Di tonga huria boi doo adong sangkap ni sahalak ruas ni huria laho mangalehon sumbangan, manang pelean na godang boi do marhite na membangun ruangan nang bagian ni gareja dohot biaya na mansai godang situtu. Dianggap nasida do memang songn peleanna i tu Debata, alai dilaonlaon ni ari molo adong parbadaan di huria i, boi do gabe sian “peleanna i” ibana manghatai ibana dohot lomolomona tu pangula ni huria manang tu huria i. Tudos dohot angka sisuan bulu di tonga ni huria asa ima asangasang na di hormati, diargahon ruas ni huria nasida jala asa adong pengakuan. Tung sala pe haduan na binahenna, tung so boi do huria laho mangantoi (bolas ma songon i, ala mamereng na binahenna sumbangan na balga tu huria i). Bangkol roha ni huria pajongjong hatigoran na hombar tu Hata ni Debata sian hata ni jolma. Gabe gumogo do haportibion mangarajai huria sian Hata ni Debata.

B.     Huria ni  Tuhanta. Ia Bagas joro ni Debata di halak Jahudi sada simbol identitas na kebanggaan di nasida. Bagas Joro ima na pasadahon angka halak Jahudi. Tu si ma marroan sahali sataon angka halak Jahudi sian desa na ualu ni portibon laho mamestahon ari Raya Paskah. Hatiha dao nasida mangaranto manang marhuta sada, sai diingot do martangiang ala ingkon mardompanghon Bagas Joro na di Jerusalem i do. Ndang sadia arga ni na laho merenovasi Bagas Joro i martimbanghon pengakuan; lam hot hahotan ni sada bagas jala gabe hot ma habangsana.

C.    Dipatorang Jesus do bagabaga halelengse ni bagas Joro ni Debata, laos ala ni ido angka sisean i gabe sungkunsungkun di alus ni Jeus i. Dungi dipatorang Tuhan Jesus muse ia halelengse ni Bagas Joro i ima partinandaan na ro ma tingkina ari parpudi, marhite angka parporangan, bencana alam, angka sipalilu, dohot angka parange na so ture. Saluhutna i songon tanda ni mulamula ni angka na naeng masa angka haporsuhon di ari parpudi. Dipatogu Tuhan Jesus do roha ni angka siseanNa i, ndang pasombuonNa jala tadinghononNa angka na porsea i, jala barita Na Uli ingkon do sibaritahononhon. Saluhutna i dipasahat Tuhan Jesus asa margogo angak siseanNa i jala satia marsihohot mamaritahon Barita Na Uli. Nang pe na mangihuthon Tuhan Jesus maralo molo mangihuthon portibi on; na saluhutno mangigil sude prosesna asa lam humatop salose, angka roha egoisme, hamongkuson, na so marroha, na mangalului haluaonna sandiri. Ala ni i disosohon Jesus hita laho mamparrohahon angka on:

1. Habibinsar ni angka pangajari haliluon (panurirang pargapgap); Godang do sogot na manoluk goar ni Tuhan Jesus hape laho paliluhon torop jolma. Lapatanna godang ma angka na manghatindanghon dirina Mesias (Kristus), jala boido bahenonna angka halongangan na manait torop roha ni jolma asa porsea. Masa do i najolo taon 66 di halak Jahudi na marbagabagahon haroro ni Mesias di Revolusi ni halak Jahudi. Godang na mandok dirina Mesias na manguluhon paraloan tu pamarenta Romawi uju i, songon Theudas na manghatindanghon na boi ibana mamola Aek Jordan. Alai saluhut angka panurirang pargapgap i ndada najolo masa. Ai di taon 1983, adong do na margoar David Koresh na manghatindanghon kemampuanna manjalo pangungkapon jala na pinillit laho paluahon portibi on. Jala diokui ibana do dirina songon mesias. Hape tarbongkar ma haliluonna i dunghon mate ibana dohot angka na porsea di ibana 80 halak di Waco- Texas. Dungi adong muse sian Huria Groeing in Grace di South Florida na mandok dirina Jesus Kristus ima Jose Luis De Jesús Miranda. Alai ndang dihaporsea i parulaonna na so hombar tu pangalaho Mesias. Haroroanna sian Puerto Rico, De Jesus sian umur 14 taon nunga mamangke narkoba jala jotjot do  masuk tu penjara ala ni hajahatonna. Sian angka bukti i, mansai godang do na mangaku dirina Mesias alai angka pargapgap sian partingkian na marasingasing, jadi ndada andorang halelengse ni bagas Joro ni Debata.

2. Masa angka porang, lalo nang haraparon; sian ayat 8 tangkas do masa nang di tonga portibi on, parporangan sian Bangso Rom dohot Partia nang perang saudara dunghon masa ni Kaisar Nero (68-69 Masehi), haraparon di masa Kaisar Claudius, nang lalo na masa di huta Kolose, Laodikia, Kreta dohot Smirna. Jala sahat tu partingkianta angka i saluuhtna sai masa dope di portibi on nang di negaranta Indonesia.

3. Haporsuhon na masa tu angka na porsea. Di ayat 9 molo tajaha disi dipaingot Tuhan Jesus do angka siseanna asa jaga nasida. Na masa do i di tingki na mangihut tu angka sisean ni Jesus na gabe angka apostel (tajaha di Ulaon Apostel) dohot tu angka na porsea di masa pamarenta Rom. Jala hamaolon, pangaleleion, nang haporsuhon ni halak na porsea ala ni haporseaonna sahat tu partingkianta saonnari tongtong dope masa i. Isarana di Korea Utara, olo adong dibereng ulaon parugamaon didok doi pambarontakan tu na manomba Kim Jong Il dohot amangna. Molo tardapot angka halak Kristen, ditangkup do nasida jala digosagosa jala di bunu.

Hamuna angka ruas ni huria na hinaholongan dibagasan Jesus Kristus.

Sian saluhut angka tanda na pinasahat ni Jesus tu angka siseanNa nang tu hita angka na porsea, sasintongna na naung somal do masa sian partingkian tu partingkian. Ala ni i aha do lapatan ni  i dipatorang Jesus tu hita? Ima asa jaga ma hita. Molo tabereng di partingkian sisaonnari on nunga lam torop jolma na manengahon dirina di angka naung adong di ibana; Arta, jabatan, haulion ni daging. Sai dipangasahon doi asa adong pengakuan ni jolma tu ibana naung hebat, mamora, terpandang, berkelas. Na deba nari mangasahon parbinotoanna, hapistaranna, prestasina nang halobianna na asing. Mauliate ma di Tuhanta molo sian dalan na patut i jaloonna, boha ma molo sian dalan na so patut; ima sian dalan na roa, angka koruptor na naeng hatop mamora, angka parjahat na naeng mambahen dirina asa terpandang jala sangap sian dalan na so denggan manang manipu, penindas, pemeras. Tabereng ma fenomena sinuaeng on di era digitalisasi, internetisasi, Media sosial sai hira gabe na ingkon patuduhon dirina cukup hebat, berkelas. Angka remaja tanggung na korban gaya, viral tik tok na konyol na gabe korban nyawa asa hebat alai ndang terdidik. Nang angka na asing. Tapangke ma sude angka kemajuan tehknologi tu hal-hal na wajar, positif dohot na berpengaruh baik, mendidik tu sude halak.

 Ala ni i di hita hura ni Tuhanta molo so hot dasor ni haporseaonta pintor mura do malengse manang hancur saluhutna i. Fondasi iman percaya kita haruslah kuat. Itu semua karena kita mau dibangun diatas dasar Kristus Jesus Sang Juru slamat kita.

Ala ni i adong pigapiga hal na ingkon siparrohahononta asa:

1.       Dungo jala jaga ma hita di angka partingkian ni ngolunta. Unang ma lemba rohanta asa marsihohot haporseaonta di Jesus Kristus marhite Hata na i na gabe panondang di ngolunta, na gabe hagogoon ni haporseaonta. Songon si Daniel dipaingot do marhite pangungkapon na masa tu Ibana; marbisuk ma jala gabe marsinondang ma. Halak na sai mian dibagasan Hata ni Debata dapotan habisuhon na sian Debata, jala biar mida Jahowa do mual ni habisuhonta (Poda 1:7). Jala tarjou do hita na porsea pasahathon nang pararathon Barita na uli i tu humaliangta, marhite i tung godang do na tartogu tu hatiuron ni Kristus Jesus. Dungo jala jaga asa adong sikap hati-hati manang waspada selalu dalam segala hal, digombarhon Jesus do i songon lima boruboru na oto dohot na bisuk. Molo baoruboru na bisuk i, diparade hian do miak ni palitona asa disi ro pangoli i (Ima Tuhanta Jesus i), sai hot marsinondang palitona. (Dalam Matius 25:5 dikatakan tetapi karena mempelai itu lama tidak datang-datang juga, mengantuklah mereka semua lalu tertidur. Dalam King James Version, while the bridegroom tarried, they all slumbered and slept. “Mengantuklah” dalam bahasa Inggris digunakan kata “slumbered”. Slumbered adalah kondisi sangat mengantuk tapi masih berusaha bertahan untuk terbangun. Di jalan tol, banyak kecelakaan yang terjadi itu dikarenakan mengantuk, itulah slumbered. Dungo ma hita unang lilu.

2.       Sai tongtong jonok dohot Tuhan Jesus Kristus. Tuhanta i do na sai mandongani hita di na mamolus sandok ngolu on. Asa disi ro pe angka hamaolon, haporsuhon bolon, ndang pintor lomos rohanta. Naung ditaluhon Jesus do portibi on marhite hamamate dohot haheheonNa sian na mate i. Naung monang do Jesus manaluhon portibi on, sibolis dohot hamatean. (Rom

8:38 – 39 “Ai gomos do ditiop rohangku: Ndang tarbahen sirang hita sian holong ni roha ni Debata, na di bagasan Kristus Jesus Tuhanta i: Manang bahenon ni hamatean manang hangoluan, nang bahenon ni angka surusuruan nang angka harajaon, nang na masa nuaeng, nang na masa sogot, nang angka hagogoon pe, manang bahenon ni na di ginjang nang na di toru, ro di nasa na tinompa pe.”) Dungi didok Jesus muse di Johanes  16:33 Asa mardame hamu di bagasan Ahu, umbahen na huhatahon angka i tu hamu. Haporsuhon do jambarmuna di portibi on; alai pos ma rohamuna: Nunga talu hubahen portibi on.